రాజంపేట: పద కవితాపితామహుడు తాళ్లపాక అన్నమాచార్యులు జన్మస్థలి తాళ్లపాకలో తిరుమల తిరుపతి దేవస్థానం ఆధ్వర్యంలో ఆదివారం శ్రీ సిద్దేశ్వరస్వామి, శ్రీ చెన్నకేశవస్వామి బ్రహ్మోత్సవాలు ఘనంగా ప్రారంభమయ్యాయి. సిద్దేశ్వరస్వామి ఆలయంలో ఉదయం పల్లకీసేవ నిర్వహించారు. ధ్వజారోహణ కార్యక్రమం చేపట్టారు. రాత్రి హంసవాహనంపై భక్తులకు దర్శనమిచ్చారు. చెన్నకేశవస్వామి ఆలయంలో ఉదయం ధ్వజారోహణం నిర్వహించారు. రాత్రి శ్రీదేవి, భూదేవితో కలిసి చెన్నకేశవస్వామి శేషవాహనంపై ఊరేగారు. టీటీడీ అర్చకస్వాములు ఆధ్వర్యంలో ప్రత్యేక పూజలు, హోమాలు నిర్వహించారు. టీటీడీ సూపరిండెంట్‌ పి.వెంకటశేషయ్య, ఇన్‌స్పెక్టర్‌ బాలాజీ, గ్రామస్తులు పాల్గొన్నారు.

