గన్నవరం: తమిళనాడు ముఖ్యమంత్రి ఒ. పన్నీర్‌ సెల్వానికి గన్నవరం ఎయిర్‌పోర్టులో ఘనస్వాగతం లభించింది. ముఖ్యమంత్రి అయిన తర్వాత మొదటి సారి ఆంధ్రప్రదేశ్‌ ​కు వచ్చిన ఆయనకు మంత్రి గంటా శ్రీనివాసరావు స్వాగతం పలికారు. గురువారం మధ్యాహ్నం 3 గంటలకు ఏపీ సీఎం చంద్రబాబు నాయుడితో పన్నీర్‌ సెల్వం భేటి కానున్నారు. మద్రాసు నగరానికి తాగునీటి ఎద్దడి తీవ్రంగా ఉండటంతో తెలుగు గంగ నుంచి నీటిని విడుదల విషయమై చర్చించటానికి పన్నీర్‌ సెల్వం ఏపీకి వచ్చారు.


 సాక్షి, అమరావతి : తమిళనాడు ముఖ్యమంత్రి పన్నీర్‌ సెల్వం గురువారం అమరావతికి రానున్నారు. మధ్యాహ్నం ఒంటిగంటకు ఆయన వెలగపూడి సచివాలయంలో రాష్ట్ర ముఖ్యమంత్రి చంద్రబాబును కలవనున్నట్లు ఆయన కార్యాలయ వర్గాలు తెలిపాయి. తమిళనాడుకు తెలుగు గంగ నీటిని విడుదల చేయాలని కోరేందుకు ఆయన వస్తున్నారు.