ఆసియాక‌ప్‌-2025లో పాకిస్తాన్ యువ ఓపెన‌ర్ సైమ్ అయూబ్ పేల‌వ ప్ర‌ద‌ర్శ‌న కొన‌సాగుతోంది. ఒమ‌న్‌తో జ‌రిగిన తొలి మ్యాచ్‌లో గోల్డెన్ డ‌కౌటైన అయూబ్‌.. ఇప్పుడు దుబాయ్ వేదిక‌గా భార‌త్‌తో జ‌రుగుతున్న మ్యాచ్‌లో అదే తీరును క‌న‌బ‌రిచాడు. హార్దిక్ పాండ్యా బౌలింగ్‌లో అయూబ్ త‌ను ఎదుర్కొన్న తొలి బంతికే ఔట‌య్యాడు. పాక్ ఇన్నింగ్స్ తొలి ఓవ‌ర్ వేసిన పాండ్యా.. మొద‌టి బంతిని ఆఫ్ స్టంప్ దిశ‌గా బ్యాక్ ఆఫ్ లెంగ్త్ డెలివ‌రీగా సంధించాడు. ఆ బంతిని అయూబ్ ఆఫ్ సైడ్ పాయింట్ దిశ‌గా షాట్ ఆడేందుకు ప్ర‌య‌త్నిచాడు.అయూబ్ షాట్ అద్బుతంగా క‌న‌క్ట్ చేసిన‌ప్ప‌టికి బంతి మాత్రం నేరుగా బ్యాక్‌వర్డ్ పాయింట్‌లో ఉన్న జ‌స్ప్రీత్ బుమ్రా చేతికి వెళ్లింది. దీంతో ఒక్క‌సారిగా అయూబ్ తెల్ల‌ముఖం చేశాడు. చేసేదేమిలేక నిరాశ‌తో పెవిలియ‌న్‌కు చేరాడు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరలవుతోంది.అయితే భార‌త్ మ్యాచ్‌కు ముందు అయూబ్‌ను ఉద్దేశించి పాక్ మాజీ ఆట‌గాడు త‌న్వీర్ అహ్మ‌ద్ ఇచ్చిన స్టెట్‌మెంట్ ఇప్పుడు భారత అభిమానులు ప్రస్తావిస్తున్నారు. బుమ్రా బౌలింగ్‌లో అయూబ్ ఆరు సిక్స్‌లు కొడ‌తాడ‌ని అహ్మ‌ద్ బిల్డ‌ప్ ఇచ్చాడు.దీంతో అహ్మ‌ద్‌, అయూబ్‌ను క‌లిసి నెటిజ‌న్లు దారుణంగా ట్రోలు చేస్తున్నారు. "భార‌త్‌పై క‌నీసం ఒక్క ప‌రుగు చేయ‌లేక‌పోయావు, నీవా బుమ్రా బౌలింగ్‌లో 6 సిక్స్‌లు కొడ‌తావ‌ని" ఓ యూజ‌ర్ ఎక్స్‌లో పోస్ట్ చేశాడు.6 ప‌రుగుల‌కే రెండు వికెట్లు కోల్పోయింది. హార్దిక్ పాండ్యా బౌలింగ్‌లో తొలి వికెట్‌గా అయూబ్ వెనుదిర‌గగా.. జ‌స్ప్రీత్ బుమ్రా బౌలింగ్‌లో మ‌హ్మ‌ద్ హ‌రిస్‌(3) ఔట‌య్యాడు. అయితే వీరిద్ద‌రి ఔట‌య్యాక ఫ‌ఖార్ జ‌మాన్‌(16), సాహిబ్జాదా ఫర్హాన్(19) ఇన్నింగ్స్ చ‌క్క‌దిద్దే ప్ర‌య‌త్నం చేస్తున్నారు. 6 ఓవ‌ర్లు ముగిసే సారికి పాక్ రెండు వికెట్ల న‌ష్టానికి 42 ప‌రుగులు చేసింది.Aapka Mother of all Rivalries mein 𝘏𝘈𝘙𝘋𝘐𝘒 swaagat 😉 Watch #INDvPAK LIVE NOW on the Sony Sports Network TV channels & Sony LIV.#SonySportsNetwork #DPWorldAsiaCup2025 pic.twitter.com/AEQE0TLQju— Sony Sports Network (@SonySportsNetwk) September 14, 2025చదవండి: IND vs PAK: టాస్‌ గెలిచినా అదే చేసేవాళ్లం: సూర్య!.. తుదిజట్లు ఇవే Saim Ayub is gone! #Pakistan lose their first wicket. 🏏#PAKvIND #INDvsPAK pic.twitter.com/9p3V2jakgd— Maham Awan (@awanmaham_) September 14, 2025

భారత క్రికెట్ నియంత్రణ మండలి (BCCI) అధ్యక్ష పదవి రేసులో టీమిండియా మాజీ స్పిన్న‌ర్ హర్భజన్ సింగ్ ఉన్న‌ట్లు తెలుస్తోంది. క్రిక్ బ‌జ్ రిపోర్ట్ ప్ర‌కారం.. బీసీసీఐ అత్యున్నత పదవికి పంజాబ్ క్రికెట్ అసోసియేషన్ (PCA) 45 ఏళ్ల హర్భజన్‌ను నామినేట్ చేసినట్లు స‌మాచారం.అయితే నామినేష‌న్ల అధికారిక జాబితా ఇక వెల్ల‌డించ‌లేదు. కానీ రాష్ట్ర క్రికెట్ సంఘం మద్దతు ఉన్న అభ్యర్థులు మాత్రమే బీసీసీఐ ప్రెసిడెంట్‌ ప‌ద‌వికి పోటీ చేయ‌డానికి అర్హులు. రోజ‌ర్ బిన్నీ ప‌ద‌వి కాలం ముగియ‌డంతో ప్ర‌స్తుతం బీసీసీఐ అధ్య‌క్షుడి పోస్ట్ ఖాళీగా ఉంది. దీంతో ఈ నెలాఖరులో బీసీసీఐ ప్రెసిడెంట్‌ తో పాటు ఉపాధ్యక్షుడు, కార్యదర్శి, జాయింట్ సెక్రటరీ, కోశాధికారి పదవులకు ఎన్నికలు జరగనున్నాయి. ఎన్నికల అధికారి ఏకే జోటి విడుదల చేసిన షెడ్యూల్ ప్రకారం ఈ నెల 20, 21 తేదీల్లో నామినేషన్లను స్వీకరిస్తారు. అభ్యర్థులు సెప్టెంబర్ 23 వరకు నామినేషన్లను ఉపసంహరించుకోవచ్చు. సెప్టెంబర్ 28న ఓటింగ్‌తో పాటు లెక్కింపు కూడా జరగనుంది. అదే రోజున బీసీసీఐ వార్షిక సర్వసభ్య సమావేశం జరగనుంది. ఈ స‌మావేశంలో పంజాబ్ క్రికెట్ బోర్డు ప్ర‌తినిధిగా హర్భజన్ సింగ్ పాల్గోనున్నాడు.అత‌డితో పాటు బెంగాల్ క్రికెట్ అసోయేషిన్ త‌ర‌పున భార‌త మాజీ కెప్టెన్ సౌరవ్ గంగూలీ సైతం ఈ భేటీకి హాజరుకానున్నారు. వీరిద్దరితో పాటు పలు రాష్ట్ర క్రికెట్‌ అసోషియేషన్‌ ప్రతినిథులు పాల్గోనున్నారు. కాగా బీసీసీఐ ప్రెసిడెంట్‌ రేసులో భజ్జీతో పాటు కిరణ్‌ మోరే పేరు కూడా వినిపిస్తోంది. ఈసారి బీసీసీఐ బాస్‌ పదవి వెస్ట్‌ జోన్‌ నుంచి దక్కే అవకాశముంది. కిరణ్‌ మోరే సౌరాష్ట్రకు చెందిన క్రికెటర్‌. ఇటీవలే సచిన్ టెండూల్కర్ పేరు కూడా అధ్యక్ష పదవికి వినిపించినప్పటికీ, ఆ వార్తలను ఆయన టీమ్‌ ఖండించింది. కానీ భజ్జీ మాత్రం ఈ వార్తలపై ఇంకా స్పందించలేదు. ఒకవేళ హర్భజన్‌సింగ్‌కే బీసీసీఐ అధ్యక్ష పదవి లభిస్తే.. ఈ బాధ్యతలు చేపట్టిన మూడో భారత క్రికెటర్‌గా నిలవనున్నాడు. ఇంతకుముందు భారత మాజీ క్రికెటర్లు సౌరవ్‌ గంగూలీ, రోజర్‌ బిన్నీ బీసీసీఐ బాస్‌గా పనిచేశారు. ఇక భారత్ తరపున 367 అంతర్జాతీయ మ్యాచ్‌లు ఆడిన హర్భజన్, అన్ని ఫార్మాట్లలో కలిపి 700కు పైగా వికెట్లు పడగొట్టాడు. భజ్జీ ప్రస్తుతం రాజ్యసభ సభ్యునిగా కొనసాగుతున్నాడు. 2022లో ఆమ్ ఆద్మీ పార్టీ (ఆప్) తరపున నామనేట్ అయ్యారు.చదవండి: నేను ఎదుర్కొన్న కఠినమైన బౌలర్‌ అతడే: శుబ్‌మన్‌ గిల్‌

అర్ష్‌దీప్ సింగ్.. టీ20 క్రికెట్‌లో 100 వికెట్లు సాధించిన తొలి భార‌త బౌల‌ర్‌గా చ‌రిత్ర సృష్టించేందుకు అడుగు దూరంలో నిలిచాడు. ఆసియాక‌ప్‌-2025లో బుధవారం దుబాయ్ వేదికగా భారత్‌-యూఏఈ జట్లు తలపడతున్నాయి. ఈ మ్యాచ్‌లో అర్ష్‌దీప్ వంద వికెట్ల మైలు రాయిని అందుకుంటాడని అంతా భావించారు. ​కానీ భారత ప్లేయింగ్ ఎలెవన్‌లో అర్ష్‌దీప్‌కు చోటు దక్కకపోవడం అందరిని ఆశ్చ‌ర్య‌ప‌రిచింది. అత‌డి స్ధానంలో స్పిన్న‌ర్ కుల్దీప్ యాద‌వ్‌కు టీమ్ మెనెజ్‌మెంట్ అవ‌కాశ‌మిచ్చింది. తుది జ‌ట్టులో ప్ర‌ధాన పేస‌ర్‌గా జ‌స్ప్రీత్ బుమ్రా ఒక్కడికే చోటు ద‌క్కింది. అత‌డితో పాటు మీడియం పేస్ బౌలర్ హార్దిక్ పాండ్యా బంతిని పంచుకోనున్నాడు. ఈ మ్యాచ్‌లో భార‌త్ ముగ్గురు స్పిన్న‌ర్ల‌తో బ‌రిలోకి దిగింది. అక్ష‌ర్ ప‌టేల్‌, కుల్దీప్ యాద‌వ్‌, వ‌రుణ్ చ‌క్ర‌వ‌ర్తిలు స్పిన్నర్ల‌గా ఉన్నారు. అయితే పిచ్ కండీష‌న్స్ దృష్ట్యా కెప్టెన్ సూర్య కుమార్ అండ్ హెడ్ కోచ్ గౌతమ్ గం‍భీర్ ఈ నిర్ణయం తీసుకుని ఉండవచ్చు. వికెట్ మధ్యలో చిన్న చిన్న పగుళ్లు ఉండడంతో స్పిన్నర్లకు అనుకూలంగా ఉండే ఛాన్స్ ఉంది. అయితే అర్ష్‌దీప్‌ను పక్కన పెట్టడానికి గల కారణాన్ని అయితే కెప్టెన్ సూర్య వెల్ల‌డించలేదు. కాగా అర్ష్‌దీప్ గ‌త కొంత‌కాలంగా భార‌త టీ20 జ‌ట్టులో రెగ్యూల‌ర్ స‌భ్యునిగా కొన‌సాగుతున్నాడు. కొత్త బంతితో పాటు డెత్ ఓవ‌ర్ల‌లో బౌలింగ్ చేసే స‌త్తా అత‌డికి ఉంది. అంతేకాకుండా టీమిండియా త‌ర‌పున టీ20ల్లో లీడింగ్ వికెట్ టేక‌ర్ కూడా అర్ష్‌దీప్‌(97)నే కావ‌డం విశేషం. ఇక ఈ మ్యాచ్‌లో టాస్ గెలిచిన భార‌త్ తొలుత బౌలింగ్ ఎంచుకుంది.

ఆసియాక‌ప్‌-2025 కోసం టీమిండియా న‌యా ఫినిష‌ర్ రింకూ సింగ్ సిద్ద‌మ‌య్యాడు. అయితే ఈ స్ధాయికి చేరుకున్న రింకూ విజ‌యం వెన‌క ఎన్నో క‌ష్టాలు దాగి ఉన్నాయి. ఒక స్వీప‌ర్‌గా, ఆటోడ్రైవ‌ర్‌గా, గ్యాస్ డెలివ‌రీగా బాయ్‌గా ప‌నిచేస్తూనే అంత‌ర్జాతీయ క్రికెట‌ర్‌గా ఎదిగాడు.అయితే రింకూ జీవితంలో ఇవే కాకుండా మ‌రో విషాద సంఘ‌ట‌న కూడా దాగి ఉందంట‌. ఈ యూపీ క్రికెటర్‌ ఇటీవల రాజ్ ష‌మ్మానీ యూట్యూబ్ పాడ్‌కాస్ట్‌లో పాల్గోన్నాడు. ఈ సందర్భంగా రింకూ సింగ్‌ చిన్న‌తనంలో జరిగిన ఓ ఊహించని సంఘ‌ట‌న‌ను అభిమానుల‌తో పంచుకున్నాడు. త‌న పదేళ్ల వయస్సులో కోతి కర‌వ‌డంతో ప్రాణాపాయ స్థితికి వెళ్లాన‌ని రింకూ చెప్పుకొచ్చాడు."నా చిన్న‌త‌నంలో జ‌రిగిన ఓ ఘ‌ట‌న‌ను నేను ఎప్ప‌టికి మ‌ర్చిపోలేను. అప్ప‌టిలో మా ఇంట్లో వాష్ రూమ్స్ లేవు. కాబ‌ట్టి మేము ఆరు బ‌య‌ట‌కు వెళ్లేవాళ్లం. ఓ రోజు వ‌ర్షం ప‌డుతుండడ‌గా నేను మా అన్న‌య్య, కొంత మంది స్నేహితులు క‌లిసి బ‌య‌ట‌కు వెళ్లాము.అయితే కోతి వ‌స్తుంది దూరంగా ఉండండి అంటూ వెన‌క నుంచి మాకు అరుపులు వినిపించాయి. కానీ అంత‌లోనే ఆ కోతి వెన‌క నుంచి నాపై తీవ్రంగా దాడి చేసింది. దీంతో ఒక్క‌సారిగా కింద‌ప‌డిపోయాను. అయిన‌ప్ప‌టికి న‌న్ను అది వ‌ద‌ల‌కుండా కరుస్తూనే ఉంది. నా చేతిలోని ముక్క‌ను త‌న దంతాల‌తో లాగేసింది. న‌న్ను ఆ కోతి నుంచి కాపాడానికి అక్క‌డ పెద్ద‌గా జ‌నం లేరు.మా అన్నయ్య మాత్రం కోతిపై రాళ్లు విసిరి వెళ్ల‌గొట్టే ప్ర‌య‌త్నం చేశాడు. కానీ అది నన్ను వదలలేదు. అది నన్ను తీవ్రంగా గాయ‌ప‌రిచింది. ఏదో విధంగా అక్క‌డ నుంచి త‌ప్పించుకుని పరిగెత్తుకుంటూ వెళ్లిపోయాను. అప్ప‌టికే నా చేతి నుంచి తీవ్రంగా రక్తస్రావం అవుతోంది. నా చేతిలోని ఎమకులు బ‌య‌ట‌కు క‌న్పించాయి. తరువాత మేము ఒక క్లినిక్‌కి వెళ్ళాము. అక్క‌డ డాక్ట‌ర్ డ్రెస్సింగ్ చేశారు. అయిన‌ప్ప‌టికి చాలా ర‌క్తం బ‌య‌ట‌కు వ‌చ్చిస్తోంది. నేను బ్రతుకుతానో లేదో తెలియక నా కుటుంబ స‌భ్యులు క‌న్నీటి ప‌ర్యంత‌మ‌య్యారు. ఆ త‌ర్వాత మ‌రో డాక్ట‌ర్ వ‌చ్చి నాకు చికిత్స అందించారు. దీంతో నేను ప్రాణ‌పాయం స్ధితి నుంచి త‌ప్పించుకున్నాను.రెండు చేతులూ ఒకేలా ఉండవు..ఇటీవ‌లే నేను డెక్సా టెస్టుకు హాజ‌రయ్యాను. రెండు చేతుల మధ్య బ‌రువు కిలో తేడాగా ఉన్న‌ట్లు తేలింది. ఎందుకంటే ఆ కోతి నా చేతిలో ఒక కండను కొరికి బ‌య‌ట‌కు తీసేసేంది. అందుకే నేనే జిమ్ చేసే స‌మ‌యంలో ఒక చేతితో ఎత్తగలిగినంత బరువును మ‌రొక చేతితో ఎత్త‌లేను. రెండు చేతుల మధ్య చాలా తేడా ఉంది. ఆ కోతి ఎవరినీ వదిలిపెట్టలేదు. మా ఐదుగురు సోదరులలో అందరిని కరిచింది" అని రింకూ సింగ్‌ పేర్కొన్నాడు.చదవండి: ‘యువీ, సెహ్వాగ్‌ వంటి వారే లేరు.. బుమ్రాను తీర్చిదిద్దండి’

ఆసియాకప్‌-2025లో తమ తొలి మ్యాచ్‌కు టీమిండియా సిద్దమైంది. సెప్టెంబర్ 10న అబుదాబి వేదికగా యూఈఏతో తలపడనుంది. ఈ మ్యాచ్‌లో గెలిచి టోర్నీలో శుభారంభం చేయాలని భారత జట్టు భావిస్తోంది. ఈ క్రమంలో యూఏఈతో మ్యాచ్‌కు టీమిండియా ప్లేయింగ్‌ ఎలెవన్‌ను భారత మాజీ క్రికెటర్‌ కృష్ణమాచారి శ్రీకాంత్ అంచనా వేశాడు. తన ఎంచుకున్న తుది జట్టులో ఓపెనర్లుగా అభిషేక్‌ శర్మ, వైస్‌ ​కెప్టెన్ శుభ్‌మన్‌ గిల్‌కు ఛాన్స్‌ ఇచ్చాడు. ఈ జట్టులో సంజూ శాంసన్‌కు మాత్రం చోటు దక్కలేదు. అతడి స్ధానంలో వికెట్‌ కీపర్‌ బ్యాటర్‌గా జితేష్‌ శర్మను శ్రీకాంత్‌ ఎంపిక చేశాడు. మిడిలార్డర్‌లో తిలక్‌ వర్మ, సూర్యకుమార్‌ యాదవ్, శివమ్‌ దూబేలతో అతడు వెళ్లాడు. తిలక్‌ వర్మ ప్రస్తుతం అద్బుతమైన ఫామ్‌లో ఉన్నాడు. స్వదేశంలో ఇంగ్లండ్‌తో జరిగిన టీ20 సిరీస్‌తో పాటు ఐపీఎల్‌-2025లో దుమ్ములేపాడు. దీంతో అతడికి భారత తుది జట్టులో చోటు ఖాయం. ఇక ఆల్‌రౌండర్లగా హార్దిక్‌ పాండ్యా, అక్షర్‌ పటేల్‌కు ఈ తమిళనాడు క్రికెటర్‌ అవకాశమిచ్చాడు. అదేవిధంగా ఫాస్ట్‌ బౌలర్ల కోటాలో జస్ప్రీత్‌ బుమ్రా, అర్ష్‌దీప్‌ సింగ్‌లకు చోటు దక్కింది. ఇక స్పెషలిస్ట్‌ స్పిన్నర్‌గా వరుణ్‌ చక్రవర్తికి ఛాన్స్ లభించింది. అయితే గిల్ తిరిగి రావడంతో తుది జట్టులో సంజూ శాంసన్‌ స్దానంపై సందిగ్ధం కొనసాగుతోంది.కానీ మంగళవారం విలేకరుల సమావేశంలో మాట్లాడిన భారత కెప్టెన్‌ సూర్యకుమార్‌ యాదవ్‌ మాత్రం శాంసన్‌కు తుది జట్టులో చోటు దక్కుతుందన్న సంకేతాలు ఇచ్చాడు. సంజూ ప్రస్తుతం టీ20 క్రికెట్‌లో దుమ్ములేపుతున్నాడు.ఐపీఎల్‌-2025తో పాటు కేరళ క్రికెట్‌ లీగ్‌ టోర్నీలోనూ మెరుగైన ప్రదర్శన చేశాడు. మరోవైపు జితేష్‌ కూడా ఐపీఎల్‌లో మ్యాచ్‌ విన్నింగ్‌ ప్రదర్శనలు చేశాడు. టీమ్‌ మెనెజ్‌మెంట్‌కు ఇదొక కఠిన సవాల్‌ అనే చెప్పుకోవాలి. మరి సూర్య అండ్‌ గంభీర్‌ ఎవరివైపు మొగ్గు చూపుతారో బుధవారం వరకు వేచి చూడాల్సిందే.యూఏఈతో మ్యాచ్‌కు శ్రీకాంత్‌ అంచనా వేసిన భారత తుది జట్టు: అభిషేక్ శర్మ, శుబ్‌మన్‌ గిల్, తిలక్ వర్మ, సూర్యకుమార్ యాదవ్ (కెప్టెన్), శివమ్ దూబే, అక్షర్ పటేల్, హార్దిక్ పాండ్యా, జితేష్ శర్మ (వికెట్‌ కీపర్‌), జస్ప్రీత్ బుమ్రా, వరుణ్ చక్రవర్తి, అర్ష్‌దీప్ సింగ్చదవండి: IND vs AUS: ఫ్యాన్స్‌కు బ్యాడ్‌ న్యూస్‌.. ఆ సిరీస్‌కు కోహ్లి-రోహిత్‌ దూరం!?

రోహిత్ శ‌ర్మ‌.. భార‌త క్రికెట్ చ‌రిత్ర‌లో త‌న‌కంటూ ఓ ప్ర‌త్యేక గుర్తింపును తెచ్చుకున్నాడు. హిట్‌మ్యాన్‌ గ‌త 18 ఏళ్ల నుంచి ఆట‌గాడిగా, కెప్టెన్‌గా త‌న సేవ‌ల‌ను భార‌త జ‌ట్టుకు అందిస్తున్నాడు. భార‌త్‌కు రెండు ఐసీసీ టైటిల్స్‌ను అందించిన ఘ‌న‌త అత‌డిది.రోహిత్‌ సార‌థ్యంలోనే టీమిండియా టీ20 వ‌ర‌ల్డ్‌క‌ప్‌-2024, ఐసీసీ ఛాంపియ‌న్స్ ట్రోఫీ-2025ని సొంతం చేసుకుంది. అదేవిధంగా వ‌న్డేల్లో మూడు డ‌బుల్ సెంచ‌రీలు చేసిన ఏకైక ప్లేయర్‌గా, సింగిల్ వ‌ర‌ల్డ్‌క‌ప్ ఎడిష‌న్‌లో అత్య‌ధిక సెంచ‌రీలు చేసిన ప్లేయ‌ర్‌గా రోహిత్ కొన‌సాగుతున్నాడు. అయితే ఇన్ని ఘ‌న‌త‌లు సాధించిన రోహిత్.. ఇండియ‌న్ ఆల్ టైమ్ గ్రెటెస్ట్ క్రికెట‌ర్ల‌లో ఒక‌డు కాదంట‌. సచిన్ టెండూల్కర్, సునీల్ గవాస్కర్, రాహుల్ ద్రవిడ్, విరాట్ కోహ్లిల కంటే రోహిత్‌ వెనకబడి ఉన్నాడని భార‌త మాజీ క్రికెట‌ర్ సంజ‌య్ మంజ్రేక‌ర్ అభిప్రాయపడ్డాడు. అయితే వైట్‌బాల్ క్రికెట్‌లో మాత్రం రోహిత్ గొప్ప ప్లేయర్ అని అతడు కొనియాడాడు. టెస్టుల్లో రోహిత్‌కు మంచి ట్రాక్ రికార్డు లేకపోవడంతో ఆల్‌టైమ్ గ్రేట్ బ్యాటర్ల సరసన చోటు ఇవ్వడం లేదని మంజ్రేకర్ చెప్పుకొచ్చాడు. రోహిత్ శర్మ టెస్టుల్లో కేవలం 12 సెంచరీలు మాత్రమే సాధించాడు. అందులో రెండు సెంచరీలు విదేశీ గడ్డపై వ‌చ్చిన‌వి. అదే టెండూల్కర్ సేనా దేశాలలో (దక్షిణాఫ్రికా, ఇంగ్లాండ్, న్యూజిలాండ్, ఆస్ట్రేలియా) 17 సెంచరీలు న‌మోదు చేయ‌గా.. కోహ్లి, ద్ర‌విడ్ వ‌రుస‌గా 12, 10 సెంచ‌రీలు సాధించారు."ఆల్‌-టైమ్ ఇండియన్ బ్యాటింగ్ దిగ్గ‌జాల జాబితాలోకి రోహిత్ స‌రిపోడు. ఎందుకంటే స‌చిన్‌, గవాస్కర్, రాహుల్ ద్ర‌విడ్‌, విరాట్ వంటి దిగ్గ‌జాల‌తో పోలిస్తే రోహిత్ వెన‌క‌బ‌డి ఉన్నాడు. రోహిత్ వారి స్ధాయికి చేరుకోలేక‌పోయాడు. ప‌రిమిత ఓవ‌ర్ల క్రికెట్‌లో రోహిత్ అద్భుత‌మైన ప్లేయ‌ర్ అనడంలో ఎటువంటి సందేహం లేదు. అత‌డు ప్ర‌తీ జ‌ట్టుపై అధిపత్యం చెలాయించాడు. ఒక వ‌న్డే ఇన్నింగ్స్‌లో దాదాపు మూడు వంద‌ల ప‌రుగుల‌(264) వ‌ర‌కు సాధించాడు. కానీ ఆల్ టైమ్ గ్రేట్ జాబితా గురించి మాట్లేడ‌ప్పుడు టెస్ట్ క్రికెట్‌కు ఎక్కువ వెయిటేజ్ ఉంటుంది. రెడ్ బాల్ ఫార్మాట్‌లో రోహిత్ త‌న మార్క్ చూపించ‌లేక‌పోయాడు.వైట్ బాల్ క్రికెట్ గ్రేట్‌..అయితే భార‌త క్రికెట్‌లో స్వార్ధం లేని ఆటగాళ్ల లిస్ట్‌లో రోహిత్ ముందుంజలో ఉంటాడు. అంతే కాకుండా అతడి కెప్టెన్సీ కూడా గురుంచి కూడా మాట్లాడుకోవాలి. నిజంగా అతడొక అద్బుతమైన నాయకుడు. 2023 వన్డే ప్రపంచకప్ తర్వాత అతడిపై గౌరవం, ప్రేమ మరింత పెరిగిపోయింది. జట్టు కోసం ఎన్నో త్యాగాలు చేశాడు. సెల్ప్‌లెస్ క్రికెటర్‌. వన్డే క్రికెట్‌లో అతడొక లెజెండ్ అని దూరదర్శన్ ది గ్రేట్ ఇండియన్ క్రికెట్ షోలో పేర్కొన్నాడు.చదవండి: మైదానంలో వాళ్లను ఆపను.. ఈసారి ఫేవరెట్‌ జట్టు ఏదీ లేదు: పాక్‌ కెప్టెన్‌

టీమిండియా మాజీ క్రికెట‌ర్, గ్రేట్ ఆల్‌రౌండ‌ర్ యువ‌రాజ్ సింగ్ తండ్రి యోగరాజ్ సింగ్ మ‌రోసారి త‌న సంచ‌లన వ్యాఖ్య‌ల‌తో వార్త‌ల్లో నిలిచాడు. తాజాగా ఇన్‌సైడ్ స్పోర్ట్స్‌కు ఇచ్చిన ఇంటర్వ్యూలో 1997 మ్యాచ్ ఫిక్సింగ్ వివాదం గురుంచి యోగరాజ్‌ మాట్లాడాడు.భారత దిగ్గజ ఆటగాళ్లు కపిల్ దేవ్, మహ్మద్ అజారుద్దీన్‌లు మ్యాచ్ ఫిక్సింగ్‌కు పాల్పడ్డారని ఆరోపణలు వచ్చాయని, ఉద్దేశ్వపూర్వకంగానే కేసును నీరు గార్చారని ఆయన అన్నాడు. కాగా 1997లో క‌లిప్ దేవ్‌పై మ్యాచ్ ఫిక్సింగ్ ఆరోప‌ణ‌లు వ‌చ్చాయి. అయితే అందుకు ఎటువంటి ఆధారాలు లేవ‌ని సెంట్రల్ బ్యూరో ఆఫ్ ఇన్వెస్టిగేషన్ ప్ర‌భుత్వానికి నివేదిక స‌మ‌ర్పించింది."సుప్రీం కోర్టులో కొట్టివేయ‌బ‌డిన మ్యాచ్-ఫిక్సింగ్ కేసు ఫైల్ ఎక్క‌డ ఉందో జర్నలిస్టులందరినీ అడగండి. ఆ కేసులో మొద‌టి పేరు క‌పిల్ దేవ్‌ది ఉంటుంది. ఆ త‌ర్వాత అజారుద్దీన్‌ల‌తో పాటు చాలా మంది ఆట‌గాళ్ల పేర్లు ఉంటాయి. ఆ కేసును ఎందుకు కొట్టేశారు? త‌ర్వాత ఎందుకు రీ ఓపెన్ చేయ‌లేదు? ఎందుకు రీ ఓపెన్ చేయ‌లేదో నాకు తెలుసు. ఎందుకంటే ఇందులో చాలా మంది దిగ్గ‌జ క్రికెట‌ర్ల ప్ర‌మేయం ఉంద‌ని యోగ‌రాజ్ పేర్కొన్నారు.అసలేంటి మ్యాచ్ ఫిక్సింగ్ వివాదం?1997లో టీమిండియా మాజీ ఆట‌గాడు మ‌నోజ్ ప్ర‌భాక‌ర్ ఓ మ్యాగ్‌జైన్‌కు ఇచ్చిన ఇంట‌ర్వ్యూలో త‌న స‌హ‌చ‌ర ఆట‌గాళ్ల‌పై మ్యాచ్ ఫిక్సింగ్ ఆరోప‌ణ‌లు చేశాడు. శ్రీలంక వేదిక‌గా జ‌రిగిన సింగ‌ర్ క‌ప్‌-1994లో పాకిస్తాన్‌తో మ్యాచ్‌లో మ్యాచ్ ఫిక్స్ చేసేందుకు స‌హ‌చ‌ర భార‌త ఆట‌గాడు తనకు రూ. 25 లక్షలు ఆఫర్ చేశాడని ప్ర‌భాక‌ర్ సంచ‌ల‌న వ్యాఖ్య‌లు చేశాడు. దీంతో బీసీసీఐ భారత విశ్రాంత ప్రధాన న్యాయమూర్తి వైవీ చంద్ర‌చూడ్ నేతృత్వంలో ఒక క‌మిటీని ఏర్పాటు చేసింది. అజహర్‌తో పాటు సచిన్‌, కపిల్‌దేవ్‌, సునీల్‌ గావస్కర్‌, నయన్‌ మోంగియా , అజిత్‌ వాడేకర్‌ తదితరులు జస్టిస్‌ చంద్రచూడ్‌ కమిటీ ముందు విచారణకు హాజరయ్యారు. అయితే ప్రభాకర్ తన ఆరోపణలకు సరైన ఆధారాలు ఇవ్వలేదని కమిటీ తేల్చింది. అందువల్ల అన్ని ఆరోపణలను కొట్టివేసింది. ఈ కమిటీ నివేదిక తర్వాత కూడా మ్యాచ్ ఫిక్సింగ్ ఆరోపణలు కొనసాగాయి. 2000లో మళ్లీ మనోజ్‌ ప్రభాకర్‌ మీడియాకు ముందుకు వచ్చాడు. తనను మ్యాచ్‌ ఫిక్సింగ్‌ చేసేందుకు అప్పటి కెప్టెన్‌ కపిల్‌ దేవ్‌ ఆఫర్‌ చేశాడని మరో బాంబు పేల్చాడు. దీంతో సీబీఐ రంగంలో దిగింది. సీబీఐ విచారణలో కూడా కపిల్‌ దేవ్‌ నిర్ధేషిగానే తేలింది. కానీ మహ్మద్ అజహరుద్దీన్‌ను మాత్రం సీబీఐ దోషిగా తేల్చింది. మహ్మద్ అజహరుద్దీన్ అప్పటి దక్షిణాఫ్రికా కెప్టెన్ హాన్సీ క్రోనేతో కలిసి మ్యాచ్ ఫిక్సింగ్‌కు పాల్పడ్డాడని సీబీఐ తన నివేదికలో పేర్కొంది. సీబీఐ రిపోర్ట్ ఆధారంగా అజహరుద్దీన్‌పై బీసీసీఐ జీవితకాల నిషేధం విధించింది. అయితే 2012లో కోర్టు ఆ నిషేధాన్ని రద్దు చేసింది.చదవండి: పాక్‌లో మ్యాచ్ జరుగుతుండగా ఉగ్రదాడి.. సౌతాఫ్రికా ప‌ర్య‌ట‌న‌పై నీలినీడ‌లు?

అన్షుల్ కాంబోజ్‌.. టీమిండియాకు మ‌రో జ‌స్ప్రీత్ బుమ్రా, జ‌హీర్ ఖాన్ అవుతాడు. ఇవి ఇంగ్లండ్ ప‌ర్య‌ట‌లో భార‌త త‌ర‌పున టెస్టు అరంగేట్రం చేసిన‌ పేస‌ర్ కాంబోజ్ గురుంచి లెజెండ‌రీ ర‌విచంద్రన్ అశ్విన్ అన్న మాట‌లు. కానీ అశ్విన్ అంచ‌నాల‌ను కాంబోజ్ అందుకోలేక‌పోయాడు. బుమ్రా, జ‌హీర్‌ల‌తో పోల్చ‌డం ప‌క్క‌న పెడితే కాంబోజ్ కనీస పోటీ ఇవ్వ‌లేక‌పోయాడు. ఇంగ్లండ్‌తో నాలుగో టెస్టుకు ముందు అర్ష్‌దీప్ సింగ్‌, ఆకాష్ దీప్ గాయ‌ప‌డడంతో సెల‌క్ట‌ర్లు అనుహ్యంగా అన్షుల్‌కు పిలుపునిచ్చారు.ఉన్న‌ప‌ళంగా మాంచెస్ట‌ర్‌కు వెళ్లిన కాంబోజ్‌.. ఇంగ్లండ్‌తో జ‌రిగిన నాలుగో టెస్టులో అరంగేట్రం చేశాడు. ఈ హ‌ర్యానా పేస‌ర్ ఏ మాత్రం ప్ర‌భావం చూప‌లేక‌పోయాడు. రెండు ఇన్నింగ్స్‌లు క‌లిపి కేవ‌లం ఒక్క వికెట్ మాత్ర‌మే ప‌డ‌గొట్టాడు. అంతేకాకుండా స‌రైన పేస్‌ను జ‌న‌రేట్ చేయ‌డంలో కూడా కాంబోజ్ ఇబ్బంది ప‌డ్డాడు. గంట‌కు 120 కి.మీ వేగంతో మాత్రమే కాంబోజ్ బౌలింగ్ చేశాడు. దీంతో అత‌డిపై విమ‌ర్శ‌లు వెల్లువెత్తాయి. ఒక్క మ్యాచ్‌కే వేటు..అయితే భార‌త రెడ్ బాల్ క్రికెట్ సెటాప్ నుంచి కాంబోజ్‌ను బీసీసీఐ ప‌క్క‌న పెట్టిన‌ట్లు తెలుస్తోంది. ఇందులో భాగంగానే ఆస్ట్రేలియా-ఎతో జ‌ర‌గ‌నున్న అనాధికారిక టెస్టు సిరీస్ కోసం ఎంపిక చేసిన భార‌త జ‌ట్టులో కాంబోజ్‌కు చోటు ద‌క్కలేదు. ఇటీవ‌ల సెంట‌ర్ ఆఫ్ ఎక్స్‌లెన్స్‌లో బీసీసీఐ కండ‌క్ట్ చేసిన పేస్ బౌల‌ర్ల క్యాంపున‌కు కాంబోజ్ హాజ‌రైన‌ప్ప‌టికి.. ఆసీస్‌తో సిరీస్‌కు మాత్రం సెల‌క్ట‌ర్లు ప‌రిగ‌ణ‌లోకి తీసుకోలేదు. దీంతో అత‌డు తిరిగి జాతీయ జ‌ట్ట‌లోకి రావ‌డం అనుమాన‌మే. ఆస్ట్రేలియా-ఎతో సిరీస్‌కు సీనియ‌ర్ పేస‌ర్లు ప్రసిద్ధ్ కృష్ణ, ఖలీల్ అహ్మద్‌ల‌తో పాటు యువ పేస‌ర్లు యశ్ ఠాకూర్గు, గుర్నూర్ బ్రార్‌లను సెల‌క్ట‌ర్లు ఎంపిక చేశారు. అయితే అన్షుల్‌కు దేశ‌వాళీ క్రికెట్‌లో అద్బుత‌మైన ట్రాక్ రికార్డు ఉంది. గతేడాది రంజీ ట్రోఫీ మ్యాచ్‌లో కాంబోజ్ ఒకే ఇన్నింగ్స్‌లో ప‌ది వికెట్లు ప‌డ‌గొట్టి చ‌రిత్ర కెక్కాడు. అంతేకాకుండా గ‌తేడాది నుంచి ఇండియా-ఎ జ‌ట్టులో కాంబోజ్ భాగమ‌వుతూ వ‌స్తున్నాడు.కానీ ఇప్పుడు జాతీయ జ‌ట్టు త‌ర‌పున అరంగేట్రం చేసిన త‌ర్వాత కూడా భార‌త్‌-ఎ జ‌ట్టు నుంచి అత‌డిని త‌ప్పించ‌డం అంద‌రిని ఆశ్య‌ర్య‌ప‌రిచింది. కాంబోజ్ ఏమైనా ఫిట్‌నెస్ స‌మ‌స్య‌ల‌తో స‌త‌మ‌త‌మ‌వుతున్నాడా? లేదా సెల‌క్ట‌ర్లు కావాల‌నే ప‌క్క‌న పెట్టారా తెలియాల్సింది.ఆసీస్‌-తో సిరీస్‌కు భారత్‌-ఎ జట్టుశ్రేయాస్ అయ్యర్ (కెప్టెన్‌), అభిమన్యు ఈశ్వరన్, ఎన్ జగదీశన్ (వికెట్ కీపర్‌), సాయి సుదర్శన్, ధృవ్ జురెల్ (వైస్ కెప్టెన్‌), దేవదత్ పడిక్కల్, హర్ష్ దూబే, ఆయుష్ బదోని, నితీష్ కుమార్ రెడ్డి, తనుష్ కోటియన్, ప్రసిద్ధ్ కృష్ణ, గుర్నూర్ బ్రార్‌,ఖలీల్ అహ్మద్, మానవ్ సుతార్, యష్ ఠాకూర్

భార‌త మాజీ వికెట్ కీప‌ర్ బ్యాట‌ర్ దినేష్ కార్తీక్ ఆల్‌టైమ్ ఇండియా టీ20 ప్లేయింగ్ ఎలెవ‌న్‌ను ఎంచుకున్నాడు. ఈ జ‌ట్టులో రోహిత్ శ‌ర్మ‌, విరాట్ కోహ్లి, ఎంఎస్ ధోని, యువ‌రాజ్ సింగ్‌, జస్ప్రీత్ బుమ్రా, సూర్యకుమార్ యాదవ్, హార్దిక్ పాండ్యాల వంటి స్టార్ క్రికెట‌ర్లకు కార్తీక్ చోటు ఇచ్చాడు.అదేవిధంగా యువ ఆట‌గాడు అభిషేక్ శ‌ర్మ‌కు ఛాన్స్ ఇచ్చాడు. ఈ జ‌ట్టు కెప్టెన్‌గా ధోనిని డికే ఎంపిక చేశాడు. కార్తీక్ ఇటీవ‌లే క్రిక్‌బ‌జ్‌కు ఇంట‌ర్వ్యూ ఇచ్చాడు. ఈ సంద‌ర్భంగా టీమిండియా ఆల్‌టైమ్ టీ20 ప్లేయింగ్ ఎలెవ‌న్‌ను ఎంచుకోమ‌ని హోస్ట్ అడిగాడు."అంత‌ర్జాతీయ టీ20 క్రికెట్‌లో గ‌త రెండేళ్ల‌గా దుమ్ములేపుతున్న ఆట‌గాడితో నా ప్లేయింగ్ ఎలెవ‌న్‌ను ప్రారంభిస్తాను. అత‌డు యువ బ్యాట‌ర్ అభిషేక్ శ‌ర్మ‌. అభిషేక్‌కు అద్బుత‌మైన టాలెంట్ ఉంది. భవిష్య‌త్తులో అత‌డు సూప‌ర్ స్టార్ అవుతాడు. టీ20 ఫార్మాట్‌కు అత‌డి స‌రిగ్గా సరిపోతాడు. అభి బంతితో కూడా రాణించ‌గ‌ల‌డు. నా జ‌ట్టులో అభిషేక్‌తో పాటు రోహిత్ శ‌ర్మ‌ను ఓపెన‌ర్ల‌గా ఎంచుకుంటాను. మూడు, నాలుగు స్ధానాల్లో కోహ్లి, సూర్య‌కు ఛాన్స్ ఇవ్వాల‌న‌కుంటున్నాను. ఐదో స్ధానంలో యువ‌రాజ్ సింగ్‌.. ఆల్‌రౌండ‌ర్ల‌గా హార్దిక్ పాండ్యా, అక్ష‌ర్ పటేల్‌కు చోటు ఇస్తాను. వికెట్ కీప‌ర్‌గా ధోనిని ఫిక్స్ చేస్తాను. అంతేకాకుండా నా ఆల్‌టైమ్ జ‌ట్టుకు ధోనినే కెప్టెన్‌. ఇక స్పెషలిస్ట్ స్పిన్న‌ర్‌గా వ‌రుణ్ చ‌క్ర‌వ‌ర్తికి అవ‌కాశమిస్తాను. చివ‌ర‌గా ఫాస్ట్ బౌల‌ర్ల కోటాలో జ‌స్ప్రీత్ బుమ్రా, భువ‌నేశ్వ‌ర్‌కు కుమార్‌లకు ఛాన్స్ ఇస్తాన‌ని" కార్తీక్ పేర్కొన్నాడు. కాగా తొట్ట తొలి టీ20 వ‌ర‌ల్డ్‌క‌ప్ విన్నింగ్‌ జ‌ట్టులో భాగ‌మైన గౌత‌మ్ గంభీర్‌, వీరేంద్ర సెహ్వాగ్‌లకు కార్తీక్ చోటు ఇవ్వ‌క‌పోవ‌డం గ‌మ‌నార్హం. అదేవిధంగా వ‌ర‌ల్డ్ టీ20 నంబ‌ర్ వ‌న్ బౌల‌ర్ అర్ష్‌దీప్‌ను కూడా డికే ప‌రిగ‌ణ‌లోకి తీసుకోలేదు.కార్తీక్ ఎంచుకున్న ఆల్‌టైమ్ భార‌త టీ20 ప్లేయింగ్ ఎలెవ‌న్‌అభిషేక్ శర్మ, రోహిత్ శర్మ, విరాట్ కోహ్లీ, సూర్యకుమార్ యాదవ్, యువరాజ్ సింగ్, హార్దిక్ పాండ్యా, ఎంఎస్‌ ధోని (కెప్టెన్ అండ్ వికెట్ కీప‌ర్‌), అక్షర్ పటేల్, వరుణ్ చక్రవర్తి, జస్ప్రీత్ బుమ్రా, భువనేశ్వర్ కుమార్చదవండి: భారత జట్టు కెప్టెన్‌గా శ్రేయస్ అయ్యర్‌.. బీసీసీఐ ప్రకటన

ఐసీసీ వ‌న్డే వన్డే ర్యాంకింగ్స్‌లో సౌతాఫ్రికా దుమ్ములేపింది. అంత‌ర్జాతీయ క్రికెట్ కౌన్సిల్ తాజాగా ప్ర‌క‌టించిన ర్యాంకింగ్స్‌లో సౌతాఫ్రికా టాప్-5లోకి దూసుకొచ్చింది. గురువారం ఇంగ్లండ్‌తో జ‌రిగిన రెండో వ‌న్డేకు ముందు ప్రోటీస్ జ‌ట్టు ఆరో స్ధానంలో ఉండేది.అయితే ఇంగ్లండ్‌పై అద్బుత విజ‌యం సాధించ‌డంతో సౌతాఫ్రికా.. పాకిస్తాన్‌ను వెనుక్కి నెట్టి ఐదో స్ధానానికి చేరుకుంది. స‌ఫారీల ఖాతాలో ప్ర‌స్తుతం 101 రేటింగ్ పాయింట్లు ఉండ‌గా.. ఆరో స్దానంలో పాక్ వ‌ద్ద 100 రేటింగ్ పాయింట్ల ఉన్నాయి. సౌతాఫ్రికా జ‌ట్టు ఇటీవ‌ల కాలంలో వ‌న్డేల్లో అద్బుత‌మైన ప్ర‌ద‌ర్శ‌న క‌న‌బ‌రుస్తోంది.గ‌త నెల‌లో ఆసీస్‌తో వ‌న్డే సిరీస్‌ను సొంతం చేసుకున్న స‌ఫారీలు ఇప్పుడు ఇంగ్లీష్ జ‌ట్టు భర‌తం ప‌ట్టారు. వ‌రుస సిరీస్ విజ‌యాల‌తో సౌతాఫ్రికా ర్యాంకింగ్స్‌లో భారీ మార్పులు చోటు చేసుకుంది. ఇదే జోరును సౌతాఫ్రికా కొన‌సాగిస్తే మ‌రి కొద్ది రోజుల్లో రెండో స్ధానానికి చేరుకునే అవ‌కాశ‌ముంది.ప్ర‌స్తుతం వ‌న్డేల్లో వ‌ర‌ల్డ్ నంబ‌ర్ వ‌న్ జ‌ట్టుగా టీమిండియా(124 రేటింగ్ పాయింట్లు) కొన‌సాగుతోంది. ఆ త‌ర్వాత స్ధానాల్లో వ‌రుస‌గా న్యూజిలాండ్‌(109), ఆస్ట్రేలియా(106), శ్రీలంక‌(103) ఉన్నాయి. రెండో ర్యాంక్‌కు చేరాలంటే సౌతాఫ్రికాకు కేవ‌లం 8 రేటింగ్ పాయింట్లు మాత్ర‌మే అవ‌స‌రం. ఉత్కంఠ పోరులో ప్రోటీస్ విజ‌యం..కాగా లార్డ్స్ వేదిక‌గా నువ్వానేనా అన్న‌ట్లు సాగిన మ్యాచ్‌లో 5 ప‌రుగుల తేడాతో ఇంగ్లండ్‌పై సౌతాఫ్రికా విజ‌యం సాధించింది. తొలుత బ్యాటింగ్ చేసిన ద‌క్షిణాఫ్రికా నిర్ణీత 50 ఓవ‌ర్ల‌లో 8 వికెట్ల న‌ష్టానికి 330 పరుగులు సాధించింది. ప్రోటీస్ బ్యాట‌ర్ల‌లో మాథ్యూ బ్రీట్జ్కే దుమ్ములేపాడు.77 బంతులు ఎదుర్కొన్న బ్రీట్జ్కే.. ఏడు ఫోర్లు, మూడు సిక్సర్ల సాయంతో 85 పరుగులు చేశాడు. అతడికి తోడుగా ట్రిస్టన్‌ స్టబ్స్‌ (58), డెవాల్డ్‌ బ్రెవిస్‌ (42), కార్బిన్‌ బాష్‌ (32 నాటౌట్‌) రాణించారు. ఇంగ్లండ్‌ బౌలర్లలో జోఫ్రా ఆర్చర్ నాలుగు వికెట్లు దక్కించుకోగా.. ఆదిల్‌ రషీద్‌ రెండు, జేకబ్‌ బెతెల్‌ ఒక వికెట్‌ తమ ఖాతాలో వేసుకున్నారు. అనంత‌రం ల‌క్ష్య చేధ‌న‌లో ఇంగ్లండ్ నిర్ణీత ఓవ‌ర్ల‌లో 9 వికెట్లు కోల్పోయి 325 ప‌రుగులకే ప‌రిమిత‌మైంది. ఆఖ‌రి ఓవ‌ర్‌లో ఇంగ్లండ్ విజ‌యానికి 16 ప‌రుగులు అవ‌స‌ర‌మ‌వ్వ‌గా.. సేన్‌ ముత్తుస్వామి అద్బుతంగా బౌలింగ్ చేయ‌డంతో కేవ‌లం 10 ప‌రుగులు మాత్ర‌మే వ‌చ్చాయి.చదవండి: చరిత్ర సృష్టించిన బవుమా బృందం.. బ్రీట్జ్కే వరల్డ్‌ రికార్డుతో..

ఆసియాలోనే అతి పెద్ద క్రికెట్ పండ‌గ‌కు స‌మ‌యం అస‌న్న‌మ‌వుతోంది. ఆసియా క‌ప్‌-2025 సెప్టెంబ‌ర్ 9 నుంచి ప్రారంభం కానుంది. ఈ మెగా టోర్నీలో మొత్తం 8 జ‌ట్లు తలపడనున్నాయి. గ్రూప్‌-‘ఎ’లో భారత్, పాకిస్తాన్, యూఏఈ, ఒమన్ ఉండగా, గ్రూప్ 'బి'లో శ్రీలంక, బంగ్లాదేశ్, అఫ్ఘనిస్తాన్, హాంకాంగ్ జట్లు ఉన్నాయి. ప్ర‌తీ గ్రూపు నుంచి టాప్‌-2 టీమ్స్ సూప‌ర్ ఫోర్ స్టేజికి చేరుకుంటాయి. ఈ ఖండాంతర‌ టోర్నీలో టీమిండియా డిఫెండింగ్ ఛాంపియ‌న్‌గా బ‌రిలోకి దిగ‌నుంది. ఆసియాక‌ప్‌-2023ను భార‌త్ సొంత చేసుకుంది. కానీ అది వ‌న్డే ఎడిష‌న్ కావ‌డం గ‌మ‌నార్హం. చివ‌ర‌గా 2022లో జ‌రిగిన ఆసియాక‌ప్ టీ20 టోర్నీ టైటిల్‌ను శ్రీలంక సొంతం చేసుకుంది. అయితే గత ఎడిష‌న్ కంటే ఈసారి ప్రైజ్ మ‌నీని భారీగా పెంచేందుకు ఆసియా క్రికెట్ కౌన్సిల్ సిద్ద‌మైన‌ట్లు తెలుస్తోంది.ఆసియాక‌ప్ విజేత‌కు ప్రైజ్ మ‌నీ ఎంతంతంటే?ఆసియాక‌ప్-2022(టీ20 ఫార్మాట్‌) ఛాంపియ‌న్స్‌గా నిలిచిన శ్రీలంకకు దాదాపు 200,000 డాల‌ర్ల‌( సుమారు రూ. 1.6 కోట్లు) ప్రైజ్‌మ‌నీ ల‌భించింది. అయితే ప్ర‌స్తుత స‌మాచారం ప్ర‌కారం.. ఈ ఏడాది ఆసియా విజేత‌గా నిలిచే జ‌ట్టుకు 300,000 డాల‌ర్లు (దాదాపు రూ. 2.6 కోట్లు) న‌గ‌దు బ‌హుమ‌తి ఏసీసీ అంద‌జేయ‌నున్న‌ట్లు తెలుస్తోంది. గ‌త ఎడిషన్‌తో పోలిస్తే ఇది 50 శాతం అధికం కావ‌డం గ‌మ‌నార్హం. అదేవిధంగా ర‌న్న‌ర‌ప్‌గా నిలిచే జ‌ట్టు 150,000 డాల‌ర్లు (సుమారు రూ. 1.3 కోట్లు) ప్రైజ్‌మ‌నీ సొంతం చేసుకోనుంది. మూడు, నాలుగు స్ధానాల్లో నిలిచే జ‌ట్లు వ‌రుస‌గా రూ. 80, 60 ల‌క్ష‌లు ద‌క్కించుకోనున్న‌ట్లు తెలుస్తోంది. అయితే ఈ ప్రైజ్‌మ‌నీపై ఏసీసీ ఇంకా అధికారిక ప్ర‌క‌ట‌న చేయ‌లేదు. కాగా ఈ ఈవెంట్‌లో భారత తొలి మ్యాచ్‌ సెప్టెంబర్‌ 10న యూఈఏతో ఆడనుంది.చదవండి: 'సంజూ శాంసన్ కంటే అతడు ఎంతో బెట‌ర్‌.. అద్భుతాలు సృష్టిస్తాడు'

ఆసియాకప్‌-2025 సెప్టెంబర్ 9 నుంచి ప్రారంభం కానుంది. ఈ మెగా టోర్నీ కోసం సూర్యకుమార్ యాదవ్ సారథ్యంలోని భారత జట్టు గురువారం దుబాయ్ పయనం కానుంది. నాలుగు రోజుల పాటు స్పెషల్ ట్రైనింగ్ క్యాంపులో టీమిండియా చెమటోడ్చనుంది. అయితే ఈ టోర్నీలో భారత జట్టు తరపున సంజూ శాంసన్‌కు ఆడే అవకాశం లభిస్తుందా లేదా అన్నది ప్రస్తుతం చర్చనీయాంశంగా మారింది. ఇన్నాళ్లు ఓపెనర్‌గా ఆడిన శాంసన్‌కు శుబ్‌మన్ గిల్ రీఎంట్రీతో తుది జట్టులో చోటుపై సందేహం నెలకొంది. సంజూ ప్రస్తుతం అద్భుతమైన ఫామ్‌లో ఉన్నప్పటికి టీమ్ మెనెజ్‌మెంట్ గిల్ వైపే మొగ్గు చూపే అవకాశముంది. భారత ఇన్నింగ్స్‌ను అభిషేక్‌తో పాటు గిల్ ప్రారంభించే సూచనలు కన్పిస్తున్నాయి.ఒకవేళ శాంసన్‌ను మిడిలార్డర్‌లో ఆడించాలని భావిస్తే అతడికి తుది జట్టులో చోటు దక్కే అవకాశముంది. లేదంటే అతడి స్ధానంలో వికెట్ కీపర్‌గా జితేష్ శర్మను ప్లేయింగ్ ఎలెవన్‌లోకి తీసుకోవడం ఖాయం. తాజాగా ఇదే విషయంపై భారత మాజీ ఆటగాడు దీప్ దాస్ గుప్తా తన అభిప్రాయాన్ని వెల్లడించాడు. భారత తుది జట్టులో సంజూకు చోటు కష్టమేనని అతడు అన్నాడు."టీమిండియా ఇన్నింగ్స్‌ను అభిషేక్ శర్మతో కలిసి శుబ్‌మన్ గిల్ ప్రారంభిస్తాడని అనుకుంటున్నాను. అతడు జట్టు వైస్ కెప్టెన్‌గా ఉన్నందున కచ్చితంగా ప్లేయింగ్ ఎలెవన్‌లో ఉంటాడు. అంతేకాకుండా రెట్ హ్యాండ్‌, లెఫ్ట్ హ్యాండ్ బ్యాటింగ్‌ కాంబనేషన్ కూడా సరిగ్గా సరిపోతుంది. ఇక మూడో స్ధానంలో కెప్టెన్ సూర్యకుమార్‌, నాలుగో స్ధానంలో తిలక్ వర్మ రానున్నారు. ఈ రెం‍డు స్ధానాల్లో ఇంతకంటే బెటర్ ఆప్షన్స్ లేవని భావిస్తున్నాను. మరోసారి లెఫ్ట్-హ్యాండ్, రైట్-హ్యాండ్ కాంబినేషన్ జట్టుకు ఉపయోగపడుతోంది. ఇక వికెట్ కీపర్ బ్యాటర్‌గా జితేష్ శర్మకు అవకాశమివ్వాలని నేను సూచిస్తాను. సంజూ శాంసన్ కంటే అతడు బెటర్ ఆప్షన్‌. జితేష్‌ ఐదు లేదా ఆరో స్ధానంలో బ్యాటింగ్ వచ్చి జట్టుకు మంచి ఫినిష్‌ను అందించగలడు. అదే శాంసన్‌ అయితే టాపర్డర్‌లో మాత్రమే ఆడగలడు. కాబట్టి సంజూ కంటే జితేష్‌కే తుది జట్టులో చోటు దక్కే అవకాశాలు ఎక్కువగా ఉన్నాయని" రేవ్‌స్పోర్ట్స్‌కు ఇచ్చిన ఇంటర్వ్యూలో గుప్తా పేర్కొన్నాడు.ఆసియాకప్‌-2025కు భారత జట్టుసూర్యకుమార్ యాదవ్ (కెప్టెన్‌), శుభమన్ గిల్ (వైస్ కెప్టెన్‌), అభిషేక్ శర్మ, తిలక్ వర్మ, హార్దిక్ పాండ్యా, శివమ్ దూబే, అక్షర్ పటేల్, జితేష్ శర్మ (వికెట్ కీపర్‌), జస్ప్రీత్ బుమ్రా, వరుణ్ చక్రవర్తి, అర్ష్‌దీప్ సింగ్, కులదీప్ యాదవ్, సంజూ శాంసన్ (వికెట్‌కీపర్‌), హర్షిత్ సింగ్ రానాచదవండి: ఎంత గొప్పగా ఆడినా ప్రయోజనం ఉండదు.. అంతా సెలక్టర్ల ఇష్టం: భువీ

జ‌స్ప్రీత్ బుమ్రా.. ప్ర‌పంచంలోనే అత్యుత్తమ బౌలర్లలో ఒకడిగా కొన‌సాగుతున్నాడు. అన్ని ఫార్మాట్ల‌లో టీమిండియా పేస్ ద‌ళానికి నాయ‌కుడిగా వ్య‌వ‌హ‌రిస్తున్నాడు. బుమ్రా బౌలింగ్ చేస్తుంటే ప్ర‌త్య‌ర్ది బ్యాట‌ర్ వెన్నులో వ‌ణుకు పుట్టాల్సిందే.ఇంగ్లండ్ ప‌ర్య‌ట‌న‌లో కేవ‌లం మూడు టెస్టులు మాత్ర‌మే ఆడిన‌ప్ప‌టికి త‌న అత్య‌త్తుమ ప్ర‌ద‌ర్శ‌న‌ను బుమ్రా ఇచ్చాడు. ఇటీవ‌లే త‌న ఫిట్‌నెస్ టెస్టుల‌ను క్లియ‌ర్ చేసిన ఈ టీమిండియా పేస్ గుర్రం.. ఆసియాక‌ప్‌-2025కు సిద్ద‌మ‌వుతున్నాడు.ఈ నేప‌థ్యంలో బుమ్రాపై పాకిస్తాన్ మాజీ కెప్టెన్‌, స్వింగ్ సుల్తాన్ వ‌సీం అక్ర‌మ్ ప్ర‌శంస‌ల వ‌ర్షం కురిపించాడు. ప్ర‌స్తుత త‌రంలో బుమ్రాను మించిన బౌల‌ర్ మ‌రొక‌రు లేర‌ని అక్ర‌మ్ కొన‌యాడాడు. అదేవిధంగా బుమ్రాను త‌న పోల్చ‌డంపై ఈ పాక్ దిగ్గ‌జం స్పందించాడు.కాగా ఇప్ప‌టికే చాలా సంద‌ర్బాల్లో మాజీలు బుమ్రాను అక్ర‌మ్‌తో పోల్చారు. ఆండ‌ర్స‌న్‌-టెండూల్క‌ర్ ట్రోఫీలో కామెంటేట‌ర్‌గా వ్య‌వ‌హ‌రించిన భార‌త మాజీ పేస‌ర్ వ‌రుణ్ అరుణ్ అయితే ఏకంగా వసీం అక్రమ్ కంటే బెట‌ర్ బౌల‌ర్ అని పేర్కొన్నాడు. అయితే వ‌సీం అక్ర‌మ్ కూడా 90ల‌లో తన పేస్ బౌలింగ్‌తో ప్ర‌త్య‌ర్ధి బ్యాట‌ర్ల‌కు చుక్క‌లు చూపించేవాడు."జస్ప్రీత్ బుమ్రా ప్రపంచంలోని గొప్ప బౌలర్లలో ఒకడు. అత‌డికి అద్భుత‌మైన బౌలింగ్ యాక్ష‌న్ ఉంది. మంచి వేగంతో కూడా బౌలింగ్ చేయ‌గ‌ల‌డు. అయితే 90ల‌లో ఆడిన బౌల‌ర్ల‌ను ఇప్పుడు ఉన్న బౌల‌ర్ల‌తో పోల్చ‌డం స‌రికాదు. అతను కుడిచేతి వాటం బౌలర్, నేను ఎడమచేతి వాటం బౌలర్‌ని. అత‌డితో న‌న్ను ఎలా పోలుస్తారు. బుమ్రా బౌలింగ్ యాక్ష‌న్ వేరు, నా బౌలింగ్ యాక్ష‌న్ వేరు. సోష‌ల్ మీడియాలో ఇటువంటి చ‌ర్చ‌లు నేను త‌రుచుగా చూస్తున్నాను. ఊళ్లో పెళ్లికి కుక్క‌ల హ‌డావుడిలా ఉంది. ఈ మాజీ క్రికెట‌ర్ల చ‌ర్చ‌ల‌ను నేను ప‌ట్టించుకోను. బుమ్రా కూడా పట్టించుకోడు. ఈ త‌రంలో బుమ్రా గొప్ప బౌల‌ర్. మా జ‌న‌రేష‌న్‌లో మా స్దాయికి త‌గ్గ‌ట్టు మేము రాణించాము. కాబ‌ట్టి రెండు త‌రాల‌ను పోల్చాల్సిన అవ‌స‌రం లేద‌ని జియో న్యూస్‌కు ఇచ్చిన ఇంట‌ర్వ్యూలో అక్ర‌మ్ పేర్కొన్నాడు.చదవండి: ‘ది హండ్రెడ్‌’లో ఇరగదీశారు.. ఆ నలుగరికి ఐపీఎల్‌లో భారీ ధర!

ఆర్సీబీ వికెట్ కీప‌ర్ బ్యాట‌ర్ జితేష్ శర్మ ఏడాది విరామం త‌ర్వాత తిరిగి టీమిండియా త‌ర‌పున ఆడేందుకు సిద్ద‌మ‌య్యాడు. ఆసియాక‌ప్‌-2025కు ఎంపిక చేసిన భార‌త జ‌ట్టులో అతడికి చోటు ద‌క్కింది. వికెట్ కీప‌ర్ కోటాలో సంజూ శాంస‌న్‌, జితేష్‌కు మ‌ధ్య పోటీ నెల‌కొంది.ఒక‌వేళ డౌన్‌ది ఆర్డ‌ర్‌లో ఫినిష‌ర్ కావాల‌ని టీమ్ మెనెజ్‌మెంట్‌ భావిస్తే సంజూకు బ‌దుల‌గా జితేష్‌కు తుది జ‌ట్టులో చోటు దక్కే అవ‌కాశ‌ముంది. సంజూ శాంస‌న్ ప్ర‌స్తుతం అద్బుత‌మైన ఫామ్‌లో ఉన్నాడు. కేర‌ళ టీ20లో శాంస‌న్ ప‌రుగుల వ‌రద పారిస్తున్నాడు. మరోవైపు జితేష్ కూడా మంచి టచ్‌లో ఉన్నాడు. ఐపీఎల్‌-2025 త‌ర్వాత క్రికెట్‌కు దూరంగా ఉన్న ఈ విధర్బ ఆట‌గాడు.. భారీ షాట్ల ఆడ‌టంలో దిట్ట‌. ముఖ్యంగా డౌన్‌ది ఆర్డ‌ర్‌లో బ్యాటింగ్‌కు వ‌చ్చి జ‌ట్టుకు మంచి ఫినిషింగ్ అందించగ‌లడు. ఈ ఏడాది ఐపీఎల్ ఛాంపియ‌న్‌గా ఆర్సీబీ నిల‌వ‌డంలో జితేష్‌ది కీల‌క పాత్ర‌. ఈ క్యాష్ రిచ్ లీగ్‌లో 31 ఏళ్ల జితేష్ 15 మ్యాచ్‌లు ఆడి 37 సగటు, 76 స్ట్రైక్ రేట్‌తో 261 పరుగులు చేశాడు. తాజాగా జితేష్ గురుంచి టీమిండియా మాజీ ఆట‌గాడు, ఆర్సీబీ బ్యాటింగ్ కోచ్ దినేష్ కార్తీక్ ఆస‌క్తిక‌ర విష‌యాల‌ను వెల్లడించాడు."టీమిండియా తరపున ఆడేందుకు జితేష్ శ‌ర్మ ఎప్పుడూ అంత‌గా ఆరాట‌ప‌డలేదు. అత‌డికి తెలిసింది ఒక్క‌టే. ఇన్నింగ్స్‌ను ఎలా పూర్తి చేయాలి? త‌న ఆడే జ‌ట్టును అత్యుత్త‌మ స్దాయికి ఎలా తీసుకుకెళ్లాలి? అని ఆలోచిస్తాడు. త‌న ప‌ని తాను చేసుకుపోవ‌డంపై ఎక్కువ‌గా దృష్టి పెడతాడు. అందుకే ఆఖరిలో వచ్చి అద్బుతమైన ఇన్నింగ్స్‌లు ఆడగల్గుతున్నాడు. భారీ ఇన్నింగ్స్‌లు ఎలా ఆడాలో, డిఫెన్స్ ఆడుతూ జట్టును ముందుకు ఎలా తీసుకు వెళ్లాలో అతడికి ఇప్పటికి తెలియదు. కానీ అతడికి అద్బుతమైన స్కి‍ల్స్ ఉన్నాయి. కాబట్టి జితేష్‌ను ఎలా సరిదిద్దాలో నాకు తెలుసు. అతడికి భారీ షాట్లు ఆడే సత్తా ఉంది. అంతేకాకుండా స్ట్రైట్‌గా సిక్సర్లు కొట్టగలడు. అయితే రివర్స్ స్కూప్‌, ల్యాప్ షాట్లు వంటివి ఆడలేడు" అని క్రిక్‌బజ్‌కు ఇంటర్వ్యూలో కార్తీక్ పేర్కొన్నాడు. కాగా ఐపీఎల్‌-2024లో పంజాబ్‌ కింగ్స్‌ తరపున మెరుగైన ప్రదర్శన అనంతరం జితేష్‌ టీమిండియా తరపున అరంగేట్రం చేశాడు.చదవండి: టాప్‌-5 క్రికెటర్లలో కోహ్లికి నో ఛాన్స్‌.. సారీ చెప్పిన డివిలియర్స్‌

ఆస్ట్రేలియాతో వ‌న్డే సిరీస్‌కు ముందు టీమిండియాకు గుడ్ న్యూస్‌. భార‌త వ‌న్డే కెప్టెన్ రోహిత్ శ‌ర్మ తన ఫిట్‌నెస్ టెస్టుల‌ను క్లియ‌ర్ చేసిన‌ట్లు తెలుస్తోంది. ఆగ‌స్టు 31న రోహిత్‌కు బెంగ‌ళూరులోని సెంట‌ర్ ఆఫ్ ఎక్స్‌లెన్స్‌లో హిట్‌మ్యాన్‌కు యో-యో టెస్టు,బ్రాంకో టెస్టు నిర్వ‌హించారు.ఈ రెండు టెస్టుల్లోనూ రోహిత్ శ‌ర్మ ఉత్తీర్ణత సాధించిన‌ట్లు రేవ్ స్పోర్ట్స్ త‌మ రిపోర్ట్‌లో పేర్కొంది. అయితే రోహిత్ స్కోర్‌ను మాత్రం బయటకు వెల్లడించలేదు. ఐసీసీ ఛాంపియన్స్ ట్రోఫీ-2025లో రోహిత్‌ చివరసారిగా అంతర్జాతీయ క్రికెట్ ఆడాడు. ఇప్పటికే టీ20, వన్డేలకు వీడ్కోలు పలికిన హిట్‌మ్యాన్‌.. ప్రస్తుతం వన్డేల్లో మాత్రమే కొనసాగుతున్నాడు.ఈ ఏడాది ఆక్టోబర్‌లో ఆస్ట్రేలియాతో జరగనున్న వన్డే సిరీస్‌లో రోహిత్ ఆడనున్నాడు. అయితే ఈ సిరీస్ తర్వాత రోహిత్ పూర్తిగా అంతర్జాతీయ క్రికెట్‌కు రిటైర్మెంట్ ప్రకటించనున్నాడని వార్తలు వినిపించాయి. వన్డే ప్రపంచకప్‌-2027కు ఇంకా రెండేళ్ల సమయం ఉండడంతో రోహిత్‌, కోహ్లిలు వన్డేల నుంచి తప్పుకొంటారని ప్రచారం జరిగింది. కానీ ఈ వార్తలను బీసీసీఐ తోసిపుచ్చింది. కాగా రోహిత్ ప్రస్తుతం తన ఫిట్‌నెస్‌పై పూర్తి దృష్టి సారించాడు. గతంతో పోలిస్తే రోహిత్ ప్రస్తుతం రోహిత్ చాలా స్లిమ్‌గా, ఫిట్‌గా కన్పిస్తున్నాడు. ఇదే ఫిట్‌నెస్‌ను కొనసాగిస్తే రాబోయో వన్డే ప్రపంచకప్‌లో ఆడినా ఆశ్చర్యపోన్కర్లేదు. ఆసీస్ పర్యటనకు ముందు హిట్‌మ్యాన్ స్వదేశంలో ఆస్ట్రేలియా-ఎతో జరిగే అనాధికారిక వన్డే సిరీస్‌లో ఆడే అవకాశముంది.వాళ్లు కూడా పాస్‌..రోహిత్ పాటు ఇత‌ర టీమిండియా ఆట‌గాళ్లు శుబ్‌మ‌న్‌ గిల్, మహ్మద్ సిరాజ్, జితేష్ శర్మ, జస్ప్రీత్ బుమ్రా, వాషింగ్టన్ సుందర్, యశస్వి జైస్వాల్, ప్రసిద్ధ్ కృష్ణలు కూడా త‌మ ఫిట్‌నెస్ ప‌రీక్ష‌ల‌లో పాసైన‌ట్లు తెలుస్తోంది. వీరింద‌రిలో పేస‌ర్ ప్ర‌సిద్ద్ కృష్ణ ఎక్కువ స్కోర్ సాధించినట్లు సమాచారం.కాగా ఆటగాళ్ల శారీరక సామర్థ్యాన్ని అంచనా వేసేందుకు యో-యో టెస్టుతో పాటు ఎముకల సాంద్రతను తెలుసుకునేందుకు డీఎక్స్ఏ స్కాన్‌ను కూడా నిర్వహించారు. అయితే మరో భారత స్టార్‌ విరాట్‌ కోహ్లి తన ఫిట్‌నెస్‌ టెస్టుకు ఎప్పుడు హాజరవుతాడో ఇంకా స్పష్టత లేదు.చదవండి: ఓ వైపు తండ్రి మరణం.. మరోవైపు ఆసీస్‌తో టెస్టు మ్యాచ్‌! సిరాజ్‌ ఎమన్నాడంటే?

