సాక్షి, చెన్నై: త్వరలో రాజకీయ అరంగేట్రం చేయబోతున్నట్లు తమిళ నటుడు విశాల్‌ ప్రకటించారు. 2026లో తమిళనాడు శాసనసభ ఎన్నికల్లో తన పార్టీ అభ్యర్థులు పోటీ చేస్తారని ఆయన వెల్లడించారు. చెన్నైలో ఆదివారం జరిగిన ఒక కార్యక్రమంలో పాల్గొన్న సందర్భంగా మీడియాతో ఆయన మాట్లాడారు. ‘‘ త్వరలో రాజకీయాల్లోకి వస్తా. 2026లో పార్టీ తరఫున నేను కూడా బరిలో దిగుతా. పార్టీ ఏర్పాటు, ఇతరత్రా వివరాలను త్వరలోనే వెల్లడిస్తా. ఈసారి లోక్‌సభ ఎన్నికల్లో దేశవ్యాప్తంగా పోలింగ్‌ 100 శాతం జరగాలని ఆశిస్తున్నా’’ అని విశాల్‌ చెప్పారు.

టాలీవుడ్‌తో పాటు కోలీవుడ్‌లో స్టార్‌ హీరోగా గుర్తింపు తెచ్చుకున్న నటుడు విశాల్. గతంలో సూపర్ హిట్ సినిమాలతో స్టార్ హీరోగా పేరు సంపాదించిన విశాల్ ప్రస్తుతం దక్షిణ భారత నటీనటుల సంఘం కార్యదర్శిగా వ్యవహరిస్తున్నారు. ఇటీవల అతని పెళ్లి విషయంలో పలు రకాల రూమర్లు సోషల్ మీడియాలో వైరలయ్యాయి. నటి వరలక్ష్మీశరత్‌కుమార్‌తో ప్రేమ వ్యవహారం అంటూ ప్రచారం జోరుగా సాగింది. ఆ తర్వాత ఈయనకు హైదరాబాద్‌కు చెందిన యువతితో నిశ్చితార్థం అనివార్య కారణాలతో ఆగిపోయింది.  (చదవండి: విశాల్‌తో ప్రేమలో నటి అభినయ.. త్వరలో పెళ్లి కూడా?) ప్రస్తుతం విశాల్‌ నటనపైనే పూర్తి దృష్టి సారించిన హీరో ఇటీవల ఓ ఇంటర్వ్యూలో పలు ఆసక్తికర వ్యాఖ్యలు చేశారు. నవంబర్ ఆరో తేదీన ఓ ఛారిటబుల్ ట్రస్ట్ సహాయంతో 11 పేద జంటలకు సంబంధించిన పెళ్లి ఖర్చులను ఆయనే భరించాడు. వారికి తాళిబొట్టుతో పాటు అవసరమైన వస్తువులను పంపిణీ చేశారు.  అనంతరం విశాల్ మాట్లాడుతూ..'అరేంజ్‌డ్ మ్యారేజ్ నాకు సెట్ కాదు. ప్రేమించిన అమ్మాయితోనే ఏడడుగులు వేస్తా. నేను ప్రేమించిన అమ్మాయిని అతి త్వరలోనే పరిచయం చేస్తా. తనకు లవ్ మ్యారేజ్ చేసుకోవాలని ఉంది.' అంటూ ఆసక్తికర వ్యాఖ్యలు చేశారు.    ప్రస్తుతం యాక్టర్స్ యూనియన్ బిల్డింగ్ కడుతున్నామని విశాల్ వెల్లడించారు. మూడేళ్లలో నిర్మాణం పూర్తవుతుందని తెలిపారు.ఈ భవన నిర్మాణం పూర్తైన వెంటనే పెళ్లి చేసుకుంటానని విశాల్ స్పష్టం చేశారు. విశాల్ ప్రేమించిన అమ్మాయి వివరాలు తెలియాలంటే మరికొన్ని రోజులు ఆగాల్సిందే. దీంతో విశాల్ అభిమానులు త్వరలోనే సక్సెస్ సాధించాలని ఫ్యాన్స్ కోరుకుంటున్నారు.  .  


