Indonesian Youtuber Dances On Akshay Kumar's NazaNaza Song: కరోనా కల్లోలం తర్వాత థియేటర్లలో అడుగు పెట్టిన మొదటి బాలీవుడ్‌ చిత్రం 'సూర్యవంశీ'. బాలీవుడ్‌ యాక్షన్ హీరో అక్షయ్‌ కుమార్‌, కత్రీనా కైఫ్‌ జంటగా నటించిన ఈ చిత్రంలో రణ్‌వీర్‌ సింగ్‌, అజయ్‌ దేవగన్‌ అతిథి పాత్రల్లో మెరిశారు. రోహిత్‌ శెట్టి తెరకెక్కించిన ఈ సినిమా దీపావళి కానుకగా విడుదలై బాక్సాఫీస్‌ వద్ద బ్లాక్‌ బ‍్లస్టర్‌గా నిలిచింది. డిసెంబర్‌ 3, 2021న ప్రముఖ ఓటీటీ దిగ్గజ సంస్థ నెట్‌ఫ్లిక్స్‌లో కూడా విడుదలైంది. అయితే యాక్షన్‌ ఎంటర్‌టైనర్‌గా రూపొందిన ఈ చిత్రంలోని పాటలు కూడా ఎంతగానో అలరించాయి. ముఖ్యంగా 'నాజానాజా' పాటకు అక్కీ, కత్రీనా వేసిన స్టెప్పులు సినీ ప్రియులను చాలా ఆకట్టుకున్నాయి.  యూట్యూబ్‌లో దూసుకుపోతున్న ఈ పాటను నెటిజన్లు రీక్రియేషన్, స్ఫూప్‌లు చేస్తూ ఇన్‌స్టా  గ్రామ్‌ రీల్స్‌, షార్ట్స్‌ చేస్తున‍్నారు. తాజాగా ఈ పాటకు ఇండోనేషియాకు చెందిన ఓ యూట్యూబర్‌ జంట అద్భుతంగా డ్యాన్స్‌ చేసింది. సేమ్ అక్కీ-కత్రీనాలను అనుకరిస్తూ, సేమ్ వారి కాస్ట్యూమ్స్‌ ధరించి స్టెప్పులేశారు. కాగా వారు చేసిన డ్యాన్స్‌ వీడియోకు అక్షయ్‌ కుమార్‌ కూడా ఆశ్చర్యపోయాడు. ఈ ఇండోనేషియా జంట చేసిన వీడియోను సోషల్‌ మీడియాలో కూడా షేర్‌ చేశాడు. 'మీ రీక్రియేషన్‌ నాకు బాగా నచ్చింది. అద్భుతమైన ప్రయత్నం.' అంటూ పోస్ట్‌ చేశాడు అక్కీ. దీంతో ఈ వీడియో వైరల్‌గా మారింది.  Loved the recreation! Amazing effort. https://t.co/Mw8XINpbFU — Akshay Kumar (@akshaykumar) December 1, 2021 'నాజానాజా' పాటకు స్టెప్పులేసిన వినఫాన్‌ అనే యూట్యూబర్ ఇండోనేషియాలో చాలా పాపులర్‌. బాలీవుడ్‌ పాటలకు డ్యాన్స్‌లు చేస్తూ వాటిని సోషల్‌ మీడియాలో షేర్‌ చేస్తుంటాడు. అందులో భాగంగానే సూర్యవంశీలోని 'నాజానాజా' పాటను రీక్రియేట్‌ చేశాడు. ఇప్పటికే ఈ వీడియోకు 3.6 లక్షల వ్యూస్‌ వచ్చాయి.   