భార‌త క్రికెట్ జ‌ట్టు మెంటార్‌గా మాజీ కెప్టెన్ ఎంఎస్ ధోనిని మ‌రోసారి నియ‌మించేందుకు బీసీసీఐ సిద్దమైన‌ట్లు వార్త‌లు వ‌స్తున్నాయి.. ఇప్ప‌టికే భార‌త క్రికెట్ బోర్డు ధోనితో సంప్ర‌దింపులు జ‌రిపిన‌ట్లు తెలుస్తోంది. కానీ ధోని ఇంకా త‌న అభిప్రాయాన్ని తెలియ‌జేయ‌లేద‌ని బీసీసీఐ వ‌ర్గాలు వెల్ల‌డించాయి.కాగా ఈ జార్ఖండ్ డైన‌మేట్‌ టీ20 ప్రపంచకప్‌-2021లో అప్పటి హెడ్‌కోచ్‌ రవిశాస్త్రితో కలిసి భారత జట్టు మెంటార్‌గా ధోని పనిచేశాడు. అయితే మ‌ళ్లీ ఇప్పుడు అత‌డు అనుభవాన్ని ఉప‌యోగించుకోవాల‌ని బీసీసీఐ భావిస్తుందంట‌. ఈ నేప‌థ్యంలో టీమిండియా మాజీ క్రికెట‌ర్ మ‌నోజ్ తివారీ కీల‌క వ్యాఖ్య‌లు చేశాడు. ధోనిని సంప్ర‌దించ‌డం చాలా క‌ష్ట‌మ‌ని, అత‌డు నిజంగా బీసీసీఐ ఫోన్ కాల్‌కు స్పందించాడా అని? ఆశ్చ‌ర్యం వ్య‌క్తం చేశాడు. కాగా ధోనిపై చాలా రోజుల నుంచి తివారీ విమ‌ర్శ‌లు గుప్పిస్తున్న సంగతి తెలిసిందే. ధోని త‌న‌కు అన్యాయం చేశాడ‌ని, అత‌డి వ‌ల్లే త‌న అంత‌ర్జాతీయ కెరీర్ ముగిసిపోయింద‌ని ప‌దేప‌దే తివారీ ఆరోపిస్తూ వ‌స్తున్నాడు."ఆట‌గాడిగా, కెప్టెన్‌గా ధోనికి అపార‌మైన అనుభ‌వం ఉంది. అటువంటి వ్య‌క్తి టీమిండియాకు మెంటార్‌గా వ‌స్తే చాలా ఉపయోగకరంగా ఉంటుంది. యువ ఆట‌గాళ్ల‌ను స్టార్ల‌గా తీరిదిద్దడంలో అత‌డు కీల‌క పాత్ర పోషిస్తాడు. అయితే అత‌డికి నిజంగా బీసీసీఐ ఆఫ‌ర్ ఇచ్చిందో లేదో త్వ‌ర‌లోనే తెలుస్తోంది. కానీ అత‌డు బోర్డ్ ఫోన్ కాల్‌కు స్పందించాండంటే నేను న‌మ్మ‌లేక‌పోతున్నాను. ఎందుకంటే అతన్ని ఫోన్‌లో సంప్రదించడం కష్టం. మెసేజ్‌ల‌కు కూడా ధోని రిప్లే ఇవ్వ‌డం చాలా అరుదు. ఈ విష‌యం ఇప్ప‌టికే చాలా మంది చెప్పారు. మ‌నం పంపిన మెసేజ్‌ను కూడా అత‌డు చదువుతాడా లేదో కూడా తెలియ‌దు. ఏదేమైన‌ప్ప‌టికి అత‌డు మెంటార్ వ‌స్తే జ‌ట్టుకు మేలు జ‌రుగుతంద‌ని నేను అనుకుంటున్నాను. ధోని, గౌత‌మ్ గంభీర్ జోడీ అద్బుతాలు చేయ‌వ‌చ్చు" అని ఎఎన్ఐకు ఇచ్చిన ఇంట‌ర్వ్యూలో తివారీ పేర్కొన్నాడు. ఒకవేళ బీసీసీఐ ఆఫర్‌ను ధోని అంగీకరిస్తే టీ 20 ప్రపంచకప్‌-2026కు ముందే భారత జట్టు మెంటార్‌గా బాధ్యతలు చేపట్టే అవకాశముంది.చదవం‍డి: DT 2025: అంకిత్‌, యశ్‌ ధుల్‌ సెంచరీలు.. భారీ ఆధిక్యంలో నార్త్‌ జోన్‌

టీ20 ప్రపంచకప్‌-2026కు ముందు భారత క్రికెట్ నియంత్రణ మండలి (BCCI) కీలక నిర్ణయం దిశగా అడుగులు వేస్తున్నట్లు తెలుస్తోంది. టీమిండియా మెంటార్‌గా లెజెండర్‌ కెప్టెన్‌ ఎంఎస్‌ ధోని మరోసారి నియమించాలని బీసీసీఐ భావిస్తున్నట్లు తెలుస్తోంది. ఇప్పటికే ధోనిని భారత క్రికెట్‌ బోర్డు సంప్రదించినట్లు ఒక నివేదిక పేర్కొంది.కాగా మిస్టర్‌ కూల్‌ టీ20 ప్రపంచకప్‌-2021లో అప్పటి హెడ్‌కోచ్‌ రవిశాస్త్రితో కలిసి భారత జట్టు మెంటార్‌గా ధోని పనిచేశాడు. కానీ ఆ ఏడాది పొట్టి ప్రపంచకప్‌లో భారత జట్టు ఆశించినంత మేర రాణించలేకపోయింది. లీగ్‌ స్టేజిలోనే ఇంటుముఖం పట్టిం‍ది. ఆ తర్వాత ధోని భారత కోచింగ్‌ సెటాప్‌లో ఎప్పుడూ భాగం కాలేదు.అయితే ఇప్పుడు మరోమారు ధోని సేవలను ఉపయోగించుకోవాలని బీసీసీఐ పెద్దలు యోచిస్తున్నరంట. క్రిక్‌బ్లాగర్‌ రిపోర్ట్‌ ప్రకారం.. యువ క్రికెటర్లను తీర్చిదిద్దడంలో ధోని కీలక పాత్ర పోషిస్తాడని బోర్డు విశ్వసిస్తన్నట్లు సమాచారం. అతడి సేవలను సుదీర్ఘంగా వాడుకోవాలని భావిస్తున్నట్లు వార్తలు వస్తున్నాయి.కానీ బీసీసీఐ ఆఫర్‌ను ధోని అంగీకరించే అవకాశం లేదని సదరు నివేదిక పేర్కొంది. అందుకు కారణం ధోని, గంభీర్‌ మధ్య ఉన్న వైర్యమే. ఒకవేళ ధోని ఒప్పుకొన్న గంభీర్‌ అందుకే ఓకే అంటాడన్నది అనుమానమే. ఈ ఇద్దరి లెజెండరీ క్రికెటర్లకు భారత జట్టుకు కలిసి ఆడినప్పటి నుంచి విభేదాలు ఉన్నాయి.ధోని కెప్టెన్సీలో గెలిచిన టీ20 ప్రపంచకప్‌, వన్డే వరల్డ్‌కప్‌ జట్లలో గంభీర్‌ సభ్యునిగా ఉన్నాడు. 2007 టీ20 ప్రపంచకప్‌ ఫైనల్‌తో పాటు వన్డే వరల్డ్‌కప్‌-2011 ఫైనల్లోనూ గౌతీ కీలక ఇన్నింగ్స్‌లు ఆడాడు. కానీ క్రెడిట్‌ అంతా కెప్టెన్‌గా ధోని ఇచ్చారని, అది సరికాదంటూ చాలా సందర్భాల్లో గంభీర్‌ వ్యాఖ్యానించాడు. అయితే ఇటీవల కాలంలో వీరిద్దరూ కలిసి పోయారని, కచ్చితంగా ధోని రాకను గంభీర్‌ స్వాగతిస్తాడని క్రికెట్‌ నిపుణులు అభిప్రాయపడుతున్నారు. ఈ విషయంపై మరి కొద్ది రోజుల్లో ఓ క్లారిటీ వచ్చే అవకాశముంది. వచ్చే ఏడాది పొట్టి ప్రపంచకప్‌ భారత్‌, శ్రీలంక వేదికలగా జరగనుంది.చదవండి: DPL 2025: దిగ్వేష్‌-రాణా మధ్య వాగ్వాదం.. కొట్టుకునేంత వరకు వెళ్లారు! వీడియో

మ‌నోజ్ తివారీ.. భార‌త జ‌ట్టులోకి ఇలా వ‌చ్చి అలా వెళ్లిపోయిన క్రికెట‌ర్ల‌లో ఒక‌డు. దేశవాళీ క్రికెట్‌లో త‌నకంటూ ప్ర‌త్యేక గుర్తింపు తెచ్చుకున్న ఈ బెంగాల్ మాజీ కెప్టెన్‌కు అంత‌ర్జాతీయ స్ధాయిలో మాత్రం పెద్ద‌గా ఆడే అవ‌కాశం రాలేదు. 39 ఏళ్ల తివారీ 2011లో వెస్టిండీస్‌తో జరిగిన వన్డే మ్యాచ్‌లో త‌న తొలి అంత‌ర్జాతీయ సెంచ‌రీ న‌మోదు చేశాడు. త‌న అద్బుత ప్ర‌ద‌ర్శ‌న‌కు గానూ మ‌నోజ్‌కు ప్లేయ‌ర్ ఆఫ్‌ది మ్యాచ్ అవార్డు ద‌క్కింది. అయితే సెంచ‌రీ చేసిన‌ప్ప‌టికి తర్వాత సిరీస్‌ల‌కు అత‌డిని జ‌ట్టు నుంచి త‌ప్పించారు. అప్పుడు భార‌త జ‌ట్టు కెప్టెన్‌గా ఎంఎస్ ధోని ఉన్నాడు. దీంతో ధోని త‌న అన్యాయం చేశాడ‌ని తివారీ ఆరోపించాడు.అయితే తాజాగా మ‌రోసారి త‌న అంత‌ర్జాతీయ కెరీర్‌పై తివారీ కీల‌క వ్యాఖ్య‌లు చేశాడు. త‌న కెరీర్‌లో భార‌త మాజీ ఓపెన‌ర్ వీరేంద్ర సెహ్వాగ్ పాత్ర ఎప్ప‌టికి మ‌ర‌వలేన‌ది అని తివారీ చెప్పుకొచ్చాడు."భార‌త జ‌ట్టుకు ఆడే స‌మ‌యంలో వీరేంద్ర సెహ్వాగ్ నాకు చాలా సపోర్ట్‌గా ఉండేవాడు. వెస్టిండీస్‌తో జ‌రిగిన వ‌న్డేలో నేను సెంచ‌రీ చేసి ప్లేయ‌ర్ ఆఫ్‌ది మ్యాచ్‌గా నిల‌వ‌డంలో వీరూ పాజీది కీల‌క పాత్ర‌. నా కోసం త‌న స్ధానాన్ని త్యాగం చేశాడు. విండీస్‌తో జ‌రిగిన నాలుగో వ‌న్డేలో సెహ్వాగ్ డ‌బుల్ సెంచ‌రీ సాధించాడు.ఆ సిరీస్‌కు ధోని లేక‌పోవ‌డంతో వీరూనే జ‌ట్టుకు నాయ‌క‌త్వం వ‌హిస్తున్నాడు. అయితే చెన్నై వేదిక‌గా జ‌రిగిన ఐదో వ‌న్డేకు ముందు అత‌డు ఊహించ‌ని నిర్ణ‌యం తీసుకున్నాడు. నాకు తుది జ‌ట్టులో చోటు ఇచ్చేందుకు ఆఖరి వ‌న్డేకు వీరూ దూర‌మ‌య్యాడు. నా కెరీర్‌ను చాలా ద‌గ్గ‌ర నుంచి చూసిన సెహ్వాగ్.. జ‌ట్టులో నాకు కొంచెం అన్యాయం జరుగుతోందని భావించాడు. అందుకే ఆ మ్యాచ్‌లో త‌న స్ధానాన్ని నాకోసం త్యాగం చేశాడు. బస్‌లో వెళ్తుంగా ఏ స్ధానంలో బ్యాటింగ్ చేయ‌డం ఇష్ట‌మ‌ని అత‌డు నాకు అడిగాడు. భార‌త్ త‌ర‌పున ఆడడం నాకు ద‌క్కిన గౌర‌వంగా భావిస్తాను, ఏ స్ధానంలో బ్యాటింగ్‌కైనా సిద్ద‌మ‌ని వీరూ పాజీతో చెప్పాను. కానీ అత‌డు మాత్రం అందుకు ఒప్పుకోలేదు. ఫ‌స్ట్ క్లాస్ క్రికెట్‌లో ఎక్కువగా ఏ స్ధానంలో బ్యాటింగ్ చేసేవాడివి అని అడిగాడు. అందుకు నేను నాలుగో స్ధానమ‌ని స‌మాధానిమిచ్చాను. దీంతో న‌న్ను నాలుగో స్ధానంలో బ్యాటింగ్‌కు పంపుతా అని సెహ్వాగ్ చెప్పాడు. ఇదే విష‌యాన్ని ఆఖ‌రి మ్యాచ్‌కు కెప్టెన్‌గా వ్య‌వ‌హ‌రించిన గౌతమ్ గంభీర్‌కు వీరూ తెలియ‌జేశాడు. దీంతో నాలుగో స్ధానంలో వ‌చ్చి నా తొలి అంత‌ర్జాతీయ సెంచ‌రీని సాధించ‌గ‌లిగాను. కాబ‌ట్టి నా చివ‌రి శ్వాస‌వ‌ర‌కు అతనికి రుణపడి ఉంటాను" అని క్రిక్ ట్రాక‌ర్‌కు ఇచ్చిన ఇంట‌ర్వ్యూలో తివారీ పేర్కొన్నాడు. తివారీ త‌న కెరీర్‌లో భార‌త త‌రుప‌న 12 వ‌న్డేలు, మూడు టీ20లు ఆడాడు.చదవండి: Manoj Tiwary: 'నా కెరీర్‌లో సెహ్వాగ్ త్యాగం మరువలేనిది.. ఎప్పుడూ రుణపడి ఉంటా'

టీమిండియా టెస్టు కెప్టెన్ శుబ్‌మ‌న్ గిల్ వైర‌ల్ ఫీవ‌ర్ కార‌ణంగా దులీప్ ట్రోఫీ-2025కు దూర‌మైన సంగ‌తి తెలిసిందే. ఈ దేశవాళీ టోర్నీలో నార్త్ జోన్‌గా కెప్టెన్‌గా గిల్ వ్య‌వ‌హ‌రించాల్సి ఉండేది. కానీ టోర్నీ ఆరంభానికి ముందు గిల్ జ్వ‌రం బారిన ప‌డ్డాడు.దీంతో వైద్యుల సూచ‌న మెర‌కు ఈ రెడ్‌బాల్ క్రికెట్ ఈవెంట్‌ను గిల్ వైదొలిగాడు. ఇక సెప్టెంబ‌ర్ 9 నుంచి ప్రారంభం కానున్న ఆసియాక‌ప్‌పై గిల్ దృష్టిసారించాడు. ఈ క్రమంలో శుబ్‌మన్ శుక్రవారం(ఆగస్టు 29) బెంగళూరులోని బీసీసీఐ సెంటర్ ఆఫ్ ఎక్సలెన్స్‌లో చేరాడు.టైమ్స్ ఆఫ్ ఇండియా రిపోర్ట్ ప్రకారం.. గిల్ జ్వరం నుంచి కోలుకుని శిక్షణ ప్రారంభించినట్లు తెలుస్తోంది. కాగా ఆసియాకప్‌కు ముందు ఆగస్టు 30 లేదా 31న కేఎల్ రాహుల్‌, రోహిత్ శర్మలతో కలిసి గిల్ ఫిట్‌నెస్ పరీక్షలను ఎదుర్కొంటాడని వార్తలు వచ్చాయి. కానీ గిల్ మాదిరే రాహుల్ కూడా వైరల్ ఫీవర్ బారిన పడినట్లు పలు రిపోర్ట్‌లు పేర్కొంటున్నాయి. దీంతో రోహిత్ ఫిట్‌నెస్ పరీక్షను సెప్టెంబర్ 15 వాయిదా వేసినట్లు బీసీసీఐ వర్గాలు వెల్లడించాయి. గిల్ ఆసియాకప్‌లో ఆడేందుకు వెళ్లనుండడంతో ఈ ఫిట్‌నెస్ టెస్టులో రాహుల్‌, రోహిత్ మాత్రమే పాల్గోనున్నారు.ఆసియాకప్ కోసం టీమిండియా సెప్టెంబర్ 4న దుబాయ్‌కు బయలు దేరనుంది. అయితే భారత జట్టు వేర్వేరు బ్యాచ్‌లగా యూఏఈ గడ్డపై అడుగపెట్టనున్నట్లు సమాచారం. గిల్ బెంగళూరు నుంచి నేరుగా దుబాయ్‌కు వెళ్లనున్నాడు. కాగా భారత టీ20 జట్టులో చాలా మంది సభ్యులు సెంటర్ ఆఫ్ ఎక్స్ లెన్స్‌లోనే ఉన్నారు. దుబాయ్‌కు చేరుకున్నాక వారం రోజుల పాటు ట్రైనింగ్ క్యాంపును టీమిండియా ఏర్పాటు చేయనుంది. ఇక ఖండాంతర టోర్నీలో భారత్ తమ తొలి మ్యాచ్‌లో సెప్టెంబర్ 10న యూఏఈతో తలపడనుంది. ఈ టోర్నీ కోసం భారత జట్టును బీసీసీఐ ఇప్పటికే ప్రకటించింది. మెన్ ఇన్ బ్లూ కెప్టెన్‌గా సూర్యకుమార్ యాదవ్ వ్యవహరించనుండగా.. అతడికి డిప్యూటీగా గిల్ ఎంపికయ్యాడు.ఆసియా కప్‌ 2025 కోసం భారత జట్టు..సూర్యకుమార్‌ యాదవ్‌ (కెప్టెన్‌), శుభ్‌మన్‌ గిల్ (వైస్‌ కెప్టెన్‌), అభిషేక్ శర్మ, తిలక్ వర్మ, హార్దిక్ పాండ్యా, శివమ్‌ దూబే, అక్షర్ పటేల్‌, జితేశ్‌ శర్మ (వికెట్‌కీపర్‌), జస్ప్రీత్‌ బుమ్రా, అర్ష్‌దీప్ సింగ్‌, వరుణ్ చక్రవర్తి, కుల్దీప్ యాదవ్‌, సంజు శాంసన్‌ (వికెట్‌కీపర్‌), హర్షిత్ రాణా, రింకూ సింగ్చదవండి: అదొక అత్యంత వరెస్ట్ టెస్ట్‌.. ఆటగాళ్లకు కఠిన సవాల్‌: డివిలియర్స్‌

టీమిండియా ఆట‌గాళ్ల ఫిట్‌నెస్ లెవ‌ల్స్‌ను నిర్ధారించేందుకు బీసీసీఐ ఇటీవ‌లే బ్రాంకో టెస్టును ప్ర‌వేశ‌పెట్టిన సంగ‌తి తెలిసిందే. ఈ ఏడాది జూన్‌లో కొత్తగా వచ్చిన స్ట్రెంత్‌ అండ్‌ కండిషనింగ్‌ కోచ్‌ అడ్రియన్‌ లి రాక్స్‌ ఈ పరీక్షను భారత క్రికెట్‌కు పరిచయం చేశాడు.టీమిండియా వ‌న్డే కెప్టెన్ రోహిత్ శ‌ర్మ సెప్టెంబ‌ర్ 13న బెంగ‌ళూరులోని సెంట‌ర్ ఆఫ్ ఎక్స్‌లెన్స్‌లో ఈ ప‌రీక్ష‌కు హాజ‌ర‌కానున్నాడు. అత‌డికి యోయో టెస్టుతో పాటు బ్రాంకో ప‌రీక్ష కూడా నిర్వ‌హించ‌నున్నారు. ఈ నేప‌థ్యంలో బీసీసీఐ ప్ర‌వేశ‌పెట్టిన ఈ కొత్త ఫిట్‌నెస్ టెస్టుపై ద‌క్షిణాఫ్రికా క్రికెట్ దిగ్గ‌జం ఏబీ డివిలియ‌ర్స్ ఆస‌క్తిక‌ర వ్యాఖ్య‌లు చేశాడు. ఆట‌గాళ్లకు ఈ ఫిట్‌నెస్ ప‌రీక్ష అంత‌మంచిది కాద‌ని డివిలియర్స్‌ అభిప్రాయపడ్డాడు"తొలుత ఈ టెస్టు గురించి నాకు చెప్పినప్పుడు ఆర్ధం కాలేదు. ‘బ్రోంకో టెస్ట్' అంటే ఏంటి అని అడిగాను. వారు నాకు మొత్తం వివరించినప్పుడు ఈ టెస్టు ఎంటో ఆర్దమైంది. ఎందుకంటే నేను 16 ఏళ్ల వయసు నుంచి ఇది చేస్తున్నాను. దక్షిణాఫ్రికాలో మేము దీనిని స్ప్రింట్ రిపీటబిలిటీ టెస్ట్ అని పిలుస్తాము.ఇది మీరు పాల్గోనే అత్యంత చెత్త ఫిట్‌నెస్ టెస్ట్‌లలో ఒకటి. ప్రిటోరియా యూనివర్సిటీ, సూపర్‌స్పోర్ట్ పార్క్‌లో కూడా ఈ టెస్టులో మేము పాల్గోన్నాము. ముఖ్యంగా శీతాకాలపు ఉదయాల్లో మాకు ఈ టెస్టులు నిర్వహించేవారు. ఆ సమయంలో ఆక్సిజన్ తక్కువగా ఉంటుంది. సముద్ర మట్టానికి 1,500 మీటర్ల ఎత్తులో ఉండటంతో ఊపిరి పీల్చుకోవడమే కష్టమయ్యేది. ఆక్సిజన్ లెవల్స్ తక్కువగా ఉండడంతో మా ఊపిరితిత్తులు కాలిపోయేలా అన్పించేది. బీసీసీఐ తమ ఆటగాళ్ల ట్రైనింగ్‌లో బ్రోంకో టెస్ట్‌ను చేర్చడం నిజంగా గొప్ప విషయం. ఆటగాళ్ల ఫిట్‌నెస్ అంచనా వేసేందుకు ఈ టెస్టు సరైనది. కానీ ప్లేయర్లకు ఈ టెస్టు ఒక ఛాలెంజ్‌లా ఉంటుంది అని తన యూట్యూబ్ ఛానల్‌లో డివిలియర్స్ పేర్కొన్నాడు.బ్రాంకో టెస్ట్ అంటే ఏంటి?ఈ టెస్టులో భాగంగా ఆట‌గాడు తొలుత 20 మీటర్ల షటిల్‌ రన్‌ చేయాలి. తర్వాత దీనిని 40, 60 మీటర్లకు పెంచుతారు. ఈ మూడూ కలిపి ఒక సెట్‌ కాగా.. మొత్తంగా ఐదు సెట్లు పూర్తి చేయాల్సి ఉంటుంది. అంటే.. ఓవరాల్‌గా 1200 మీటర్ల దూరం విరామం లేకుండా ఆటగాడు వేగంగా పరుగుతీయాలి. ఇందుకు కేవలం ఆరు నిమిషాల సమయం ఉంటుంది.చదవండి: ZIM vs SL: శ్రీలంక‌ను వ‌ణికించిన జింబాబ్వే.. ఉత్కంఠ పోరులో ఓట‌మి

ఆసియా కప్‌ టీ20 క్రికెట్‌ టోర్నమెంట్‌లో పాల్గొనే భారత పురుషుల క్రికెట్‌ జట్టు సభ్యులు సెప్టెంబర్‌ 4న దుబాయ్‌కు చేరుకోనున్నారు. జట్టుగా కాకుండా ఒక్కొక్క ఆటగాడు తమ సొంత నగరాల నుంచి విడివిడిగా దుబాయ్‌కు వెళ్లనున్నారు. సెప్టెంబర్‌ 4న అందరూ చేరుకున్న తర్వాత 5 నుంచి టీమ్‌ ప్రాక్టీస్‌ మొదలవుతుంది. 10న భారత జట్టు ఆతిథ్య యునైటెడ్‌ అరబ్‌ ఎమిరేట్స్‌ (యూఏఈ)తో తమ తొలి మ్యాచ్‌ ఆడనుంది. సాధారణంగా విదేశాల్లో ఆడేందుకు వెళ్లే ముందు టీమ్‌ మొత్తం ముంబైలో ఒక్క చోటికి ఒకే సారి ప్రయాణించడం ఆనవాయితీగా వస్తోంది. అయితే ఈసారి మాత్రం దీనిని మార్చినట్లు బీసీసీఐ వర్గాలు తెలిపాయి.ఆటగాళ్ల సౌకర్యం కోసమే ఈ నిర్ణయం తీసుకున్నట్లు బోర్డు సభ్యుడొకరు వెల్లడించారు. ‘తమ అనుకూలత ప్రకారం కొంత మంది ముంబై నుంచే వెళతారు. కానీ అందరినీ అక్కడికే పిలవడంలో అర్థం లేదు. పైగా ఇతర అంతర్జాతీయ వేదికలతో పోలిస్తే దుబాయ్‌ స్వల్ప దూరమే. కాబట్టి అందరికీ తమ ప్రయాణాన్ని ఎంచుకునే అవకాశం కల్పించాం’ అని ఆయన చెప్పారు. ఆసియా కప్‌కు ఎంపికైన 15 మంది సభ్యులు కొందరు ప్రస్తుతం విరామంలో ఉండగా, మరి కొందరు దులీప్‌ ట్రోఫీ దేశవాళీ టోరీ్నలో ఆడుతున్నారు. ఈ టోర్నీ కోసం స్టాండ్‌బైగా ఎంపికైన క్రికెటర్లు దుబాయ్‌కు వెళతారా లేదా అనే విషయంలో ఇంకా స్పష్టత లేదు.చదవండి: పొట్టివాళ్లే గొప్ప బ్యాటర్లు... సచిన్‌, కోహ్లి ఇందుకు ఉదాహరణ: ద్రవిడ్‌

ఆసియాక‌ప్‌-2025 కౌంట్‌డౌన్ ప్రారంభమైంది. సెప్టెంబర్ 9 నుండి 28 వరకు యూఏఈ వేదికగా ఈ మెగా టోర్నమెంట్ జరగనుంది. అయితే ఈ టోర్నీలో మొత్తం ఎనిమిది జట్లు పాల్గోంటున్నప్పటికి అంద‌రి దృష్టి పాకిస్తాన్‌-భారత్ టీమ్స్ పైనే ఉంది. ఈ రెండు జట్లు ఎప్పెడ్పుడా తలపడతాయా అని అభిమానులు ఎంతో ఆతృతగా ఎదుచూస్తున్నారు.వారి నిరీక్షణకు మరో రెండు వారాల్లో తెరడపడనుంది. సెప్టెంబర్ 14న అబుదాబి వేదికగా చిరకాల ప్రత్యర్ధులు భారత్‌-పాక్ జట్లు అమీతుమీ తెల్చుకోనున్నాయి. ఈ ఏషియన్ క్రికెట్ టోర్నీ కోసం పాకిస్తాన్ జట్టు అన్ని విధాల సిద్దమవుతోంది. ఇప్పటికే యూఏఈ గడ్డపై అడుగు పెట్టిన పాక్ జట్టు.. తమ ప్రాక్టీస్‌ను కూడా ముగించింది.ఆసియాకప్ సన్నాహాకల్లో భాగంగా మెన్ ఇన్ గ్రీన్‌.. యూఏఈ, అఫ్గాన్ జట్లతో టైసిరీస్‌లో త‌ల‌ప‌డ‌నుంది. ఈ ముక్కోణ‌పు టీ20 ట్రై సిరీస్ ఆగ‌స్టు 29 నుంచి సెప్టెంబ‌ర్ 7 వ‌ర‌కు జ‌ర‌గ‌నుంది. అక్క‌డికి ఒక్క రోజు త‌ర్వాత ఆసియాక‌ప్ ప్రారంభం కానుంది. ఇక ఈ ఆసియాక‌ప్ ప్రిప‌రేష‌న్స్‌పై పాకిస్తాన్ యువ సంచ‌ల‌నం హ‌స‌న్ న‌వాజ్ అప్‌డేట్ ఇచ్చాడు. ఈ టోర్నీ కోసం త‌మ స‌న్నాహ‌కాలు ముగిశాయి, గెలిచేందుకు అన్నివిధాల ప్ర‌య‌త్నిస్తామ‌ని న‌వాజ్ చెప్పుకొచ్చాడు."ఆసియాకప్ కోపం మా ప్రిపరేషన్స్ ముగిశాయి. సాధ‌ర‌ణంగా ప్ర‌తీ మ్యాచ్‌లోనూ ఒత్తిడి ఉంటుంది. కానీ మేము ఆట‌ను ఆస్వాదించేందుకు ప్రయత్నిస్తాము. ప్రతీ మ్యాచ్‌ను ఒక ఛాలెంజ్‌గా తీసుకుని ముందుకు వెళ్తాము. ఇక భార‌త్‌-పాక్ మ్యాచ్ గురించి ప్రత్యేక చెప్పాల్సిన అవసరం లేదు.ఈ రెండు జట్లు ఎప్పుడు తలపడినా భారీ అంచనాలు నెలకొంటాయి. అయితే మేము మాత్రం ఎటువంటి ఒత్తిడి తీసుకోకుండా మా ప్రణాళికలను సరిగ్గా అమలు చేయాలనుకుంటున్నాము. యూఏఈ కండీషన్స్‌లో బ్యాటింగ్ చేయడం అంత సులువు కాదు. ప్రతీ బంతిని బౌండరీకి తరలించేలా ఇక్కడి పిచ్‌లు లేవు. బంతిని సరిగ్గా అంచనా వేసి ఆడాలి. ప్రతీ బంతికి సిక్స్ కొట్టడం నా ఉద్దేశ్యం కాదు.కాస్త దూకుడుగా ఆడి ప్రత్యర్ధి బౌలర్లపై ఒత్తిడి తీసుకు రావాలన్నదే నా ప్లాన్‌. కోచ్ మైక్ హెస్సన్ నుండి నేను చాలా నేర్చుకున్నాను. అతడు మాకు అన్ని విధాలగా సపోర్ట్‌గా ఉంటున్నాడు" అని జియో సూపర్ టీవీకి ఇచ్చిన ఇంటర్వ్యూలో నవాజ్ పేర్కొన్నాడు. కాగా ఈ టోర్నీలో పాక్‌ తమ తొలి మ్యాచ్‌లో సెప్టెం‍బర్‌ 11న ఒమన్‌తో తలపడనుంది.చదవండి: నేను ఆడడం ఎవరికైనా సమస్యా? నా రిటైర్మెంట్ అప్పుడే: షమీ

టీమిండియా పేస‌ర్ మ‌హ్మ‌ద్ ష‌మీ గ‌త కొంత కాలంగా ఫిట్ స‌మ‌స్య‌ల‌తో స‌త‌మ‌త‌వుతున్న సంగతి తెలిసిందే. ఒక‌ప్పుడు భార‌త జ‌ట్టులో కీల‌క సభ్యునిగా ఉన్న ష‌మీ.. ఇప్పుడు పూర్తిగా టీమ్‌లోనే చోటు కోల్పోయాడు. ఈ బెంగాల్ స్పీడ్ స్టార్ చివ‌ర‌గా ఛాంపియన్స్ ట్రోఫీ-2025లో టీమిండియా త‌ర‌పున ఆడాడు. ఆ త‌ర్వాత ఐపీఎల్‌-2025లో స‌న్‌రైజ‌ర్స్ హైద‌రాబాద్‌కు ప్రాతినిథ్యం వ‌హించిన ష‌మీ.. ఏ మాత్రం ప్ర‌భావం చూప‌లేక‌పోయాడు. భారీగా ప‌రుగులు స‌మ‌ర్పించుకుంటూ వికెట్లు తీసేందుకు తీవ్రంగా శ్ర‌మించాడు. దీంతో కొన్ని మ్యాచ్‌ల‌కు ఈ రైట్ ఆర్మ్ స్పీడ్ స్టార్‌ను ఎస్ఆర్‌హెచ్ బెంచ్‌కే ప‌రిమితం చేసింది. ఆ త‌ర్వాత ఇంగ్లండ్ టూర్‌కు ష‌మీని ఎంపిక చేస్తార‌ని అంతా భావించారు. కానీ అజిత్ అగార్క‌కర్ నేతృత్వంలోని సెలక్షన్ కమిటీ షమీని పరిగణలోకి తీసుకోలేదు. అతడి స్ధానంలో ప్రసిద్ద్ కృష్ణ, అ‍ర్ష్‌దీప్ సింగ్‌ యువ పేసర్లను సెలక్టర్లు ఎంపిక చేశారు. ఇంగ్లండ్ టూర్ తర్వాత ఆసియాకప్‌-2025 కోసం ఎంపిక చేసిన భారత జట్టులో కూడా షమీకి చోటు దక్కలేదు. దీంతో అతడు త్వరలోనే అంతర్జాతీయ క్రికెట్‌కు వీడ్కోలు పలకనున్నట్లు వార్తలు వస్తున్నాయి. తాజాగా ఈ వార్తలపై షమీ స్పందించాడు. తనకు ఇప్పటిలో రిటైర్మెంట్ ప్రకటించే ఆలోచన లేదని షమీ చెప్పుకొచ్చాడు.నేను క్రికెట్‌లో కొనసాగడం ఎవరికైనా సమస్యగా ఉందా? నేను రిటైర్‌మెంట్‌ తీసుకుంటే వారి జీవితాలు బాగుప‌డ‌తాయంటే నాతో చెప్పండి. అప్పుడు ఆలోచిద్దాం. నేను రిటైర్మెంట్ తీసుకోవాల‌ని మీరు కోరుకునేంతగా నేను ఏమి త‌ప్పు చేశాను? నేను ఎప్పుడైతే ఆటపై విసుగు చెందుతానో.. అప్పుడు ఇక చాలు అని నా కెరీర్‌ను ముగిస్తాను. న‌న్ను జ‌ట్టుకు ఎంపిక చేయిక‌పోయినా, నేను కష్టపడి పనిచేస్తూనే ఉంటాను. అంత‌ర్జాతీయ క్రికె్‌లో అవ‌కాశం ద‌క్క‌క‌పోతే, దేశ‌వాళీ క్రికెట్‌లో ఆడుతా. ఏదో ఒక చోట ఆడుతూనే ఉంటాను. మీకు బోర్‌ కొట్టినప్పుడల్లా ఇలాంటి వాటి గురించి ఆలోచించండి. ఇప్పుడు నాకు మాత్రం రిటైర్మెంట్‌ గురించి ఆలోచించే సమయం లేదని"ఓ పాడ్ కాస్ట్‌కు ఇచ్చిన ఇంట‌ర్వ్యూలో ష‌మీ పేర్కొన్నాడు. అదేవిధంగా వ‌న్డే ప్ర‌పంచ‌క‌ప్‌-2023 ఫైన‌ల్లో ఆస్ట్రేలియా చేతిలో ఓట‌మిపై ష‌మీ స్పందించాడు.నా కెరీర్‌లో అదొక్కటే లోటు.."నాకు ఒకే ఒక క‌ల మిగిలి ఉంది. అది వన్డే ప్రపంచ కప్ గెలవడం. అద్బుత‌మైన ప్ర‌ద‌ర్శ‌న క‌న‌బరిచి తిరిగి భార‌త్‌కు వ‌న్డే వ‌ర‌ల్డ్‌క‌ప్‌ను తీసుకురావాల‌నుకుంటున్నాను. ప్ర‌పంచ‌క‌ప్‌-2023 టైటిల్‌ను మేము తృటిలో చేజార్చుకున్నాము. ఆ టోర్నీలో అన్ని మ్యాచ్‌లు గెలిచి ఫైనల్‌కు చేరాము.ఆ సమయంలో మాకు నమ్మకంతో పాటు కాస్త భయం కూడా ఉండేది. వరుసగా గెలిచాము, నాకౌట్‌లో ఏమి అవుతుందో అని కాస్త ఆందోళన చెందాము. అయితే అభిమానుల ఉత్సాహం, దృడ సంకల్పంతో ఫైనల్ మ్యాచ్ బరిలోకి దిగాము. కానీ దురదృష్టవశాత్తూ ఆ మ్యాచ్‌లో దగ్గరగా వెళ్లి ఓడిపోయాము అని షమీ చెప్పుకొచ్చాడు. ​కాగా షమీ ప్రస్తుతం దులీప్‌ ట్రోఫీలో ఈస్ట్‌ జోన్‌ తరపున ఆడుతున్నాడు.చదవండి: కోహ్లి, గిల్ కాదు.. అతడికి బౌలింగ్ చేయడం కష్టం: ఇంగ్లండ్‌ స్టార్‌ పేసర్‌

టీమిండియా క్రికెట‌ర్ పృథ్వీ షా తన రూమర్డ్ గర్ల్ ఫ్రెండ్ అకృతి అగర్వాల్‌తో కలిసి బుధవారం గణేశ్ చతుర్థిని సెలబ్రేట్ చేసుకున్నాడు. ఇందుకు సంబంధించిన ఫోటోను అకృతి తన ఇన్‌స్టాగ్రామ్‌లో ఖాతాలో షేర్ చేసింది. ఇందుకు మీకు, మీ కుటంబ సభ్యులకు వినాయక చవితి శుభాకాంక్షలు.గణపతి బప్పా మోర్యా" అని క్యాప్షన్‌గా ఇచ్చింది. ప్రస్తుతం ఈ ఫోటోలు సోషల్ మీడియాలో వైరలవుతున్నాయి. ఇందుకు నెటిజన్లు మీ జంట చాలా బాగుంది అంటూ కామెంట్లు చేస్తున్నారు. పృథ్వీ భాయ్ నీ కమ్‌బ్యాక్ కోసం ఎదురుచూస్తున్నాను అంటూ మరో యూజర్ కామెంట్ చేస్తున్నాడు.కాగా పృథ్వీ షా తన పూర్వ వైభవం దిశగా అడుగులు వేస్తున్నాడు. ప్రథ్వీ షా ముంబై క్రికెట్ అసోషియేషన్‌తో తెగదింపులు చేసుకున్న పృథ్వీ.. తన మకాంను మహారాష్ట్రకు మార్చాడు. ఈ రైట్ హ్యాండ్ బ్యాటర్ ప్రస్తుతం బుచ్చిబాబు టోర్నీలో ఆడుతున్నాడు. ఈ టోర్నీ తొలి మ్యాచ్‌లో ఛత్తీస్‌ఘడ్‌పై సెంచరీతో మెరిసిన పృథ్వీ.. అనంతరం రెండో మ్యాచ్‌లో తమిళనాడు క్రికెట్‌ అసోసియేషన్‌పై సూపర్ హాఫ్ సెంచరీ సాధించాడు.ఇదే జోరును ఈ ముంబైకర్ కొనసాగిస్తే తిరిగి ఐపీఎల్‌తో పాటు టీమిండియాలోకి వచ్చే ఛాన్స్ ఉంటుంది. షా చివరిసారిగా జూలై 2021లో తరపున ఆడాడు. అదేవిధంగా తన కెరీర్‌లో మొదటి సారిగా ఐపీఎల్ వేలం‍లో పృథ్వీ అమ్ముడుపోలేదు. ఐపీఎల్‌-2025లో వేలంలో అతడిని కొనుగొలు చేసేందుకు ఏ ఫ్రాంచైజీ ఆసక్తి చూపలేదు. దీంతో తన ఫిట్‌నెస్, బ్యాటింగ్‌పై దృష్టి సారించిన పృథ్వీ షా ఎలాగైనా స్ట్రాంగ్ కమ్‌బ్యాక్ ఇవ్వాలని భావిస్తున్నాడు. View this post on Instagram A post shared by AKRITI AGARWAL (@akritiagarwal7) ఎవ‌రీ అకృతి అగర్వాల్‌?22 ఏళ్ల అకృతి అగర్వాల్‌.. సోషల్ మీడియా ఇన్‌ఫ్లుయెన్సర్‌గా గుర్తింపు తెచ్చుకుంది. ఆమెకు ఇన్‌స్టాగ్రామ్‌లో 3.3 మిలియన్ల మంది ఫాలోవర్ల ఉన్నారు. అంతేకాకుండా ఈ ఏడాది ఆరంభంలో విడుదలైన త్రిముఖ అనే టాలీవుడ్ మూవీలో ఆకృతి హీరోయిన్‌గా నటించింది. లక్నోలో జన్మించిన ఆకృతి.. ముంబైలోని నిర్మలా మెమోరియల్ కళాశాలలో విద్యను అభ్యసించినట్లు పలు రిపోర్ట్‌లు పేర్కొంటున్నాయి.ఆమె తన కెరీర్‌ను కంటెంట్ క్రియేటర్‌గా ప్రారంభించింది. . ఆమె యూట్యూబ్ ఛానెల్‌కు 88.8 వేలమంది సబ్‌స్క్రైబర్లు ఉన్నారు. పృథ్వీ ,అకృతి ఇద్దరూ ముంబైలో చాలాసార్లు జంటగా కనిపించారు. ఈ ముంబై క్రికెటర్‌ నటి నిధి తపారియాతో బ్రేకప్ తర్వాత అకృతితో ప్రేమలో పడ్డాడు.చదవండి: DPL: బౌల‌ర్లు ఇక కాస్కోండి.. జూనియర్ సెహ్వాగ్ వ‌చ్చేస్తున్నాడు! వీడియో

భారత టీ2020 జట్టు కెప్టెన్‌ సూర్యకుమార్‌ యాదవ్‌ కొత్త ఉత్సాహంతో మైదానంలోకి పునరాగమనం చేయబోతున్నాడు. స్పోర్ట్‌ హెర్నియాతో బాధపడుతుండటంతో ఐపీఎల్‌ ముగిసిన తర్వాత అతనికి మ్యూనిక్‌లో శస్త్ర చికిత్స జరిగింది. ఇప్పుడు కోలుకున్న సూర్య పూర్తి ఫిట్‌నెస్‌తో ఆసియా కప్‌కు సన్నద్ధమయ్యాడు.ఈ క్రమంలో బెంగళూరులోని బీసీసీఐ సెంటర్‌ ఆఫ్‌ ఎక్సలెన్స్‌ (సీఓఈ)లో అతనికి రీహాబిలిటేషన్‌ సాగింది. "ప్రస్తుతం నేను చాలా ఉత్సాహంగా ఉన్నాను. గత ఆరు వారాలుగా రీహాబిలిటేషన్‌ సాగింది. నాతో పాటు సీఓఈలో ఉన్నవారు నాకు తగిన విధంగా మార్గనిర్దేశనం చేశారు.ఒక్కో వారం నా పురోగతిని చూసుకుంటూ ముందుకు వెళ్లాను. మానసికంగా కూడా నేను మెరుగయ్యాను. ఈ ప్రక్రియ అంతా సరైన రీతిలో సాగింది. నేను మైదానంలో అత్యుత్తమ ప్రదర్శన ఇచ్చేందుకు దీనిని ఒక అవకాశంగా చూస్తున్నా’ అని సూర్యకుమార్‌ చెప్పాడు.గతంలోనూ సూర్య హెర్నియా సర్జరీతో బాధపడగా, అంతకు ముందే అతని కాలి మడమ గాయాలకి కూడా శస్త్రచికిత్స జరిగింది. ‘గతానుభవం కారణంగా నేను కోలుకోవడానికి ఎంత సమయం పడుతుందనేది నాకు బాగా తెలుసు. కాబట్టి అన్నింటికీ సిద్ధమై ఒక్కో అడుగు వేసుకుంటూ ముందుకు వెళ్లాను.నా శరీరం ఎలా స్పందిస్తుందనేది సీఓఈ సిబ్బందికి బాగా తెలియడం సానుకూలంగా మారింది. ఫిజియో, స్ట్రెంత్‌ అండ్‌ కండిషనింగ్‌ కోచ్‌ దానికి అనుగుణంగానే ప్రణాళికలు రూపొందించారు. సీఓఈలో సౌకర్యాలు చాలా అద్భుతంగా కనిపిస్తున్నాయి.ఇలాంటివి నేను ఎప్పుడూ చూడలేదు. ఆటగాళ్ల కోణంలో చూస్తే వారి కోసమే ప్రత్యేకంగా రూపొందించిన కొత్త తరహా ఎక్విప్‌మెంట్‌లు చాలా ఉన్నాయి. ఎవరైనా ఇక్కడికి వస్తే వీటిని పూర్తి స్థాయిలో ఉపయోగించుకోవచ్చు’ అని సూర్యకుమార్‌ వ్యాఖ్యానించాడు.చదవండి: సానియాతో అర్జున్‌ టెండుల్కర్‌ నిశ్చితార్థం జరిగిందా?.. సచిన్‌ స్పందన ఇదే..

ఆండర్సన్‌-టెండూల్కర్ ట్రోఫీ-2025లో టీమిండియా పేసర్ టెస్టు అరంగేట్రం చేస్తాడని అంతా భావించారు. కానీ ఈ యువ పేసర్ మాత్రం అన్ని మ్యాచ్‌లకు బెంచ్‌కే పరిమితమయ్యాడు. తొలి మూడు టెస్టులకు జస్ప్రీత్‌ బుమ్రా, సిరాజ్‌, ప్రసిద్ద్ కృష్ణ, ఆకాష్ దీప్ వంటి ప్రధాన పేసర్లు అందుబాటులో ఉండడంతో అర్ష్‌దీప్‌కు అవకాశం దక్కలేదు.అయితే మాంచెస్టర్ వేదికగా జరిగిన నాలుగో టెస్టుకు ముందు ఆకాష్ దీప్ గాయపడడంతో అర్ష్‌దీప్‌కు ఛాన్స్ ఇవ్వాల‌ని టీమ్ మెనెజ్‌మెంట్ భావించింది. దుర‌దృష్టవశాత్తూ ప్రాక్టీస్‌ సమయంలో అర్ష్‌దీప్ చేతికి వేలికి గాయమైంది. అతడి స్ధానంలో అనూహ్యంగా అన్షుల్ కాంబోజ్‌కు తుది జట్టులో దక్కింది. ఆ తర్వాత అతడు గాయం కారణంగా ఆఖరి టెస్టు టీమ్ సెలక్షన్‌కు కూడా అందుబాటులో లేడు. ఈ నేపథ్యంలో పంజాబ్ జట్టు బౌలింగ్ కోచ్ గంగన్‌దీప్ కీలక వ్యాఖ్యలు చేశాడు. తొలి మూడు మ్యాచ్‌లలో అర్ష్‌దీప్‌ను ఏదో ఒక దాంట్లో అతడిని ఆడించాల్సిందని గగన్‌దీప్ అభిప్రాయపడ్డాడు."ఇంగ్లండ్ టూర్‌లో అర్ష్‌దీప్ సింగ్‌కు అవకాశం ఇచ్చి ఉండాల్సింది. అతడొక అద్బుతమైన బౌలర్‌. ఇంగ్లండ్ కండీషన్స్ అతడి బౌలింగ్‌కు సరిగ్గా సరిపోతాయి. కొన్ని నెలల క్రితం అతడిని నేను ఇంగ్లండ్‌లో కలిశాను. టెస్టు జట్టులో అవకాశం రాకపోవడంతో అర్ష్‌దీప్ కాస్త అసహనంగా ఉన్నాడు. దీంతో నీకంటూ ఓ టైమ్ వస్తుంది, కాస్త ఓపిక పట్టు అని నేను అతడితో చెప్పాను. మిగితా ఫార్మాట్లతో పోలిస్తే టెస్టు క్రికెట్ చాలా భిన్నంగా ఉంటుంది. మన నైపుణ్యాలను ఈ ఫార్మాట్ పరీక్షస్తుంది. అర్ష్‌దీప్‌కు ఉన్న బౌలింగ్ స్కిల్స్ రెడ్‌బాల్ క్రికెట్‌కు సరిపోతాయి. అత‌డికి బంతిని రెండు వైపులా స్వింగ్ చేసే స‌త్తా ఉంది. త్వ‌రలోనే అత‌డికి టెస్టుల్లో ఆడే అవ‌కాశం ల‌భిస్తుంద‌ని" గంగన్‌దీప్ ది హిందూకు ఇచ్చిన ఇంట‌ర్వ్యూలో పేర్కొన్నాడు.కాగా వ‌న్డే, టీ20ల్లో భార‌త త‌ర‌పున అరంగేట్రం చేసిన అర్ష్‌దీప్‌.. టెస్టుల్లో మాత్రం ఇంకా డెబ్యూ చేయ‌లేదు. ఫ‌స్ట్ క్లాస్ క్రికెట్‌లో రెగ్యూల‌ర్‌గా ఆడుతున్న‌ప్ప‌టికి టీమిండియా త‌రపున టెస్టుల్లో ఆడే అవ‌కాశం మాత్రం సింగ్‌కు రాలేదు. త‌న కెరీర్‌లో ఇప్ప‌టివ‌ర‌కు 21 ఫ‌స్ట్ క్లాస్ మ్యాచ్‌లు ఆడిన అర్ష్‌దీప్.. 66 వికెట్లు పడగొట్టాడు. గత రంజీ సీజన్‌లో అతను రెండు మ్యాచ్‌లు ఆడి నాలుగు వికెట్లు మాత్రమే తీశాడు.చదవండి: KCL: సంజూ శాంసన్ విధ్వంసం.. 16 బంతుల్లోనే! వీడియో వైర‌ల్‌

ఆసియాక‌ప్‌-2025కు ముందు టీమిండియా వికెట్ కీప‌ర్ బ్యాట‌ర్‌ సంజూ శాంస‌న్ అద్భుత‌మైన సెంచ‌రీతో మెరిశాడు. కేర‌ళ క్రికెట్ లీగ్‌(KCL)లో కొచ్చి బ్లూ టైగర్స్‌కు ప్రాతినిథ్యం వ‌హిస్తున్న శాంస‌న్‌.. ఆదివారం అరైస్ కొల్లాం సైల‌ర్స్‌తో జ‌రిగిన మ్యాచ్‌లో విధ్వంసం సృష్టించాడు.ఈ మ్యాచ్‌లో సంజూ కేవలం​ 42 బంతుల్లోనే తన సెంచరీ మార్క్‌ను అందుకున్నాడు. 237 పరుగుల లక్ష్య చేధనలో ఈ కేరళ ఆటగాడు ఆకాశమే హద్దుగా చెలరేగిపోయాడు. ప్రత్యర్ధి బౌలర్లను ఉతికారేశాడు. అతడి విధ్వంసం ధాటికి గ్రీన్‌ఫీల్డ్ ఇంటర్నేషనల్ స్టేడియం బౌండరీలు చిన్నబోయాయి ఓపెనర్‌గా వచ్చిన శాంసన్ తొలి బంతి నుంచే ఎటాక్ మొదలు పెట్టాడు. ఈ క్రమంలో శాంసన్‌ తన తొలి కేసీఎల్ హాఫ్ సెంచరీని కేవలం 16 బంతుల్లోనే అందుకున్నాడు. తద్వారా కేర‌ళ క్రికెట్ లీగ్ చరిత్రలో ఫాస్టెస్ట్ హాఫ్ సెంచరీ చేసిన ప్లేయర్‌గా శాంసన్ రికార్డులకెక్కాడు. ఇంతకుముందు ఈ రికార్డు అబ్దుల్ బాజిత్ పేరిట ఉండేది. అతను 22 బంతుల్లో ఈ మైలురాయిని చేరుకున్నాడు. తాజా మ్యాచ్‌తో బాజిత్‌ను శాంసన్ అధిగమించాడు. ఇక ఓవరాల్‌గా ఈ మ్యాచ్‌లో 51 బంతులు ఎదుర్కొన్న శాంసన్‌.. 14 ఫోర్లు, 7 సిక్స్‌లతో 121 పరుగులు చేశాడు.ఆఖరి బంతికి గెలిపించిన ఆషిక్..అయితే అప్పుడు వరకు దూకుడుగా ఆడిన శాంసన్‌ను కొల్లాం పేసర్ బిజు నారాయణన్ అద్భుతమైన బంతితో క్లీన్ బౌల్డ్ చేయడంతో మ్యాచ్ స్వరూపామే మారిపోయింది. ఆఖరి ఓవర్‌లో కొచ్చి విజయానికి 17 పరుగులు అవసరమయ్యా‍యి. ఈ సమయంలో కొచ్చి బ్యాటర్‌ ముహమ్మద్ ఆషిక్ అద్భుతం చేశాడు. తొలి రెండు బంతుల్లో సిక్స్, ఫోరు బాదడంతో గెలుపు సమీకరణం నాలుగు బంతుల్లో 7 పరుగులగా మారింది. అయితే తర్వాత రెండు బంతుల్లో కేవలం 2 పరుగులు మాత్రమే వచ్చాయి.దీంతో ఆఖరి రెండు బంతుల్లో 6 పరుగులు అవసరమయ్యాయి. ఐదో బంతికి ఎటువంటి పరుగు రాలేదు. ఈ ​‍క్రమంలో చివరి బంతికి ఆషిక్ సిక్స్ కొట్టి తన జట్టు చిరస్మరణీయ విజయాన్ని అందించాడు. ఆషిక్ కేవలం 18 బంతుల్లోనే 3 ఫోర్లు, 5 సిక్స్‌లతో 45 పరుగులు చేసి ఆజేయంగా నిలిచాడు.ఓపెన‌ర్‌గా వస్తాడా?కాగా ఆసియాక‌ప్‌కు శాంస‌న్ ఎంపికైన‌ప్ప‌టికి తుది జ‌ట్టులో చోటు ద‌క్కుతుందా లేదా అన్న‌ది ప్ర‌శ్నార్ధ‌కంగా మారింది. ఎందుకంటే రెగ్యూల‌ర్ ఓపెన‌ర్ శుబ్‌మ‌న్‌ గిల్ తిరిగి టీ20 జ‌ట్టులోకి వ‌చ్చాడు. దీంతో ఆసియాక‌ప్‌లో టీమిండియా ఇన్నింగ్స్‌ను అభిషేక్ శ‌ర్మ‌, గిల్ ప్రారంభించే అవ‌కాశ‌ముంది.అయితే టీ20ల్లో సంజూకు ఓపెన‌ర్‌గా త‌ప్ప మిడిలార్డ‌ర్‌లో అంత మంచి ట్రాక్ రికార్డు లేదు. దీంతో అత‌డి స్ధానంలో జితేష్ శ‌ర్మ వికెట్ కీప‌ర్‌గా ఛాన్స్ ల‌భించిన‌ట్లు ప‌లు రిపోర్ట్‌లు పేర్కొంటున్నాయి. కానీ ఈ కేర‌ళ వికెట్ కీప‌ర్ బ్యాట‌ర్ శాంస‌న్ అద్భుత శ‌త‌కంలో సెల‌క్ట‌ర్ల‌కు స‌వాలు విసిరాడు.

భార‌త క్రికెట్‌లో మ‌రో శ‌కం ముగిసింది. టీమిండియా దిగ్గజం చతేశ్వర్ పుజారా అన్ని ఫార్మాట్‌ల క్రికెట్‌ల‌కు రిటైర్మెంట్ ప్ర‌క‌టించాడు. ఈ సీనియ‌ర్ బ్యాట‌ర్ త‌న నిర్ణ‌యాన్ని సోష‌ల్ మీడియా వేదిక‌గా ఆదివారం వెల్ల‌డించాడు. "భార‌త జెర్సీ ధ‌రించి ప్ర‌తీ మ్యాచ్‌కు ముందు జాతీయ గీతం అల‌పించడం నాకు ద‌క్కిన అరుదైన గౌర‌వంగా భావిస్తున్నాను. మైదానంలో అడుగుపెట్టిన ప్రతిసారీ నా శాయశక్తులా ప్రయత్నించాను.నా ఈ అద్బుత ప్ర‌య‌ణాన్ని మాటల్లో వ‌ర్ణించ‌లేను. కానీ ఎప్పుడైనా సరే ఇలాంటి మంచి విషయాలకు ముగింపు పలకాల్సిందే. కాబ‌ట్టి ఈ రోజు భార‌త క్రికెట్‌కు సంబంధించి అన్ని ఫార్మాట్ల క్రికెట్ నుంచి కావాలని నిర్ణయించుకున్నాను. నా క్రికెట్ కెరీర్‌లో మ‌ద్దతుగా నిలిచిన బీసీసీఐ, సౌరాష్ట్ర క్రికెట్ అసోసియేషన్‌కు కృతజ్ఞతలు తెలియజేస్తున్నాను.అభిమానుల ప్రేమాభిమానాల‌కు నేను ఎల్ల‌ప్పుడూ రుణ‌ప‌డి ఉంటాను. అదేవిధంగా నేను ప్రాతినిథ్యం వ‌హించిన ఫ్రాంచైజీ క్రికెట్ జ‌ట్ల‌ యాజ‌మాన్యాల‌కు, కౌంటీ క్రికెట్ క్ల‌బ్స్‌, నా స‌హాచరులకు, కోచ్‌ల‌కు, స‌పోర్ట్ స్టాప్‌ల‌కు, నెట్ బౌల‌ర్ల‌కు కూడా ధ‌న్య‌వాదాలు తెలుపుతున్నాను. రాజ్‌కోట్‌ అనే చిన్న పట్టణం నుంచి వచ్చిన తనకు భారత క్రికెట్‌ ఎంతో ఇచ్చిందని అని తన రిటైర్మెంట్‌ నోట్‌లో చతేశ్వర్ రాసుకొచ్చాడు.ఆసీస్‌పై అరంగేట్రం..టీమిండియా దిగ్గజం రాహుల్ ద్ర‌విడ్ (Rahul Dravid) వార‌సుడిగా పేరొందిన‌ ఛ‌తేశ్వ‌ర్ పుజారా.. అక్టోబర్ 9, 2010న భారత తరపున అంతర్జాతీయ క్రికెట్‌లో అడుగుపెట్టాడు. బెంగళూరులోని ఎం చిన్నస్వామి స్టేడియంలో ఆస్ట్రేలియాపై త‌న టెస్టు అరంగేట్రం చేశాడు. త‌న కెరీర్‌లో 103 టెస్టులు ఆడిన పుజ‌రా 43.60 సగటుతో 7195 పరుగులు చేశాడు. అందులో మూడు డబుల్ సెంచరీలు, 19 సెంచరీలు, 35 హాఫ్‌ సెంచరీలు ఉన్నాయి.ఈ సౌరాష్ట్ర ఆట‌గాడు భార‌త త‌ర‌పున టెస్టుల్లో అత్య‌ధిక ప‌రుగులు చేసిన ఎనిమిదో ఆట‌గాడిగా కొనసాగుతున్నాడు. పూజారా త‌న ఆసాద‌ర‌ణ బ్యాటింగ్‌తో టీమిండియా న‌యావాల్‌గా పేరు గాంచాడు. దాదాపు ఎనిమిదేళ్ల పాటు భార‌త టెస్టు జ‌ట్టులో కీల‌క ఆట‌గాడిగా పూజారా కొన‌సాగాడు. మూడో స్ధానంలో బ్యాటింగ్‌కు వచ్చి జట్టుకు అడ్డుగోడలా నిలిచేవాడు. ఆ తర్వాత అతడి ఫామ్‌ కోల్పోవడంలో భారత టెస్టు జట్టులో చోటు కోల్పోయాడు.పూజారా చివరిసారిగా భారత్‌ తరఫున 2023లో ఆస్ట్రేలియాపై టెస్టు మ్యాచ్ ఆడాడు. కాగా 2013లో ఫార్మాట్‌లో డెబ్యూ చేసిన పూజారా కేవ‌లం 5 వన్డేల్లో మాత్రమే ఆడాడు. ఆ ఐదు మ్యాచ్‌లలో అతడు 51 పరుగులు చేశాడు. ఆసీస్ గ‌డ్డ‌పై అదుర్స్‌..2018-19లో ఆస్ట్రేలియా గడ్డపై జ‌రిగిన‌ బోర్డర్-గవాస్కర్ ట్రోఫీలో పుజారా అద్భుతమైన ప్రదర్శన కనబరిచి ‘ప్లేయర్ ఆఫ్ ది సిరీస్’ అవార్డు గెలుచుకున్నాడు. ఆ సిరీస్‌లో మొత్తం 521 పరుగులు చేసి, టీమిండియా తొలిసారిగా ఆస్ట్రేలియాలో టెస్ట్ సిరీస్‌ను గెలుచుకోవడంలో కీలక పాత్ర పోషించాడు.రంజీల్లో రారాజుఫస్ట్‌ క్లాస్‌ క్రికెట్‌లో పుజారాకు అద్బుతమైన ట్రాక్‌ రికార్డు ఉంది. 278 ఫస్ట్‌ క్లాస్‌ మ్యాచ్‌లు ఆడిన పుజారా.. 66 సెంచరీలు, 81 హాఫ్‌ సెంచరీలతో 21301 పరుగులు చేశాడు. ఇంగ్లండ్‌ కౌంటీల్లో కూడా చాలా సీజన్లు పుజారా ఆడాడు.Wearing the Indian jersey, singing the anthem, and trying my best each time I stepped on the field - it’s impossible to put into words what it truly meant. But as they say, all good things must come to an end, and with immense gratitude I have decided to retire from all forms of… pic.twitter.com/p8yOd5tFyT— Cheteshwar Pujara (@cheteshwar1) August 24, 2025One of Indian cricket’s most resolute and admired Test specialists, @cheteshwar1, has announced his retirement from all forms of the game.Relive one of his prolific knocks against Australia at Ranchi.#ThankYouPujji pic.twitter.com/1zb22SPWN6— BCCI (@BCCI) August 24, 2025

క్రికెట్ అభిమానులు ఎంతో ఆతృతగా ఎదురుచూస్తున్న ఆసియాకప్‌-2025కు సమమయం దగ్గరపడుతోంది. ఈ ఆసియా సింహాల పోరు సెప్టెంబర్ 9నంచి యునైటెడ్ అరబ్ ఎమిరేట్స్ (UAE)లో ప్రారంభం కానుంది. ఈ ఖండంతర టోర్నీ కోసం అన్ని జట్లు తమ సన్నహాకాలను ప్రారంభించాయి.ఇప్పటికే భారత్‌, పాకిస్తాన్‌, బంగ్లాదేశ్ వంటి క్రికెట్ బోర్డులు తమ జట్లను ప్రకటించాయి. భారత జట్టులో శ్రేయస్ అయ్యర్‌, యశస్వి జైశ్వాల్ వంటి స్టార్ ప్లేయర్లు, పాక్ జట్టులో మహ్మద్ రిజ్వాన్‌, బాబర్ ఆజం వంటి సీనియర్ ప్లేయర్లు పేర్లు లేకపోవడం అందరిని ఆశ్చర్యపరిచింది. ఇక టోర్నీలో భారత్ డిఫెండింగ్ ఛాంపియన్‌గా బరిలోకి దిగనుంది. అయితే ఆసియాకప్‌ టీ20 ఫార్మాట్‌లో మాత్రం టీమిండియా చివరగా 2016లో టైటిల్‌ను సొంతం చేసుకుంది. అయితే ఈ ఆసియాకప్ టోర్నీకి సంబంధించి అంద‌రిని ఆశ్చ‌ర్య‌పరిచే విష‌యం ఒక‌టి ఉంది.ఒక్క‌సారి కూడా.. 41 సంవత్సరాల ఆసియాక‌ప్ చ‌రిత్ర‌లో చిర‌కాల ప్ర‌త్య‌ర్ధిలు పాకిస్తాన్‌-భార‌త్ ఒక్క‌సారి కూడా ఫైన‌ల్లో త‌ల‌ప‌డ‌లేదు. ప్రపంచ క్రికెట్‌లో రెండు గట్టి ప్రత్యర్థులుగా ఉన్న పాక్‌-భార‌త్ ఒక్క‌సారి కూడా సంయుక్తంగా ఫైన‌ల్‌కు చేర‌లేక‌పోయాయి.ఓవ‌రాల్‌గా ఆసియాక‌ప్ టోర్నీ(వ‌న్డే, టీ20)లో దాయాదులు ఇప్ప‌టివ‌ర‌కు ముఖాముఖి 18 సార్లు తలపడ్డాయి. ఇందులో టీమిండియా ప‌దింట విజ‌యం సాధించ‌గా.. పాక్ ఆరు మ్యాచ్‌ల్లో గెలుపొందింది. మ‌రో రెండు మ్యాచ్‌లు డ్రాగా ముగిశాయి. చివ‌ర‌గా రెండు జ‌ట్లు ఆసియాక‌ప్ వ‌న్డే ఫార్మాట్‌లో త‌ల‌ప‌డ్డాయి. ఆసియాక‌ప్‌-2023లో పాక్‌ను 228 పరుగుల తేడాతో భార‌త్ చిత్తు చేసింది. ఆసియా కప్ ఫైనల్‌లో భారత్, శ్రీలంక జట్లు అత్య‌ధికంగా 9 సార్లు తలపడ్డాయి.కాగా ఆసియాకప్‌ చరిత్రలో భారత్‌ అత్యధికంగా ఎనిమిది సార్లు ఛాంపియన్‌గా నిలిచింది. అందులో 7 సార్లు వన్డే ఫార్మాట్‌లో టైటిల్‌ను సొంతం చేసుకోగా.. ఒక్కసారి టీ20 ఫార్మాట్‌లో టీమిండియా విజేతగా నిలిచింది. ఇక భారత్ తర్వాత శ్రీలంక ఆరు సార్లు, పాకిస్తాన్‌ రెండుసార్లు ఈ ట్రోఫీని ముద్దాడాయి. ఇక ఈ ఏడాది ఖండాంత పోరులో భారత్‌-పాక్‌ మ్యాచ్‌ సెప్టెంబర్‌ 14న దుబాయ్‌ వేదికగా జరగనుంది.చదవండి: మా నాన్న చాలా నేర్పించారు.. కానీ అతడే నాకు రోల్ మోడల్‌: ఆర్యవీర్ సెహ్వాగ్

ఆసియా దేశాల మధ్య క్రికెట్ సమరానికి సమయం ఆసన్నమవుతోంది. సెప్టెంబర్ 9 నుంచి యూఏఈ వేదికగా ఈ మెగా టోర్నీ ప్రారంభం కానుంది. ఈ ఈవెంట్‌లో మొత్తం 8 జట్లు టైటిల్ కోసం పోటీపడనున్నాయి. ఇందుకోసం ఆయా జట్లు తమ అస్త్రశస్త్రాలను సిద్దం చేసుకుంటున్నాయి.ఇప్పటికే భారత్‌, బంగ్లాదేశ్, పాకిస్తాన్‌ క్రికెట్ బోర్డులు తమ జట్లను ప్రకటించాయి. ఈ క్రమంలో ఈ ఆసియాకప్ ఎప్పుడు మొదలైంది? ఈ ఖండాంతర టోర్నీలో భారత జట్టు రికార్డు ఎలా ఉందో ఓ లుక్కేద్దాం.సెప్టెంబ‌ర్ 13.. 1984న ఒక కొత్త వ‌న్డే టోర్న‌మెంట్ క్రికెట్ ప్ర‌పంచానికి ప‌రిచయ‌మైంది. అదే ఆసియా క‌ప్‌. దక్షిణాసియా పొరుగు దేశాలైన భార‌త్‌, పాకిస్తాన్‌, శ్రీలంకల మ‌ధ్య క్రికెట్, ద్వైపాక్షిక సంబంధాల‌ను మెరుగుప‌రుచేందుకు 19 సెప్టెంబర్, 1983న ఆసియా క్రికెట్ కౌన్సిల్‌ను స్ధాపించారు. ఈ ఏసీసీనే ఆసియాకప్‌ పుట్టుకకు కారణమైంది. తొలి టైటిల్‌ మనదే..ఆసియాక‌ప్ తొలి ఎడిష‌న్‌కు యూఏఈలోని షార్జా అతిథ్య‌మిచ్చింది. అయితే ఈ టోర్నీలో 1983 ఐసీసీ ప్రూడెన్షియల్ ప్రపంచ కప్ విజేతగా నిలిచిన టీమిండియా పాల్గొనడంతో మ‌రింత ప్రాధ‌న్య‌త సంతరించుకుంది. అయితే ఈ టోర్నీకి 1983 ప్రపంచ కప్ గెలిచిన పూర్తి జట్టును బీసీసీఐ పంపలేదు. కపిల్ దేవ్, కె శ్రీకాంత్, సయ్యద్ కిర్మాణి, మోహిందర్ అమర్‌నాథ్ వంటి ఆటగాళ్లకు విశ్రాంతి ఇచ్చారు. వారి స్దానంలో మనోజ్ ప్రభాకర్, చేతన్ శర్మ, సురీందర్ ఖన్నా వంటి ఆట‌గాళ్లు మాత్రం తొట్ట తొలి ఆసియాక‌ప్‌లో భాగ‌మమ‌య్యారు. శ్రీలంక‌తో జ‌రిగిన తొలి మ్యాచ్‌లోనే సునీల్ గావ‌స్క‌ర్ సార‌థ్యంలోని భార‌త బృందం అద్బుతం చేసింది.ఈ మ్యాచ్‌లో శ్రీలంకను ఏకంగా 10 వికెట్ల తేడాతో టీమిండియా చిత్తు చేసింది. అయితే తొలి ఎడిష‌న్‌లో కేవ‌లం శ్రీలంక‌, భార‌త్‌, పాక్ జ‌ట్లు మాత్ర‌మే త‌ల‌ప‌డ్డాయి. ఫైన‌ల్లో పాక్‌ను చిత్తు చేసిన భార‌త్ తొట్ట తొలి ఆసియాక‌ప్ టైటిల్‌ను సొంతం చేసుకుంది.ఏకైక జట్టుగా శ్రీలంక..ఇప్ప‌టివ‌ర‌కు 16 ఆసియాక‌ప్‌లు జ‌రిగితే అన్ని టోర్నీలో ఆడిన ఆడిన ఏకైక జట్టుగా శ్రీలంక నిలిచింది. ఇక భారత్‌, పాకిస్తాన్‌లు చెరో 15 సార్లు ఆసియాకప్‌లో పాల్గొన్నాయి. శ్రీలంకతో క్రికెట్ సంబంధాలు దెబ్బతిన్న కారణంగా 1986 టోర్నమెంట్‌ను భారత్ బహిష్కరించింది. అనంత‌రం భార‌త్ వేదిక‌గా 1990-91 ఆసియాక‌ప్‌ను పాక్ బాయ్‌క‌ట్ చేసింది. ఇదే కారణంతో 1993లో ఆసియాకప్‌ను నిర్వహించలేదు. బంగ్లాదేశ్ కూడా 15 సార్లు ఆసియాక‌ప్‌లో భాగ‌మైంది.ఐసీసీ జోక్యం..కాగా 2015లో ఆసియాకప్‌నకు సంబంధించి కీలక పరిణామం​ చోటు చేసుకుంది. టోర్నీ నిర్వహించే ఆసియా క్రికెట్‌ కౌన్సిల్‌కు ఐసీసీ అధికారాలు తగ్గించింది. ఇకపై ఆసియాకప్‌ రెండేళ్లకోసారి వన్డే, టి20 ఫార్మాట్‌లో రొటేషన్‌ పద్దతిలో జరుగుతుందని తెలిపింది.ఐసీసీ టోర్నీలకు అనుగుణంగా ఆసియాకప్‌ను నిర్వహించనున్నట్లు పేర్కొంది. ఫలితంగా 2016లో ఆసియాకప్‌ను తొలిసారి టీ20 ఫార్మాట్‌లో నిర్వహించారు. టీ20 ప్రపంచకప్‌ టోర్నీకి ముందు సన్నాహక టోర్నమెంట్‌గా అది ఉపయోగపడింది. మొట్టమొదటి ఆసియాకప్ టీ20 టోర్నీ టైటిల్‌ను కూడా టీమిండియానే కైవసం చేసుకుంది.తిరుగులేని భారత్‌..1984 నుంచి 2023 వరకు 16 సార్లు ఆసియా కప్‌ను నిర్వహించారు. 2022 లో చివరిసారిగా టీ20 ఫార్మాట్‌లో నిర్వహించగా, నాడు ఫైనల్లో పాకిస్తాన్‌ను ఓడించి శ్రీలంక విజేతగా నిలిచింది. అయితే ఈ టోర్నీలో భారత జట్టుకు మాత్రం ఘనమైన రికార్డు ఉంది. ఇక ఆసియాకప్‌ చరిత్రలో భారత్‌ అత్యధికంగా ఎనిమిది సార్లు ఛాంపియన్‌గా నిలిచింది. అందులో 7 సార్లు వన్డే ఫార్మాట్‌లో టైటిల్‌ను సొంతం చేసుకోగా.. ఒక్కసారి టీ20 ఫార్మాట్‌లో టీమిండియా విజేతగా నిలిచింది. ఇక భారత్ తర్వాత శ్రీలంక ఆరు సార్లు, పాకిస్తాన్‌ రెండుసార్లు ఈ ట్రోఫీని ముద్దాడాయి.చదవండి: Asia Cup 2025: 'ఆసియాక‌ప్ గెలిచేది ఆ జ‌ట్టే'.. వీరేంద్ర సెహ్వాగ్ జోస్యం

ఆసియాక‌ప్‌-2025 మ‌రో రెండు వారాల్లో తెర‌లేవ‌నుంది. ఈ ఖండాంతర టోర్నీ సెప్టెంబ‌ర్ 8 నుంచి యూఏఈ వేదిక‌గా ప్రారంభం కానుంది. ఇప్ప‌టికే ఈ ఆసియా జెయింట్స్ పోరు కోసం భార‌త జ‌ట్టును బీసీసీఐ ప్ర‌క‌టించింది. సూర్య‌కుమార్ యాద‌వ్ సార‌థ్యంలోని భార‌త జ‌ట్టు డిఫెండింగ్ ఛాంపియ‌న్స్‌గా బ‌రిలోకి దిగ‌నుంది.శుబ్‌మ‌న్ గిల్‌, జ‌స్ప్రీత్ బుమ్రా తిరిగి రావ‌డంతో టీమిండియా అన్ని విభాగాల్లో ప‌టిష్టంగా క‌న్పిస్తోంది. ఈ టోర్నీలో భార‌త జ‌ట్టు త‌మ తొలి మ్యాచ్‌లో సెప్టెంబ‌ర్ 10న దుబాయ్ వేదిక‌గా యూఏఈతో త‌ల‌ప‌డ‌నుంది. ఈ నేప‌థ్యంలో టీమిండియా మాజీ ఓపెన‌ర్ వీరేంద్ర సెహ్వాగ్ ఆస‌క్తిక‌ర వ్యాఖ్య‌లు చేశాడు.భార‌త జ‌ట్టు మ‌రోసారి ఆసియాక‌ప్ విజేత‌గా నిలుస్తుంద‌ని సెహ్వాగ్ జోస్యం చెప్పాడు. టీ20 ప్ర‌పంచ‌క‌ప్‌-2024 త‌ర్వాత రోహిత్ శ‌ర్మ నుంచి భార‌త జ‌ట్టు ప‌గ్గాల‌ను చేప‌ట్టిన సూర్య‌కు కెప్టెన్‌గా ఇదే తొలి మ‌ల్టీనేష‌న‌ల్ టోర్న‌మెంట్‌."ఆసియాక‌ప్‌న‌కు యువ, అనుభవజ్ఞులైన ఆటగాళ్లతో కూడిన జట్టును సెలక్టర్లు ఎంపిక చేశారు. భారత జట్టు అన్ని విభాగాల్లో పటిష్టంగా కన్పిస్తోంది. సూర్యకుమార్ యాదవ్ ఫియర్ లెస్ కెప్టెన్సీలో టీమిండియా మరోసారి ఆసియాకప్‌లో ఆధిపత్యం చెలాయించే అవకాశముంది.సూర్య ఆలోచన విధానం టీ20 ఫార్మాట్ సరిగ్గా సరిపోతుంది. జట్టు మొత్తం అదే వైఖ‌రి క‌న‌బ‌రిస్తే టీమిండియా మ‌రోసారి అసియాక‌ప్ ఛాంపియ‌న్స్‌గా నిలుస్తుందని అధికారిక బ్రాడ్‌కాస్టర్ సోనీ స్పోర్ట్స్ నెట్‌వర్క్'రాగ్‌రాగ్‌మే భారత్'లో సెహ్వాగ్ పేర్కొన్నాడు. కాగా ఈ టోర్నీలో మొత్తం 8 జట్లు పాల్గోనున్నాయి. గ్రూప్‌- ఎ నుంచి ఇండియా, పాకిస్తాన్‌, యూఏఈ, ఒమన్‌ పోటీపడనుండగా.. శ్రీలంక, బంగ్లాదేశ్‌, అఫ్గనిస్తాన్‌, హాంకాంగ్‌ గ్రూప్‌-బి నుంచి తలపడతాయి.ఆసియా కప్‌ టీ20-2025 టోర్నమెంట్‌కు భారత జట్టుసూర్యకుమార్ యాదవ్ (కెప్టెన్‌), శుబ్‌మన్‌ గిల్ (వైస్‌ కెప్టెన్‌), అభిషేక్ శర్మ, తిలక్ వర్మ, హార్దిక్ పాండ్యా, శివమ్ దూబే, అక్షర్ పటేల్, జితేశ్‌ శర్మ (వికెట్‌ కీపర్‌), జస్‌ప్రీత్ బుమ్రా, అర్ష్‌దీప్ సింగ్, వరుణ్ చక్రవర్తి, కుల్దీప్ యాదవ్, సంజూ శాంసన్ (వికెట్‌ కీపర్‌), హర్షిత్ రాణా, రింకూ సింగ్‌.చదవండి: చిన్నస్వామిలో క్రికెట్‌ బంద్‌!