జిల్లా తెలుగుదేశం పార్టీలో సీనియర్ల రాజీనామాల బ్లోఅవుట్‌ ఎగిసిపడుతోంది. టీడీపీ అధికారంలో ఉండగా ఒకలా.. అధికారం కోల్పోయాక మరోలా వ్యవహరించడం పరిపాటే అని మరోమారు తన నిజరూపాన్ని చాటుకుంది. అధికారంలో ఉన్నప్పుడు బీసీ, మైనార్టీలను అణగదొక్కిన ఆ పార్టీ తాజాగా పార్టీ సంస్థాగత పదవుల్లో ఆయా వర్గాలకు ప్రాధాన్యత ఇచ్చింది. ఇటీవల బీసీ, మైనార్టీ, మహిళా వర్గాలకు వైఎస్సార్‌సీపీ అధిక ప్రాధాన్యత ఇవ్వడంతో పులిని చూసి నక్క వాత పెట్టుకున్న చందంగా టీడీపీ బీసీలకు విలువలు, ఉపయోగాలు లేని పదవులు కట్టబెట్టింది. జిల్లాలో పార్టీ ఆవిర్భావం నుంచి ఉన్న రెడ్డి్డ సామాజిక వర్గ సీనియర్‌ నేతలను పక్కన పెట్టడంతో అసంతృప్తి రాజుకుంది. (చదవండి: టీడీపీ నేతల కుట్ర భగ్నం..) సాక్షి ప్రతినిధి, నెల్లూరు: ప్రతిపక్ష టీడీపీలో అసమ్మతి సెగలు మొదలయ్యాయి. జిల్లాలో పార్టీ కోసం నిస్వార్థంగా పని చేసిన నేతలకు మొండి చేయి చూపారు. తాజాగా పార్టీ రాష్ట్ర కమిటీ, పార్లమెంట్‌ అధ్యక్షుల ప్రకటన అసమ్మతి రేపింది. పార్టీ ఆవిర్భావం నుంచి క్రియాశీలకంగా పని చేస్తున్న వారిని, గత ఎన్నికల్లో పార్టీ కోసం ఆర్థికంగా నష్టపోయిన వారిని సైతం పార్టీ పూర్తిగా పక్కన పెట్టింది. జిల్లా పార్టీలో కీలకంగా ఉన్న ఇద్దరు నేతల కనుసన్నల్లోకి పార్టీ వెళ్లడంతో తీవ్ర గందరగోళం రేగింది. 1982 నుంచి పార్టీలో కొనసాగుతున్న మాజీ మంత్రి తాళ్లపాక రమేష్‌రెడ్డి, పార్టీ రాష్ట్ర ఉపాధ్యక్షురాలు తాళ్లపాక అనూరాధ పార్టీ క్రియా శీలక సభ్యత్వాలకు రాజీనామాలు చేయడం జిల్లాలో ప్రకంపనలు మొదలయ్యాయి.   ♦టీడీపీ ఆవిర్భావం నుంచి దివంగత ఎన్టీఆర్‌ కుటుంబంతో తాళ్లపాక రమేష్‌రెడ్డికి అనుబంధం ఉంది. అఖిల భారత ఎన్‌టీ రామారావు సంఘం జాతీయ అధ్యక్షుడిగా రమేష్‌రెడ్డి ఉన్నారు. ఈ క్రమంలో పార్టీ ఆవిర్భావంతో క్రియా శీలక రాజకీయాల్లోకి రమేష్‌రెడ్డి వచ్చారు.  ♦ప్రస్తుతం జిల్లాలో ఉన్న సీనియర్‌ నేతలు ఒకరిద్దరు మినహా మిగిలిన వారెవరూ అప్పట్లో పార్టీలో కూడా లేని వారే.  ఇలాంటి తరుణంలో జిల్లాలో పార్టీని నమ్ముకుని అప్పటి నుంచి ఇప్పటి వరకు కొనసాగుతున్నారు.  ♦రమేష్‌రెడ్డి రాజకీయాల్లో ఎమ్మెల్యేగా, రాష్ట్ర మంత్రిగా, రమేష్‌రెడ్డి భార్య అనురాధ నెల్లూరు మున్సిపల్‌ చైర్‌పర్సన్‌గా పనిచేశారు.  ♦ఆ తర్వాత పదవులు లేకపోయినప్పటికీ నిస్వార్థంగా పార్టీలో పని చేసి ఆర్థికంగా కూడా పూర్తిగా నష్టపోయారు.  ♦ఇలాంటి తరుణంలో పార్టీని వదలకుండా రమేష్‌రెడ్డి, ఆయన భార్య అనూరాధ«లు పార్టీలో కొనసాగారు. ♦ప్రస్తుతం రమేష్‌రెడ్డి భార్య అనూరాధ టీడీపీ రాష్ట్ర ఉపాధ్యక్షురాలిగా ప్రస్తుతం కొనసాగుతున్నారు. గడిచిన ఎన్నికల్లో మంత్రి నారాయణ గెలుపు కోసం పని చేశారు.  ♦2019 ఎన్నికల్లో టీడీపీ ఘోర పరాజయం పాలైనా పార్టీ కార్యక్రమాలు నిర్వహిసూ్తనే ఉన్నారు. ఇలాంటి తరుణంలో రెండు రోజుల క్రితం టీడీపీ ప్రకటించిన సంస్థాగత రాష్ట్ర కమిటీలో ఇద్దరికి చోటు దక్కలేదు.  ♦క్రియాశీలకంగా పనిచేయకుండా గతంలో పార్టీని తీవ్రస్థాయిలో విమర్శించిన వారికి మాత్రం కమిటీలో పెద్దపీట వేశారు.  ♦ముఖ్యంగా పార్టీ వ్యవస్థాపకుడు ఎన్‌టీ రామారావు దిష్టిబొమ్మలు దహనం చేసి, ఆయన్ను అనేక పర్యాయాలు తీవ్రంగా విమర్శలు చేసిన నేతకు మాత్రం కీలక పగ్గాలు అప్పగించారు. ♦తాజా రాష్ట్ర కమిటీలో ప్రాధాన్యత ఇవ్వలేదనే అసంతృప్తితో రమేష్‌రెడ్డి, ఆయన భార్య అనూరాధ శనివారం పార్టీ సభ్యత్వాలకు రాజీనామా చేసి పార్టీ జాతీయ అధ్యక్షుడు చంద్రబాబునాయుడు, నెల్లూరు పార్లమెంట్‌ జిల్లా అధ్యక్షుడు అబ్దుల్‌అజీజ్‌కు లేఖ పంపారు. ♦ఇక నెల్లూరు రూరల్‌ టీడీపీలో క్రియాశీలకంగా ఉన్న ఆనం జయకుమార్‌రెడ్డికి కూడా పార్టీ మొండిచేయి చూపింది. ఆయన కూడా పూర్తి అసంతృప్తితో ఉన్నారు.  ♦2019 ఎన్నికలప్పుడు రూరల్‌ అభ్యర్థిగా ఖరారు చేసి చివరి నిమిషంలో టికెట్‌ నిరాకరించి అబ్దుల్‌ అజీజ్‌కు ఇచ్చారు. ♦అయితే పార్టీలో కీలక ప్రాధాన్యంతో పాటు ఎమ్మెల్సీ పదవి ఇస్తామని పార్టీ అధ్యక్షుడు చంద్రబాబునాయుడు పలు పర్యాయాలు హామీ ఇచ్చారు.  ♦కానీ తాజా కమిటీలో కనీసం నామమాత్రపు పదవి కూడా రాకపోవడంతో తీవ్ర అసంతృప్తి వ్యక్తం చేశారు. ♦వారం రోజుల్లో కార్యాచరణ ప్రకటించేందుకు సన్నద్ధమవుతున్నట్లు సమాచారం.  ♦ఇప్పటికే జిల్లాలో ఇదే రీతిలో అనేక మంది ముఖ్యనేతలు అసమ్మతి వ్యక్తం చేసి పార్టీకి గుడ్‌బై చెప్పేందుకు సన్నద్ధమవుతున్నారు.  ♦జిల్లా గ్రంథాలయ సంస్థ మాజీ చైర్మన్‌ కిలారి వెంకటస్వామినాయుడు కూడా అసంతృప్తితో పార్టీ కార్యకలాపాలకు దూరంగా ఉంటున్నారు.  మొత్తం మీద టీడీపీలో పదవుల పందారం కొత్త తలనొప్పులకు దారి తీసింది.    

