అర్జున్‌ హీరోగా నటిస్తున్న చిత్రం ‘ఇద్దరు’. ఎస్‌.ఎస్‌.సమీర్‌ దర్శకత్వంలో ఫర్‌హీన్‌ ఫాతిమా నిర్మిస్తున్నారు. తెలుగు–తమిళ–కన్నడ భాషల్లో రూపొందుతున్న ఈ చిత్రంలో రాధికా కుమారస్వామి, సోనీ చరిష్టా, జె.డి. చక్రవర్తి, కళాతపస్వి కె.విశ్వనాధ్, హీరో ఆమిర్‌ ఖాన్‌ సోదరుడు ఫైసల్‌ ఖాన్‌ ముఖ్యపాత్రల్లో నటిస్తున్నారు. శనివారం అర్జున్‌ జన్మదినాన్ని పురస్కరించుకుని ‘ఇద్దరు’ చిత్రంలోని ప్రత్యేక గీతాన్ని దర్శకుడు బోయపాటి శ్రీనుతో చిత్రబృందం విడుదల చేయించింది. ‘‘అర్జున్‌గారితో కలిసి నేను చేసిన స్పెషల్‌ సాంగ్‌ బోయపాటి సార్‌ విడుదల చేయడం చాలా ఆనందంగా ఉంది’’ అన్నారు సోనీ చరిష్టా. ఈ పాట విడుదల కార్యక్రమంలో నిర్మాత మిర్యాల రవీందర్‌ రెడ్డి, చిత్ర సహనిర్మాత శశిధర్‌ రెడ్డి పాల్గొన్నారు.

నటుడు అర్జున్‌పై కన్నడ నటి శ్రుతీ హరిహరన్‌ లైంగిక వేధింపుల ఆరోపణలు చేసిన సంగతి తెలిసిందే. శ్రుతికి మద్దతు ఇస్తున్నట్లు ట్వీట్టర్‌ ద్వారా తెలిపారు మరో కన్నడ నటి శ్రద్ధా శ్రీనాథ్‌. ‘‘2016 నవంబర్‌లో ఓ టాక్‌ షో టైమ్‌లో శ్రుతీ నాకు ఈ సంఘటన చెప్పింది. కాకపోతే అప్పుడు పేరు చెప్పలేదు. ఏం జరిగిందో ఇప్పుడు బయటకు చెప్పింది’’ అని పేర్కొన్నారు శ్రద్ధా. ఆ తర్వాత తాను ఎదుర్కొన్న ఓ చేదు అనుభవాన్ని షేర్‌ చేశారు శ్రద్ధా. ‘‘ఓసారి బెంగళూరు నుంచి కొచ్చిన్‌కి బస్‌లో వెళుతున్నాను. ఓ వ్యక్తి చేయి నన్ను అసభ్యంగా తాకడంతో నిద్ర నుంచి మేల్కొన్నాను. అందుకు నా దగ్గర ఏటువంటి ఆధారం లేదు. ఆ చేదు అనుభవం మాత్రం మిగిలింది. ఈ సంఘటన జరిగినప్పుడు అతనితో పాటు, ఆ చేయితో కూడా ఓ సెల్ఫీ తీసుకొని ఉంటే అది సాక్ష్యంగా ఉండేదేమో?’’ అని పేర్కొన్నారామె. మరోవైపు శ్రుతీ హరిహరన్‌కు  నటుడు ప్రకాష్‌రాజ్‌ మద్దతు తెలిపారు. ‘‘నా వృత్తిపరమైన కారణాల వల్ల నా పేరును చెప్పదలచుకోలేదు. శ్రుతీ పట్ల నాకు పూర్తి విశ్వాసం ఉంది. అర్జున్‌తో ఓ సందర్భంలో ఇబ్బంది పడ్డాను. ముందు అతడిని ‘జెంటిల్‌మెన్‌’ అని పిలవడం ఆపండి’’అంటూ మరో మహిళ అర్జున్‌ను ఆరోపించినట్లుగా, ట్వీటర్‌లో పోస్ట్‌ చేశారు శ్రుతీ హరిహరన్‌. ఇదిలా ఉంటే అర్జున్‌ పరిపూర్ణమైన ‘జెంటిల్‌మెన్‌’ అంటూ ఆయనతో ‘కాంట్రాక్ట్‌’ సినిమాలో కలిసి యాక్ట్‌ చేసిన హీరోయిన్‌ సోనీ చరిష్టా పేర్కొన్నారు.