 ‘‘రిస్క్‌లు తీసుకోవడానికి ఎప్పుడు రెడీ’’ అంటున్నారు విశాల్. మంచి మాస్ హీరో ఇమేజ్ ఉన్నప్పటికీ బాల దర్శకత్వంలో ‘వాడు వీడు’లో ప్రయోగాత్మక పాత్ర చేశారు. బాల  దర్శకత్వంలో వచ్చే ఏడాది మరో సినిమాచేయనున్నారు. మళ్లీ శరీరాన్ని కష్టపెట్టుకోనున్నారన్నమాట? అంటే... ‘‘కష్టపడితేనే ప్రతిఫలం ఉంటుంది.నటుడిగా నా ఆత్మసంతృప్తి కోసం ఎంతకష్టపడటానికైనా వెనకాడను’’ అన్నారాయన.నేడు విశాల్ పుట్టినరోజు. ఈ సందర్భంగా ‘సాక్షి’తో తన మనోభావాలు ఇలా పంచుకున్నారు.
 
  ప్రస్తుతం ‘పూజై’ అనే చిత్రంలో నటిస్తున్నాను. తెలుగులో ‘పూజ’గా విడుదల కానుంది. శ్రుతీ హాసన్ కథానాయిక. ఆమె చాలా టాలెంటెడ్. ఈ సినిమా కోసం శ్రుతి తెలుగు, తమిళ భాషల్లో ఓ పాట పాడింది. అలాగే, రెండు భాషల్లోనూ తన పాత్రకు తానే డబ్బింగ్ చెప్పుకోబోతోంది. రెండు భాషల్లోనూ దీపావళికి విడుదల చేయాలనుకుంటున్నాం.
 
  సుందర్. సి దర్శకత్వంలో ‘ఆంబలై’ అనే చిత్రం చేస్తున్నా. నా కెరీర్‌లో ఆరుగురు కథానాయికలతో చేస్తున్న సినిమా ఇదే. రమ్యకృష్ణ, ఐశ్వర్య, కిరణ్ రాథోడ్, హన్సిక, మధురిమ నటిస్తున్నారు. ఇంకో కథానాయికను ఎంపిక చేయాల్సి ఉంది. సుందర్ స్టయిల్‌లో సాగే మాస్ ఎంటర్‌టైనర్ ఇది.
 
  తెలుగులో స్ట్రయిట్ సినిమా చేయాలని ఎప్పట్నుంచో అనుకుంటున్నాను. మా అమ్మా, నాన్నల కోరిక కూడా అదే. ఆ కోరిక ఈ ఏడాది తీరుతుంది. శశికాంత్ అనే కొత్త దర్శకుడి దర్శకత్వంలో ఓ సినిమా చేయబోతున్నా. నవంబర్‌లో షూటింగ్ ఆరంభమవుతుంది.
 
  నాకు నచ్చిన దర్శకుల్లో రామ్‌గోపాల్‌వర్మ ఒకరు. ఆయన్ని ఆదర్శంగా తీసుకునే దర్శకుణ్ణి కావాలనుకున్నా. గతంలో అసిస్టెంట్ డెరైక్టర్‌గా చేశాను. హీరో అయిన తర్వాత దర్శకత్వం గురించి ఆలోచించడంలేదు. భవిష్యత్తులో డెరైక్షన్ చేస్తానేమో. ఈలోపు ప్రతిభ గల అసిస్టెంట్ దర్శకులను నా సంస్థ ద్వారా దర్శకులుగా పరిచయం చేయాలని ఉంది. నా బేనర్లో ఇతర హీరోలతో కూడా సినిమాలు చేస్తా. ఇటీవలే ‘వి మ్యూజిక్’ పేరుతో ఓ ఆడియో కంపెనీ ఆరంభించాను. నా చెల్లెలు ఐశ్వర్య ఆధ్వర్యంలో ఆ కంపెనీ సాగుతోంది.
 
  నాకెప్పట్నుంచో ప్రతినాయకునిగా నటించాలని ఉంది. హాలీవుడ్ చిత్రం ‘డార్క్ నైట్’లోని జోకర్ తరహా నెగటివ్ రోల్ చేయాలని ఉంది. పైకి బఫూన్‌లా కనిపించినా, లోపల కరడుగట్టిన వ్యక్తి జోకర్. పూర్తిగా నటనకు అవకాశం ఉన్న పాత్ర అది. అలాంటి పాత్రకు అవకాశం వస్తే.. వెంటనే ఒప్పేసుకుంటా.