హైదరాబాద్‌: ఆభరణాల విక్రయ సంస్థ టీబీజెడ్‌ ‘మంగళ 2023 కలెక్షన్‌’ ఆవిష్కరించింది. పంజాగుట్ట షోరూంలో నిర్వహించిన వరలక్ష్మి వ్రతం వేడుకలో సినీ నటి రకుల్‌ ప్రీత్‌ సింగ్‌ ఈ కొత్త కలెక్షన్‌ విడుదల చేసింది. ‘‘భారతదేశ సంస్కృతి స్ఫూర్తితో తీర్చిదిద్దిన ఈ బంగారు వజ్రాభరణాలు ఏ సందర్భంలో ధరించినా ప్రత్యేకత చాటుతాయి. ఆవిష్కరణ కార్యక్రమంలో భాగం కావడం గౌరవంగా ఉంది’’ అని రకుల్‌ తెలిపారు. పంజాగుట్ట స్టోర్‌ పునః ప్రారంభంతో భాగ్యనగరంలో తమ కార్యకలాపాలు మరింత విస్తరించనున్నాయని టీబీజెడ్‌ మార్కెటింగ్‌ ఆఫీసర్‌ అభిõÙక్‌ మాలూ ఆశించారు. 


  హైదరాబాద్ : ఆభరణాల విక్రయ సంస్థత్రిభువన్‌దాస్ భీమ్‌జీ జవేరి(టీబీజడ్) ఈ ఆర్థిక సంవత్సరం మొదటి త్రైమాసిక కాలంలో రూ.2.72 కోట్ల నికర లాభం ఆర్జించింది. గత క్యూ1లో ఆర్జించిన నికర లాభం(రూ.52 లక్షలు)తో పోల్చితే 420 శాతం వృద్ధిని సాధించామని టీబీజడ్ ఒక ప్రకటనలో తెలిపింది. మొత్తం ఆదాయం మాత్రం రూ.432 కోట్ల నుంచి 3 శాతం క్షీణించి రూ.416 కోట్లకు తగ్గిందని కంపెనీ సీఎండీ శ్రీకాంత్ జవేరి పేర్కొన్నారు. ఇబిటా 13 శాతం వృద్ధితో రూ.17 కోట్లకు పెరిగిందని, ఇబిటా మార్జిన్లు 4 శాతం వృద్ధి చెందాయని వివరించారు. వినియోగదారుల అభిరుచులకనుగుణంగా వినూత్నమైన డిజైన్లలో స్వర్ణ, వజ్రాభరణాలను అందిస్తున్నామని పేర్కొన్నారు.