మీటూ ప్రకంపనలు సినీ ఇండస్ట్రీని కుదిపేస్తున్నాయి. హాలీవుడ్‌లో మొదలై బాలీవుడ్‌లో తారస్థాయికి చేరుకుంటున్న ఈ ఉద్యమంలో తాజాగా యాక్షన్‌ కింగ్‌ అర్జున్‌ పేరు రావడం సంచలనంగా మారిన విషయం తెలిసిందే. అయితే దీనిపై అర్జున్‌ కూడా సంజాయిషీ ఇచ్చుకున్నాడు. అయితే ఇదే విషయంపై మరో హీరోయిన్‌ స్పందించారు. అర్జున్‌ నటిస్తున్న తాజా చిత్రం ‘కాంట్రాక్ట్‌’లో నటిస్తున్న సోనీ చరిష్టా ఈ ఆరోపణలపై స్పందిస్తూ.. తనతో నటించే హీరోయిన్‌తో అసభ్యంగా ప్రవర్తించాడనే ఆరోపణని నమ్మలేకపోతున్నానని, కాంట్రాక్ట్‌ అనే చిత్రంలో ఆయనతో కలిసి నటించానని, ఆయన అసలుసిసలు జెంటిల్‌మెన్‌ అని అన్నారు.  ‘మీ టూ’ మెల్లగా పక్కదారి పడుతుందేమోననే అభిప్రాయాన్ని వ్యక్తం చేశారు. అర్జున్‌, సోనీ చరిష్టా నటించిన కాంట్రాక్ట్‌ చిత్రం షూటింగ్‌ పూర్తి చేసుకుని ప్రస్తుతం పోస్ట్‌ప్రొడక్షన్‌ పనులు జరుపుకొంటోంది.  

సూర్యతేజ్, ధన్సిక, సిమ్రాన్, సోని చరిష్టా ప్రధాన పాత్రల్లో రూపొందుతోన్న చిత్రం ‘మేళా’. కిరణ్‌ శ్రీపురం దర్శకత్వంలో మామిడి వెంకటలక్ష్మి సమర్పణలో సంతోష్‌ కుమార్‌ కొంకా నిర్మిస్తున్నారు. ఈ సినిమా టీజర్‌ని హాస్య నటుడు అలీ, కెమెరామెన్‌ ఎస్‌.గోపాల్‌ రెడ్డి విడుదల చేశారు.  కిరణ్‌ శ్రీపురం మాట్లాడుతూ– ‘‘మనం మాట్లాడటం కంటే పనే మాట్లాడాలనే దానికి మా సినిమానే నిదర్శనం. మూడు వేరియేషన్స్‌లో సాగుతుంది’’ అన్నారు. ‘‘మర్డర్‌ మిస్టరీ నేపథ్యంలో తెరకెక్కిన చిత్రమిది’’ అన్నారు సూర్యతేజ్‌. సిమ్రాన్, సోని చరిష్టా,  మ్యూజిక్‌ డైరెక్టర్‌ సుక్కు పాల్గొన్నారు. ఈ చిత్రానికి కెమెరా: ఎస్‌.మురళీమోహన్‌రెడ్డి, సహ నిర్మాత: పంతం అరుణ రెడ్డి.


  అన్నాచెల్లెళ్ల ప్రేమానుబంధాలతో ఇంతకుముందు చాలా చిత్రాలు వచ్చాయి. ఈ సెంటిమెంట్‌తో తెరకెక్కిన పలు చిత్రాలు విజయం సాధించాయి. అలాంటి మ రో వైవిధ్యభరిత కథా చిత్రంగా ప్రేక్షకుల ముందుకు రానున్న చిత్రం ఇంజిమురప్పా. హిల్స్ ప్రొడక్షన్స్ సంస్థ సమర్పణలో రాధాకృష్ణ ఫి లిం సర్క్యూట్ పతాకంపై ఎ.పి.రాధాకృష్ణన్ నిర్మిస్తున్న ఈ చిత్రానికి ఎస్.సహ దర్శకత్వం వహిస్తున్నారు. నవ నటుడు శ్రీ బాలాజీ హీరోగా పరిచయం అవుతున్న ఈ చిత్రంలో సోని శిష్టి హీరోయిన్‌గా నటిస్తున్నారు.
  
  ఇతర ముఖ్య పాత్రల్లో కృష్ణ, రిషిక, నెల్లై శివ, మనోహర్ తదితరులు నటిస్తున్నారు. మణిశర్మ సంగీ తాన్ని అందిస్తున్న ఈ చిత్రానికి పి ఆర్ కె రాజు చాయాగ్రహణ బాధ్యతలను నిర్వహిస్తున్నారు. చిత్ర వివరాలను దర్శకుడు తెలుపుతూ చె ల్లెలంటే ఎనలేని ప్రేమ గల అన్నయ్య ఆమె భవిష్యత్తును పూ లబాటగా మార్చాలని కలలు కంటుంటాడన్నారు.
  
  అ లాంటి చెల్లెలు ప్రేమ పేరుతో మోసపోవడంతో అ న్నయ్య ఎలాంటి నిర్ణయం తీసుకున్నాడన్నది చిత్ర కథ అన్నారు. హీరో హీరోయిన్ల ప్రేమ, చెల్లెలి అనుబంధం లాంటి పలు జనరంజకమైన అంశాలతో తెరకెక్కిస్తు న్న చిత్రం ఇంజిమురప్పా అని తెలిపారు. చిత్ర ఆడియోను త్వరలో విడుదల చేయనున్నట్లు దర్శకుడు ఎస్ సహ వెల్లడించారు.