భార‌త మ‌హిళా జ‌ట్టు స్పిన్న‌ర్‌, హైద‌రాబాదీ గౌహెర్ సుల్తానా గురువారం అన్ని రకాల క్రికెట్‌కు రిటైర్మెంట్ ప్ర‌క‌టించింది. వ‌న్డే, టీ20ల్లో భార‌త జ‌ట్టుకు ప్రాతినిథ్యం వ‌హించిన సుల్తానా త‌న 17 ఏళ్ల కెరీర్‌కు ముగింపు ప‌లికింది. సుల్తానా 2008లో టీమిండియా త‌ర‌పున అంత‌ర్జాతీయ అరంగేట్రం చేసింది.ఈ హైద‌రాబాదీ క్రికెట‌ర్ చివ‌ర‌గా భార‌త్ త‌ర‌పున‌ 2014లో పాకిస్తాన్‌పై ఆడింది. గౌహెర్ మొత్తంగా త‌న కెరీర్‌లో 87 మ్యాచ్‌లు ఆడి 95 వికెట్లు ప‌డ‌గొట్టింది. "చాలా సంవ‌త్స‌రాల పాటు భార‌త జెర్సీని ధ‌రించినందుకు గర్వంగా ఉంది. అయితే నా క్రికెట్ ప్రయాణాన్ని ముగించేందుకు సమయం అసన్నమైంది. అన్ని రకాల ఫార్మాట్ల నుంచి తప్పుకొవాలని నిర్ణయించుకున్నాను. నా ఈ సుదీర్ఘ ప్రయాణంలో ఎన్నో మరుపురాని జ్ఞాపకాలు ఉన్నాయి. నాకు మద్దతుగా నిలిచిన ప్రతీ ఒక్కరికి ధన్యవాదాలు. క్రికెట్ ఎల్లప్పుడూ నా మనసుకు దగ్గరగా ఉంటుం‍ది. ఒక ప్లేయర్‌గా నా కెరీర్‌కు తెరపడినా.. క్రికెట్ పట్ల నాకున్న ప్రేమ ఎప్పుడూ ఒకేలా ఉంటుంది. నన్ను ఈ స్ధాయికి తీసుకొచ్చిన క్రికెట్‌కు నా సేవలను అందించేందుకు నేను ఎల్లప్పుడూ సిద్దంగా ఉంటాను. ఇది వీడ్కోలు కాదు. ఇది ఒక సువర్ణ అధ్యాయానికి ముగింపు మాత్రమే అని" అని ఇన్‌స్టాలో సుల్తానా రాసుకొచ్చింది. గౌహెర్ సుల్తానా దేశవాళీ క్రికెట్‌లో హైదరాబాద్, పుదుచ్చేరి, రైల్వేస్, బెంగాల్ తరపున ఆడింది. అంతేకాకుండా ఉమెన్స్ ప్రీమియర్ లీగ్ తొలి రెండు సీజన్లలో ఆమె యూపీ వారియ‌ర్స్‌కు ప్రాతినిథ్యం వ‌హించింది.చదవండి: నా బెస్ట్‌ కెప్టెన్‌ అతడే.. ధోనికి కూడా అంత సులువుగా ఏదీ రాలేదు: ద్రవిడ్‌

బీసీసీఐ సీనియ‌ర్ సెల‌క్ష‌న్ క‌మిటీలో ప‌లు మార్పులు చోటు చేసుకోనున్నాయి. ఛీప్ సెల‌క్ట‌ర్ అజిత్ అగార్క‌క‌ర్ ప‌దవీ కాలాన్ని పొడిగించిన బీసీసీఐ.. సౌత్‌జోన్ సెల‌క్ట‌ర్ శ్రీధరన్ శరత్‌తో పాటు మ‌రొక‌రిపై వేటు వేసేందుకు సిద్ద‌మైంది. ఈ క్ర‌మంలోనే జాతీయ సెలెక్టర్ పదవులకు భార‌త క్రికెట్ బోర్డు దరఖాస్తులను ఆహ్వానించింది. కాగా ప్రస్తుత సెలక్షన్ కమిటీలో అగార్కర్‌తో పాటు ఎస్ఎస్ దాస్, సుబ్రతో బెనర్జీ, అజయ్ రాత్రా, ఎస్ శరత్ ఉన్నారు.సెల‌క్ట‌ర్‌గా ప్రజ్ఞాన్ ఓజా..టీమిండియా మాజీ స్పిన్న‌ర్ ప్రజ్ఞాన్ ఓజా సౌత్ జోన్ నుంచి జాతీయ సెలెక్ట‌ర్ అయ్యే అవ‌కాశ‌ముంద‌ని టైమ్స్ ఆఫ్ ఇండియా త‌మ రిపోర్ట్‌లో పేర్కొంది. సెలెక్టర్‌గా దాదాపు నాలుగేళ్లు పూర్తి చేసుకున్న ఎస్. శరత్ స్థానంలో ఓజా ఎంపిక కానున్న‌ట్లు తెలుస్తోంది. అయితే శ‌ర‌త్ మ‌రోసారి జూనియర్ సెలక్షన్ కమిటీ చీఫ్ సెలెక్టర్‌గా బాధ్యతలు చేపట్టే ఛాన్స్ ఉంద‌ని బీసీసీఐ వ‌ర్గాలు వెల్ల‌డించాయి. ప్రజ్ఞాన్ ఓజా 24 టెస్టులు, 18 వన్డేలు, 6 టీ20ల్లో టీమిండియాకు ప్రాతినిథ్యం వహించాడు. ఐపీఎల్‌లో ప్రజ్ఞాన్ ఐపీఎల్‌లో కూడా ముంబై ఇండియన్స్‌, డక్కన్ ఛార్జర్స్ తరపున ఆడాడునేషనల్ సెలెక్టర్ ధరఖాస్తుకు ఆర్హతలు ఇవే..టీమిండియా సెలక్టర్ పదవికి దరఖాస్తు చేసుకోవాలంటే కనీసం 7 టెస్టులు లేదా 10 వన్డేలు లేదా కనీసం 30 ఫస్ట్ క్లాస్ మ్యాచ్‌లు ఆడాలి. అంతర్జాతీయ క్రికెట్‌కు రిటైర్మెంట్ ప్రకటించి కనీసం ఐదేళ్లు దాటి ఉండాలి. బీసీసీఐ ఏ క్రికెట్ కమిటీలోనూ 5 సంవత్సరాల పాటు సభ్యుడిగా పనిచేసి ఉండకూడదు. కాగా అజిత్ అగార్కర్ కాంట్రాక్ట్‌ను వచ్చే ఏడాది జూన్ వరకు బీసీసీఐ పొడిగించింది. అత‌డి పదవీకాలంలో టీమిండియా టీ20 ప్ర‌పంచ‌క‌ప్‌-2024, ఛాంపియ‌న్స్ ట్రోఫీ-2025 టైటిల్స్‌ను సొంతం చేసుకుంది. అదేవిధంగా వ‌న్డే ప్ర‌పంచ‌క‌ప్‌-2023 ర‌న్న‌ర‌ప్‌గా కూడా మెన్ ఇన్ బ్లూ నిలిచింది. ఈ క్రమంలోనే అజిత్ కాంట్రాక్ట్‌ను పొడిగించేందుకు బీసీసీఐ మొగ్గు చూపింది.చదవండి: నా బెస్ట్‌ కెప్టెన్‌ అతడే.. ధోనికి కూడా అంత సులువుగా ఏదీ రాలేదు: ద్రవిడ్‌

ఆసియాక‌ప్‌-2025కు ముందు టీమిండియా బ్యాట‌ర్ రింకూ సింగ్ విధ్వంసం సృష్టించాడు. యూపీ టీ20 లీగ్‌-2025లో మీరట్ మావెరిక్స్ సారథ్యం వహించిన రింకూ సింగ్‌.. గురువారం గౌర్ గోరఖ్ పూర్ లయన్స్‌తో జరిగిన మ్యాచ్‌లో అద్భుతమైన సెంచరీతో చెలరేగాడు.168 ప‌రుగుల ల‌క్ష్య చేధ‌న‌లో ఐదో స్ధానంలో బ్యాటింగ్‌కు వ‌చ్చిన రింకూ ప‌త్య‌ర్ధి బౌల‌ర్ల‌కు చుక్క‌లు చూపించాడు. లక్నోల‌ని ఎకానా స్టేడియంలో రింకూ బౌండ‌రీల వ‌ర్షం కురిపించాడు. ఓట‌మి ఖాయ‌మైన చోట ఈ లెఫ్ట్ హ్యాండ‌ర్ త‌న తుపాన్ ఇన్నింగ్స్‌తో అద్భుతం చేశాడు.కేవ‌లం 48 బంతులు మాత్ర‌మే ఎదుర్కొన్న సింగ్‌.. 7 ఫోర్లు, 8 సిక్స్‌ల‌తో 108 ప‌రుగుల‌తో ఆజేయంగా నిలిచాడు. దీంతో 168 ప‌రుగుల టార్గెట్‌ను మీరట్ మావెరిక్స్ 4 వికెట్లు కోల్పోయి చేధించింది. గోర‌ఖ్ పూర్ బౌల‌ర్ల‌లో ప్రిన్స్ యాద‌వ్‌, అనికిత్ చౌద‌రీ, ఏ రెహ‌మ‌న్‌, విజ‌య్ యాద‌వ్ త‌లా వికెట్ సాధించారు.అంత‌కుముందు బ్యాటింగ్ చేసిన గోర‌ఖ్ పూర్ జ‌ట్టు నిర్ణీత 20 ఓవ‌ర్ల‌లో 9 వికెట్ల నష్టానికి 167 పరుగులు చేసింది. గోరఖ్‌పూర్‌ కెప్టెన్‌ ధ్రువ్‌ జురెల్‌(38) టాప్‌ స్కోరర్‌గా నిలవగా.. నిశాంత్ కుష్వాహా(37), శివమ్‌ శర్మ(25) రాణించారు. మీరట్‌ బౌలర్లలో విశాల్‌ చౌదరి, విజయ్‌ కుమార్‌ తలా మూడు వికెట్లు పగొట్టగా.. జీసన్‌ అన్సారీ రెండు వికెట్లను తీశాడు.ఇక ఇది ఇలా ఉండగా.. ఆసియాకప్‌నకు ప్రకటించిన 15 మంది సభ్యుల భారత జట్టులో రింకూ సింగ్‌కు చోటు దక్కింది. అయితే ఫామ్‌లేనప్పటికి రింకూకు ఛాన్స్‌ ఇవ్వడాన్ని చాలా మంది తప్పుబట్టారు. కానీ ఇప్పుడు తనపై విమర్శలు చేసిన వారికి రింకూ బ్యాట్‌తోనే సమాధానమిచ్చాడు.ఆసియా కప్‌ టీ20-2025 టోర్నమెంట్‌కు భారత జట్టుసూర్యకుమార్ యాదవ్ (కెప్టెన్‌), శుబ్‌మన్‌ గిల్ (వైస్‌ కెప్టెన్‌), అభిషేక్ శర్మ, తిలక్ వర్మ, హార్దిక్ పాండ్యా, శివమ్ దూబే, అక్షర్ పటేల్, జితేశ్‌ శర్మ (వికెట్‌ కీపర్‌), జస్‌ప్రీత్ బుమ్రా, అర్ష్‌దీప్ సింగ్, వరుణ్ చక్రవర్తి, కుల్దీప్ యాదవ్, సంజూ శాంసన్ (వికెట్‌ కీపర్‌), హర్షిత్ రాణా, రింకూ సింగ్‌.చదవండి: UPT20: రింకూ సింగ్ విధ్వంసకర సెంచరీ.. 8 సిక్స్‌లతో వీర వీహారం! వీడియోChasing a target of 168, Rinku walks in at 38-4. Scores unbeaten 108 off 48. Wins the game in the 19th over. 🤯The One. The Only. RINKU SINGH! 🦁 💜pic.twitter.com/YCjQcLMcaH— KolkataKnightRiders (@KKRiders) August 21, 2025

టీమిండియా త‌దుప‌రి వ‌న్డే కెప్టెన్‌గా శ్రేయ‌స్ అయ్య‌ర్‌ను నియ‌మించేందుకు బీసీసీఐ ఆస‌క్తి ఉంద‌ని వార్త‌లు వినిపిస్తున్న సంగ‌తి తెలిసిందే. రోహిత్ శ‌ర్మ వారుసుడిగా అయ్య‌ర్ భార‌త జ‌ట్టు వ‌న్డే ప‌గ్గాల‌ను చేప‌ట్ట‌నున్నాడ‌న‌ని రెండు రోజుల నుంచి జోరుగా ప్ర‌చారం సాగుతోంది.అయ్య‌ర్‌కు ఆసియాక‌ప్ జ‌ట్టులో చోటు ద‌క్క‌ని అనంత‌రం ఈ విష‌యం బ‌య‌ట‌కు వ‌చ్చింది. అయితే తాజాగా ఈ వార్తల‌పై భార‌త క్రికెట్ బోర్డు స్పందించింది. అవ‌న్నీ వ‌ట్టి రూమ‌ర్సే అని బీసీసీఐ కార్యదర్శి దేవజిత్ సైకియా కొట్టిపారేశారు. వ‌న్డే కెప్టెన్సీకి సంబంధించి జ‌రుగుతున్న ప్ర‌చారాన్ని నేనూ విన్నాను. అవ‌న్నీ త‌ప్పుడు వార్త‌లే. ప్ర‌స్తుతం ఎటువంటి చ‌ర్చ‌లు జ‌ర‌గ‌డం లేదు అని సైకియా హిందూస్తాన్ టైమ్స్‌తో పేర్కొన్నారు.వ‌న్డే కెప్టెన్‌గా గిల్‌..అయితే తాజా రిపోర్ట్స్ ప్ర‌కారం.. రోహిత్ శ‌ర్మ త‌ర్వాత భార‌త వ‌న్డే జ‌ట్టు బాధ్య‌త‌ల‌ను శుబ్‌మ‌న్ గిల్‌కే అప్ప‌గించే అవ‌కాశ‌ముంది. "వ‌న్డే క్రికెట్‌లో శుబ్‌మ‌న్ గిల్ స‌గ‌టు 59 పైగా ఉంది. ప్ర‌స్తుతం అత‌డు జ‌ట్టుకు వైస్ కెప్టెన్‌గా ఉన్నాడు. ఇటీవ‌లే టెస్టు కెప్టెన్‌గా కూడా ఎంపికయ్యాడు.త‌న తొలి సిరీస్‌లోనే జ‌ట్టును అద్భుతంగా న‌డిపించాడు. అటువంటి ఒక ప్లేయ‌ర్ స‌మ‌యం వ‌చ్చిన‌ప్పుడు వ‌న్డే జ‌ట్టుకు కూడా నాయ‌క‌త్వం వ‌హించే అవ‌కాశ‌ముంది" అని బీసీసీఐ వ‌ర్గాలు వెల్ల‌డించాయి.కాగా టెస్టు కెప్టెన్‌గా ఉన్న గిల్‌.. వ‌న్డే, టీ20ల్లో రోహిత్‌, సూర్యకుమార్ యాద‌వ్‌ల‌కు డిప్యూటీగా వ్య‌వ‌హ‌రిస్తున్నాడు. ఆస్ట్రేలియా టూర్ త‌ర్వాత రోహిత్ శ‌ర్మ అంత‌ర్జాతీయ క్రికెట్‌కు వీడ్కోలు ప‌ల‌క‌నున్న‌ట్లు ప‌లు రిపోర్ట్‌లు పేర్కొంటున్నాయి.ఒక‌వేళ అదే జ‌రిగితే టెస్టులు మాదిరిగానే వ‌న్డేల్లో కూడా జ‌ట్టు ప‌గ్గాల‌ను గిల్ తీసుకునే సూచ‌న‌లు క‌న్పిస్తున్నాయి. వీటిన్నంటికి ఓ క్లారిటి రావాలంటే మ‌రో రెండు నెల‌లు ఎదురు చూడాల్సిందే. ప్ర‌స్తుతం భార‌త క్రికెట్ జ‌ట్టు ఆసియాక‌ప్‌-2025కు సిద్ద‌మ‌వుతోంది.ఆసియా కప్‌ టీ20-2025 టోర్నమెంట్‌కు భారత జట్టుసూర్యకుమార్ యాదవ్ (కెప్టెన్‌), శుబ్‌మన్‌ గిల్ (వైస్‌ కెప్టెన్‌), అభిషేక్ శర్మ, తిలక్ వర్మ, హార్దిక్ పాండ్యా, శివమ్ దూబే, అక్షర్ పటేల్, జితేశ్‌ శర్మ (వికెట్‌ కీపర్‌), జస్‌ప్రీత్ బుమ్రా, అర్ష్‌దీప్ సింగ్, వరుణ్ చక్రవర్తి, కుల్దీప్ యాదవ్, సంజూ శాంసన్ (వికెట్‌ కీపర్‌), హర్షిత్ రాణా, రింకూ సింగ్‌.చదవండి: సిరాజ్‌, రాహుల్‌ను ఎందుకు ఎంపిక చేయ‌లేదు!?.. బీసీసీఐ ఫైర్‌

దులీప్ ట్రోఫీ 2025 తొలి రౌండ్ మ్యాచ్‌ల‌కు సెంట్ర‌ల్ కాంట్రాక్ట్ ఆట‌గాళ్ల‌ను ఎంపిక చేయ‌క‌పోవ‌డంపై భారత క్రికెట్ నియంత్రణ మండలి ఆగ్ర‌హం వ్య‌క్తం చేసింది. ఈ మెర‌కు ఆయా రాష్ట్ర క్రికెట్ అసోసియేషన్‌ల‌కు బీసీసీఐ క్రికెట్ ఆపరేషన్స్ జనరల్ మేనెజర్ అబే కురువిల్లా లేఖ రాశారు.ముఖ్యంగా సౌత్ జోన్ జ‌ట్టులో కేఎల్ రాహుల్‌, వాషింగ్ట‌న్ సుంద‌ర్‌, ప్రసిద్ధ్ కృష్ణ, సాయి సుదర్శన్,మహ్మద్ సిరాజ్ వంటి స్టార్ ప్లేయ‌ర్లు లేక‌పోవ‌డంతో బీసీసీఐ స్పందించాల్సి వచ్చింది. వీరందరూ ప్రస్తుతం భారత టెస్టు జట్టులో భాగంగా ఉన్నారు. ఇంగ్లండ్ టూర్ తర్వాత వీరిందరికి నెలకు పైగా విశ్రాంతి లభించింది.అంతేకాకుండా ఆసియాకప్ జట్టులో వీరివ్వరూ భాగం కాకపోవడంతో దులీప్ ట్రోఫీలో ఆడుతారని అంతా భావించారు. కానీ సౌత్ జోన్ జట్టులో వారిలో ఒక్కరికి కూడా చోటు దక్కలేదు. దీంతో అక్టోబర్‌లో వెస్టిండీస్‌తో జరిగే టెస్టు సిరీస్ వరకు వారికి విశ్రాంతి లభించనుంది. కాగా దులీప్ ట్రోఫీకి జ‌ట్లను అజిత్ అగార్క‌ర్ నేతృత్వంలోని జాతీయ సెలక్షన్ కమిటీ కాకుండా, జోన్ సెలెక్టర్లు ఎంపిక చేస్తారు."దులీప్ ట్రోఫీ ప్రతిష్టను కాపాడుకునేందుకు, సరైన పోటీ అందించేందుకు ప్రస్తుతం అందుబాటులో ఉన్న భారత ఆటగాళ్లను వారి సంబంధిత జోనల్ జట్లకు కచ్చితంగా ఎంపిక చేయాలి. కాంట్రాక్ట్ ఉన్న ఆటగాళ్లు లేదా టీమిండియాలో ఎంపిక కోసం ఎదురు చూస్తున్న ఆటగాళ్లందరూ బీసీసీఐ నిర్వహించే దేశవాళీ టోర్నీల్లో పాల్గొనాలి.ఒకవేళ ఎవరైనా ఆటగాడు అందుబాటులో ఉన్నప్పటికి సరైన కారణం లేకుండా దేశీయ క్రికెట్ టోర్నీల్లో పాల్గొనకూడదని నిర్ణయించుకుంటే సదరు ప్లేయర్‌ను జాతీయ జట్టు ఎంపికకు పరిగణలోకి తీసుకోరు" అని లేఖలో కురువిల్లా పేర్కొన్నారు.కాగా గతేడాదే సెంట్రల్ కాంట్రాక్ట్ ఉన్న ఆటగాళ్లంతా దేశవాళీ క్రికెట్‌లో ఆడాలి అని బీసీసీఐ స్పష్టం చేసింది. ఈ క్రమంలోనే విరాట్ కోహ్లి, రోహిత్ శర్మ వంటి స్టార్ ప్లేయర్లు గత రంజీ సీజన్‌లో ఆడారు. దులీప్ ట్రోఫీ ఆగస్టు 28 నుంచి ప్రారంభం కానుంది.చదవండి: భారత్, పాక్‌ పోరుకు రాజముద్ర

టీమిండియా వెట‌ర‌న్‌, ముంబై క్రికెట్ దిగ్గ‌జం అజింక్య ర‌హానే(Ajinkya Rahane) సంచ‌ల‌న నిర్ణ‌యం తీసుకున్నాడు. రాబోయే దేశవాళీ సీజన్‌కు ముంబై జ‌ట్టు కెప్టెన్సీ నుంచి ర‌హానే త‌ప్పుకొన్నాడు. ఈ సీనియ‌ర్‌ ప్లేయ‌ర్ నాయ‌క‌త్వంలోనే 2023-24 రంజీ ట్రోఫీని ముంబై సొంతం చేసుకుంది.అంతేకాకుండా 2024లో ఇరానీ కప్‌ను కూడా ముంబైకి అజింక్య అందించాడు. అయితే ముంబై జ‌ట్టుకు కొత్త నాయ‌కుడిని తాయారు చేసే స‌మ‌యం అస‌న్న‌మైంద‌ని, అందుకే ఈ నిర్ణ‌యం తీసుకున్న‌ట్లు ర‌హానే వెల్ల‌డించాడు."ముంబై జ‌ట్టు త‌ర‌పున ఛాంపియ‌న్‌షిప్‌లు గెల‌వ‌డం, కెప్టెన్‌గా ప‌నిచేయ‌డం నాకు దక్కిన అరుదైన గౌర‌వంగా భావిస్తున్నాను. మ‌రి కొన్ని రోజుల్లో కొత్త డొమాస్టిక్ సీజ‌న్ (2025-2026) ప్రారంభం కానుంది. కాబ‌ట్టి కొత్త కెప్టెన్‌ను ఎంపిక చేసేందుకు ఇదే స‌రైన స‌మ‌యం. అందుకే కెప్టెన్సీ నుంచి త‌ప్పుకోవాల‌ని నిర్ణ‌యించుకున్నాను. కానీ ఆట‌గాడిగా మాత్రం కొన‌సాగ‌నున్నాను. ఆటగాడిగా అత్యుత్తమ ప్రదర్శన చేసి ముంబైకి మ‌రిన్ని ట్రోఫీలను అందించేందుకు ప్ర‌య‌త్నిస్తాను" అని ఎక్స్‌లో ర‌హానే రాసుకొచ్చాడు.కాగా ర‌హానే ముంబై కెప్టెన్‌గా త‌న‌కంటూ ప్ర‌త్యేక గుర్తింపు తెచ్చుకున్నాడు. 2022-23లో సయ్యద్ ముష్తాక్ అలీ ట్రోఫీ, 2022-23లో దులీప్ ట్రోఫీ, 2023-24లో రంజీ ట్రోఫీ వంటి టైటిల్స్‌ను కెప్టెన్‌గా ర‌హానే గెలుచుకున్నాడు. అంతేకాకుండా రహానే గతంలో టీ20లు, వన్డేలు, టెస్టుల్లో టీమిండియా కెప్టెన్‌గా కూడా వ్య‌వ‌హ‌రించాడు. ర‌హానే ప్ర‌స్తుతం ఐపీఎల్‌లో కేకేఆర్ సార‌థిగా ఉన్నాడు.ఈ ఏడాది ర‌హానే త‌న 9వ ఫస్ట్-క్లాస్ సీజన్ ఆడ‌నున్నాడు. అయితే ర‌హానేకు దులీప్ ట్రోఫీ కోసం వెస్ట్ జోన్ జ‌ట్టులో చోటు ద‌క్కలేదు. అత‌డికి బ‌దులుగా ఆల్‌రౌండ‌ర్ శార్ధూల్ ఠాకూర్‌ను కెప్టెన్‌గా సెల‌క్ట‌ర్లు ఎంపిక చేశారు. అదేవిధంగా ప్రస్తుతం జరుగుతున్న బుచ్చి బాబు ఇన్విటేషనల్ టోర్నమెంట్‌లో ముంబై జట్టుకు 17 ఏళ్ల ఆయుష్ మాత్రే కెప్టెన్‌గా వ్య‌వ‌హ‌రిస్తున్నాడు. ఇక రహానే వారుసుడిగా ముంబై జ‌ట్టు ప‌గ్గాలు చేప‌ట్టేందుకు చాలా మంది ఉన్నారు. వారిలో శార్ధూల్ ఠాకూర్‌, శ్రేయ‌స్ అయ్య‌ర్ ముందంజ‌లో ఉంటారు.చదవండి: హ్యాట్సాఫ్‌ ధనశ్రీ: రోహిత్‌ భార్య రితికా అలా.. సూర్య సతీమణి దేవిశా ఇలా

ఆసియాక‌ప్‌-2025 కోసం భార‌త జ‌ట్టును అజిత్ అగార్కర్ నేతృత్వంలోని బీసీసీఐ సెలక్ష‌న్ క‌మిటీ మంగ‌ళ‌వారం ప్ర‌క‌టించింది. ఈ జ‌ట్టు ఎంపిక‌పై భిన్న‌భిప్రాయాలు వ్య‌క్తమ‌వుతున్నాయి. ఈ జ‌ట్టుకు వైస్‌కెప్టెన్‌గా శుబ్‌మ‌న్ గిల్‌ను వైస్ కెప్టెన్‌గా ఎంపిక‌చేయ‌డం అంద‌రిని ఆశ్చ‌ర్య‌ప‌రిచింది. అంతేకాకుండా ఈ ఖండాంత టోర్నీకి స్టార్ ప్లేయ‌ర్లు య‌శస్వి జైశ్వాల్‌, శ్రేయ‌స్ అయ్య‌ర్‌ల‌ను ఎంపిక చేయ‌క‌పోవ‌డాన్ని చాలా మంది త‌ప్పుబడుతున్నారు. ఈ నేప‌థ్యంలో సెల‌క్ష‌న్ క‌మిటీపై భార‌త మాజీ క్రికెట‌ర్ మ‌ద‌న్ లాల్ ప్ర‌శ్న‌ల వ‌ర్షం కురిపించారు. జైశ్వాల్‌కు చోటు ద‌క్క‌క‌పోవ‌డం, హార్దిక్ పాండ్యాను వైస్ కెప్టెన్సీ నుంచి త‌ప్పించ‌డం త‌న‌ని ఆశ్చ‌ర్య‌ప‌రిచింద‌ని మ‌ద‌న్ లాల్ అన్నారు.కాగా టీ20 ప్ర‌పంచ‌క‌ప్‌-2024 త‌ర్వాత భార‌త జ‌ట్టు వైస్ కెప్టెన్సీ నుంచి పాండ్యాను బీసీసీఐ త‌ప్పించింది. టీ20 కెప్టెన్‌గా సూర్య‌కుమార్ యాద‌వ్‌, అత‌డి డిప్యూటీగా అక్ష‌ర్ ప‌టేల్‌ను అజిత్ అగార్క‌క‌ర్ అండ్ కో నియ‌మించింది. కానీ ఇప్పుడు మాత్రం సూర్య‌కు డిప్యూటీగా శుబ్‌మ‌న్ గిల్‌ను ఎంపిక చేశారు. దీనిబ‌ట్టి భ‌విష్య‌త్తులో టీ20 జ‌ట్టు ప‌గ్గాలు కూడా గిల్ చేప‌ట్టే అవ‌కాశ‌ముంది."య‌శ‌స్వి జైశ్వాల్ లాంటి అద్భుత‌మైన ఆట‌గాడు జ‌ట్టులో లేక‌పోవ‌డం చూసి నేను షాక‌య్యాను. జైశూ ఆరంభం నుంచే ఫియ‌ర్ లెస్ క్రికెట్ ఆడుతాడు. అత‌డు టెస్టుల్లో కూడా ఇదే త‌ర‌హాలో బ్యాటింగ్ చేస్తున్నారు. సెల‌క్ట‌ర్లు అత‌డికి విశ్రాంతి ఇచ్చారో లేదా కావాల‌నే ప‌క్క‌న పెట్టారో తెలియ‌దు. అతడిని ఆసియాకప్‌నకు ఎంపిక చేసి ఉంటే బాగుండేంది.అదేవిధంగా హార్దిక్ పాండ్యాను వైస్ కెప్టెన్‌గా ఎందుకు తొలగించారో నాకు ఇప్ప‌టికీ ఆర్ధం కావ‌డం లేదు. కానీ వైస్ కెప్టెన్‌గా గిల్ ఎంపిక స‌రైన నిర్ణ‌య‌మే. ఎందుకంటే అత‌డు ప్ర‌స్తుతం బాగా రాణిస్తున్నాడు. రాబోయే కాలంలో గిల్ మూడు ఫార్మాట్లలోనూ ఆడే అవకాశం ఉంది. మ్యాచ్ విన్న‌ర్లు ప్ర‌తీ ఫార్మాట్‌లోనూ ఆడాలి. ఆసియా కప్ గెలిచే అన్ని అవ‌కాశాలు భార‌త్‌కు ఉన్నాయి" అని ఎఎన్ఐకి ఇచ్చిన ఇంట‌ర్వ్యూలో మ‌ద‌న్ లాల్ పేర్కొన్నాడు.ఆసియా కప్‌ టీ20-2025 టోర్నమెంట్‌కు బీసీసీఐ ప్రకటించిన జట్టుసూర్యకుమార్ యాదవ్ (కెప్టెన్‌), శుబ్‌మన్‌ గిల్ (వైస్‌ కెప్టెన్‌), అభిషేక్ శర్మ, తిలక్ వర్మ, హార్దిక్ పాండ్యా, శివమ్ దూబే, అక్షర్ పటేల్, జితేశ్‌ శర్మ (వికెట్‌ కీపర్‌), జస్‌ప్రీత్ బుమ్రా, అర్ష్‌దీప్ సింగ్, వరుణ్ చక్రవర్తి, కుల్దీప్ యాదవ్, సంజూ శాంసన్ (వికెట్‌ కీపర్‌), హర్షిత్ రాణా, రింకూ సింగ్‌.రిజర్వు ప్లేయర్లు: ప్రసిద్‌ కృష్ణ, వాషింగ్టన్‌ సుందర్‌, రియాన్‌ పరాగ్‌, ధ్రువ్‌ జురెల్‌, యశస్వి జైస్వాల్‌.చదవండి: బీసీసీఐ కీలక నిర్ణయం.. ఆటగాళ్లకు ‘అగ్ని పరీక్ష’.. ఏమిటీ బ్రోంకో టెస్టు?

టీమిండియా ఛీప్ సెల‌క్ట‌ర్ అజిత్ అగార్కర్ ప‌దవీ కాలాన్ని భారత క్రికెట్ నియంత్రణ మండలి (BCCI) పొడిగించిన‌ట్లు తెలుస్తోంది. అగార్క‌ర్ వ‌చ్చే ఏడాది జూన్ వ‌ర‌కు బీసీసీఐ సెల‌క్ష‌న్ క‌మిటీ చైర్మ‌న్‌గా కొన‌సాగ‌నున్నాడు.2023లో ఛీప్ సెల‌క్ట‌ర్‌గా బాధ్య‌త‌లు చేప‌ట్టిన అగార్క‌ర్.. వ‌చ్చే ఏడాది ఫిబ్ర‌వరిలో జ‌ర‌గ‌నున్న టీ20 ప్ర‌పంచ‌క‌ప్ త‌ర్వాత త‌న ప‌దవి నుంచి త‌ప్పుకోనున్న‌ట్లు వార్త‌లు వినిపించాయి. కానీ బీసీసీఐ అభ్య‌ర్ద‌న మేర‌కు త‌న నిర్ణ‌యాన్ని అజిత్ మార్చుకోనున్న‌ట్లు తెలుస్తోంది.ఈ విష‌యంపై కొన్ని నెల‌ల కింద‌టే అత‌డితో బీసీసీఐ చ‌ర్చ‌లు జ‌రిపిన‌ట్లు వార్త‌లు వినిపిస్తున్నాయి. బీసీసీఐ ఆఫ‌ర్‌కు అగార్క‌క‌ర్ అంగీక‌రించిన‌ట్లు ఇండియ‌న్ ఎక్స్‌ప్రెస్ త‌మ క‌థ‌నంలో పేర్కొంది."అజిత్ అగార్కర్ ప‌దవీకాలంలో భార‌త పురుష‌ల క్రికెట్‌ జ‌ట్టు రెండు ఐసీసీ టైటిల్స్‌ను గెలుచుకుంది. అంతేకాకుండా టెస్టులు, టీ20ల్లో భార‌త జ‌ట్టు పురోగ‌తి సాధించింది. దీంతో భార‌త క్రికెట్ బోర్డు అత‌డి కాంట్రాక్ట్‌ను జూన్ 2026 వరకు పొడిగించింది. కొన్ని నెల‌ల క్రిత‌మే ఈ ఆఫ‌ర్‌ను అత‌డు అంగీకరించాడు" అని ఓ బీసీసీఐ అధికారి ఇండియ‌న్ ఎక్స్‌ప్రెస్‌తో చెప్పుకొచ్చారు.కాగా అగార్క‌ర్ బీసీసీఐ ఛీప్ సెల‌క్ట‌ర్‌గా త‌న మార్క్‌ను చూపించాడు. అత‌డి పదవీకాలంలో టీమిండియా టీ20 ప్ర‌పంచ‌క‌ప్‌-2024, ఛాంపియ‌న్స్ ట్రోఫీ-2025 టైటిల్స్‌ను సొంతం చేసుకుంది. అదేవిధంగా వ‌న్డే ప్ర‌పంచ‌క‌ప్‌-2023 ర‌న్న‌ర‌ప్‌గా కూడా మెన్ ఇన్ బ్లూ నిలిచింది.అయితే ప్ర‌స్తుత సెలక్షన్ కమిటీలో ఓ మార్పు చోటు చేసుకోనున్న‌ట్లు తెలుస్తోంది. శ్రీధరన్ శరత్ స్దానంలో మ‌రో కొత్త వ్య‌క్తికి అవ‌కాశ‌మివ్వ‌నున్న‌ట్లు తెలుస్తోంది. కాగా శ‌ర‌త్ జనవరి 2023లో సీనియర్ సెలక్షన్ కమిటీకి పదోన్నతి పొందారు. ప్రస్తుత సెలక్షన్ కమిటీలో అగార్కర్, ఎస్ఎస్ దాస్, సుబ్రతో బెనర్జీ, అజయ్ రాత్రా, ఎస్ శరత్ ఉన్నారు.చదవండి: టీమిండియా వ‌న్డే కెప్టెన్‌గా శ్రేయ‌స్ అయ్య‌ర్‌?

భార‌త క్రికెట్ జ‌ట్టుకు ప్ర‌స్తుతం మూడు ఫార్మాట్ల‌లో వెర్వేరు కెప్టెన్‌లు ఉన్న సంగ‌తి తెలిసిందే. వ‌న్డే జ‌ట్టు కెప్టెన్‌గా రోహిత్ శ‌ర్మ కొన‌సాగుతుండ‌గా.. టెస్టు, టీ20 జ‌ట్ల సార‌థులుగా శుబ్‌మ‌న్ గిల్‌, సూర్య‌కుమార్ యాద‌వ్ ఉన్నారు.అయితే ఇప్ప‌టికే టెస్టు, టీ20ల‌కు వీడ్కోలు ప‌లికిన రోహిత్ శర్మ త్వ‌ర‌లో వ‌న్డేల‌కు కూడా గుడ్‌బై చెప్పే అవ‌కాశ‌ముంది. ఈ క్ర‌మంలో రోహిత్ శ‌ర్మ వారుసుడిగా వ‌న్డే జ‌ట్టు ప‌గ్గాలు ఎవ‌రు చేప‌డ‌తార‌న్న ఆస‌క్తి అంద‌రిలోనే నెల‌కొంది. భార‌త వ‌న్డే కెప్టెన్సీ రేసులో మిడిలార్డ‌ర్ బ్యాట‌ర్ శ్రేయస్ అయ్యర్ ముందంజలో ఉన్నట్టు సమాచారం.రోహిత్ త‌ర్వాత అయ్య‌ర్ కెప్టెన్ అయ్యే అవ‌కాశాలు ఎక్కువ‌గా ఉన్నాయ‌ని బీసీసీఐ వ‌ర్గాలు వెల్ల‌డించాయి. కాగా ప్ర‌స్తుతం 50 ఓవ‌ర్ల ఫార్మాట్‌లో రోహిత్ డిప్యూటీగా శుబ్‌మన్ గిల్ ఉన్నాడు. అయితే వ‌ర్క్‌లోడ్ మెనెజ్‌మెంట్‌లో భాగంగా వ‌న్డే కెప్టెన్‌గా గిల్‌ను కాద‌ని అయ్య‌ర్‌ను నియ‌మించాల‌ని బీసీసీఐ పెద్ద‌లు యోచిస్తున్నరంట. కాగా ఇటీవ ఆసియాకప్‌కు ప్రకటించిన భారత జట్టులో శ్రేయస్ అయ్యర్‌కు చోటు దక్కలేదు. అన్ని ఫార్మాట్లలో అద్భుతమైన ఫామ్‌లో ఉన్న ముంబై బ్యాటర్‌ను సెలక్ట్ చేయకపోవడంపై పెద్ద ఎత్తున విమర్శలు వెల్లువెత్తున్నాయి."ఛాంపియన్స్ ట్రోఫీ-2025కి ముందు పరిస్థితులు బట్టి గిల్‌ను వన్డే వైస్ కెప్టెన్‌గా నియమించడం జరిగింది. కానీ రాబోయో కాలంలో భారత క్రికెట్ జట్టు వరుస ద్వైపాక్షిక సిరీస్‌లు, ఐసీసీ ఈవెంట్లతో బీజీగా గడపనుంది. కాబట్టి మూడు ఫార్మాట్లలో ఒకే ఆటగాడు కెప్టెన్‌గా ఉండడం అసాధ్యం.అందుకే గిల్‌ను టెస్టు కెప్టెన్సీతో పాటు టీ20ల్లో వైస్ కెప్టెన్సీ బాధ్యతలు అప్పగించాము. భవిష్యత్తులో అతడు టీ20 కెప్టెన్ అయ్యే అవకాశముంది. కానీ వన్డే కెప్టెన్సీ విషయంలో మాత్రం బీసీసీఐ ప్రణాళికలు మరో విధంగా ఉన్నాయి. శ్రేయస్‌ అయ్యర్‌ వంటి ఆటగాళ్లు కెప్టెన్సీ రేసులో ఉన్నారని " దైనిక్ జాగరణ్ తమ రిపోర్ట్‌లో పేర్కొంది.కాగా శ్రేయ‌స్ అయ్య‌ర్ ఇప్ప‌టివ‌ర‌కు ఒక్క‌సారి కూడా భార‌త జ‌ట్టు కెప్టెన్‌గా వ్య‌వ‌హ‌రించ‌లేదు. కానీ దేశ‌వాళీ క్రికెట్‌లో మాత్రం కెప్టెన్‌గా అత‌డికి అపార‌మైన అనుభ‌వం ఉంది. ముంబై జ‌ట్టుకు అత‌డు సార‌థ్యం వ‌హించాడు. 2024/25 విజయ్ హజారే ట్రోఫీలో ముంబై జ‌ట్టును అయ్య‌ర్ న‌డిపించాడు. ఈ టోర్నీలో అత‌డు ను 5 మ్యాచ్‌ల్లో 325 పరుగులు సాధించాడు. 2024 సయ్యద్ ముష్తాక్ అలీ ట్రోఫీలో అయ్యర్ ముంబై జట్టుకు కెప్టెన్‌గా వ్య‌వ‌హ‌రించి టైటిల్‌ను అందించాడు.చదవండి: CPL 2025: పొలార్డ్ మెరుపులు వృథా.. ఉత్కంఠ పోరులో నైట్ రైడర్స్ ఓటమి

ఆసియాక‌ప్‌-2025కు ముందు టీమిండియాకు ఓ అదరిపోయే వార్త అందింది. స్టార్ ఫాస్ట్ బౌలర్ జస్ప్రీత్ బుమ్రా ఆసియాక‌ప్‌లో ఆడేందుకు సిద్దంగా ఉన్న‌ట్లు బీసీసీఐ వ‌ర్గాలు వెల్ల‌డించాయి. ఇప్ప‌టికే బుమ్రా త‌న నిర్ణ‌యాన్ని సెల‌క్ట‌ర్లు తెలియ‌జేసిన‌ట్లు ఇండియన్ ఎక్స్‌ప్రెస్ త‌మ క‌థ‌నంలో పేర్కొంది.ఆండ‌ర్స‌న్‌-టెండూల్క‌ర్ ట్రోఫీలో త‌ల‌పడేందుకు ఇంగ్లండ్‌కు వెళ్లిన బుమ్రా కేవ‌లం మూడు మ్యాచ్‌ల మాత్ర‌మే ఆడాడు. ఆ త‌ర్వాత ఆఖ‌రి టెస్టుకు ముందు బుమ్రాను జ‌ట్టు నుంచి బీసీసీఐ రిలీజ్ చేసింది. మూడు మ్యాచ్‌ల‌లో బుమ్రా త‌న ప్ర‌ద‌ర్శ‌న‌తో ఆక‌ట్ట‌కున్న‌ప్ప‌టికి ఫిట్‌నెస్ ప‌రంగా మాత్రం కాస్త ఇబ్బంది ప‌డుతూ క‌న్పించాడు.దీంతో ఆక్టోబ‌ర్‌లో వెస్టిండీస్‌తో టెస్టు సిరీస్‌ను దృష్టిలో పెట్టుకుని బుమ్రాకు సెలక్టర్లు విశ్రాంతి ఇస్తారని వార్తలు వినిపించాయి. కానీ ఆసియాకప్‌కు ముందు దాదాపు ఏభై రోజులు విశ్రాంతి లభించడంతో బుమ్రా తిరిగి టీ20 ఫార్మాట్‌లో ఆడేందుకు సిద్దమయ్యాడు."ఆసియా కప్ జట్టు ఎంపికకు తాను అందుబాటులో ఉంటానని బుమ్రా బుమ్రా సెలెక్టర్లకు తెలియజేశాడు. వచ్చే వారం జరిగే సమావేశంలో సెలక్షన్ కమిటీ ఈ విషయంపై చర్చించనున్నారని" ఓ బీసీసీఐ అధికారి పేర్కొన్నారు. బుమ్రా చివరగా టీ20 ప్రపంచకప్‌ ఫైనల్‌లో భారత్ తరపున పొట్టి క్రికెట్‌లో ఆడాడు. ఈ మ్యాచ్‌లో దక్షిణాఫ్రికాపై భారత్‌ ఏడు పరుగుల తేడాతో గెలిచింది. ఈ స్పీడ్ స్టార్ కేవలం 18 పరుగులిచ్చి రెండు కీలక వికెట్లు పడగొట్టాడు.ఆసియాకప్‌-2025కు భారత జట్టు(అంచనా)సూర్యకుమార్‌ యాదవ్‌ (కెప్టెన్‌), శుభ్‌మన్‌ గిల్‌, అక్షర్‌ పటేల్‌, అభిషేక్‌ శర్మ, సంజూ శాంసన్‌, తిలక్‌ వర్మ, శివమ్‌ దూబే, హార్దిక్‌ పాండ్యా, వాషింగ్టన్‌ సుందర్‌, వరుణ్‌ చక్రవర్తి, కుల్దీప్‌ యాదవ్‌, జస్ప్రీత్‌ బుమ్రా, అర్షదీప్‌ సింగ్‌, హర్షిత్‌ రాణా, జితేశ్‌ శర్మచదవండి: ఆసియాక‌ప్ రేసులో గిల్ కంటే అత‌డే ముందున్నాడు: అశ్విన్‌

క్రికెట్ అభిమానులు ఎంతో ఆతృతగా ఎదురు చూస్తున్న ఆసియాకప్ టీ20 టోర్నీకి మ‌రో 22 రోజుల్లో తెర‌లేవ‌నుంది. సెప్టెంబ‌ర్ 9న ప్రారంభం కానున్న ఈ మెగా ఈవెంట్ తొలి మ్యాచ్‌లో అబుదాబి వేదిక‌గా అఫ్గానిస్తాన్‌, హాంకాంగ్ జ‌ట్లు అమీతుమీ తెల్చుకోనున్నాయి.ఈ ఆసియా జెయింట్స్ పోరు కోసం భార‌త జ‌ట్టును బీసీసీఐ సెల‌క్ష‌న్ క‌మిటీ ఆగ‌స్టు 19న ప్ర‌క‌టించే అవ‌కాశ‌ముంది. ఇంగ్లండ్‌తో టెస్టు సిరీస్ అనంత‌రం భార‌త జ‌ట్టుకు ఒక నెల పాటు విరామం ల‌భించింది. వాస్త‌వానికి ఈ ఏడాది ఆగ‌స్టులో బంగ్లాదేశ్‌తో మూడు వ‌న్డేలు, మూడు టీ20ల్లో టీమిండియా త‌ల‌ప‌డాల్సిండేది.కానీ ఇరు దేశాల మ‌ధ్య దౌత్య సంబంధాలు దెబ్బ‌తిన‌డంతో ఈ సిరీస్ తాత్కాలికంగా వాయిదా ప‌డింది. దీంతో భార‌త ఆట‌గాళ్ల‌కు లాంగ్ బ్రేక్ దొరికింది. ఈ క్ర‌మంలో టీమిండియా మెనెజ్‌మెంట్ ఓ కీల‌క నిర్ణ‌యం తీసుకున్న‌ట్లు తెలుస్తోంది.ఆసియాక‌ప్‌న‌కు ముందు సూర్యకుమార్ యాదవ్ నేతృత్వంలోని భారత జట్టు యూఏఈలో ఒక ప్రత్యేక శిబిరాన్ని చేయ‌నుంది. ఇందుకోసం టీమిండియా నాలుగు రోజుల ముందే యూఏఈ గ‌డ్డ‌పై అడుగుపెట్ట‌నుంది. అయితే తొలుత ఆసియాక‌ప్‌కు సిద్దం కావడానికి బెంగ‌ళూరులోని సెంటర్ ఆఫ్ ఎక్సలెన్స్‌లో ఒక క్యాంప్ ఏర్పాటు చేయాలని బీసీసీఐ సూచించిన‌ట్లు స‌మాచారం.కానీ టీమ్ మెనెజ్‌మెంట్ మాత్రం యూఏఈ ప‌రిస్థితులు అలవాటు ప‌డేందుకు అక్క‌డకి వెళ్లి త‌మ శిబిరాన్ని ఏర్పాటు చేస్తామ‌ని చెప్పిన‌ట్లు ప‌లు రిపోర్ట్‌లు పేర్కొంటున్నాయి. అయితే ఈ స్పెష‌ల్ క్యాంపు చాలా మంది భార‌త ఆట‌గాళ్ల‌కు ఉప‌యోగ‌ప‌డ‌నుంది.ఐపీఎల్‌-2025 త‌ర్వాత సూర్య‌కుమార్ యాద‌వ్‌, అభిషేక్ శ‌ర్మ వంటి ఆట‌గాళ్లకు మ్యాచ్‌ ప్రాక్టీస్ లోపించింది. అటువంటి వారు ఈ క్యాంపును స‌న్నాహాకంగా ఉప‌యోగించుకోవ‌చ్చు. ఇక దాయాది పాకిస్తాన్ కూడా ఈ మెగా టోర్నీకి త‌మ స‌న్నాహాకాల‌ను ప్రారంభించ‌నుంది. అయితే భార‌త్‌కు భిన్నంగా పాక్ జ‌ట్టు అఫ్గాన్‌-యూఏఈల‌తో ట్రై సిరీస్ ఆడ‌నుంది.అంతేకాకుండా మెన్ ఇన్ గ్రీన్ ఐసీసీ ఆకాడ‌మీలో నాలుగు రోజుల పాటు ఒక ప్రత్యేక క్యాంపును నిర్వ‌హించ‌నుంది. ఈ టోర్నీ కోసం పీసీబీ త‌మ జ‌ట్టును ప్ర‌క‌టించింది. ఈ జ‌ట్టులో స్టార్ ప్లేయ‌ర్లు మ‌హ్మ‌ద్ రిజ్వాన్‌, బాబ‌ర్ ఆజంల‌కు చోటు ద‌క్క‌లేదు. ఈ ఆసియా జెయింట్స్ పోరులో పాక్ కెప్టెన్ స‌ల్మాన్ అలీ అఘా వ్య‌వ‌హ‌రించ‌నున్నాడు.చదవండి: వాళ్ళేమి తోపు ఆట‌గాళ్లు కాదు.. సెల‌క్ట‌ర్లు మంచి ప‌నిచేశారు: పాక్‌ మాజీ కెప్టెన్‌

ఆసియాక‌ప్-2025కు ముందు టీమిండియాకు ఓ గుడ్‌న్యూస్ అందింది. భార‌త టీ20 జ‌ట్టు కెప్టెన్ సూర్యకుమార్ యాద‌వ్ పూర్తి ఫిట్‌నెస్ సాధించాడు. ప్ర‌స్తుతం సెంటర్ ఆఫ్ ఎక్సలెన్స్‌లో ఉన్న సూర్య‌కుమార్ త‌న ఫిట్‌నెస్ ప‌రీక్ష‌ను క్లియ‌ర్ చేశాడు. ఈ విష‌యాన్ని సూర్య అభిమానుల‌తో పంచుకున్నాడు. కాగా ఈ ఏడాది ఐపీఎల్ సీజ‌న్, ముంబై టీ20 లీగ్ త‌ర్వాత సూర్య‌కుమార్‌ త‌న స్పోర్ట్స్ హెర్నియా గాయానికి జర్మనీలో శ‌స్త్ర చికిత్స చేయించుకున్నాడు.అనంత‌రం భార‌త్‌కు తిరిగొచ్చిన ఈ ముంబైక‌ర్‌ కొన్ని రోజుల పాటు విశ్రాంతి తీసుకున్నాడు. అయితే ఈ ఏడాది ఆగ‌స్టులో బంగ్లాదేశ్ ప‌ర్య‌ట‌న‌కు సూర్య‌కుమార్ దూరం కానున్నాడ‌ని వార్త‌లు వ‌చ్చాయి. కానీ టీమిండియా బంగ్లా టూర్ వాయిదా ప‌డ‌డంతో ఈ నెల ఆరంభంలో సూర్య‌కుమార్ బీసీసీఐ సెంటర్ ఆఫ్ ఎక్సలెన్స్ (COE) చేరాడు. ఈ నెల ఆరంభం నుంచి అక్క‌డే ఉన్న సూర్య త‌న ఫిట్‌నెస్‌ను తిరిగి పొందేందుకు తీవ్రంగా శ్ర‌మించాడు. "కుడివైపు పొత్తికడుపు దిగువన స్పోర్ట్స్ హెర్నియాకు శస్త్రచికిత్స త‌ర్వాత నేను పూర్తిగా కోలుకున్నాను. ఈ విష‌యాన్ని మీకు తెలియ‌జేయ‌డానికి సంతోషిస్తున్నాను. తిరిగి మైదానంలో అడుగుపెట్టేందుకు ఆతృతగా ఎదురు చూస్తున్నాను" అని ఓ ప్రకటనలో సూర్య భాయ్ పేర్కొన్నాడు. కాగా ఆసియాకప్ కోసం భారత జట్టును ఆగస్టు 19న ప్రకటించే అవకాశముంది. అనంతరం బీసీసీఐ చీఫ్ సెలక్టర్ అజిత్ అగార్కర్, కెప్టెన్ సూర్యకుమార్ యాదవ్ విలేకరుల సమావేశంలో పాల్గోనున్నారు. ఇక ఈ ఖండంతార టోర్నీ సెప్టెంబర్ 9 నుంచి ప్రారంభం కానుంది. భారత్ తమ తొలి మ్యాచ్‌లో సెప్టెంబర్ 10న యూఏఈతో తలపడనుంది.ఆసియాకప్‌-2025కు భారత జట్టు(అంచనా)సూర్యకుమార్‌ యాదవ్‌ (కెప్టెన్‌), శుభ్‌మన్‌ గిల్‌, అక్షర్‌ పటేల్‌, అభిషేక్‌ శర్మ, సంజూ శాంసన్‌, తిలక్‌ వర్మ, శివమ్‌ దూబే, హార్దిక్‌ పాండ్యా, వాషింగ్టన్‌ సుందర్‌, వరుణ్‌ చక్రవర్తి, కుల్దీప్‌ యాదవ్‌, జస్ప్రీత్‌ బుమ్రా, అర్షదీప్‌ సింగ్‌, హర్షిత్‌ రాణా, జితేశ్‌ శర్మ

టీమిండియా దిగ్గ‌జాలు రోహిత్ శ‌ర్మ‌, విరాట్ కోహ్లి ప్ర‌స్తుతం వ‌న్డేల్లో మాత్ర‌మే కొన‌సాగుతున్న సంగ‌తి తెలిసిందే. ఈ ఏడాది ఆక్టోబ‌ర్‌లో ఆస్ట్రేలియాతో జ‌రిగే వ‌న్డే సిరీస్‌లో వీరిద్ద‌రూ భార‌త జెర్సీలో క‌న్పించ‌నున్నారు. అయితే ఈ సిరీస్ త‌ర్వాత రోహిత్‌, కోహ్లిలు ఇద్ద‌రూ అంత‌ర్జాతీయ క్రికెట్‌కు వీడ్కోలు ప‌ల‌క‌నున్న‌ట్లు ప్ర‌చారం జ‌రుగుతోంది. వ‌న్డే వ‌ర‌ల్డ్‌క‌ప్‌-2027 కోసం వారిద్ద‌రూ స్ధానంలో యువ ఆట‌గాళ్ల‌ను సిద్దం చేసే యోచ‌న‌లో సెల‌క్ట‌ర్లు ఉన్న‌ట్లు తెలుస్తోంది. ఈ వార్త‌ల నేప‌థ్యంలో రో-కో వ‌న్డే భవిష్య‌త్తుపై టీమిండియా మాజీ ఆట‌గాడు సురేష్ రైనా కీల‌క వ్యాఖ్య‌లు చేశాడు. వ‌న్డే ఫార్మాట్‌లో రోహిత్‌, కోహ్లి సేవ‌లు భార‌త జ‌ట్టుకు కచ్చితంగా అవ‌స‌ర‌మ‌ని రైనా అభిప్రాయ‌ప‌డ్డాడు."ప్ర‌స్తుత భార‌త వ‌న్డే జ‌ట్టులో నంబ‌ర్ 1, నంబ‌ర్ 3లో సరైన ఆటగాళ్లు లేరు. ప్రత్యేకంగా ఛేజింగ్‌లో ఆయా స్ధానాల్లో నిలకడగా రాణించే ఆటగాళ్లు కావాలి. కాబట్టి ఎంతో అనుభ‌వం ఉన్న రోహిత్‌, విరాట్ భార‌త జ‌ట్టులో కొనసాగాలి. వారిద్దరి తమ సేవలను టీమిండియాకు మరి కొన్నాళ్లపాటు అందించాలి. ఇక శుబ్‌మన్‌ గిల్‌ ఇంగ్లండ్‌ పర్యటనలో అద్బుతంగా రాణించాడు.వ‌న్డే జ‌ట్టును కూడా న‌డిపించ‌గ‌ల‌డు. కానీ గిల్‌కు విరాట్, రోహిత్ లాంటి ఆటగాళ్లు అవసరం. వారిద్ద‌రూ వ‌ర‌ల్డ్‌క‌ప్‌, ఛాంపియ‌న్స్ ట్రోఫీ, ఐపీఎల్ గెలిచిన జ‌ట్ల‌లో స‌భ్యులుగా ఉన్నారు. ఇద్ద‌రూ లెజెండ‌రీ కెప్టెన్లు. కచ్చితంగా వారిద్ద‌రూ భార‌త డ్రెస్సింగ్ రూమ్‌లో భాగం కావాలి" అని టెలికాం ఆసియా స్పోర్ట్‌కు ఇచ్చిన ఇంట‌ర్వ్యూలో రైనా పేర్కొన్నాడు. కాగా భవిష్యత్తులో వన్డేల్లో కూడా భారత జట్టు పగ్గాలను గిల్‌కు అప్పగించే సూచనలు కన్పిస్తున్నాయి.చదవండి: అప్పటిలా కాదు.. అన్నీ మారిపోయాయి.. కోహ్లితో మాట్లాడాలంటే..: భువీ

విరాట్ కోహ్లి.. కెప్టెన్‌గా, ఆట‌గాడిగా త‌న పేరును భార‌త క్రికెట్ చ‌రిత్ర‌లో సువ‌ర్ణాక్ష‌రాల‌తో లిఖించుకున్నాడు. కెప్టెన్‌గా ఐసీసీ టైటిల్‌ను సాధించిక‌పోయిన‌ప్ప‌టికి భార‌త జ‌ట్టుకు ఎన్నో అద్బుత‌మైన విజ‌యాల‌ను అందించాడు.అత‌డి నాయ‌క‌త్వంలోనే తొలిసారి ఆస్ట్రేలియా గడ్డపై టెస్టు సిరీస్‌ను టీమిండియా సొంతం చేసుకుంది. అంతేకాకుండా భారత జట్టును ఐదేళ్ల పాటు నంబర్ 1 జట్టుగా కోహ్లి నిలిపాడు. అప్పటి హెడ్ కోచ్ రవిశాస్త్రితో కలిసి కోహ్లి అద్బుతాలు చేశాడు. తాజాగా కోహ్లితో తన ప్రయణాన్ని గురించి రవిశాస్త్రి పలు ఆసక్తికర విషయాలు వెల్లడించాడు. ఓ ఇంటర్వ్యూ సందర్భంగా కింగ్ కోహ్లిపై శాస్త్రి ప్రశంసల వర్షం కురిపించాడు."నేను కోచ్‌గా పనిచేసిన అత్యుత్తమ ఆటగాళ్లలో విరాట్‌ కోహ్లి అగ్రస్ధానంలో ఉంటాడు. అతడొక అద్బుతమైన బ్యాటర్‌, లీడర్‌. భారత జట్టును రెడ్‌ బాల్ ఫార్మాట్‌లో నంబర్ వన్‌గా ఐదేళ్ల పాటు నిలిపాడు. ఆ ఐదేళ్ల‌లో ఆస్ట్రేలియా, దక్షిణాఫ్రికా, ఇంగ్లండ్, న్యూజిలాండ్‌ వంటి సేనా దేశాల్లో టీమిండియా చిర‌స్మ‌ర‌ణీయ విజయాల‌ను అందుకుంది.అంతేకాకుండా అదే స‌మ‌యంలో విరాట్ ఫార్మాట్‌తో సంబంధం లేకుండా విదేశాల్లో అత్యద్భుతమైన ప్ర‌ద‌ర్శ‌న క‌న‌బ‌రిచాడు. అత‌డు ఆడిన కొన్ని ఇన్నింగ్స్‌లు క్రికెట్ చ‌రిత్ర‌లో ఎప్ప‌టికీ నిలిచిపోతాయి. ధోని కెప్టెన్సీ నుంచి త‌ప్పుకొన్నాక కోహ్లిని భార‌త జ‌ట్టు సారథిగా ఎంపిక చేయాల‌ని నేను సూచించాను. బ్యాట‌ర్‌గా అత‌డికి ఉన్న స్కిల్స్‌, గేమ్ ప‌ట్ల మ‌క్కువ‌, ఆధిపత్యం చెలాయించే నైజం, క‌ష్ట‌ప‌డి ఆడ‌డం వంటి ఎన్నో లక్షణాలు న‌న్ను ఆక‌ట్టుకున్నాయి" అని ఓ ఛాన‌ల్‌కు ఇచ్చిన ఇంట‌ర్వ్యూలో ర‌విశాస్త్రి పేర్కొన్నాడు. కాగా 2017 నుంచి 2021 వరకూ ఈ వరల్డ్‌ కప్‌ విన్నర్‌ భారత జట్టుకు హెడ్‌కోచ్‌గా సేవలందించాడు. ఇక కాగా ఇంగ్లండ్ పర్యటనకు ముందు టెస్టు క్రికెట్‌కు కోహ్లి వీడ్కోలు పలికి అందరికి షాకిచ్చాడు. తన టెస్టు కెరీర్‌ను 9230 పరుగులతో ఈ ఢిల్లీ బాయ్ ముగించాడు.చదవండి: PAK vs WI: 'ఇక‌నైనా దేశం కోసం ఆడండి'.. పాక్ జ‌ట్టుపై షోయ‌బ్ అక్త‌ర్ ఫైర్‌

బోర్డ‌ర్ గవాస్క‌ర్ ట్రోఫీ 2024-25లో సిడ్నీ వేదిక‌గా ఆఖ‌రి టెస్టుకు అప్ప‌టి టీమిండియా కెప్టెన్ రోహిత్ శ‌ర్మ దూరంగా ఉన్న సంగ‌తి తెలిసిందే. రోహిత్ త‌న పేల‌వ ఫామ్ కార‌ణంగా త‌నంత‌ట తానే సిడ్నీ టెస్టు నుంచి వైదొలిగాడు.కానీహెడ్ కోచ్ గౌతం గంభీర్ కావాలనే అత‌డిని జ‌ట్టు నుంచి త‌ప్పించాడ‌ని రూమ‌ర్స్ వినిపించాయి. తాజాగా ఇదే విష‌యంపై టీమిండియా మాజీ ఆల్‌రౌండ‌ర్‌, ఈ సిరీస్‌లో బ్రాడ్‌కాస్ట‌ర్ బృందంలో ఉన్న ఇర్ఫాన్ పఠాన్ ఆసక్తికర వ్యాఖ్యలు చేశాడు.రోహిత్ టెస్టు క్రికెట్‌లో ఇబ్బంది పడుతున్నప్పటికి రోహిత్‌కు బ్రాడ్‌కాస్టర్లు మద్దతుగా నిలిచారని ఇర్ఫాన్ చెప్పుకొచ్చాడు. ఒకవేళ రోహిత్ కెప్టెన్ కాకపోయింటే అతడు ఎప్పుడో జట్టులో చోటు కోల్పోయే వాడని పఠాన్ అన్నారు."వైట్-బాల్ క్రికెట్‌లో రోహిత్ శర్మ అద్బుతమైన ఆటగాడు. కానీ టెస్టు క్రికెట్‌లో మాత్రం క్ర‌మంగా ఫామ్‌లో స్థిరత్వం లోపించింది. ముఖ్యంగా గ‌తేడాది అత‌డు స‌గ‌టు చాలా పేల‌వంగా ఉంది. ఒక‌వేళ రోహిత్ కెప్టెన్ కాక‌పోయింటే ఎప్పుడో టెస్టు జ‌ట్టులో త‌న స్ధానాన్ని కోల్పోయేవాడు.రోహిత్ శ‌ర్మ‌కు మేము అవసరానికి మించి మద్దతు ఇచ్చామని చాలా మంది విమర్శించారు. మీరు ఒక‌రిని ఇంట‌ర్వ్యూకి ఆహ్వానించి వారితో త‌ప్పుగా ప్ర‌వ‌ర్తిస్తారా? వారు ఎటువంటి స్థితిలో ఉన్న మ‌నం గౌర‌వంగా వ్య‌వ‌హ‌రించాలి. మేము కూడా ఆదే చేశాము.ఎందుకంటే అత‌డు మా అతిథి. అత‌డికి మేము స‌పోర్ట్‌గా నిలుస్తూనే, త‌న ఫామ్‌ను మెరుగుప‌రుచుకోవాల‌ని మేము సూచించాము. కానీ అత‌డు అప్ప‌టికే తుది జ‌ట్టులో చోటుకు అన‌ర్హుడు" అని ఓ ఛాన‌ల్‌కు ఇచ్చిన ఇంట‌ర్వ్యూలో ప‌ఠాన్ పేర్కొన్నాడు.కాగా ఇంగ్లండ్ ప‌ర్య‌ట‌న‌కు ముందు రోహిత్ శ‌ర్మ టెస్టు క్రికెట్‌కు రిటైర్మెంట్ ప్ర‌క‌టిస్తూ అందరికి షాకిచ్చాడు. 38 ఏళ్ల హిట్‌మ్యాన్ త‌న కెరీర్‌లో 67 మ్యాచ్‌లు ఆడి 40.57 సగటుతో 4,301 పరుగులు సాధించాడు. రోహిత్ స్ధానంలో యువ ఆట‌గాడు శుబ్‌మ‌న్ గిల్ కెప్టెన్‌గా ఎంపికయ్యాడు.చదవండి: సచిన్‌కు కాబోయో కోడ‌లు సానియా ఆస్తి ఎంతో తెలుసా?

భార‌త పురుషుల క్రికెట్ జ‌ట్టుకు మూడు ఫార్మాట్ల‌లో వెర్వేరు కెప్టెన్లు ఉన్న సంగ‌తి తెలిసిందే. వ‌న్డేల్లో రోహిత్ శ‌ర్మ‌, టీ20ల్లో సూర్య‌కుమార్ యాద‌వ్‌, టెస్టుల్లో శుబ్‌మ‌న్ గిల్ టీమిండియా సార‌థిలుగా ఉన్నారు. రోహిత్ శ‌ర్మ టీ20, టెస్టుల నుంచి రిటైర్ కావ‌డంతో ఈ మార్పులు చోటు చేసుకున్నాయి. తాజాగా ఈ ముగ్గురు కెప్టెన్ల విధానంపై బీసీసీఐ మాజీ సెలెక్టర్ దేవాంగ్ గాంధీ కీల‌క వ్యాఖ్య‌లు చేశారు. టీమిండియాకు మూడు ఫార్మాట్ల‌లో కెప్టెన్‌గా శుబ్‌మ‌న్ గిల్‌ను ఎంపిక చేయాల‌ని ఆయ‌న అభిప్రాయ‌ప‌డ్డారు."ప్ర‌స్తుతం శుబ్‌మ‌న్ గిల్‌ను చూస్తుంటే 2017లో విరాట్ కోహ్లిలా క‌న్పిస్తున్నాడు. లెజెండ‌రీ కెప్టెన్‌ ఎంఎస్ ధోని హ‌యంలో విరాట్‌ బాగా రాటు దేలాడు. ఆ త‌ర్వాత అత‌డి వారుసుడిగా కోహ్లి భార‌త జ‌ట్టు ప‌గ్గాలు చేప‌ట్టాడు. ఇప్పుడు గిల్ కూడా విరాట్ లాగే రోహిత్ సార‌థ్యంలో అత్యున్నత స్థాయికి చేరుకున్నాడు. టెస్ట్ కెప్టెన్‌గా గిల్‌ను నియ‌మించి చీఫ్ సెలెక్టర్ అజిత్ అగార్కర్ త‌న‌ ముందుచూపును చాటుకున్నాడు. టీ20 ఫార్మాట్‌కు కూడా గిల్ స‌రిపోతాడు. 2026 టీ20 ప్రపంచకప్ తర్వాత సూర్యకుమార్ యాదవ్‌కు బదులుగా ఎవరు కెప్టెన్సీ తీసుకుంటారనే దానిపై బీసీసీఐ స్పష్టమైన సంకేతాలు ఇవ్వాలి.ఇత‌ర దేశాలు మాదిరిగా భార‌త్‌లో స్ప్లిట్ కెప్టెన్సీ దీర్ఘకాలంలో ప‌నిచేయ‌దు. అన్ని ఫార్మాట్ల‌లో అద్భుతంగా రాణిస్తున్న ఒక ఆటగాడు ఒక ఫార్మాట్‌కు కెప్టెన్‌గా ఉన్నప్పుడు, మిగిలిన ఫార్మాట్లకు కూడా అతనే నాయకత్వం వహించాలి. గిల్ బ్యాట‌ర్‌గా కూడా రాణించాడు.అంతేకాకుండా ఐపీఎల్‌లో కూడా అత‌డు సార‌థ్యం వ‌హించాడు" అని టైమ్స్ ఆఫ్ ఇండియాకు ఇచ్చిన ఇంట‌ర్వ్యూలో గాంధీ పేర్కొన్నాడు. కాగా రోహిత్‌ శర్మ భారత వన్డే జట్టు కెప్టెన్‌గా గిల్‌ ఎంపికయ్యే సూచనలు కన్పిస్తున్నాయి.చదవండి: Asia Cup 2025: సంజూ శాంసన్‌కు నో ఛాన్స్‌..? ఆర్సీబీ స్టార్‌కు చోటు?

ఓ వైపు టీమిండియా కెప్టెన్ రోహిత్ శ‌ర్మ వ‌న్డే భ‌విష్య‌త్తుపై సందిగ్ధం కొన‌సాగుతుండ‌గా.. మ‌రోవైపు ఐసీసీ వ‌న్డే ర్యాంకింగ్స్‌లో మాత్రం హిట్‌మ్యాన్‌ తన స్ధానాన్ని మెరుగుప‌రుచుకున్నాడు. గ‌త ఐదు నెల‌ల‌గా 50 ఓవ‌ర్ల క్రికెట్‌కు రోహిత్‌ దూరంగా ఉన్నప్ప‌టికి తాజా ఐసీసీ వ‌న్డే బ్యాట‌ర్ల ర్యాంకింగ్స్‌లో రెండో స్ధానానికి చేరుకున్నాడు. వెస్టిండీస్‌తో జ‌రిగిన వ‌న్డే సిరీస్‌లో దారుణంగా విఫ‌ల‌మైన పాకిస్తాన్ మాజీ కెప్టెన్ బాబ‌ర్ ఆజం 5 రేటింగ్ పాయింట్లు కోల్పోయి మూడో ర్యాంక్‌కు ప‌డిపోయాడు. ఈ క్ర‌మంలో రోహిత్ శ‌ర్మ 756 రేటింగ్ పాయింట్ల‌తో బాబ‌ర్ ర్యాంక్‌ను ఆక్రమించాడు.బాబ‌ర్ ఖాతాలో ప్ర‌స్తుతం 751 రేటింగ్ పాయింట్లు ఉన్నాయి. కాగా ఐసీసీ వ‌న్డే బ్యాట‌ర్ల ర్యాంకింగ్స్ అగ్ర‌స్ధానంలో టీమిండియా టెస్టు కెప్టెన్ శుబ్‌మ‌న్ గిల్ 784 రేటింగ్ పాయింట్ల‌తో కొన‌సాగుతున్నాడు. నాలుగో స్ధానంలో టీమిండియా ర‌న్ మిష‌న్ విరాట్ కోహ్లి నిలిచాడు.రోహిత్ చివరిగా ఛాంపియన్స్ ట్రోఫీ-2025లో భారత తరపున ఆడాడు. తన అద్బుతమైన నాయకత్వంతో భారత్‌కు ఏడో ఐసీసీ టైటిల్‌ను అందించాడు. ఈ మెగా టోర్నీలో రోహిత్ ఐదు మ్యాచ్‌లు ఆడి 180 పరుగులు చేశాడు.భార‌త త‌ర‌పున అత్య‌ధిక ప‌రుగులు చేసిన జాబితాలో రోహిత్ నాలుగో స్ధానంలో నిలిచాడు. కానీ టీమిండియా టాప్‌-ఆర్డ‌ర్ బ్యాట‌ర్ల‌లో అత్యధిక స్ట్రైక్-రేట్‌ను మాత్రం శ‌ర్మ‌నే క‌లిగి ఉన్నాడు. ఈ ఏడాది న‌వంబ‌ర్‌లో రోహిత్‌ను తిరిగి భార‌త జెర్సీలో చూసే అవ‌కాశ‌ముంది.ఆస్ట్రేలియాతో వ‌న్డే సిరీస్‌లో రోహిత్‌తో పాటు విరాట్ కోహ్లి కూడా ఆడ‌నున్నాడు. ఈ సిరీస్‌ తర్వాత రోకో ద్వయం అంతర్జాతీయ క్రికెట్‌కు వీడ్కోలు పలకనున్నట్లు వార్తలు వినిపిస్తున్నాయి. వన్డే ప్రపంచకప్‌-2027ను దృష్టిలో పెట్టుకుని వారిద్దరి స్దానంలో యువ ఆటగాళ్లను సిద్దం చేసేందుకు సెలక్టర్లు యోచిస్తున్నట్లు తెలుస్తోంది. అంతేకాకుండా రోహిత్‌ శర్మ స్ధానంలో వన్డే కెప్టెన్‌గా గిల్‌ను నియమించాలని అజిత్‌ అగార్కర్‌ అండ్‌ కో భావిస్తున్నట్లు బీసీసీఐ వర్గాలు వెల్లడించాడు. రోహిత్‌ శర్మ వారుసుడిగా భారత టెస్టు జట్టు పగ్గాలను చేపట్టిన గిల్‌.. తన తొలి సిరీస్‌లోనే ఆకట్టుకున్నాడు. గిల్‌ సారథ్యంలోని భారత జట్దు ఇంగ్లండ్‌తో ఐదు టెస్టుల సిరీస్‌ను 2-2తో సమం చేసింది.చదవండి: బాబర్‌ ఆజం వరల్డ్‌ రికార్డు బద్దలు కొట్టిన గిల్‌.. ఆ ఘనత సాధించిన ఏకైక ప్లేయర్‌గా..

టీమిండియా వన్డే కెప్టెన్ రోహిత్ శర్మ గ్యారేజ్‌లో మరో కొత్త కారు వ‌చ్చి చేరింది. రోహిత్ ఎరుపు రంగు లాంబోర్గిని ఉరుస్ కారును కొనుగోలు చేశాడు. కొన్ని రోజుల క్రిత‌మే ఈ లగ్జ‌రీ కారు ముంబైలోని రోహిత్ ఇంటికి డెలివ‌రీ అయింది.కాగా హిట్‌మ్యాన్ గ‌తంలో కూడా నీలం రంగు లాంబోర్గిని ఉరుస్ కారు ఉండేది. అయితే ఆ కారును డ్రీమ్‌11 కాంటెస్ట్ విజేత‌కు అంద‌జేయ‌డంతో.. ఇప్పుడు కొత్త లాంబోర్గిని కొనుగోలు చేయాల్సి వ‌చ్చింది. ఈ కాస్ట్‌లీ కారుకు సంబంధించిన ఫోటోలు సోష‌ల్ మీడియాలో వైర‌ల‌వుతున్నాయి. ఈ క్ర‌మంలో అత‌డి కారు నంబ‌ర్ 3015ను అభిమానులు డీకోడ్‌ చేశారు. '3015' అనే సంఖ్య హిట్‌మ్యాన్ ఇద్దరు పిల్లల పుట్టినరోజులను సూచిస్తుంది. డిసెంబర్ 30 రోహిత్ కుమార్తె స‌మీరా బ‌ర్త్‌డే కాగా.. నవంబ‌ర్ 15 హిట్‌మ్యాన్ కొడుకు అహాన్ పుట్టిన రోజు.అంతేకాకుండా మొత్తం అంకెల్‌ను క‌లిపితే రోహిత్ జెర్సీ నంబ‌ర్ 45 వ‌స్తోంది. రోహిత్ పాత కారుకు 264 నెంబ‌ర్ ఉండేది. ఆ నెంబ‌ర్ .. వ‌న్డేల్లో రోహిత్ చేసిన అత్య‌ధిక స్కోర్‌న్ సూచిస్తోంది. కాగా కొత్త ఉరుస్ ఎస్ఈ కారు ధ‌ర రూ. 4.57 కోట్ల‌గా ఉన్న‌ట్లు తెలుస్తోంది.ఇక టెస్టు, టీ20లకు వీడ్కోలు పలికిన రోహిత్‌ శర్మ ప్రస్తుతం వన్డేల్లో మాత్రమే కొనసాగుతున్నాడు. ఈ ఏడాది నవంబర్‌లో ఆస్ట్రేలియాతో జరిగే వన్డే సిరీస్‌లో రోహిత్‌ను అభిమానులు భారత జెర్సీలో చూసే అవకాశముంది.చదవండి: Mohammed Shami: ‘సెలక్టర్లు అతడిని తప్పించలేదు.. తనే తప్పుకొన్నాడు’

స‌ర్ఫ‌రాజ్ ఖాన్‌.. భార‌త దేశ‌వాళీ క్రికెట్‌లో అత్యంత నిల‌క‌డ‌గా రాణిస్తున్న‌ బ్యాట‌ర్ల‌లో ఒక‌డు. ఫ‌స్ట్‌క్లాస్ క్రికెట్‌లో ప‌రుగుల వ‌ర‌ద పారించి భార‌త టెస్టు జ‌ట్టులోకి ఎంట్రీ ఇచ్చిన స‌ర్ఫ‌రాజ్‌.. త‌న తొలి మ్యాచ్‌లోనే ఆక‌ట్టుకున్నాడు. ఆ త‌ర్వాత న్యూజిలాండ్‌పై అద్బుతమైన సెంచ‌రీతో చెల‌రేగాడు.అయితే ఆ సిరీస్‌లో ఆఖ‌రి రెండు మ్యాచ్‌ల్లో ముంబైక‌ర్ విఫ‌ల‌మ‌య్యాడు. ఆ త‌ర్వాత ఆస్ట్రేలియా టూర్‌కు ఎంపికైన‌ప్ప‌టికి ఒక్క మ్యాచ్‌లో కూడా అత‌డికి ఆడే అవ‌కాశం ల‌భించ‌లేదు. అనంత‌రం ఇంగ్లండ్ ప‌ర్య‌ట‌న‌కు స‌ర్ఫ‌రాజ్‌ను సెల‌క్ట‌ర్లు ఎంపిక చేయ‌లేదు.అంత‌కంటే ముందు ఇంగ్లండ్ ల‌య‌న్స్‌తో జ‌రిగిన సిరీస్‌లో భార‌త‌-ఎ జ‌ట్టు త‌ర‌పున స‌త్తాచాటాడు. మ‌ళ్లీ ఇప్పుడు స్వ‌దేశంలో వెస్టిండీస్‌తో జ‌ర‌గ‌నున్న టెస్టు సిరీస్‌కు భార‌త జ‌ట్టులోకి రీ ఎంట్రీ ఇవ్వాల‌ని స‌ర్ఫ‌రాజ్ ఉవ్విళ్లూరుతున్నాడు.ఈ క్ర‌మంలో ముంబైలో జ‌రుగుతున్న కంగా క్రికెట్‌లో స‌ర్ఫ‌రాజ్ ఖాన్ సూప‌ర్ హాఫ్ సెంచ‌రీతో మెరిశాడు. మిడ్‌డే రిపోర్ట్ ప్ర‌కారం.. ఈ లీగ్‌లో పార్కోఫియర్ క్రికెటర్స్ జ‌ట్టుకు ప్రాతినిధ్యం వహించాడు.తాజాగా ఇస్లాం జింఖానాతో జరిగిన డివిజన్ -ఎ మ్యాచ్‌లో స‌ర్ఫరాజ్‌త‌న బ్యాట్‌ను ఝూళిపించాడు. ఈ భార‌త క్రికెట‌ర్ 4వ స్థానంలో బ్యాటింగ్‌కు వ‌చ్చి 43 బంతుల్లో 61 పరుగులు చేశాడు. కాగా డాక్టర్ హెచ్.డి. కాంగ్రా క్రికెట్ లీగ్ ముంబైలో ప్ర‌తీ ఏడాది ఆగ‌స్టులో జ‌రుగుతోంది. ఈ లీగ్‌లో స‌చిన్ టెండూల్క‌ర్‌, సునీల్ గ‌వాస్క‌ర్ వంటి దిగ్గ‌జాలు సైతం ఆడారు.చదవండి: 'అతడొక టాలెంటెడ్ ప్లేయర్‌.. చేజేతులా కెరీర్ నాశనం చేసుకున్నాడు'

'అతడి బ్యాటింగ్‌ను చూస్తుంటే సచిన్, సెహ్వాగ్‌లు గుర్తొస్తున్నారు. అతడు తన టెక్నిక్‌తో బ్రియాన్ లారాను తలపించాడు' పృథ్వీ షా తన అరంగేట్ర టెస్టులో సెంచరీ సాధించిన తర్వాత అప్పటి భారత ప్రధాన కోచ్ రవిశాస్త్రి నోటి నుంచి వచ్చిన మాటలవి.కానీ ర‌విశాస్త్రి న‌మ్మ‌కాన్ని పృథ్వీ షా ఏ మాత్రం నిలబెట్టుకులేక‌పోయాడు. త‌న కెరీర్‌ను అద్బుతంగా ఆరంభిచిన ఈ ముంబై క్రికెట‌ర్‌.. క్ర‌మంగా ఫిట్‌నెస్‌, ఫామ్ లేమితో భార‌త జ‌ట్టుకు దూరమ‌య్యాడు. త‌న ఏడేళ్ల కెరీర్‌లో భార‌త్ త‌ర‌పున అన్ని ఫార్మాట్లలో కలిపి 12 మ్యాచ్‌లు మాత్రమే ఆడాడు.అంత‌ర్జాతీయ క్రికెట్ విష‌యాన్ని పక్కన పెడితే ప్రొఫెషనల్ క్రికెట్‌కే అత‌డు 8 నెల‌ల‌గా దూరంగా ఉన్నాడు. అండ‌ర్‌-19 ప్ర‌పంచ‌క‌ప్‌లో పృథ్వీషా సారథ్యంలో ఆడిన శుబ్‌మన్ గిల్‌, అర్ష్‌దీప్ సింగ్, ఇషాన్ కిషన్‌లు సూపర్ స్టార్లగా ఎదిగితే.. ఈ ముంబైకర్ మాత్రం అధ:పాతాళానికి దిగజారిపోయాడు. రాబోయే రంజీ సీజ‌న్‌కు ముందు ముంబై క్రికెట్ ఆసోషియేష‌న్‌తో తెగ‌దింపులు చేసుకున్న పృథ్వీ షా తన మకాంను మహారాష్ట్రకు మార్చాడు. ఇక తాజాగా పృథ్వీ షా కెరీర్ పతనంపై రోహిత్ శర్మ చిన్ననాటి కోచ్ దినేష్ లాడ్ కీలక వ్యాఖ్యలు చేశాడు. పృథ్వీ షా కెరీర్ ఇలా అవ్వడం తనకు ఎంతో బాధ కలిగిస్తుందని ఆయన అన్నారు."పృథ్వీ షా తన 10 సంవత్సరాల వయస్సు నుంచి నాకు తెలుసు. అతడు చాలా ప్రతిభావంతుడైన ఆటగాడు. అయితే కెరీర్‌ను విజయవంతంగా మలుచుకోవడం మన చేతుల్లోనే ఉంటుంది. పృథ్వీ విషయంలో ఏమి జరిగిందో నాకు అయితే స్పష్టంగా తెలియదు.కానీ ఇప్పటికీ అతడు టాలెంటెడ్ క్రికెటరే. . దురదృష్టవశాత్తు తప్పుడు మార్గంలో వెళ్లి తన క్రికెట్ కెరీర్‌ను నాశనం చేసుకున్నాడు. పృథ్వీ షా లాంటి బ్యాటర్లు భారత క్రికెట్‌లో ఇప్పుడూ చాలా మంది ఉన్నారు. వైభవ్ సూర్యవంశీ,ఆయుష్ మాత్రే యువ సంచలనాలు ఈ కోవకు చెందిన వారే. వీరు కచ్చింగా ఫ్యూచర్ స్టార్లగా ఎదుగుతారు. భారత క్రికెట్ ప్రస్తుతం టాప్‌లో ఉందని" గౌరవ్ మంగళాని పాడ్‌కాస్ట్‌కు ఇచ్చిన ఇంటర్వ్యూలో లాడ్ పేర్కొన్నాడు.చదవండి: మైదానంలోనే ప్రాణాలు విడిచిన భారత క్రికెటర్‌.. ఆయన గురించి తెలుసా?

