.... అంటున్నారు బాలీవుడ్‌ బ్యూటీ మల్లికా శెరావత్‌. సుధీర్‌ మిశ్రా దర్శకత్వంలో ఆమె నటించిన తాజా చిత్రం ‘దాస్‌ దేవ్‌’. ముంబయిలో నిర్వహించిన ఈ సినిమా ప్రత్యేక ప్రదర్శనకు మల్లిక హాజరయ్యారు. ఇండియాలో పెరిగిపోతున్న అత్యాచారాలపై ఆమె మీడియా ఎదుట స్పందించారు. ‘‘ఇండియాలో మహిళలు, చిన్న పిల్లలపై అత్యాచారాలు సిగ్గుచేటు. మహాత్మా గాంధీజీ తిరిగిన ఈ దేశం ఇప్పుడు అత్యాచారాలకు అడ్డాగా మారింది. ఇలాంటి సమయంలో దేశ ప్రజలు మీడియాపైనే ఆశలు పెట్టుకున్నారు. అసలు మీడియా లేకపోతే కథువా, ఉన్నావ్‌లో జరిగిన ఘటనలు బయటికి వచ్చేవే కావు. మీడియా తెచ్చిన ఒత్తిడి వల్లే మైనర్లపై అత్యాచారాలకు పాల్పడేవారికి ఉరిశిక్ష విధించాలన్న కొత్త చట్టం వచ్చింది. ఇందుకు మీడియాకు థ్యాంక్స్‌’’ అన్నారు మల్లికా శెరావత్‌.  


 సుపథం మార్గంలో శ్రీవారిని దర్శించుకున్న ఆర్మీ చీఫ్‌
 తిరుపతి(అలిపిరి): తిరుమల శ్రీ వేంకటేశ్వర స్వామిని ఇండియన్‌ ఆర్మీ చీఫ్‌ జనరల్‌ బిపిన్‌ రావత్‌ గురువారం నిరాడంబరంగా దర్శించుకున్నారు. కుటుంబ సమేతంగా సామాన్య భక్తులతో కలసి సుపథం మార్గంలో ప్రత్యేక ప్రవేశ దర్శనం చేసుకున్నారు. రావత్‌ కుటుంబం, జవాన్లు ముందస్తుగా రూ.300 ప్రత్యేక ప్రవేశ దర్శన టికెట్లు పొందారు. సామాన్య భక్తులతో పాటుగా ముందుకు కదిలిన రావత్‌ ఆలయంలోని శ్రీవారి సేవకులను పలకరించారు. తిరుమల జేఈవో శ్రీనివాస రాజు, అదనపు సీవీఅండ్‌ఎస్‌వో శివకుమార్‌రెడ్డిలు శ్రీవారి దర్శన ఏర్పాట్లు చేశారు. దర్శనానంతరం రావత్‌ దంపతులకు రంగనాయకుల మండపంలో అర్చకుల ఆశీర్వచనాల నడుమ శ్రీవారి చిత్రపటం, తీర్ధప్రసాదాలను అందజేశారు.


 ప్రస్తుతం సౌత్ ఇండస్ట్రీలో ఫ్యామిలీ మల్టీ స్టారర్ల సీజన్ నడుస్తోంది. ఒకే ఫ్యామిలీ నుంచి వచ్చిన హీరోలు తెరను పంచుకోవడానికి ఇంట్రస్ట్ చూపిస్తుంటే, అభిమానులు కూడా ఈ తరహా సినిమాలకు భారీ కలెక్షన్లను సాధించిపెడుతున్నారు. ఇప్పటి వరకు ఎక్కువగా టాలీవుడ్లోనే కనిపించిన ఈ ఫార్ములా ఇప్పుడు కోలీవుడ్ స్క్రీన్ మీద కూడా సందడి చేయనుంది. ఒకే ఫ్యామిలీ నుంచి వచ్చిన ఇద్దరు స్టార్ హీరోలు స్క్రీన్ షేర్ చేసుకోవడానికి రెడీ అవుతున్నారు. ఈ ఇద్దరు హీరోలకు తెలుగులో కూడా మంచి ఫాలోయింగ్ ఉండటంతో ఈ సినిమా సౌత్ ఇండస్ట్రీలో హాట్ టాపిక్గా మారింది.
 
