పెళ్లి చేసుకుంటే తమ మధ్య ఉన్న స్నేహం చెడిపోతుందన్న ఉద్దేశంతో అయిదుగురు స్నేహితులు పెళ్లి జోలికి వెళ్లకూడదని ఒట్టు వేసుకుంటారు. వాళ్లల్లో ఓ యువకుడు ఒట్టు తీసి గట్టు మీద పెడతాడు. ఆ తర్వాత ఏమవుతుందన్న కథాంశంతో తమిళంలో తెరకెక్కిన చిత్రం ‘కప్పల్’. కార్తీక్ జి. క్రిష్ దర్శకత్వంలో వైభవ్, సోనమ్‌బజ్వా జంటగా రూపొందిన ఈ చిత్రాన్ని ‘పాండవుల్లో ఒకడు’ పేరుతో దర్శకుడు మారుతి తెలుగులో విడుదల చేయనున్నారు.
 
 నటరాజన్ శంకరన్ స్వరపరిచిన ఈ చిత్రం పాటలను హీరో నాని ఆవిష్కరించి, సీడిని సీని యర్ దర్శకుడు కోదండరామిరెడ్డికి అంద జేశారు. ‘అల్లరి’ నరేశ్, ఎగ్జిక్యూటివ్ నిర్మాత రాజేశ్ పులి, సహనిర్మాతలు కృష్ణ సతీశ్, నల్లిపూడి రాంజీ తదితరులు పాల్గొన్నారు.