క్రికెట్ మైదానంలో చోటు చేసుకున్న అత్యంత విషాద‌క‌ర సంఘ‌ట‌న‌ల‌లో ఆస్ట్రేలియా క్రికెట‌ర్ ఫిలిప్ హ్యూస్ మ‌ర‌ణం ఒక‌టి. 2014లో దేశవాళీ టోర్నీ ఆడుతున్న 25 ఏళ్ల హ్యూస్‌... పేసర్‌ సీన్‌ అబాట్‌ బౌన్సర్‌కు బలయ్యాడు. బుల్లెట్‌లా దూసుకొచ్చిన‌ బౌన్సర్‌ అంతే వేగంతో తల వెనుకవైపు బలంగా తాకింది. దీంతో అపస్మారక స్థితిలోకి వెళ్లిన హ్యూస్‌.. మూడు రోజుల త‌ర్వాత అస్ప‌త్రిలో చికిత్స పొందుతూ క‌న్నుమూశాడు. అయితే ఓ భార‌త క్రికెట‌ర్ కూడా మైదానంలో బంతి త‌గిలి ప్రాణాలు విడిచారన్న విష‌యం మీకు తెలుసా? భార‌త ప్లేయ‌ర్ ర‌మ‌న్ లాంబా సైతం మైదానంలో క్రికెట్ ఆడుతూ మ‌రణించాడు.లాంబాకు ఏమైంది?ఫిబ్రవరి 23, 1998న భార‌త క్రికెట్‌లో తీవ్ర విషాదం చోటు చేసుకుంది. 38 ఏళ్ల వ‌య‌స్సులో టీమిండియా కీల‌క ఆట‌గాడు రామ‌న్ లాంబా ప్రాణాలు విడిచారు. 1998లో బంగ్లాదేశ్‌లోని ఢాకాలో జరిగిన క్లబ్ మ్యాచ్ యావత్తు క్రికెట్ ప్రపంచాన్ని దిగ్భ్రాంతికి గురిచేసింది.అప్పటిలో చాలా మంది భారత క్రికెటర్లు బంగ్లాదేశ్ దేశవాళీ క్రికెట్‌లో ఆడేవారు. ఈ క్రమంలో ఢాకా ప్రీమియర్ డివిజన్ లీగ్‌లో అబహానీ క్రిరా చక్రకు ప్రాతినిధ్యం వహించిన లాంబా.. మహమ్మదన్ స్పోర్టింగ్ క్లబ్‌తో జరిగిన ఫైనల్‌ మ్యాచ్‌లో అకాల మరణం చెందారు. రామన్ లాంబా సిల్లీ పాయింట్ వద్ద ఫీల్డింగ్ చేస్తుండగా.. ప్రత్యర్ధి జట్టు బ్యాటర్ మెహ్రబ్ హుస్సేన్ భారీ షాట్ కొట్టాడు. ఈ క్రమంలో బంతి బలంగా సిల్లీ పాయింట్‌లో ఉన్న లాంబాకు తాకి వికెట్ కీపర్ వైపు వెళ్లింది. అయితే బంతి తాకిన వెంటనే గాయం అంత తీవ్రమైనదిగా అన్పించలేదు. అతడు ఫీల్డ్‌లో కొనసాగాలని నిర్ణయించుకున్నాడు. కానీ అంతరంగా గాయం కావడంతో అతడు కాస్త ఆసౌకర్యంగా కన్పించాడు. వెంటనే అతడిని ఫీల్డ్ నుం‍చి బయటకు తీసుకువెళ్లి దగ్గరలో ఉన్న అస్పత్రికి తరలించారు. ఆ తర్వాత పలు పరీక్షలు తర్వాత బంతి తలకు బలంగా తాకడంతో మెదడులో తీవ్రమైన రక్తస్రావం జరిగిందని డాక్టర్లు నిర్ధారించారు. అస్పత్రిలో చేరిన మూడు రోజుల తర్వాత లాంబా తుది శ్వాస విడిచారు. లాంబా భారత తరుపున 4 టెస్టులు, 32 వన్డేలు ఆడారు. మొత్తంగా ఆయన పేరిట 885 అంతర్జాతీయ పరుగులు ఉన్నాయి.దేశవాళీ క్రికెట్‌లో అదుర్స్‌..ఫ‌స్ట్ క్లాస్ క్రికెట్‌లో లాంబాకు అద్బుత‌మైన రికార్డు ఉంది. ఉత్తర ప్రదేశ్‌లోని మీరట్‌లో జన్మించిన రమన్ లాంబా 1996-97 రంజీ సీజన్‌లో పరుగుల వరద పారించాడు. మొత్తంగా 87 మ్యాచ్‌లాడి 53.91 యావరేజితో 6362 పరుగులు సాధించాడు. ఇందులో 22 సెంచరీలు, 5 డబుల్ సెంచరీలు ఉన్నాయి.చదవండి: Asia Cup 2025: భార‌త స్టార్ ప్లేయ‌ర్‌కు ఊహించని షాక్‌.. శుబ్‌మన్ గిల్‌కు ప్రమోషన్‌..!

ఆసియాక‌ప్‌-2025 సెప్టెంబ‌ర్ 9 నుంచి యూఈఏ వేదిక‌గా ప్రారంభం కానుంది. 8 జ‌ట్లు పాల్గోనే ఈ మెగా టోర్నీకి యూఏఈలోని దుబాయ్‌, అబుదాబిలు ఆతిథ్య‌మివ్వ‌నున్నాయి. ఈ మెగా ఈవెంట్‌కు భార‌త జ‌ట్టును బీసీసీఐ వ‌చ్చే వారం ప్ర‌క‌టించే అవ‌కాశ‌ముంది. ఇప్ప‌టికే అజిత్ అగార్కర్ నేతృత్వంలోని సెలక్షన్ కమిటీ జట్టు ఎంపికపై కసరత్తలు మొదలు పెట్టినట్లు తెలుస్తోంది.సూర్య‌కుమార్ ఫిట్‌..?గ‌త నెల‌లో స్పోర్ట్స్ హెర్నియా సర్జరీ చేయించుకున్న టీమిండియా కెప్టెన్ సూర్య‌కుమార్ యాద‌వ్ టోర్నీ ఆరంభ స‌మ‌యానికి పూర్తి ఫిట్‌నెస్ సాధించ‌నున్నాడు. దీంతో ఈ ఏడాది ఆసియాక‌ప్‌లో భార‌త జ‌ట్టుకు సూర్య‌నే సార‌థ్యం వ‌హించ‌నున్నాడు. అయితే ఇంగ్లండ్ ప‌ర్య‌ట‌న‌లో భార‌త జ‌ట్టును అద్భుతంగా న‌డిపించిన టెస్టు కెప్టెన్ శుబ్‌మ‌న్ గిల్‌కు ప్ర‌మోష‌న్ ఇచ్చేందుకు సెల‌క్ట‌ర్లు సిద్ద‌మైన‌ట్లు స‌మాచారం. గిల్‌ను భార‌త టీ20 జ‌ట్టు వైస్ కెప్టెన్‌గా నియ‌మించ‌నున్న‌ట్లు వార్త‌లు వినిపిస్తున్నాయి. ఆసియాక‌ప్‌లో సూర్య‌కు డిప్యూటీగా గిల్ వ్య‌వ‌హ‌రించే సూచ‌న‌లు క‌న్నిస్తున్నాయి.అక్ష‌ర్‌కు షాక్‌..?కాగా ప్ర‌స్తుతం భార‌త టీ20 జ‌ట్టు కెప్టెన్‌గా ఆల్‌రౌండ‌ర్ అక్ష‌ర్ పటేల్ ఉన్నాడు. రోహిత్ శ‌ర్మ టీ20ల నుంచి త‌ప్పుకొన్న త‌ర్వాత సూర్య కెప్టెన్‌గా, అక్ష‌ర్ వైస్ కెప్టెన్‌గా ఎంపిక‌య్యాడు. అయితే ఏడాది తిర‌గక ముందే అక్ష‌ర్‌పై వేటు వేసేందుకు బీసీసీఐ సిద్ద‌మైంది. గిల్‌ను ఆల్‌ఫార్మాట్ కెప్టెన్‌గా చేసేందుకు బీసీసీఐ యోచిస్తున్న‌ట్లు ప‌లు రిపోర్ట్‌లు పేర్కొంటున్నాయి. గిల్ ప్ర‌స్తుతం వ‌న్డేల్లో రోహిత్ శ‌ర్మ డిప్యూటీగా ఉన్నాడు. ఒక‌వేళ హిట్‌మ్యాన్ వ‌న్డేల నుంచి త‌ప్పుకొంటే 50 ఓవ‌ర్ల ఫార్మాట్‌లో కూడా ఈ పంజాబీ బ్యాట‌ర్ భార‌త జ‌ట్టును న‌డిపించే అవ‌కాశ‌ముంది. కాగా గిల్ చివ‌ర‌గా భార‌త త‌ర‌పున టీ20ల్లో గ‌తేడాది శ్రీలంక‌పై ఆడాడు. కానీ ఐపీఎల్‌లో మాత్రం దుమ్ములేపాడు. ఐపీఎల్‌-2025 సీజ‌న్‌లో 650 ప‌రుగుల‌తో గుజ‌రాత్ త‌ర‌పున లీడింగ్ ర‌న్‌స్కోర‌ర్‌గా నిలిచాడు.చదవండి: మహేశ్‌ బాబు మరదలితో సచిన్‌ ప్రేమ?!.. టెండుల్కర్‌ ఏమన్నాడంటే..

ఆసియాక‌ప్‌-2025 సెప్టెంబ‌ర్ 9 నుంచి ప్రారంభం కానుంది. మొత్తం 8 జట్లు పాల్గోనే ఈ టోర్నీ దుబాయ్, అబుదాబి వేదికలగా జరగనుంది. ఈ మెగా ఈవెంట్ కోసం తమ ఆస్తశాస్త్రాలను ఆయా జట్లు సిద్దం చేసుకుంటున్నాయి. ఇప్పటికే అఫ్గానిస్తాన్‌, బంగ్లా క్రికెట్ బోర్డులు తమ ప్రిలిమిరీ జట్లను సైతం ప్రకటించాయి. బీసీసీఐ కూడా భారత జట్టు ఆగస్టు మూడో వారంలో ప్రకటించనుంది. కాగా భారత క్రికెట్ జట్టు ఈ ఏడాది ఆరంభంలో ఇంగ్లండ్‌తో టీ20 సిరీస్ తర్వాత పొట్టి ఫార్మాట్‌లో ఆడడం ఇదే తొలిసారి. దాదాపు ఎనిమిది నెలల తర్వాత టీ20 సిరీస్ ఆడుతున్నప్పటికి సూర్య అండ్ కోపై భారీ అంచనాలు ఉన్నాయి. ఈ నేపథ్యంలో ఆసియాక‌ప్ విజేతగా టీమిండియా నిలుస్తుందని భారత మాజీ కెప్టెన్ సౌరవ్ గంగూలీ జోస్యం చెప్పాడు.భారత క్రికెట్ జట్టుకు టీ20 ఫార్మాట్‌లో సుదీర్ఘమైన విరామం లభించింది. ఐపీఎల్ తర్వాత ఐదు టెస్టు మ్యాచ్‌ల సిరీస్ కోసం ఇంగ్లండ్ వెళ్లారు. ఇప్పుడు ఆసియాకప్ టీ20 టోర్నీలో పాల్గోనున్నారు. భారత జట్టు ప్రస్తుతం చాలా పటిష్టంగా ఉంది.మెన్ ఇన్ బ్లూ రెడ్ బాల్ క్రికెట్‌లోనే కాదు వైట్‌బాల్ క్రికెట్‌లో కూడా చాలా బలంగా ఉన్నారు. కాబట్టి భారత్ టైటిల్ దక్కించుకుంటుందని భావిస్తున్నారు. దుబాయ్ లాంటి మంచి పిచ్‌లపై భారత్‌ను ఓడించడం చాలా కష్టం అని గంగూలీ పీటీఐతో పేర్కొన్నాడు. కాగా భారత్ తమ ఆసియాకప్ ప్రయాణాన్ని సెప్టెంబర్ 10న హాంకాంగ్ మ్యాచ్‌తో ప్రారంభించనుంది.చదవండి: SA vs AUS: చెలరేగిన హాజిల్‌వుడ్‌, డేవిడ్‌.. సౌతాఫ్రికాపై ఆసీస్‌ ఘన విజయం

టీమిండియా కెప్టెన్ రోహిత్ శ‌ర్మ బ్యాట్‌తో విరుచుకుప‌డ‌డం అందరికి తెలిసిందే. కానీ హిట్‌మ్యాన్‌కు బంతితో కూడా మ్యాజిక్ చేసే సత్తా ఉంది. ఐపీఎల్‌లో అతడి పేరిట ఓ హ్యాట్రిక్ కూడా ఉంది. ఐపీఎల్‌-2009 సీజన్‌లో డక్కన్ ఛార్జర్స్ తరఫున ఆడిన రోహిత్‌..ముంబై ఇండియన్స్ తో జరిగిన మ్యాచ్ లో హ్యాట్రిక్ సాధించాడు. అయితే రోహిత్ శర్మ ఆఫ్ స్పిన్నర్ నుంచి పూర్తి స్ధాయి బ్యాటర్‌గా మారడంలో అతడి చిన్ననాటి కోచ్ దినేష్ లాడ్‌ది కీలక పాత్ర. తాజాగా ఓ పాడ్ కాస్ట్‌లో రోహిత్ క్రికెట్ జర్నీ గురించి దినేష్ లాడ్ పలు ఆసక్తికర విషయాలు వెల్లడించాడు."రోహిత్ శర్మను నేను తొలిసారి ఒక బౌలర్‌గా చూశాను. అప్పుడు అతడి వయస్సు దాదాపు 13 సంవత్సరాలు. ఆ సమయంలో రోహిత్ మా స్కూల్ టీమ్‌తో మ్యాచ్ ఆడాడు. అప్పుడే అతడిలో అద్బుతమైన టాలెంట్ ఉందని గుర్తించాను. దీంతో రోహిత్‌ను మా స్కూల్‌లో చేర్పంచమని అతడి మామతో చెప్పాను.ఆ తర్వాత రోహిత్‌ మా స్కూల్‌లో 1999లో చేరాడు. అతడికి బౌలింగ్ నేర్పించడం మొదలు పెట్టాను. అప్పటికి ఇంకా రోహిత్ ఏళ్లు లోపే ఉన్నుందన అండర్‌-14, అండర్-16 టోర్నీలో ఆడేందుకు సిద్దం చేయాలని నిర్ణయించుకున్నాను. ఒక మంచి ఆఫ్ స్పిన్నర్ అవుతాడనుకున్నా.కానీ ఒక రోజు నేను రోహిత్ బ్యాటింగ్ అద్బుతంగా చేస్తుండడం నేను చూశాను. బంతి ప‌డేట‌ప్పుడు అత‌డు త‌న బ్యాట్‌ను తీసుకురావ‌డం నేను గ‌మ‌నించాను. వెంట‌నే అత‌డి ద‌గ్గ‌రకు వెళ్లి నీవు బ్యాటింగ్ కూడా చేయ‌గ‌ల‌వా అని అడిగాను. అందుకు అత‌డు చేస్తాను సార్ అని స‌మాధానం చెప్పాడు.ఆ త‌ర్వాత అత‌డి నెట్ ప్రాక్టీస్‌లో ఆరో స్ధానంలో బ్యాటింగ్ చేసే అవ‌కాశ‌మిచ్చాను. అంత‌కుముందు అత‌డికి ఒక్క‌సారి కూడా బ్యాటింగ్ ప్రాక్టీస్ చేసే అవ‌కాశ‌మివ్వ‌లేదు. అది నా త‌ప్పు. లేదంటే అప్పుడు బ్యాటింగ్ గురుంచి నాకు తెలిసిండేంది.ఆ త‌ర్వాత ఒక మ్యాచ్‌లో ఏడో స్ధానంలో బ్యాటింగ్‌కు వ‌చ్చి 40 ప‌రుగులు చేశాడు. రోహిత్ అద్బుత‌మైన ఇన్నింగ్స్ ఆడిన‌ప్ప‌టికి దుర‌దృష్టవశాత్తూ మేము మ్యాచ్ ఓడిపోయాము. హారిస్ షీల్డ్ తర్వాత అండర్-14 ప్రాక్టీస్ ప్రారంభమైనప్పుడు నేను రోహిత్‌కు నెట్స్‌లో రెండు లేదా స్థానంలో బ్యాటింగ్ ఇవ్వడం ప్రారంభించాను.అతడికి బ్యాటింగ్‌లో చాలా మంచి ప్రతిభ ఉందని అన్పించింది. దీంతో అతడికి బౌలింగ్ బదులుగా బ్యాటింగ్‌పై ఎక్కువగా దృష్టిపెట్టమని చెప్పాను. రోహిత్ బ్యాటింగ్‌, బౌలింగ్ రెండింటిని కొనసాగిస్తూ వచ్చాడు. ఇప్పుడు అతడు పూర్తిస్ధా​యి బ్యాటర్‌గా ఉన్నాడని" ఓ​ యూట్యూబ్ ఛానల్ పాడ్ కాస్ట్‌లో లాడ్ పేర్కొన్నాడు.చదవండి: 'సిరాజ్ ఒక పోరాట యోధుడు'.. హైదరాబాదీపై పాక్ దిగ్గ‌జం ప్ర‌శంస‌లు

ఆసియాక‌ప్‌-2025కు కౌంట్ డౌన్ ప్రారంభ‌మైంది. మ‌రో నెల రోజుల్లో యూఏఈ వేదిక‌గా ఈ మెగా టోర్నీ షూరూ కానుంది. సెప్టెంబ‌ర్ 9న అబుదాబి వేదిక‌గా తొలి మ్యాచ్‌లో హాంకాంగ్‌, అఫ్గానిస్తాన్ జ‌ట్లు త‌ల‌ప‌డ‌నున్నాయి. ఈ ఆసియా సింహాల పోరు కోసం బంగ్లాదేశ్‌, అఫ్గానిస్తాన్ క్రికెట్ బోర్డులు త‌మ ప్రాథిమిక జ‌ట్ల‌ను ప్ర‌క‌టించాయి.బీసీసీఐ సెల‌క్ష‌న్ క‌మిటీ కూడా వ‌చ్చే వారం భార‌త జ‌ట్టును ప్ర‌క‌టించే అవ‌కాశ‌ముంది. అయితే ఈ టోర్నీ కోసం భార‌త జ‌ట్టులో టెస్టు కెప్టెన్ శుబ్‌మ‌న్ గిల్‌ను చేర్చాలా వద్దా అని సెల‌క్ట‌ర్లు త‌ర్జ‌బ‌ర్జ‌న ప‌డుతున్న‌ట్లు తెలుస్తోంది. వెస్టిండీస్‌తో జరగనున్న టెస్ట్ సిరీస్‌ను దృష్టిలో ఉంచుకుని గిల్‌కు విశ్రాంతి ఇవ్వాల‌ని అజిత్ అగార్కర్ అండ్ కో భావిస్తున్న‌ట్లు వార్త‌లు వినిపిస్తున్నాయి.కాగా ఆసియాక‌ప్ ముగిసిన నాలుగు రోజులకే భార‌త్‌-వెస్టిండీస్ మధ్య రెండు మ్యాచ్‌ల టెస్టు సిరీస్ ప్రారంభం కానుంది. అయితే ఆసియాకప్‌న‌కు గిల్‌కు విశ్రాంతి ఇచ్చి టీ20 వ‌ర‌ల్డ్ క‌ప్‌-2026లో అత‌డిని ఆడించాల‌ని సెల‌క్ట‌ర్లు యోచిస్తున్న‌ట్లు ది టెలిగ్రాఫ్ త‌మ క‌థ‌నంలో పేర్కొంది.కాగా గిల్ వెస్టిండీస్‌తో టెస్టు సిరీస్‌కు ముందు దులీప్ ట్రోఫీ-2025లో ఆడ‌నున్నాడు. నార్త్‌జోన్ కెప్టెన్‌గా శుబ్‌మ‌న్ వ్య‌వ‌హ‌రించ‌నున్నాడు. కాగా గిల్‌ ఇంగ్లండ్‌తో జరిగిన టెస్టు సిరీస్‌లో కెప్టెన్‌గా, వ్యక్తిగత ప్రదర్శనంగా పరంగా ఆకట్టుకున్నాడు.ఐదు మ్యాచ్‌లలో 75.40 సగటుతో 754 పరుగులు చేసి గిల్ ప్లేయర్ ఆఫ్‌ది సిరీస్‌గా నిలిచాడు. ఇక ఆసియాకప్‌లో భారత్‌ తమ తొలి మ్యాచ్‌లో సెప్టెంబర్‌ 10న దుబాయ్‌ వేదికగా యూఏఈతో తలపడనుంది. ఆ తర్వాత సెప్టెంబర్‌ 14న దాయాది పాకిస్తాన్‌తో మెన్‌ ఇన్‌ బ్లూ అమీతుమీ తెల్చుకోనుంది.చదవండి: శుబ్‌మన్ గిల్ జెర్సీ కోసం పోటీ.. ఎన్ని లక్షలకు అమ్ముడుపోయిందంటే?

ఆండర్సన్-టెండూల్కర్ ట్రోఫీ ముగియడంతో ఇప్పుడు అందరి దృష్టంతా ఆసియాకప్‌-2025పై పడింది. ఆసియాకప్‌నకు భారత జట్టులో ఎవరికి చోటు దక్కుతుంది? ఐపీఎల్‌లో రాణించిన ఆట‌గాళ్ల‌ను సెల‌క్ట‌ర్లు ఎంపిక చేస్తారా? అన్న చ‌ర్చ‌లు క్రికెట్ వ‌ర్గాల్లో ప్ర‌స్తుతం జ‌రుగుతున్నాయి.ఈ మెగా టోర్నీ సెప్టెంబ‌ర్ 9 నుంచి యూఏఈ వేదిక‌గా ప్రారంభం కానుంది. ఈ టోర్నీ కోసం భార‌త జ‌ట్టును బీసీసీఐ సెలక్షన్‌ కమిటీ ఆగ‌స్టు మూడో వారంలో ప్ర‌క‌టించే అవ‌కాశ‌ముంది. ఈ క్రమంలో భారత సెలక్టర్లకు టీమిండియా మాజీ కెప్టెన్ సౌరవ్ గం‍గూలీ కీలక సూచన చేశాడు.ముఖేష్‌కు ఛాన్స్ ఇవ్వాల్సిందే?బెంగాల్ పేసర్ ముఖేష్ కుమార్‌ను ఆసియాకప్‌నకు ఎంపిక చేయాలని దాదా సలహాఇచ్చాడు. కాగా ముఖేష్ కుమార్ రెండు సంవత్సరాల కిందట భారత జట్టులోకి అరంగేట్రం చేశాడు. ఈ కుడిచేతి వాటం ఫాస్ట్ బౌలర్ దాదాపు ఏడాది పాటు మూడు ఫార్మాట్లలోనూ టీమిండియాకు ప్రాతినిథ్యం వహించాడు.ఆ తర్వాత ఫామ్ కోల్పోవ‌డంతో జ‌ట్టుకు ముఖేష్ దూర‌మ‌య్యాడు. అత‌డు చివ‌ర‌గా భార‌త్ త‌ర‌పున గ‌తేడాది జూలైలో ఆడాడు. ఆ త‌ర్వాత ఈ ఏడాది ఐపీఎల్‌లోనూ ముఖేష్ ఆక‌ట్టుకోలేక‌పోయాడు. కానీ అత‌డి వ‌ద్ద అద్బుత‌మైన స్కిల్స్ ఉన్నాయ‌ని, అత‌డికి మ‌రో ఛాన్స్ ఇవ్వాల్సిందేన‌ని గంగూలీ మాత్రం స‌పోర్ట్‌గా నిలిచాడు."ఆసియాక‌ప్‌లో ముఖేష్ కుమార్ ఖ‌చ్చితంగా ఆడాలి. అత‌డు అద్భుతమైన ఫాస్ట్ బౌలర్. యూఏఈ కండీష‌న్స్ అత‌డికి స‌రిగ్గా స‌రిపోతాయి. దేశ‌వాళీ క్రికెట్‌లో కూడా నిల‌క‌డ‌గా రాణిస్తున్నాడు. అత‌డు జ‌ట్టులోకి పున‌రాగ‌మ‌నం చేసేందుకు ఆర్హుడు. ముఖేష్‌కు అన్ని ఫార్మాట్ల‌లోనూ రాణించే స‌త్తా ఉంది. అత‌డికంటూ ఒక స‌మయం వ‌స్తుంది. అందుకు కాస్త ఓపిక ప‌ట్టాలి" అని ఇండియా టూడేకు ఇచ్చిన ఇంట‌ర్వ్యూలో గంగూలీ పేర్కొన్నాడు.కాగా ముఖేష్ ఇప్పటివరకు భారత తరపున 17 టీ20లు ఆడి 20 వికెట్లు పడగొట్టాడు. ఐపీఎల్‌లో అతడి పేరిట 36 వికెట్లు ఉన్నాయి. ఇక ఇది ఇలా ఉండగా.. టెస్టు కెప్టెన్ శుబ్‌మ‌న్ గిల్‌, య‌శ‌స్వి జైశ్వాల్ తిరిగి టీ20 జ‌ట్టులోకి రానున్న‌ట్లు తెలుస్తోంది. అదేవిధంగా స్పోర్ట్స్ హెర్నియా స‌ర్జ‌రీ అనంత‌రం టీమిండియా కెప్టెన్ సూర్య‌కుమార్ సైతం త‌న ఫిట్‌నెస్‌పై దృష్టిపెట్టాడు. టోర్నీ ఆరంభ సమయానికి సూర్య పూర్తి ఫిట్‌నెస్ సాధించే అవకాశముందిచదవండి: Asia Cup: అతడు భేష్‌.. ఇతడు ఓకే.. టీమిండియా సెలక్టర్లకు తలనొప్పి!

టీమిండియా యువ ఆట‌గాడు తిల‌క్ వ‌ర్మ ఇంగ్లండ్ డొమాస్టిక్‌ వ‌న్డే క‌ప్ అరంగేట్రంలో తీవ్ర నిరాశ‌ప‌రిచాడు. మంగ‌ళ‌వారం వేల్స్ క్రికెట్ గ్రౌండ్ వేదిక‌గా గ్లామోర్గాన్‌తో జ‌రుగుతున్న మ్యాచ్‌లో హాంప్‌షైర్ త‌ర‌పున బ‌రిలోకి దిగిన తిల‌క్‌.. డ‌కౌట్‌గా వెనుదిరిగాడు.మూడో స్ధానంలో బ్యాటింగ్‌కు వ‌చ్చిన తిల‌క్ కేవ‌లం మూడు బంతులు మాత్ర‌మే ఆడి ఖాతా తెరవ‌కుండానే పెవిలియ‌న్‌కు చేరాడు. పేస‌ర్ నెడ్ లియోనార్డ్ బౌలింగ్‌లో అస ట్రైబ్‌కు క్యాచ్ ఇచ్చి ఈ హైదరాబాదీ ఔట‌య్యాడు. అయితే అంతకుముందు కౌంటీ ఛాంపియన్‌షిప్‌లో తిలక్ అదరగొట్టాడు. 4 మ్యాచ్‌ల‌లో హాంప్‌షైర్ త‌ర‌పున తిల‌క్ 358 ప‌రుగులు చేశాడు. అందులో రెండు సెంచ‌రీలు ఉన్నాయి.ఇక ఈ మ్యాచ్ విష‌యానికి వ‌స్తే.. టాస్ గెలిచిన గ్లామోర్గాన్ కెప్టెన్ కిరణ్ కార్ల్సన్ ముందుగా బౌలింగ్ చేయాలని నిర్ణ‌యించుకున్నాడు. ఈ క్ర‌మంలో తొలుత బ్యాటింగ్‌కు దిగిన హాంప్‌షైర్ నిర్ణీత 50 ఓవ‌ర్ల‌లో 6 వికెట్ల న‌ష్టానికి 324 ప‌రుగుల భారీ స్కోర్ సాధించింది.హాంప్‌షైర్ కెప్టెన్ గుబ్బిన్స్(144) భారీ సెంచ‌రీతో మెరిశాడు. అత‌డితో పాటు బెన్ మేయస్(74), ఓర్‌(45) రాణించారు. గ్లామోర్గాన్ బౌల‌ర్ల‌లో నెడ్ లియోనార్డ్ మూడు వికెట్లు ప‌డ‌గొట్టాడు. అనంత‌రం ల‌క్ష్య చేధ‌న‌లో గ్లామోర్గాన్ 28 ఓవ‌ర్ల‌లో 6 వికెట్లు కోల్పోయి 175 ప‌రుగులు చేసింది.

లండన్‌లోని ది ఓవల్‌లో ఇంగ్లండ్‌తో జ‌రిగిన ఐదో టెస్టులో టీమిండియా 6 ప‌రుగుల తేడాతో సంచ‌ల‌న విజ‌యం సాధించిన సంగతి తెలిసిందే. ఉత్కంఠభ‌రితంగా ఐదో రోజు ఆట‌లో టీమిండియా పేస‌ర్ మ‌హ్మ‌ద్ సిరాజ్ మ్యాజిక్ చేశాడు. ఇంగ్లండ్ విజ‌యానికి 35 ప‌రుగులు కావ‌ల్సిన నేప‌థ్యంలో సిరాజ్ బంతితో ప్ర‌త్య‌ర్ధి జ‌ట్టును బోల్తా కొట్టించాడు. చివరి రోజు ఆటలో మూడు వికెట్లు ప‌డ‌గొట్టి ఇంగ్లండ్‌ను దెబ్బ‌తీశాడు. అత‌డితో పాటు ప్ర‌సిద్ద్ కృష్ణ ఓ వికెట్ సాధిం‍చాడు. మొత్తంగా ఈ మ్యాచ్‌లో సిరాజ్ 9 వికెట్లు పడగొట్టగా.. ప్రసిద్ద్ 8 వికెట్లు సాధించాడు. కాగా ఓవల్‌లో చారిత్రత్మక విజయం సాధించిన భారత జట్టు సర్వాత్ర ప్రశంసల వర్షం కురుస్తోంది. ఆఖ‌రి టెస్టులో గెలిచి భార‌త్ సిరీస్ స‌మం చేస్తుంద‌ని త‌నకు ముందే తెలుసని టీమిండిమా మాజీ కెప్టెన్ సౌర‌వ్ గంగూలీ అన్నారు."నాలుగ‌వ‌ రోజు ఆట ముగిసిన త‌ర్వాత టీమిండియా గెలుస్తుంద‌నే న‌మ్మ‌కం నాకు క‌లిగింది. పిచ్ పేస‌ర్ల‌కు అనుకూలంగా ఉంది. మ‌హ్మ‌ద్ సిరాజ్‌, ప్ర‌సిద్ద్ కృష్ణ అద్భుతంగా బౌలింగ్ చేశారు" అని గంగూలీ ఓ ఛాన‌ల్‌కు ఇచ్చిన ఇంట‌ర్వ్యూలో పేర్కొన్నారు. అదేవిధంగా ఉత్కంఠ‌పోరులో విజ‌యం త‌ర్వాత భార‌త జ‌ట్టును కొనియాడుతూ గంగూలీ ఓ ట్విట్ కూడాచేశాడు."అసాధారణ సిరీస్‌. అమోఘమైన ఫలితం. జడేజా, వాషింగ్టన్‌ సుందర్, రిషభ్‌ పంత్, సిరాజ్‌... అందరూ నిలకడగా ఆడారు. భారత జట్టు విజయాల ఆకలితో ఉన్నట్లు మనవాళ్లు తమ ఆటతీరుతో నిరూపించారు" దాదా ఎక్స్‌లో రాసుకొచ్చారు.చదవండి: మా బ్యాటర్లు భయపడ్డారు.. కానీ అతడు ఉండుంటే గెలిచేవాళ్లం: ఇంగ్లండ్‌ మాజీ కెప్టెన్‌

సచిన్‌ టెండూల్కర్‌, విరాట్‌ కోహ్లిలు ఇద్దరూ ఇద్దరే. వీరిద్దరిలో ఎవరు గొప్ప క్రికెటర్‌ అం‍టే సమాధానం చెప్పేందుకు కచ్చితంగా ఆలోచించాల్సిందే. ఒకరేమో 24 ఏళ్ల పాటు తన జీవితాన్ని భారత క్రికెట్‌కు అంకితం చేస్తే.. మరొకరేమో గత 17 ఏళ్ల నుంచి తన సేవలను అందిస్తున్నారు.ఒకరు క్రికెట్‌కు గాడ్‌ అయితే.. మరొకరు ఆ దేవుడు రికార్డులను కొల్లగొడుతున్న రన్‌ మిషన్‌. కాబట్టి సచిన్‌, కోహ్లిలలో ఎవరు గ్రేట్‌ క్రికెటర్‌ అంటే నీళ్లు నమలాల్సిందే. తాజాగా ఇదే పరిస్థితి సౌతాఫ్రికా క్రికెట్‌ దిగ్గజం ఏబీ డివిలియర్స్‌కు ఎదురైంది.ఏబీ డివిలియర్స్‌ ఇటీవల శుభంకర్ మిశ్రా యూట్యూబ్ ఛానెల్‌ పాడ్‌ కాస్ట్‌లో పాల్గోన్నాడు. ఈ క్రమంలో సచిన్‌ టెండూల్కర్‌, విరాట్‌ కోహ్లిలో గొప్ప క్రికెటరో ఎవరో ఎంచుకోవాలని ఏబీడీని హోస్ట్‌ అడిగాడు. అందుకు కాసేపు ఆలోచించి డివిలియర్స్‌ తెలివగా సమాధనమిచ్చాడు."ఇద్దరిని ఒకరితో ఒకరని పోల్చలేము. ఎందుకంటే ఆ తరంలో సచిన్‌ టెండూల్కర్‌ గొప్ప క్రికెటర్‌. ప్రస్తుత తరంలో విరాట్‌ కోహ్లి గ్రేట్‌. ఎవరి తరంలో వారు గొప్ప క్రికెటర్లు. కాబట్టి పోల్చడం అసాధ్యం. నాక్‌ సచిన్‌ అంటే చాలా గౌరవం. అతను అతిసాధారణ స్థాయి నుంచి ఒక లెజెండ్‌గా ఎదిగాడు. ఇక విరాట్‌ నా స్నేహితుడు. కాబట్టి ఇద్దరిలో ఎవరూ గొప్ప అని నేను చెప్పలేను. అయితే విరాట్‌ ఆల్‌ ఫార్మాట్లలో గ్రేట్‌ నేను భావిస్తున్నాను. వన్డే, టెస్టు ఫార్మాట్లలో సచిన్‌ను మించిన వారు లేరు అనుకుంటున్నా" అని డివిలియర్స్‌ పేర్కొన్నాడు.టాప్‌ రన్‌ స్కోరర్‌గా..సచిన్‌ టెండూల్కర్‌ టీమిండియా తరఫున 200 టెస్టు మ్యాచ్‌లు ఆడి 15,921 పరుగులతో అగ్రస్థానంలో కొనసాగుతున్నాడు. అతడి టెస్టు కెరీర్‌లో 51 సెంచరీలు, ఆరు డబుల్‌ సెంచరీలు ఉన్నాయి. అదేవిధంగా వన్డేల్లో కూడా మాస్టర్‌ బ్లాస్టర్‌ టాప్‌లో ఉన్నాడు. 452 ఇన్నింగ్స్‌లలో 49 సెంచరీలు, ఓ డబుల్‌ సెంచరీతో 18426 పరుగులు చేశాడు. ఓవరాల్‌గా సచిన్‌ తన అంతర్జాతీయ కెరీర్‌లో 34,357 పరుగులు చేశాడు.సెంచరీల రికార్డు బ్రేక్‌..ఇక టీ20లు, టెస్టులకు వీడ్కోలు పలికిన విరాట్‌ కోహ్లి కేవలం వన్డేల్లో మాత్రమే కొనసాగుతున్నాడు. కోహ్లి తన టెస్టు కెరీర్‌లో 123 మ్యాచ్‌లు ఆడి 9230 పరుగులు చేశాడు. అయితే వన్డేల్లో మాత్రం అత్యధిక సెంచరీలు చేసిన సచిన్‌ రికార్డును కోహ్లి బ్రేక్‌ చేశాడు. సచిన్‌ వన్డేల్లో 49 శతకాలు చేస్తే.. కోహ్లి ఇప్పటివరకు 51 సెంచరీలు నమోదు చేశాడు. మొత్తంగా 302 వన్డేల్లో కోహ్లి ఇప్పటివరకు 57.88 సగటుతో 14181 రన్స్‌ చేశాడు.ఇ​క ఇది ఇలా ఉండగా.. వరల్డ్‌ వరల్డ్ ఛాంపియన్‌షిప్ ఆఫ్ లెజెండ్స్ (WCL) 2025 టోర్నీ విజేత‌గా ద‌క్షిణాఫ్రికా ఛాంపియ‌న్స్ నిలిచింది. ఫైనల్లో పాకిస్తాన్‌ ఛాంపియన్స్‌ను 9 వికెట్ల తేడాతో సౌతాఫ్రికా చిత్తు చేసింది. ఈ విజయంలో డివిలియర్స్‌ది కీలక పాత్ర. 60 బంతుల్లో డివిలియర్స్‌ 12 ఫోర్లు, 7 సిక్స్‌లతో 120 పరుగులు చేశాడు.చదవండి: ప్రియజిత్.. ఇంత త్వరగా వెళ్లిపోయావా? 22 ఏళ్లకే క్రికెటర్ మృతి

టీమిండియా స్టార్ స్పిన్న‌ర్ యుజేంద్ర చాహ‌ల్‌, సోష‌ల్ మీడియా ఇన్‌ఫ్లూయ‌న్స‌ర్ ధనశ్రీ వ‌ర్మ ఇటీవ‌లే విడాకులు తీసుకున్న సంగ‌తి తెలిసిందే. సెలబ్రిటీల‌లో "పవర్ కపుల్ పేరొందిన ఈ జంట ఒక్క‌సారిగా విడిపోయి అంద‌రికి షాకిచ్చారు. స‌రిగ్గా ఇదంతా చాహ‌ల్ భార‌త జ‌ట్టుకు దూర‌మైన స‌మ‌యంలోనే జ‌రిగింది.దీంతో చాహ‌ల్ కెరీర్ ప‌రంగానే కాకుండా వ్య‌క్తిగ‌త జీవితంలోనూ ఇబ్బందుల‌ను ఎదుర్కొన్నాడు. అయితే ధ‌న‌శ్రీ నుంచి విడాకులు తీసుకోవ‌డంపై చాహ‌ల్‌ తాజాగా స్పందించాడు. విడాకులు తర్వాత వచ్చిన తప్పుడు ఆరోపణలు తనను ఎంతోగానే బాధించాయని చహల్ భావోద్వేగానికి లోనయ్యాడు.ఆత్మహత్య చేసుకోవాలనుకున్నా.."విడాకుల సమయంలో నాపై ఎన్నో నిరాధరమైన ఆరోపణలు వచ్చాయి. దీంతో నేను మానసికంగా కుంగిపోయాను. ఇక ఈ జీవితం చాలు, ఆత్మహత్య చేసుకోవాలనే ఆలోచనలు కూడా వచ్చాయి. గంటలు తరబడి ఏడ్చేవాడిని. దాదాపు 40 నుంచి 45 రోజుల పాటు కేవలం 2 గంటలు మాత్రమే నిద్రపోయాను. నాకు ఇష్టమైన క్రికెట్‌పై ఏకాగ్రత పెట్టలేకపోయాను. నా స్నేహితుడితో ఆత్మహత్య ఆలోచనలను పంచుకునేవాడిని. చాలా భయపడ్డాను. అందుకే కొద్ది రోజులు క్రికెట్‌కు దూరంగా ఉన్నాను.నేను ఎప్పుడూ మోసం చేయలేదు.."ధనశ్రీతో విడాకులు తీసున్నాక చాలామంది మోసగాడిగా అభివర్ణించారు. నా జీవితంలో నేను ఎప్పుడూ ఎవరిని మోసం చేయలేదు. నేను అలాంటి వ్యక్తిని కాదు. నాకంటే నమ్మకమైన వ్యక్తి తనకు దొరకడు. సోదరీమణులు ఉన్నారు. నేను చిన్నప్పటి నుంచి వారితో కలిసి పెరిగాను. కాబట్టి మహిళలను ఎలా గౌరవించాలో నాకు తెలుసు. నా తల్లిదండ్రులు సం‍స్కారం నేర్పించారు. నా పేరును ఇతరులతో లింక్ చేసి చాలా కథనాలు రాశారు. కేవలం వ్యూస్ కోసం అలా చేశారు" అని రాజ్ షమానీ పాడ్‌కాస్ట్‌లో జరిగిన ఇంటర్య్వూలో చాహల్ పేర్కొన్నాడు. కాగా చాహల్-ధనశ్రీ వర్మలు 22 డిసెంబర్ 2020న ప్రేమ వివాహం చేసుకున్నారు.ఆ తర్వాత ఇద్దరూ వ్యక్తిగత కారణాల వల్ల దూరమయ్యారు. ఈ ఏడాది మార్చిలో వీరిద్దరికి ముంబైలోని బాంద్రా కోర్టు విడాకులు మంజూరు చేసింది. చాహల్ ప్రస్తుతం ఆర్జే మహ్వాష్‌తో ప్రేమలో ఉన్నట్లు ప్రచారం సాగుతోంది.చదవండి: #Karun Nair: మొన్నటి వరకు జట్టులో దండగ అన్నారు.. ఇప్పుడు అతడే దిక్కయ్యాడు

లండ‌న్‌లోని కెన్నింగ్ట‌న్ ఓవ‌ల్ మైదానం వేదిక‌గా ఇంగ్లండ్‌తో జ‌రుగుతున్న ఐదో టెస్టులో టీమిండియా త‌డ‌బ‌డుతోంది. తొలి రోజు ఆట ముగిసే స‌మ‌యానికి భార‌త్ 6 వికెట్ల న‌ష్టానికి 204 ప‌రుగులు చేసింది. వ‌రుస క్ర‌మంలో వికెట్లు కోల్పోయి కష్టాల్లో ప‌డిన భార‌త జ‌ట్టును మిడిలార్డ‌ర్ బ్యాట‌ర్ క‌రుణ్ నాయ‌ర్ హాఫ్ సెంచ‌రీతో ఆదుకున్నాడు. నాయ‌ర్ 98 బంతుల్లో 52 ప‌రుగులతో త‌న బ్యాటింగ్‌ను కొన‌సాగిస్తున్నాడు.అత‌డితో పాటు వాషింగ్ట‌న్ సుంద‌ర్‌(19) క్రీజులో ఉన్నాడు. భార‌త బ్యాట‌ర్ల‌లో య‌శ‌స్వి జైశ్వాల్‌(2), కేఎల్ రాహుల్‌(14), జ‌డేజా(9), గిల్‌(21) నిరాశ‌ప‌ర‌చ‌గా.. సాయిసుద‌ర్శ‌న్‌(38) ప‌ర్వాలేద‌న్పించాడు. ఇంగ్లండ్ బౌల‌ర్ల‌లో జోష్ టంగ్‌, అట్కిన్స‌న్ త‌లా రెండు వికెట్లు ప‌డ‌గొట్ట‌గా.. వోక్స్ ఓ వికెట్ సాధించారు.అంపైర్‌పై ఫ్యాన్స్ ఫైర్‌..భారత్‌ ఇన్నింగ్స్‌లో అనూహ్య ఘటన చోటు చేసుకుంది. ఫీల్డ్‌ అంపైర్‌ కుమార ధర్మసేన వ్యవహారశైలి చర్చకు దారి తీసింది. 13వ ఓవర్‌ వేసిన టంగ్‌ భారత బ్యాటర్‌ సాయి సుదర్శన్‌కు యార్కర్‌ సంధించాడు. దానిని ఆడలేక సాయి కింద పడిపోయాడు.బంతి ప్యాడ్స్‌కు తగలడంతో టంగ్‌ ఎల్బీడబ్ల్యూ కోసం అప్పీల్‌ చేశాడు. దీనిని ధర్మసేన తిరస్కరించడం వరకు ఓకే. కానీ అవుట్‌ కాదని చెబుతూనే అతను బంతి ముందే బ్యాట్‌కు తగిలినట్లుగా కూడా తన వేళ్లతో సైగ చేశాడు.నిబంధనల ప్రకారం డీఆర్‌ఎస్‌ కోసం ఇచ్చే 15 సెకన్లు ముగిసే వరకు అంపైర్లు ఏ రీతిలో కూడా ఆటగాళ్లకు సహకరించే సంజ్ఞలు చేయరాదు. కానీ ధర్మసేన ఇలా చేయడం ఇంగ్లండ్‌కు పరోక్షంగా సహకరించినట్లయింది. తమ అప్పీల్‌పై నమ్మకం ఉంటే ఇంగ్లండ్‌ డీఆర్‌ఎస్‌కు వెళ్లేది. నాటౌట్‌గా తేలితే జట్టు రివ్యూ కోల్పోయేది. అంపైర్‌ వ్యవహరించిన తీరుపై అన్ని వైపుల నుంచి విమర్శలు వచ్చాయి.చదవండి: బుమ్రా ఎంత కాలం ఇలా..!

ఇంగ్లండ్‌తో నాలుగో టెస్టును డ్రా ముగించిన భార‌త జ‌ట్టు.. ఇప్పుడు మ‌రో కీల‌క పోరుకు సిద్ద‌మైంది. లండ‌న్‌లోని ఓవ‌ల్ వేదిక‌గా జూలై 31 నుంచి ప్రారంభం కానున్న ఆఖ‌రి టెస్టులో ఆతిథ్య ఇంగ్లండ్‌తో తాడోపేడో తేల్చుకునేందుకు టీమిండియా సిద్ద‌మైంది. ఈ మ్యాచ్‌లో ఎలాగైనా గెలిచి సిరీస్‌ను 2-2తో స‌మం చేయాల‌ని గిల్ సేన భావిస్తోంది.అయితే ఈ మ్యాచ్‌కు ముందు టీమిండియాను గాయాల బెడ‌ద వెంటాడుతోంది. ఇప్ప‌టికే ఆఖ‌రి టెస్టుకు స్టార్ వికెట్ కీప‌ర్ బ్యాట‌ర్ రిష‌బ్ పంత్ దూరం కాగా.. ప్ర‌ధాన ఫాస్ట్ బౌల‌ర్ జ‌స్ప్రీత్ బుమ్రా ఫిట్‌నెస్‌పై అనుమానాలు నెలకొన్నాయి. మాంచెస్టర్ టెస్టులో బుమ్రా ఫుల్ ఫిట్‌నెస్‌గా కన్పించలేదు. ఈ మ్యాచ్‌లో ఎక్కువ వేగంతో కూడా జస్ప్రీత్ బౌలింగ్ చేయలేకపోయాడు.ఈ స్టార్ పేసర్ 100కు పైగా పరుగులు సమర్పించుకుని కేవలం రెండు వికెట్లు మాత్రమే పడగొట్టాడు. మరోవైపు గాయం కారణంగా నాలుగో టెస్టుకు దూరమైన పేసర్ ఆకాష్ దీప్ ఫిట్‌నెస్‌పై ఇంకా ఎటువంటి క్లారిటీ లేదు. అయితే కీలకమైన ఐదో టెస్టులో టీమిండియా మూడు మార్పులతో బరిలోకి దిగే అవకాశముంది.శార్ధూల్‌ పై వేటు..!వికెట్ కీపర్ రిషబ్ పం‍త్ స్ధానంలో ధ్రువ్ జురెల్ తుది జట్టులోకి రావడం దాదాపు ఖాయమైంది. పంత్‌కు ప్రత్నమయ్నాంగా తమిళనాడు వికెట్ కీపర్ జగదీశన్ నారాయణ్‌ను సెలక్టర్లు ఎంపిక చేసినప్పటికి.. అనుభవం దృష్ట్యా జురెల్ వైపే మెనెజ్‌మెంట్ ఆసక్తి చూపే అవకాశముంది.అంతేకాకుండా నాలుగో టెస్టులో బంతితో విఫలమైన ఆల్‌రౌండర్ శార్ధూల్ ఠాకూర్‌పై కూడా వేటు పడే ఛాన్స్ ఉంది. అతడి స్ధానంలో చైనామన్ స్పిన్నర్ కుల్దీప్ యాదవ్ ప్లేయింగ్ ఎలెవన్‌లోకి రానున్నట్లు వార్తలు వినిపిస్తున్నాయి. ఇక అరంగేట్రంలో తీవ్ర నిరాశపరిచిన పేసర్ అన్షుల్ కాంబోజ్‌ను కూడా ఓవల్ టెస్టుకు పక్కన పెట్టనున్నట్లు సమాచారం.అతడి స్ధానంలో ఆకాష్ దీప్‌(ఫిట్‌నెస్‌కు లోబడి) లేదా ప్రసిద్ద్ కృష్ణకు అవకాశమివ్వాలని గంభీర్ అండ్ కో భావిస్తున్నట్లు తెలుస్తోంది. మరి బుమ్రాకు ఆఖరి టెస్టులో ఆడిస్తారా లేదా విశ్రాంతి ఇస్తారా అన్నది ఇప్పుడు ప్రశార్ధకంగా మారింది. మరోవైపు ఇంగ్లండ్ ఐదో టెస్టుకు తమ జట్టును ప్రకటించింది. బౌలింగ్ ఆల్‌రౌండర్ జేమి ఓవర్టన్‌కు తిరిగి మళ్లీ ఇంగ్లీష్ జట్టు సెలక్టర్లు పిలుపునిచ్చారు.ఇంగ్లండ్‌తో ఐదో టెస్టుకు భార‌త తుది జ‌ట్టు(అంచనా)య‌శస్వి జైస్వాల్, కేఎల్ రాహుల్, సాయి సుదర్శన్, శుభమన్ గిల్ (కెప్టెన్‌), రవీంద్ర జడేజా, వాషింగ్టన్ సుందర్, ధ్రువ్ జురెల్ (వికెట్ కీప‌ర్‌), కుల్దీప్ యాదవ్, జ‌స్ప్రీత్ బుమ్రా, ఆకాశ్ దీప్, మహ్మద్ సిరాజ్‌చదవండి: వారిద్దరూ అద్బుతం.. మాలో ఆత్మవిశ్వాసాన్ని పెంచింది: శుబ్‌మన్‌ గిల్‌

ఇంగ్లండ్‌తో ఐదు మ్యాచ్‌ల టెస్టు సిరీస్‌లో భారత జట్టు తమ ఆశలను సజీవంగా ఉంచుకుంది. మాంచెస్టర్‌ వేదికగా ఇంగ్లండ్‌ జరిగిన నాలుగో టెస్టును టీమిండియా డ్రా ముగించింది. ఓటమి తప్పదనుకున్న మ్యాచ్‌లో భారత బ్యాటర్లు అద్బుతం చేశారు.రవీంద్ర జడేజా (107 నాటౌట్‌), వాషింగ్టన్‌ సుందర్‌ (101 నాటౌట్‌), కెప్టెన్‌ శుబ్‌మన్‌ గిల్‌ (103), కేఎల్‌ రాహుల్‌(90) తమ విరోచిత పోరాటాలతో భారత్‌ను ఓటమి నుంచి గటెక్కించారు. 174/2 ఓవర్‌నైట్‌ స్కోరుతో చివరి రోజు ఆటను ప్రారంభించిన టీమిండియా.. 4 వికెట్ల నష్టానికి 425 పరుగులు చేసింది. తొలుత రాహుల్‌, గిల్‌ అడ్డుగోడగా నిలవగా.. ఆ తర్వాత వాషింగ్టన్‌ సుందర్‌, జడేజా ఇంగ్లండ్‌ బౌలర్ల సహనాన్ని పరీక్షించారు.వీరిద్దరిని ఔట్‌ చేయడం ఇంగ్లీష్‌ బౌలర్ల తరం కాలేదు. ఆఖరికి ఇంగ్లండ్‌ ప్లేయర్లు దిగొచ్చి డ్రాకు అంగీకరించాలని భారత ప్లేయర్లను కోరారు. కానీ జడేజా, సుందర్‌లు తమ సెంచరీలు పూర్తియ్యాక డ్రా అంగీకరించారు. ఇక ఈ మ్యాచ్‌ను డ్రా ముగించిన భారత జట్టు ఓ అరుదైన రికార్డును తమ పేరిట లిఖించుకుంది.👉ఒక టెస్టు సిరీస్‌లో అత్యధిక సార్లు 350కు పైగా పరుగులు చేసిన జట్టుగా టీమిండియా వరల్డ్‌ రికార్డు సృష్టించింది. ప్రస్తుతం ఇంగ్లండ్‌తో జరుగుతున్న సిరీస్‌లో భారత్‌ 7 సార్లు 350+ స్కోర్లు సాధించింది. ఇం‍తకుముందు ఈ రికార్డు ఆస్ట్రేలియా పేరిట ఉండేది.ఆస్ట్రేలియా మూడు టెస్టు సిరీస్‌లలో 6 సార్లు 350కు పైగా పరుగులు చేసింది. ఆసీస్‌ చివరగా 1980లో ఇంగ్లండ్‌తో జరిగిన టెస్టు సిరీస్‌లో 6 సార్లు 350+ స్కోర్లు చేసింది. తాజా మ్యాచ్‌తో ఆసీస్‌ ఆల్‌టైమ్‌ రికార్డును భారత్‌ బ్రేక్‌ చేసింది.👉ఒక టెస్ట్ సిరీస్‌లో నలుగురు భారత బ్యాటర్లు 400 కంటే ఎక్కువ పరుగులు చేయడం ఇదే తొలిసారి. ఈ సిరీస్‌లో శుబ్‌మన్‌ గిల్‌, రిషబ్‌ పంత్‌, రవీంద్ర జడేజా 400కు పైగా పరుగులు చేశారు.చదవండి: చాలా సంతోషంగా ఉంది.. అందుకే వారు షేక్‌ హ్యాండ్స్‌ ఇవ్వలేదు: గిల్‌

ఇంగ్లండ్‌ కౌంటీ ఛాంపియన్‌షిప్‌లో టీమిం‍డియా యువ ఆటగాడు తిలక్‌ వర్మ తన సూపర్‌ ఫామ్‌ను కొనసాగిస్తున్నాడు. ఈ మెగా టోర్నమెంట్‌లో హాంప్‌షైర్‌కు ప్రాతినిథ్యం వహిస్తున్న తిలక్‌ వర్మ.. నాటింగ్‌హామ్‌షైర్‌తో జరుగుతున్న మ్యాచ్‌లో తిలక్‌ అద్బుతమైన సెంచరీతో చెలరేగాడు. నాలుగో డౌన్‌లో బ్యాటింగ్‌కు వచ్చిన తిలక్‌ తన బ్యాటింగ్‌తో ప్రత్యర్ధి బౌలర్ల సహనాన్ని పరీక్షించాడు. తొలి ఇన్నింగ్స్‌లో 256 బంతులు ఎదుర్కొన్న వర్మ.. 13 ఫోర్లు, రెండు సిక్సర్లతో 112 పరుగులు చేశాడు. ఇంగ్లండ్‌ కౌంటీల్లో తొలిసారి ఆడుతున్న నంబూరి ఠాకూర్ తిలక్ వర్మ.. తన అరంగేట్ర మ్యాచ్‌లోనే శతక్కొట్టాడు.ఈ ఏడాది సీజన్‌లో తిలక్‌కు ఇది రెండో సెంచరీ. రెడ్‌బాల్‌ క్రికెట్‌లో ఈ హైదరాబాదీ ఇదే ఫామ్‌ను కొనసాగిస్తే త్వరలోనే భారత టెస్టు జట్టులోకి వచ్చే అవకాశముంది. ఫస్ట్‌క్లాస్‌ క్రికెట్‌లో అతడికి మంచి ట్రాక్‌ రికార్డు ఉంది. ఇక ఇప్ప‌టివ‌ర‌కు 18 ఫ‌స్ట్ క్లాస్‌లు మ్యాచ్‌లు ఆడిన తిల‌క్ వ‌ర్మ‌.. 50కి పైగా సగటుతో 1204 పరుగులు చేశాడు. ఇందులో ఐదు సెంచరీలు, నాలుగు ఆర్ధ శ‌త‌కాలు ఉన్నాయి. ప్రస్తుతం ఈ హైద‌రాబాదీ భార‌త జ‌ట్టుకు వైట్-బాల్ స్పెషలిస్టుగా ఉన్నాడు. నాలుగు వన్డేలు, 25 టీ20ల్లో భార‌త్‌కు ప్రాతినిధ్యం వహించాడు. ముఖ్యంగా అత‌డికి టీ20ల్లో అద్బుత‌మైన రికార్డు ఉంది. 24 ఇన్నింగ్స్‌లలో 49.93 స‌గ‌టుతో 749 పరుగులు చేశాడు.చదవండి: IND vs ENG: డీఎస్పీ ఆన్‌ ఫైర్‌.. గొడ‌వ‌లు అవ‌స‌ర‌మా సిరాజ్ భ‌య్యా? వీడియో

మాంచెస్టర్‌లోని ఓల్డ్ ట్రాఫోర్డ్ వేదిక‌గా ఇంగ్లండ్‌తో జ‌రుగుతున్న నాలుగో టెస్టులో టీమిండియా పేస‌ర్ మ‌హ్మ‌ద్ సిరాజ(Mohammed Siraj) త‌న స‌హ‌నాన్ని కోల్పోయాడు. రెండో రోజు ఆట సంద‌ర్భంగా ఇంగ్లండ్ ఓపెన‌ర్ బెన్ డ‌కెట్‌తో సిరాజ్ వాగ్వాదానికి దిగాడు.తొలి ఇన్నింగ్స్‌లో ఇంగ్లండ్‌కు ఓపెన‌ర్లు బెన్ డ‌కెట్‌(94), జాక్ క్రాలీ(84) అద్బుత‌మైన ఆరంభాన్ని ఇచ్చారు. మొద‌టి వికెట్‌కు 166 ప‌రుగుల భారీ భాగ‌స్వామ్యాన్ని నెల‌కొల్పారు. వీరిద్ద‌రి భాగ‌స్వామ్యాన్ని భార‌త బౌల‌ర్లు తీవ్రంగా శ్ర‌మించారు.కానీ ఇంగ్లండ్ ఓపెన‌ర్లు మాత్రం వ‌న్డే త‌ర‌హాలో బ్యాటింగ్ చేస్తూ స్కోర్ బోర్డును ప‌రుగులు పెట్టించారు. ముఖ్యంగా మ‌హ్మ‌ద్ సిరాజ్‌ను బెన్ డ‌కెట్ ఓ ఆట ఆడేసికున్నాడు. అత‌డి బౌలింగ్‌లో బౌండ‌రీలు బాదుతూ డ‌కెట్ ప‌రుగులు రాబ‌ట్టుకున్నాడు.ఈ క్ర‌మంలో త‌న ప్ర‌శాంత‌త‌ను కోల్పోయిన సిరాజ్.. డ‌కెట్‌తో గొడ‌వ‌ప‌డ్డాడు. ఏదో విష‌యంలో డ‌కెట్ అంపైర్‌కు ఫిర్యాదు చేస్తుండ‌గా బౌలింగ్ ఎండ్‌లో సిరాజ్ త‌న నోటికి పనిచెప్పాడు. వేలు చూపిస్తూ అత‌డిపై సీరియ‌స్ అయ్యాడు. అందుకు బ‌దులుగా డ‌కెట్ సైతం మాటల యుద్దానికి దిగాడు. అంపైర్ జోక్యం చేసుకోవ‌డంతో గొడ‌వ స‌ద్దుమ‌ణిగింది. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌లవుతోంది. ఇది చూసిన నెటిజ‌న్లు సిరాజ్ భ‌య్యా ఇది అవ‌స‌ర‌మా అంటూ కామెంట్లు చేస్తున్నారు.కాగా డ‌కెట్‌తో సిరాజ్ గొడ‌వ‌ప‌డ‌డం ఇది తొలిసారి కాదు. లార్డ్స్ టెస్టులో డకెట్‌ను అవుట్ చేసిన తర్వాత అతిగా సెలబ్రేట్ చేసుకున్నందుకు మహమ్మద్ సిరాజ్‌కు మ్యాచ్ ఫీజులో 15 శాతం జ‌రిమానా ఐసీసీ విధించింది. ఇప్పుడు కూడా అదేవిధంగా సిరాజ్ ప్ర‌వ‌ర్తిస్తుండ‌డంతో ఐసీసీ తీవ్ర చ‌ర్య‌లు తీసుకునే అవ‌కాశ‌ముంది. కాగా మాంచెస్ట‌ర్ టెస్టులో ఇప్ప‌టివ‌ర‌కు 10 ఓవ‌ర్లు బౌలింగ్ చేసిన సిరాజ్.. వికెట్ ఏమీ తీయ‌కుండా 58 ప‌రుగులు స‌మ‌ర్పించుకున్నాడు.Tempers flared between Ben Duckett and M. Siraj. 🔥#ENGvIND 👉 4th TEST, DAY 2 | LIVE NOW on JioHotstar 👉 https://t.co/Y3btplYguV pic.twitter.com/MmTP86rXNU— Star Sports (@StarSportsIndia) July 24, 2025

మాంచెస్ట‌ర్ వేదిక‌గా ఇంగ్లండ్‌తో జ‌రుగుతున్న నాలుగో టెస్టులో టీమిండియా ఆల్‌రౌండ‌ర్ శార్ధూల్ ఠాకూర్ బ్యాట్‌తో రాణించాడు. ఏడో స్ధానంలో బ్యాటింగ్‌కు వ‌చ్చిన శార్ధూల్‌.. 88 బంతులు ఎదుర్కొని 41 ప‌రుగులు చేసి ఔట‌య్యాడు. అయితే బౌలింగ్‌లో మాత్రం మ‌రోసారి లార్డ్ ఠాకూర్ తేలిపోయాడు.ఇప్ప‌టివ‌ర‌కు 5 ఓవ‌ర్లు బౌలింగ్ చేసిన ఠాకూర్ వికెట్ ఏమీ తీయ‌కుండా 35 ప‌రుగులు స‌మ‌ర్పించుకున్నాడు. లీడ్స్‌లో జ‌రిగిన తొలి టెస్టులో విఫ‌ల‌మం కావ‌డంతో శార్ధూల్‌పై టీమ్‌మెనెజ్‌మెంట్‌పై వేటు ప‌డింది. ఆ త‌ర్వాత‌ రెండు మ్యాచ్‌ల‌కు బెంచ్‌కే ప‌రిమిత‌మైన ఈ ముంబై ఆల్‌రౌండ‌ర్‌.. తిరిగి మళ్లీ మాంచెస్ట‌ర్ టెస్టులో ఆడేందుకు అత‌డికి ఛాన్స్ ల‌భించింది.అయితే బౌల‌ర్‌గా శార్ధూల్ సేవ‌ల‌ను టీమిండియా స‌రిగ్గా ఉప‌యోగించుకోవ‌డం లేద‌ని విమ‌ర్శ‌లు వ‌స్తున్నాయి. దేశ‌వాళీ క్రికెట్‌లో బౌల‌ర్‌గా అద్బుతంగా రాణిస్తున్న ఠాకూర్‌కు మొద‌టి టెస్టులో కేవ‌లం 16 ఓవ‌ర్లు మాత్ర‌మే వేసే అవ‌కాశం ద‌క్కింది. ఇప్పుడు మాంచెస్ట‌ర్ టెస్టులో కూడా కేవ‌లం 5 ఓవ‌ర్లు మాత్ర‌మే శార్ధూల్‌తో గిల్ బౌలింగ్ చేయించాడు. తాజాగా ఇదే విష‌యంపై శార్ధూల్ ఠాకూర్ స్పందించాడు. పరిస్థితులకు అనుగుణంగా ఎవరిని బౌలింగ్ చేయాలనేది కెప్టెన్ ఇష్ట‌మే అని ఠాకూర్ తెలిపాడు."ఒక బౌల‌ర్‌కు బౌలింగ్ ఇవ్వ‌డం, ఇవ్వ‌క‌పోవ‌డం అది కెప్టెన్ నిర్ణ‌యం. అది నా చేతుల్లో లేదు. బౌలింగ్‌లో ఎప్పుడు ఎవ‌రిని ఎటాక్‌లోకి తీసుకురావాలో కెప్టెన్ నిర్ణయిస్తాడు. ఈ మ్యాచ్‌లో ఇంకా మూడు రోజుల ఆట మిగిలి ఉంది. మ‌రిన్ని ఓవ‌ర్లు బౌలింగ్ చేసే అవ‌కాశం ల‌భిస్తుంద‌ని ఆశిస్తున్నాను" అని రెండో రోజు ఆట అనంత‌రం విలేక‌రుల స‌మావేశంలో ఠాకూర్ పేర్కొన్నాడు.ఇక మాంచెస్ట‌ర్ టెస్టు తొలి ఇన్నింగ్స్‌లో ఇంగ్లండ్ భారీ ఆధిక్యం దిశ‌గా సాగుతోంది. రెండో రోజు ఆట ముగిసే స‌మ‌యానికి ఇంగ్లండ్ రెండు వికెట్లు కోల్పోయి 225 పరుగులు చేసింది. అంత‌కుముందు భార‌త్ త‌మ తొలి ఇన్నింగ్స్‌లో 358 పరుగుల‌కు ఆలౌటైంది.

భారత అండర్-19 కెప్టెన్, చెన్నై సూపర్ కింగ్స్ యువ సంచ‌ల‌నం ఆయుష్ మాత్రే ఆల్‌టైమ్ రికార్డు సృష్టించాడు. యూత్ టెస్ట్ చరిత్రలో అత్యంత వేగవంతమైన సెంచరీ చేసిన ప్లేయర్‌గా మాత్రే నిలిచాడు. చెమ్స్‌ఫోర్డ్ వేదిక‌గా ఇంగ్లండ్ అండర్‌-19 జట్టుతో జరిగిన రెండో యూత్ టెస్టు సెకెండ్ ఇన్నింగ్స్‌లో మాత్రే ఆకాశమే హద్దుగా చెలరేగాడు.వన్డే తరహాలో కేవలం 64 బంతుల్లోనే తన సెంచరీ మార్క్‌ను అందుకున్నాడు. ఓవరాల్‌గా 80 బంతులు ఎదుర్కొన్న మాత్రే.. 13 ఫోర్లు, 6 సిక్స్‌లతో 126 పరుగులు చేశాడు. ఇంతకుముందు ఈ రికార్డు ఇంగ్లండ్‌కు చెందిన జార్జ్ బెల్ పేరిట ఉంది. అతడు 2022లో శ్రీలంక అండర్‌-19 టీమ్‌పై 88 బంతుల్లో సెంచరీ చేశాడు. తాజా మ్యాచ్‌తో బెల్ అల్‌టైమ్ రికార్డును మాత్రే బ్రేక్ చేశాడు.ఇక మ్యాచ్ విషయానికి వస్తే.. రెండో యూత్ టెస్టు డ్రాగా ముగిసింది. ఇంగ్లండ్ జట్టు ఆఖరి రోజు ఆటలో భారత్ ముందు 355 పరుగుల భారీ టార్గెట్ ఉంచింది. ఈ లక్ష్య చేధనలో భారత్ ఆరంభంలోనే వైభవ్ సూర్యవంశీ(0) వికెట్‌ను కోల్పోయింది. ఈ క్రమంలో ఆయూష్ మాత్రం కెప్టెన్ ఇన్నింగ్స్ ఆడాడు.వికెట్ కీపర్ బ్యాటర్ అభిజ్ఞాన్ కుండు(65)తో కలిసి స్కోర్ బోర్డును ముందుకు నడిపించాడు. అయితే భారత విజయానికి 65 పరుగులు కావాల్సిన సమయంలో వెలుతురులేమి కారణంగా మ్యాచ్‌ను అంపైర్‌లు డ్రా ముగించారు.టీమిండియా సెకెండ్ ఇన్నింగ్స్‌లో 43 ఓవర్లు ఎదుర్కొని 6 వికెట్ల నష్టానికి 290 పరుగులు చేసింది. తొలి ఇన్నింగ్స్‌లో కూడా మాత్రే 80 పరుగులతో రాణించాడు. తొలి యూత్ టెస్టులో కూడా మాత్రే సెంచరీతో మెరిశాడు. కాగా రెండు యూత్ టెస్టులు కూడా డ్రాగానే ముగిశాయి. వన్డే సిరీస్ మాత్రం భారత్ 3-2తో సొంతం చేసుకుంది.చదవండి: IND vs ENG: చరిత్ర సృష్టించిన రిషబ్ పంత్‌.. తొలి ప్లేయర్‌గా ప్రపంచ రికార్డు

ఆండ‌ర్స‌న్‌-టెండూల్క‌ర్ ట్రోఫీలో టీమిండియా కొత్త‌ టెస్టు కెప్టెన్ శుబ్‌మ‌న్ గిల్ దుమ్ములేపుతున్న సంగ‌తి తెలిసిందే. ఇంగ్లండ్‌తో జ‌రుగుతున్న తొలి టెస్టులో శ‌త‌క్కొట్టిన గిల్‌.. ఆ త‌ర్వాత ఎడ్జ్‌బాస్ట‌న్‌లో భీబ‌త్సం సృష్టించాడు. తొలి ఇన్నింగ్స్‌లో డబుల్ సెంచరీ(262)తో చెలరేగిన శుబ్‌మన్‌, రెండో ఇన్నింగ్స్‌లో సూపర్ సెంచరీతో మెరిశాడు.కానీ లార్డ్స్ లో జరిగిన మూడో టెస్టులో రెండు ఇన్నింగ్స్‌ల(16,6)లోనూ విఫలమయ్యాడు. ఈ క్ర‌మంలో శుబ్‌మ‌న్ గిల్‌పై భారత మాజీ క్రికెటర్, వ్యాఖ్యాత సంజయ్ మంజ్రేకర్ ఆస‌క్తిక‌ర వ్యాఖ్య‌లు చేశాడు. మాంచెస్టర్‌లోని ఓల్డ్ ట్రాఫోర్డ్‌లో ఇంగ్లండ్‌తో జ‌రిగే నాలుగో టెస్టులో గిల్ తిరిగి అత్యుత్తమ ప్రదర్శనను కనబరుస్తాడని మంజ్రేక‌ర్ జోస్యం చెప్పాడు. కాగా సిరీస్ ఆశ‌ల‌ను స‌జీవంగా ఉంచుకోవాలంటే నాలుగో టెస్టులో భార‌త్ కచ్చితంగా గెల‌వాల్సిందే. ఈ కీల‌క మ్యాచ్‌లో గిల్ ఎలా రాణిస్తాడో అని అభిమానులు ఆసక్తిగా ఎదురుచూస్తున్నారు.శుబ్‌మ‌న్ గిల్ గిల్ త‌న ఫామ్‌ను కొన‌సాగిస్తాడ‌ని నేను భావిస్తున్నాను. అత‌డికి ఆ స‌త్తా ఉంది. లార్డ్స్ టెస్టుకు మాంచెస్ట‌ర్‌లో జ‌రిగే నాలుగో టెస్టుకు దాదాపు ఎనిమిది రోజుల విశ్రాంతి ల‌భించింది. దీంతో అత‌డు కాస్త రిలాక్స్‌గా ఉంటాడు. త‌న తండ్రి, స్నేహితులతో చాలా విష‌యాలు అత‌డు చ‌ర్చించి ఉంటాడు. గిల్ త‌న కెప్టెన్సీ, వ్యూహాలు, ఫీల్డింగ్‌, బ్యాటింగ్‌పై పెట్టాలి. అప్పుడే మాంచెస్ట‌ర్‌లో గిల్‌ ర‌న్‌మిష‌న్ తిరిగి మ‌ళ్లీ ప‌నిచేస్తోంది. ప్ర‌స్తుత భార‌త జ‌ట్టులో గిల్ పాత్ర చాలా ముఖ్య‌మైనది. లార్డ్స్‌లో జ‌రిగిన మూడో టెస్టులో గిల్ బ్యాట్‌తో విఫ‌ల‌మ‌య్యాడు. దీంతో భార‌త్ ఓడిపోయింది. అయిన‌ప్ప‌టికి మెన్ ఇన్ బ్లూ ఆఖ‌రి వ‌ర‌కు పోరాడింది. దీని బ‌ట్టి భార‌త జ‌ట్టు కేవ‌లం గిల్ ఒక్క‌డిపైనే ఆధార‌ప‌డ‌టం లేద‌ని ఆర్ధ‌మైంది అని జియో హాట్‌స్టార్‌కు ఇచ్చిన ఇంట‌ర్వ్యూలో మంజ్రేకర్ పేర్కొన్నాడు.

