హైదరాబాద్, బిజి నెస్ బ్యూరో : ఫార్మా సంస్థ సువెన్ లైఫ్ సెన్సైస్ తాజాగా భారత్, జపాన్‌లో రెండు పేటెంట్లు దక్కించుకుంది. అల్జీమర్స్, పార్కిన్సన్స్ తదితర కేంద్ర నాడీ మండల సంబంధ సమస్యల చికిత్సలో ఉపయోగపడే కొత్త రసాయన మేళవింపు (ఎన్‌సీఈ)లకు ఇవి లభించినట్లు వివరించింది. 2032 దాకా వీటి గడువు ఉంటుందని సంస్థ పేర్కొంది.  దీంతో భారత్‌లో మొత్తం 19, జపాన్‌లో 19 పేటెంట్లు లభించినట్లయిందని కంపెనీ సీఈవో వెంకట్ జాస్తి తెలిపారు. సోమవారం బీఎస్‌ఈలో సువెన్ లైఫ్ సెన్సైస్ షేరు స్వల్పంగా లాభపడి రూ. 189 వద్ద ముగిసింది.


 హైదరాబాద్, బిజినెస్ బ్యూరో : ఫార్మా సంస్థ సువెన్ లైఫ్ సెన్సైస్‌కి చెందిన పాశమైలారం ప్లాంటులో అమెరికా ఔషధ నియంత్రణ సంస్థ ఎఫ్‌డీఏ తనిఖీ పూర్తయ్యింది. ఈ మేరకు ఎఫ్‌డీఏ నుంచి ప్లాంటు తనిఖీ నివేదిక (ఈఐఆర్) లభించినట్లు సంస్థ తెలిపింది. బల్క్ డ్రగ్స్, ఇంటర్మీడియేట్స్, ఫార్ములేషన్ల తయారీ, సరఫరాకు సంబంధించి పాశమైలారం ప్లాంటులో నాణ్యతా ప్రమాణాలను ఏప్రిల్ 4-14 మధ్య ఎఫ్‌డీఏ పరిశీలించింది. దీన్ని బట్టి తనిఖీ పూర్తయినట్లు ఈ నెల 15న రిపోర్టు ఇచ్చినట్లు సువెన్ పేర్కొంది.


 హైదరాబాద్, బిజినెస్ బ్యూరో:  ఔషధ రంగ సంస్థ సువెన్ లైఫ్ సెన్సైస్ తాజాగా నాడీ సంబంధ సమస్యల చికిత్సలో ఉపయోగించే ఔషధానికి సంబంధించి వివిధ దేశాల్లో పేటెంట్లు దక్కించుకుంది. అమెరికా, యూరేషియా, ఇజ్రాయెల్, ఆస్ట్రేలియాలో తమ న్యూ కెమికల్ ఎంటిటీస్ (ఎన్‌సీఈ)కు పేటెంట్లు లభించినట్లు సంస్థ తెలిపింది. వీటికి 2032 దాకా గడువు వర్తిస్తుందని పేర్కొంది. తాజా అనుమతులతో ఆస్ట్రేలియాలో మొత్తం 24, యూరేషియాలో 17, ఇజ్రాయెల్‌లో 9, అమెరికాలో 24 పేటెంట్లు ఉన్నట్లవుతుందని సువెన్ లైఫ్ సీఈవో వెంకట్ జాస్తి తెలిపారు.