Rohit Shetty Real Life Story In Telugu: Unknown Facts About Him: రోహిత్‌ శెట్టి.. బాలీవుడ్‌ కమర్షియల్‌ హిట్‌ చిత్రాలకు కేరాఫ్‌ అడ్రెస్‌గా నిలిచారు. తాజాగా థియేటర్లలో విడుదలైన రోహిత్‌ శెట్టి సినిమా.. సూర్యవంశీ... వసూళ్లలో దూసుకుపోతుంది. లాక్‌డౌన్‌ అనంతరం విడుదలైన ఈ సినిమా బాక్సాఫీస్‌ సూపర్‌హిట్‌గా దూసుకుపోతుంది. ప్రస్తుతం సూపర్‌హిట్‌ చిత్రాల దర్శకుడిగా కోట్లలో పారితోషికం తీసుకుంటున్న రోహిత్‌శెట్టి తొలి సంపాదన ఎంతో తెలిస్తే.. ఆశ్చర్యపోతారు. బాలీవుడ్‌లో పని చేస్తున్న తొలి రోజుల్లో అతడి సంపాదన కేవలం 35 రూపాయలు మాత్రమేనట. సామాన్యులకయితే అనుకోవచ్చు.. కానీ అప్పటికే రోహిత్‌ శెట్టి తండ్రి పెద్ద నటుడు, స్టంట్‌మ్యాన్‌, కొరియోగ్రాఫర్‌ కూడా. అలాంటి రోహిత్‌శెట్టి కేవలం 35 రూపాయల వేతనం పొందడం ఆశ్చర్యం అనిపిస్తుంది. తాజాగా ఇచ్చిన ఓ ఇంటర్వ్యూలో రోహిత్‌ శెట్టి తన బాలీవుడ్‌ ప్రయాణం గురించి పలు ఆసక్తికర విషయాలు వెల్లడించాడు. ఆ వివరాలు.. (చదవండి: ఆల్రెడీ పెళ్లైన దర్శకుడిని ప్రేమించిన హీరోయిన్‌!) రోహిత్‌ శెట్టి తండ్రి ఎంబీ శెట్టి ప్రముఖ నటుడు, కొరియాగ్రాఫర్‌, స్టంట్‌మ్యాన్‌ కూడా. అప్పటికే ఆయనకు ఇండస్ట్రీలో మంచి గుర్తింపు ఉంది. ఇక తన 16వ ఏట నుంచి పని చేయడం ప్రారంభించానన్నాడు రోహిత్‌శెట్టి. కర్లీ టేల్స్‌కు ఇచ్చిన ఇంటర్వ్యూలో రోహిత్‌ మాట్లాడుతూ.. ‘‘ 16 ఏట నుంచే పని చేయడం ప్రారంభించాను. చీఫ్‌ అసిస్టెంట్‌ డైరెక్టర్‌గా పని చేసేవాడిని. అప్పటికే మా నాన్న గారు బాలీవుడ్‌లో ప్రముఖ నటుడు. అయినప్పటికి కూడా నా ప్రయాణం అంత సజావుగా సాగలేదు’’ అని తెలిపాడు. ‘‘బాలీవుడ్‌లో నా తొలి సంపాదన 35 రూపాయలు. ప్రతిరోజు రెండు గంటలపాటు నడిచి.. సినిమా సెట్‌కు చేరుకునేవాడిని. ఒక్కోసారి చేతిలో చాలా తక్కువ మొత్తం ఉండేది. ఆ డబ్బు ఖర్చు పెట్టి.. భోజనం చేస్తే.. ఇంటికి వెళ్లడానికి చార్జీలకు డబ్బులుండేవి కాదు. చార్జీలకు దాచుకుంటే.. తినడానికి ఉండేది కాదు. ఇక ముంబైలో ఉన్న  రోడ్లన్ని నాకు కొట్టిన పిండి. షార్ట్‌కట్స్‌ అని నాకు తెలుసు. ప్రస్తుతం కారులో వెళ్తున్నప్పుడు షార్ట్‌కట్‌ గురించి చెప్తే నా డ్రైవర్‌ నావైపు ఈయన గతంలో దొంగతనాలు చేసేవాడా ఏంటి అన్నట్లు అనుమానంగా చూస్తాడు’’ అని తెలిపాడు. మా నాన్నగారి స్టార్‌డం నాకు ఏవిధంగాను ఉపయోగపడలేదు. నా సొంతంగా ఎదిగి.. ఈ స్థాయికి చేరుకున్నాను అని తెలిపాడు.  (చదవండి: 100 కోట్ల మార్క్‌ను దాటిన సూర్యవంశీ.. ఓటీటీలో వచ్చేది ఎప్పుడంటే..?) ప్రస్తుతం రోహిత్‌ శెట్టి రణవీర్ సింగ్, జాక్వెలిన్ ఫెర్నాండెజ్, పూజా హెగ్డే ప్రధాన పాత్రల్లో రోహిత్ శెట్టి సర్కస్‌ చిత్రాన్ని తెరకెక్కిస్తున్నాడు. త్వరలోనే రోహిత్‌ శెట్టి తనకు మాత్రమే ప్రత్యేకమైన పోలీసు చిత్రంలో మహిళ ప్రధాన పాత్రలో ఓ చిత్రాన్ని తెరకెక్కించనున్నట్లు ప్రకటించిన సంగతి తెలిసిందే.  చదవండి: ఫీమేల్ పోలీస్‌ ఆఫిసర్‌ లీడ్‌లో రోహిత్‌ శెట్టి చిత్రం..

Rohith Shetty's Cop Universe Movie With A Female Officer: బాలీవుడ్‌ డైరెక్టర్‌ రోహిత్‌ శెట్టి యాక్షన్‌ సినిమాలకు పెట్టింది పేరు. ఇటీవల విడుదలైన ఆయన తాజా చిత్రం 'సూర్యవంశీ' బాక్సాఫీస్ వద్ద దూసుకుపోతోంది. అందులో సూపర్‌ స్టార్‌ అక్షయ్ కుమార్‌ను ఎంత పవర్‌ఫుల్‌ పోలీస్‌ ఆఫిసర్‌గా చూపించారో తెలిసిందే. మరీ అలాంటి పాత్రలో హీరోయిన్‌ను చూపిస్తే. అవును, అలాంటి  రోల్‌లో హీరోయిన్‌ పెట్టి సినిమా తీయాలనుంది అంటున్నారు డైరెక్టర్‌ రోహిత్ శెట్టి.   దర్శకుడు రోహిత్‌ శెట్టి ఓ ఇంటర్వ్యూలో తాను తీయబోయే కొత్త చిత్రం గురించి ఆసక్తికరమైన విషయం చెప్పారు. ఇంతకుముందు అతని సినిమాల్లో ఎక్కువ పారితోషికం తీసుకునే హీరోయిన్‌తో ప్రధాన పాత్రలో చేయించలేదని, తన విధానంలో స్త్రీ ప్రధాన పాత్రలో సినిమా తీస్తే ఎలా ఉంటుందో అని ఆలోచించానని తెలిపారు. అయితే భవిష్యత్తులో అలాంటి సినిమా ఒకటి ఉంటుందని స్పష్టం చేశారు. పోలీసుకు భార్య, గర్ల్‌ఫ్రెండ్‌ కంటే ఎక్కువగా మహిళా పోలీసు పాత్ర ఉంటుందన్నారు. అంటే తాను తీసే తర్వాతి కాప్ యూనివర్స్‌ చిత్రం పవర్‌ఫుల్ ఫీమేల్‌ పోలీసు అధికారి పాత్రలో ఉండవచ్చని ఊహించవచ్చు. ఒకవేళ అదే జరిగితే రోహిత్‌ శెట్టి కాప్ యూనివర్స్‌లో చేసే హీరోయిన్‌ యాక్షన్‌ సీన్స్‌లో అదరగొట్టేస్తుందన‍్నమాట. రొమాన‍్స్‌కు బదులు భారీ ఫైటింగ్‌లు, చేజింగ్‌లు కూడా ఉండే అవకాశం ఉంటుంది. ఇంతకీ ఈ కాప్‌ యూనివర్స్‌ నాలుగో సినిమాలో చేసే హీరోయిన్ ఎవరో వేచి చూడాలి. మరోవైపు సూపర్‌ స్టార్‌ అక్షయ్‌ కుమార్‌, కత్రీనా కైఫ్‌ ప్రధానపాత్రలో నటించిన సూర్యవంశీ ఆదివారం వరకు రూ. 151.23 కోట్లను వసూలు చేసింది. అయితే 'సూర్యవంశీ' బ్లాక్‌బస్టర్‌ విజయం ఇంకా ముగిసిపోలేదని డైరెక్టర్‌ రోహిత్‌ శెట్టి అన‍్నారు. ఈ సినిమా విడుదల 19 నెలల కఠినమైన యుద్ధం అని, తాను అతని బృందం కరోనా, దేశవ్యాప్త లాక్‌డౌన్‌తో సాగిన పోరాట ఫలితమన్నారు. 