అండర్సన్‌-సచిన్ డెండూల్కర్ ట్రోఫీలో భాగంగా భారత్‌-ఇంగ్లండ్ మధ్య నాలుగో టెస్టు జూలై 23 నుంచి మాంచెస్టర్ వేదికగా ప్రారంభం కానుంది. ప్రస్తుతం ఈ సిరీస్‌లో ఇంగ్లండ్ జట్టు 2-1 ఆధిక్యంలో ఉంది. లార్డ్స్ టెస్టులో గెలవాల్సిన మ్యాచ్‌లో మెన్ ఇన్ బ్లూ ఓడిపోవడంతో సిరీస్‌లో వెనకబడింది.ఈ క్రమంలో మాంచెస్టర్‌లో ఎలాగైనా గెలిచి మూడో టెస్టు ఓటమికి బదులు తీర్చుకోవాలని భారత జట్టు భావిస్తోంది. ఈ క్రమంలో టీమిండియా మాజీ కెప్టెన్ అనిల్ కుంబ్లే కీలక వ్యాఖ్యలు చేశాడు. ఈ సిరీస్‌లో మిగిలిన రెండు మ్యాచ్‌లలోనూ భారత పేసర్ గుర్రం జస్ప్రీత్ బుమ్రాను ఆడించాలని టీమ్‌మెనెజ్‌మెంట్‌ను కుంబ్లే సూచించాడు.​కాగా వ‌ర్క్‌లోడ్ మేనేజ్‌మెంట్‌లో భాగంగా బుమ్రా ఇంగ్లండ్ ప‌ర్య‌ట‌న‌లో కేవ‌లం మూడు మ్యాచ్‌లు మాత్ర‌మే ఆడ‌తాడ‌ని జట్టు సెలక్షన్ సమయంలోనే బీసీసీఐ సెలక్షన్ కమిటీ స్పష్టం చేశాడు. ఇందులో భాగంగానే తొలి టెస్టులో ఆడిన బుమ్రా.. రెండు మ్యాచ్‌కు విశ్రాంతి తీసుకున్నాడు. ఈ స్పీడ్ స్టార్ తిరిగి లార్డ్స్‌లో జరిగిన మూడో టెస్టులో ఆడాడు. ఇప్పుడు కీలకమైన నాలుగో టెస్టులో కూడా బుమ్రా ఆడాలని పలువురు మాజీలు డిమాండ్ చేస్తున్నారు."ఇండియన్ టీమ్ మెనెజ్‌మెంట్‌లో నేను భాగమై ఉంటే బుమ్రాను కచ్చితంగా మాంచెస్టర్ టెస్టులో ఆడిస్తాను. ఎందుకంటే భారత జట్టుకు ఆ మ్యాచ్ చాలా కీలకం. ఒకవేళ ఈ మ్యాచ్‌లో భారత్ ఓడిపోతే సిరీస్ కథ ముగిసినట్లే. బుమ్రా నాలుగో టెస్టులోనూ కాదు ఆఖరి మ్యాచ్‌లో కూడా ఆడాలి.ముందే మూడు మ్యాచ్‌లు ఆడుతానని బుమ్రా చెప్పొండచ్చు. కానీ ఈ సిరీస్ తర్వాత అతడికి చాలా విశ్రాంతి లభిస్తోంది. కాబట్టి మిగిలిన రెం‍డు మ్యాచ్‌లలో కూడా బుమ్రా కచ్చితంగా ఆడాలి. అతడికి మరింత విశ్రాంతి ఇవ్వాలనుకుంటే, స్వదేశంలో జరిగే సిరీస్‌లకు పక్కనపెట్టండి" అని ఓ ఛానల్‌కు ఇచ్చిన ఇంటర్వ్యూలో కుంబ్లే పేర్కొన్నాడు.చదవండి: IND vs ENG: వామ్మో మాంచెస్టర్‌.. భారత్‌ను భయపెడుతున్న గత రికార్డులు

లార్డ్స్ టెస్టులో అనుహ్య ఓట‌మి త‌ర్వాత ఆతిథ్య ఇంగ్లండ్‌తో మ‌రో కీల‌క పోరుకు టీమిండియా సిద్ద‌మైంది. జూలై 23 నుంచి మాంచెస్టర్‌లోని ఓల్డ్ ట్రాఫోర్డు మైదానం వేదిక‌గా ప్రారంభం కానున్న నాలుగో టెస్టులో భార‌త్‌-ఇంగ్లండ్ జ‌ట్లు అమీతుమీ తెల్చుకోనున్నాయి.ఈ మ్యాచ్ గెలిచి సిరీస్ సొంతం చేసుకోవాలని ఇంగ్లండ్ భావిస్తుంటే.. భార‌త్ మాత్రం ప్ర‌త్య‌ర్ధిని ఎలాగైనా ఓడించి సిరీస్‌ను స‌మం చేయాల‌ని ప‌ట్టుద‌ల‌తో ఉంది. ఈ మ్యాచ్ కోసం శుబ్‌మ‌న్ గిల్ సార‌థ్యంలోని భార‌త జ‌ట్టు నెట్స్‌లో తీవ్రంగా శ్ర‌మిస్తోంది. అయితే ఈ కీలక‌పోరుకు ముందు మాంచెస్ట‌ర్‌లో గ‌త రికార్డులు టీమిండియాను భయ‌పెడుతున్నాయి.ఇంగ్లండ్‌దే పైచేయి..ఈ ప‌ర్య‌ట‌న‌లో ఎడ్జ్‌బాస్ట‌న్ టెస్టులో విజ‌యం సాధించి ఇంగ్లండ్ కంచుకోట‌ను బ‌ద్ద‌లు కొట్టిన భార‌త జ‌ట్టు.. ఇప్పుడు మాంచెస్ట‌ర్‌పై క‌న్నేసింది. ఇప్ప‌టివ‌ర‌కు మాంచెస్టర్‌లోని ఓల్డ్ ట్రాఫోర్డు మైదానంలో టీమిండియా ఒక్క టెస్టు మ్యాచ్‌లో కూడా గెల‌వలేదు. ఈ మైదానం వేదిక‌గా భార‌త్‌-ఇంగ్లండ్ మ‌ధ్య మొత్తం తొమ్మిది టెస్టులు జ‌రిగాయి.అందులో ఇంగ్లండ్ నాలుగింట విజ‌యం సాధించ‌గా.. మ‌రో ఐదు టెస్టులు డ్రాగా ముగిశాయి. ఈ మైదానంలో టీమిండియా తొలి టెస్టు మ్యాచ్ 1936లో ఆడింది. అప్పటి నుంచి భారత జట్టుకు విజయం అందని ద్రాక్షగా మిగిలిపోయింది. భార‌త జ‌ట్టు చివ‌ర‌సారిగా ఈ వేదిక‌లో 2014లో టెస్టు మ్యాచ్ ఆడింది. మ‌ళ్లీ ఇప్పుడు 11 ఏళ్ల త‌ర్వాత ఈ ప్ర‌తిష్టాత్మక మైదానంలో భార‌త్ ఆడ‌నుంది.భారత ఓటమికి కారణమిదే..?ఇప్ప‌టివ‌ర‌కు ఈ మైదానంలో భార‌త జ‌ట్టు విజ‌యం సాధించిక‌పోవ‌డం వెన‌క చాలా కార‌ణాలు ఉన్నాయి. ఈ మైదానంలో పిచ్ ఎక్కువగా ఫాస్ట్ బౌల‌ర్ల‌కు స‌హ‌క‌రిస్తోంది. ఈ గ్రీన్ టాప్ వికెట్‌పై పేసర్లు పండగ చేసుకుంటారు. ఇటువంటి పిచ్‌పై ఆసియా జట్లకు ఆడడం చాలా కష్టంగా ఉంటుంది.బ్యాటర్లు స్వింగింగ్ కండీషన్స్‌కు అలవాటు పడకపోవడంతో ఈ మైదానంలో ఏషియన్ జట్లు ఎక్కువగా ఓటమి చవిచూడాల్సి వస్తోంది. ఈ మైదానంలో ఇంగ్లండ్ జట్టుకు అద్బుతమైన ట్రాక్ రికార్డు ఉంది. 84 టెస్టుల్లో ఆతిథ్య జట్టు 33 మ్యాచ్‌ల్లో, 15 మ్యాచ్‌లలో ఓటమి చవిచూసింది.మిగిలిన 36 మ్యాచ్‌లను డ్రాగా ముగిసింది. ఈ మైదానంలో భారత అత్యధిక స్కోర్ 390 పరుగులగా ఉంది. ప్రస్తుతం భారత జట్టులో ర‌వీంద్ర జ‌డేజా, కేఎల్ రాహుల్ మిన‌హా మిగితా ఎవ‌రూ కూడా మైదానంలో ఒక్క టెస్టు మ్యాచ్ కూడా ఆడలేదు. టీమిండియా తరపున‌ ఈ మైదానంలో అత్యధిక పరుగులు చేసిన ఆటగాడు సునీల్ గవాస్కర్ ఉన్నారు. ఆయ‌న ఈ మైదానంలో మూడు టెస్టులు ఆడి 242 పరుగులు చేశాడు.మాంచెస్టర్‌లో భారత రికార్డులుఅత్యధిక స్కోరు: 119.2 ఓవర్లలో 432/10 (ఆగస్టు 1990).అత్యల్ప స్కోరు: 21.4 ఓవర్లలో 58/10 (జూలై 1952).అతిపెద్ద ఓటమి (ఇన్నింగ్స్ వారీగా): 1952లో భారత్‌ను ఇంగ్లండ్ ఇన్నింగ్స్ అండ్ 207 పరుగుల తేడాతో ఓడించింది.అతిపెద్ద ఓటమి (పరుగులు వారీగా): జూలై 1959లో భారత్‌ను 171 పరుగుల తేడాతో ఆతిథ్య జట్టు ఓడించింది.అత్యధిక పరుగులు: సునీల్ గవాస్కర్ మూడు టెస్టుల్లో 242 పరుగులు.అత్యధిక స్కోరు: ఆగస్టు 1990లో మహ్మద్ అజారుద్దీన్ 243 బంతుల్లో 179 పరుగులు.అత్యధిక సగటు: సచిన్ టెండూల్కర్ 187.00 (ఒక టెస్ట్‌లో 187 పరుగులు).సెంచరీలు చేసిన ప్లేయర్లు వీరే: సయ్యద్ ముస్తాక్ అలీ, విజయ్ మర్చంట్, అబ్బాస్ అలీ బేగ్, పాలీ ఉమ్రిగర్, సునీల్ గవాస్కర్, సందీప్ పాటిల్, మహ్మద్ అజారుద్దీన్ సచిన్ టెండూల్కర్.

ఇంగ్లండ్‌తో మాంచెస్ట‌ర్ వేదిక‌గా జూలై 23 నుంచి ప్రారంభం కానున్న నాలుగో టెస్టులో త‌ల‌ప‌డేందుకు టీమిండియా సిద్ద‌మైంది. ఈ మ్యాచ్ కోసం భార‌త జ‌ట్టు బెకెన్‌హామ్‌లో త‌మ ప్రాక్టీస్‌ను మొద‌లు పెట్టింది. గురువారం తొలి ప్రాక్టీస్ సెష‌న్‌లో గిల్ సేన తీవ్రంగా శ్ర‌మించింది. అయితే ఈ ప్రాక్టీస్ సెష‌న్‌కు టీమిండియా స్టార్ వికెట్ కీప‌ర్ రిష‌బ్ పంత్ దూర‌మ‌య్యాడు.లార్డ్స్ వేదిక‌గా జ‌రిగిన మూడో టెస్టులో పంత్ చేతి వేలికి గాయ‌మైంది. దీంతో అత‌డి స్ధానంలో ధ్రువ్ జురెల్ స‌బ్‌స్ట్యూట్ వికెట్ కీప‌ర్‌గా బాధ్య‌త‌లు నిర్వ‌ర్తించాడు. ఫీల్డింగ్‌కు దూరంగా ఉన్న పంత్‌.. రెండు ఇన్నింగ్స్‌లో బ్యాటింగ్‌కు మాత్రం వ‌చ్చాడు. తీవ్ర‌మైన నొప్పితో బాధ‌ప‌డుతూనే బ్యాటింగ్ చేశాడు. ఈ క్ర‌మంలో నాలుగో టెస్టుకు పంత్ అందుబాటులో ఉంటాడా లేదా అన్నది ప్ర‌స్తుతం ప్ర‌శ్నార్ధ‌కంగా మారింది. తాజాగా పంత్ గాయంపై భార‌త అసిస్టెంట్ కోచ్ ర్యాన్ టెన్‌డెష్కాట్ అప్‌డేట్ ఇచ్చాడు. పంత్ ఇంకా నొప్పితో బాధ‌ప‌డుతున్నాడ‌ని, మాంచెస్టర్ టెస్ట్ స‌మ‌యానికి ఫిట్‌నెస్ సాధిస్తాడ‌ని టెన్‌డెష్కాట్ థీమా వ్య‌క్తం చేశాడు."మాంచెస్టర్‌లో జ‌రిగే నాలుగో టెస్టుకు ముందు పంత్ త‌న బ్యాటింగ్ ప్రాక్టీస్‌ను మొద‌లు పెడ‌తాడు. ఆ స‌మ‌యానికి అత‌డు క‌చ్చితంగా ఫిట్‌నెస్ సాధిస్తాడ‌న్న న‌మ్మ‌కం ఉంది. అత‌డు మూడో టెస్టులో చాలా నొప్పితో బ్యాటింగ్ చేశాడు. ఆ త‌ర్వాత అత‌డి చేతి వేలి నొప్పి కాస్త త‌గ్గింది.కానీ ముందుస్తు జాగ్ర‌త్త‌గా ప్ర‌స్తుతం అత‌డు ప్రాక్టీస్‌కు దూరంగా ఉన్నాడు. వికెట్ కీపింగ్ చేయ‌గ‌ల‌డా లేదా అన్న‌ది ఆఖ‌రిలో మేము నిర్ధారించుకుంటాము. మ‌రోసారి ఇన్నింగ్స్ మధ్యలో కీపర్‌ను మార్చాల్సిన పరిస్థితి రాకూడ‌దు. పూర్తి ఫిట్‌నెస్ సాధిస్తే పంత్‌నే బ్యాటింగ్‌, వికెట్ కీపింగ్ రెండూ చేస్తాడు. రాబోయే రోజుల్లో అత‌డి ఫిట్‌నెస్‌పై క‌చ్చితంగా అప్‌డేట్ ఇస్తామ‌ని" విలేక‌రుల స‌మావేశంలో డెష్కాట్ పేర్కొన్నాడు.చదవండి: ENG vs IND: ఇంగ్లండ్‌తో నాలుగో టెస్టు.. టీమిండియాకు భారీ షాక్‌

టీమిండియా స్టార్ బ్యాటర్ విరాట్ కోహ్లి టీ20లకు, టెస్టులకు వీడ్కోలు పలికినప్పటికి అంతర్జాతీయ క్రికెట్‌లో తన రికార్డుల వేట మాత్రం కొనసాగిస్తున్నాడు. విరాట్ కోహ్లి మరో అరుదైన రికార్డును తన ఖాతాలో వేసుకున్నాడు. అంతర్జాతీయ క్రికెట్ కౌన్సిల్ తాజాగా ఆల్‌టైమ్ టీ20 ర్యాంకింగ్స్‌లో విరాట్ కోహ్లి రేటింగ్ పాయింట్స్‌ను అప్‌డేట్ చేసింది.కోహ్లి రేటింగ్ పాయింట్స్ 897 నుంచి 909కి పెరిగాయి. దీంతో ఐసీసీ ర్యాంకింగ్స్‌లో మూడు ఫార్మాట్లలో 900 ప్లస్ రేటింగ్ పాయింట్స్ అందుకున్న తొలి ప్లేయర్‌గా కింగ్ కోహ్లి వరల్డ్ రికార్డు సృష్టించాడు. ఇప్పటికే విరాట్ కోహ్లి టెస్టు క్రికెట్‌లో అత్యధికంగా 937 రేటింగ్ పాయింట్స్ సాధించగా.. వన్డేల్లో అతడి పేరిట 909 రేటింగ్ పాయింట్స్ ఉన్నాయి.ఓవరాల్‌గా ఆల్‌ టైమ్ టీ20 ర్యాంకింగ్స్‌లో ఇంగ్లండ్ మాజీ ఓపెనర్‌ డేవిడ్ మలన్ 919 రేటింగ్ పాయింట్స్‌తో అగ్రస్థానంలో కొనసాగుతుండగా.. సూర్యకుమార్ యాదవ్ 912 రేటింగ్ పాయింట్స్‌తో నిలిచాడు. వీరిద్దరి తర్వాత స్ధానంలో కోహ్లి ఉన్నాడు.కోహ్లి తన కెరీర్‌లో 125 అంతర్జాతీయ టీ20లు ఆడి 48.69 సగటుతో 4,188 పరుగులు చేశాడు. ఇందులో ఒక సెంచరీతో పాటు 38 హాఫ్ సెంచరీలు ఉన్నాయి. అదేవిధంగా టెస్టుల్లో 123 మ్యాచ్‌లు ఆడి 9230 పరుగులు చేశాడు. అందులో 30 సెంచరీలు, 31 హాఫ్‌ సెంచరీలు ఉన్నాయి. టీ20, టెస్టులకు రిటైర్మెంట్‌ ప్రకటించిన కోహ్లి ప్రస్తుతం వన్డేల్లో మాత్రమే కొనసాగుతున్నాడు. కోహ్లి రికార్డు స్ధాయిలో 51 వన్డే సెంచరీలు చేశాడు.చదవండి: IND vs ENG: 'త‌ప్పేమి కాదు.. అత‌డు త‌న రిటైర్మెంట్‌ను వెన‌క్కి తీసుకోవాలి'

లార్డ్స్ వేదిక‌గా ఇంగ్లండ్‌తో జ‌రిగిన మూడో టెస్టులో 22 ప‌రుగుల తేడాతో భార‌త్ ఓట‌మి పాలైన సంగ‌తి తెలిసిందే. 193 ప‌రుగుల ల‌క్ష్యాన్ని చేధించ‌లేక టీమిండియా చ‌త‌క‌ల‌ప‌డింది. ర‌వీంద్ర జ‌డేజా (61 నాటౌట్; 181 బంతుల్లో 4 ఫోర్లు, 1 సిక్స్‌) ఒంటరి పోరాటం చేసినా.. మిగిలిన‌ బ్యాట‌ర్లు విఫ‌లం కావ‌డంతో భార‌త్ ఓట‌మి చ‌విచూడాల్సి వ‌చ్చింది.ఇంగ్లండ్ బౌల‌ర్ల‌లో కెప్టెన్ బెన్ స్టోక్స్‌, జోఫ్రా ఆర్చ‌ర్ త‌లా మూడు వికెట్లు ప‌డ‌గొట్ట‌గా.. బ్రైడ‌న్ కార్స్ రెండు వికెట్లు సాధించాడు. ఇక గిల్ సేన ఓట‌మిపై మ్యాచ్‌ అనంతరం భార‌త క్రికెట్ దిగ్గ‌జం సునీల్ గ‌వాస్క‌ర్ స్పందించారు. ల‌క్ష్య చేధ‌నలో బ్యాట‌ర్లు భాగ‌స్వామ్యాల‌ను నెల‌కొల్ప‌క‌పోవ‌డం వ‌ల్ల భార‌త్ ఓటమి పాలైంద‌ని ఆయ‌న తెలిపారు."భార‌త రెండో ఇన్నింగ్స్‌లో క‌నీసం ఒక్క‌టైన 60 నుంచి 70 ప‌రుగుల భాగ‌స్వామ్యం న‌మోదైంటే ఫ‌లితం మ‌రో విధంగా ఉండేది. కానీ భార‌త బ్యాట‌ర్లు అలా చేయ‌డంలో విఫ‌ల‌మ‌య్యారు. స్పిన్న‌ర్లు జో రూట్, షోయబ్ బషీర్ బౌలింగ్ చేస్తున్నప్పుడు జ‌డేజా దూకుడుగా ఆడ‌లేద‌ని కొంత‌మంది విమ‌ర్శిస్తున్నారు. కానీ ఆ స‌మ‌యంలో అత‌డు ఆడిన తీరు స‌రైన‌దే. ఎందుకుంటే బ‌య‌ట మ‌రో వికెట్ లేదు. జ‌డేజా పోరాటానికి పూర్తి మార్క్‌లు ఇవ్వాల్సిందేన‌ని" అధికారిక బ్రాడ్‌కాస్ట‌ర్ సోనీ స్పోర్ట్స్‌కు ఇచ్చిన ఇంట‌ర్వ్యూలో స‌న్నీ పేర్కొన్నారు. కాగా భార‌త కెప్టెన్ శుబ్‌మ‌న్ గిల్ సైతం త‌మ ఓట‌మికి కార‌ణం ఇదే చెప్పుకొచ్చాడు. ఒక 50 ప‌రుగుల భాగ‌స్వామ్యం వ‌చ్చి వున్నా తాము గెలిచే వాళ్ల‌మ‌ని గిల్ అన్నాడు. ఇక భార‌త్‌-ఇంగ్లండ్ మ‌ధ్య మూడో టెస్టు జూలై 23 నుంచి మాంచెస్ట‌ర్ వేదిక‌గా ప్రారంభం కానుంది. ఈ మ్యాచ్ కోసం ఇంగ్లండ్ త‌మ జ‌ట్టును ప్ర‌క‌టించింది. ఎనిమిదేళ్ల త‌ర్వాత ఇంగ్లండ్ టెస్టు జ‌ట్టులోకి లైమ్ డాస‌న్ వచ్చాడు. భార‌త్ కూడా త‌మ తుది జ‌ట్టులో మార్పులు చేసే ఛాన్స్ ఉంది.చదవండి: IND vs ENG: భార‌త్‌తో నాలుగో టెస్టు.. ఇంగ్లండ్ జట్టు ప్రకటన! 8 ఏళ్ల త‌ర్వాత స్టార్ ప్లేయ‌ర్ రీఎంట్రీ

స‌న్‌రైజ‌ర్స్ హైద‌రాబాద్(SRH) ఫ్రాంచైజీ కీల‌క నిర్ణయం తీసుకుంది. త‌మ జ‌ట్టు బౌలింగ్ కోచ్ టీమిండియా మాజీ ఫాస్ట్ బౌల‌ర్ వ‌రుణ్ ఆరోన్‌(Varun Aaron)ను ఎస్ఆర్‌హెచ్ మెనెజ్‌మెంట్ నియ‌మించింది. ఈ విష‌యాన్ని సోషల్ మీడియా వేదిక‌గా ఎస్ఆర్‌హెచ్ వెల్ల‌డించింది. గ‌త సీజ‌న్‌లో ఆరెంజ్ ఆర్మీ బౌలింగ్ కోచ్‌గా ప‌నిచేసిన కివీస్ మాజీ ఆల్‌రౌండ‌ర్ జేమ్స్ ఫ్రాంక్లిన్ స్ధానాన్ని భ‌ర్తీ చేయ‌నున్నాడు.ఆరోన్‌కు అంత‌ర్జాతీయ క్రికెట్‌తో పాటు ఐపీఎల్‌లో ఆడిన అనుభ‌వం ఉంది. జార్ఖండ్‌కు చెందిన వ‌రున్ ఆరోన్ 9 టెస్టులు, 9 వ‌న్డేల్లో భార‌త జ‌ట్టుకు ప్రాతినిథ్యం వ‌హించాడు. మొత్తంగా 29 అంత‌ర్జాతీయ వికెట్లు ప‌డ‌గొట్టాడు. ఇక ఐపీఎల్‌లో గుజ‌రాత్ టైటాన్స్‌, రాయల్ ఛాలెంజర్స్ బెంగళూరు, ఢిల్లీ డేర్‌డెవిల్స్ (ప్రస్తుతం ఢిల్లీ క్యాపిటల్స్), రాజస్థాన్ రాయల్స్, పంజాబ్ కింగ్స్ జ‌ట్లు త‌ర‌పున ఆడాడు.త‌న ఐపీఎల్ కెరీర్‌లో 44 వికెట్లు ప‌డ‌గొట్టాడు. ఓవ‌రాల్‌గా 95 టీ20ల్లో 93 వికెట్ల‌ను త‌న ఖాతాలో వేసుకున్నాడు. ఆరోన్ చివ‌ర‌గా విజ‌య్ హాజారే ట్రోఫీ 2024-25 సీజ‌న్‌లో జార్ఖండ్ త‌రపున ఆడాడు. ఆ త‌ర్వాత అన్ని ఫార్మాట్ల‌కు క్రికెట్‌కు వీడ్కోలు ప‌లికిన ఈ స్పీడ్ స్టార్‌.. కామెంటేట‌ర్‌గా వ్య‌వ‌హ‌రిస్తున్నాడు. గత సీజన్‌లో సన్‌రైజర్స్ తమ స్దాయికి తగ్గ ప్రదర్శన చేయలేకపోయింది. 14 మ్యాచ్‌లు ఆడి కేవ‌లం ఆరింట మాత్ర‌మే విజ‌యం సాధించింది.చదవండి: IND vs ENG: జోఫ్రా ఆర్చ‌ర్ సూప‌ర్ డెలివ‌రీ.. రిష‌బ్ పంత్‌కు మైండ్ బ్లాంక్‌! వీడియో

టెస్టు క్రికెట్‌లో టీమిండియా అరుదైన ఘ‌న‌త సాధించింది. విదేశీ గ‌డ్డ‌పై ఒక టెస్టు సిరీస్‌(క‌నీసం 3 మ్యాచ్‌లు)లో అత్య‌ధిక సిక్స‌ర్లు బాదిన జ‌ట్టుగా భార‌త్ వ‌ర‌ల్డ్ రికార్డు నెల‌కొల్పింది. లార్డ్స్ వేదిక‌గా ఇంగ్లండ్‌తో జ‌రుగుతున్న మూడో టెస్టు తొలి ఇన్నింగ్స్‌లో నాలుగు సిక్స్‌లు బాదిన టీమిండియా.. ఈ అరుదైన ఫీట్‌ను త‌మ పేరిట లిఖించుకుంది. ప్ర‌స్తుతం ఇంగ్లండ్‌తో జ‌రుగుతున్న టెస్టు సిరీస్‌లో భార‌త్ 34 సిక్స‌ర్లు నమోదు చేసింది.ఇంత‌కుముందు ఈ రికార్డు వెస్టిండీస్, న్యూజిలాండ్ పేరిట సంయుక్తంగా ఉండేది. 1974లో వెస్టిండీస్ జ‌ట్టు భార‌త్‌లో జ‌రిగిన ఐదు మ్యాచ్‌ల టెస్టు సిరీస్‌లో 32 సిక్స‌ర్లు నమోదు చేసింది. ఆ త‌ర్వాత 2014లో యూఏఈ వేదిక‌గా పాకిస్తాన్‌తో జ‌రిగిన మూడు మ్యాచ్‌ల టెస్టు సిరీస్‌లో కివీస్ కూడా స‌రిగ్గా 32 సిక్స‌ర్లు కొట్టింది. తాజా మ్యాచ్‌తో కివీస్‌, విండీస్‌ను భార‌త్ అధిగ‌మించింది.ఇక లార్డ్స్ టెస్టు ఆస‌క్తిక‌రంగా ముందుకు సాగుతోంది. ఇంగ్లండ్ మొదట బ్యాటింగ్ చేసి 387 పరుగులు చేసింది. బదులుగా భారత్ కూడా తొలి ఇన్నింగ్స్‌లో చేసి 387 పరుగులే చేయగలిగింది. దీంతో తొలి ఇన్నింగ్స్‌లో ఇరు జట్ల స్కోరు సమం అయింది. నాలుగో రోజు ఆట ఇరు జట్లకు కీలకం కానుంది. భారత బౌలర్లు మెరుగ్గా రాణించి ఇంగ్లండ్‌ను ఆలౌట్‌ చేస్తే మరో విజయం తమ ఖాతాలో వేసుకునేందుకు ఆస్కారం ఉంటుంది.చదవండి: నా వ‌ల్లే అలా జ‌రిగింది.. పంత్‌ను ఏమి అనొద్దు: కేఎల్‌ రాహుల్‌

లార్డ్స్ వేదికగా ఇం‍గ్లండ్‌తో జరుగుతున్న మూడో టెస్టులో టీమిండియా ఓపెనర్ కేఎల్ రాహుల్ అద్బుతమైన సెంచరీ సాధించాడు. తొలి ఇన్నింగ్స్‌ ఆరంభంలోనే యశస్వి జైశ్వాల్‌, కెప్టెన్ శుబ్‌మన్ గిల్ వికెట్లు కోల్పోయిన భారత జట్టును.. తన సూపర్ పెర్ఫార్మెన్స్‌తో రాహుల్ ఆదుకున్నాడు.రిషబ్ పం‍త్‌తో కలిసి నాలగో వికెట్‌కు 140 పరుగులకు పైగా భాగస్వామ్యాన్ని నెలకొల్పాడు. 177 బంతుల్లో స‌రిగ్గా 100 ప‌రుగులు చేసి రాహుల్ ఔట‌య్యాడు. ఈ క్ర‌మంలో రాహుల్ ఓ అరుదైన రికార్డును త‌న ఖాతాలో వేసుకున్నాడు.మూడో ప్లేయర్‌గా..సేనా( దక్షిణాఫ్రికా, ఇంగ్లండ్, న్యూజిలాండ్, ఆస్ట్రేలియా) దేశాల్లో టెస్టుల్లో అత్య‌ధిక సార్లు ఫిఫ్టీ ప్ల‌స్ స్కోర్లు సాధించిన మూడో ఏసియన్ బ్యాట‌ర్‌గా రాహుల్ నిలిచాడు. రాహుల్‌కు ఇది సేనా దేశాల్లో 11వ ఫిప్టీ స్కోర్ కావ‌డం విశేషం. ఇప్ప‌టివ‌ర‌కు ఈ రికార్డు టీమిండియా లెజెండ‌రీ ఓపెన‌ర్ వీరేంద్ర సెహ్వాగ్, బంగ్లా మాజీ ప్లేయ‌ర్ త‌మీమ్ ఇక్భాల్‌, సయీద్ అన్వర్ పేరిట సంయుక్తంగా ఉండేది.ఈ దిగ్గ‌జ ఆట‌గాళ్లు త‌మ కెరీర్‌లో సేనా దేశాల్లో 10 సార్లు 50+ పరుగులు చేశారు. తాజా ఇన్నింగ్స్‌తో వీరిని కేఎల్ అధిగమించాడు. ఈ అరుదైన ఘనత సాధించిన జాబితాలో సునీల్ గవాస్కర్ అగ్రస్ధానంలో ఉన్నాడు. అతడు 12 సార్లు 19 సార్లు ఏభైకి పైగా పరుగులు సాధించాడు. ఆ తర్వాత స్ధానంలో దిముత్ కరుణరత్నే(12) కొనసాగుతున్నాడు.ఇక లార్డ్స్ టెస్టు ఆస‌క్తిక‌రంగా సాగుతోంది. ఇంగ్లండ్ తమ తొలి ఇన్నింగ్స్‌లో 387 ప‌రుగులు చేయ‌గా.. టీమిండియా సైతం సరిగ్గా 387 ప‌రుగుల‌కు ఆలౌటైంది. మూడో రోజు ఆట ముగిసే సమయానికి ఇంగ్లండ్ తమ రెండో ఇన్నింగ్స్‌లో వికెట్ నష్టపోకుండా రెండు పరుగులు చేసింది.

లార్డ్స్ వేదిక‌గా భార‌త్‌-ఇంగ్లండ్ మ‌ధ్య జ‌రుగుతున్న మూడో టెస్టు నువ్వా నేనా అన్న‌ట్లు సాగుతోంది. ఇంగ్లండ్ తమ తొలి ఇన్నింగ్స్‌లో 387 ప‌రుగులు చేయ‌గా.. టీమిండియా సైతం సరిగ్గా 387 ప‌రుగుల‌కు ఆలౌటైంది. భార‌త బ్యాట‌ర్ల‌లో కేఎల్‌ రాహుల్‌ (177 బంతుల్లో 100; 13 ఫోర్లు) అద్బుత‌మైన సెంచరీ సాధించాడు.అత‌డితో రిషభ్‌ పంత్‌ (112 బంతుల్లో 74; 8 ఫోర్లు, 2 సిక్స్‌లు), రవీంద్ర జడేజా (131 బంతుల్లో 72; 8 ఫోర్లు, 1 సిక్స్‌) రాణించారు. ఇంగ్లండ్‌ బౌలర్లలో క్రిస్‌ వోక్స్‌ 3, జోఫ్రా ఆర్చర్, బెన్‌ స్టోక్స్‌ చెరో 2 వికెట్లు తీశారు.గిల్‌-క్రాలీ వాగ్వాదం..కాగా మూడో రోజు ఆట ఆఖ‌రి ఓవ‌ర్‌లో హ్రైడ్రామా చోటు చేసుకుంది. భార‌త్ ఆలౌటైనంత‌రం రెండో ఇన్నింగ్స్‌ను ఇంగ్లండ్ ఆరంభించింది. సెకెండ్ ఇన్నింగ్స్‌లో భార‌త బౌలింగ్ ఎటాక్‌ను జ‌స్ప్రీత్ బుమ్రా ఆరంభించాడు. మూడో రోజు మరిన్ని ఓవర్లు ఆడేందుకు ఇంగ్లండ్ ఓపెన‌ర్లు జాక్ క్రాలే,బెన్ డకెట్‌లు ఏమాత్రం ఇష్ట‌ప‌డ‌లేదు.ఈ క్ర‌మంలో బుమ్రా బౌలింగ్‌కు జాక్ క్రాలే ప‌దేప‌దే అంత‌రాయం క‌లిగించి స‌మ‌యాన్ని వృథా చేశాడు. మూడో బంతిని బుమ్రా డెలివరీ చేసే సమయంలో క్రాలీ ఒక్కసారిగా పక్కకు తప్పుకొన్నాడు. దీంతో బుమ్రా అసహనానికి లోనయ్యాడు. టీమిండియా కెప్టెన్ శుబ్‌మన్ గిల్ సైతం క్రాలీపై కోపంతో ఊగిపోయాడు. అతడి దగ్గరకు వెళ్లి వేలు చూపిస్తూ ఆడేందుకు ధైర్యం తెచ్చుకో అన్నట్లు సైగ చేశాడు. ఆ తర్వాత మళ్లీ ఆఖరి బంతి పడేముందు క్రాలీ గాయం పేరిట డ్రామా చేశాడు. ఫిజియె మైదానంలోకి రావడంతో ఆట కాసేపు నిలిచిపోయింది. ఈ క్రమంలో భారత ఆటగాళ్లు జాక్ క్రాలీని చప్పట్లు కొడుతూ గేలి చేశారు. వెంటనే క్రాలీ కూడా వేలు చూపిస్తూ ఏదో అన్నాడు. ఆఖరికి అంపైర్‌లు జోక్యం చేసుకోవడంతో గొడవ సద్దుమణిగింది. మూడో రోజు ఆట ముగిసే సమయానికి ఇంగ్లండ్ తమ రెండో ఇన్నింగ్స్‌లో వికెట్ నష్టపోకుండా రెండు పరుగులు చేసింది.Shubman Gill & Co. didn’t come to be played around, 𝙠𝙮𝙪𝙣𝙠𝙞 𝙔𝙚 𝙨𝙚𝙚𝙠𝙝𝙣𝙚 𝙣𝙖𝙝𝙞, 𝙨𝙞𝙠𝙝𝙖𝙣𝙚 𝙖𝙖𝙮𝙚 𝙝𝙖𝙞𝙣!#ENGvIND 👉 3rd TEST, DAY 4 | SUN 13th JULY, 2:30 PM | Streaming on JioHotstar pic.twitter.com/ix13r7vtja— Star Sports (@StarSportsIndia) July 12, 2025 Always annoying when you can't get another over in before close 🙄 pic.twitter.com/3Goknoe2n5— England Cricket (@englandcricket) July 12, 2025

లార్డ్స్ వేదిక‌గా ఇంగ్లండ్‌తో జ‌రుగుతున్న మూడో టెస్టులో టీమిండియా వికెట్ కీప‌ర్ బ్యాట‌ర్ కేఎల్ రాహుల్ ఫీల్డింగ్‌లో తీవ్ర నిరాశ‌ప‌రిచాడు. రెండో రోజు ఆట‌లో ఇంగ్లండ్ బ్యాట‌ర్ జేమీ స్మిత్ ఇచ్చిన ఈజీ క్యాచ్‌ను రాహుల్ విడిచిపెట్టాడు.87 ఓవ‌ర్ వేసిన మ‌హ్మ‌ద్ సిరాజ్.. మూడో బంతిని స్మిత్‌కు బ్యాక్ ఆఫ్‌ది లెంగ్త్ డెలివ‌రీగా సంధించాడు. ఆ బంతిని స్మిత్ ఆఫ్ సైడ్ ఆడేందుకు ప్ర‌య‌త్నించాడు. కానీ బంతి ఎడ్జ్‌ తీసుకుని సెకెండ్ స్లిప్ దిశ‌గా వెళ్లింది. అయితే ఆ స్దానంలో రాహుల్ త‌న‌ భుజం ఎత్తులో వచ్చిన బంతిని అందుకోవ‌డంలో విఫ‌ల‌మ‌య్యాడు. ఇది చూసిన సిరాజ్‌ ఒక్కసారిగా షాకయ్యాడు.రాహుల్ త‌ప్పిదానికి భార‌త్ భారీ మూల్యం చెల్లించుకోవాల్సి వ‌చ్చింది. 5 ప‌రుగుల దగ్గ‌ర ఔట‌య్యే ప్ర‌మాదం నుంచి త‌ప్పించుకున్న స్మిత్‌.. ఏకంగా 51 ప‌రుగులు చేసి జ‌ట్టు స్కోర్ 350 ర‌న్స్ దాట‌డంలో కీల‌క పాత్ర పోషించాడు.బ్రాడైన్ కార్స్‌తో క‌లిసి ఎనిమిదో వికెట్‌కు 80 ప‌రుగుల‌కు పైగా భాగ‌స్వామ్యాన్ని నెల‌కొల్పాడు. ఒక‌వేళ రాహుల్ ఆ క్యాచ్‌ను ప‌ట్టి ఉంటే ఈపాటికే ఇంగ్లండ్ ఇన్నింగ్స్ ముగిసి ఉండేది. అయితే యాదృచ్ఛికంగా స్మిత్ తిరిగి సిరాజ్ బౌలింగ్‌లో ఔటయ్యాడు. వికెట్ కీపర్ ధ్రువ్ జురెల్‌కు క్యాచ్ ఇచ్చి ఔటయ్యాడు.తొలి ఇన్నింగ్స్‌లో ఇంగ్లండ్ 387 ప‌రుగుల భారీ స్కోర్ చేయ‌గ‌ల్గింది. ఇంగ్లండ్ బ్యాటర్లలో జో రూట్‌(104) సెంచరీతో మెరిశాడు. అత‌డితో పాటు బ్రైడ‌న్ కార్స్‌(56), జేమీ స్మిత్‌(51), ఓలీ పోప్‌(44), స్టోక్స్‌(44) రాణించారు. భార‌త బౌల‌ర్ల‌లో జ‌స్ప్రీత్ బుమ్రా ఐదు వికెట్లు ప‌డ‌గొట్ట‌గా.. నితీశ్, సిరాజ్‌ తలా రెండు వికెట్లు సాధించారు.చదవండి: IND vs ENG: జో రూట్‌ ప్రపంచ రికార్డు..

జ‌స్ప్రీత్ బుమ్రా.. ప్ర‌పంచ క్రికెట్‌లో అత్య‌త్తుమ బౌల‌ర్ల‌లో అగ్ర‌స్ధానంలో కొన‌సాగుతున్నాడు. బుమ్రా బౌలింగ్ చేస్తున్నాడంటే ప్ర‌త్య‌ర్ధి గుండెల్లో వ‌ణుకు పుట్టాల్సిందే. అత‌డు మ‌రోసారి త‌న స‌త్తా ఎంటో నిరూపించుకున్నాడు.లార్డ్స్ వేదికగా ఇంగ్లండ్‌తో జరుగుతున్న మూడో టెస్టులో జస్ప్రీత్ బంతితో మ్యాజిక్ చేస్తున్నాడు. రెండో రోజు ఆటలో ఇంగ్లండ్ కెప్టెన్ బెన్ స్టోక్స్‌ను బుమ్రా ఔట్ చేసిన విధానం గురుంచి ఎంతచెప్పుకున్న తక్కువే. స్టోక్స్‌ను అద్బుత‌మైన బంతితో జ‌స్ప్రీత్ క్లీన్ బౌల్డ్ చేశాడు.స్టోక్స్ మైండ్ బ్లాంక్‌..ఇంగ్లండ్ తొలి ఇన్నింగ్స్ 86 ఓవ‌ర్ వేసిన బుమ్రా.. రెండో బంతిని రౌండ్‌ది వికెట్ నుంచి గుడ్ లెంగ్త్ డెలివ‌రీగా సంధించాడు. ఆ బంతిని స్టోక్స్ డిఫెన్స్ ఆడ‌టానికి ప్ర‌య‌త్నించాడు. ఔట్ సైడ్ ఆఫ్ దిశ‌గా ప‌డిన బంతి కొంచెం స్వింగ్ అవుతూ ఆఫ్ స్టంప్‌ను గిరాటేసింది.దీంతో ఒక్క‌సారిగా స్టోక్స్ బిత్త‌ర‌పోయాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది. తొలి రోజు ఆట‌లో కూడా ఇదే త‌ర‌హాలో హ్యారీ బ్రూక్‌ను బుమ్రా క్లీన్ బౌల్డ్ చేశాడు. స్టోక్స్‌ను ఔట్ చేసిన అనంతరం జో రూట్‌(104), క్రిస్ వోక్స్‌ను పెవిలియ‌న్‌కు పంపాడు. మొత్తంగా ఇప్ప‌టివ‌ర‌కు బుమ్రా నాలుగు వికెట్లు ప‌డ‌గొట్టాడు.లంచ్‌ బ్రేక్‌కు భారత స్కోరంతంటే?రెండో రోజు లంచ్‌ విరామం సమయానికి ఇంగ్లండ్‌ తొలి ఇన్నింగ్స్‌లో 7 వికెట్ల నష్టానికి 353 పరుగులు చేసింది. క్రీజులో జేమీ స్మిత్‌(51), బ్రాడైన్‌ కార్స్‌(33) ఉన్నారు.Jasprit Bumrah takes three big wickets Root, Stokes & Woakes in just 7 balls.He flipped the match in a single spell.⁰Game-changer. Match-winner. Jasprit Bumrah 🐐⁰#INDvsENG #ENGvINDpic.twitter.com/Wq19z1glb5— Kavya Maran (@Kavya_Maran_SRH) July 11, 2025

లార్డ్స్ వేదికగా ఇంగ్లండ్‌తో జరుగుతున్న మూడో టెస్టులో టీమిండియా పేస్ గుర్రం జస్ప్రీత్ బుమ్రా(jasprit bumrah) నిప్పులు చెరుగుతున్నాడు. తన పేస్ బౌలింగ్‌తో ప్రత్యర్ధి బ్యాటర్లను బెంబేలెత్తిస్తున్నాడు. రెండో రోజు ఆటలో తొలుత ఇం‍గ్లండ్ కెప్టెన్ బెన్ స్టోక్స్‌ను అద్బతమైన బంతితో బోల్తా కొట్టించిన బుమ్రా.. ఆ తర్వాత జో రూట్‌(104), ​‍క్రిస్ వోక్స్‌ను పెవిలియన్‌కు పంపాడు.కపిల్‌ దేవ్‌ రికార్డు బ్రేక్‌..ఈ మ్యాచ్‌లో బుమ్రాకి ఇది నాలుగో వికెట్‌. ఈ క్రమంలో బుమ్రా ఓ అరుదైన ఘనతను తన పేరిట లఖించుకున్నాడు. ఇంగ్లండ్ గ‌డ్డ‌పై అత్య‌ధిక టెస్టు వికెట్లు తీసిన రెండో భార‌త బౌల‌ర్‌గా బుమ్రా రికార్డుల‌కెక్కాడు. స్టోక్స్‌ను ఔట్ చేసిన అనంత‌రం ఈ ఫీట్‌ను బుమ్రా త‌న ఖాతాలో వేసుకున్నాడు.బుమ్రా ఇప్ప‌టివ‌ర‌కు ఇంగ్లండ్‌లో 47 టెస్టు వికెట్లు తీశాడు. ఇంతకుముందు ఈ రికార్డు టీమిండియా మాజీ కెప్టెన్ క‌పిల్ దేవ్ పేరిట ఉండేది. క‌పిల్‌దేవ్ త‌న కెరీర్‌లో ఇంగ్లండ్‌లో 13 మ్యాచ్‌లు ఆడి 43 వికెట్లు ప‌డ‌గొట్టాడు. తాజా ప్ర‌ద‌ర్శ‌నతో క‌పిల్‌దేవ్ ఆల్‌టైమ్ రికార్డును బుమ్రా బ్రేక్ చేశాడు.ఇక అరుదైన ఫీట్‌ సాధించిన జాబితాలో టీమిండియా వెటరన్‌ పేసర్‌ ఇషాంత్‌ శర్మ(48) అగ్రస్దానంలో ఉన్నాడు. మరో రెండు వికెట్లు పడగొడితో ఇషాంత్‌ను బుమ్రా అధిగమిస్తాడు. ఇ​‍క తొలి ఇన్నింగ్స్‌లో 387 ప‌రుగుల‌కు ఇంగ్లండ్ ఆలౌటైంది. 251/4 ఓవ‌ర్ నైట్ స్కోర్‌తో రెండో రోజు ఆట‌ను ప్రారంభించిన ఇంగ్లీష్ జ‌ట్టు.. అద‌నంగా 136 ప‌రుగులు చేసి ఆలౌటైంది. జో రూట్‌(104) టాప్ స్కోరర్‌గా నిలవగా.. అత‌డితో పాటు బ్రైడ‌న్ కార్స్‌(56), జేమీ స్మిత్‌(51), ఓలీ పోప్‌(44), స్టోక్స్‌(44) రాణించారు. భార‌త బౌల‌ర్ల‌లో జ‌స్ప్రీత్ బుమ్రా ఐదు వికెట్లు ప‌డ‌గొట్ట‌గా.. నితీశ్, సిరాజ్‌ తలా రెండు వికెట్లు సాధించారు.చదవండి: రోహిత్‌ శర్మకు భారీ షాక్‌!?.. వన్డే కెప్టెన్‌గానూ గిల్‌?

లార్డ్స్ వేదిక‌గా ఇంగ్లండ్‌తో జ‌రుగుతున్న మూడో టెస్టులో టీమిండియా పేస్ గుర్రం జ‌స్ప్రీత్ బుమ్రా సంచ‌ల‌న బంతితో మెరిశాడు. అద్బుత‌మైన బంతితో ఇంగ్లండ్ బ్యాట‌ర్ హ్యారీ బ్రూక్‌ను బుమ్రా బోల్తా కొట్టించాడు. బుమ్రా దెబ్బ‌కు టెస్టు వ‌ర‌ల్డ్ నెం1 బ్యాట‌ర్‌కు ఫ్యూజ్‌లు ఎగిరిపోయాయి. ఓలీ పోప్ ఔట‌య్యాక బ్రూక్ క్రీజులోకి వ‌చ్చాడు.అప్ప‌టికే క్రీజులో పాతుకుపోయిన జో రూట్‌తో క‌లిసి ఇన్నింగ్స్‌ను ముందుకు న‌డిపించే ప్ర‌య‌త్నం చేశాడు. కానీ బుమ్రా అత‌డికి ఆ ఛాన్స్ ఇవ్వ‌లేదు. ఇంగ్లండ్ తొలి ఇన్నింగ్స్ 55వ ఓవ‌ర్ వేసిన బుమ్రా ఐదో బంతిని.. హ్యారీ బ్రూక్‌కు ఆఫ్ స్టంప్ దిశ‌గా సంధించాడు. 140 కి.మీ వేగంతో వేసిన ఆ బంతిని బ్రూక్ ఆఫ్‌సైడ్‌ డిఫెన్స్ ఆడే ప్ర‌య‌త్నం చేశాడు. కానీ కాస్త లోగా వ‌చ్చిన బంతి అత‌డి బ్యాట్‌ను మిస్స్ అయ్యి ఆఫ్ స్టంప్‌ను గిరాటేసింది. దీంతో బ్రూక్‌(8) ఒక్క‌సారిగా షాక్ అయిపోయాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌లవుతోంది. కాగా రెండో టెస్టుకు విశ్రాంతి తీసుకున్న బుమ్రా తిరిగి లార్డ్స్‌లో ఆడుతున్నాడు.68 ఓవర్లు ముగిసే సరికి ఇంగ్లండ్ తమ తొలి ఇన్నింగ్స్‌లో నాలుగు వికెట్ల నష్టానికి 213 పరుగులు చేసింది. క్రీజులో జో రూట్‌(62), బెన్‌స్టోక్స్(27) ఉన్నారు. భార‌త బౌల‌ర్ల‌లో ఇప్ప‌టివ‌ర‌కు నితీశ్ కుమార్ రెడ్డి రెండు, జ‌స్ప్రీత్ బుమ్రా, జ‌డేజా త‌లా వికెట్ సాధించారు.Number 1 bowler gets Number 1 batter at Lord’s.What a delivery by Jasprit Bumrah — absolute perfection.⁰Top of off, pace, precision — vintage Bumrah.⁰#INDvsENG #ENGvINDpic.twitter.com/kdGbLbPnND— Kavya Maran (@Kavya_Maran_SRH) July 10, 2025

లార్డ్స్ వేదిక‌గా ఇంగ్లండ్‌తో జ‌రుగుతున్న మూడో టెస్టులో టీమిండియాకు ఊహించ‌ని ఎదురదెబ్బ త‌గిలింది. తొలి రోజు ఆట సంద‌ర్భంగా భార‌త వికెట్ కీప‌ర్ రిష‌బ్ పంత్ గాయ‌ప‌డ్డాడు. ఇంగ్లండ్ ఇన్నింగ్స్ 34వ ఓవ‌ర్ వేసిన జ‌స్ప్రీత్ బుమ్రా బౌలింగ్‌లో రెండో బంతిని అందుకునే క్ర‌మంలో పంత్ ఎడ‌మ చేతి వేలికి గాయ‌మైంది.బంతిని తీసుకున్నాక పంత్ తీవ్ర‌మైన నొప్పితో విల్ల‌విల్లాడు. అంతకుముందు ఓవర్ కూడా పంత్ కాస్త ఆసౌకర్యంగా కన్పించాడు. ఫిజియో వచ్చి మ్యాజిక్ స్ప్రే చేసినప్పటికి అతడు నొప్పి తగ్గలేదు. ఈ క్రమంలోనే పంత్ ఫిజియో సాయంతో మైదానం నుంచి బయటకు వెళ్లిపోయాడు. అతడి స్ధానంలో సబ్‌స్ట్యూట్ వికెట్ కీప‌ర్‌గా ధ్రువ్ జురెల్ మైదానంలోకి వ‌చ్చాడు. అయితే పంత్ గాయం తీవ్ర‌మైన‌ది కాకుడ‌ద‌ని భార‌త అభిమానులు కోరుకుంటున్నారు. పంత్ ప్ర‌స్తుతం అద్బుత‌మైన ఫామ్‌లో ఉన్నాడు. తొలి టెస్టులో రెండు ఇన్నింగ్స్‌లో సెంచ‌రీల మోత మ్రోగించిన పంత్‌.. రెండో టెస్టులో హాఫ్ సెంచ‌రీతో మెరిశాడు.41 ఓవ‌ర్లు ముగిసే సరికి ఇంగ్లండ్ త‌మ తొలి ఇన్నింగ్స్‌లో రెండు వికెట్ల న‌ష్టానికి 116 ప‌రుగులు చేసింది. క్రీజులో జో రూట్‌(37), పోప్‌(24) ఉన్నారు. ఓపెన‌ర్లు జాక్ క్రాలీ(18), బెన్ డ‌కెట్‌(23)ను నితీశ్ కుమార్ రెడ్డి పెవిలియ‌న్‌కు పంపాడు.తుదిజట్లుభారత్‌శుబ్‌మన్‌ గిల్‌ (కెప్టెన్), యశస్వి జైస్వాల్, కేఎల్‌ రాహుల్, కరుణ్‌ నాయర్, రిషభ్‌ పంత్, రవీంద్ర జడేజా, వాషింగ్టన్‌ సుందర్, ఆకాశ్‌దీప్, మహ్మద్‌ సిరాజ్, జస్‌ప్రీత్‌ బుమ్రా, నితీశ్‌ కుమార్‌ రెడ్డి.ఇంగ్లండ్‌బెన్‌ స్టోక్స్‌ (కెప్టెన్), జాక్‌ క్రాలీ, బెన్‌ డకెట్, ఓలీ పోప్, జో రూట్, హ్యారీ బ్రూక్, జేమీ స్మిత్, క్రిస్‌ వోక్స్, బ్రైడన్‌ కార్స్, జోఫ్రా ఆర్చర్, షోయబ్‌ బషీర్‌.చదవండి: IND vs ENG: టీమిండియా చెత్త రికార్డు.. ప్ర‌పంచంలోనే తొలి జ‌ట్టుగా

ఇంగ్లండ్ గ‌డ్డ‌పై టాస్ విష‌యంలో టీమిండియాను బ్యాడ్‌ల‌క్ వెంటాడుతోంది. ఇంగ్లండ్‌తో టెస్టు సిరీస్‌లో వ‌రుస‌గా మూడో మ్యాచ్‌లోనూ భార‌త కెప్టెన్ శుబ్‌మ‌న్ గిల్ టాస్ ఓడిపోయాడు. లార్డ్స్ వేదిక‌గా ప్రారంభ‌మైన మూడో టెస్టులో టాస్ గెలిచిన ఇంగ్లండ్ జ‌ట్టు తొలుత బ్యా టింగ్ ఎంచుకుంది. అయితే అంత‌ర్జాతీయ క్రికెట్‌లో ఈ ఏడాది ఆరంభం నుంచి భార‌త్ టాస్ ఓడిపోవ‌డం ఇది వ‌రుస‌గా 13వ సారి కావ‌డం గ‌మనార్హం.ఈ క్ర‌మంలో టీమిండియా ఓ చెత్త రికార్డును త‌మ పేరిట లిఖించుకుంది. అంత‌ర్జాతీయ క్రికెట్‌(మూడు ఫార్మాట్లు)లో వ‌రుస‌గా అత్య‌ధిక సార్లు టాస్ ఓడిపోయిన జ‌ట్టుగా భార‌త్ నిలిచింది. ఇంత‌కుముందు ఈ రికార్డు వెస్టిండీస్ పేరిట ఉండేది. విండీస్ 1999లో వ‌రుస‌గా 12 మ్యాచ్‌ల్లో టాస్ గెల‌వ‌లేక‌పోయింది. తాజా మ్యాచ్‌తో విండీస్‌ను మెన్ ఇన్ బ్లూ అధిగ‌మించింది.ఈ మ్యాచ్‌లో ఇంగ్లండ్‌, భారత జ‌ట్లు చెరో మార్పుతో బ‌రిలోకి దిగాయి. ఇంగ్లండ్ జ‌ట్టులోకి జోఫ్రా ఆర్చ‌ర్ రాగా.. టీమిండియాలోకి జ‌స్ప్రీత్ బుమ్రా రీ ఎంట్రీ ఇచ్చాడు. 35 ఓవ‌ర్లు ముగిసే సరికి ఇంగ్లండ్ త‌మ తొలి ఇన్నింగ్స్‌లో రెండు వికెట్ల న‌ష్టానికి 100 ప‌రుగులు చేసింది. క్రీజులో జో రూట్‌(27), పోప్‌(19) ఉన్నారు. ఓపెన‌ర్లు జాక్ క్రాలీ(18), బెన్ డ‌కెట్‌(23)ను నితీశ్ కుమార్ రెడ్డి పెవిలియ‌న్‌కు పంపాడు.తుదిజట్లుభారత్‌శుబ్‌మన్‌ గిల్‌ (కెప్టెన్), యశస్వి జైస్వాల్, కేఎల్‌ రాహుల్, కరుణ్‌ నాయర్, రిషభ్‌ పంత్, రవీంద్ర జడేజా, వాషింగ్టన్‌ సుందర్, ఆకాశ్‌దీప్, మహ్మద్‌ సిరాజ్, జస్‌ప్రీత్‌ బుమ్రా, నితీశ్‌ కుమార్‌ రెడ్డి.ఇంగ్లండ్‌బెన్‌ స్టోక్స్‌ (కెప్టెన్), జాక్‌ క్రాలీ, బెన్‌ డకెట్, ఓలీ పోప్, జో రూట్, హ్యారీ బ్రూక్, జేమీ స్మిత్, క్రిస్‌ వోక్స్, బ్రైడన్‌ కార్స్, జోఫ్రా ఆర్చర్, షోయబ్‌ బషీర్‌.

లార్డ్స్ వేదిక‌గా ఇంగ్లండ్‌తో మూడో టెస్టులో త‌ల‌ప‌డేందుకు టీమిండియా సిద్ద‌మైంది. గురువారం(జూలై 10) నుంచి ప్రారంభం కానున్న ఈ మ్యాచ్‌లో ఎలాగైనా గెలిచి సిరీస్‌లో ఆధిక్యం పెంచుకోవాలని భార‌త్ భావిస్తోంది. అందుకు త‌గ్గ‌ట్టు నెట్స్‌లో తీవ్రంగా శ్ర‌మించింది. అయితే బుధ‌వారం జ‌రిగిన ప్రాక్టీస్ సెష‌న్‌లో భార‌త జ‌ట్టుతో పాటు ఓ ప్రత్యేక ఆతిథి క‌స‌ర‌త్త‌లు చేస్తూ క‌న్పించాడు. ఇంగ్లండ్ టూర్‌కు ఎంపిక కాన‌ప్ప‌టికి నెట్స్‌లో జ‌ట్టుకు త‌న సేవ‌ల‌ను అందించాడు. అత‌డే టీమిండియా, ముంబై ఇడియన్స్ స్టార్‌ పేస‌ర్ దీపక్ చాహ‌ర్‌. ప్ర‌స్తుతం జ‌రుగుతున్న వింబుల్డన్ టోర్న‌మెంట్‌ను వీక్షించేందుకు చాహ‌ర్ త‌న భార్య‌తో క‌లిసి లండ‌న్‌కు వెళ్లాడు.ఈ క్ర‌మంలో లండ‌న్‌లో ఉన్న భార‌త జ‌ట్టుతో చాహ‌ర్ క‌లిశాడు. ఈ రాజ‌స్తాన్ పేస‌ర్ జ‌ట్టుతో క‌ల‌వ‌డమే కాకుండా నెట్స్‌లో భార‌త బ్యాట‌ర్ల‌కు బౌలింగ్ చేశాడు. సాధ‌ర‌ణంగా దీప‌క్ చాహ‌ర్ కొత్త బంతిని అద్బుతంగా స్వింగ్ చేయ‌గ‌ల‌డు. ఈ క్ర‌మంలో లార్డ్స్ మైదానంలో బంతి ఎక్కువ‌గా స్వింగ్ అయ్యే అవ‌కాశ‌మున్నంద‌న‌.. చాహ‌ర్ బౌలింగ్‌లో భార‌త బ్యాట‌ర్లు ఎక్కువ సేపు ప్రాక్టీస్ చేసిన‌ట్లు తెలుస్తోంది.ఇందుకు సంబంధించిన ఫోటోలు సోష‌ల్ మీడియాలో వైర‌ల‌వుతున్నాయి. ఇంత‌కుముందు బ‌ర్మింగ్‌హామ్ టెస్టు సంద‌ర్భంగా పంజాబ్ స్పిన్న‌ర్ హర్‌ప్రీత్ బ్రార్ భార‌త నెట్ ప్రాక్టీస్ సెష‌న్‌లో క‌న్పించి ఆశ్చ‌ర్చ‌ప‌రిచాడు. ఇప్పుడు చాహ‌ర్ నెట్‌బౌల‌ర్‌గా మ‌రి అందరికి షాకిచ్చాడు. దీప‌క్ చాహ‌ర్ చివ‌ర‌గా 2023 డిసెంబ‌ర్‌లో భార‌త త‌ర‌పున ఆడాడు. వ‌న్డే, టీ20ల్లో అరంగేట్రం చేసిన చాహ‌ర్‌.. టెస్టుల్లో మాత్రం ఇప్ప‌టివ‌ర‌కు ఒక్క మ్యాచ్ కూడా ఆడ‌లేదు.ఇంగ్లండ్ తుది జ‌ట్టు..జాక్ క్రాలే, బెన్ డకెట్, ఓల్లీ పోప్, జో రూట్, హ్యారీ బ్రూక్, బెన్ స్టోక్స్ (కెప్టెన్‌), జామీ స్మిత్ (వికెట్ కీప‌ర్‌), క్రిస్ వోక్స్, బ్రైడాన్ కార్స్, జోఫ్రా ఆర్చర్ మరియు షోయబ్ బషీర్.భార‌త తుది జ‌ట్టు(అంచ‌నా)యశస్వి జైస్వాల్, కేఎల్ రాహుల్, కరుణ్ నాయర్, శుభ్​మన్ గిల్, రిషభ్ పంత్, రవీంద్ర జడేజా, నితీశ్ కుమార్ రెడ్డి, మహ్మద్ సిరాజ్, ఆకాశ్ దీప్, జస్ప్రీత్ బుమ్రా, అర్షదీప్ సింగ్Deepak Chahar trains with Team India at Lord’s ahead of the third Test match.[ Rahul Rawat ] pic.twitter.com/bqnASrkAJU— Jay Cricket. (@Jay_Cricket12) July 9, 2025

ఆండర్సన్–టెండూల్కర్ ట్రోఫీలో భాగంగా భార‌త్‌, ఇంగ్లండ్ మ‌ధ్య మూడో టెస్టు లార్డ్స్ వేదిక‌గా గురువారం(జూలై 10) నుంచి ప్రారంభం కానుంది. ఈ క్ర‌మంలో లార్డ్స్ టెస్టు కోసం త‌మ ప్లేయింగ్ ఎలెవ‌న్‌ను ఇంగ్లండ్ బుధ‌వారం ప్ర‌క‌టించింది.స్టార్ ఫాస్ట్ బౌల‌ర్ జోఫ్రా ఆర్చ‌ర్‌ 52 నెలల సుదీర్ఘ నిరీక్షణ తర్వాత ఇంగ్లండ్ టెస్టు జెర్సీలో క‌న్పించ‌నున్నాడు. యువ పేస‌ర్ జోష్ టాంగ్ స్ధానంలో ఆర్చ‌ర్‌ను తుది జ‌ట్టులోకి ఇంగ్లీష్ జ‌ట్టు మెనెజ్‌మెంట్ తీసుకుంది. రెండో టెస్టుకు ఆర్చ‌ర్ అందుబాటులోకి వ‌చ్చిన‌ప్ప‌టికి ఫిట్‌నెస్ స‌మ‌స్య‌ల కార‌ణంగా బెంచ్‌కే ప‌రిమితమ్యాడు.ఇప్పుడు పూర్తి ఫిట్‌నెస్ సాధించ‌డంతో టీమిండియాపై నిప్పులు చెరిగేందుకు ఈ స్పీడ్‌స్టార్ సిద్ద‌మ‌య్యాడు. ఆర్చ‌ర్ చివ‌ర‌గా 2021లో ఇంగ్లండ్ త‌ర‌పున టెస్టు మ్యాచ్ ఆడాడు. ఇక ఈ ఒక మార్పు మిన‌హా రెండో టెస్టులో ఆడినే జ‌ట్టును ఇంగ్లండ్ కొన‌సాగించింది. తొలి రెండు టెస్టుల్లో విఫ‌ల‌మైన ఓపెన‌ర్ జాక్ క్రాలీకి ఇంగ్లండ్ మెనెజ్‌మెంట్ మ‌రో ఛాన్స్ ఇచ్చింది.ఈ మూడో టెస్టు కోసం లార్డ్స్ క్యూరేట‌ర్స్ పచ్చికతో కూడిన పిచ్‌ను తాయారు చేశారు. దీంతో ఈ పిచ్‌పై ఫాస్ట్ బౌలర్లు పండగ చేసుకోనున్నారు. దీంతో ఈ వికెట్‌పై భారత బ్యాటర్లకు ఆర్చర్ గట్టి సవాల్ ఎదురుకానుంది. అయితే భారత జట్టులోకి జస్ప్రీత్ బుమ్రా తిరిగి రానునుండడంతో బౌలింగ్ విభాగం మరింత పటిష్టంగా మారనుంది. పిచ్ కండీషన్స్ దృష్టా‍ మూడో టెస్టులో యువ పేసర్ అర్ష్‌దీప్ సింగ్ కూడా ఆడే ఛాన్స్ ఉంది.ఇంగ్లండ్ తుది జ‌ట్టు..జాక్ క్రాలే, బెన్ డకెట్, ఓల్లీ పోప్, జో రూట్, హ్యారీ బ్రూక్, బెన్ స్టోక్స్ (కెప్టెన్‌), జామీ స్మిత్ (వికెట్ కీప‌ర్‌), క్రిస్ వోక్స్, బ్రైడాన్ కార్స్, జోఫ్రా ఆర్చర్ మరియు షోయబ్ బషీర్.

భారత క్రికెట్‌కు దూకుడు పరిచయం చేసిన ధీరుడు అతడు. మ్యాచ్ ఫిక్సింగ్‌ ఉదంతంతో ఉక్కిరిబిక్కిరి అవుతున్న స‌మ‌యంలో జట్టు బాధ్యతలను భుజాలపై వేసుకున్న వారియర్‌ అతడు. తన కెప్టెన్సీతో ఇంటా, బయట భారత జట్టును విజయపథంలో నడిపించిన నాయకుడు అతడు.యువ‌రాజ్ సింగ్‌, హార్భజన్ సింగ్‌, వీరేంద్ర సెహ్వాగ్, జ‌హీర్ ఖాన్‌ వంటి స్టార్‌ క్రికెటర్లను పరిచయం చేసిన దాదా అతడు. అతడే టీమిండియా మాజీ కెప్టెన్‌ సౌరవ్‌ గంగూలీ(Sourav Ganguly). అభిమానులు ముద్దుగా పిలుచుకునే బెంగాల్‌ టైగర్‌ పుట్టిన రోజు నేడు(జూలై 8). ఈ సందర్భంగా గంగూలీ పేరిట ఇప్పటికి చెక్కుచెదరకుండా ఉన్న పది ఐకానిక్‌ రికార్డులపై ఓ లుక్కేద్దాం.ఒకే ఒక్కడు..అంతర్జాతీయ వన్డే మ్యాచ్‌లలో వరుసగా ‘ప్లేయర్ ఆఫ్ ది మ్యాచ్’ అవార్డు పొందిన ఏకైక క్రికెటర్ గంగూలీ. ఇప్పటికి అతడి రికార్డును ఎవరూ టచ్‌ చేయలేకపోతున్నారు. 1997లో పాకిస్తాన్‌తో వన్డే సిరీస్‌లో దాదా ఈ ఘనత సాధించాడు.ఏకైక లెఫ్ట్‌ హ్యాండర్‌గా..వన్డేల్లో భారత జట్టు తరపున అత్యధిక పరుగులు చేసిన ఎడమచేతి వాటం బ్యాటర్‌గా గంగూలీ కొనసాగుతున్నాడు. గంగూలీ తన కెరీర్‌లో 308 మ్యాచ్‌లు ఆడి 11221 పరుగులు చేశాడు. ఓవరాల్‌గా వన్డేల్లో అత్యధిక పరుగులు చేసిన మూడో భారత ఆటగాడిగా గంగూలీ ఉన్నాడు. అగ్రస్ధానంలో మాస్టర్‌ బ్లాస్టర్‌ సచిన్‌ టెండూల్కర్‌(18426) ఉండగా.. రెండో స్దానంలో విరాట్ కోహ్లి(14181) కొనసాగుతున్నాడు.👉ఐసీసీ టోర్నమెంట్ ఫైన‌ల్ మ్యాచ్‌లో సెంచ‌రీ సాధించిన ఏకైక భార‌త ఆట‌గాడు కూడా గంగూలీనే కావ‌డం గ‌మ‌నార్హం. ఐసీసీ ఛాంపియ‌న్స్ ట్రోఫీ-2000 ఫైన‌ల్లో న్యూజిలాండ్‌పై సౌర‌వ్ సెంచ‌రీ(117) సెంచ‌రీతో మెరిశాడు.👉ఐసీసీ వన్డే టోర్నీల నాకౌట్ మ్యాచ్‌ల్లో మూడు శతకాలు చేసిన ఆటగాళ్లలో గంగూలీ ఒకడు. ఆయనతోపాటు ఈ లిస్ట్ లో రికీ పాంటింగ్, సయద్ అన్వర్ లు ఉన్నారు. ఈ జాబితాలో భార‌త త‌ర‌పున‌ నుంచి గంగూలీ ఒక్క‌డే ఉన్నాడు.👉ఐసీసీ వ‌న్డే ప్ర‌పంచ‌క‌ప్‌లో భార‌త త‌ర‌పున అత్య‌ధిక వ్యక్తిగ‌త స్కోర్ సాధించిన ఆట‌గాడిగా ఇప్ప‌టికీ గంగూలీ కొన‌సాగుతున్నాడు. 1999 వరల్డ్ కప్‌లో శ్రీలంకపై గంగూలీ 183 ప‌రుగులు ప‌రుగులు చేశాడు.వ‌రసుగా నాలుగు సార్లు1997 నుంచి 2000 వరకు వరుసగా నాలుగు క్యాలెండర్ ఈయ‌ర్స్‌లో 1000 కన్నా ఎక్కువ పరుగులు చేసిన ఏకైక క్రికెటర్ గంగూలీ.1997లో – 1338 పరుగులు1998లో – 1328 పరుగులు1999లో – 1767 పరుగులు2000లో – 1579 పరుగులు👉వ‌ర‌ల్డ్ క్రికెట్‌లో అంత‌ర్జాతీయ వ‌న్డేల్లో ప‌దివేలకు పైగా ప‌రుగులు, వంద వికెట్లు సాధించిన ఆరుగురిలో ఒకడిగా గంగూలీ ఉన్నారు. భారత్‌ నుంచి మాత్రం గంగూలీ ఒక్కడే ఈ ఫీట్‌ను అందుకున్నాడు.👉టెస్టు అరంగేట్రంలో ఫస్ట్ ఇన్నింగ్స్‌లో సెంచరీ చేసి, సెకెండ్ ఇన్నింగ్స్‌లో గోల్డెన్ డక్ అయిన ఏకైక క్రికెటర్ కూడా దాదానే కావడం విశేషం.👉ఆస్ట్రేలియా గడ్డపై వన్డేల్లో సెంచరీ చేసిన తొలి భారత ఆటగాడిగా గంగూలీ నిలిచాడు. గంగూలీ 1990లో ఈ ఫీట్‌ సాధించాడు.👉 భారత జట్టుకు తొలి ఐసీసీ ఛాంపియన్స్‌ ట్రోఫీ టైటిల్‌నుని అందించిన కెప్టెన్‌ కూడా గంగూలీనే. 2000లో జరిగిన ఐసీసీ ఛాంపియన్స్‌ ట్రోఫీని గంగూలీ సారథ్యంలోని టీమిండియా సొంతం చేసుకుంది.

ఎడ్జ్‌బాస్ట‌న్‌లో చ‌రిత్ర సృష్టించేందుకు టీమిండియా(Teamindia) 7 వికెట్ల దూరంలో నిలిచింది. ఈ మైదానంలో ఇప్పటివరకు కనీసం ఒక్క టెస్టులో కూడా గెలవని భారత జట్టు.. తమ సుదీర్ఘ నిరీక్షణకు తెరదించేందుకు సిద్దమైంది.బర్మింగ్‌హామ్‌లోని ఎడ్జ్‌బాస్టన్ మైదానం వేదికగా ఇంగ్లండ్‌తో జరుగుతున్న రెండో టెస్టులో భారత్ గెలుపు ముంగిట నిలిచింది. భారత్‌ నిర్దేశించిన 608 పరుగుల ఛేదనలో బ్యాటింగ్‌కు వచ్చిన ఇంగ్లండ్‌.. నాలుగో రోజు ఆట ముగిసే సమయానికి 3 వికెట్లు కోల్పోయి 72 పరుగులు చేసింది.భార‌త్‌ విజ‌యానికి ఇంకా 7 వికెట్లు అవ‌స‌రం కాగా.. ఇంగ్లండ్ గెలుపున‌కు 536 ప‌రుగులు కావాలి. అయితే గెలుపు ముంగిట భారత జట్టును వరుణుడు భయపెడుతున్నాడు. ఆఖరి రోజుకు వర్షం అంతరాయం కలిగించే అవకాశమున్నట్లు తెలుస్తోంది. ఎడ్జ్‌బాస్ట‌న్‌లో ఆదివారం ఉద‌యం మ్యాచ్ ప్రారంభ స‌మ‌యంలో 60 శాతం వ‌ర్షం కురిసేందుకు ఆస్కారం ఉన్న‌ట్లు ఆక్యూ వెద‌ర్ త‌మ రిపోర్టులో పేర్కొంది. అయితే మధ్యాహ్నం స‌మ‌యంలో వ‌ర్షం ఉండ‌క‌పోవ‌చ్చ‌ని ఆక్యూ వెద‌ర్ తెలిపింది. ఒక‌వేళ వ‌ర్షం కార‌ణంగా మ్యాచ్ ఆల‌స్యంగా ప్రారంభ‌మైతే ఇంగ్లండ్ క‌చ్చితంగా డ్రా కోసం ఆడుతోంది.అయితే మ‌రోవైపు కెప్టెన్‌ శుబ్‌మ‌న్ గిల్(Shubman Gill) ఇన్నింగ్స్‌ను లేట్‌గా డిక్లేర్ చేయ‌డాన్ని చాలా మంది క్రికెట్ నిపుణులు త‌ప్పుబ‌డుతున్నారు. కాస్త ముందుగానే ఇంగ్లండ్‌కు బ్యాటింగ్ చేసే అవ‌కాశాన్ని ఇచ్చి ఉంటే మ‌రిన్ని వికెట్లు ప‌డివుండేవని అభిప్రాయ‌ప‌డుతున్నారు.కాగా ఓవర్‌‌‌‌‌‌‌‌‌‌‌‌‌‌‌‌నైట్ స్కోరు 64/1తో నాలుగో రోజు ఆటను కొనసాగించిన ఇండియా 427/6 వద్ద రెండో ఇన్నింగ్స్‌‌‌‌‌‌‌‌ను డిక్లేర్ చేసింది. శుభ్‌‌‌‌‌‌‌‌మన్ గిల్ (162 బాల్స్‌‌‌‌‌‌‌‌లో 13 ఫోర్లు, 8 సిక్సర్లతో 161) సెంచ‌రీతో చెల‌రేగ‌గా.. రవీంద్ర జడేజా (69 నాటౌట్‌‌), రిషబ్ పంత్ (65), కేఎల్ రాహుల్ (55) హాఫ్ సెంచ‌రీలతో రాణించారు.చదవండి: IND vs ENG: శుబ్‌మన్ గిల్ వరల్డ్ రికార్డు.. 148 ఏళ్లలో ఇదే తొలిసారి

ఎడ్జ్‌బాస్ట‌న్ వేదిక‌గా ఇంగ్లండ్‌తో జ‌రుగుతున్న రెండో టెస్టులో టీమిండియా కెప్టెన్ శుబ్‌మ‌న్ గిల్ (Shubman Gill) అద్బుత‌మైన సెంచ‌రీతో చెల‌రేగాడు. 387 బంతుల్లో 30 ఫోర్లు, 3 సిక్స్‌ల‌తో 269 ప‌రుగులు చేశాడు. ఈ మారథాన్ ఇన్నింగ్స్‌తో టెస్టుల్లో అత్య‌ధిక వ్య‌క్తిగ‌త స్కోర్ సాధించిన భార‌త కెప్టెన్‌గా విరాట్ కోహ్లి(254) రికార్డును గిల్ బ్రేక్ చేశాడు.ఓ ద‌శ‌లో గిల్‌ ట్రిపుల్ సెంచ‌రీ మార్క్‌ను కూడా అందుకునేలా క‌న్పించాడు. అయితే స‌మ‌యంలో ఇంగ్లండ్ వైస్ కెప్టెన్ హ్యారీ బ్రూక్ మైండ్ గేమ్స్ మొద‌లు పెట్టాడు. టీ విరామం త‌ర్వాత 265 ప‌రుగుల మార్కును దాటి బ్యాటింగ్ చేస్తున్న శుబ్‌మ‌న్ గిల్ ఏక‌గ్రాత‌ను దెబ్బ‌తీసేందుకు బ్రూక్ ప్ర‌య‌త్నించాడు.స్లిప్‌లో ఫీల్డింగ్ చేస్తున్న హ్యారీ బ్రూక్‌.. గిల్‌తో త‌న ట్రిపుల్ సెంచ‌రీ కోసం చ‌ర్చించాడు. 143 ఓవ‌ర్‌లో ఈ సంఘ‌ట‌న చోటు చేసుకుంది. గిల్‌-బ్రూక్ మ‌ధ్య జ‌రిగిన సంభాష‌ణ స్టంప్ మైక్‌లో రికార్డు అయింది. అయితే ఇద్ద‌రి మాటలు అంత క్లారిటీగా బ‌య‌ట‌కు వినిపించ‌డం లేదు.ఈ క్ర‌మంలో కామెంటరీ బాక్స్ ఇంగ్లండ్ మాజీ కెప్టెన్ మైఖేల్ అథర్టన్.. ఆ ఇద్ద‌రి మ‌ధ్య జ‌రిగిన సంభాష‌ణ‌ను వివ‌రించాడు. "290 పరుగుల వద్ద ఆడటం చాలా కష్టం" అని బ్రూక్ అనగా, "నీ కెరీర్‌లో ఎన్ని ట్రిపుల్ సెంచరీలు చేశావ్? అని గిల్ బ‌దులు ఇచ్చిన‌ట్లు అథర్టన్ తెలిపారు.ఇది జ‌రిగిన త‌ర్వాత ఓవ‌రే గిల్ త‌న వికెట్‌ను కోల్పోయాడు. ఇందుకు సంబంధించిన వీడియో ప్ర‌స్తుతం వైర‌ల‌వుతోంది. కాగా హ్యారీ బ్రూక్ పేరిట ఓ టెస్టు ట్రిపుల్ సెంచ‌రీ ఉంది. గ‌తేడాది పాకిస్తాన్‌తో జ‌రిగిన టెస్టులో బ్రూక్ 317 ప‌రుగులు చేశాడు.ఇక భార‌త్ తమ తొలి ఇన్నింగ్స్‌లో 587 ప‌రుగుల భారీ స్కోర్ సాధించింది. భార‌త ఇన్నింగ్స్‌లో గిల్‌తో పాటు య‌శ‌స్వి జైశ్వాల్‌( 87), రవీంద్ర జడేజా (89), వాషింగ్టన్ సుందర్ (42) రాణించారు. రెండో రోజు ఆట ముగిసే స‌మ‌యానికి ఇంగ్లండ్ తొలి ఇన్నింగ్స్‌లో 3 వికెట్ల న‌ష్టానికి 77 ప‌రుగులు చేసింది.pic.twitter.com/PKokKBCd4R— The Game Changer (@TheGame_26) July 3, 2025

"ఈ సిరీస్‌లో నేను బెస్ట్ బ్యాట‌ర్‌గా నిలుస్తా.. కెప్టెన్‌గా ఎటువంటి ఒత్తిడి తీసుకోను".. ఇంగ్లండ్‌తో టెస్టు సిరీస్ ఆరంభానికి ముందు భార‌త యువ సార‌థి శుబ్‌మ‌న్ గిల్ చెప్పిన మాట‌లివి. ఇప్పుడు అందుకు త‌గ్గ‌ట్టే దూసుకుపోతున్నాడు ఈ యువ రాజు.ఎవ‌రైతే అత‌డిని కెప్టెన్‌గా ఎంపిక‌చేయ‌డాన్ని వ్య‌తిరేకించారో.. ఇప్పుడు వారితోనే శెభాష్ అనిపించుకుంటున్నాడు. కెప్టెన్‌గా తొలి టెస్టులోనే సెంచ‌రీతో మెరిసిన గిల్‌.. ప్ర‌స్తుతం ఎడ్జ్‌బాస్ట‌న్ వేదిక‌గా జ‌రుగుతున్న రెండో టెస్టులో ఏకంగా ద్విశ‌త‌కంతో మెరిశాడు.త‌న అసాధార‌ణ ప్ర‌ద‌ర్శ‌న‌తో టెస్టుల్లో అత్య‌ధిక వ్య‌క్తిగత స్కోర్ సాధించిన భార‌త కెప్టెన్‌గా చ‌రిత్ర‌ను తిర‌గ రాశాడు. ఈ సిరీస్ ముందు వ‌ర‌కు ఇంగ్లండ్ గ‌డ్డ‌పై ఒక్క సెంచ‌రీ కూడా చేయ‌ని శుబ్‌మ‌న్.. ఇప్పుడు శ‌త‌కాల మోత మ్రోగిస్తున్నాడు. ఇంత‌కుముందు ఒక్క‌ లెక్క‌.. కెప్టెన్ అయ్యాక‌ ఒక లెక్క అన్న‌ట్లు గిల్ ప్ర‌యాణం సాగుతోంది.జయహో నాయక..ఒక జట్టు నాయకుడికి ఉండవలసిన అన్ని లక్షణాలు గిల్‌కు ఉన్నాయి. జట్టు గెలిస్తే క్రెడిట్ తీసుకున్న వాడు నిజ‌మైన కెప్టెన్ కాడు.. అదే జట్టు కష్టాల్లో ఉన్నప్పుడు ముందుకొచ్చి ఆదుకున్న వాడే నిజమైన లీడర్‌. ఇది గిల్‌కు సరిగ్గా సరిపోతుంది.తొలి టెస్టులో ఓటమికి నైతిక బాధ్యత వహించిన గిల్‌.. ఇప్పుడు ఎడ్జ్‌బాస్టన్‌లో జట్టును ముందుండి నడిపిస్తున్నాడు. తొలి ఇన్నింగ్స్ ఆరంభంలో వరుస క్రమంలో వికె​ట్లు కోల్పోయి కష్టాల్లో పడిన జట్టును.. తన బాధ్యయుత ఆటతీరుతో ఆదుకున్నాడు.ఆచితూచి ఆడి భారత ఇన్నింగ్స్‌ను చక్కదిద్దాడు. తొలుత 100 బంతుల్లో కేవలం 25 పరుగులు మాత్రమే చేసిన ఈ పంజాబీ ఆటగాడు.. క్రీజులో నిలదొక్కొన్నాక ప్రత్యర్ధి బౌలర్లకు చుక్కలు చూపించాడు. గిల్ తొలి టెస్టు డబుల్ సెంచరీ వెనక ఎంతో శ్రమ దాగి ఉంది. దాదాపు రెండు రోజుల పాటు ఎంతో ఓర్పు, నిబద్ద‌తతో బ్యాటింగ్ చేసి జ‌ట్టును ప‌టిష్ట స్ధితిలో నిలిపాడు. అతడి ఆటతీరుకు ప్రత్యర్ధి ఆటగాళ్లు సైతం ఫిదా అయిపోయారు. అప్ప‌టిలో స‌చిన్‌, కోహ్లి.. భార‌త టెస్టు జ‌ట్టులో నాలుగో నంబ‌ర్‌కు ప్ర‌త్యేక స్ధానం ఉంది. ఒక ద‌శాబ్ధం క్రితం జోహన్నెస్‌బర్గ్‌లో భార‌త క్రికెట్ దిగ్గ‌జం స‌చిన్ టెండూల్క‌ర్ వ‌దిలిపెట్టి వెళ్లిన నాలుగో నంబ‌ర్ స్ధానాన్ని లెజెండ‌రీ విరాట్ కోహ్లి భర్తీ చేశాడు. ఆ స్ధానంలో దాదాపు పుష్క‌ర‌కాలం పాటు విరాట్ కోహ్లి విజ‌య‌వంతంగా కొన‌సాగాడు. విరాట్‌ త‌న అద్బుత ప్ర‌ద‌ర్శ‌న‌ల‌తో మాస్ట‌ర్‌బ్లాస్ట‌ర్‌ను మ‌రిపించాడు. ఇప్పుడు కింగ్ కోహ్లి వార‌సుడిగా అదే ఎంఆర్‌ఎఫ్‌( MRF) బ్యాట్‌తో 25 ఏళ్ల గిల్ బాధ్యతలు చేపట్టాడు. ఈ సిరీస్ ఆరంభానికి ముందు వరకు ఈ కీలకమైన స్దానంలో ఎవరి బ్యాటింగ్ వస్తారన్న చర్చ తీవ్ర స్ధాయిలో జరిగింది.కొంతమంది మాజీలు కరుణ్ నాయర్‌, కేఎల్ రాహుల్‌ను నాలుగో స్ధానంలో బ్యాటింగ్ పంపాలని సూచించారు. కానీ కెప్టెన్ గిల్ మాత్రం విరాట్ కోహ్లి స్దానానికి తానే సరైనోడనని ముందుకు వచ్చాడు. అందుకు తగ్గట్టే ఆ స్ధానంలో ఆడిన తొలి ఇన్నింగ్స్‌లో శతక్కొట్టాడు. ఇప్పుడు రెండో టెస్టులో 269 పరుగులు చేసి సత్తాచాటాడు. ఓవరాల్‌గా గిల్ ఇప్పటివరకు 34 టెస్టులు ఆడి 40.65 సగటుతో 2317 పరుగులు చేశాడు.పట్టు బిగిస్తున్న భారత్‌..ఇక ఎడ్జ్‌బాస్ట‌న్ టెస్టులో భార‌త్ ప‌ట్టు బిగిస్తోంది. రెండో రోజు ఆట ముగిసే స‌మ‌యానికి ఇంగ్లండ్ త‌మ తొలి ఇన్నింగ్స్‌లో 3 వికెట్లు కోల్పోయి 77 ప‌రుగులు చేసింది. క్రీజులో హ్యారీ బ్రూక్‌(30), జో రూట్‌(18) ఉన్నారు. భార‌త బౌల‌ర్ల‌లో ఆకాష్ దీప్ రెండు, సిరాజ్ ఒక్క వికెట్ సాధించారు. అంత‌కుముందు భార‌త్ త‌మ తొలి ఇన్నింగ్స్‌లో 587 పరుగులకు ఆలౌటైంది. టీమిండియా ఇన్నింగ్స్‌లో గిల్‌తో పాటు యశస్వి జైస్వాల్‌ (87), రవీంద్ర జడేజా (89), వాషింగ్టన్‌ సుందర్‌ (42) రాణించారు.