 తమిళ్తో పాటు తెలుగులో కూడా భారీ ఫాలోయింగ్ ఉన్న స్టార్ హీరోలు సూర్య, కార్తీ. ఈ ఇద్దరు హీరోలకు సౌత్ ఇండస్ట్రీలో మంచి మార్కెట్ ఉంది. అందుకే వీళ్లు హీరోలుగా నటించిన సినిమాలు టాలీవుడ్లో తెలుగు సినిమా స్థాయిలో భారీగా రిలీజ్ అవుతాయి. ఇటీవల 24 సినిమాతో టాలీవుడ్ మార్కెట్లో సంచలనాలు నమోదు చేసిన సూర్య త్వరలో సింగం 3తో మరోసారి మ్యాజిక్ చేయడానికి రెడీ అవుతున్నాడు. ఇప్పటికే షూటింగ్ పూర్తి కావచ్చిన ఈ సినిమాతో అభిమానులకు డబుల్ ట్రీట్ ఇవ్వడానికి రెడీ అవుతున్నాడు.
 
 సింగం సీరీస్లో తొలి రెండు భాగాలకు దర్శకత్వం వహించిన హరి, ఈ సినిమాను కూడా డైరెక్ట్ చేస్తున్నాడు. సూర్య సరసన అనుష్క, శృతిహాసన్లు హీరోయిన్లుగా నటిస్తున్న ఈ సినిమాలో సూర్య తమ్ముడు కార్తీ కీలక పాత్రలో కనిపించనున్నాడట. రెండు కీలక సన్నివేశాలతో పాటు ఓ పాటలోనూ సూర్య, కార్తీలు కలిసి నటిస్తున్నారన్న టాక్ వినిపిస్తోంది. అయితే ఇప్పటి వరకు చిత్రయూనిట్ అఫీషియల్గా ఎనౌన్స్ చేయకపోయినా, అభిమానులు మాత్రం ఈ వార్తతో పండగ చేసుకుంటున్నారు.


 వివాదాలతో ఎప్పుడూ వార్తల్లో ఉండే సెక్సీ హాటీ సాక్షి ప్రధాన్.. శాండల్‌వుడ్‌లో ఐటమ్ బాంబ్ వేయడానికి సిద్ధంగా ఉంది. బిగ్‌బాస్ తదితర రియాల్టీ షోలు, నెట్టంతా పాకేసిన ‘సెక్స్’ ఎంఎంఎస్‌ల వైరస్‌లతో అదో రకమైన ఇమేజ్ తెచ్చుకున్న ఈ ప్రొఫెషనల్ బెల్లీ డ్యాన్సర్ స్పెషల్ అప్పీరెన్స్‌తో అదరగొట్టనుందట! కన్నడ, తమిళ భాషల్లో నిర్మితమవుతున్న ఈ ద్విభాషా చిత్రంలో చేతన్ చంద్ర లీడ్ రోల్ పోషిస్తున్నాడట.
 సర్జాపూర్‌లోని ఓ ఫామ్ హౌస్‌లో షూటింగ్ జరుగుతోందట. ‘ఈ స్పెషల్ సాంగ్‌కు ముంబై నుంచి ఓ ఫేమస్ ఫేస్ కావాలనుకున్నాం. సాక్షి అద్భుతమైన డ్యాన్సర్ అని తెలుసుకుని ఆమెను ఒప్పించగలిగాం’ అని దర్శకుడు వీపీ శంకర్ చెప్పాడు! మరి ఈ ‘ఐటమ్’ తెలుగులోకి ఎప్పుడు ఎంట్రీ ఇస్తుందో..! లెట్స్ సీ!