సాక్షి, రాజంపేట(కడప) : పద కవితా పితామహుడు అన్నమాచార్యులు జన్మస్థలం తాళ్లపాక. ఆయన తమ గ్రామంలోని శ్రీ చెన్నకేశవ, సిద్దేశ్వరస్వాములను ఆరాధించేవారు. ఆ స్వాముల ఆలయ వార్షిక బ్రహ్మోత్సవాలు జూలై 12 నుంచి 20 వరకు జరగనున్నాయి. జూలై 11న అంకురార్పణతో ప్రారంభం కానున్నాయి. అన్నమాచార్య ప్రాజెక్టు, హిందూ ధర్మపరిషత్‌ వారిచే హరికథ, సంగీత, భజన కార్యక్రమాలు నిర్వహించనున్నారు. ఈ ఉత్సవాలకు టీటీడీ ఏర్పాట్లు చేస్తోంది. జూలై 12న ఉదయం 9 నుంచి 10 గంటల మధ్య ధ్వజారోహణంతో బ్రహ్మోత్సవాలు ప్రారంభమవుతాయి. రాత్రి చిన్నశేషవాహనసేవ నిర్వహిస్తారు.  బ్రహ్మోత్సవాల సందర్భంగా టీటీడీ హిందూ ధర్మప్రచార పరిషత్, అన్నమాచార్య ప్రాజెక్టుల ఆధ్వర్యంలో రోజూ హరికథలు, ఆధ్యాత్మిక, భక్తి సంగీత కార్యక్రమాలు నిర్వహిస్తారు.  