ఎడ్జ్‌బాస్ట‌న్ వేదిక‌గా జూలై 2 నుంచి ఇంగ్లండ్‌తో ప్రారంభం కానున్న రెండో టెస్టులో టీమిండియా యువ ఆల్‌రౌండ‌ర్ నితీశ్ కుమార్ రెడ్డి ఆడ‌డం దాదాపు ఖాయ‌మైంది. బౌలింగ్ ఆల్‌రౌండ‌ర్ శార్ధూల్ ఠాకూర్ స్ధానంలో నితీశ్ తుది జ‌ట్టులోకి రానున్నట్లు తెలుస్తోంది. లీడ్స్ వేదిక‌గా జ‌రిగిన తొలి టెస్టులో విఫలం కావడంతో శార్ధూల్‌పై వేటు వేసేందుకు టీమ్ మెనెజ్‌మెంట్ సిద్ద‌మైన‌ట్లు స‌మాచారం.తొలి టెస్టులో ఓట‌మిపాలైన టీమిండియా.. ఎడ్జ్‌బాస్ట‌న్‌లో ఎలాగైనా గెలిచి సిరీస్‌ను స‌మం చేయాల‌ని భావిస్తోంది. ఈ క్ర‌మంలో సోమ‌వారం త‌మ నెట్‌ప్రాక్టీస్ సెష‌న్‌ను భార‌త జ‌ట్టు పొడిగించింది. దాదాపు నాలుగైదు గంట‌ల పాటు భార‌త ఆట‌గాళ్లు నెట్స్‌లో తీవ్రంగా శ్ర‌మించారు. నితీశ్ కుమార్ రెడ్డి బ్యాటింగ్‌, బౌలింగ్‌ ప్రాక్టీస్ చేశాడు.ఫీల్డింగ్ డ్రిల్స్‌లో కూడా ఈ ఆంధ్ర క్రికెట‌ర్ పాల్గోన్నాడు. ముఖ్యంగా నితీశ్ స్లిప్స్‌లో ఫీల్డింగ్ ప్రాక్టీస్ చేసిన‌ట్లు తెలుస్తోంది. జైశ్వాల్ బ‌దులుగా నితీశ్ స్లిప్స్‌లో ఫీల్డింగ్ చేయ‌నున్న‌ట్లు తెలుస్తోంది. తొలి టెస్టులో జైశ్వాల్ స్లిప్స్‌లో ఏకంగా మూడు క్యాచ్‌లు విడిచిపెట్టిన సంగ‌తి తెలిసిందే. అయితే శార్ధూల్ ఠాకూర్‌ మాత్రం ప్రాక్టీస్‌కు దూరంగా ఉన్నాడ‌ని ఎక్స్‌ప్రెస్ స్పోర్ట్స్ త‌మ క‌థ‌నంలో పేర్కొంది.వాషింగ్ట‌న్‌కు చోటు?మ‌రోవైపు ఈ మ్యాచ్‌లో ఇద్ద‌రు స్పిన్న‌ర్ల‌తో భార‌త్ ఆడ‌నున్నట్లు తెలుస్తోంది. తొలుత కుల్దీప్ యాద‌వ్‌కు ప్లేయింగ్ ఎలెవన్‌లో చోటు ఇవ్వాల‌ని టీమిండియా మెనెజ్‌మెంట్ భావిస్తున్న‌ట్లు వార్త‌లు వినిపించాయి. కానీ ఇప్పుడు కుల్దీప్ యాదవ్‌కు బ‌దులుగా ఆల్‌రౌండ‌ర్ వాషింగ్ట‌న్ సుంద‌ర్‌కు చోటివ్వాల‌ని గంభీర్ అండ్ కో యోచిస్తున్న‌ట్లు ప‌లు రిపోర్టులు పేర్కొంటున్నాయి. సోమ‌వారం జ‌రిగిన నెట్‌సెష‌న్‌లో ఈ త‌మిళ‌నాడు ఆల్‌రౌండ‌ర్‌ తీవ్రంగా శ్ర‌మించ‌డం ఈ వార్త‌లకు మ‌రింత ఊత‌మిస్తున్నాయి. అయితే ప్రీ మ్యాచ్ ప్రెస్‌ కాన్ఫ‌రెన్స్‌లో మాట్లాడిన భార‌త జ‌ట్టు స‌హాయ‌క కోచ్ ర్యాన్ టెన్‌ డస్కటే మాత్రం ఈ విష‌యంపై ఎటువంటి క్లారిటీ ఇవ్వ‌లేదు. అదేవిధంగా బుమ్రా అందుబాటుపై కూడా మ్యాచ్ రోజున నిర్ణ‌యం తీసుకుంటామ‌ని డ‌స్క‌టే వెల్ల‌డించాడు. కాగా ఈ మ్యాచ్‌ కోసం ఇంగ్లండ్‌ తమ తుది జట్టును ఇప్పటికే ప్రకటించింది.టీమిండియాతో రెండో టెస్ట్‌ కోసం ఇంగ్లండ్‌ తుది జట్టు..జాక్ క్రాలే, బెన్ డకెట్, ఓలీ పోప్, జో రూట్, హ్యారీ బ్రూక్, బెన్ స్టోక్స్ (కెప్టెన్), జేమీ స్మిత్ (వికెట్ కీపర్), క్రిస్ వోక్స్, బ్రైడాన్ కార్స్, జోష్ టంగ్, షోయబ్ బషీర్చదవండి: నా మనసంతా అక్కడే.. ఎక్కడున్నా పట్టేస్తారు: పెదవి విప్పిన కావ్యా మారన్‌

ఇంగ్లండ్‌తో టెస్టు సిరీస్‌కు టీమిండియా మిడిలార్డ‌ర్ బ్యాట‌ర్‌, పంజాబ్ కింగ్స్ కెప్టెన్ శ్రేయ‌స్ అయ్య‌ర్ ఎంపిక‌ కాక‌పోయిన సంగ‌తి తెలిసిందే. దీంతో అయ్యర్ త‌న‌కు ల‌భించిన ఈ ఖాళీ స‌మ‌యాన్ని కుటుంబానికి కేటాయించాడు. ప్ర‌స్తుతం ఇంట్లోనే ఉన్న శ్రేయ‌స్‌ త‌న ఫ్యామిలీతో స‌ర‌దగా గ‌డుపుతున్నాడు. తాజాగా శ్రేయ‌స్ అయ్య‌ర్ త‌న ఇంట్లో త‌ల్లితో క‌లిసి క్రికెట్ ఆడాడు. అయ్య‌ర్ బ్యాటింగ్ చేయ‌గా.. అత‌డి త‌ల్లి బౌలింగ్ చేసింది. అయితే ఆమె విసిరిన ఓ బంతిని శ్రేయస్‌ కొట్టలేకపోయాడు. దీంతో ఆమె అయ్య‌ర్‌ను క్లీన్ బౌల్డ్ చేసిన‌ట్లు సెల‌బ్రేష‌న్స్ చేసుకుంది. ఈ వీడియోను పంజాబ్ కింగ్స్ ఎక్స్‌లో షేర్ చేసింది.మా స‌ర్పాంచ్ సాబ్ ఇప్పుడు మాత్రం బౌల్డ్ అయినా ప‌ట్టించుకోడ‌ని పంజాబ్ క్యాప్ష‌న్‌గా జోడించింది. ప్ర‌స్తుతం ఈ వీడియో సొష‌ల్ మీడియాలో వైర‌లవుతోంది. కాగా ఐపీఎల్‌-2025 సీజన్‌లో పంజాబ్‌ కింగ్స్‌ను అయ్యర్‌ రన్నరప్‌గా నిలిచాడు.అద్బుతమైన ప్రదర్శనలతో ఫైనల్‌ చేరినప్పటికి.. తుది మెట్టుపై ఆర్సీబీ చేతిలో పంజాబ్‌ బోల్తా పడింది. ప్రస్తుతం క్రికెట్‌ దూరంగా ఉన్న అయ్యర్‌ వచ్చే నెలలో బంగ్లాదేశ్‌తో జరిగే వన్డే సిరీస్‌కు తిరిగి జట్టులోకి వచ్చే అవకాశముంది.చదవండి: ఇంగ్లండ్‌కు టీమిండియా స్ట్రాంగ్‌ కౌంట‌ర్ ఇవ్వాలి.. లేదంటే క‌ష్ట‌మే: రవిశాస్త్రిOnly time SARPANCH won't mind getting bowled! 😂♥️ pic.twitter.com/jYUDd7DkD7— Punjab Kings (@PunjabKingsIPL) June 30, 2025

ఈ ఏడాది ఆగ‌స్టులో భార‌త్‌-బంగ్లాదేశ్ మ‌ధ్య జ‌రగాల్సిన వైట్‌బాల్ సిరీస్‌లపై అనిశ్చితి నెలకొంది. తాజాగా ఈ సిరీస్‌ల‌కు సంబంధించి బంగ్లాదేశ్ క్రికెట్ బోర్డు (BCB) చీఫ్ అమీనుల్ ఇస్లాం కీల‌క అప్‌డేట్ ఇచ్చారు. బంగ్లాదేశ్ ప‌ర్యట‌నకు భార‌త జ‌ట్టును పంపేందుకు బీసీసీఐ(BCCI) ఇంకా ప్రభుత్వ అనుమతి కోసం వేచిచూస్తుంద‌ని అమీనుల్ ఇస్లాం తెలిపాడు.వాస్త‌వానికి షెడ్యూల్ ప్ర‌కారం.. ఆగ‌స్టులో భార‌త జ‌ట్టు మూడు టీ20, మూడు వ‌న్డేల సిరీస్ కోసం బంగ్లాలో ప‌ర్యాటించాల్సి ఉంది. ఆగ‌స్టు 17 నుంచి టీమిండియా టూర్ ప్రారంభ‌మ‌వ్వాల్సి ఉంది. కానీ బంగ్లాదేశ్‌-భార‌త్ మ‌ధ్య నెల‌కొన్న రాజకీయ ఉద్రిక్తతల కార‌ణంగా ఈ సిరీస్‌లు జ‌ర‌గ‌డం అసంభవం అన్పిస్తోంది.అయితే బీసీబీ అధ్యక్షుడు అమీనుల్ మాత్రం ఈ సిరీస్‌ల‌కు ఆతిథ్య‌మిచ్చేందుకు ఆతృతగా ఎదురుచూస్తున్నారు. ఒకవేళ ప్రస్తుత పరిస్థితుల కారణంగా ఆగస్టులో వీలుకాకపోయినా, తర్వాతైనా భారత జట్టు తమ దేశానికి రావాలని అతడు ఆశిస్తున్నాడు. "ఈ పర్యటనకు సంబంధించి మేము బీసీసీఐతో నిరంతరం చర్చలు జరుపుతున్నాము. వారు సానుకూలంగా స్పందిస్తున్నారు. ఆగస్టు లేదా సెప్టెంబర్‌లో సిరీస్‌లను నిర్వహించేందుకు ప్రయత్నిస్తున్నాము. ఒకవేళ ఇప్పుడు వీలుకాకపోతే తర్వాతైనా భారత్‌కు ఆతిథ్యమిస్తామన్న నమ్మకం మాకు ఉంది. భారత్ ఇంకా అధికారికంగా టూర్‌ను వాయిదా వేయలేదు. భారత జట్టు బంగ్లా పర్యటన అనేది ప్రభుత్వం నుండి అనుమతి లభించడంపై ఆధారపడి ఉందని" బోర్డు మీటింగ్ అనంతరం మీడియా సమావేశంలో అమీనుల్ పేర్కొన్నారు. కాగా భార‌త జ‌ట్టు వ‌చ్చే నెల‌లో బంగ్లాదేశ్ ప‌ర్య‌ట‌న‌కు వెళ్ల‌క‌పోతే, బీసీబీ ఐపీఎల్‌-2026 వేచి ఉండాల్సిందే. ఎందుకంటే వ‌చ్చే ఏడాది జ‌న‌వరిలో జ‌రిగే టీ20 ప్ర‌పంచ‌కప్ వ‌ర‌కు టీమిండియా షెడ్యూల్‌ ముందుగానే ఫిక్స్‌ అయింది. పొట్టి ప్రపంచకప్ తర్వాత ఐపీఎల్ జరగనుంది. ​కాబట్టి వచ్చే ఏడాది ఐపీఎల్‌ తర్వాతే భారత జట్టుకు కాస్త సమయం లభిస్తోంది. టీమిండియా చివరగా 2022లో మూడు వన్డేలు, రెండు టెస్టులు ఆడేందుకు బంగ్లాలో పర్యటించింది.చదవండి: టీమిండియాతో రెండో టెస్టు.. ఇంగ్లండ్ మాస్ట‌ర్ ప్లాన్‌! అత‌డికి పిలుపు?

ఎడ్జ్‌బాస్ట‌న్ వేదిక‌గా ఇంగ్లండ్‌తో రెండో టెస్టులో త‌ల‌ప‌డేందుకు భార‌త జ‌ట్టు సిద్ద‌మైంది. హెడింగ్లీలో జరిగిన తొలి టెస్టులో అనూహ్యంగా ఓట‌మి పాలైన టీమిండియా ఎలాగైనా తిరిగి పుంజుకోవాల‌ని ప‌ట్టుద‌ల‌తో ఉంది. అందుకు త‌గ్గ‌ట్టు నాలుగు రోజుల పాటు ప్రాక్టీస్ సెష‌న్‌లో గిల్ సేన తీవ్రంగా శ్ర‌మించింది.ఈ క్ర‌మంలో టీమిండియా మాజీ హెడ్ కోచ్ ర‌విశాస్త్రి కీల‌క వ్యాఖ్య‌లు చేశాడు. ఎడ్జ్‌బాస్టన్‌లో జరిగే రెండో టెస్టులో ప్ర‌త్య‌ర్ధికి ధీటైన స‌మాధానిమివ్వాలని భారత జట్టును రవిశాస్త్రి కోరాడు."రెండో టెస్టులో ఎలాగైనా గెలిచి ఇంగ్లండ్‌కు టీమిండియా కౌంటర్ పంచ్ ఇవ్వాలి. ఇది భారత్‌కు చాలా ముఖ్యమైన విషయం. ఈ మ్యాచ్‌లో భారత్‌ గెలవకపోతే సిరీస్‌లో వెనకబడుతోంది. తొలి టెస్టులో ఎక్కువ భాగం ఆధిపత్యం చెలాయించినప్పటికి.. ఆఖరి రోజు ఆటలో నిరాశపరచడంతో భారత్ ఓటమి చవిచూడాల్సి వచ్చింది. చివరి రోజు ఆటలో భారీ టార్గెట్ చేధించి గెలిచినందుకు ఇంగ్లండ్‌కు కచ్చితంగా క్రెడిట్ దక్కాల్సిందే. కానీ ఇప్పుడు ఆ ఓటమి నుంచి పాఠాలు నేర్చుకుని తిరిగి పుంజు​​కోవాల్సిన అవసరముంది. ఎడ్జ్‌బాస్టన్ టెస్టులో జస్ప్రీత్ బుమ్రా ఆడుతాడో లేదో ఇంకా తెలియదు. కానీ అతడు ఆడాలనే నేను ఆశిస్తున్నాను. ఎందుకంటే ఇది చాలా ముఖ్యమైన మ్యాచ్‌.. ఇందులో గెలిస్తే సిరీస్ సమమవుతోంది. కాబట్టి ఈ ఒక్క మ్యాచ్‌లో అతడిని ఆడించి మిగితా మ్యాచ్‌లకు విశ్రాంతి ఇస్తే సరిపోతుంది. ఇది ఐదు మ్యాచ్‌ల సిరీస్ కాబట్టి భారత్ తిరిగి కమ్‌బ్యాక్ ఇస్తుందని ఆశిస్తున్నా" అని ఐసీసీ రివ్యూలో శాస్త్రి పేర్కొన్నాడు.టీమిండియాతో రెండో టెస్ట్‌ కోసం ఇంగ్లండ్‌ తుది జట్టు..జాక్ క్రాలే, బెన్ డకెట్, ఓలీ పోప్, జో రూట్, హ్యారీ బ్రూక్, బెన్ స్టోక్స్ (కెప్టెన్), జేమీ స్మిత్ (వికెట్ కీపర్), క్రిస్ వోక్స్, బ్రైడాన్ కార్స్, జోష్ టంగ్, షోయబ్ బషీర్చదవండి: IND vs ENG: టీమిండియాకు హార్ట్ బ్రేక్.. ఒక్క వికెట్ తేడాతో ఓట‌మి

ఇంగ్లండ్‌-భారత్ మధ్య రెండో టెస్టు ఎడ్జ్‌బాస్టన్ వేదికగా జూలై 2 నుంచి ప్రారంభం కానుంది. ఈ మ్యాచ్‌కు ముందు ఇంగ్లండ్ క్రికెట్ బోర్డు కీలక నిర్ణయం తీసుకుంది. ది టెలిగ్రాఫ్‌ రిపోర్ట్ ప్రకారం.. మాజీ ఆల్‌రౌండర్ మోయిన్ అలీ(Moeen Ali) కోచింగ్ కన్సల్టెంట్‌గా ఇంగ్లండ్ జట్టులో చేరాడు.హెడ్‌ కోచ్‌ బ్రాండెన్ మెకల్లమ్‌తో కలిసి మోయిన్ అలీ తన సేవలను అందించనున్నట్లు టెలిగ్రాఫ్ స్పోర్ట్స్ జర్నలిస్ట్ విల్ మాక్‌ఫెర్సన్ వెల్లడించారు. సోమవారం అలీ నేతృత్వంలోనే ఇంగ్లండ్ జట్టు ప్రాక్టీస్ చేసినట్లు ఆయన ఎక్స్‌లో రాసుకొచ్చారు. ఎడ్జ్‌బాస్టన్ పిచ్ స్పిన్నర్లకు అనుకూలించే అవకాశమున్నందన మోయిన్‌ను తమ కోచింగ్ సెటప్‌లోకి ఇంగ్లండ్ తీసుకున్నట్లు తెలుస్తోంది.ఆఫ్ స్పిన్నర్ అయిన అలీ.. తొలి టెస్టులో విఫలమైన యువ స్పిన్నర్‌ షోయబ్ బషీర్‌కు గైడ్ చేసే అవకాశముంది. అంతేకాకుండా రవీంద్ర జడేజా, కుల్దీప్ యాదవ్ వంటి మిస్టరీ స్పిన్నర్లను ఎదుర్కొవడంలో ఇంగ్లండ్ బ్యాటర్లకు అలీ చిట్కాలు ఇవ్వనున్నట్లు వార్తలు వినిపిస్తున్నాయి.అదేవిధంగా ఎడ్జ్‌బాస్టన్ టెస్టులో భారత స్పిన్నర్ కుల్దీప్ యాదవ్ ఆడనున్నట్లు బీసీసీఐ వర్గాలు వెల్లడించాయి. అయితే స్టార్ పేసర్ జస్ప్రీత్ బుమ్రా రెండో టెస్టులో ఆడడంపై ఇంకా సందిగ్థం కొనసాగుతోంది. మ్యాచ్‌కు ముందే అతని అందుబాటుపై నిర్ణయం ఉంటుందని భారత అసిస్టెంట్‌ కోచ్‌ టెన్‌ డస్కటే చెప్పుకొచ్చాడు.ఒకవేళ బుమ్రాకు విశ్రాంతి ఇస్తే ఆకాష్ దీప్ తుది జట్టులోకి వచ్చే ఛాన్స్ ఉంది. మరోవైపు రెండో టెస్టు కోసం ఇంగ్లండ్ తమ ప్లేయింగ్ ఎలెవన్‌ను ప్రకటించింది. స్పీడ్‌ స్టార్‌ జోఫ్రా అర్చర్‌కు తుది జట్టులో చోటు దక్కలేదు. మూడో టెస్టు నుంచి అతడు అవకాశముంది.టీమిండియాతో రెండో టెస్ట్‌ కోసం ఇంగ్లండ్‌ తుది జట్టు..జాక్ క్రాలే, బెన్ డకెట్, ఓలీ పోప్, జో రూట్, హ్యారీ బ్రూక్, బెన్ స్టోక్స్ (కెప్టెన్), జేమీ స్మిత్ (వికెట్ కీపర్), క్రిస్ వోక్స్, బ్రైడాన్ కార్స్, జోష్ టంగ్, షోయబ్ బషీర్చదవండి: బుమ్రాపై నిర్ణ‌యం అప్పుడే.. మా దృష్టింతా దానిపైనే: టీమిండియా కోచ్‌

నార్తాంప్టన్ వేదిక‌గా సోమ‌వారం ఇంగ్లండ్ అండ‌ర్‌-19 జ‌ట్టుతో జ‌రిగిన రెండో యూత్ వ‌న్డేలో ఒక్క వికెట్ తేడాతో భార‌త్ అండ‌ర్‌-19 జ‌ట్టు ఓట‌మి పాలైంది. దీంతో ఐదు వ‌న్డేల సిరీస్ 1-1 స‌మ‌మైంది. భార‌త్ నిర్ధేశించిన 291 ప‌రుగుల భారీ ల‌క్ష్యాన్ని ఇంగ్లండ్ 49.3 ఓవ‌ర్ల‌లో 9 వికెట్లు కోల్పోయి చేధించింది.ల‌క్ష్య చేధ‌న‌లో ఇంగ్లండ్ యువ జ‌ట్టు టాప్ ఆర్డర్ బ్యాట‌ర్లు త‌డ‌బ‌డ్డారు. దీంతో ఓ ద‌శ‌లో టీమిండియా సునాయ‌సంగా గెలుస్తుంద‌ని అంతా భావించారు. కానీ ఇంగ్లీష్ జ‌ట్టు వికెట్ కీప‌ర్ బ్యాట‌ర్ థామస్ రెవ్ అద్భుతమైన సెంచరీతో భార‌త్ నుంచి మ్యాచ్ లాగేసుకున్నాడు.ఓ వైపు క్ర‌మం త‌ప్ప‌కుండా వికెట్లు ప‌డ‌తున్న‌ప్ప‌టికి రెవ్ మాత్రం విరోచిత పోరాటం చేశాడు. 83 బంతుల్లో 16 ఫోర్లు, 6 సిక్స్‌ల‌తో 131 ప‌రుగులు చేశాడు. అత‌డితో పాటు సెబాస్టియన్ మోర్గాన్నాట్(20), అలెక్స్ గ్రీన్‌(12) ఆఖ‌రిలో కీల‌క ఇన్నింగ్స్‌లు ఆడారు. భార‌త బౌల‌ర్ల‌లో ఆర్ఎస్ అంబరీష్ నాలుగు వికెట్లు ప‌డ‌గొట్ట‌గా.. యుధాజిత్ గుహ, హెనిల్ పటేల్ త‌లా రెండు వికెట్లు సాధించారు.వైభ‌వ్ మెరుపులు..అంత‌కుముందు బ్యాటింగ్ చేసిన టీమిండియా 49 ఓవ‌ర్ల‌లో 290 ప‌రుగుల‌కు ఆలౌటైంది. భార‌త బ్యాట‌ర్ల‌లో యువ సంచ‌ల‌నం వైభ‌వ్ సూర్య‌వంశీ మ‌రోసారి మెరుపులు మెరిపించాడు. 34 బంతుల్లో 5 ఫోర్లు, 3 సిక్సర్ల సాయంతో 45 ప‌రుగులు చేసి ఔట‌య్యాడు.అత‌డితో పాటు విహాన్ మల్హోత్రా(49), రాహుల్ కుమార్‌(47), క‌న్షిక్ చౌహ‌న్‌(45) రాణించారు. ఇంగ్లండ్ బౌల‌ర్ల‌లో ఫ్రెంచ్ నాలుగు.. హోమ్‌, గ్రీన్ త‌లా మూడు వికెట్లు ప‌డ‌గొట్టారు. ఇరు జ‌ట్ల మ‌ధ్య మూడో వ‌న్డే ఇదే వేదిక‌లో జ‌ర‌గ‌నుంది.చదవండి: బుమ్రాపై నిర్ణ‌యం అప్పుడే.. మా దృష్టింతా దానిపైనే: టీమిండియా కోచ్‌

భార‌త్‌-ఇంగ్లండ్ మ‌ధ్య రెండో టెస్టు జూలై 2 నుంచి బర్మింగ్‌హామ్ వేదిక‌గా ప్రారంభం కానుంది. ఈ కీల‌క మ్యాచ్‌కు ముందు టీమిండియాకు కాస్త ఊర‌ట ల‌భించింది. శ‌నివారం జ‌రిగిన నెట్ ప్రాక్టీస్ సెష‌న్‌లో టీమిండియా పేస్ గుర్రం జ‌స్ప్రీత్ బుమ్రా పాల్గోన్నాడు.శుక్ర‌వారం జ‌రిగిన‌ మొద‌టి ప్రాక్టీస్ సెష‌న్‌కు దూరంగా ఉన్న బుమ్రా.. రెండో రోజు మాత్రం దాదాపు ఆరగంట పాటు బౌలింగ్ ప్రాక్టీస్ చేశాడు. రెండో టెస్టుకు బుమ్రాకు విశ్రాంతి ఇవ్వ‌నున్న‌ట్లు వార్త‌లు వినిపిస్తున్న నేప‌థ్యంలో బుమ్రా తిరిగి మ‌ళ్లీ నెట్స్‌లో క‌న్పించ‌డం ఆసక్తిక‌రంగా మారింది. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది.అయితే రెండవ టెస్ట్‌లో బుమ్రా పాల్గొనడంపై ఇంకా తుది నిర్ణయం తీసుకోలేదని ఈఎస్పీఎన్ క్రిక్ఇన్‌ఫో త‌మ రిపోర్ట్‌లో పేర్కొంది. కాగా ఈ సిరీస్‌కు ముందే బుమ్రా కేవ‌లం మూడు మ్యాచ్‌ల‌లో మాత్ర‌మే ఆడ‌తాడ‌ని టీమిండియా మెనెజ్‌మెంట్ స్ప‌ష్టం చేసింది.కానీ ఏ మ్యాచ్‌ల‌కు అందుబాటులో ఉంటాడ‌న్న విష‌యాన్ని మాత్రం వెల్ల‌డించ‌లేదు. ఒక‌వేళ రెండో టెస్టుకు బుమ్రాకు విశ్రాంతి ఇవ్వాల‌ని టీమ్ యాజ‌మాన్యం భావిస్తే.. వారి నిర్ణ‌యాన్ని మార్చుకునే అవ‌కాశ‌ముంది. ఎందుకంటే తొలి టెస్టులో ఓట‌మి పాలైన భార‌త్‌కు.. బ‌ర్మింగ్‌హామ్ టెస్టు చాలా కీల‌కం. ఈ మ్యాచ్‌లో గెలిస్తే సిరీస్ 1-1 స‌మమ‌వుతోంది. అదే ఓడిపోతే 0-2తో టీమిండియా వెన‌క‌బ‌డుతోంది. కాబ‌ట్టి రెండో టెస్టులో ఆడించి బుమ్రాకు మూడో టెస్టుకు విశ్రాంతి ఇచ్చే ఆలోచ‌న‌లో ఉన్న‌ట్లు గంభీర్ అండ్ కో ఉన్న‌ట్లు స‌మాచారం. బుమ్రా విష‌యంలో మ‌రి ఏ నిర్ణ‌యం తీసుకుంటారో మ‌రో మూడు రోజులు వేచి చూడాలి.కాగా రెండో రోజు ప్రాక్టీస్‌కు టీమిండియా కెప్టెన్ శుబ్‌మ‌న్ గిల్‌, య‌శ‌స్వి జైశ్వాల్‌, రిష‌బ్ పంత్ దూరంగా ఉన్న‌ట్లు తెలుస్తోంది. అయితే ఈ ప్రాక్టీస్‌లో మాత్రం భార‌త జ‌ట్టు ఫీల్డింగ్, ఫిట్‌నెస్ డ్రిల్స్‌పై ఎక్కువ‌గా దృష్టిసారించింది.చదవండి: IND vs ENG: చ‌రిత్ర సృష్టించిన స్మృతి మంధాన.. తొలి భారత ప్లేయర్‌గాBoom Time! 💣 pic.twitter.com/AhXEZg2ven— Sahil Malhotra (@Sahil_Malhotra1) June 28, 2025

జూలై 2 నుంచి ఎడ్జ్‌బాస్ట‌న్ వేదిక‌గా ఇంగ్లండ్‌తో ప్రారంభం కానున్న రెండో టెస్టు కోసం భార‌త జ‌ట్టు త‌మ ప్రాక్టీస్‌ను మొదలు పెట్టింది. ఈ మ్యాచ్‌లో ఎలాగైనా గెలిచి తొలి టెస్టు ఓటమికి బదులు తీర్చుకోవాలని టీమిండియా భావిస్తోంది. ఈ నేప‌థ్యంలో టీమిండియా ప్ర‌ధాన కోచ్ గౌతమ్ గంభీర్‌పై భార‌త మాజీ క్రికెట‌ర్ ఆకాశ్ చోప్రా కీల‌క వ్యాఖ్య‌లు చేశాడు. లీడ్స్‌లో టెస్టులో ఓట‌మితో గంభీర్‌పై ఒత్తిడి పెరిగింద‌ని చోప్రా అభిప్రాయ‌ప‌డ్డాడు. హెడ్ కోచ్‌గా బాధ్య‌తలు చెప‌ట్టిన త‌ర్వాత భార‌త జ‌ట్టు బంగ్లాపై మినహా ఒక్క ప్ర‌ధాన టెస్టు సిరీస్‌లో కూడా విజ‌యం సాధించ‌లేక‌పోయింది. స్వ‌దేశంలో న్యూజిలాండ్ చేతిలో వైట్‌వాష్‌, బోర్డ‌ర్ గ‌వాస్క‌ర్ ట్రోఫీలో 1-3తో ఓడిపోవ‌డంతో గంభీర్ విమ‌ర్శ‌లు ఎదుర్కొంటున్నాడు. ఇప్పుడు ఇంగ్లండ్‌తో సిరీస్‌ను కూడా ఓట‌మితో ఆరంభించ‌డం గంభీర్‌పై ప్రశ్నల వర్షం కురుస్తోంది."గెలిచిన‌ప్పుడు ప్ర‌శంస‌లు, ఓడిపోయిన‌ప్పుడు విమ‌ర్శ‌లు గుప్పించ‌డం భార‌త క్రికెట్ సూత్రం. మ్యాచ్‌లో గెలిచి అన్ని బాగా జ‌రిగితే అంద‌రికి ఆ క్రెడిట్ ద‌క్కుతుంది. అదే ఓట‌మి పాలైతే ప్రతీ ఒక్కరూ విమ‌ర్శ‌లు ఎదుర్కొక త‌ప్ప‌దు. లీడ్స్ టెస్టులో ఓట‌మికి కెప్టెన్ శుబ్‌మ‌న్ గిల్‌ను నేను బాధ్యుడిని చేయాల‌నుకోవ‌డం లేదు.ఎందుకంటే అత‌డు ఇప్పుడే కెప్టెన్‌గా బాధ్యతలు చేపట్టాడు. పరిస్థితుల‌ను ఆర్ధం చేసుకోవ‌డానికి అతడికి కాస్త స‌మయం ప‌డుతోంది. కానీ గౌతం గంభీర్‌పైన మాత్రం ప్రస్తుతం తీవ్ర ఒత్తిడి ఉంటుంది. రెడ్ బాల్ క్రికెట్‌లో కోచ్‌గా త‌న మార్క్ చూపించ‌లేక‌పోయాడు. అత‌డి ప‌ర్య‌వేక్ష‌ణ‌లో భారత్ చాలా తక్కువ ‍మ్యాచ్‌లను గెలిచింది. బంగ్లాదేశ్‌పై రెండు, ఆస్ట్రేలియాపై ఒక్క టెస్టు మ్యాచ్ మాత్రమే టీమిండియా విజయం సాధించింది. న్యూజిలాండ్‌, ఆస్ట్రేలియాపై చెరో మూడు మ్యాచ్‌లలో భారత్ ఓటమి పాలైంది. ఇప్పుడు ఇంగ్లండ్‌పై కూడా ఓ మ్యాచ్ భారత్ ఓడిపోయింది. అతడి నేతృత్వంతో భారత్ కేవలం ఓటముల తప్ప విజయాలు సాధించలేకపోతుంది. ఇంగ్లండ్ సిరీస్‌లో ఆశించింన‌ ఫ‌లితం రాక‌పోతే గంభీర్ స్ధానం ప్ర‌శ్నార్ధ‌కంగా మారుతోంది. ఎందుకంటే గంభీర్ కోరిన ప్రతీది సెలెక్టర్లు, బీసీసీఐ చేసింది. ఎలాంటి ఆటగాళ్లు కావాలంటే అలాంటి ప్లేయర్లను సెలెక్టర్లు ఇచ్చారు. అయిన‌ప్ప‌టికి విజ‌యాల‌ను అందించ‌క‌పోతే సెల‌క్ట‌ర్ల నుంచి ప్ర‌శ్న‌లు ఎదుర్కొక త‌ప్ప‌దు" తన యూట్యూబ్ ఛానల్‌లో చోప్రా పేర్కొన్నాడు.చదవండి: MLC 2025: ఉత్కంఠ పోరు.. ఆఖ‌రి బంతికి సిక్స్ కొట్టి గెలిపించిన హెట్‌మైర్‌

లీడ్స్ వేదిక‌గా ఇంగ్లండ్‌తో జ‌రిగిన తొలి టెస్టులో 5 వికెట్ల తేడాతో టీమిండియా(Teamindia) ఓట‌మి పాలైంది. 371 ప‌రుగుల భారీ ల‌క్ష్యాన్ని కాపాడుకోవ‌డంలో భార‌త బౌల‌ర్లు విఫ‌ల‌మ‌య్యారు. ఆఖ‌రి రోజు ఆట‌లో బౌల‌ర్లు తేలిపోయారు. దీంతో ఈ భారీ టార్గెట్‌ను ఇంగ్లండ్ కేవ‌లం ఐదు వికెట్లు మాత్ర‌మే కోల్పోయి చేధించింది.ఇంగ్లండ్ ఓపెన‌ర్ బెన్ డ‌కెట్(149) భారీ సెంచ‌రీతో చెల‌రేగాడు. ఈ విజ‌యంతో ఐదు మ్యాచ్‌ల సిరీస్‌లో 1-0 ఆధిక్యంలో ఇంగ్లీష్ జ‌ట్టు దూసుకెళ్లింది. కాగా భార‌త్ ఓట‌మికి ప్ర‌ధానం కార‌ణం ఫీల్డింగ్ వైఫ‌ల్య‌మే. మొత్తంగా ఈ మ్యాచ్‌లో 6 క్యాచ్‌ల‌ను భార‌త ఫీల్డ‌ర్లు జార‌విడిచారు.ఆఖ‌రి రోజు ఆట‌లో సైతం టీమిండియా ఫీల్డింగ్ ఏ మాత్రం మెరుగుప‌డ‌లేదు. ఆఖ‌రి రోజు ఆట‌లో మ్యాన్ ఆఫ్‌ది మ్యాచ్‌ బెన్ డ‌కెట్ క్యాచ్‌ను 97 ప‌రుగుల వ‌ద్ద‌ జైశ్వాల్ విడిచిపెట్టాడు. దీంతో అత‌డు ఏకంగా 149 ప‌రుగులు చేసి ఇంగ్లండ్ విజ‌యంలో కీల‌క పాత్ర పోషించాడు.ఈ క్ర‌మంలో పేలవ ఫీల్డింగ్ ప్ర‌ద‌ర్శ‌న క‌న‌బ‌రిచిన టీమిండియాను ఇంగ్లండ్ మాజీ కెప్టెన్ మైఖేల్ వాన్‌(Michael Vaughan) ట్రోలు చేశాడు. "ఈ భార‌త జ‌ట్టుకు ఫీల్డింగ్ కోచ్‌ను నేనే అని ప్ర‌క‌టిస్తున్నాను. నా ఫీల్డింగ్ ఆకాడమీ ప్రస్తుతం బాగా రాణిస్తోంది" అని అని సెటైరిక‌ల్ ట్వీట్ చేశాడు. అతడికి భారత అభిమానులు గట్టిగా కౌంటిరిస్తున్నారు. గతంలో వాన్ క్యాచ్‌లు విడిచిపెట్టిన వీడియోలను ఎక్స్‌లో షేర్ చేస్తున్నారు. గ‌తంలో వాన్‌ త‌న సొంత జట్టును కూడా విధంగానే ట్రోలు చేశాడు. ఇక ఇంగ్లండ్‌-భారత్‌ మధ్య రెండో టెస్టు వచ్చే బుధవారం నుంచి ప్రారంభం కానుంది.చదవండి: వారి వల్లే ఓడిపోయాము.. అందుకు ఇంకా సమయం ఉంది: గిల్‌The CV of the fielding coach: pic.twitter.com/1xkurSt9Qr— 𝐉𝐨𝐟𝐫𝐚 𝐒𝐭𝐨𝐜𝐤 𝐇𝐮𝐧𝐭𝐞𝐫 (@Niteish_14) June 24, 2025

లీడ్స్ వేదికగా భారత్‌-ఇంగ్లండ్ మధ్య తొలిటెస్టు తుది అంకానికి చేరుకుంది. గత నాలుగు రోజుల నుంచి హోరా హోరీగా సాగుతున్న ఈ మ్యాచ్‌ ఫలితం మంగళవారం తేలిపోనుంది. తొలి ఇన్నింగ్స్‌లో అదరగొట్టిన భారత బ్యాటర్లు.. రెండో ఇన్నింగ్స్‌లో కూడా సత్తాచాటారు.దీంతో ఇంగ్లండ్‌ ముందు 371 పరుగుల భారీ లక్ష్యాన్ని గిల్‌ సేన ఉంచింది. లక్ష్య చేధనలో నాలుగో రోజు ఆట ముగిసే సమయానికి ఇంగ్లీష్‌ జట్టు వికెట్‌ నష్టపోకుండా 21 పరుగులు చేసింది. దూకుడుగా ఆడి లక్ష్యాన్ని పూర్తి చేయాలని స్టోక్స్‌ సేన భావిస్తుంటే.. భారత జట్టు మాత్రం ప్రత్యర్ధిని ఆలౌట్‌ చేయాలని పట్టుదలతో ఉంది.వర్షం ముప్పు..అయితే భారత్‌ ఆశలపై వరుణుడు నీళ్లు చల్లే అవకాశముంది. ఐదో రోజు ఆటకు వర్షం ముప్పు పొంచి ఉంది. ఆక్యూవెధర్‌, బీబీసీ వెదర్‌ రిపోర్ట్‌ ప్రకారం.. మ్యాచ్‌ ప్రారంభమయ్యే సమయంలో లీడ్స్‌లో వర్షం పడటానికి 40 శాతం ఆస్కారం ఉంది. స్ధానిక కాలమానం ప్రకారం ఉదయం 11:00 గంటలకు ఆఖరి రోజు ఆట ఆరంభం కానుంది. ఒకవేళ రిపోర్ట్స్‌ ప్రకారం​.. మ్యాచ్‌కు వర్షం ఆటంకం కలిగిస్తే తొలి టెస్టు డ్రాగా ముగిసే ఛాన్స్‌ ఉంది.ఆక్యూ వెదర్‌ రిపోర్ట్‌..మధ్యాహ్నం 2:30 (స్దానిక కాలమానం ఉదయం 10 గంటలకు 55% వర్షం పడే అవకాశం)మధ్యాహ్నం 3:30 (స్దానిక కాలమానం ఉదయం 11 గంటలకు 40% వర్షం పడే అవకాశం)మధ్యాహ్నం 4:30 (స్దానిక కాలమానం ఉదయం 12 గంటలకు 43% వర్షం పడే అవకాశం)సాయంత్రం 6:30 (స్ధానిక కాలమనం మధ్యాహ్యం 2 గంటలకు 47 % వర్షం పడే అవకాశం)సాయంత్రం 7:30 (స్ధానిక కాలమనం మధ్యాహ్యం 3 గంటలకు 52 % వర్షం పడే అవకాశంరాత్రి 8:30-10:30( స్ధానిక కాలమనం సాయంత్రం 4 గంటల నుంచి 6 గంటల వరకు 50 % వర్షం పడే అవకాశం)చదవండి: చరిత్ర సృష్టించిన కిరాన్ పొలార్డ్.. ప్రపంచంలోనే తొలి ప్లేయర్‌గా

ఠాకూర్ దారుణ ప్ర‌ద‌ర్శ‌న క‌న‌బ‌రిచాడు. బ్యాటింగ్ ఆల్‌రౌండ‌ర్ నితీశ్‌కుమార్ రెడ్డి స్ధానంలో తుది జ‌ట్టులోకి వ‌చ్చిన శార్ధూల్ ఏ మాత్రం ప్రభావం చూప‌లేక‌పోయాడు. తొలి ఇన్నింగ్స్‌లో కేవ‌లం ఒకే ఒక్క ప‌రుగు చేసిన ఠాకూర్‌.. రెండో ఇన్నింగ్స్‌లోనూ అదే తీరును క‌న‌బ‌రిచాడు. జోష్ టంగ్ బౌలింగ్‌లో చెత్త షాట్ ఆడి త‌న వికెట్‌ను స‌మ‌ర్పించుకున్నాడు. ఈ ముంబై క్రికెట‌ర్‌ 4 ప‌రుగులు మాత్ర‌మే చేసి పెవిలియ‌న్‌కు చేరాడు. బౌలింగ్‌లోనూ విఫ‌ల‌మ‌య్యాడు. తొలి ఇన్నింగ్స్‌లో 6 ఓవ‌ర్లు వేసి 38 ప‌రుగులు స‌మ‌ర్పించుకున్నాడు.దీంతో భార‌త కెప్టెన్ శుబ్‌మ‌న్ గిల్ మ‌రో స్పెల్ బౌలింగ్ చేసే అవకాశ‌మివ్వ‌లేదు. అయితే ఈ మ్యాచ్‌లో శార్థూల్ ఠాకూర్‌పై టీమిండియా మెనెజ్‌మెంట్ భారీ అంచనాలు పెట్టుకుంది. లోయార్డ‌ర్‌లో శార్ధూల్ త‌న అనుభ‌వంతో ప‌రుగులు సాధిస్తాడ‌ని భావించింది. అందుకే ఆసీస్ గ‌డ్డ‌పై దుమ్ములేపిన తెలుగు తేజం తీష్ కుమార్ రెడ్డిని పక్కనపెట్టి మరీ శార్దూల్‌ను ఆడించారు.కానీ హెడ్ కోచ్ గౌతం గంభీర్, కెప్టెన్ గిల్ న‌మ్మ‌కాన్ని శార్ధూల్ వ‌మ్ము చేశాడు. ఈ క్ర‌మంలో టీమ్‌మెనెజ్‌మెంట్‌పై నెటిజ‌న్లు విమ‌ర్శ‌లు గుప్పిస్తున్నాడు. శార్థూల్‌ను ఎందుకు అవ‌కాశమిచ్చారు.. అత‌డి కంటే నితీశ్ రెడ్డి వంద రెట్లు బెట‌ర్ అని పోస్ట్‌లు పెడుతున్నారు. మ‌రోవైపు శార్దూల్‌కు తొలి ఇన్నింగ్స్‌లో కేవ‌లం 6 ఓవ‌ర్ల మాత్ర‌మే బౌలింగ్ ఇవ్వడాన్ని ప‌లువురు మాజీలు త‌ప్ప‌బ‌డుతున్నారు. అత‌డిపై మీకు న‌మ్మ‌కం లేన‌ప్పుడు జ‌ట్టులోకి ఎందుకు తీసుకున్నార‌ని ప్ర‌శ్న‌ల వ‌ర్షం కురిపిస్తున్నారు. ఇక లీడ్స్ టెస్టు ముగింపున‌కు చేరుకుంది. ఇంగ్లండ్ ముందు టీమిండియా 371 పరుగుల భారీ లక్ష్యాన్ని నిర్ధేశించింది. తమ రెండో ఇన్నింగ్స్‌ను మొదలు పెట్టిన ఇం‍గ్లండ్ నాలుగో రోజు ఆట ముగిసే సమయానికి వికెట్ నష్టపోకుండా 21 ప‌రుగులు చేసింది. ఇం‍గ్లీష్ జట్టు విజయానికి ఇంకా 350 ప‌రుగులు కావాలి. చదవండి: చరిత్ర సృష్టించిన టీమిండియా.. 70 ఏళ్ల తర్వాత ఇదే తొలిసారి

ఇంగ్లండ్ స్టార్ బ్యా టర్ జో రూట్ మరో అరుదైన ఘనత సాధించాడు. టెస్టు క్రికెట్‌లో అత్యధిక క్యాచ్‌లు అందుకున్న ఫీల్డర్‌గా భారత మాజీ ఆటగాడు రాహుల్ ద్రవిడ్ రికార్డును రూట్ సమం చేశాడు. లీడ్స్ వేదికగా ఇంగ్లండ్‌-భారత్ మధ్య జరుగుతున్న తొలి టెస్టులో రూట్ ఈ ఫీట్ సాధించాడు.నాలుగో రోజు ఆటలో శార్థూల్ ఠాకూర్ క్యాచ్‌ను అందుకున్న జో.. ఈ రికార్డును తన ఖాతాలో వేసుకున్నాడు. రూట్‌, ద్రవిడ్ ఇద్దరూ సమానంగా చెరో 210 అవుట్‌ఫీల్డ్ క్యాచ్‌లను అందుకున్నారు. ద్రవిడ్ ఈ వరల్డ్ రికార్డును 164 టెస్టుల్లో సాధించగా.. రూట్ 154 మ్యాచ్‌లలోనే ఈ రేర్‌ఫీట్‌ను సమం చేశాడు.ఈ సిరీస్‌లో రూట్ మరో క్యాచ్‌ను అందుకుంటే ద్రవిడ్‌ను అధిగమిస్తాడు. ఈ రికార్డు సాధించిన జాబితాలో ద్రవిడ్‌, రూట్ తర్వాత స్ధానంలో శ్రీలంక మాజీ కెప్టెన్ మహేల జయవర్దనే(205 అవుట్‌ఫీల్డ్ క్యాచ్‌లు) ఉన్నారు. అయితే టెస్టుల్లో అత్య‌ధిక క్యాచ్‌లు అందుకున్న వికెట్ కీప‌ర్‌గా ద‌క్షిణాఫ్రికా లెజెండ్ మార్క్ బౌచ‌ర్‌(532) అగ్ర‌స్దానంలో ఉన్నాడు.గెలుపువరిదో?ఇక ఇంగ్లండ్‌-భారత్‌ మధ్య తొలి టెస్టు ఉత్కంఠభరితంగా సాగుతోంది. ఇంగ్లండ్ ముందు టీమిండియా 371 పరుగుల భారీ లక్ష్యాన్ని నిర్ధేశించింది. తమ రెండో ఇన్నింగ్స్‌ను మొదలు పెట్టిన ఇం‍గ్లండ్ నాలుగో రోజు ఆట ముగిసే సమయానికి వికెట్ నష్టపోకుండా 21 ప‌రుగులు చేసింది. ఇం‍గ్లీష్ జట్టు విజయానికి ఇంకా 350 ప‌రుగులు కావాలి. భారత్‌ తమ విజయానికి పది వికెట్ల దూరంలో నిలిచింది. అంత‌కుముందు ఓవ‌ర్ నైట్ స్కోరు 90/2 తో రెండో ఇన్నింగ్స్ కొన‌సాగించిన భార‌త్.. 96 ఓవ‌ర్ల‌లో 364 ప‌రుగుల‌కు ఆలౌటైంది.చదవండి: చరిత్ర సృష్టించిన టీమిండియా.. 70 ఏళ్ల తర్వాత ఇదే తొలిసారి

హెడింగ్లీ వేదిక‌గా భార‌త్‌-ఇంగ్లండ్ మ‌ధ్య జ‌రుగుతున్న తొలి టెస్టు ఆస‌క్తిక‌రంగా మారింది. 90/2తో నాలుగో రోజును ఆటను ప్రారంభించిన టీమిండియా.. అద‌నంగా 274 ప‌రుగులు జోడించి త‌మ రెండో ఇన్నింగ్స్‌ను ముగించింది. భార‌త బ్యాట‌ర్ల‌లో కేఎల్ రాహుల్ (137), రిష‌బ్ పంత్ (118) సెంచ‌రీల‌తో చెల‌రేగారు.పంత్‌, రాహుల్ ఇద్ద‌రూ నాలుగో వికెట్‌కు 195 ప‌రుగుల కీల‌క భాగ‌స్వామ్యం నెలకొల్పారు. అయితే వీరిద్ద‌రూ ఔట‌య్యాక టీమిండియా బ్యాట‌ర్లు పెవిలియ‌న్‌కు క్యూ క‌ట్టారు. 31 పరుగుల వ్యవధిలోనే భార‌త్‌ చివరి 6 వికెట్లు కోల్పోయింది.దీంతో తొలి ఇన్నింగ్స్ ఆధిక్యం జోడించి ఇంగ్లండ్ ముందు 371 ప‌రుగుల ల‌క్ష్యాన్ని నిలిపింది. ఆ త‌రువాత రెండో ఇన్నింగ్స్‌ను మొద‌లు పెట్టిన ఇంగ్లండ్‌ నాలుగో రోజు ఆట ముగిసే స‌మ‌యానికి 21/0 స్కోరుతో నిలిచింది. ఇక ఈ మ్యాచ్ విజ‌యంపై సెంచూరియాన్ కేఎల్ రాహుల్ థీమా వ్య‌క్తం చేశాడు.ఆఖ‌రి రోజు ఆట‌లో ఇంగ్లండ్‌ను ఆలౌట్ చేసేందుకు అన్ని విధాల ప్ర‌య‌త్నిస్తామ‌ని రాహుల్ తెలిపాడు. మ‌రోవైపు ఇంగ్లండ్ సైతం డ్రా కోసం కాకుండా గెలుపు కోసం ప్ర‌య‌త్నిస్తోంది. ఈ విష‌యాన్ని ఇంగ్లండ్ యువ సంచ‌ల‌నం జోష్ టంగ్ స్ప‌ష్టం చేశాడు."బ్లాక్‌బ‌స్ట‌ర్ ముగింపు కోసం ఎదురు చూస్తున్నాము. ఖ‌చ్చితంగా ఈ మ్యాచ్ ఫ‌లితం తేలుతుంది. ఇంగ్లండ్ జ‌ట్టు కూడా డ్రా కోసం కాకుండా విజ‌యం కోసం ప్ర‌య‌త్నిస్తోంది. ఈ విష‌యాన్ని వారు బహిరంగంగానే వెల్ల‌డించారు. కాబ‌ట్టి వారు దూకుడుగా ఆడితే మాకు 10 వికెట్లు తీసేందుకు అవ‌కాశం ల‌భిస్తోంది. నాలుగో రోజు ఆట‌లో పిచ్ బ్యాటింగ్‌కు అంత అనుకూలంగా లేదు. బంతి కాస్త ఆగి వ‌చ్చింది. రేపు(మంగ‌ళ‌వారం) పిచ్‌ మ‌రింత ట్రిక్కీగా మార‌వ‌చ్చు. దీంతో ఇంగ్లండ్‌ను ఆలౌట్ చేసేందుకు అవ‌కాశాలు మెరుగ్గా ఉన్నాయి" అని నాలుగో రోజు ఆట అనంత‌రం విలేక‌రుల స‌మావేశంలో రాహుల్ పేర్కొన్నాడు.చదవండి: చరిత్ర సృష్టించిన టీమిండియా.. 70 ఏళ్ల తర్వాత ఇదే తొలిసారి

లీడ్స్ వేదిక‌గా ఇంగ్లండ్‌తో జ‌రుగుతున్న తొలి టెస్టులో టీమిండియా స్టార్ ఫాస్ట్ బౌల‌ర్ అద్బుత‌మైన ప్ర‌ద‌ర్శ‌న క‌న‌బ‌రిచాడు. మొద‌టి ఇన్నింగ్స్‌లో ఫైవ్ వికెట్ల హాల్‌తో మెరిశాడు. రెండో రోజు ఆట‌లో మూడు వికెట్లు ప‌డ‌గొట్టిన బుమ్రా.. రెండో రోజు ఆట‌లో మ‌రో రెండు వికెట్లను సాధించాడు.దీంతో విదేశీగ‌డ్డ‌పై టెస్టుల్లో అత్య‌ధిక సార్లు ఫైవ్ వికెట్ హాల్ సాధించిన భార‌త బౌల‌ర్‌గా క‌పిల్‌దేవ్ స‌ర‌స‌న బుమ్రా(12) నిలిచాడు. అయితే మూడో రోజు ఆట‌ అనంత‌రం విలేక‌రుల స‌మావేశంలో మాట్లాడిన బుమ్రా.. త‌న ఫిట్‌నెస్‌పై విమ‌ర్శ‌లు చేసే వారికి గ‌ట్టి కౌంటరిచ్చాడు. త‌న శ‌రీరం స‌హ‌క‌రించేంత‌వ‌ర‌కు భార‌త్ త‌ర‌పున క్రికెట్ ఆడాల‌ని అనుకుంటున్నాన‌ని అత‌డు తెలిపాడు.కాగా గ‌త క్యాలెండర్ ఈయ‌ర్‌లో భార‌త్ త‌ర‌పున అత్య‌ధిక మ్యాచ్‌లు ఆడిన బౌల‌ర్‌గా నిలిచిన బుమ్రా.. ఆస్ట్రేలియాతో జరిగిన 5వ టెస్ట్ సందర్భంగా వెన్ను గాయం బారిన ప‌డ్డాడు. ఈ గాయం కారణంగా బుమ్రా దాదాపు నాలుగు నెలలు ఆటకు దూరమ‌య్యాడు. ఈ క్ర‌మంలో కీల‌క‌మైన ఛాంపియ‌న్స్ ట్రోఫీ-2025లోనూ జ‌స్ప్రీత్ భాగం కాలేదు. ఐపీఎల్‌-2025తో తిరిగి మైదానంలో అడుగుపెట్టాడు. ఆ త‌ర్వాత ఇంగ్లండ్ టూర్‌కు వ‌చ్చిన‌ప్ప‌టికి వ‌ర్క్‌లోడ్‌, ఫిట్‌నెస్ కారణంగా మొత్తం అన్ని మ్యాచ్‌లు ఆడుతాడ‌న్న గ్యారెంటీ లేదు.రిపోర్టర్‌: గాయం బారిన ప్రతీసారీ మీపై వచ్చే విమర్శలకు బాధపడతారా?బమ్రా: "నా ఫిట్‌నెస్‌పై వచ్చే నెగిటివ్ కామెం‍ట్లను పట్టించుకోను. అరంగేట్రం నుంచి నా ఫిట్‌నెస్‌పై ఏదో ఒకటి అంటూనే ఉన్నారు. మొదటిలో కొంతమంది నేను ఎనిమిదినెలలు మాత్రమే ఆడగలనని అన్నారు. మరికొంతమంది 10 నెలల మాత్రమే అన్నారు. కానీ ఇప్పుడు నేను అంతర్జాతీయ క్రికెట్‌లో పదేళ్ల కెరీర్‌ను పూర్తి చేసుకున్నాను. 12-13 సంవత్సరాలపాటు ఐపీఎల్ ఆడాను.ప్రతీ గాయం తర్వాత నా కెరీర్ ముగిసిపోయిందని, అతడు మరి తిరిగి రాడని కామెంట్స్ చేస్తుంటారు. వారి అలానే అనుకోనివ్వండి. నా పని నేను చేసుకుపోతాను. ప్రతి నాలుగు నెలలకు ఇలాంటి మాటలు వింటూనే ఉంటాము. నేను దాని గురించి ఎక్కువగా ఆలోచించను.దేవుడు రాసిపెట్టినంత కాలం భారత తరపున క్రికెట్ ఆడుతాను. అందుకు తగ్గట్టు నా శరీరాన్ని కూడా సిద్దం చేసుకుంటాను. నేను అలిసి పోయాను అనుకున్నప్పుడు క్రికెట్‌ను వదిలేస్తాను. భారత క్రికెట్ జట్టును మరింత ముందుకు తీసుకువెళ్లడమే నా లక్ష్యమంటూ" సమాధనమిచ్చాడు

లీడ్స్ వేదిక‌గా భార‌త్‌-ఇంగ్లండ్ మ‌ధ్య తొలి టెస్టు నువ్వా నేనా అన్న‌ట్లు సాగుతోంది. టాస్ ఓడి బ్యాటింగ్‌కు దిగిన భార‌త్ త‌మ తొలి ఇన్నింగ్స్‌లో 471 ప‌రుగులు చేసింది. అనంత‌రం ఇంగ్లండ్ సైతం తొలి ఇన్నింగ్స్‌లో 465 ప‌రుగులు చేసి టీమిండియాకు ధీటైన సమాధానం ఇచ్చింది.మూడో రోజు ఆట ముగిసే సమయానికి భారత్ రెండో ఇన్నింగ్స్‌లో 2 వికెట్ల నష్టానికి 90 పరుగులు చేసింది. గిల్ సేన ప్రస్తుతం 96 పరుగుల ఆధిక్యంలో కొనసాగుతోంది. ఇంగ్లండ్ ముందు భారీ టార్గెట్ ఉంచాలంటే నాలుగో రోజు మొత్తం భారత్ బ్యాటిం‍గ్ చేయాల్సిందే. క్రీజులో కేఎల్ రాహుల్‌(47), శుబ్‌మన్ గిల్‌(6) ఉన్నారు.స్టోక్స్ స్ధానంలో భార‌త సంత‌తి ఆట‌గాడు..ఇక నాలుగో రోజు ఆటలో ఓ ఆసక్తికర సంఘటన చోటు చేసుకుం‍ది. భారత రెండో ఇన్నింగ్స్ సందర్బంగా ఇంగ్లండ్ స్క్వాడ్‌లో లేని ఓ ఆటగాడు ఫీల్డింగ్‌కు వచ్చి అందరిని ఆశ్చర్యపరిచాడు. ఇంగ్లండ్ కెప్టెన్ బెన్ స్టోక్స్ సబ్‌స్ట్యూట్‌గా యార్క్‌షైర్ క్లబ్ ఆటగాడు యష్ వగాడియా మైదానంలో అడుగుపెట్టాడు.భారత సంతతికి చెందిన 21 ఏళ్ల వగాడియా రెండు ఓవర్ల పాటు ఫీల్డింగ్ చేశాడు. అయితే జట్టులో లేని ఆటగాడు ఫీల్డింగ్‌కు రావడమేంటని నెటిజన్లు చర్చించుకుంటున్నారు. కాగా లీడ్స్ టెస్టు కోసం వగాడియాతో పాటు జవాద్ అక్తర్, నోహ్ కెల్లీను 12వ ఆటగాడిగా ఎంపికయ్యాడు. ఈ క్రమంలోనే అంపైర్ అనుమతి తీసుకుని వగాడియా సబ్‌స్ట్యూట్‌గా బరిలోకి దిగాడు.ఎవరీ వగాడియా?21 ఏళ్ల యష్ వగాడియా.. దేశవాళీ క్రికెట్‌లో యార్క్‌షైర్ కౌంటీ క్రికెట్ క్లబ్‌కు ప్రాతినిథ్యం వహిస్తున్నాడు. యష్‌కు బ్యాటింగ్‌తో పాటు ఆఫ్ స్పిన్ బౌలింగ్ చేసే సత్తా కూడా ఉంది. ఈ టాప్ ఆర్డర్ బ్యాటర్ డర్హామ్ విశ్వవిద్యాలయంలో గ్రాడ్యుయేషన్ చదువుతున్నాడు. వ‌గాడియా పదకొండేళ్ల వయసులోనే యార్క్‌షైర్ క్రికెట్ ఆకాడ‌మీలో చేరాడు.అకాడమీ, అండర్-18 జట్లకు ప్రాతినిథ్యం వ‌హించాడు. దీంతో తొలిసారి 2023 సంవత్సరంలో యార్క్‌షైర్ క్రికెట్ క్ల‌బ్ ప్రొఫెషనల్ కాంట్రాక్టును పొందాడు. వ‌గాడియా 2024లో వార్విక్‌షైర్‌పై త‌న లిస్ట్‌-ఎ అరంగేట్రం చేశాడు. త‌న కెరీర్‌లో ఇప్ప‌టివ‌ర‌కు రెండు లిస్ట్‌-ఎ మ్యాచ్‌లు ఆడిన వ‌గాడియా.. 22 ప‌రుగులు చేశాడు.ఇంకా ఫస్ట్-క్లాస్ అరంగేట్రం చేయనప్పటికీ, అతను యార్క్‌షైర్‌ సెకండ్ ఎలెవన్ మ్యాచ్‌లలో క్రమం తప్పకుండా ఆడుతాడు. కాగా వగాడియాకు గుజ‌రాతీ మూలాలు ఉన్నాయి. వగాడియా మాత్రం ఇంగ్లండ్‌లోని న్యూకాజిల్‌లో జ‌న్మించాడు.చదవండి: IND vs ENG: జస్ప్రీత్ బుమ్రా సరికొత్త చరిత్ర.. కపిల్ దేవ్ రికార్డు బ్రేక్‌

టెస్టు క్రికెట్‌లో టీమిండియా పేస్ గుర్రం జస్ప్రీత్ బుమ్రా తన హవాను కొనసాగిస్తున్నాడు. లీడ్స్ వేదికగా ఇంగ్లండ్‌తో జరిగిన తొలి టెస్టులో బుమ్రా ఐదు వికెట్లతో చెలరేగాడు. రెండో రోజు ఆటలో మూడు వికెట్లు పడగొట్టిన జస్ప్రీత్‌.. మూడో రోజు ఆటలో మరో రెండు వికెట్లను తన ఖాతాలో వేసుకున్నాడు. బుమ్రాకు ఇది 14వ ఫైవ్ వికెట్ హాల్ వికెట్ కావ‌డం గ‌మ‌నార్హం. ఈ క్ర‌మంలో బుమ్ బుమ్రా ప‌లు అరుదైన రికార్డుల‌ను త‌న పేరిట లిఖించుకున్నాడు.క‌పిల్ దేవ్ రికార్డు బ్రేక్‌..👉టెస్టు క్రికెట్‌లో ఇంగ్లండ్ గ‌డ్డ‌పై అత్య‌ధిక సార్లు అత్య‌ధిక సార్లు ఫైవ్ వికెట్ హాల్ సాధించిన భార‌త బౌల‌ర్‌గా బుమ్రా రికార్డుల‌కెక్కాడు. ఇంగ్లండ్‌లో టెస్టు మ్యాచ్ ఆడుతున్న‌ప్పుడు బుమ్రా ఐదు వికెట్ల ఘ‌న‌త సాధించ‌డం ఇది మూడోసారి.2018లో ఇంగ్లండ్ ప‌ర్య‌ట‌న‌లో తొలిసారి ఐదు వికెట్ల హాల్ సాధించిన బుమ్రా.. 2021లో మ‌ళ్లీ ఇంగ్లండ్ గ‌డ్డ‌పై రెండో సారి ఐదు వికెట్ల హాల్‌ను న‌మోదు చేశాడు. ఇప్పుడు తాజా ప‌ర్య‌ట‌న‌లో ముచ్చ‌ట‌గా మూడో సారి ఈ ఫీట్ సాధించాడు. ఇంత‌కుముందు ఈ రికార్డు భార‌త దిగ్గ‌జ క్రికెట‌ర్లు లాలా అమర్ నాథ్, కపిల్ దేవ్, బి చంద్రశేఖర్, భువనేశ్వర్ కుమార్, వినూ మన్కడ్, చేతన్ శర్మ, ఇషాంత్ శర్మ, మహ్మద్ నిస్సార్ మరియు సురేంద్రనాథ్‌ల పేరిట ఉండేది.ఈ లెజెండ‌రీ క్రికెట‌ర్లు త‌మ కెరీర్‌లో రెండు సార్లు ఇంగ్లండ్ గ‌డ్డ‌పై టెస్టుల్లో ఫైవ్ వికెట్ హాల్ సాధించారు.లీడ్స్ టెస్ట్ కు ముందు బుమ్రా కూడా రెండు ఫైవ్ వికెట్ల హాల్‌తో ఈ జాబితాలో ఉండేవాడు. కానీ తాజా మ్యాచ్‌తో వీరింద‌ని బుమ్రా అధిగ‌మించాడు.👉అదేవిధంగా విదేశీ గ‌డ్డ‌పై అత్య‌ధిక ఐదు వికెట్ల హాల్స్ సాధించిన భార‌త బౌల‌ర్‌గా క‌పిల్ దేవ్ రికార్డును బుమ్రా స‌మం చేశాడు. ఈ ఇద్దరూ విదేశాల్లో చెరో 12 సార్లు ఐదు వికెట్ల ఘనతను అందుకున్నారు.👉సెనా(సౌతాఫ్రికా, ఇంగ్లండ్, న్యూజిలాండ్, ఆస్ట్రేలియా) దేశాల్లో 150 వికెట్లు తీసిన తొలి ఆసియా బౌలర్‌గా నిలిచాడు. విదేశాల్లో అత్య‌ధిక ఫైవ్ వికెట్స్ హాల్ సాధించిన ప్లేయ‌ర్లు.. 👉జస్ప్రీత్ బుమ్రా - 12👉కపిల్ దేవ్ - 12👉అనిల్ కుంబ్లే - 10👉ఇషాంత్ శర్మ - 9👉ఆర్ అశ్విన్ - 8సేనా దేశాల్లో అత్య‌ధిక వికెట్లు ప‌డ‌గొట్టిన ఆసియా బౌల‌ర్లు👉జస్ప్రీత్ బుమ్రా - 31 మ్యాచ్‌ల్లో 150 👉వసీం అక్రమ్ - 32 మ్యాచ్‌ల్లో 146👉అనిల్ కుంబ్లే - 35 మ్యాచ్‌ల్లో 141👉ఇషాంత్ శర్మ - 40 మ్యాచ్‌ల్లో 127👉జహీర్ ఖాన్ - 30 మ్యాచ్‌ల్లో 119నువ్వా నేనా..భార‌త్‌-ఇంగ్లండ్ మ‌ధ్య తొలి టెస్టు ఆస‌క్తిక‌రంగా సాగుతోంది. మూడో రోజు ఆట ముగిసే సమయానికి భారత్‌ తమ రెండో ఇన్నింగ్స్‌లో 2 వికెట్ల నష్టానికి 90 పరుగులు చేసింది. క్రీజులో కేఎల్‌ రాహుల్‌(47), శుబ్‌మన్‌ గిల్‌(6) ఉన్నారు.అంతకుముందు ఇంగ్లండ్‌ తమ తొలి ఇన్నింగ్స్‌లో 465 పరుగులకు ఆలౌటైంది.చదవండి: రోహిత్‌... ‘ప్రేమ కథా చిత్రం’𝘼 𝙢𝙖𝙨𝙩𝙚𝙧 𝙖𝙩 𝙬𝙤𝙧𝙠 🙌@Jaspritbumrah93 crafts magic with the ball once again, taking a stunning 5/83,his 14th Test 5-fer.WATCH HIS BRILLIANT PERFORMANCE 👉🏻 https://t.co/kg96V4NpFH#ENGvIND | 1st Test, Day 4 | MON, 23rd JUNE, 2:30 PM on JioHotstar pic.twitter.com/y1QUUMAVuC— Star Sports (@StarSportsIndia) June 22, 2025

ఇంగ్లండ్ సూప‌ర్ స్టార్ జో రూట్ మ‌రో అరుదైన రికార్డును త‌న ఖాతాలో వేసుకున్నాడు. ఇంగ్లండ్ గ‌డ్డ‌పై భార‌త్‌-ఇంగ్లండ్ మ‌ధ్య టెస్టుల్లో అత్య‌ధిక‌ ప‌రుగులు చేసిన బ్యాట‌ర్‌గా రూట్ నిలిచాడు. లీడ్స్ వేదిక‌గా టీమిండియాతో జ‌రుగుతున్న తొలి టెస్టులో రూట్ ఈ ఫీట్ సాధించాడు. రూట్ ఇప్ప‌టివ‌ర‌కు ఇంగ్లండ్‌లో భార‌త్‌తో జ‌రిగిన టెస్టుల్లో 1589 ప‌రుగులు చేశాడు.ఇంతకుముందు ఈ రికార్డు భార‌త క్రికెట్ దిగ్గ‌జం స‌చిన్ టెండూల్క‌ర్ పేరిట ఉండేది. ఇంగ్లండ్ గ‌డ్డ‌పై స‌చిన్ 1575 ప‌రుగులు చేశాడు. తాజా ఇన్నింగ్స్‌తో స‌చిన్ ఆల్‌టైమ్ రికార్డును జో బ్రేక్ చేశాడు. అయితే ఈ మ్యాచ్ తొలి ఇన్నింగ్స్‌లో రూట్ త‌న మార్క్ చూపించ‌లేక‌పోయాడు. కేవ‌లం 28 ప‌రుగులు మాత్ర‌మే చేసి జస్ప్రీత్‌ బుమ్రా బౌలింగ్‌లో ఔటయ్యాడు.ఇంగ్లండ్‌లో భార‌త్ వ‌ర్సెస్ ఇంగ్లండ్ టెస్టుల్లో అత్య‌ధిక ప‌రుగులు చేసిన ప్లేయ‌ర్లు..👉జో రూట్ (ఇంగ్లాండ్) – 1579*👉సచిన్ టెండూల్కర్ (భారత్‌) – 1575👉రాహుల్ ద్రవిడ్ (భార‌త్‌) – 1376👉అలిస్టర్ కుక్ (ఇంగ్లాండ్) – 1196👉సునీల్ గవాస్కర్ (భార‌త్‌) – 1152👉గ్రహం గూచ్ (ఇంగ్లాండ్) – 1134ధీటుగా బదులిస్తున్న ఇంగ్లండ్‌..తొలి ఇన్నింగ్స్‌లో భారత్‌కు ఇంగ్లండ్ జట్టు ధీటుగా బదులిస్తోంది. రెండో రోజు ఆట ముగిసే సమయానికి ఇంగ్లండ్‌ తొలి ఇన్నింగ్స్‌లో 49 ఓవర్లలో 3 వికెట్ల నష్టానికి 209 పరుగులు చేసింది. ఒలీ పోప్‌ (131 బంతుల్లో 100 బ్యాటింగ్‌; 13 ఫోర్లు) సెంచరీతో చెలరేగగా... బెన్‌ డకెట్‌ (94 బంతుల్లో 62; 9 ఫోర్లు) హాఫ్‌ సెంచరీతో రాణించాడు. భారత బౌలర్లలో జస్ప్రీత్ బుమ్రా ఒక్కడే మూడు వికెట్లు సాధించాడు. మిగితా బౌలర్లంతా దారుణంగా విఫలమయ్యారు. అంతకుముందు ఓవర్‌నైట్‌ స్కోరు 359/3తో రెండో రోజు తొలి ఇన్నింగ్స్‌ కొనసాగించిన భారత్‌ 113 ఓవర్లలో 471 పరుగులు చేసి ఆలౌటైంది. భారత బ్యాటర్లలో రిషబ్‌ పంత్‌,శుబ్‌మన్‌ గిల్‌, యశస్వి జైశ్వాల్‌ సెంచరీలతో మెరిశారు.చదవండి: IND vs ENG: జ‌స్ప్రీత్ బుమ్రా అరుదైన ఘ‌న‌త‌.. ఫస్ట్‌ ఓవర్‌ కింగ్‌గా

టీమిండియా వెట‌ర‌న్ ఆట‌గాడు కరుణ్ నాయ‌ర్ త‌న రీ ఎంట్రీలో తీవ్రనిరాశ‌ప‌రిచాడు. ఎనిమిదేళ్ల నిరీక్షణ తర్వాత భారత జట్టులోకి తిరిగొచ్చిన‌.. క‌రుణ్ నాయ‌ర్‌కు త‌న ల‌భించిన అవ‌కాశాన్నిసద్వినియోగం చేసుకోలేక‌పోయాడు. లీడ్స్ వేదిక‌గా ఇంగ్లండ్‌తో జ‌రుగుతున్న తొలి టెస్టులో క‌రుణ్ డ‌కౌట‌య్యాడు.మొద‌టి ఇన్నింగ్స్‌లో ఆరో స్ధానంలో బ్యాటింగ్‌కు వ‌చ్చిన నాయ‌ర్ నాలుగు బంతులు ఖాతా తెర‌వ‌కుండానే పెవిలియ‌న్‌కు చేరాడు. బెన్ స్టోక్స్ బౌలింగ్‌లో ఓలీ పోప్ సంచ‌ల‌న క్యాచ్ అందుకోవ‌డంతో నాయ‌ర్ డ‌కౌట్ అవ్వాల్సి వ‌చ్చింది. అంత‌కుముందు అరంగేట్ర ఆట‌గాడు సాయిసుద‌ర్శ‌న్ కూడా త‌న ఖాతా తెర‌వ‌కుండానే ఔట‌య్యాడు.టీమిండియా@471ఇక మొదటి ఇన్నింగ్స్‌లో టీమిండియా 471 పరుగుల భారీ స్కోర్ సాధించింది. 359/3 ఓవర్‌నైట్‌ స్కోర్‌తో రెండో రోజు ఆటను ప్రారంభించిన గిల్‌ సేన. అదనంగా 112 పరుగులు జోడించి తమ ఇన్నింగ్స్‌ను ముగించింది. భారత బ్యాటర్లలో కెప్టెన్‌ శుబ్‌మ‌న్ గిల్ (147, 227 బంతుల్లో 19 ఫోర్లు, 1 సిక్స్‌), రిష‌బ్ పంత్ (134, 178 బంతుల్లో 12 ఫోర్లు, 6 సిక్స‌ర్లు), య‌శ‌స్వి జైస్వాల్ (101 159 బంతుల్లో 16 ఫోర్లు, 1 సిక్స్‌) సెంచ‌రీల‌తో చెల‌రేగారు.ఇంగ్లండ్ బౌల‌ర్ల‌లో కెప్టెన్ బెన్‌స్టోక్స్, జోష్ టంగ్ చెరో నాలుగు వికెట్లు ప‌డ‌గొట్టారు. బ్రైడాన్ కార్స్, షోయ‌క్ బ‌షీర్ చెరో వికెట్ సాధించారు.చదవండి: IND vs ENG: రిష‌బ్ పంత్ వ‌ర‌ల్డ్ రికార్డు..

