సాక్షి, ముంబై: మహారాష్ట్రలో ఘోరం జరిగింది. శుక్రవారం ఉదయం యవాట్మల్‌లోని అర్ని వద్ద రోడ్డు ప్రమాదం సంభవించింది. తవేరా వాహనం-ట్రక్కు ఢీ కొట్టిన ఘటనలో 10 మంది దుర్మరణం పాలయ్యారు. మరో ముగ్గురికి తీవ్ర గాయలైనట్లు తెలుస్తోంది. సమాచారం అందుకున్న పోలీసులు హుటాహుటినా ప్రమాద స్థలానికి వెళ్లి సహాయక చర్యలు చేపట్టారు. వేకువ ఝామున ఈ ఘటన జరిగిందని, ప్రమాదానికి కారణాలు తెలియాల్సి ఉందని స్థానిక ఎస్సై తెలిపారు. ఈ ప్రమాదంపై మరింత సమాచారం అందాల్సి ఉంది. 

సాక్షి, నెల్లూరు: నెల్లూరు జిల్లాలో శుక్రవారం రోడ్డు ప్రమాదం చోటు చేసుకుంది. జిల్లాలోని ఆత్మకూరు మండలం కరటంపాడు వద్ద ఓ టవేరా కారు అదుపుతప్పి బోల్తా పడింది. దీంతో కారులో ఉన్న ఏడుగురికి  తీవ​ గాయాలయ్యాయి. క్షతగాత్రులను హుటాహుటిన నెల్లూరులోని ఆస్పత్రికి తరలించి చికిత్స అందిస్తున్నారు. గాయపడిన వారిలో నలుగురి  పరిస్థితి విషమంగా ఉన్నట్టు సమాచారం. ప్రమాదానికి గురైన వారు బెంగళూరు వాసులుగా గుర్తించారు. ఈ ఘటనపై పూర్తి వివరాలు తెలియాల్సి ఉంది.


 ముంబై: పుణే పోలీసులు గురువారం ఉదయం రూ. 26 కోట్ల నగదును స్వాధీనం చేసుకున్నారు. ఈ సంఘటన తీవ్ర కలకలం సృష్టించింది. ఓ బొలెరో వాహనంలో జాల్నా నుంచి పుణేకి భారీ ఎత్తున డబ్బును ఓ వాహనంలో తరలిస్తున్నట్టు ఓ వ్యక్తి పోలీసులకు సమాచారమిచ్చాడు. ఈ మేరకు పోలీసులు వాహనాల తనిఖీ చేపట్టి వాహనంలో రూ.26 కోట్ల నగదు గుర్తించి స్వాధీనం చేసుకున్నారు. ఇవన్నీ కొత్త 2000 రూపాయల నోట్లే కావడంతో ఎక్కడివన్న విషయం గురించి చర్చ జరిగింది. అయితే ప్రాథమిక దర్యాప్తులో ఈ డబ్బు మహారాష్ట్ర గ్రామీణ బ్యాంకుకు సంబంధించిందని తెలిసింది. 


 గుంటూరు: జిల్లాలోని రొంపిచర్ల మండలంలో శుక్రవారం తెల్లవారుజామున రోడ్డుప్రమాదం జరిగింది. ఎదురుగా వస్తున్న ఓ లారీ టవేరా కారును ఢీకొట్టింది. ఈ ఘటనలో టవేరా కారులో ప్రయాణిస్తున్న 12మంది గాయపడ్డారు. టవేరా కారులో పెళ్లిబృందం మాచర్లకు వెళ్తుండగా ఈ ప్రమాదం చోటుచేసుకుంది. లారీ అతివేగమే ఈ ప్రమాదానికి కారణమని తెలుస్తోంది.
 
 సమాచారం అందుకున్న పోలీసులు ఘటనాస్థలికి చేరుకుని క్షతగాత్రులను చికిత్స నిమిత్తం అంబులెన్స్ లో స్థానిక ఆస్పత్రికి తరలించారు. అయితే లారీ డ్రైవర్ పరారీలో ఉన్నట్టు పోలీసులు తెలిపారు. కేసు నమోదు చేసి పోలీసులు దర్యాప్తు జరుపుతున్నారు. ఈ ఘటనకు సంబంధించి పూర్తివివరాలు ఇంకా తెలియరాలేదు.