సాధారణంగా యాక్టర్స్‌ డైరెక్టర్స్‌గా మారడం ఇండస్ట్రీలో కొత్తేం కాదు. కానీ అప్పుడప్పుడు డైరెక్టర్స్‌ యాక్టర్స్‌గా మారతారు. ఇప్పుడు ‘ఎక్కడికి పోతావు చిన్నవాడా, ఒక్క క్షణం’ చిత్రాల దర్శకుడు వీఐ ఆనంద్‌ ‘నిను వీడని నీడను నేనే’ అనే చిత్రంతో యాక్టర్‌గా మారారు. ఇందులో సందీప్‌కిషన్‌ హీరోగా నటిస్తున్నారు. నటించడమే కాకుండా నిర్మాతగానూ వ్యవహరిస్తున్నారు ఆయన. ఈ సినిమా చిత్రీకరణ తుది దశకు చేరుకుంది. 2015లో సందీప్‌కిషన్‌ హీరోగా వచ్చిన ‘టైగర్‌’ సినిమాకు వీఐ ఆనంద్‌ దర్శకత్వం వహించిన విషయం తెలిసిందే. ఇక దర్శకుడి వీఐ ఆనంద్‌ ‘డిస్కోరాజా’ అనే చిత్రం తెరకెక్కించనున్న సంగతి తెలిసిందే. ఇందులో రవితేజ హీరో. త్వరలో ఈ సినిమా రెగ్యులర్‌ షూటింగ్‌ స్టార్ట్‌ కానుంది.   

‘పెళ్లికూతురే పెళ్లికొడుకును లేపుకెళ్లడం ఫస్ట్‌ టైమ్‌ చూస్తున్నా’... కమెడియన్‌ ప్రియదర్శి.‘పెళ్లే కదా ఆగిపోయింది. వాళ్లు ఆగిపోలేదు కదా’.. నటుడు నాజర్‌  ‘మన హార్ట్‌తో మనం కనెక్ట్‌ అయితే మనకేమొస్తదే.. నువ్వు ఒక అబ్బాయితో కనెక్ట్‌ అవ్వాలి.. నేను బోలెడంత మంది అమ్మాయిలతో కనెక్ట్‌ అవ్వాలి’.. హీరోయిన్‌ అమైరా దస్తూర్‌తో హీరో సందీప్‌ కిషన్‌.  సూపర్‌స్టార్‌ కృష్ణ కుమార్తె మంజుల ఘట్టమనేని దర్శకత్వంలో తెరకెక్కిన తొలిచిత్రం ‘మనసుకు నచ్చింది’లోని డైలాగ్స్‌ ఇవి. సందీప్‌ కిషన్, అమైరా దస్తూర్‌ జంటగా ఆనంది ఆర్ట్‌ క్రియేషన్స్‌–ఇందిరా ప్రొడక్షన్స్‌ పతాకాలపై సంజయ్‌ స్వరూప్‌. పి.కిరణ్‌ నిర్మించిన ఈ చిత్రం ట్రైలర్‌ను హీరో మహేశ్‌బాబు విడుదల చేశారు. ట్రైలర్‌లోని డైలాగ్స్‌ ఆకట్టుకునే విధంగా ఉన్నాయి. దర్శక–నిర్మాతలు మాట్లాడుతూ– ‘‘రొమాంటిక్‌ డ్రామాగా రూపొందిన చిత్రమిది. ట్రైలర్‌కి విశేషమైన స్పందన లభించింది. రాధన్‌ స్వరపరచిన  ఈ చిత్రం పాటలకు మంచి రెస్పాన్స్‌ వచ్చింది. త్వరలో ప్రీ–రిలీజ్‌ వేడుక నిర్వహించబోతున్నాం. ఈ నెల 26న సినిమాను విడుదల చేస్తాం’’ అన్నారు. ఈ చిత్రానికి కెమెరా: రవి యాదవ్, మాటలు: సాయిమాధవ్‌ బుర్రా. 


 టాలీవుడ్ యువ హీరో సందీప్ కిషన్ పుట్టినరోజు వేడుకల్లో బిజీబిజీగా ఉన్నాడు. గతంలో అతడి సరసన నటించిన అందాలభామలు రకుల్ ప్రీత్ సింగ్, రెజీనాలు సందీప్ కిషన్ కు పుట్టినరోజు శుభాకాంక్షలు చెప్పారు. ఈ ఇద్దరూ ట్విట్టర్ వేదికగా తమ విషెస్ తెలియజేశారు. రెజీనా అయితే సందీప్ తో కలిసి బర్త్ డే సెలబ్రేషన్స్ జరుపుకుని ఆ ఫొటోను ట్వీట్టర్లో పోస్ట్ చేసింది. తాతా ముఖానికి ఫేషియల్ అంటూ రాసుకొచ్చింది.
 ఈ ట్వీట్ కు స్పందిస్తూ... థ్యాంక్యూ పాపా అంటూ సందీప్ రిప్లై ఇచ్చాడు. రకుల్ ప్రీత్ కూడా హ్యాపీ బర్త్ డే సందీప్ అని ట్వీట్ చేసింది. ఈ సంవత్సరం సందీప్ కు బ్లాక్ బస్టర్ ఇయర్ కావాలని, ఎన్నో విజయాలు సాధించాలని తన పోస్ట్ లో పేర్కొంది. థ్యాంక్యూ బీపీ సింగ్ అంటూ రకుల్ ను ఆటపట్టిస్తూ సందీప్ కిషన్ కూడా మరో ట్వీట్ చేశాడు.
  
 
 @ReginaCassandra Hhaha thank you Papa:)
 — Sundeep Kishan (@sundeepkishan) 7 May 2016
  
 
 @Rakulpreet thank you BP singh :)
 — Sundeep Kishan (@sundeepkishan) 7 May 2016