లీడ్స్ వేదిక‌గా ఇంగ్లండ్‌తో ప్రారంభ‌మైన తొలి టెస్టులో టీమిండియా బ్యాట‌ర్లు స‌త్తాచాటారు. మొద‌టి రోజు ఆట ముగిసే స‌మ‌యానికి భార‌త జ‌ట్టు మూడు వికెట్ల న‌ష్టానికి 359 ప‌రుగులు చేసింది. భార‌త బ్యాట‌ర్ల‌లో యశ‌స్వి జైశ్వాల్‌(101), కెప్టెన్ శుబ్‌మ‌న్ గిల్(127 నాటౌట్‌) సెంచ‌రీల‌తో మెరిశారు. ప్ర‌స్తుతం క్రీజులో గిల్‌తో పాటు రిష‌బ్ పంత్‌(65) ఉన్నాడు. ఇంగ్లండ్ బౌల‌ర్ల‌లో బెన్ స్టోక్స్ రెండు వికెట్లు ప‌డ‌గొట్ట‌గా.. కార్స్ ఓ వికెట్ సాధించాడు.

లీడ్స్ వేదిక‌గా భార‌త్‌-ఇంగ్లండ్ మ‌ధ్య తొలి టెస్టు ప్రారంభ‌మైంది. ఈ మ్యాచ్‌లో టాస్ గెలిచిన ఇంగ్లండ్ తొలుత బౌలింగ్ ఎంచుకుంది. పేస్ బౌల‌ర్ల‌కు పిచ్ అనుకూలించే అవ‌కాశ‌మున్నంద‌న ఇంగ్లండ్ కెప్టెన్ బెన్ స్టోక్స్ ఈ నిర్ణ‌యం తీసుకున్నాడు. అయితే ఈ మ్యాచ్‌తో యువ ఆట‌గాడు సాయిసుద‌ర్శ‌న్ భార‌త జ‌ట్టు త‌ర‌పున టెస్టు అరంగేట్రం చేశాడు. అదేవిధంగా క‌రుణ్ నాయ‌ర్ ఎనిమిదేళ్ల త‌ర్వాత తిరిగి మ‌ళ్లీ టీమిండియా త‌ర‌పున ఆడుతున్నాడు.నితీశ్‌పై వేటు.. శార్ధూల్‌కు చోటుఅయితే ఈ మ్యాచ్ ఆడేందుకు భార‌త తుది జ‌ట్టులో స్టార్ ఆల్‌రౌండ‌ర్ నితీశ్‌ కుమార్ రెడ్డికి చోటు ద‌క్క‌క‌పోవ‌డం అంద‌రిని ఆశ్చ‌ర్య‌ప‌రిచింది. అత‌డి స్దానంలో వెట‌ర‌న్ ఆల్‌రౌండ‌ర్ శార్ధూల్ ఠాకూర్‌కు టీమ్‌మెనెజ్‌మెంట్ అవ‌కాశ‌మిచ్చింది. ఆస్ట్రేలియా వంటి క‌ఠిన పరిస్థితుల్లో సెంచ‌రీ చేసిన నితీశ్‌ను ఎందుకు ప‌క్క‌న పెట్టార‌న్న ప్ర‌శ్న అంద‌రిలోనూ మెద‌లుతోంది.కాగా నితీశ్‌ రెడ్డి బ‌దులుగా శార్దూల్ ఠాకూర్ ను జట్టులోకి తీసుకోవడానికి ప‌లు కారణాలు ఉన్నాయి. శార్ధూల్ ప్ర‌స్తుతం అద్బుత‌మైన ఫామ్‌లో ఉన్నాడు. దేశ‌వాళీ క్రికెట్‌లో కూడా ఆల్‌రౌండ్ ప్ర‌ద‌ర్శ‌న‌తో అద‌ర‌గొట్టాడు. అంతేకాకుండా ఈ సిరీస్ ఆరంభానికి ముందు జ‌రిగిన ప్రాక్టీస్ మ్యాచ్‌లో కూడా శార్ధూల్ సెంచ‌రీతో చెల‌రేగాడు. మ‌రోవైపు ర‌వీంద్ర జ‌డేజాకు ఏడో స్ధానంలో టీమ్‌మెనెజ్‌మెంట్ అవ‌కాశ‌మిచ్చింది. ఒక‌వేళ జట్టులో నితీశ్‌ ఉన్నా, అత‌డి బ్యాటింగ్ పొజిషన్ సెట్ చేయ‌డం కాస్త క‌ష్టమ‌య్యేది. అందుకే నితీష్‌కు బ‌దులుగా శార్ధూల్ వైపు టీమిండియా మొగ్గు చూపింది. గ‌తంలో ఇంగ్లండ్‌పై గ‌డ్డ‌పై ఆడిన అనుభ‌వం కూడా ఈ ముంబై క్రికెట‌ర్‌కు ఉంది. ఈ మ్యాచ్‌లో శార్ధూల్ రాణించ‌క‌పోతే రెండో టెస్టుకు నితీష్ తిరిగి జ‌ట్టులోకి వ‌చ్చే ఛాన్స్ ఉంది.తుది జట్లుభారత్‌యశస్వి జైస్వాల్‌, కేఎల్‌ రాహుల్‌, సాయి సుదర్శన్‌, శుబ్‌మన్‌ గిల్‌ (కెప్టెన్‌), రిషభ్‌ పంత్‌ (వికెట్‌ కీపర్‌), కరుణ్‌ నాయర్‌, రవీంద్ర జడేజా, శార్దూల్‌ ఠాకూర్‌, జస్‌ప్రీత్‌ బుమ్రా, మహ్మద్‌ సిరాజ్‌, ప్రసిద్‌ కృష్ణ.ఇంగ్లండ్‌జాక్‌ క్రాలే, బెన్‌ డకెట్‌, ఓలీ పోప్‌, జో రూట్‌, హ్యారీ బ్రూక్‌, బెన్‌ స్టోక్స్‌, జేమీ స్మిత్‌ (వికెట్‌ కీపర్‌), క్రిస్‌ వోక్స్‌, బ్రైడన్‌ కార్సే, జోష్‌ టంగ్‌, షోయబ్‌ బషీర్‌.చదవండి: అచ్చం నాన్నలాగే!.. కుమారుడితో రోహిత్‌- రితికా.. వీడియో వైరల్‌

భారత ఫాస్ట్ బౌలర్ మహమ్మద్ సిరాజ్ వ్యాపార రంగంలోకి అడుగుపెట్టాడు. హైద‌రాబాద్‌లోని బంజారా హిల్స్(రోడ్ నంబ‌ర్ 3)లో 'జోహార్ఫా' పేరిట సరికొత్త లగ్జరీ రెస్టారెంట్‌ను సిరాజ్ ప్రారంభించ‌నున్నాడు. ఈ విష‌యాన్ని సిరాజ్ తన ఇన్‌స్టాగ్రామ్ ఖాతాలో అభిమానులతో పంచుకున్నాడు. కస్టమర్ల కోసం పర్షియన్‌, అరేబియన్, మొఘలాయ్, చైనీల్ లాంటి రకరకాల వంటకాలు తమ రెస్టారెంట్​లో అందించనున్నట్లు తెలిపాడు.ఈ ఫుడ్ బిజినెస్‌లో అతడి సోదరుడు భాగస్వామి ఉన్నట్లు సిరాజ్ మియా పేర్కొన్నాడు. అయితే ఈ రెస్టారెంట్ ప్రారంభ తేదీ ఎప్పుడో ఇంకా సిరాజ్ వెల్లడించలేదు. కాగా భారత క్రికెటర్లు ఫుడ్ బిజినెస్‌లోకి ఎంట్రీ ఇవ్వడం ఇదేమి తొలిసారి కాదు. ఇప్పటికే టీమిండియా స్టార్ ప్లేయర్ విరాట్ కోహ్లి వన్ 8 కమ్యూన్ పేరుతో రెస్టారెంట్లు నిర్వహిస్తున్నాడు. బెంగళూరు, ముంబై, పుణే, కోల్‌కతా, ఢిల్లీ, హైదరాబాద్‌లో వన్ 8 కమ్యూన్ రెస్టారెంట్లు ఉన్నాయి. కోహ్లితో పాటు రవీంద్ర జడేజా, జహీర్ ఖాన్, కపిల్ దేవ్, సచిన్ టెండూల్కర్, యువరాజ్ సింగ్ వంటి క్రికెట్ దిగ్గజాలు సైతం ఫుడ్‌బిజినెస్ రంగంలో రాణిస్తున్నారు. ఇక సిరాజ్‌ విషయానికి వస్తే.. ఇంగ్లండ్‌తో టెస్టు సిరీస్‌కు సన్నద్దమవుతున్నాడు. జస్ప్రీత్‌ బుమ్రాతో కలిసి భారత బౌలింగ్‌ విభాగాన్ని సిరాజ్‌ లీడ్‌ చేయనున్నాడు. ఈ ఐదు మ్యాచ్‌ల సిరీస్‌లో భాగంగా తొలి టెస్టు జూన్‌ 20 నుంచి 24 వరకు జరగనుంది.చదవండి: నాపై ఒత్తిడి లేదు.. బెస్ట్ బ్యాటర్‌గా ఉండాలనుకుంటున్నా: గిల్‌

వరల్డ్ టెస్టు ఛాంపియన్‌షిప్ 2023-25ను దక్షిణాఫ్రికా కైవసం చేసుకుంది. లార్డ్స్ వేదికగా జరిగిన ఫైనల్‌లో ఆస్ట్రేలియాను 5 వికెట్ల తేడాతో ఓడించి డబ్ల్యూటీసీ గదను ప్రోటీస్ జట్టు సొంతం చేసుకుంది. 282 పరుగుల ఛేదనలో ఎయిడెన్ మార్‌క్రమ్ అద్భుత సెంచరీ (136)తో సఫారీలు చిరస్మరణీయ విజయం అందుకున్నారు.అతడితో కెప్టెన్ టెంబా బవూమా (66 పరుగులు) రాణించాడు. ప్రోటీస్ జ‌ట్టుకు ఇది రెండో ఐసీసీ టైటిల్ కావ‌డం విశేషం. .1998లో సౌతాఫ్రికాకు హాన్సీ క్రోన్జే ఐసీసీ ట్రోఫీని అందించ‌గా.. ఇప్పుడు 27 ఏళ్ల త‌ర్వాత బావుమా తిరిగి మ‌ళ్లీ వ‌ర‌ల్డ్ ఛాంపియ‌న్‌గా నిలిపాడు. ఇక చారిత్ర‌త్మ‌క విజ‌యం సాధించిన ద‌క్షిణాఫ్రికా జ‌ట్టు ప‌లు అరుదైన రికార్డుల‌ను త‌మ ఖాతాలో వేసుకుంది.టీమిండియా వ‌ర‌ల్డ్ రికార్డు బ‌ద్ద‌లు..👉ఐసీసీ టోర్న‌మెంట్‌ ఫైన‌ల్‌లో అత్యధిక లక్ష్యాన్ని ఛేదించిన జట్టుగా సౌతాఫ్రికా వ‌ర‌ల్డ్ రికార్డు సృష్టించింది. ఇప్పటివరకు ఈ రికార్డు టీమిండియా పేరిట ఉండేది. 2011 వన్డే ప్రపంచకప్ ఫైనల్లో శ్రీలంకపై.. ఎంఎస్ ధోని సారథ్యంలోని భారత జట్టు 275 పరుగుల లక్ష్యాన్ని చేధించింది. తాజా మ్యాచ్‌లో 282 పరుగుల టార్గెట్‌ను ఊదిపడేసిన దక్షిణాఫ్రికా.. భారత్ ఆల్‌టైమ్ రికార్డును బ్రేక్ చేసింది.👉అదేవిధంగా లార్డ్స్ మైదానంలో టెస్టుల్లో అత్యధిక టార్గెట్‌ను చేధించిన రెండో జట్టుగా ఇంగ్లండ్ సరసన దక్షిణాఫ్రికా నిలిచింది. 2004లో న్యూజిలాండ్‌పై 282 పరుగుల టార్గెట్‌ను ఇంగ్లండ్ చేధించగా.. ఇప్పుడు 21 ఏళ్ల తర్వాత అదే లక్ష్యాన్ని ప్రోటీస్ ఛేజ్ చేసింది. ఈ అరుదైన ఫీట్ సాధించిన జాబితాలో వెస్టిండీస్ అగ్రస్ధానంలో ఉంది. 1984లో ఇంగ్లండ్‌పై 344 పరుగుల టార్గెట్‌ను విండీస్ చేధించింది.చదవండి: వారిద్దరూ అద్భుతం.. నాకు మాటలు కూడా రావడం లేదు: బావుమా

లార్డ్స్ వేదికగా జరుగుతున్న వరల్డ్ టెస్టు ఛాంపియన్‌షిప్ ఫైనల్ మూడో రోజు ఆటలో ఆస్ట్రేలియా-దక్షిణాఫ్రికా నల్లటి ఆర్మ్ బ్యాండ్లు ధరించి బరిలోకి దిగారు. గురువారం(జూన్ 12) అహ్మదాబాద్‌లో జరిగిన ఘోర విమాన ప్రమాదంలో ప్రాణాలు కోల్పోయినవారికి సంతాపం తెలుపుతూ బ్లాక్ బ్యాండ్స్‌ను ధరించారు.ఆట ఆరంభానికి ముందు ఇరు జట్లు ఆటగాళ్లు రెండు నిమిషాల పాటు మౌనం కూడా పాటించారు. మరో వైపు ఇంట్రాస్వ్కాడ్ ప్రాక్టీస్ మ్యాచ్‌లో భారత జట్టు ఆటగాళ్లు కూడా అహ్మదాబాద్‌ విమాన ప్రమాద ఘటనపై సంతాపం వ్యక్తం చేశారు. ఇందుకు సంబంధించిన ఫోటోలను అధికారిక బ్రాడ్‌కాస్టర్ స్టార్ స్పోర్ట్స్ ఎక్స్‌లో షేర్ చేసింది.కాగా అహ్మదాబాద్ నుంచి లండన్‌కు బయలుదేరిన ఎయిర్ ఇండియా విమానం టేకాఫ్ అయిన వెంటనే కూలిపోయింది. ఈ ఘోర ప్రమాదంలో మొత్తం 265 మంది తమ ప్రాణాలు కోల్పోయారు. ఊహించని ఈ ఘటన దేశవ్యాప్తంగా తీవ్ర విషాదాన్ని మిగిల్చింది. ఇక డబ్ల్యూటీసీ ఫైనల్ విషయానికి వస్తే.. రెండో ఇన్నింగ్స్‌లో ఆస్ట్రేలియా తడబడి నిలబడింది.టాపార్డర్ విఫలమైనప్పటికి.. అలెక్స్ క్యారీ(43), మిచెల్ స్టార్క్‌(44 బ్యాటింగ్‌) ఆసీస్‌ను ఆదుకున్నారు. ఆసీస్ తమ సెకెండ్ ఇన్నింగ్స్‌లో 59 ఓవర్లకు 9 వికెట్లు కోల్పోయి 186 పరుగులు చేసింది. కంగారులు ప్రస్తుతం 260 పరుగుల ఆధిక్యంలో కొనసాగుతున్నారు.The sports fraternity observes a solemn moment of silence in memory of the lives lost in the tragic Ahmedabad plane crash, standing in deep solidarity with the grieving families during this difficult time. pic.twitter.com/nTXfRnyksP— Star Sports (@StarSportsIndia) June 13, 2025చదవండి: IND vs ENG: ఫ్యామిలీ ఎమ‌ర్జెన్సీ.. భార‌త్‌కు తిరిగొచ్చిన గౌతం గంభీర్‌

న్యూజిలాండ్ పురుషుల క్రికెట్ జ‌ట్టు వ‌చ్చే ఏడాది జ‌న‌వరిలో భార‌త ప‌ర్య‌ట‌న‌కు రానునున్న‌ట్లు తెలుస్తోంది. టీ20 ప్ర‌పంచ‌క‌ప్‌-2026 సన్న‌హాకాల్లో భాగంగా ఈ టూర్‌ను కివీస్ క్రికెట్ బోర్డు ప్లాన్ చేసిన‌ట్లు ప‌లు రిపోర్ట్‌లు పేర్కొంటున్నాయి. టైమ్స్ ఇండియా రిపోర్ట్ ప్ర‌కారం.. ఈ ప‌ర్య‌ట‌న‌లో భాగంగా న్యూజిలాండ్ జ‌ట్టు ఆతిథ్య టీమిండియాతో మూడు వ‌న్డేలు, ఐదు టీ20లు ఆడ‌నున్న‌ట్లు స‌మాచారం.ఈ ఏడాది ఆఖరిలో కివీస్ తమ స్వదేశంలో విండీస్‌తో ఆల్‌ఫార్మాట్ సిరీస్ ఆడనుంది. ఈ సిరీస్ ముగిసిన వెంటనే బ్లాక్ క్యాప్స్ జట్టు భారత్‌కు వచ్చే అవకాశముంది. కాగా టీ20 ప్రపంచకప్‌-2026కు భారత్‌, శ్రీలంక సంయుక్తంగా ఆతిథ్యమివ్వనున్నాయి. ఈ టోర్నీ సన్నాహాల్లో భాగంగా సూర్యకుమార్ యాదవ్ నేతృత్వంలోని భారత జట్టు సైతం ఈ ఏడాది ఆఖరిలో దక్షిణాఫ్రికా, ఆస్ట్రేలియాతో టీ20 సిరీస్‌లు ఆడనుంది. న్యూజిలాండ్ చివరగా వైట్‌బాల్ సిరీస్‌లు ఆడేందుకు 2023లో భారత్ పర్యటనకు వచ్చింది. ఆ సమయంలో బ్లాక్ క్యాప్స్ టీమ్ మూడు వన్డేల సిరీస్‌లో వైట్ వాష్ కాగా.. టీ20 సిరీస్‌ను 2-1 తేడాతో భారత్‌కు కోల్పోయింది.ఆ తర్వాత ఏడాది మాత్రం టీమిండియా జరిగిన రెడ్‌బాల్ సిరీస్‌లో మాత్రం న్యూజిలాండ్ ప్ర‌తీకారం తీర్చుకుంది. మూడు టెస్టుల సిరీస్‌లో 3-0 తేడాతో టీమిండియాను కివీస్‌ చిత్తు చేసింది. అయితే ఐసీసీ ఛాంపియన్స్‌ ట్రోఫీ-2025 ఫైనల్లో మాత్రం న్యూజిలాండ్‌ను భారత్‌ మట్టికరిపించింది.చదవండి: IND vs ENG: ఇంగ్లండ్‌తో తొలి టెస్టు.. భార‌త తుది జ‌ట్టు ఇదే! జ‌డేజాకు నో ఛాన్స్‌?

టీమిండియాతో టెస్టు సిరీస్‌కు ముందు ఇంగ్లండ్ వైస్ కెప్టెన్ ఓలీ పోప్ కీల‌క వ్యాఖ్య‌లు చేశాడు. ఈ సిరీస్‌లో మైదానంలో ఎంతో యాక్టివ్‌గా ఉండే విరాట్ కోహ్లి సేవ‌ల‌ను భార‌త్ మిస్ అవుతుంద‌ని పోప్‌ అభిప్రాయపడ్డాడు. అదేవిధంగా ప్ర‌స్తుత భార‌త జ‌ట్టులో యంగ్ టాలెంటెడ్ ఆటగాళ్లు ఉన్నార‌ని అత‌డు కొనియాడాడు.ఇంగ్లండ్ టూర్‌కు ముందు కోహ్లి టెస్టుల‌కు రిటైర్మెంట్ ప్ర‌క‌టించిన సంగ‌తి తెలిసిందే. ఈ సిరీస్‌కు వ‌ర‌కైనా కొన‌సాగాల‌ని విరాట్‌ను సెల‌క్ట‌ర్లు కోరిన‌ప్ప‌టికి అత‌డు మాత్రం త‌న మ‌న‌సును మ‌ర్చుకోలేదు. అత‌డితో పాటు కెప్టెన్ రోహిత్ శ‌ర్మ కూడా రెడ్ బాల్ క్రికెట్‌కు వీడ్కోలు ప‌లికి షాకిచ్చాడు. దీంతో టీమిండియా టెస్టు జ‌ట్టు కొత్త కెప్టెన్‌గా శుబ్‌మ‌న్ గిల్ నియ‌మితుడ‌య్యాడు. అదేవిధంగా సాయిసుద‌ర్శ‌న్‌, అర్ష్‌దీప్ సింగ్ వంటి యువ ఆట‌గాళ్లు తొలిసారి భార‌త టెస్టు జ‌ట్టులోకి చోటు ద‌క్క‌గా.. క‌రుణ్ నాయ‌ర్ ఎనిమిదేళ్ల తర్వాత పున‌రాగ‌మ‌నం చేశాడు. ఇప్ప‌టికే ఇంగ్లండ్‌పై గ‌డ్డ‌పై అడుగు పెట్టిన భార‌త జ‌ట్టు.. ప్రాక్టీస్‌లో మునిగితేలుతోంది. ఇంగ్లండ్ వంటి క‌ఠిన ప‌రిస్థితుల్లో రోహిత్ శ‌ర్మ‌, విరాట్ కోహ్లిలోని యంగ్ టీమిండియా ఎలా రాణిస్తుందో అంద‌రూ ఆతృతగా ఎదురు చూస్తోంది.ఈ నేపథ్యంలో ఓలీ పోప్ ఓ ఇంటర్వ్యూలో మాట్లాడుతూ.. "ఇది యువ భారత జట్టు. కానీ ఈ జట్టులో అద్బుతమైన ఆటగాళ్లు ఉన్నారు. చాలా మందికి కౌంటీల్లో ఆడిన అనుభవం కూడా ఉంది. అదేవిధంగా కొత్త కెప్టెన్ శుబ్‌మన్ గిల్ టాలెంట్ కోసం మనందరికీ తెలుసు.అతడొక సూపర్ స్టార్‌. అయితే స్లిప్‌లో నిలబడి ప్రత్యర్ధి బ్యాటర్లను ఏకగ్రాతను కోల్పోయేలా చేసే విరాట్ కోహ్లి సేవలను మాత్రం భారత్ కోల్పోతుంది. అయినప్పటికీ భారత జట్టు అన్ని విభాగాల్లో సమతూకంగా ఉంది. వారిని ఎదుర్కొనేందుకు మా ఆటగాళ్లు కూడా సిద్దంగా ఉన్నారు అని చెప్పుకొచ్చాడు. కాగా ఈ సిరీస్‌లో తొలి టెస్టు జూన్‌ 20 నుంచి 24 వరకు లీడ్స్‌ వేదికగా జరగనుంది.చదవండి: IND vs ENG: టీమిండియాతో తొలి టెస్టు.. ఇంగ్లండ్ జ‌ట్టులోకి 19 ఏళ్ల యువ సంచ‌ల‌నం

భార‌త్‌-ఇంగ్లండ్ మ‌ధ్య ఐదు మ్యాచ్‌ల‌ టెస్టు సిరీస్ ఆరంభానికి మ‌రో ఎనిమిది రోజుల స‌మ‌యం మాత్ర‌మే మిగిలి ఉంది. ఈ సిరీస్‌లో భాగంగా తొలి టెస్టు లీడ్స్ వేదిక‌గా జూన్ 20 నుంచి 24 వ‌ర‌కు జ‌ర‌గ‌నుంది. అయితే తొలి టెస్టుకు ముందు ఇంగ్లండ్ క్రికెట్ బోర్డు కీల‌క నిర్ణ‌యం తీసుకుంది.భార‌త్‌తో తొలి టెస్టు కోసం 19 ఏళ్ల యువ ఫాస్ట్ బౌల‌ర్ ఎడ్జీ జాక్స్‌కు ఇంగ్లండ్ సెల‌క్ట‌ర్లు పిలుపునిచ్చారు. తొలి టెస్టుకు ఎంపికైన మరో యువ పేస‌ర్ జోష్ టాంగ్ గాయ‌ప‌డ‌డంతో ప్రత్యామ్నయంగా జాక్స్‌ను జట్టులోకి తీసుకున్నారు. ఇండియా-ఎతో జరిగిన రెండు మ్యాచ్‌ల అనాధికారిక సిరీస్‌లో ఇంగ్లండ్ లయన్స్ తరపున జాక్స్ అద్బుతమైన ప్రదర్శన కనబరిచాడు.నాలుగు ఇన్నింగ్స్‌ల‌లో 4 వికెట్లు ప‌డ‌గొట్టాడు. ముఖ్యంగా కేఎల్ రాహుల్‌, య‌శ‌స్వి జైశ్వాల్‌ను జాక్స్ ఔట్ చేశాడు. కాగా జాక్స్ త‌న కెరీర్‌లో ఇప్ప‌టివ‌ర‌కు కేవ‌లం రెండు ఫ‌స్ట్‌క్లాస్ మ్యాచ్‌లు మాత్ర‌మే ఆడాడు. అవికూడా ఇండియా-ఎపై ఆడిన‌వే.వోక్స్‌పైనే భారం..కాగా తొలి టెస్టుకు ముందు ఇంగ్లండ్ బౌలింగ్ విభాగం చాలా బ‌ల‌హీనంగా క‌న్పిస్తోంది. ఇప్ప‌టికే గాయం కార‌ణంగా మార్క్‌వుడ్‌, ఓలీ స్టోన్ ఈ సిరీస్‌కు దూరం కాగా.. అటిన్కిస‌న్‌, ఆర్చ‌ర్ అందుబాటుపై ఇంకా సందిగ్ధం కొన‌సాగుతోంది.ఇప్పుడు ఈ జాబితాలోకి టంగ్ కూడా చేర‌డం ఇంగ్లీష్ జ‌ట్టు మెనెజ్‌మెంట్‌ను ఆందోళ‌న‌కు గురిచేస్తోంది. ఇంగ్లండ్ బౌలింగ్ భారాన్ని క్రిస్ వోక్స్ మోయ‌నున్నాడు. వోక్స్, కార్స్‌, సామ్ కుక్ ఫ్రంట్‌లైన్ సీమ‌ర్ల‌గా ఉన్నారు.భార‌త్‌తో తొలి టెస్టుకు ఇంగ్లండ్ జ‌ట్టుబెన్ స్టోక్స్ (కెప్టెన్), షోయబ్ బషీర్, జాకబ్ బెథెల్, హ్యారీ బ్రూక్, బ్రైడాన్ కార్స్, సామ్ కుక్, జాక్ క్రాలే, బెన్ డకెట్, జామీ ఓవర్టన్, ఓల్లీ పోప్, జో రూట్, జామీ స్మిత్ (వికెట్ కీపర్), జోష్ టంగ్, క్రిస్ వోక్స్, జాక్‌చదవండి: WTC Final: కోహ్లి ఆల్‌టైమ్‌ రికార్డుపై కన్నేసిన ట్రవిస్‌ హెడ్‌

ఇంగ్లండ్‌తో టెస్టు సిరీస్‌కు భార‌త క్రికెట్ జ‌ట్టు అన్నివిధాల స‌న్న‌ద‌మ‌వుతోంది. ఇప్ప‌టికే ఇంగ్లండ్ గ‌డ్డ‌పై అడుగు పెట్టిన టీమిండియా.. లార్డ్స్‌లో తీవ్రంగా శ్ర‌మిస్తోంది. ఇంగ్లండ్ ప‌ర్య‌ట‌న‌కు ముందు రోహిత్ శ‌ర్మ టెస్టుల‌కు వీడ్కోలు ప‌లక‌డంతో భార‌త జ‌ట్టు కొత్త టెస్టు కెప్టెన్‌గా శుబ్‌మ‌న్ గిల్ బాధ్య‌త‌లు చేప‌ట్టాడు.అదేవిధంగా సాయిసుద‌ర్శ‌న్‌, అర్ష్‌దీప్ సింగ్‌ల‌కు తొలిసారి భార‌త టెస్టు జ‌ట్టులో చోటు ద‌క్క‌గా.. వెట‌ర‌న్ క‌రుణ్ నాయ‌ర్ ఎనిమిదేళ్ల త‌ర్వాత రీ ఎంట్రీ ఇచ్చాడు. ఇక ఈ సిరీస్‌తో వ‌ర‌ల్డ్ టెస్టు ఛాంపియ‌న్‌షిప్ 2025-27 సైకిల్ ఆరంభం కానుంది. ఈ సిరీస్‌లో భాగంగా తొలి టెస్టు లీడ్స్ వేదిక‌గా జూన్ 20 నుంచి 24 వ‌ర‌కు జ‌ర‌గ‌నుంది. మొద‌టి టెస్టుకు ముందు టీమిండియా పేస్ గుర్రం జ‌స్ప్రీత్ బుమ్రాను ప‌లు అరుదైన రికార్డు ఊరిస్తోంది.అరుదైన రికార్డుకు చేరువ‌లో బుమ్రా..ఈ మ్యాచ్‌లో బుమ్రా రెండు వికెట్లు ప‌డ‌గొడితే సెనా(దక్షిణాఫ్రికా, ఇంగ్లాండ్, న్యూజిలాండ్, ఆస్ట్రేలియా) దేశాల‌లో అత్య‌ధిక వికెట్లు తీసిన బౌల‌ర్‌గా రికార్డులెక్కుతాడు. ప్ర‌స్తుతం ఈ రికార్డు పాకిస్తాన్ పేస్ బౌలింగ్ దిగ్గజం వ‌సీం అక్ర‌మ్ పేరిట ఉంది.సెనా దేశాల్లో అక్ర‌మ్ 32 టెస్టులు ఆడి 146 వికెట్లు ప‌డ‌గొట్ట‌గా.. బుమ్రా ఇప్ప‌టివ‌ర‌కు 31 టెస్టులు ఆడి 145 వికెట్లు సాధించాడు. కాగా ఈ ఐదు టెస్టుల సిరీస్‌లో బుమ్రా కేవ‌లం మూడు మ్యాచ్‌ల‌కు మాత్ర‌మే అందుబాటులో ఉండ‌నున్నాడు. వ‌ర్క్‌లోడ్ మెనెజ్‌మెంట్ కార‌ణంగా మిగిలిన రెండు మ్యాచ్‌ల‌కు విశ్రాంతి ఇవ్వ‌నున్న‌ట్లు టీమిండియా హెడ్‌కోచ్ గౌతం గంభీర్ వెల్ల‌డించాడు.ఇంగ్లండ్‌తో ఐదు మ్యాచ్‌ల టెస్ట్‌ సిరీస్‌కు భారత జట్టు..శుభ్‌మన్‌ గిల్‌ (కెప్టెన్‌), సాయి సుదర్శన్‌, కరుణ్‌ నాయర్‌, అభిమన్యు ఈశ్వరన్‌, యశస్వి జైస్వాల్‌, నితీశ్‌ కుమార్‌ రెడ్డి, రవీంద్ర జడేజా, శార్దూల్‌ ఠాకూర్‌, వాషింగ్టన్‌ సుందర్‌, రిషబ్‌ పంత్‌, కేఎల్‌ రాహుల్‌, ధృవ్‌ జురెల్‌, జస్ప్రీత్‌ బుమ్రా, ప్రసిద్ద్‌ కృష్ణ, మహ్మద్‌ సిరాజ్‌, ఆకాశ్‌దీప్‌, అర్షదీప్‌ సింగ్‌, కుల్దీప్‌ యాదవ్‌ఇంగ్లండ్‌తో ఐదు మ్యాచ్‌ల టెస్ట్‌ సిరీస్‌ షెడ్యూల్‌..జూన్‌ 20-24- తొలి టెస్ట్‌ (లీడ్స్‌)జులై 2-6- రెండో టెస్ట్‌ (బర్మింగ్హమ్‌)జులై 10-14- మూడో టెస్ట్‌ (లార్డ్స్‌)జులై 23-27- నాలుగో టెస్ట్‌ (మాంచెస్టర్‌)జులై 31-ఆగస్ట్‌ 4- ఐదో టెస్ట్‌ (కెన్నింగ్‌స్టన్‌ ఓవల్‌)

ఇంగ్లండ్‌తో తొలి టెస్టుకు ముందు టీమిండియాకు భారీ షాక్ త‌గిలింది. ఆదివారం జ‌రిగిన నెట్ ప్రాక్టీస్‌ సెష‌న్‌లో భార‌త జ‌ట్టు వైస్ కెప్టెన్ రిష‌బ్ పంత్ గాయప‌డిన‌ట్లు తెలుస్తోంది. రెవ్‌స్పోర్ట్స్ ప్ర‌కారం.. బ్యాటింగ్ ప్రాక్టీస్ చేస్తుండ‌గా బంతి అత‌డి ఎడ‌మ చేతికి బ‌లంగా తాకిన‌ట్లు స‌మాచారం. తీవ్ర‌మైన నొప్పితో పంత్ విల్ల‌విల్లాడ‌ని, ఫిజియో మైదానంలోకి వ‌చ్చి ఐస్ ప్యాక్ పెట్టి చికిత్స అందించాడ‌ని స‌ద‌రు వెబ్‌సైట్ పేర్కొంది.ఆ త‌ర్వాత ఫిజియో పంత్ తన చేతికి బ్యాండేజ్ వేసిన‌ట్లు తెలుస్తోంది. అప్పటి నుంచి పంత్ ప్రాక్టీస్‌కు దూరంగా ఉన్నట్లు వార్త‌లు వినిపిస్తున్నాయి. అయితే పంత్ గాయంపై బీసీసీఐ మాత్రం ఇప్ప‌టివ‌ర‌కు ఎటువంటి అధికారిక ప్ర‌క‌ట‌న చేయ‌లేదు. కాగా పంత్ గాయం తీవ్ర‌మైన‌ది అయితే భార‌త్‌కు నిజంగా గ‌ట్టి ఎదురు దెబ్బే అనే చెప్పాలి. ఎందుకంటే భార‌త టెస్టు జ‌ట్టులో పంత్ కీల‌క స‌భ్యునిగా కొనసాగుతున్నాడు. ఇప్పుడు కొత్త వైస్ కెప్టెన్సీ బాధ్య‌త‌లు కూడా ఈ డైనమిక్ వికెట్ కీప‌ర్ బ్యాట‌ర్ చేప‌ట్టాడు. ఇక ఐదు టెస్టుల సిరీస్‌లో భాగంగా తొలి టెస్టు లీడ్స్ వేదిక‌గా జూన్ 20 నుంచి 24 వ‌రకు జ‌ర‌గ‌నుంది.అంత‌కంటే ముందు ఈ నెల 13న ఇండియా-ఎ జ‌ట్టుతో భార‌త సీనియ‌ర్ జ‌ట్టు ఇంట్రాస్వ్కాడ్ మ్యాచ్ ఆడ‌నుంది. కాగా విరాట్‌ కోహ్లి, రోహిత్‌ శర్మలు రిటైర్మెంట్‌ ప్రకటించడంతో శుబ్‌మన్‌ గిల్‌ సారథ్యంలో యువ భారత జట్టు ఇంగ్లండ్‌ను ఢీకొట్టనుంది.ఇంగ్లండ్‌తో ఐదు మ్యాచ్‌ల టెస్ట్‌ సిరీస్‌కు భారత జట్టు..శుభ్‌మన్‌ గిల్‌ (కెప్టెన్‌), సాయి సుదర్శన్‌, కరుణ్‌ నాయర్‌, అభిమన్యు ఈశ్వరన్‌, యశస్వి జైస్వాల్‌, నితీశ్‌ కుమార్‌ రెడ్డి, రవీంద్ర జడేజా, శార్దూల్‌ ఠాకూర్‌, వాషింగ్టన్‌ సుందర్‌, రిషబ్‌ పంత్‌, కేఎల్‌ రాహుల్‌, ధృవ్‌ జురెల్‌, జస్ప్రీత్‌ బుమ్రా, ప్రసిద్ద్‌ కృష్ణ, మహ్మద్‌ సిరాజ్‌, ఆకాశ్‌దీప్‌, అర్షదీప్‌ సింగ్‌, కుల్దీప్‌ యాదవ్‌ఇంగ్లండ్‌తో ఐదు మ్యాచ్‌ల టెస్ట్‌ సిరీస్‌ షెడ్యూల్‌..జూన్‌ 20-24- తొలి టెస్ట్‌ (లీడ్స్‌)జులై 2-6- రెండో టెస్ట్‌ (బర్మింగ్హమ్‌)జులై 10-14- మూడో టెస్ట్‌ (లార్డ్స్‌)జులై 23-27- నాలుగో టెస్ట్‌ (మాంచెస్టర్‌)జులై 31-ఆగస్ట్‌ 4- ఐదో టెస్ట్‌ (కెన్నింగ్‌స్టన్‌ ఓవల్‌) చదవండి: ఇంగ్లండ్‌తో టెస్ట్‌ సిరీస్‌కు ముందు టీమిండియాలో కీలక నియామకం

భార‌త టెస్టు క్రికెట్‌లో కొత్త శ‌కం మొద‌లైంది. విరాట్ కోహ్లి, కెప్టెన్ రోహిత్ శ‌ర్మలు వంటి దిగ్గ‌జాలు లేకుండా తొలి టెస్టు సిరీస్ ఆడేందుకు టీమిండియా సిద్ద‌మైంది. శుబ్‌మ‌న్ గిల్ సార‌థ్యంలోని యువ భార‌త జ‌ట్టుకు ఇంగ్లండ్ రూపంలో కఠిన స‌వాలు ఎదురుకానుంది.రోహిత్ వారసుడిగా బాధ్య‌త‌లు చేప‌ట్టిన శుబ్‌మ‌న్ గిల్‌.. జ‌ట్టును ఎలా న‌డిపిస్తాడా అని అంద‌రూ ఎంతో ఆస‌క్తిగా ఎదురుచూస్తున్నారు. మ‌రోవైపు వ‌రుస‌గా న్యూజిలాండ్‌, ఆస్ట్రేలియా చేతిలో టెస్టు సిరీస్‌ల‌ను భార‌త్ కోల్పోవ‌డంతో హెడ్‌కోచ్ గౌతం గంభీర్‌పైన కూడా తీవ్ర‌మైన ఒత్తిడి ఉంది. ఈ క్ర‌మంలో గిల్‌-గౌతీ కాంబనేష‌న్‌లో భార‌త జ‌ట్టు ఎలా రాణిస్తుందో మ‌రి కొన్ని రోజుల్లో తేలిపోనుంది.టీమిండియా ప్రాక్టీస్ షూరూ..ఇక ఐదు మ్యాచ్‌ల సిరీస్ కోసం టీమిండియా ఇప్ప‌టికే ఇంగ్లండ్ గ‌డ్డ‌పై అడుగు పెట్టింది. ఈ నేప‌థ్యంలో భార‌త జ‌ట్టు ఆదివారం(జూన్ 8)తొలి ప్రాక్టీస్ సెష‌న్‌లో పాల్గోంది. ఇందుకు సంబంధించిన వీడియోను బీసీసీఐ ఎక్స్‌లో షేర్ చేసింది. ఈ వీడియోలో కెప్టెన్ గిల్‌ ర‌వీంద్ర జ‌డేజా, అర్ష్‌దీప్‌, సిరాజ్ క‌స‌రత్త‌లు చేస్తున్న‌ట్లు క‌న్పించింది.కొత్త స్ట్రెంగ్త్ అండ్ కండిషనింగ్ కోచ్ అడ్రియన్ లె రౌక్స్ కూడా భార‌త జ‌ట్టులో చేరారు. రాజీనామా చేసిన సోహమ్ దేశాయ్ స్ధానంలో అడ్రియన్ బాధ్య‌త‌లు చేప‌ట్టాడు. ఇంగ్లండ్‌-భార‌త్ మ‌ధ్య తొలి టెస్టు జూన్ 20 నుంచి 24 వ‌ర‌కు లీడ్స్ వేదిక‌గా జ‌ర‌గ‌నుంది.ఇంగ్లండ్‌ టూర్‌కు భారత జట్టు: శుబ్‌మన్ గిల్ (కెప్టెన్‌), రిషబ్ పంత్, యశస్వి జైస్వాల్, కేఎల్ రాహుల్, సాయి సుదర్శన్, అభిమన్యు ఈశ్వ‌ర‌న్‌, కరుణ్ నాయర్, నితీష్ కుమార్ రెడ్డి, రవీంద్ర జడేజా, ధ్రువ్ జురెల్, వాషింగ్టన్ సుందర్, శార్దూల్ ఠాకూర్, జస్‌ప్రీత్ బుమ్రా, మహమ్మద్ సిరాజ్, ప్రసిద్ధ్ కృష్ణ, ఆకాశ్ దీప్, అర్ష్‌దీప్ సింగ్, కుల్దీప్ యాదవ్చదవండి: IND vs ENG: వైభ‌వ్ సూర్య‌వంశీ సిక్స‌ర్ల వర్షం..! వీడియో వైర‌ల్‌𝗣𝗿𝗲𝗽 𝗕𝗲𝗴𝗶𝗻𝘀 ✅First sight of #TeamIndia getting into the groove in England 😎#ENGvIND pic.twitter.com/TZdhAil9wV— BCCI (@BCCI) June 8, 2025

నార్తంప్టన్ వేదిక‌గా ఇంగ్లండ్‌ లయన్స్‌ జట్టుతో జరుగుతున్న రెండో అనధికారిక టెస్టులో భారత ‘ఎ’ జట్టు బౌల‌ర్లు తేలిపోయారు. తొలి ఇన్నింగ్స్‌లో ప్ర‌త్య‌ర్ధి బ్యాట‌ర్ల‌ను ఔట్ చేసేందుకు భార‌త‌-ఎ బౌల‌ర్లు తీవ్రంగా శ్ర‌మిస్తున్నారు. రెండో రోజు ఆటముగిసే స‌మ‌యానికి ఇంగ్లండ్‌ లయన్స్ 46 ఓవర్లలో 3 వికెట్ల నష్టానికి 192 పరుగులు చేసింది.క్రీజులో జోర్డాన్ కాక్స్‌(31),జేమ్స్ రెవ్(0) ఉన్నారు. టాప‌ర్డ‌ర్ బ్యాట‌ర్లు టామ్ హైన్స్(54), ఎమిలియో గే(71) హాఫ్ సెంచ‌రీల‌తో రాణించారు. ఇంగ్లండ్ ల‌య‌న్స్ తొలి ఇన్నింగ్స్‌లో భార‌త్ కంటే ఇంకా 127 ప‌రుగులు వెన‌క‌బ‌డి ఉంది. భార‌త బౌల‌ర్ల‌లో ఇప్ప‌టివ‌ర‌కు కాంబోజ్‌, కోటియ‌న్‌, దేశ్‌పాండే త‌లా వికెట్ సాధించారు.ఇక అంత‌కుముందు భార‌త్‌-ఎ జ‌ట్టు త‌మ తొలి ఇన్నింగ్స్‌లో 348 ప‌రుగుల‌కు ఆలౌటైంది. 319/7 ఓవ‌ర్‌నైట్ స్కోర్‌తో రెండో రోజు ఆట‌ను ప్రారంభించిన భార‌త జ‌ట్టు.. అద‌నంగా 29 ప‌రుగులు చేసి ఇన్నింగ్స్‌ను ముగించింది. భారత్‌ ఇన్నింగ్స్‌లో కేఎల్‌ రాహుల్‌(116) టాప్‌ స్కోరర్‌గా నిలవగా..ధ్రువ్‌ జురేల్‌ (87 బంతుల్లో 52; 7 ఫోర్లు), కరుణ్‌ నాయర్‌ (71 బంతుల్లో 40; 4 ఫోర్లు), ఆంధ్ర ఆల్‌రౌండర్‌ నితీశ్‌ కుమార్‌ రెడ్డి (57 బంతుల్లో 34; 5 ఫోర్లు) రాణించారు.ఇక ఇంగ్లండ్ బౌల‌ర్ల‌లో సీనియర్ పేస‌ర్ క్రిస్ వోక్స్ మూడు వికెట్లు ప‌డ‌గొట్ట‌గా..జోష్ టంగ్, జార్జ్ హిల్ త‌లా రెండు వికెట్లు సాధించారు. కాగా ఇరు జ‌ట్ల మ‌ధ్య జ‌రిగిన తొలి అనాధికారిక టెస్టు డ్రాగా ముగిసిన సంగ‌తి తెలిసిందే.చదవండి: ఆర్సీబీలోకి బుమ్రా, సూర్య‌కుమార్‌, పంత్‌: విజయ్‌ మాల్యా డ్రీమ్‌ టీమ్‌

త‌మిళ‌నాడు యువ సంచ‌ల‌నం సాయిసుద‌ర్శ‌న్ టీమిండియా త‌ర‌పున టెస్టు అరంగేట్రం చేసేందుకు సిద్ద‌మ‌య్యాడు. జూన్ 20 నుంచి లీడ్స్ వేదిక‌గా ఇంగ్లండ్‌తో జ‌రిగే తొలి టెస్టులో సుద‌ర్శ‌న్ డెబ్యూ చేయ‌డం దాదాపు ఖాయ‌మైంది. భార‌త జ‌ట్టుతో పాటు లండ‌న్‌కు చేరుకున్న సుద‌ర్శ‌న్ త‌న ప్రాక్టీస్‌ను మొద‌లుపెట్టాడు. వ‌న్డే, టీ20ల్లో త‌నకు వ‌చ్చిన అవ‌కాశాల‌ను స‌ద్వినియోగ‌ప‌రుచుకున్న సుద‌ర్శ‌న్‌.. ఇప్పుడు వైట్‌బాల్ జెర్సీలో భార‌త త‌ర‌పున స‌త్తాచాటాల‌ని భావిస్తున్నాడు. ఈ నేప‌థ్యంలో సుద‌ర్శ‌న్‌పై ఆస్ట్రేలియా మాజీ కెప్టెన్ మైఖ‌ల్ క్లార్క్‌ ప్ర‌శంస‌ల వ‌ర్షం కురిపించాడు. అత‌డొక అద్బుత‌మైన ఆట‌గాడ‌ని, మూడో స్ధానంలో బ్యాటింగ్‌కు పంపాల‌ని క్లార్క్ సూచించాడు.కాగా విరాట్ కోహ్లి రిటైర్మెంట్ ప్ర‌క‌టించడంతో కొత్త కెప్టెన్ శుబ్‌మ‌న్ గిల్ నాలుగో స్ధానంలో బ్యాటింగ్ వ‌చ్చే అవ‌కాశ‌ముంది. దీంతో గిల్ స్ధానంలో సుద‌ర్శ‌న్ బ్యాటింగ్‌కు రావాల‌ని క్లార్క్‌తో పాటు ప‌లు మాజీలు సైతం అభిప్రాయ‌ప‌డుతున్నారు."సాయిసుద‌ర్శ‌న్ ఒక సూప‌ర్ స్టార్‌. అద్బుత‌మైన ఫామ్‌లో ఉన్నాడు. అత‌డు ఎటువంటి రిస్క్ తీసుకోకుండా షాట్లు ఆడగ‌ల‌డు. టెస్టు క్రికెట్‌లో అత‌డు నంబ‌ర్ త్రీ స్ధానానికి స‌రిగ్గా స‌రిపోతాడు. అదే వ‌న్డే, టీ20ల్లో అయితే ఓపెన‌ర్‌గా అత‌డు ఇన్నింగ్స్‌ను ప్రారంభించాల‌ని భావిస్తున్నాను. సుద‌ర్శ‌న్ భార‌త టెస్టు సెట‌ప్‌లో భాగంగా ఉన్నాడు. కాబ‌ట్టి అత‌డికి ఇంగ్లండ్‌పై గ‌డ్డ‌పై అరంగేట్రం చేసే అవ‌కాశం లభిస్తుంది" అని క్లార్క్ బియాండ్23 క్రికెట్ పాడ్‌కాస్ట్‌లో క్లార్క్ పేర్కొన్నాడు.

ఐపీఎల్‌-2025 సీజ‌న్‌లో పంజాబ్ కింగ్స్ తుది మెట్టుపై బోల్తా ప‌డిన‌ప్ప‌టికి.. ఆ జ‌ట్టు సార‌థి శ్రేయ‌స్ అయ్య‌ర్ త‌న కెప్టెన్సీతో అంద‌రిని ఆక‌ట్టుకున్నాడు. త‌న అద్బుత‌మైన కెప్టెన్సీతో పంజాబ్ కింగ్స్‌ను ప‌దేళ్ల త‌ర్వాత ఫైన‌ల్‌కు చేర్చాడు. మ‌రోవైపు వ్య‌క్తిగ‌త ప్ర‌ద‌ర్శ‌న ప‌రంగా అయ్య‌ర్ దుమ్ములేపాడు.దీంతో అయ్య‌ర్‌కు అంత‌ర్జాతీయ క్రికెట్‌లో రివార్డు ల‌భించిన‌ట్లు తెలుస్తోంది. ఇండియ‌న్స్ ఎక్స్‌ప్రెస్ రిపోర్ట్ ప్రకారం.. టీమిండియా వైట్‌బాల్ కెప్టెన్సీ రేసులో శ్రేయ‌స్ ఉన్న‌ట్లు స‌మాచారం. అదేవిధంగా గ‌త కొంత‌కాలంగా కేవ‌లం వ‌న్డేల‌కే ప‌రిమితైన అయ్య‌ర్ భార‌త టీ20 జ‌ట్టులోకి పున‌రాగ‌మ‌నం చేయ‌నున్న‌ట్లు వార్త‌లు వినిపిస్తున్నాయి.కెప్టెన్సీ రేసులో శ్రేయస్‌..శ్రేయ‌స్ అయ్య‌ర్ ప్ర‌స్తుతం వన్డేలు మాత్రమే ఆడుతున్నాడు. కానీ ఈ ఏడాది ఐపీఎల్‌లో త‌న అద్బుత‌ ప్ర‌ద‌ర్శ‌న త‌ర్వాత అయ్య‌ర్ టీ20 సెట‌ప్‌లోకి కూడా వ‌చ్చే అవ‌కాశ‌ముంది. అంతేకాకుండా అయ్య‌ర్ ఇప్పుడు వైట్‌కెప్టెన్సీ రేసులో కూడా ఉన్నాడు అని ఓ బీసీసీఐ అధికారి ది ఇండియ‌న్స్ ఎక్స్‌ప్రెస్‌తో పేర్కొన్నారు.కాగా ప్ర‌స్తుతం భార‌త జ‌ట్టు టీ20 కెప్టెన్‌గా సూర్య‌కుమార్ యాద‌వ్ ఉండ‌గా.. రోహిత్ శ‌ర్మ వ‌న్డే జ‌ట్టుకు నాయకత్వం వహిస్తున్నాడు. టెస్టు కెప్టెన్‌గా శుబ్‌మ‌న్ గిల్ ఇటీవ‌లే నియ‌మితుడ‌య్యాడు. అయితే మూడు ఫార్మాట్ల‌కు వెర్వేరు కెప్టెన్ల‌ను నియ‌మించాల‌ని బీసీసీఐ ఆలోచిస్తున్న‌ట్లు స‌మాచారం.ఇప్ప‌టికే టెస్టుల‌కు, టీ20ల‌కు రిటైర్మెంట్ ప్ర‌క‌టించిన రోహిత్ శ‌ర్మ త్వ‌ర‌లోనే వ‌న్డేల‌కు సైతం వీడ్కోలు ప‌లికే ఛాన్స్ ఉంది. ఒక‌వేళ రిటైర్మెంట్ ప్ర‌క‌టించికపోయినా కెప్టెన్సీ నుంచి మాత్రం త‌ప్పుకునే అవ‌కాశ‌ముంది. ఈ క్ర‌మంలో అయ్య‌ర్‌కు వ‌న్డే ప‌గ్గాలు అప్ప‌గించాల‌ని బీసీసీఐ పెద్ద‌లు యోచిస్తున్న‌ట్లు వార్త‌లు వినిపిస్తున్నాయి.చదవండి: ENG vs WI: జోస్ బ‌ట్ల‌ర్ విధ్వంసం.. విండీస్‌ను చిత్తు చేసిన ఇంగ్లండ్‌

టీమిండియా టెస్టు కెప్టెన్‌గా తొలి సవాల్‌ను ఎదుర్కొనేందుకు శుబ్‌మన్ గిల్ సిద్దమయ్యాడు. ఐదు మ్యాచ్‌ల టెస్టు సిరీస్ కోసం గిల్ సారథ్యంలోని భారత జట్టు శుక్రవారం ఇంగ్లండ్‌కు పయనమైంది. రోహిత్ శర్మ, విరాట్ కోహ్లి వంటి దిగ్గజాలు లేని భారత జట్టును గిల్ ఎలా నడిపిస్తాడో అని అందరూ ఆతృతగా ఎదురు చూస్తున్నారు.ఇక ఇంగ్లండ్‌కు బ‌య‌లుదేరే ముందు బీసీసీఐ ప్రధాన కార్యాలయంలో శుబ్‌మ‌న్ గిల్ మీడియాతో మాట్లాడాడు. ఈ సంద‌ర్భంగా ఇంగ్లండ్ పర్యటన‌కు సంబంధించి ప‌లు ఆసక్తికర విషయాలను పంచుకున్నాడు. అదేవిధంగా రోహిత్ శ‌ర్మ‌, విరాట్ కోహ్లి రిటైర్మెంట్‌ల‌పై కూడా గిల్ మాట్లాడాడు."సాధారణంగా ప్ర‌తీ టూర్‌లోనూ ఒత్తిడి ఉంటుంది. రోహిత్ శ‌ర్మ‌, విరాట్ కోహ్లిలు టెస్టు క్రికెట్‌కు వీడ్కోలు ప‌లక‌డం మాకు నిజంగా గ‌ట్టి ఎదురుదెబ్చ అని చెప్పాలి. వారిద్ద‌రూ చాలా అనుభవజ్ఞులైన ఆటగాళ్ళు. భార‌త జ‌ట్టుకు ఎన్నో అద్బుత‌మైన విజ‌యాలు అందించారు. వారి స్ధానాల‌ను భ‌ర్తీ చేయ‌డం చాలా క‌ష్టం. అయితే రోహిత్, కోహ్లి ఉన్న‌ప్పుడు ఎలాంటి ఒత్తిడి ఉంటుందో ఇప్పుడు కూడా అలానే ఉంటుంది. అందులో ఎటువంటి మార్పు ఉండ‌దు. మా బ్యాటింగ్ ఆర్డ‌ర్‌ను ఇంకా మేము ఖారారు చేయ‌లేదు. అందుకు మాకు ఇంకా రెండు వారాల స‌మ‌యం ఉంది. లండ‌న్‌లో 10 రోజుల ప్రాక్టీస్ క్యాంపును నిర్వహిస్తాము. ఇంట్రా-స్క్వాడ్ మ్యాచ్‌లు ఆడతాము. ఆ త‌ర్వాత బ్యాటింగ్ ఆర్డ‌ర్‌ను నిర్ణయిస్తాము అని గిల్ ప్రెస్‌కాన్ఫరెన్స్‌లో పేర్కొన్నాడు. కాగా ఈ సిరీస్ జూన్ 20 నుంచి ప్రారంభం కానుంది. ఈ సిరీస్‌తోనే డబ్ల్యూటీసీ 2025-27 సైకిల్‌కు తెరలేవనుంది. ఇంగ్లండ్‌ టూర్‌కు భారత జట్టు: శుబ్‌మన్ గిల్ (కెప్టెన్‌), రిషబ్ పంత్, యశస్వి జైస్వాల్, కేఎల్ రాహుల్, సాయి సుదర్శన్, అభిమన్యు ఈశ్వ‌ర‌న్‌, కరుణ్ నాయర్, నితీష్ కుమార్ రెడ్డి, రవీంద్ర జడేజా, ధ్రువ్ జురెల్, వాషింగ్టన్ సుందర్, శార్దూల్ ఠాకూర్, జస్‌ప్రీత్ బుమ్రా, మహమ్మద్ సిరాజ్, ప్రసిద్ధ్ కృష్ణ, ఆకాశ్ దీప్, అర్ష్‌దీప్ సింగ్, కుల్దీప్ యాదవ్చదవండి: IND vs ENG: ఇంగ్లండ్-భారత్ టెస్టు సిరీస్‌కు కొత్త పేరు ఖరారు

ఇంగ్లండ్‌-భార‌త మ‌ధ్య జ‌రిగే ఐదు మ్యాచ్‌ల టెస్టు సిరీస్‌కు స‌మ‌యం అసన్న‌మ‌వుతోంది. జూన్ 20 నుంచి హెడ్డింగ్లీ వేదిక‌గా ఈ సిరీస్ ప్రారంభం కానుంది. ఈ రెడ్ బాల్ సిరీస్ కోసం శుబ్‌మ‌న్ గిల్ సార‌థ్యంలోని భార‌త జ‌ట్టు శుక్ర‌వారం ఇంగ్లండ్‌కు ప‌య‌న‌మైంది.ఇందుకు సంబంధించిన ఫోటోల‌ను బీసీసీఐ త‌మ ఎక్స్ ఖాతాలో షేర్ చేసింది. జ‌ట్టు తో పాటు హెడ్‌కోచ్ గౌతం గంభీర్ కూడా ఉన్నాడు. ఇంగ్లండ్‌ ప‌రిస్థితుల‌కు అలవాటు ప‌డేందుకు 14 రోజుల ముందే అక్క‌డకు గిల్ సేన చేరుకోనుంది. జూన్ 13 నుంచి 16 వ‌ర‌కు బెకెన్‌హామ్ వేదిక‌గా ఇండియా-ఎతో సీనియ‌ర్ భార‌త జ‌ట్టు ప్రాక్టీస్ మ్యాచ్ ఆడ‌నుంది. ఆ త‌ర్వాత ప్ర‌ధాన సిరీస్ ప్రారంభం కానుంది. ఇక ఇంగ్లండ్‌కు ప‌య‌న‌మవ్వ‌క‌ముందు కొత్త కెప్టెన్ శుబ్‌మ‌న్ గిల్‌, గౌతం గంభీర్ విలేకరుల స‌మావేశంలో పాల్గోనున్నారు.ఈ సంద‌ర్బంగా ప‌లు ప్ర‌శ్న‌ల‌కు వీరిద్ద‌రూ స‌మాధ‌న‌మిచ్చారు. ఈ సిరీస్‌లో స్టార్ పేస‌ర్ జ‌స్ప్రీత్ బుమ్రా కేవ‌లం మూడు మ్యాచ్‌ల‌కు మాత్ర‌మే అందుబాటులో ఉండ‌నున్న‌ట్లు గంభీర్ స్ప‌ష్టం చేశాడు. అదేవిధంగా భార‌త బ్యాటింగ్ ఆర్డ‌ర్‌ను ఇంకా ఖారారు చేయ‌లేద‌ని, త‌మ‌కు ఇంకా రెండు వారాల స‌మ‌యం ఉంద‌ని గిల్ పేర్కొన్నాడు.కాగా ఈ సిరీస్‌కు ముందు స్టార్‌ ప్లేయర్లు రోహిత్‌ శర్మ, విరాట్‌ కోహ్లి టెస్టులకు రిటైర్మెంట్‌ ప్రకటించారు. ఈ క్రమంలో వీరిద్దరి స్ధానాలను ఎవరు భర్తీ చేస్తారో అని అభిమానులు ఆతృతగా ఎదురుచూస్తున్నారు. విరాట్‌ కోహ్లి స్ధానంలో కరుణ్‌ నాయర్‌ బ్యాటింగ్‌కు వచ్చే సూచనలు కన్పిస్తున్నాయి. ఎనిమిదేళ్ల తర్వాత భారత జట్టులోకి వచ్చిన కరుణ్‌ నాయర్‌.. ఇంగ్లండ్‌ లయన్స్‌తో జరుగుతున్న అనాధికారిక టెస్టు సిరీస్‌లో దుమ్ములేపుతున్నాడు.తొలి అనాధికారిక టెస్టులో నాయర్‌ డబుల్‌ సెంచరీతో చెలరేగాడు. మరోవైపు సాయిసుదర్శన్‌, అర్ష్‌దీప్‌ సింగ్‌ వంటి యువ ఆటగాళ్లకు తొలిసారి భారత టెస్టు జట్టులో చోటు దక్కింది.ఇంగ్లండ్‌ టూర్‌కు భారత జట్టు: శుబ్‌మన్ గిల్ (కెప్టెన్‌), రిషబ్ పంత్, యశస్వి జైస్వాల్, కేఎల్ రాహుల్, సాయి సుదర్శన్, అభిమన్యు ఈశ్వ‌ర‌న్‌, కరుణ్ నాయర్, నితీష్ కుమార్ రెడ్డి, రవీంద్ర జడేజా, ధ్రువ్ జురెల్, వాషింగ్టన్ సుందర్, శార్దూల్ ఠాకూర్, జస్‌ప్రీత్ బుమ్రా, మహమ్మద్ సిరాజ్, ప్రసిద్ధ్ కృష్ణ, ఆకాశ్ దీప్, అర్ష్‌దీప్ సింగ్, కుల్దీప్ యాదవ్

కాంటర్‌బరీ వేదికగా ఇంగ్లండ్ ల‌య‌న్స్‌తో జ‌రుగుతున్న మొద‌టి అన‌ధికారిక టెస్టులో భారత్‌ ‘ఎ’ జట్టు భారీ స్కోరు చేసింది. దేశవాళీల్లో నిలకడైన ప్రదర్శన కనబర్చి ఇంగ్లండ్‌ పర్యటనకు ఎంపికైన కరుణ్‌ నాయర్‌ చక్కటి ఆటతీరుతో ఆకట్టుకున్నాడు. కరుణ్‌ నాయర్‌ 281 బంతుల్లో 26 ఫోర్లు, ఒక సిక్స‌ర్‌తో 204 ప‌రుగులు చేశాడు. ఓవర్‌నైట్‌ స్కోరు 409/3తో శనివారం రెండో రోజు తొలి ఇన్నింగ్స్‌ కొనసాగించిన భారత్‌ ‘ఎ’ చివరకు 125.1 ఓవర్లలో 557 పరుగులకు ఆలౌటైంది.వికెట్‌ కీపర్‌ బ్యాటర్‌ ధ్రువ్‌ జురేల్‌ (120 బంతుల్లో 94; 11 ఫోర్లు, 1 సిక్స్‌) తృటిలో సెంచరీ చేజార్చుకున్నాడు. ఆ్రస్టేలియా పర్యటనలో అదరగొట్టిన ఆంధ్రప్రదేశ్‌ ఆల్‌రౌండర్‌ నితీశ్‌ కుమార్‌ రెడ్డి (7) విఫలమయ్యాడు. శార్దుల్‌ ఠాకూర్‌ (27), హర్ష్‌ దూబే (32), అన్షుల్‌ కంబోజ్‌ (23) తలా కొన్ని పరుగులు చేశారు. ఇంగ్లండ్‌ లయన్స్‌ బౌలర్లలో జోష్‌ హాల్, జమాన్‌ అక్తర్‌ చెరో మూడు వికెట్లు పడగొట్టారు.అనంతరం తొలి ఇన్నింగ్స్‌ ప్రారంభించిన ఇంగ్లండ్‌ లయన్స్‌ జట్టు రెండో రోజు ఆట ముగిసే సమయానికి 52 ఓవర్లలో 2 వికెట్ల నష్టానికి 237 పరుగులు చేసింది. టామ్‌ హైన్స్‌ (147 బంతుల్లో 103 నాటౌట్‌; 11 ఫోర్లు) అజేయ సెంచరీతో ఆకట్టుకోగా... మ్యాక్స్‌ హోల్డెన్‌ (61 బంతుల్లో 64 నాటౌట్‌; 8 ఫోర్లు, 1 సిక్స్‌) ధాటిగా ఆడాడు. ఎమిలియో (46) ఫర్వాలేదనిపించాడు. బ్యాటింగ్‌లో సత్తాచాటిన భారత ‘ఎ’ ఆటగాళ్లు... బౌలింగ్‌లో పెద్దగా ప్రభావం చూపలేకపోవడంతో ఇంగ్లండ్‌ లయన్స్‌ ప్లేయర్లు స్వేచ్ఛగా పరుగులు రాబట్టారు.అన్షుల్‌ కంబోజ్, హర్ష్‌ దూబే చెరో వికెట్‌ పడగొట్టగా... ముకేశ్‌ కుమార్, హర్షిత్‌ రాణా భారీగా పరుగులు ఇచ్చుకున్నారు. బ్యాటింగ్‌లో ఆకట్టుకోలేకపోయిన నితీశ్‌ రెడ్డి బౌలింగ్‌లో 3 ఓవర్లే వేసి 27 పరుగులు సమరి్పంచుకున్నాడు. నాలుగు రోజుల ఈ పోరులో... చేతిలో 8 వికెట్లు ఉన్న ఇంగ్లండ్‌ లయన్స్‌ జట్టు భారత్‌ ‘ఎ’ స్కోరుకు ఇంకా 320 పరుగులు వెనుకబడి ఉంది. టామ్‌ హైన్స్, హోల్డన్‌ క్రీజులో ఉన్నారు. మూడో రోజు భారత బౌలర్లు ఎలాంటి ప్రభావం కనబరుస్తారో చూడాలి.చదవండి: IND vs ENG: ఇంగ్లండ్‌ టూర్‌.. టీమిండియా మేనేజ‌ర్‌గా యుధ్‌వీర్‌

న్యూఢిల్లీ: ఇంగ్లండ్‌ పర్యటనలో భారత క్రికెట్‌ జట్టు మేనేజర్‌గా యుధ్‌వీర్‌ సింగ్‌ ఎంపికయ్యాడు. ఈ నెల 20 నుంచి టీమిండియా ఇంగ్లండ్‌తో 5 మ్యాచ్‌ల టెస్టు సిరీస్‌ ఆడనుంది. ఈ టూర్‌ కోసం భారత క్రికెట్‌ నియంత్రణ మండలి (బీసీసీఐ) యు«ద్‌వీర్‌ను మేనేజర్‌గా ఎంపిక చేసింది. ప్రస్తుతం ఉత్తరప్రదేశ్‌ క్రికెట్‌ సంఘం (యూపీసీఏ) కార్యదర్శిగా పనిచేస్తున్న యుధ్‌వీర్‌... గతంలో యూపీసీఏ అధ్యక్షుడిగానూ వ్యవహరించారు. క్రికెట్‌ వ్యవహారాల్లో అతడికి విశేష అనుభవం ఉందని ఓ బీసీసీఐ అధికారి తెలిపారు. ఈ సిరీస్‌ కోసం సెలెక్షన్‌ కమిటీ ఇప్పటికే జట్టును ప్రకటించగా... యువ ఓపెనర్‌ శుబ్‌మన్‌ గిల్‌ను కె‍ప్టెన్‌గా ఎంపిక చేసింది. రోహిత్‌ శర్మ, విరాట్‌ కోహ్లి టెస్టు ఫార్మాట్‌కు రిటైర్మెంట్‌ ప్రకటించిన నేపథ్యంలో గిల్‌ సారథ్యంలోని యువ జట్టు ఈ సిరీస్‌లో ఎలాంటి ప్రదర్శన చేస్తుందో చూడాలి. ప్రపంచ టెస్టు చాంపియన్‌షిప్‌ (డబ్ల్యూటీసీ) 2025–27 సీజన్‌ను భారత జట్టు ఇదే సిరీస్‌తో ప్రారంభించనుంది.చదవండి: పది మందికి రూ. 1 కోటికి పైగా...

భారత స్టార్‌ క్రికెటర్‌ విరాట్‌ కోహ్లి... వరల్డ్‌ బౌలింగ్‌ లీగ్‌ (డబ్ల్యూబీఎల్‌)లో అడుగు పెడుతున్నాడు. ఇప్పటికే పలు రంగాల్లో పెట్టుబడులు పెట్టిన కోహ్లి... డబ్ల్యూబీఎల్‌లో వ్యూహాత్మక పెట్టుబడిదారుడిగా మారాడు. డబ్ల్యూబీఎల్‌లో భాగంగా ఇటీవల తొలి జట్టు ఓఎమ్‌జీ ఫ్రాంచైజీని ప్రకటించింది.ఇప్పుడు తాజాగా క్రికెట్‌ సూపర్‌ స్టార్‌ కోహ్లి భాగస్వామ్యాన్ని బహిర్గతం చేసింది. ‘నేను 11 ఏళ్ల వయసులో బౌలింగ్‌ చేయడం ప్రారంభించా. 12 ఏళ్ల వయసు నుంచి బంతిని తిప్పేందుకు ప్రయతి్నస్తున్నా. ఈ లీగ్‌లో భాగస్వామి కావడం ఆనందంగా ఉంది. వ్యాపారాభివృద్ధి కోణంలోనూ ఇది మంచి అడుగు అనుకుంటున్నా. భవిష్యత్తును దృష్టిలో పెట్టుకొని కొత్త క్రీడలను ప్రోత్సహించాల్సిందే. ఈ1 సిరీస్‌లో మా జట్టు పురోగతి చూస్తే ముచ్చటేస్తోంది. డబ్ల్యూబీఎల్‌ వ్యూహాత్మక పెట్టుబడి దారుడిగా, సహ యజమానిగా ఉండడం ఉత్సాహాన్నిస్తోంది’అని విరాట్‌ కోహ్లి వెల్లడించాడు.

