రచయిత రాకేందు మౌళి హీరోగా ఓ సినిమా రూపొందుతోంది. హరీష్‌ కేవీని దర్శకుడిగా పరిచయం చేస్తూ మేజిన్‌ మూవీ మేకర్స్‌ పతాకంపై సయ్యద్‌ నిజాముద్దీన్‌ నిర్మిస్తున్న చిత్రం హైదరాబాద్‌లో ప్రారంభమైంది. కల్పిక కథానాయిక. రాకేందుమౌళి–కల్పిక–కృష్ణ భగవాన్‌లపై చిత్రీకరించిన మొదటి సన్నివేశానికి నటి సోనీ చరిష్టా కెమెరా స్విచ్చాన్‌ చేయగా, నిర్మాత బెక్కెం వేణుగోపాల్‌ (గోపి) క్లాప్‌ ఇచ్చారు. నిర్మాత సయ్యద్‌ నిజాముద్దీన్‌ గౌరవ దర్శకత్వం వహించారు. ‘మాకొక మంచి లాయర్‌ కావాలని అడిగితే మీ పేరు చెప్పారు’ అని హీరో, హీరోయిన్‌ అంటే... ‘అయితే మీకెవరో తప్పు చెప్పారు. నేను లాయర్‌ని మాత్రమే. మంచి లాయర్‌ని మాత్రం కాదు’ అంటూ కృష్ణ భగవాన్‌ చెప్పే సన్నివేశాన్ని మొదటి షాట్‌గా చిత్రీకరించారు. సయ్యద్‌ నిజాముద్దీన్‌ మాట్లాడుతూ– ‘‘నెల్లూరు నేపథ్యంలో కథ ఉంటుంది. హిలేరియస్‌ ఎంటర్‌టైన్‌మెంట్‌తో సాగే క్రైమ్‌ కామెడీగా రూపొందిస్తున్నాం’’ అన్నారు. ‘‘నన్ను, నా కథను నమ్మి దర్శకుడిగా అవకాశం ఇచ్చిన సయ్యద్‌ నిజాముద్దీన్‌కి థ్యాంక్స్‌’’ అన్నారు హరీష్‌. రాకేందు మౌళి, కల్పిక, నటులు ‘థర్టీ ఇయర్స్‌’ పృధ్వీ, కళ్యాణ్‌ విట్టల (‘అర్జున్‌రెడ్డి’ ఫేమ్‌) పాల్గొన్నారు. ఈ చిత్రానికి కెమెరా: రామిరెడ్డి.  

సూర్యతేజ, ‘కబాలి’ ఫేమ్‌ సాయి ధన్సిక, అలీ, మంజు, సోనీ చరిష్టా ముఖ్య తారలుగా శ్రీపురం కిరణ్‌ దర్శకత్వంలో సంతోష్‌ కొంక నిర్మించ నున్న ‘మేళా’ ఆదివారం హైదరాబాద్‌లో ప్రారంభమైంది. అలీ మాట్లాడుతూ– ‘‘సాయి ధన్సిక మంచి నటే కాదు, మార్షల్‌ ఆర్ట్స్‌ కూడా నేర్చుకుంది.  ఈ సినిమాలో మంచి రోల్‌లో కనిపించనుంది. శ్రీపురం కిరణ్‌ 30 ఏళ్లుగా తెలుసు. నెమ్మదిగా ఎదుగుతూ  దర్శకుడి స్థాయికి చేరుకున్నారు’’ అన్నారు. శ్రీపురం కిరణ్‌ మాట్లాడుతూ– ‘‘ముంబయ్‌లో నేను చూసిన ఓ వాస్తవ సంఘటన ఆధారంగా ‘మేళా’ కథ తయారు చేశా. ఇన్వెస్టిగేటివ్‌ హారర్‌ థ్రిల్లర్‌ ఇది. ఇలాంటి కథను తెరకెక్కించాలంటే నిర్మాతకి ప్యాషన్‌ ఉండాలి. అలాంటి నిర్మాత సంతోష్‌గారు’’ అన్నారు. ‘‘రెండు నెలలు క్రితం కిరణ్‌గారు కథ చెప్పినప్పుడు నేను థ్రిల్‌ అయ్యాను. నా క్యారెక్టర్‌ డిఫరెంట్‌గా ఉంటుంది’’ అన్నారు సాయిధన్సిక. నిర్మాత సంతోష్, సూర్యతేజ, మాగ్నస్‌ మీడియా మహిధర్, మంజు, సోని చరిష్టా, కెమెరామెన్‌ మురళీమెహ రెడ్డి, మ్యూజిక్‌ డైరెక్టర్‌ సుక్కు తదితరులు పాల్గొన్నారు.


  శ్రీబాలాజీ, సోని చరిష్టా, కృష్ణ, రిషిక, రఘు, సరి ప్రధాన పాత్రధారులుగా రూపొందిన చిత్రం ‘నాకైతే నచ్చింది’. త్రినాథ్ కోసూరు దర్శకుడు. ఎ.పి.రాధాకృష్ణ నిర్మాత. ఈ చిత్రం సెన్సార్ పూర్తి చేసుకుంది. అతి త్వరలోనే సినిమాను ప్రేక్షకుల ముందుకు తెస్తామని ఎగ్జిక్యూటివ్ నిర్మాత బి.ఆర్.రాజు తెలిపారు. మణిశర్మ స్వరాలందించిన ఈ చిత్రం పాటలకు అద్భుతమైన స్పందన లభించిందని, త్రినాథ్ జనరంజకంగా సినిమాను మలిచాడని నిర్మాత చెప్పారు. ఈ చిత్రానికి కెమెరా: పి.ఆర్.కె.రాజు, సహ నిర్మాత: ఎం.మలర్‌కొడి.
  


 శ్రీబాలాజీ, కృష్ణ, రఘు ప్రధాన పాత్రధారులుగా రూపొందుతోన్న చిత్రం ‘నాకైతే నచ్చింది’. త్రినాథ్ కోసూరి దర్శకుడు. ఎ.పి. రాధాకృష్ణ నిర్మాత. చిత్రీకరణ పూర్తి చేసుకున్న ఈ చిత్రం పోస్ట్ ప్రొడక్షన్ దశలో ఉంది. డిసెంబర్ 8న పాటలను విడుదల చేసి, అదే నెలలో సినిమాను విడుదల చేస్తామని కార్యనిర్వాహక నిర్మాత బి.ఆర్.రాజు తెలిపారు. మైండ్‌గేమ్ నేపథ్యంలో సాగే కథ ఇదని నిర్మాత చెప్పారు. సోని చరిష్టా, రిషిక, సిరి కథానాయికలుగా నటిస్తున్న ఈ చిత్రానికి కథ: సాగ, మాటలు: చందు, సికిందర్, కెమెరా: పి.ఆర్.కె.రాజు, ఎడిటింగ్: నందమూరి హరి.