బాలీవుడ్‌ హీరో అక్షయ్‌ కుమార్‌ నటించిన భారీ బడ్జెట్‌ చిత్రం సూర్యవంశీ. ఈ సినిమా దీపావళి కానుకగా నవంబర్‌ 5న థియేటర్లలో విడుదలైన సంగతి తెలిసిందే. బాక్సాఫీస్‌ వద్ద కలెక్షన్లతో దూసుకెళ్తున్న ఈ చిత్రం.. రిలీజైన తొలిరోజే రూ. 26 కోట్లు వసూలు చేసింది. నాలుగో రోజులకే రూ.100 కోట్ల మార్కును దాటింది. మొదటి వారం చివరిలోగా రూ.120 కోట్ల మార్కును దాటనున్నట్లు సినీ వర్గాలు అంచనా వేస్తున్నాయి. అయితే ఇప్పుడు దర్శక నిర్మాతలు సూర్యవంశీని ఓటీటీలోకి తీసుకరానున్నారు. ఇందుకుగాను నెట్‌ఫ్లిక్స్‌తో భారీ డీల్‌ కుదుర‍్చుకున్నట్లు సమాచారం. డిసెంబర్‌ మొదటి వారంలో నెట్‌ఫ్లిక్స్‌లో రిలీజ్‌ చేసేందుకు అవకాశమున్నట్లు తెలుస్తోంది.  సూర్యవంశీకి పెద్ద హిట్ ఇచ‍్చినందకు ప్రేక్షకులకు అక్షయ్‌ కుమార్‌ కృతజ్ఞతలు తెలిపారు. ఇన్‌స్టాలో గూఫీ వీడియోతో థ్యాంక్స్ చెప్పారు. 'ఇలా గూఫీ గిగ్ చేసినందుకు క్షమించండి.. నేను సంతోషం పట్టలేకున్నాను. సూర్యవంశీని ఇంతలా ఆదరించినందుకు థ్యాంక్‌ యూ' అని పోస్ట్‌ చేశారు.  View this post on Instagram A post shared by Akshay Kumar (@akshaykumar) రోహిత్‌ శెట్టి దర్శకత్వం వహించిన సూర్యవంశీలో హీరోయిన్‌గా కత్రీనాకైఫ్‌ నటించారు. అజయ్‌ దేవగణ్‌, రణ్‌వీర్‌ సింగ్‌ ఇతర కీలకపాత్రల్లో నటించిన ఈ చిత్రాన్ని రిలియన్స్‌ ఎంటర్‌టైన్‌మెంట్‌, రోహిత్‌ శెట్టి పిక్చర్స్‌, ధర్మ ప్రొడక్షన్స్‌, కేప్‌ ఆఫ్‌ గుడ్‌ ఫిలిమ్స్‌ కలిసి సంయుక్తంగా నిర్మించాయి.