 వాగ్గేయకారుడు తాళ్లపాక అన్నమాచార్యుల  జన్మస్థలమైన తాళ్లపాకలో శ్రీ చెన్నకేశవస్వామి, శ్రీ సిద్దేశ్వరస్వామి బ్రహ్మోత్సవాలు  ఆదివారంతో ముగిశాయి. ఈనెల 14 నుంచి 24 వరకు ఈ బ్రహ్మోత్సవాలు కొనసాగాయి.  శ్రీ సిద్దేశ్వరస్వామి, శ్రీ చెన్నకేశవస్వామి వార్షిక బ్రహ్మోత్సవాలకు ఈ సారి భక్తులు విరివిగానే విచ్చేశారు. శ్రీ సిద్దేశ్వరస్వామి, చెన్నకేశవస్వామికి ఆదివారం ఉదయం స్నపన తిరుమంజనం, హోమం, రాత్రి పుష్పయాగం నిర్వహించారు.  – తాళ్లపాక (రాజంపేట)
 
 
  


 తాళ్లపాక(రాజంపేట)
  
 తాళ్లపాక గ్రామంలో శనివారం శ్రీ సిద్దేశ్వరస్వామికి వసంతోత్సవం, త్రిశూలస్నానం నిర్వహించారు. శ్రీ చెన్నకేశవస్వామికి అన్నమాచార్య ధ్యానమందిరం ఆవరణంలో ఏర్పాటుచేసిన ప్రత్యేక వేదికపై చక్రస్నానం నిర్వహించారు. అంతకముందుగా వసంతోత్సవం  రాత్రి ధ్వజావరోహణం నిర్వహించారు. శ్రీ సిద్దేశ్వర, శ్రీ చెన్నకేశవస్వామి బ్రహ్మోత్సవాలలో భాగంగా స్వామి వారికి జరిగే పూజల్లో భక్తులు
 విరివిగా పాల్గొన్నారు. టీటీడీ వేదపండితుల నేతృత్వంలో ఈ  కార్యక్రమాలు చేపట్టారు.  ఆదివారం శ్రీ సిద్దేశ్వరస్వామి, చెన్నకేశవస్వామికి ఆదివారం ఉదయం స్నపన తిరుమంజనం, హోమం, రాత్రికి పుష్పయాగం నిర్వహించనున్నారు.


 
 అన్నమాచార్యుల జన్మస్థలమైన తాళ్లపాక గ్రామంలో బుధవారం రాత్రి శివ, కేశువుల కల్యాణం ఒకవేదికపై శాస్త్రోక్తంగా నిర్వహించారు. తిరుమల తిరుపతి దేవస్థానాల ఆధ్వర్యంలో శ్రీ సిద్దేశ్వరస్వామి, కామాక్షిదేవి, శ్రీ చెన్నకేశవస్వామి, శ్రీదేవి, భూదేవి కల్యాణం రమణీయంగా కొనసాగింది. వేదపండితుల మంత్రోచ్ఛారణల మధ్య  స్వామివార్ల కల్యాణం నిర్వహించారు. భక్తులు భారీగా తరలివచ్చి కల్యాణాన్ని తిలకించి తరించారు. అనంతరం శ్రీ సిద్దేశ్వరస్వామి, శ్రీ చెన్నకేశవస్వామి ఉత్సవమూర్తులను గజవాహనంపై ఊరేగించారు. కల్యాణమహోత్సవానికి టీటీడీ అధికారులు, పలువురు ప్రముఖులు హాజరయ్యారు.    –రాజంపేట


 కడప : వైఎస్ఆర్ కడప జిల్లా తాళ్లపాకలో ప్రముఖ వాగ్గేయకారుడు తాళ్లపాక అన్నమయ్య 607వ జయంతోత్సవాలు మంగళవారం ఘనంగా ప్రారంభమైనాయి. ఈ సందర్భంగా టీటీడీ ఆధ్వర్యంలో శ్రీనివాసునికి కల్యాణం నిర్వహించారు. ఈ కల్యాణానికి టీటీడీ చైర్మన్ చదలవాడ కృష్ణమూర్తితోపాటు ప్రభుత్వ వీప్ మేడా మల్లిఖార్జున్ హాజరయ్యారు. శ్రీవారి కల్యాణాన్ని వీక్షించేందుకు వివిధ రాష్ట్రాల నుంచి భక్తులు పెద్ద ఎత్తున తరలివచ్చారు.