రాంచి : మిస్టర్‌ కూల్‌ ధోనికి ఆటతో అభిమానులను అలరించడమే కాదు.. చిన్న చిన్న సర్‌ప్రైజ్‌లతో వారిని సంతోషపెట్టడం కూడా తెలుసు. అలాగే గురువారం కూడా క్రికెట్‌ వీరాభిమాని సుధీర్‌ గౌతమ్‌కు విందు ఇచ్చి సర్‌ప్రైజ్‌ చేశాడు. ధోని ఫామ్‌హౌజ్‌లో ఏర్పాటు చేసిన విందుకు హాజరైన సుధీర్‌.. ‘ కెప్టెన్‌ కూల్‌ ఎంఎస్‌ ధోనితో ఒక ప్రత్యేకమైన రోజు. ఫామ్‌హౌజ్‌లో సూపర్‌ ఫ్యామిలితో సూపర్‌ లంచ్‌. ఆ అద్భుతమైన ఆనందాన్ని వర్ణించడానికి మాటలు రావడం లేదు. ధోని, సాక్షి అక్కకు ధన్యవాదాలు. ఐపీఎల్‌ విజయానంతరం కెప్టెన్‌ సేదతీరుతున్నాడు’  అంటూ ట్విటర్‌ వేదికగా తన సంతోషాన్ని పంచుకున్నాడు. సచిన్‌ టెండూల్కర్‌ వీరాభిమానిగా గుర్తింపు పొందిన సుధీర్‌ గౌతమ్‌.. ధోని అంటే కూడా ప్రత్యేక అభిమానం కనబరుస్తాడు. సచిన్‌ మ్యాచ్‌లు వీక్షించడం కోసం ఎన్నోసార్లు పాకిస్తాన్‌, బంగ్లాదేశ్‌లకు సైతం సైకిల్‌పై ప్రయాణించి అభిమానానికి హద్దులతో పనిలేదని నిరూపించాడు సుధీర్‌ గౌతమ్‌. ఒంటి నిండా జెండా రంగులతో, చేతుల్లో జాతీయ జెండాతో టీమిండియాకు సపోర్టుగా నిలిచే సుధీర్ క్రికెట్‌ వీరాభిమానిగా గుర్తింపు పొందాడు. Special Day with Captain Cool @msdhoni, Super Lunch with Super Family at Farm House. Words can't describe the moments spent. Thank You MS Dhoni and Sakshi Di @SaakshiSRawat. Captain Relaxed after winning #IPL2018 @ChennaiIPL. pic.twitter.com/qZHjGm9KCR — Sudhir Kumar Gautam (@Sudhir10dulkar) June 1, 2018


 కోల్‌కతా: క్రికెట్ స్టేడియాల్లో కనిపించే వీరాభిమాని సుధీర్ కుమార్ గౌతమ్ లాగే ఫుట్‌బాల్‌లోనూ భారత్‌లో ఓ అభిమాని ఉన్నాడు.  కోల్‌కతాకు చెందిన బాపి మజీ అనే అభిమానికి మో హన్ బగాన్ క్లబ్ అంటే పిచ్చి. ఎంతగా అంటే గత 30 ఏళ్లుగా ఈ జట్టు ఆడిన అన్ని మ్యాచ్‌లను స్టేడియంలో కూర్చుని మరీ చూస్తున్నాడు. దీని కోసం సొంత డబ్బులతో దేశమంతా తిరిగాడు. ఇంతా చేసి ఇతడేమైనా ధనికుడా అంటే అంత సీన్ లేదు.
  
  నార్త్ కోల్‌కతాలోని పాయిక్‌పారా అనే ప్రాంతంలో చిన్న టీకొట్టే ఇతడికి జీవనాధారం. పర్యటనల కోసం డబ్బు ఇబ్బందిగా ఉందని నాలుగేళ్ల క్రితం కుటుంబానికి చెందిన రెండు గదులను అమ్మేశాడు. ఆ డబ్బులు కూడా అయిపోయాక భార్యకు చెందిన నగలను కుదువపెట్టి మరీ మ్యాచ్‌లను చూశాడు.