భార‌త కొత్త టెస్టు కెప్టెన్ ఎవ‌రన్న ఉత్కంఠకు నేటితో తెరపడింది. టీమిండియా కెప్టెన్‌గా అంతా ఊహించినట్లే శుబ్‌మన్ గిల్ ఎంపికయ్యాడు. అయితే ఇప్పుడు టీమిండియా ఓపెన‌ర్ ఎవ‌ర‌న్న ప్ర‌శ్న అందరిలోనూ మొద‌లైంది. రోహిత్ శ‌ర్మ రిటైర్మెంట్ ప్ర‌క‌టించడంతో భార‌త ఇన్నింగ్స్‌ను జైశ్వాల్‌తో కలిసి ఎవరు ఆరభిస్తారన్న చర్చ నడుస్తోంది. భారత ఓపెనర్ స్దానం కోసం ముగ్గురు పోటీలో ఉన్నారు. వారే స్టార్ ప్లేయర్ కేఎల్ రాహుల్‌, తమిళనాడు సంచలనం సాయిసుదర్శన్‌, బెంగాల్ మాజీ కెప్టెన్ అభిమాన్యు ఈశ్వ‌ర‌న్‌. కేఎల్ రాహుల్ వైపే మొగ్గు..?మిగితా ఇద్ద‌రితో పోలిస్తే రాహుల్‌కే భార‌త‌ ఓపెన‌ర్‌గా బ‌రిలోకి దిగే అవ‌కాశాలు ఎక్కువ‌గా ఉన్నాయి. రాహుల్ ఒక సెల్ప్‌లెస్‌ ఆట‌గాడు. 2014లో అరంగేట్రం చేసినప్పటి నుంచి రాహుల్ ఓపెన‌ర్‌గాను, మిడిలార్డ‌ర్‌లోనూ త‌న సేవ‌ల‌ను అందించాడు. ఆఖ‌రికి ఆరో స్ధానంలో కూడా బ్యాటింగ్ చేసిన సంద‌ర్బాలు ఉన్నాయి. గతంలో టెస్టుల్లో భార‌త ఇన్నింగ్స్‌ను ప్రారంభించిన అనుభవం రాహుల్‌కు ఉంది. టెస్టుల్లో అత‌డికి ఓపెన‌ర్‌గా రెండు సెంచ‌రీలు ఉన్నాయి. 2018-21 కాలంలో టెస్టుల్లో టీమిండియా ఓపెన‌ర్‌గా బ‌రిలోకి దిగిన రాహుల్‌.. 18 ఇన్నింగ్స్‌ల‌లో 37.31 స‌గ‌టుతో 597 ప‌రుగులు చేశాడు. ఓవ‌రాల్‌గా 83 ఇన్నింగ్స్‌లలో 35.03 స‌గ‌టుతో 2803 ప‌రుగులు చేశాడు. అదేవిధంగా ఇంగ్లండ్ వంటి బౌన్సీ కండిష‌న్స్‌లో నిల‌క‌డ‌గా బ్యాటింగ్ చేసే స‌త్తా కూడా రాహుల్‌కు ఉంది. దీంతో రాహుల్‌-జైశ్వాల్ భార‌త ఇన్నింగ్స్‌ను ప్రారంభించే సూచ‌న‌లు క‌న్పిస్తున్నాయి.సాయిసుద‌ర్శ‌న్ మ‌రో అప్ష‌న్‌..!ఒక వేళ కేఎల్ రాహ‌ల్‌ను మిడిలార్డ‌ర్‌లో ఆడించాల‌ని టీమ్ మెనెజ్‌మెంట్ భావిస్తే.. యువ ఆట‌గాడు సాయి సుద‌ర్శ‌న్‌ను ఓపెన‌ర్‌గా పంపే అవకాశ‌ముంటుంది. సాయి సుద‌ర్శ‌న్ ప్ర‌స్తుతం అద్బుత‌మైన ఫామ్‌లో ఉన్నాడు. ఐపీఎల్‌లో గుజ‌రాత్ టైటాన్స్ త‌ర‌పున సంచలనాలు సృష్టించాడు. వైట్ బాల్ క్రికెట్‌లోనూ కాదు రెడ్ బాల్ క్రికెట్‌లో కూడా సుద‌ర్శ‌న్‌ను త‌న‌ను తాను నిరూపించుకున్నాడు.ఫ‌స్ట్‌క్లాస్ క్రికెట్‌లో అత‌డికి మెరుగైన రికార్డు ఉంది. 2022-25 కాలంలో 49 ఫ‌స్ట్‌క్లాస్ మ్యాచ్‌లు ఆడిన సుద‌ర్శ‌న్‌.. 39.93 స‌గ‌టుతో 1957 ప‌రుగులు చేశాడు. అందులో 7 హాఫ్ సెంచ‌రీలు, 5 శ‌త‌కాలు ఉన్నాయి. అదేవిధంగా ఇంగ్లండ్ కౌంటీల్లో ఆడిన అనుభవం కూడా అత‌డికి ఉంది. కౌంటీ ఛాంపియన్‌షిప్‌లో సర్రే తరపున ఆడాడు. ఈ త‌మిళ‌నాడు బ్యాట‌ర్ కౌంటీల్లో 8 ఇన్నింగ్స్‌ల‌లో 35.12 స‌గ‌టుతో 281 ప‌రుగులు చేశాడు.అభిమ‌న్యు ఈశ్వ‌రన్‌..భార‌త జ‌ట్టు మెనెజ్‌మెంట్‌కు ఓపెన‌ర్‌గా అభిమన్యు ఈశ్వరన్ రూపంలో మ‌రో అప్ష‌న్ ఉంది. దశాబ్ద కాలంగా దేశీయ క్రికెట్‌లో ప‌రుగులు వ‌ర‌ద పారిస్తున్న ఈశ్వ‌రన్‌.. ఇప్ప‌టివ‌ర‌కు భార‌త జ‌ట్టు త‌ర‌పున అరంగేట్రం చేయ‌లేదు. ప‌లుమార్లు భార‌త జ‌ట్టు ఎంపికైనా.. ప్లేయింగ్ ఎలెవ‌న్‌లో మాత్రం చోటు ద‌క్క‌లేదు. ఒక‌వేళ ఇంగ్లండ్ టూర్‌లో అత‌డు అరంగేట్రం చేస్తే.. క‌చ్చితంగా జైశ్వాల్ ఓపెనింగ్ పార్ట‌న‌ర్ అభిమ‌న్యు అనే చెప్పాలి. ఎందుకంటే అత‌డికి అపార‌మైన అన‌భవం ఉంది. ఇప్ప‌టివ‌ర‌కు 101 ఫ‌స్ట్ క్లాస్ మ్యాచ్‌లు ఆడిన ఈశ్వ‌రన్‌.. 48.87 స‌గ‌టుతో 7674 ప‌రుగులు చేశాడు. అత‌డి పేరిట 27 సెంచ‌రీలు, 29 హాఫ్ సెంచ‌రీలు ఉన్నాయి. అదేవిధంగా ప్ర‌ధాన సిరీస్‌కు ముందు ఇంగ్లండ్ ల‌య‌న్స్‌తో జ‌ర‌గ‌నున్న టెస్టు సిరీస్‌లో ఇండియా-ఎ టీమ్ కెప్టెన్‌గా అభిమ‌న్యు వ్య‌వ‌హ‌రించ‌నున్నాడు. ఈ అనాధికారిక సిరీస్‌లో అభిమన్యు రాణిస్తే.. ప్ర‌ధాన సిరీస్‌లో కూడా అడే అవ‌కాశ‌ముంది.చదవండి: Shreyas Iyer: కెప్టెన్ అవుతాడన్నారు.. క‌ట్ చేస్తే! ఇప్పుడు టీమ్‌లోనే నో ఛాన్స్‌

భార‌త టెస్టు క్రికెట్ జ‌ట్టుకు కొత్త నాయకుడొచ్చాడు. రోహిత్ శ‌ర్మ వారసుడు ఎవరో తేలిపోయింది. టీమిండియా టెస్టు కెప్టెన్‌గా యువ ఆట‌గాడు శుబ్‌మ‌న్ గిల్ ఎంపికయ్యాడు. అంద‌రూ ఊహించిన‌ట్టే గిల్‌కే భార‌త జ‌ట్టు ప‌గ్గాల‌ను బీసీసీఐ అప్ప‌గించింది. ఈ విష‌యాన్ని బీసీసీఐ సెల‌క్ష‌న్ క‌మిటీ శ‌నివారం అధికారికంగా ప్ర‌క‌టించింది.దీర్ఘకాల ప్రయోజనాలను దృష్టిలో పెట్టుకుని ఈ పంజాబీ క్రికెటర్‌ను కెప్టెన్‌గా ఎంపిక చేశామని ఛీప్ సెలక్టర్ అజిత్ అగార్క‌ర్‌పేర్కొన్నాడు.ఇక అరంగేట్రం చేసిన ఐదేళ్ల‌లోనే భార‌త జ‌ట్టు కెప్టెన్‌గా ఎదిగిన‌ గిల్‌పై స‌ర్వాత్ర ప్ర‌శంస‌ల‌ వ‌ర్షం కురుస్తోంది. ఇది క‌దా స‌క్సెస్ అంటూ గిల్‌ను నెటిజన్లు కొనియాడుతున్నారు. గిల్ 2020లో ఆస్ట్రేలియాపై త‌న టెస్టు అరంగేట్రం చేశాడు.25 ఏళ్ల వ‌య‌స్సులోనే?భార‌త టెస్టు జ‌ట్టుకు 17 ఏళ్ల త‌ర్వాత యువ కెప్టెన్ వ‌చ్చాడు. 2008లో దిగ్గ‌జ స్పిన్న‌ర్ అనిల్ కుంబ్లే నుంచి భార‌త టెస్టు జ‌ట్టు ప‌గ్గాల‌ను ఎంఎస్ ధోని చేప‌ట్టాడు. అప్ప‌టికి ధోని వ‌య‌స్సు 27 ఏళ్లు. ఆ త‌ర్వాత 8 ఏళ్ల పాటు భార‌త జ‌ట్టును మిస్ట‌ర్ కూల్ న‌డిపించాడు. అనంత‌రం 2014 డిసెంబరులో ధోనీ నుంచి కోహ్లికి టెస్టు కెప్టెన్సీ దక్కింది. అప్ప‌టికి విరాట్‌కు 27 ఏళ్లు. కోహ్లి స‌రిగ్గా ఏడేళ్ల పాటు రెడ్‌బాల్ ఫార్మాట్‌లో భార‌త జ‌ట్టుకు సార‌థ్యం వ‌హించాడు. కోహ్లి నాయ‌క‌త్వంలోనే తొలిసారి ఆస్ట్రేలియా గ‌డ్డ‌పై టెస్టు సిరీస్‌ను భార‌త్ సొంతం చేసుకుంది. 2021 ఆఖ‌రిలో కోహ్లి టెస్టు కెప్టెన్సీకి రాజీనామా చేయ‌డంతో అత‌డి వారుసుడిగా రోహిత్ శ‌ర్మ బాధ్య‌త‌లు చేప‌ట్టాడు. రోహిత్ శ‌ర్మ టెస్టు కెప్టెన్‌గా ఎంపికయ్యేట‌ప్ప‌టికి అత‌డి వ‌య‌స్సు 34 ఏళ్లు. ఇప్పుడు రోహిత్ శర్మ రిటైర్మెంట్ ప్రకటించడంతో శుబ్‌మన్ గిల్ 25 ఏళ్ల వయస్సులోనే కొత్త టెస్టు కెప్టెన్‌గా నియిమితుడయ్యాడు. దీంతో దిగ్గ‌జ కెప్టెన్లు ధోని, విరాట్ కోహ్లి, రోహిత్ శ‌ర్మ‌ల కంటే అతి త‌క్కువ వ‌య‌స్సులోనే టీమిండియా నాయ‌కుడిగా ఎంపికై గిల్ చ‌రిత్ర సష్టించాడు.ఓవరాల్‌గా భార‌త టెస్టు జ‌ట్టు కెప్టెన్‌గా ఎంపికైన ఐదవ అతి పిన్న వయస్కుడిగా గిల్ నిలిచాడు. గిల్ ప్రస్తుత వయస్సు 25 సంవత్సరాల 285 రోజులు. ఈ అరుదైన ఫీట్ సాధించిన జాబితాలో మాజీ కెప్టెన్ మన్సూర్ అలీ ఖాన్ పటౌడి (21 సంవత్సరాల 77 రోజులు) అగ్రస్దానంలో ఉన్నాడు.👉గిల్ ఇప్ప‌టివ‌ర‌కు 32 టెస్టులు ఆడి 35.06 స‌గ‌టుతో 1893 ప‌రుగులు చేశాడు. అత‌డి ఇన్నింగ్స్‌లలో 7 హాఫ్ సెంచ‌రీలు, ఐదు శ‌త‌కాలు ఉన్నాయి.టెస్టుల్లో అతి పిన్న వయస్కులైన భారత కెప్టెన్లు వీరే..మన్సూర్ అలీ ఖాన్ పటౌడి (21 సంవత్సరాల, 77 రోజులు)సచిన్ టెండూల్కర్ -(23 సంవత్సరాల, 169 రోజులు)కపిల్ దేవ్ (24 సంవత్సరాల, 48 రోజులు)రవి శాస్త్రి (25 సంవత్సరాల, 229 రోజులు)శుబ్‌మాన్ గిల్ (25 సంవత్సరాల, 285 రోజులు)చదవండి: ఇంగ్లండ్‌ టూర్‌.. అందుకే ష‌మీని ఎంపిక చేయ‌లేదు: అగార్కర్ క్లారిటీ

ఇంగ్లండ్‌తో టెస్టు సిరీస్‌కు 18 స‌భ్యుల‌తో కూడిన భార‌త జ‌ట్టును బీసీసీఐ సెల‌క్ష‌న్ క‌మిటీ శ‌నివారం ప్ర‌క‌టించింది. టీమిండియా టెస్టు కెప్టెన్‌గా శుబ్‌మ‌న్ గిల్ నియ‌మితుడ‌య్యాడు. సాయిసుద‌ర్శ‌న్‌, అర్ష్‌దీప్ సింగ్ వంటి యువ ఆట‌గాళ్లు తొలి భార‌త టెస్టు జ‌ట్టులో చోటు ద‌క్కించుకోగా.. క‌రుణ్ నాయ‌ర్‌, శార్థూల్ ఠాకూర్ వంటి వెట‌ర‌న్ ప్లేయ‌ర్లు తిరిగి రీ ఎంట్రీ ఇచ్చారు. అయితే ఈ జ‌ట్టులో స్టార్ పేస‌ర్ మ‌హ్మ‌ద్ ష‌మీకి చోటు ద‌క్క‌క‌పోవ‌డం అంద‌రిని ఆశ్చ‌ర్య‌ప‌రిచింది. టెస్టు క్రికెట్‌లో అపార‌మైన అనుభ‌వం ఉన్న ష‌మీని సెల‌క్ట‌ర్లు ఎందుకు ప‌క్క‌న పెట్ట‌రాన్న ప్ర‌శ్న అంద‌రిలోనూ ఉత్ప‌న్న‌మ‌వుతోంది. ఈ క్ర‌మంలో ఇంగ్లండ్ టూర్‌కు ష‌మీని ఎంపిక చేయ‌క‌పోవ‌డంపై బీసీసీఐ చీఫ్ సెలెక్టర్ అజిత్ అగార్కర్ క్లారిటీ ఇచ్చాడు."ష‌మీ గ‌త వారం రోజులగా కాలి మ‌డ‌మ నొప్పితో బాధ‌ప‌డుతున్నాడు. కొన్ని ఎంఆర్ఐ స్కాన్లు కూడా చేయించుకున్నాడు. ఐదు టెస్టుల సిరీస్ మొత్తం ఆడే సామర్థ్యం అతనికి ఇంకా రాలేదు. సుదీర్ఘ స్పెల్స్ బౌలింగ్ చేస్తే షమీపై వర్క్ లోడ్ పడుతోంది. మా వైద్య బృందం సూచన మేరకు అతడిని ఈ సిరీస్‌కు పక్కన పెట్టాల్సి వచ్చింది. షమీ ఈ సిరీస్‌కు ఫిట్‌గా ఉంటాడని మేము కూడా ఆశించాము. కానీ దురదృష్టవశాత్తూ అతడి ఇంకా పూర్తి ఫిట్‌నెస్ సాధించలేదు. ఫిట్‌నెస్ లేని ప్లేయర్ ఎంపిక చేయడం కంటే వేరే ఆటగాడికి అవకాశమివ్వడం ఉత్తమమని భావించాము. అందుకే షమీని ఇంగ్లండ్ టూర్‌కు ఎంపిక చేయలేదు" ప్రెస్ కాన్ఫరెన్స్‌లో అగార్కర్ పేర్కొన్నాడు. షమీ తన చివరి టెస్టు మ్యాచ్.. డబ్ల్యూటీసీ ఫైనల్‌-2023లో ఆస్ట్రేలియాపై ఆడాడు. 34 ఏళ్ల మహ్మద్ షమీ తన కెరీర్‌లో ఇప్పటివరకు 64 టెస్ట్ మ్యాచ్‌లు ఆడి.. 229 వికెట్లు పడగొట్టాడు. అతని ఎకానమీ 3.30 ఉంది. ఈ ఫార్మాట్‌లో అతను 6 సార్లు 5 వికెట్ల హాల్‌తో సత్తా చాటాడు. ఇంగ్లండ్‌ టూర్‌కు భారత జట్టు: శుబ్‌మన్ గిల్ (కెప్టెన్‌), రిషబ్ పంత్, యశస్వి జైస్వాల్, కేఎల్ రాహుల్, సాయి సుదర్శన్, అభిమన్యు ఈశ్వ‌ర‌న్‌, కరుణ్ నాయర్, నితీష్ కుమార్ రెడ్డి, రవీంద్ర జడేజా, ధ్రువ్ జురెల్, వాషింగ్టన్ సుందర్, శార్దూల్ ఠాకూర్, జస్‌ప్రీత్ బుమ్రా, మహమ్మద్ సిరాజ్, ప్రసిద్ధ్ కృష్ణ, ఆకాశ్ దీప్, అర్ష్‌దీప్ సింగ్, కుల్దీప్ యాదవ్చదవండి: IND vs ENG: టీమిండియా టెస్టు కెప్టెన్‌గా శుబ్‌మన్‌ గిల్‌.. అధికారిక ప్రకటన

భారత మహిళా క్రికెట్ జట్టు స్టార్ ప్లేయర్‌ దీప్తి శర్మ ఇంట్లో చోరీ జరిగింది. అగ్రాలోని దీప్తీకి చెందిన ఫ్లాట్ నుంచి విలువైన వస్తువులను ఢిల్లీ ఉమెన్స్ క్రికెటర్ ఆరుషి గోయల్ దొంగతనం చేసినట్లు ఆమె సోదరుడు సుమిత్ శర్మ పోలీసులకు ఫిర్యాదు చేశాడు. ఇండియన్ రైల్వేలో జూనియర్ క్లర్క్‌గా పనిచేస్తున్న ఆరుషి.. మహిళల ప్రీమియర్ లీగ్‌లో యూపీ వారియర్స్ తరపున దీప్తీతో కలిసి ఆడింది. అదేవిధంగా దీప్తీని ఆరుషి రూ.25 లక్షలు మోసం చేసిందని సుమిత్ శర్మ ఆరోపించాడు."తన సోదరి ఇంట్లో దొంగతనం జరిగిందని దీప్తీ సోదరుడు సుమిత్ శర్మ అగ్రాలోని సదర్ పోలీస్ స్టేషన్‌ను సంప్రదించారు. ప్రాథమిక విచారణ అనంతరం మేము పలు సెక్షన్ల కింద కేసును నమోదు చేశాము. అరుషి, దీప్తీ కలిసి ఒకే జట్టుకు ఆడడం ఇద్దరూ మధ్య మంచి అనుబంధం ఏర్పడింది.ఈ క్రమంలో ఆరుషీ కుటుంబ అత్యవసర పరిస్థితులు, ఆర్థిక ఇబ్బందులను చూపుతూ దీప్తీ నుంచి పలుమార్లు నగదు తీసుకున్నట్లు ఆరోపణలు ఉన్నాయి. దీనిపై మేము పూర్తి స్దాయి విచారణ జరుపుతామని" ఏసీపీ (ఆగ్రా సదర్), సుకన్య శర్మ తెలిపినట్లు టైమ్స్ ఇండియా తమ రిపోర్ట్‌లో పేర్కొంది.దీప్తీ శర్మ ప్రస్తుతం ఇంగ్లండ్ పర్యటనకు సిద్దమవుతోంది. ఇంగ్లండ్‌తో వైట్‌బాల్ సిరీస్‌లకు ప్రకటించిన భారత జట్టులో ఆమె సభ్యురాలిగా ఉంది. ఇంగ్లండ్ పర్యటనలో భాగంగా హర్మాన్ ప్రీత్ సేన ఆతిథ్య జట్టుతో ఐదు టీ20లు, మూడు వన్డేల సిరీస్‌లో తలపడనుంది.చదవండి: పుజారా ఆల్‌టైమ్ భార‌త జ‌ట్టు ఇదే.. రోహిత్‌, పంత్‌కు నో ఛాన్స్‌?

భార‌త టెస్టు క్రికెట్ హిస్టరీలో వెట‌రన్ ఆట‌గాడు చతేశ్వర్ పుజారా త‌నకంటూ ప్ర‌త్యేక పేజీని లిఖించుకున్నాడు. త‌న అద్బుత బ్యాటింగ్‌తో టీమిండియా నయా వాల్‌గా పేరు గాంచాడు. అయితే ఫామ్ లేమితో స‌త‌మ‌త‌వుతున్న పుజారా కొంత కాలంగా భార‌త జ‌ట్టుకు దూరంగా ఉటున్నాడు.ఈ మ‌ధ్య కాలంలో కామెంటేర్‌గా కూడా పుజారా అవతార‌మెత్తాడు. ఇప్పటికీ ఫస్ట్ క్లాస్ క్రికెట్‌లో కొనసాగుతున్న ఈ సౌరాష్ట్ర ఆటగాడు.. భారత సెలక్టర్ల నుంచి పిలుపు వస్తే రీ ఎంట్రీకి సిద్దంగా ఉన్నాడు. ఇక ఇది ఇలా ఉండగా.. తాజాగా స్పోర్ట్స్ తక్ పాడ్‌కాస్ట్‌కు ఇచ్చిన ఇంటర్వ్యూలో పుజారా తన ఆల్ టైమ్ ఇండియా టెస్ట్ ఎలెవన్‌ను ఎంచుకున్నాడు.చతేశ్వర్ త‌న ఎంచుకున్న జ‌ట్టులో ఓపెన‌ర్ల‌గా దిగ్గ‌జ క్రికెట‌ర్లు సునీల్ గవాస్కర్, వీరేంద్ర సెహ్వాగ్‌ల‌కు అవ‌కాశ‌మిచ్చాడు. అయితే పుజారా మూడో స్ధానంలో త‌న‌కు కాకుండా ది గ్రేట్ వాల్ రాహుల్ ద్ర‌విడ్‌కు చోటు ఇచ్చాడు. నాలుగు, ఐదు స్ధానాల్లో వ‌రుస‌గా స‌చిన్ టెండూల్క‌ర్‌, విరాట్ కోహ్లిల‌కు ఛాన్స్ ద‌క్కింది.ఆరో స్దానంలో వీవీఎస్ లక్ష్మణ్‌ను పుజారా ఎంపిక చేశాడు. ఇక వికెట్ కీప‌ర్‌గా పంత్‌కు కాకుండా లెజెండ‌రీ ఎంఎస్ ధోని అత‌డు సెల‌క్ట్ చేశాడు. స్పిన్న‌ర్లగా అనిల్ కుంబ్లే, అశ్విన్‌.. ఫాస్ట్ బౌల‌ర్ల‌గా జ‌స్ప్రీత్ బుమ్రా, క‌పిల్ దేవ్‌ల‌కు పుజారా చోటిచ్చాడు. కాగా పుజారా ఎంపిక చేసిన జ‌ట్టులో కెప్టెన్ రోహిత్ శ‌ర్మ‌, గ్రేట్ ఆల్‌రౌండ‌ర్ ర‌వీంద్ర జ‌డేజాల‌కు చోటు ద‌క్క‌క‌పోవ‌డం గ‌మ‌నార్హం.పుజారా ఆల్-టైమ్ టెస్ట్ ప్లేయింగ్ ఎలెవన్‌: సునీల్ గవాస్కర్, వీరేంద్ర సెహ్వాగ్, రాహుల్ ద్రవిడ్, సచిన్ టెండూల్కర్, విరాట్ కోహ్లీ, వీవీఎస్ లక్ష్మణ్, ఎంఎస్ ధోనీ (వికెట్‌కీపర్‌), అనిల్ కుంబ్లే, రవిచంద్రన్ అశ్విన్, కపిల్ దేవ్ మరియు జస్ప్రీత్ బుమ్రా.

భార‌త్‌-ఇంగ్లండ్ మ‌ధ్య ఐదు మ్యాచ్‌ల టెస్టు సిరీస్ ఆరంభానికి ఇంకా నాలుగు వారాల స‌మ‌యం మాత్ర‌మే మిగిలింది. ఈ సిరీస్‌లో భాగంగా ఇరు జ‌ట్ల మ‌ధ్య తొలి టెస్టు లీడ్స్ వేదిక‌గా జూన్ 20 నుంచి 24 వ‌ర‌కు జ‌ర‌గ‌నుంది. వ‌ర‌ల్డ్ టెస్టు ఛాంపియ‌న్‌షిప్ 2025-27 సైకిల్‌లో భాగంగా ఈ సిరీస్ జ‌ర‌గ‌నుంది.అయితే ఇంగ్లండ్ టూర్‌కు ఇంకా భార‌త జ‌ట్టును బీసీసీఐ ఖారారు చేయ‌లేదు. క్రికెట్ వ‌ర్గాల స‌మాచారం ప్ర‌కారం.. మే 24న భార‌త జ‌ట్టును బీసీసీఐ ప్ర‌క‌టించే అవ‌కాశ‌ముంది. అయితే ఈ సిరీస్‌కు టీమిండియాను ఎంపిక చేయ‌డం సెల‌క్ట‌ర్ల‌కు బిగ్ ఛాలెంజ్ వంటిదే అని చెప్పాలి. ఇందుకు ఈ కీల‌క ప‌ర్య‌ట‌న‌కు ముందు రెగ్యూల‌ర్ కెప్టెన్ రోహిత్ శర్మ‌, స్టార్ ప్లేయ‌ర్ విరాట్ కోహ్లి టెస్టుల‌కు వీడ్కోలు ప‌లికారు. దీంతో వారిద్ద‌రూ స్ధానాల‌ను భర్తీ చేసే ప‌నిలో సెల‌క్ట‌ర్లు ఉన్నారు. ఈ ప‌ర్య‌ట‌న‌లో భార‌త టెస్టు జ‌ట్టులో కొన్ని కొత్త ముఖాల‌ను చూసే అవ‌కాశ‌ముంది. సాయిసుద‌ర్శ‌న్‌, అర్ష‌దీప్ సింగ్‌లు టీమిండియా త‌ర‌పున టెస్టు అరంగేట్రం చేయ‌డం దాదాపు ఖాయ‌మైంది. ఈ నేప‌థ్యంలో భార‌త సెల‌క్ట‌ర్ల‌కు హ‌ర్యానా స్పీడ్ స్టార్ అన్షుల్ కాంబోజ్‌ను ఇంగ్లండ్ టూర్‌కు ఎంపిక చేయాల‌ని చెన్నైసూప‌ర్ కింగ్స్ హెడ్‌కోచ్ స్టీఫెన్ ఫ్లెమింగ్ సూచించాడు. ఐపీఎల్‌-2025 సీజ‌న్‌లో కాంబోజ్ సీఎస్‌కే త‌ర‌పున ఆడుతున్నాడు."కాంబోజ్ అద్బుత‌మైన బౌల‌ర్‌. అతడు గంట‌కు 138-139 కి.మీ వేగంతో బౌలింగ్ చేయ‌గ‌ల‌డు. అత‌డు త‌న పేస్ బౌలింగ్‌తో బ్యాట‌ర్ల‌ను బోల్తా కొట్టించ‌గ‌ల‌డు. కాంబోజ్ వేసే బంతులు ఎల్లప్పుడూ చేతి గ్లౌవ్స్ ద‌గ్గ‌ర‌గా వెళ్తూ ఉంటాయి.దీంతో బ్యాట‌ర్లు వికెట్ కీప‌ర్‌కు క్యాచ్ ఇచ్చి ఔట‌య్యే అవ‌కాశాలు ఎక్కువ‌గా ఉంటాయి. హైట్ ఎక్కువ‌గా ఉండ‌డంతో బంతిని రెండు వైపులా స్వింగ్ చేయ‌గ‌ల‌డు. ప్లాట్ వికెట్ల‌పై కూడా అత‌డు అద్బుతంగా బౌలింగ్ చేయ‌గ‌ల‌డు.ఈ ఏడాది ఐపీఎల్ సీజ‌న్‌లో ఫ్లాట్ వికెట్లపై ఎలా రాణించాడో చూశాము. కొంచెం సీమ్‌, స్వింగ్ ఉన్న ప‌రిస్థితుల్లో ఇంకా బాగా రాణిస్తాడు. కాబ‌ట్టి ఇంగ్లండ్‌కు వెళ్లే భార‌త జ‌ట్టులో అత‌డు ఉంటాడ‌ని ఆశిస్తున్నాన‌ని" ఫ్లెమింగ్ పేర్కొన్నాడు.

ఇంగ్లండ్ టూర్‌కు ముందు టీమిండియా కెప్టెన్ రోహిత్ శర్మతో పాటు విరాట్ కోహ్లి టెస్టులకు రిటైర్మెంట్ ప్రకటించడం బీసీసీఐ సెలక్షన్ కమిటీకి పెద్ద తలనొప్పిగా మారింది. భారత జట్టుకు కొత్త టెస్టు కెప్టెన్‌ను ఎంపిక చేసేందుకు సెలక్టర్లు మల్లుగుల్లాలు పడుతున్నట్లు తెలుస్తోంది.టెస్టు కెప్టెన్సీ రేసులో యువ ఆటగాడు శుబ్‌మన్ గిల్ ముందుంజలో ఉన్నట్లు వార్తలు వినిపిస్తున్నప్పటికి.. బీసీసీఐ నుంచి ఇప్పటివరకు ఎటువంటి అధికారిక ప్రకటన రాలేదు. కెప్టెన్సీ రేసులో గిల్‌తో పాటు రిషబ్ పంత్‌, శ్రేయస్ అయ్యర్ పేర్లు కూడా వినిపిస్తున్నాడు.తాజాగా ఇదే విషయంపై భారత క్రికెట్ దిగ్గజం సునీల్ గవాస్కర్ తన అభిప్రయాన్ని వెల్లడించాడు. వీరి ముగ్గురిలో శుబ్‌మన్ గిల్‌కే గవాస్కర్ ఓటేశాడు. కాగా ఇంగ్లండ్ పర్యటనకు భారత జట్టును బీసీసీఐ మే 23న ప్రకటించే అవకాశముంది. అదే రోజున ​కొత్త టెస్టు కెప్టెన్ పేరును బీసీసీఐ వెల్లడించనుంది."ప్రస్తుతం కెప్టెన్సీ బాధ్యతలు ఎవరికి అప్పగించినా మన సూప‌ర్ లీడ‌ర్స్ ఎంఎస్ ధోని, రోహిత్ శర్మ, విరాట్ కోహ్లి స్ధాయికి చేరుకోవడానికి క‌చ్చితంగా రెండేళ్లు ప‌డుతోంది. ఈ ముగ్గురు టెస్టు కెప్టెన్సీకి సరికొత్త అర్ధాన్ని తీసుకొచ్చారు. భారత కెప్టెన్సీకి ప్రధాన పోటీదారులైన గిల్‌, అయ్య‌ర్‌, పంత్‌ల‌ను చూస్తుంటే, నాకు ధోని, రోహిత్‌, విరాట్ గుర్తుస్తున్నారు. బ‌హుశా అయ్య‌ర్‌, పంత్ కంటే గిల్‌కే కెప్టెన్ అయ్యే అవ‌కాశాలు ఎక్కువ‌గా న్నాయి. గిల్‌కు అద్బుత‌మైన కెప్టెన్సీ స్కిల్స్ ఉన్నాయి. అంతేకాకుండా మైదానంలో చాలా చురుగ్గా ఉంటూ వ్యూహాత్మ‌క‌మైన నిర్ణ‌యాలు తీసుకుంటున్నాడు" అని గ‌వాస్క‌ర్ పేర్కొన్నాడు.చదవండి: ఇది ‘ఇండియన్‌’ ప్రీమియర్‌ లీగ్‌: ఫార‌న్ ప్లేయ‌ర్ల‌కు శ్రేయస్‌ కౌంటర్‌?

ఐపీఎల్‌-2025 సీజన్ ముగిసిన త‌ర్వాత భార‌త క్రికెట్ జ‌ట్టు ఇంగ్లండ్ ప‌ర్య‌ట‌న‌కు వెళ్ల‌నున్న సంగ‌తి తెలిసిందే. ఈ టూర్‌లో భాగంగా ఆతిథ్య ఇంగ్లండ్‌తో టీమిండియా ఐదు మ్యాచ్‌ల టెస్టు సిరీస్‌లో త‌ల‌ప‌డ‌నుంది. ఈ సిరీస్‌కు భార‌త జ‌ట్టును మే 23న బీసీసీఐ ప్ర‌క‌టించే అవకాశముంది.అదేరోజున భార‌త కొత్త టెస్టు కెప్టెన్ పేరును కూడా బీసీసీఐ సెల‌క్ష‌న్ క‌మిటీ వెల్ల‌డించ‌నుంది. రోహిత్ శ‌ర్మ‌, విరాట్ కోహ్లిలు రిటైర్మెంట్ ప్ర‌క‌టించ‌డంతో యువ ఆట‌గాళ్ల‌తో కూడిన భార‌త జ‌ట్టు ఇంగ్లండ్ ప‌ర్య‌ట‌న‌కు వెళ్ల‌నుంది. సాయిసుద‌ర్శ‌న్‌, దేవ‌దత్ ప‌డిక్క‌ల్ వంటి యువ ఆట‌గాళ్ల‌కు టెస్టు జ‌ట్టులో చోటు ద‌క్కే అవ‌కాశ‌ముంది. జూన్ 20 నుంచి హెడింగ్లీ వేదిక‌గా ఇంగ్లండ్‌-భార‌త్ మ‌ధ్య ఐదు మ్యాచ్‌ల టెస్టు సిరీస్ ప్రారంభం కానుంది. డ‌బ్ల్యూటీసీ సైకిల్ 2025-27లో భార‌త్‌కు ఇదే తొలి సిరీస్. ఈ నేప‌థ్యంలో ఇంగ్లండ్‌తో మొద‌టి టెస్టుకు భార‌త ప్లేయింగ్ ఎలెవ‌న్‌ను మాజీ క్రికెట‌ర్ ఆకాష్ చోప్రా అంచనా వేశాడు.రోహిత్ శ‌ర్మ రిటైర్మెంట్ ప్ర‌క‌టించ‌డంతో ఓపెనర్‌గా కేఎల్ రాహుల్‌కు చోప్రా అవ‌కాశ‌మిచ్చాడు. భార‌త ఇన్నింగ్స్‌ను య‌శ‌స్వి జైశ్వాల్‌, కేఎల్ రాహుల్ ప్రారంభించాల‌ని అత‌డు అభిప్రాయప‌డ్డాడు. అదేవిధంగా విరాట్ కోహ్లి స్ధానంలో సాయి సుద‌ర్శ‌న్ లేదా దేవ్‌ద‌త్త్ ప‌డిక్కల్‌కు అవ‌కాశ‌మివ్వాల‌ని ఆకాష్ చోప్రా అభిప్రాయ‌ప‌డ్డాడు. ఇక కెప్టెన్సీ రేసులో ఉన్న శుబ్‌మ‌న్ గిల్‌కు నాలుగో స్దానంలో అత‌డు చోటు క‌ల్పించాడు. వికెట్ కీప‌ర్ బ్యాట‌ర్‌గా రిష‌బ్ పంత్‌ను ఈ భార‌త మాజీ క్రికెట‌ర్ ఎంపిక చేశాడు. ఆల్‌రౌండ‌ర్ కోటాలో నితీష్ కుమార్ రెడ్డి, రవీంద్ర జడేజాల‌కు చోటిచ్చాడు.అయితే అనూహ్యంగా దీప‌క్ చాహ‌ర్‌ను ఇంగ్లండ్ టూర్‌కు ఎంపిక చేయాల‌ని అత‌డు సెల‌క్ట‌ర్లను సూచించాడు. ఎనిమిదవ స్ధానంలో దీపక్ చాహర్ లేదా శార్ధూల్ ఠాకూర్‌కు ఛాన్స్ ఇవ్వాల‌ని అత‌డు మెనెజ్‌మెంట్‌ను కోరాడు. కాగా దీపక్‌ చాహర్‌ ఇప్పటివరకు టెస్టుల్లో భారత తరపున అరంగేట్రం చేయలేదు. ఇక ఫాస్ట్‌ బౌలర్ల కోటాలో జస్ప్రీత్‌ బుమ్రా, మహ్మద్‌ సిరాజ్‌, ప్రసిద్ద్‌ కృష్ణలకు చోప్రా చోటిచ్చాడు.ఇంగ్లండ్‌తో తొలి టెస్టుకు చోప్రా ఎంపిక చేసిన ఇండియ‌న్ ప్లేయింగ్ ఎలెవ‌న్‌యశస్వి జైస్వాల్, కేఎల్ రాహుల్, సాయి సుదర్శన్/దేవ్‌దత్ పడిక్కల్, శుభ్‌మన్ గిల్, రిషబ్ పంత్, నితీష్ కుమార్ రెడ్డి, రవీంద్ర జడేజా, శార్దూల్ ఠాకూర్/దీపక్ చాహర్, జస్‌ప్రీత్ బుమ్రా, మహ్మద్ సిరాజ్, మహ్మద్ షమీ/ ప్రసిద్ద్‌ కృష్ణ

టీమిండియా కెప్టెన్ రోహిత్ శ‌ర్మ ఇటీవ‌లే త‌న 12 ఏళ్ల టెస్టు కెరీర్‌కు వీడ్కోలు ప‌లికిన సంగ‌తి తెలిసిందే. రోహిత్ శ‌ర్మ త‌న రిటైర్మెంట్‌కు ముందు టెస్టు క్రికెట్‌లో కెప్టెన్‌గా, ఆట‌గాడిగా గ‌డ్డు ప‌రిస్థితుల‌ను ఎదుర్కొన్నాడు. న్యూజిలాండ్ చేతిలో భార‌త్ తొలిసారి టెస్టు సిరీస్ క్లీన్ స్వీప్ కావ‌డం, ఆస్ట్రేలియాతో బీజీటీలో చిత్తుగా ఓడి ప్రపంచ టెస్ట్ ఛాంపియన్‌షిప్ ఫైన‌ల్‌కు దూరం కావ‌డం వంటివి రోహిత్‌ను మాన‌సికంగా దెబ్బ‌తీశాయ‌నే చెప్పుకోవాలి. రోహిత్ త‌న కెరీర్‌లో చివ‌రి టెస్టు మ్యాచ్ మెల్‌బోర్న్ వేదిక‌గా ఆస్ట్రేలియాపై ఆడాడు. ఆ త‌ర్వాత బీజీటీలోని ఆఖ‌రి మ్యాచ్ నుంచి హిట్ మ్యాన్ స్వ‌చ్ఛందంగా తానంతట త‌నే త‌ప్పుకున్నాడు. దీంతో క‌నీసం ఫేర్‌వెల్ మ్యాచ్ లేకుండానే రోహిత్ త‌న కెరీర్‌ను ముగించాడు. ఈ క్ర‌మంలో భార‌త మాజీ హెడ్‌కోచ్ ర‌విశాస్త్రి ఆస‌క్తిక‌ర వ్యాఖ్య‌లు చేశాడు. త‌ను కోచ్‌గా ఉండుంటే, సిడ్నీ టెస్టులో రోహిత్ ఆడేవాడ‌ని ర‌విశాస్త్రి వెల్ల‌డించాడు."ఐపీఎల్‌-2025 సీజ‌న్ టాస్ స‌మ‌యంలో రోహిత్ శ‌ర్మ ప్రాక్టీస్ చేస్తుండ‌గా చాలాసార్లు చూశాను. కానీ ఆ స‌మ‌యంలో అత‌డితో మాట్లాడటానికి తగినంత సమయం దొర‌క‌లేదు. ఓసారి మాత్రం అత‌డి ద‌గ్గ‌రకు వెళ్లి భుజంపై చేయి వేసి మాట్లాడాను. నేను కోచ్‌గా ఉండుంటే సిడ్నీ టెస్టు(బీజీటీలో ఆఖరి టెస్టు)లో ఆడకుండా ఉండేవాడివి కాదు అని చెప్పా. సిరీస్ అప్ప‌టికి ఇంకా ముగియ‌లేదు కాబ‌ట్టి క‌చ్చితంగా మిమ్మల్ని ఆడించేవాడిని. ఎందుకంటే 2-1తో ప్ర‌త్య‌ర్ధి జ‌ట్టు ముందుంజ‌లో ఉన్నా, నేను వెన‌క‌డుగు వేసే వ్య‌క్తిని కాదు. ఆఖ‌రి టెస్టు మ్యాచ్ 30-40 ప‌రుగుల తేడాతో సాగింది. సిడ్నీ పిచ్ చాలా ట్రిక్కీగా ఉంది. రోహిత్ ఫామ్‌లో ఉన్న లేక‌పోయానా జ‌ట్టులో క‌చ్చితంగా ఉండాల్సిందే.ఎందుకంటే అత‌డు మ్యాచ్ విన్న‌ర్‌. సరిగ్గా ఇదే విష‌యం రోహిత్ కూడా చెప్పాను. ఒక‌వేళ రోహిత్ ఆ మ్యాచ్‌లో ఆడి అక్క‌డ ప‌రిస్థితుల‌కు త‌గ్గ‌ట్టు జ‌ట్టును న‌డిపించి ఉంటే సిరీస్ స‌మ‌మయ్యేది. అయితే ప్ర‌తీ కోచ్‌కు వేర్వేరు స్టైల్స్ ఉంటాయి. ఇది నా శైలి. కేవ‌లం నా ఆలోచిన విధానాన్ని మాత్ర‌మే రోహిత్‌కు తెలియ‌జేశాను. ఎప్ప‌టి నుంచో ఇది నా మ‌న‌సులో ఉంది. ఎట్టకేలకు అత‌డికి తెలియ‌జేశాను" అని ఐసీసీ రివ్యూలో ర‌విశాస్త్రి పేర్కొన్నాడు. కాగా రవిశాస్త్రి వ్యాఖ్యలు బట్టి చూస్తే ప్రస్తుత భారత హెడ్‌కోచ్‌ గౌతం గంభీర్‌కు పరోక్షంగా కౌంటరిచ్చినట్లు అన్పిస్తోంది. గంభీర్‌తో రోహిత్‌ శర్మ, విరాట్‌ కోహ్లికి విభేదాలు తలెత్తినట్లు ప్రచారం సాగుతోంది. ఈ ​క్రమంలో రో-కో టెస్టులకు వీడ్కోలు పలికినట్లు వార్తలు వినిపిస్తున్నాయి.

ఇంగ్లండ్ ప‌ర్య‌ట‌న‌కు ముందు టీమిండియాకు కొత్త టెస్టు కెప్టెన్ ఎంపిక చేసే ప‌నిలో బీసీసీఐ సెల‌క్ష‌న్ క‌మిటీ ప‌డింది. రోహిత్ శ‌ర్మ అనూహ్యంగా టెస్టు క్రికెట్‌కు రిటైర్మెంట్ ప్ర‌క‌టించడంతో కొత్త కెప్టెన్ ఎంపిక అనివార్య‌మైంది. ప‌లు నివేదిక‌ల ప్రకారం టెస్టు కెప్టెన్సీ రేసులో స్టార్ ఓపెన‌ర్ శుబ్‌మ‌న్ గిల్ ముందంజ‌లో ఉన్న‌ట్లు తెలుస్తోంది. అత‌డితో పాటు పేస్ గుర్రం జస్ప్రీత్‌ బుమ్రా పేరు కూడా విన్పిస్తోంది. కానీ గిల్ తో పోలిస్తే బుమ్రాకు అవకాశాలు తక్కువగా ఉన్నాయి. గాయాల బెడద, వర్క్‌లోడ్‌ మేనేజ్‌మెంట్‌ను దృష్టిలో పెట్టుకుని బుమ్రాకు జట్టు పగ్గాలు అప్పగించకూడదని బీసీసీఐ భావిస్తున్నట్లు తెలుస్తోంది. మరోవైపు అనుభవం లేని గిల్ వైపు బీసీసీఐ సెల‌క్ష‌న్ క‌మిటీ మొగ్గు చూపుతుండడం క్రికెట్ వర్గాల్లో అసంతృప్తికి దారితీసినట్లు తెలుస్తోంది.చాలా మంది మాజీలు భారత టెస్టు కెప్టెన్సీ బాధ్యతలు గిల్‌కు అప్పగించడాన్ని వ్యతిరేకిస్తున్నారు. తాజాగా ఇదే విషయంపై భారత మాజీ ఓపెనర్ వసీం జాఫర్ కీలక వ్యాఖ్యలు చేశాడు. టీమిండియా కొత్త టెస్టు కెప్టెన్‌గా బుమ్రా ఉండాలని, శుబ్‌మన్ గిల్‌ను అతడి డిప్యూటీగా ఎంపిక చేయాలని జాఫర్ అభిప్రాయపడ్డాడు."భారత టెస్టు కెప్టెన్సీ రేసులో జస్ప్రీత్ బుమ్రా ముందంజలో ఉంటాడాని భావిస్తున్నాను. ఒకవేళ తనంతట తానుగా కెప్టెన్సీ ఆఫర్ తిరష్కరిస్తే తప్ప సెలక్టర్లు మరో ఆప్షన్‌ను పరిశీలించరు. అతడిని కెప్టెన్‌గా చేసి గిల్‌ను వైస్ కెప్టెన్‌గా ఎంపిక చేయాలి. బుమ్రాకు విశ్రాంతి అవసరమైనప్పుడల్లా గిల్ జట్టును నడిపిస్తున్నాడు. దీంతో గిల్‌కు పూర్తి స్ధాయి కెప్టెన్‌గా ఎదిగేందుకు తగినంత సమయం లభిస్తోంది" అని జాఫర్ ఎక్స్‌లో రాసుకొచ్చాడు. కాగా గిల్‌కు కెప్టెన్‌గా అంతర్జాతీయ స్ధాయిలో పెద్దగా అనుభవం లేదు. జింబాబ్వే సిరీస్‌లో భారత జట్టు సారధిగా గిల్‌ వ్యవహరించాడు. ఆ తర్వాత ఎప్పుడూ భారత జట్టును నడిపించలేదు. ఐపీఎల్‌ మాత్రం కెప్టెన్‌గా అతడికి అనుభవం ఉంది. గుజరాత్‌ టైటాన్స్‌ సారథిగా గిల్‌ కొనసాగుతున్నాడు. ఇక​ ఇంగ్లండ్‌ పర్యటనకు భారత జట్టును మే 23న బీసీసీఐ ప్రకటించే అవకాశముంది.చదవండి: BCCI - IND vs ENG: టీమిండియాలో అతడికి చోటు కష్టమే!

ఇంగ్లండ్ ప‌ర్య‌ట‌న‌కు ముందు టీమిండియా కెప్టెన్ రోహిత్ శ‌ర్మ టెస్టుల‌కు రిటైర్మెంట్ ప్ర‌క‌టించిన సంగ‌తి తెలిసిందే. దీంతో భార‌త త‌దుప‌రి టెస్టు కెప్టెన్ ఎవ‌ర‌న్న చర్చ మొదలైంది. టెస్టు కెప్టెన్సీ రేసులో యువ ఓపెన‌ర్ శుబ్‌మ‌న్ గిల్ ముందుంజ‌లో ఉన్నాడు. కెప్టెన్‌గా గిల్ ఎంపిక దాదాపు ఖాయ‌మైంద‌ని వార్త‌లు వినిపిస్తున్నాయి. అయితే టీమిండియా త‌దుప‌రి కెప్టెన్ గిల్ అన్న ఊహాగానాల‌పై భిన్న‌భిప్రాయాలు వ్య‌క్తం అవుతున్నాయి.కొంత‌మంది మాజీలు సంతృప్తి వ్యక్తం చేస్తూంటే.. మరి కొంత మంది సీనియర్ ఆటగాడిని కెప్టెన్‌గా చేయాలని బీసీసీఐని సూచిస్తున్నారు. ఈ క్రమంలో టీమిండియా స్పిన్ దిగ్గజం రవిచంద్రన్ అశ్విన్ తన అభిప్రాయాన్ని వెల్లడించాడు. స్టార్ ఆల్‌రౌండర్ రవీంద్ర జడేజాను భారత కెప్టెన్‌గా ఎంపిక చేయాలని అశ్విన్ సూచించాడు.."ప్రస్తుత భారత జట్టులో రవీంద్ర జడేజా అత్యంత అనుభవజ్ఞుడైన ఆటగాడు. అతడిని కూడా కెప్టెన్సీ ఎంపికగా పరిగణించాలి. మీరు కొత్త ఆటగాడికి శిక్షణ ఇచ్చి తర్వాత కెప్టెన్‌గా చేయాలని భావిస్తుంటే.. సారథిగా మీకు జడేజా బెస్ట్ ఛాయిస్‌. జడేజా రెండేళ్ల పాటు జట్టుకు నాయకత్వం వహించవచ్చు. జడ్డూకు డిప్యూటీగా మీరు ఎవరినైతే కెప్టెన్‌గా చేయాలనకుంటున్నారో వారిని నియమించండి. అప్పుడు అతడు మరింత రాటుదేలుతాడు. భారత జట్టుకు కెప్టెన్ కావడం ప్రతి ఆటగాడి కల. జడేజాకు అవకాశమిస్తే అతడు కచ్చితంగా స్వీకరిస్తాడని" అశ్విన్ తన యూట్యూబ్ ఛానల్‌లో పేర్కొన్నాడు.అదేవిధంగా శుబ్‌మన్ గిల్‌పై కూడా అశూ ప్రశంసల వర్షం​ కురిపించాడు. ఐపీఎల్‌-2025లో గుజరాత్ టైటాన్స్ ఐపీఎల్ ప్లేఆఫ్స్‌కు అర్హత సాధిస్తుందని నేను ఆశిస్తున్నాను. గిల్ అక్కడ జట్టును గెలిపిస్తే.. కెప్టెన్‌గా పరిపక్వత సాధించినట్లు అవుతోంది. అయితే టెస్టుల్లో కెప్టెన్సీ అంత సలువు కాదు. ఒక కెప్టెన్‌గా ఫస్ట్-క్లాస్ క్రికెట్‌లో కూడా ఏమి జరుగుతుందో తెలుసుకోవాలని అశ్విన్ అన్నాడు.చదవండి: IND vs ENG: ఇంగ్లండ్ టూర్‌కు భార‌త జ‌ట్టు ప్ర‌క‌ట‌న‌.. విధ్వంస‌క‌ర ఓపెన‌ర్ రీ ఎంట్రీ

ఇంగ్లండ్‌ ప‌ర్య‌టన‌కు ముందు టీమిండియా స్టార్ ప్లేయ‌ర్లు రోహిత్ శ‌ర్మ‌, విరాట్ కోహ్లిలు టెస్టు క్రికెట్‌కు వీడ్కోలు ప‌లికి అంద‌రికి షాకిచ్చిన సంగ‌తి తెలిసిందే. తొలుత కెప్టెన్ రోహిత్ శ‌ర్మ రిటైర్మెంట్ ప్ర‌క‌టించగా.. ఆ త‌ర్వాత వారం రోజుల‌కే విరాట్ కోహ్లి కూడా త‌న నిర్ణ‌యాన్ని వెల్ల‌డించింది. దీంతో యువ ఆట‌గాళ్ల‌తో కూడిన భార‌త జ‌ట్టు ఇంగ్లండ్ ప‌ర్య‌ట‌న‌కు వెళ్ల‌నుంది. ఇంగ్లండ్‌తో టెస్టు సిరీస్‌కు భార‌త జట్టును బీసీసీఐ వ‌చ్చే వారం ప్ర‌క‌టించింది. అయితే ఇన్నాళ్లు విరాట్ కోహ్లి ఆడిన నాలుగో స్ధానాన్ని ఎవ‌రితో భ‌ర్తీ చేస్తార‌న్న ప్ర‌శ్న అందరిలోనూ మెదులుతోంది. ఈ క్రమంలో భారత మాజీ కెప్టెన్ కెప్టెన్ అనిల్ కుంబ్లే కీలక వ్యాఖ్యలు చేశాడు. టెస్ట్ ఫార్మాట్‌లో విరాట్ కోహ్లి బ్యాటింగ్ స్థానాన్ని కరుణ్ నాయర్ భర్తీ చేయగలడని కుంబ్లే జోస్యం చెప్పాడు. కాగా ఇంగ్లండ్‌తో టెస్టు సిరీస్‌కు కరుణ్ నాయర్ ఎంపికయ్యే సూచనలు కన్పిస్తున్నాయి. దేశవాళీ క్రికెట్‌లో పరుగుల వరద పారించడంతో పాటు ఇంగ్లండ్ కౌంటీల్లో ఆడిన అనుభవం ఉండడంతో నాయర్‌ను తిరిగి జట్టులోకి తీసుకోవాలని సెలక్టర్లు భావిస్తున్నారంట."కరుణ్ నాయర్ దేశవాళీ క్రికెట్‌లో చక్కటి ప్రదర్శన కనబరిచాడు. అతడు భారత జట్టులోకి తిరిగి రావడానికి అర్హుడు. అతడు నాలుగో స్ధానంలో ఆడొచ్చు. ఎందుకంటే భారత్‌కు ఇంగ్లండ్‌లో ఆడిన అనుభవం ఉన్న ఆటగాడు కావాలి. కరుణ్‌కు ఇంగ్లండ్‌లో కౌంటీ క్రికెట్ అనుభవం ఉంది. అతడికి అక్కడి పరిస్థితులు ఎలా ఉంటాయో బాగా తెలుసు. కరుణ్ వయస్సు పరగా 30 ఏళ్లు దాటిండొచ్చు. కానీ అతడు ఇంకా చాలా యంగ్ కన్పిస్తున్నాడు. ఇంకా చాలా కాలం పాటు క్రికెట్ ఆడే సత్తా ఉంది. కాబట్టి కోహ్లి స్ధానంలో అతడే సరైనోడు" అని ఈఎస్పీఎన్ క్రిక్ ఇన్‌ఫో ఇచ్చిన ఇంటర్వ్యూలో కుంబ్లే పేర్కొన్నారు.కాగా క‌రుణ్ నాయ‌ర్ ప్ర‌స్తుతం అద్భుత‌మైన ఫామ్‌లో ఉన్నాడు. రంజీ ట్రోఫీ 2024-25లో విదర్భ ఛాంపియన్‌గా నిలవడంలో కరుణ్‌ది కీల‌క పాత్ర‌. ఈ టోర్నీలో 16 ఇన్నింగ్స్‌లలో 53.93 సగటుతో 863 పరుగులు చేసి నాలుగో టాప్‌ స్కోరర్‌గా నిలిచాడు. నాయర్‌ చివరసారిగా భారత జట్టు తరపున 2017లో ఆడాడు. కాగా వీరేంద్ర సెహ్వాగ్ తర్వాత టెస్టుల్లో ట్రిపుల్‌ సెంచరీ సాధించిన ఏకైక భారత ఆటగాడిగా కరుణ్‌ నాయర్ కొన‌సాగుతున్నాడు.ఇంగ్లండ్‌తో సిరీస్‌కు భార‌త జ‌ట్టు(అంచ‌నా)కేఎల్ రాహుల్, శుభ్‌మన్ గిల్, యశస్వి జైస్వాల్, కరుణ్ నాయర్‌, ధ్రువ్ జురెల్, నితీష్ కుమార్ రెడ్డి, సాయి సుదర్శన్, రవీంద్ర జడేజా, రిషభ్ పంత్, కుల్దీప్ యాదవ్, బుమ్రా, మహమ్మద్ షమీ, మహమ్మద్ సిరాజ్, అర్ష్‌దీప్ సింగ్.

ఇంగ్లండ్‌తో టెస్టు సిరీస్‌కు ముందు భార‌త క్రికెట్ జ‌ట్టు ఒడిదుడుకులను ఎదుర్కొంటోంది. ఇప్ప‌టికే రోహిత్ శ‌ర్మ టెస్టు క్రికెట్‌కు రిటైర్మెంట్ ప్ర‌క‌టించి అంద‌రికి షాకివ్వ‌గా.. హిట్‌మ్యాన్ బాట‌లోనే స్టార్ బ్యాట‌ర్ విరాట్ కోహ్లి న‌డుస్తున్న‌ట్లు తెలుస్తోంది. టెస్టుల‌కు రిటైర్మెంట్ ప్ర‌క‌టించాల‌ని కోహ్లి నిర్ణ‌యించుకున్న‌ట్లు స‌మాచారం.విరాట్ త‌న నిర్ణ‌యాన్ని ఇప్ప‌టికే బీసీసీఐకి తెలియ‌జేసిన‌ట్లు ప‌లు రిపోర్ట్‌లు పేర్కొంటున్నాయి. అయితే ఇంగ్లండ్ సిరీస్ వ‌ర‌కు అయినా కొన‌సాగాల‌ని కోహ్లిని ఒప్పించేందుకు బీసీసీఐ పెద్ద‌లు ప్ర‌య‌త్నాలు చేస్తున్న‌ట్లు వినికిడి. కోహ్లి టెస్టుల్లో కొన‌సాగుతాడా లేదా రోహిత్ బాట‌లోనే న‌డుస్తాడా? అన్న‌ది మే 23న తేలిపోనుంది. ఆ రోజున ఇంగ్లండ్ టూర్‌కు భార‌త జ‌ట్టుతో పాటు కొత్త కెప్టెన్‌ను కూడా బీసీసీఐ ప్ర‌క‌టించ‌నుంది. కెప్టెన్‌గా శుబ్‌మ‌న్ గిల్ ఎంపిక దాదాపు ఖాయం కాగా.. ప్లేయ‌ర్‌గా రోహిత్ శ‌ర్మ స్దానాన్నిమాత్రం త‌మిళ‌నాడు యువ సంచ‌ల‌నం సాయిసుద‌ర్శ‌న్‌తో భ‌ర్తీ చేయాల‌ని బీసీసీఐ భావిస్తున్న‌ట్లు స‌మాచారం. సాయిసుద‌ర్శ‌న్ ప్ర‌స్తుతం అద్బుత‌మైన ఫామ్‌లో ఉన్నాడు. ఫార్మాట్‌తో సంబంధం లేకుండా దుమ్ములేపుతున్నాడు. ఐపీఎల్‌-2025లో గుజ‌రాత్ టైటాన్స్ త‌ర‌పున ఆడుతున్న సుద‌ర్శ‌న్ ప‌రుగులు వ‌ర‌ద పారిస్తున్నాడు. ఇప్పటివరకు 11 మ్యాచ్‌ల్లో 5 హాఫ్ సెంచరీలతో 509 పరుగులు చేశాడు. అత‌డి ఆట‌ను చూసి మాజీలు ఫిదా అయిపోయారు. ర‌విశాస్రి వంటి దిగ్గ‌జ క్రికెట‌ర్లు సుద‌ర్శ‌న్‌ను ఇంగ్లండ్ టూర్‌కు ఎంపిక చేయాల‌ని సెల‌క్ట‌ర్ల‌ను సూచించారు.దీంతో భార‌త త‌ర‌పున వ‌న్డే, టీ20ల్లో అరంగేట్రం చేసిన సుద‌ర్శ‌న్‌.. ఇప్పుడు టెస్టుల్లో ఆడేందుకు సిద్ద‌మ‌య్యాడు. సుద‌ర్శ‌న్‌కు ఫ‌స్ట్ క్లాస్ క్రికెట్‌లో మంచి రికార్డు ఉంది. రంజీ ట్రోఫీ సీజ‌న్ల‌లో త‌మిళ‌నాడు త‌ర‌పున ఎన్నో మ్యాచ్ విన్నింగ్ నాక్స్ ఆడాడు. 29 ఫస్ట్ క్లాస్ మ్యాచ్‌ల్లో 7 సెంచరీలతో 1957 పరుగులు చేశాడు. సుద‌ర్శ‌న్ అత్య‌ధిక వ్య‌క్తిగ‌త స్కోర్ 213గా ఉంది. భారత్ తరుపున ఆడిన 3 వన్డేలలో 2 అర్ధ సెంచరీలతో 127 పరుగులు చేశాడు. అదేవిధంగా ఇంగ్లండ్ కౌంటీల్లో ఆడిన అనుభ‌వం కూడా అత‌డికి ఉంది. ఈ క్ర‌మంలో రోహిత్ శర్మ స్థాన్నాన్ని సుదర్శన్‌తో భర్తీ చేసే అవకాశాలు ఎక్కువగా ఉన్నాయి. జూన్ 20 నుంచి భార‌త జ‌ట్టు ఇంగ్లండ్ ప‌ర్య‌ట‌న ప్రారంభం కానుంది.చ‌ద‌వండి: IND vs ENG: ఇంగ్లండ్ టూర్‌కు ముందు టీమిండియాకు భారీ షాక్‌..!

టీమిండియా స్టార్ ప్లేయ‌ర్ విరాట్ కోహ్లి టెస్టు క్రికెట్‌కు రిటైర్మెంట్ ప్ర‌కటించ‌నున్నాడ‌ని జోరుగా ప్ర‌చారం సాగుతోంది. టెస్టు క్రికెట్ నుంచి రిటైరవ్వాలని అనుకుంటున్నట్లు బీసీసీఐకి కోహ్లి లేఖ రాసాడ‌న్న వార్త కలకలం రేపుతోంది. అయితే ఇంగ్లండ్‌తో టెస్టు సిరీస్‌కు వ‌ర‌కు కొన‌సాగాల‌ని కోహ్లిని బీసీసీఐ కోరిన‌ట్లు తెలుస్తోంది.ఇప్ప‌టికే రెడ్ బాల్ క్రికెట్‌లో భారత క్రికెట్ జట్టు కెప్టెన్‌గా ఉన్న రోహిత్ శర్మ రిటైర్మెంట్ ప‌క‌టించాడు. ఇప్పుడు కోహ్లి కూడా టెస్టుల నుంచి త‌ప్పుకుంటే అది టీమిండియాకు గ‌ట్టి ఎదురు దెబ్బే అవుతోంది. ఈ నేప‌థ్యంలో కోహ్లికి భార‌త మాజీ క్రికెట‌ర్ అంబ‌టి రాయుడు కీల‌క సూచ‌న‌లు చేశాడు. టెస్ట్ క్రికెట్ నుంచి రిటైర్మెంట్ తీసుకోవాలనే తన నిర్ణయాన్ని పునరాలోచించుకోవాలని విరాట్‌ను రాయుడు కోరాడు."విరాట్ కోహ్లి.. ద‌య‌చేసి రిటైర్ అవ్వొద్దు. భారత జట్టుకు మీ అవసరం ఇప్పుడు చాలా ఉంది. ప్ర‌స్తుతం మీలో ఆడే సత్తా ఇంకా ఉంది. ఇప్ప‌టికీ చాలా ఫిట్‌గా క‌న్పిస్తున్నారు. మీరు టీమిండియా త‌రుపున పోరాడేందుకు బ‌రిలోకి దిగ‌క‌పోతే టెస్టు క్రికెట్ స్వ‌రూప‌మే మారిపోతుంది. ద‌య‌చేసి మీ నిర్ణ‌యాన్ని వెన‌క్కి తీసుకోండి" అని రాయుడు ఎక్స్‌లో రాసుకొచ్చాడు. అయితే టెస్టుల్లో ఇంగ్లండ్ గ‌డ్డ‌పై మాత్రం కోహ్లికి మంచి రికార్డులేదు. ఇంగ్లండ్‌లో 17 టెస్టులు ఆడిన విరాట్‌.. 33.21 స‌గ‌టుతో 1096 ప‌రుగులు చేశాడు. ఓవ‌రాల్‌గా కోహ్లి త‌న టెస్టు కెరీర్‌లో 46.85 సగటుతో 9,230 పరుగులు చేశాడు, ఇందులో 30 సెంచరీలు ఉన్నాయి. కానీ గత 4 సంవత్సరాల నుంచి అతని సగటు 50 కంటే తక్కువగా ఉంది. కాగా ఇంగ్లండ్ టూర్‌కు మే 23న భార‌త జ‌ట్టుతో పాటు కొత్త టెస్టు జ‌ట్టు కెప్టెన్‌ను కూడా బీసీసీఐ ప్ర‌క‌టించ‌నుంది.

ఐపీఎల్‌-2025 సీజ‌న్ నిరావ‌ధికంగా వాయిదా ప‌డ‌డంతో భార‌త జ‌ట్టు ఇక ఇంగ్లండ్‌తో టెస్టు సిరీస్‌కు స‌న్న‌ద్దం కానుంది. ఈ ఏడాది జూన్‌లో ఇంగ్లండ్ ప‌ర్య‌ట‌న‌కు టీమిండియా వెళ్ల‌నుంది. ఈ ప‌ర్య‌ట‌న‌లో భాగంగా ఆతిథ్య జ‌ట్టు భార‌త్ ఐదు మ్యాచ్‌ల టెస్టు సిరీస్‌లో త‌ల‌ప‌డ‌నుంది.ఈ క్ర‌మంలో ఇంగ్లండ్‌ టెస్టు సిరీస్ కోసం భార‌త జ‌ట్టు ప్ర‌క‌ట‌నకు బీసీసీఐ సెల‌క్ష‌న్ క‌మిటీ ముహార్తం ఖారారు చేసింది. క్రిక్‌బ‌జ్ రిపోర్ట్ ప్ర‌కారం.. మే 23న బీసీసీఐ విలేక‌రుల స‌మావేశం నిర్వ‌హించి, ఇంగ్లండ్ ప‌ర్య‌ట‌న‌కు వెళ్లే జ‌ట్టుతో పాటు భారత టెస్ట్ కెప్టెన్‌ను కూడా ప్ర‌క‌టించ‌ననున్న‌ట్లు స‌మాచారం. రోహిత్ శ‌ర్మ టెస్టుల‌కు రిటైర్మెంట్ ప్ర‌క‌టించ‌డంతో కొత్త కెప్టెన్ ఎంపిక ఇప్పుడు అనివార్య‌మైంది. తొలుత‌ ఇంగ్లండ్ టెస్ట్ సిరీస్ కోసం భారత జట్టును మే 20న ప్ర‌క‌టిస్తామ‌ని బీసీసీఐ కార్యదర్శి దేవజిత్ సైకియా పేర్కొన్నారు. కానీ స్టార్ బ్యాట‌ర్ విరాట్ కోహ్లి టెస్ట్ క్రికెట్ నుంచి రిటైర్ కావ‌ల‌నుకుంటున్న‌ట్లు బీసీసీఐకి చెప్ప‌డంతో జ‌ట్టు ప్ర‌క‌ట‌న‌ను రెండు రోజుల పాటు వాయిదా వేసిన‌ట్లు వినికిడి. కోహ్లిని త‌న నిర్ణ‌యాన్ని మార్చుకోవాల‌ని బీసీసీఐ సూచించిన‌ట్లు ప‌లు రిపోర్ట్‌లు పేర్కొంటున్నాయి. మ‌రి కోహ్లి యూ-టర్న్ తీసుకుంటాడా? లేదా అన్న‌ది మ‌రో కొన్ని రోజుల్లో తేలిపోనుంది. ఇక భార‌త టెస్టు కెప్టెన్సీ రేసులో శుభ్‌మ‌న్ గిల్ ముందుంజ‌లో ఉన్నాడు.ప్ర‌స్తుతం టీమిండియా టెస్టు వైస్ కెప్టెన్‌గా జ‌స్ప్రీత్ బుమ్రా కొన‌సాగుతున్నాడు. కానీ గాయాల బెడద, వర్క్‌లోడ్‌ మేనేజ్‌మెంట్‌లో భాగంగా అత‌డికి కెప్టెన్సీ ప‌గ్గాలు అప్ప‌గించ‌కూడ‌ద‌ని బీసీసీఐ భావిస్తుందంట‌. దాదాపు శుబ్‌మ‌న్ గిల్ పేరును బీసీసీఐ ఖారారు చేసిన‌ట్లు వినికిడి.

టీమిండియా కెప్టెన్ రోహిత్ శ‌ర్మ ఇటీవ‌లే టెస్టు క్రికెట్‌కు విడ్కోలు ప‌లికిన సంగ‌తి తెలిసిందే. ఇంగ్లండ్‌తో జరగనున్న ఐదు మ్యాచ్‌ల టెస్ట్ సిరీస్‌కు ముందు రోహిత్ త‌న నిర్ణ‌యాన్ని సోషల్ మీడియా వేదిక‌గా వెల్ల‌డించి అంద‌రికి షాకిచ్చాడు. అయితే భార‌త జ‌ట్టు కెప్టెన్‌గా రోహిత్ శ‌ర్మ‌ను ముందే తొలిగించాల‌ని బీసీసీఐ సెల‌క్ష‌న్ క‌మిటీ నిర్ణ‌యించుకున్న‌ట్లు వార్త‌లు వినిపిస్తున్నాయి.ఈ క్ర‌మంలోనే రోహిత్ టెస్టుల‌కు రిటైర్మెంట్ ప్ర‌క‌టించిన‌ట్లు ప్ర‌చారం జ‌రుగుతోంది. కాగా రోహిత్ లాంటి అద్భుత‌మైన కెప్టెన్ సోషల్ మీడియాలో రిటైర్మెంట్ ప్రకటించడం పట్ల భారత మాజీ క్రికెటర్ మనోజ్ తివారీ ఆశ్చర్యం వ్యక్తం చేశాడు. రోహిత్‌కు స‌రైన విడ్కోలు ల‌భించ‌లేద‌ని తివారీ అభిప్రాయ‌ప‌డ్డాడు."రోహిత్ శర్మ అద్బుతమైన కెప్టెన్‌. కెప్టెన్‌గా అతడి ట్రాక్ రికార్డు చాలా బాగుంది. అతడి సారథ్యంలో భారత్ 12 టెస్టుల్లో విజయం, మూడు మ్యాచ్‌లను డ్రాగా ముగించింది. వరల్డ్ టెస్టు ఛాంపియన్‌షిప్ ఫైనల్‌కు కూడా చేర్చాడు. అటువంటి కెప్టెన్‌కు సరైన విడ్కోలు లభించలేదు. రోహిత్ శ‌ర్మ సోష‌ల్ మీడియాలో కాకుండా మైదానంలో మ్యాచ్ ఆడిన త‌ర్వాత రిటైర్ అయి ఉంటే బాగుండేది. అది అత‌డికి స‌రైన విడ్కోలు అయి ఉండేది. కానీ రోహిత్ విషయంలో అది జరగలేదని" పరోక్షంగా బీసీసీఐపై తివారీ మండిపడ్డాడు. రోహిత్ తన టెస్ట్ కెరీర్‌లో 67 మ్యాచ్‌లు ఆడి 40.57 సగటుతో 4,301 పరుగులు సాధించారు. ఇందులో 12 సెంచరీలు ఉన్నాయి. 2019లో దక్షిణాఫ్రికాపై సాధించిన 212 పరుగులు అత్యధిక వ్యక్తిగత స్కోరు. కెప్టెన్‌గా 24 టెస్టులకు నాయకత్వం వహించి, 12 విజయాలు, 9 ఓటములు, 3 డ్రాలు నమోదు చేశాడు.చ‌దవండి: పాకిస్తాన్‌కు అంత సీన్‌ లేదు.. త్వరలోనే ఐపీఎల్‌ మళ్లీ మొదలు: గంగూలీ

ఇంగ్లండ్ ప‌ర్య‌ట‌న‌కు ముందు టీమిండియా కెప్టెన్ రోహిత్ శ‌ర్మ టెస్టు క్రికెట్‌కు రిటైర్మెంట్ ప్ర‌క‌టించిన సంగ‌తి తెలిసిందే. రోహిత్ శ‌ర్మ బుధ‌వారం త‌న నిర్ణ‌యాన్ని వెల్ల‌డించి అంద‌రికి షాకిచ్చాడు. ఇక‌పై కేవ‌లం వ‌న్డే ఫార్మాట్‌లో మాత్ర‌మే కొన‌సాగ‌నున్న‌ట్లు హిట్‌మ్యాన్ తెలిపాడు. ఈ క్ర‌మంలో ఇంగ్లండ్ టూర్‌కు కేవ‌లం నెల రోజుల స‌మయం మాత్ర‌మే ఉండ‌డంతో కొత్త టెస్టు కెప్టెన్‌ను ఎంపిక చేసే ప‌నిలో బీసీసీఐ సెల‌క్ష‌న్ క‌మిటీ ప‌డింది.కెప్టెన్సీ రేసులో స్టార్ ప్లేయ‌ర్లు శుబ్‌మ‌న్ గిల్‌, రిష‌బ్ పంత్, జ‌స్ప్రీత్ బుమ్రా ఉన్నారు. ప్రస్తుతం బుమ్రా.. టీమిండియా టెస్ట్ వైస్ కెప్టెన్‌గా కొనసాగుతున్నాడు. కానీ గాయాల బెడద, వర్క్‌లోడ్‌ మేనేజ్‌మెంట్‌లో భాగంగా అతన్ని ఈ కెప్టెన్స్ రేసు నుంచి గ్రూప్‌ నుంచి తప్పించే యోచనలో బీసీసీఐ ఉన్న‌ట్లు వినికిడి. తాజాగా ఈ జాబితాలోకి కేఎల్ రాహుల్ చేరిన‌ట్లు స‌మాచారం. కెప్టెన్‌గా తక్కువ అనుభవం ఉన్న గిల్‌, పంత్ కంటే సీనియ‌ర్ ప్లేయ‌ర్ అయిన రాహుల్‌కు ప‌గ్గాలు అప్ప‌గిస్తే బెటర్ అని సెల‌క్ట‌ర్లు భావిస్తున్న‌ట్లు అజిత్ అగార్కర్ అండ్ కో భావిస్తున్న‌ట్లు తెలుస్తోంది. అంతేకాకుండా ఇంగ్లండ్ సిరీస్ త‌ర్వాత పూర్తి స్ధాయి కెప్టెన్‌ను నియ‌మించ‌నున్న‌ట్లు వార్త‌లు వినిపిస్తున్నాయి.కెప్టెన్‌గా రాహుల్‌..టెస్టు కెప్టెన్సీ ప‌రంగా కేఎల్ రాహుల్‌కు అనుభ‌వం ఉంది. గ‌తంలో మూడు సార్లు టీమిండియాకు రాయ‌ల్ నాయ‌క‌త్వం వ‌హించాడు. 2022లో అత‌డి సార‌థ్యంలోనే బంగ్లాదేశ్‌తో రెండు మ్యాచ్‌ల టెస్టు సిరీస్‌ను భార‌త్ సొంతం చేసుకుంది. అదేవిధంగా ద‌క్షిణాఫ్రికాతో జ‌రిగిన ఓ టెస్టు మ్యాచ్‌లో కూడా రాహుల్ కెప్టెన్‌గా వ్య‌వ‌హరించాడు.అయితే ఆ మ్యాచ్‌లో టీమిండియా 7 వికెట్ల తేడాతో ఓట‌మి పాలైంది. ఇంగ్లండ్‌లో వ్య‌క్తిగ‌త గ‌ణాంకాల ప‌రంగా కూడా రాహుల్‌కు మంచి రికార్డు ఉంది. ఇంగ్లండ్ గ‌డ్డ‌పై ఈ వికెట్ కీప‌ర్ ఈ కీపర్-బ్యాటర్ 9 మ్యాచ్‌ల్లో 614 పరుగులు చేశాడు. ఈ టెస్టు ప‌ర్య‌ట‌న‌కు బీసీసీఐ భార‌త జ‌ట్టును మే రెండో వారంలో ప్ర‌క‌టించే అవ‌కాశ‌ముంది.చ‌ద‌వండి: పీసీబీకి చావు దెబ్బ!.. రావల్పిండి స్టేడియంపై డ్రోన్‌ దాడి?.. PSLపై నీలినీడలు!

టీమిండియా స్టార్ పేస‌ర్ మ‌హ్మ‌ద్ ష‌మీకి హ‌త్య బెదిరింపులు రావ‌డం ప్ర‌స్తుతం సంచలనంగా మారింది. ష‌మీని హ‌త్య చేస్తామంటూ బెదిరింపు మెయిల్ వచ్చిందని అతని సోదరుడు హసీబ్ వెల్ల‌డించాడు. అంతేకాకుండా కోటి రూపాయలు డిమాండ్ చేసిన‌ట్లు హసీబ్ తెలిపాడు. ఈ ఘ‌ట‌న‌పై షమీ సోదరుడు ఉత్తరప్రదేశ్‌లోని అమ్రోహా జిల్లా సైబర్ క్రైమ్ పోలీసులకు ఫిర్యాదు చేశారు.సోమవారం ఎస్పీ ఆదేశాల మేర‌కు కేసు న‌మోదు చేసిన పోలీసులు విచార‌ణ చేప‌డ‌తున్నారు. పోలీసులు త‌మ ప్రాథ‌మిక ద‌ర్యాప్తులో రాజ్‌పుత్ సిందార్ అనే వ్య‌క్తి ఈ బెదిరింపు ఇమెయిల్ పంపిన‌ట్లు గుర్తించారు. కాగా ఇటీవల టీమిండియా హెడ్ కోచ్‌ గౌతమ్ గంభీర్‌కు కూడా ఇటువంటి బెదిరింపులే వచ్చాయి. ఈ మెర‌కు ఢిల్లీ పోలీసులకు గంభీర్‌ ఫిర్యాదు చేశాడు. కాగా మ‌హ్మ‌ద్ షమీ ఐపీఎల్‌-2025లో స‌న్‌రైజ‌ర్స్ హైద‌రాబాద్ త‌ర‌పున ఆడుతున్నాడు. గాయం నుంచి కోలుకుని ఛాంపియ‌న్స్ ట్రోఫీ-2025లో ప‌ర్వాలేద‌న్పించిన ష‌మీ.. ఐపీఎల్‌లో మాత్రం తేలిపోతున్నాడు. ష‌మీ ఇప్ప‌టివ‌ర‌కు 9 మ్యాచ్‌ల్లో 56.17 సగటుతో 6 వికెట్లు మాత్రమే పడగొట్టాడు. ఇంగ్లండ్‌తో జ‌ర‌గ‌నున్న టెస్టు సిరీస్‌లో ష‌మీ భార‌త త‌ర‌పున‌ ఆడ‌నున్నాడు.

విరాట్ కోహ్లి.. ప్ర‌పంచ క్రికెట్‌లో అత్యుత్త‌మ బ్యాట‌ర్ల‌లో ఒక‌డిగా కొన‌సాగుతున్నాడు. మూడు ఫార్మాట్ల‌లోనూ కింగ్ కోహ్లి త‌న‌కంటూ ఒక‌ ప్ర‌త్యేక గుర్తింపు సంపాదించుకున్నాడు. 2008లో అంత‌ర్జాతీయ క్రికెట్‌లో అడుగుపెట్టిన కోహ్లి.. ఇప్ప‌టివ‌ర‌కు ఎన్నో రికార్డుల‌ను కొల్ల‌గొట్టాడు.భార‌త క్రికెట్‌లో స‌చిన్ టెండూల్క‌ర్ త‌ర్వాత గొప్ప క్రికెట‌ర్‌గా కీర్తింప‌బ‌డ్డాడు.వ‌న్డే క్రికెట్‌లో అత్యంత వేగంగా ప‌ది వేల ప‌రుగులు మైలు రాయిని అందుకున్న బ్యాట‌ర్ కూడా కోహ్లినే కావ‌డం విశేషం. అటు కెప్టెన్‌గా కూడా కోహ్లి త‌న మార్క్‌ను చూపించాడు. టెస్టుల్లో భార‌త్ త‌ర‌పున అత్యంత విజయవంతమైన కెప్టెన్ విరాట్ నిలిచాడు. ఫార్మాట్ ఏదైనా విరాట్ క్రీజులో ఉన్నాడంటే ప్ర‌త్య‌ర్ది గుండెల్లో రైళ్లు ప‌రిగెత్తాల్సిందే. అయితే తాజాగా మూడు ఫార్మాట్ల‌లో తాను ఎదుర్కొన్న అత్యంత కఠినమైన బౌలర్ల జాబితాను కోహ్లి వెల్ల‌డించాడు. టెస్టుల్లో ఇంగ్లండ్ పేస్ బౌలింగ్ లెజండ్ జేమ్స్ ఆండ‌ర్స‌న్‌, వ‌న్డేల్లో శ్రీలంక దిగ్గ‌జం ల‌సిత్ మలింగ, ఇంగ్లండ్ స్టార్ స్పిన్న‌ర్ అదిల్ ర‌షీద్‌, టీ20ల్లో వెస్టిండీస్ స్పిన్న‌ర్ స‌నీల్ న‌రైన్ బౌలింగ్ ఆడటానికి ఇబ్బంది ప‌డిన‌ట్లు కోహ్లి పేర్కొన్నాడు. కాగా టెస్టుల్లో కోహ్లిపై ఆండ‌ర్స‌న్‌కు మంచి రికార్డు ఉంది. ఏడు సార్లు కోహ్లిని ఆండ‌ర్స‌న్ ఔట్ చేశాడు. మ‌రోవైపు లసిత్ మ‌లింగా కూడా చాలా సంద‌ర్భాల్లో కోహ్లిపై పై చేయి సాధించాడు. అదేవిధంగా ఐపీఎల్‌లో కోహ్లిపై మిస్ట‌రీ స్పిన్న‌ర్‌ సునీల్ న‌రైన్ సైతం మంచి ట్రాక్ రికార్డు క‌లిగి ఉన్నాడు.ఇక కోహ్లి ఈ ఏడాది జూన్‌లో తిరిగి భార‌త త‌ర‌పున ఆడ‌నున్నాడు. ఐదు మ్యాచ్‌ల టెస్టు సిరీస్ కోసం ఇంగ్లండ్‌కు ప‌య‌నం కానునున్నాడు. ప్ర‌స్తుతం ఐపీఎల్‌-2025లో విరాట్ కోహ్లి దుమ్ములేపుతున్నాడు. ఆరెంజ్ క్యాప్ రేసులో కోహ్లి(443) ఐదో స్ధానంలో కొన‌సాగుతున్నాడు.చ‌ద‌వండి: అత‌డొక అద్భుతం.. కెప్టెన్సీకి అర్హుడు: సునీల్ గవాస్కర్

టీమిండియా స్టార్ బ్యాట‌ర్ విరాట్ కోహ్లి గ‌తేడాది అంత‌ర్జాతీయ టీ20 క్రికెట్‌కు విడ్కోలు ప‌లికిన సంగ‌తి తెలిసిందే. టీ20 వ‌ర‌ల్డ్‌క‌ప్-2024 విజ‌యం అనంత‌రం కోహ్లి త‌న నిర్ణ‌యాన్ని వెల్ల‌డించి అంద‌రికి షాకిచ్చాడు. అత‌డితో పాటు సీనియర్ ఆటగాళ్లు రోహిత్ శర్మ, రవీంద్ర జడేజాలు కూడా ఇంట‌ర్నేష‌న‌ల్ టీ20 క్రికెట్‌కు రిటైర్మెంట్ ప్ర‌క‌టించాడు. అయితే తాజాగా తన రిటైర్మెంట్ వెనక గల కారణాన్ని కోహ్లి వెల్లడించాడు. యువ ఆటగాళ్లకు అవకాశమిచ్చేందుకు ఆ నిర్ణయం తీసుకున్నట్లు కోహ్లి చెప్పుకొచ్చాడు. "టీ20లకు రిటైర్మెంట్ అన్ని ఆలోచించాకే ప్రకటించాను. కొత్త ఆటగాళ్లు జట్టులోకి రావాలని, వారు సిద్దమయ్యేందుకు కాస్త సమయం అవసరమని భావించాను.వారు తదుపరి టీ20 వరల్డ్‌కప్‌కు సిద్దంగా ఉండేందుకు కనీసం రెండేళ్ల సమయమైనా కావాలి. అందుకే వరల్డ్‌కప్ అనంతరం టీ20 క్రికెట్ నుంచి తప్పుకోవాలని నిర్ణయించుకున్నాను" అని ఓ ఛానల్‌కు ఇచ్చిన ఇంటర్వ్యూలో కోహ్లి పేర్కొన్నాడు. కాగా కోహ్లి అంతర్జాతీయ టీ20 క్రికెట్ నుంచి తప్పు​కున్నప్పటి ఐపీఎల్‌లో మాత్రం దుమ్ములేపుతున్నాడు. ఐపీఎల్‌-2025లో ఇప్పటివరకు 10 మ్యాచ్‌లు ఆడిన కోహ్లి 138.87 స్ట్రైక్ రేట్‌తో 443 పరుగులు సాధించాడు. అత‌డి ఇన్నింగ్స్‌ల‌లో ఆరు హాఫ్ సెంచరీలు ఉన్నాయి. ఆరెంజ్ క్యాప్ జాబితాలో మూడవ స్థానంలో కోహ్లి కొనసాగుతున్నాడు.చ‌ద‌వండి: IPL 2025: చ‌రిత్ర సృష్టించిన సాయి సుదర్శన్‌.. సచిన్ రికార్డు బ‌ద్ద‌లు

టీమిండియా స్టార్ ప్లేయ‌ర్ శుబ్‌మ‌న్ గిల్ వ్య‌క్తిగ‌త జీవితం గురుంచి గ‌త కొంత‌కాలంగా పుకార్లు షికారు చేస్తున్న సంగ‌తి తెలిసిందే. తొలుత భార‌త క్రికెట్ దిగ్గ‌జం స‌చిన్ టెండూల్క‌ర్‌ కుమార్తె సారా టెండూల్కర్‌తో గిల్ ప్రేమాయ‌ణం సాగించిన‌ట్లు ప్ర‌చారం జ‌రిగింది. మ‌ళ్లీ కొంత‌కాలం త‌ర్వాత వీళ్లిద్దరికి బ్రేకప్ అయిందని వార్త‌లు వినిపించాయి.అయితే ఈ వార్త‌ల‌పై గిల్ కానీ సారా కానీ ఎప్పుడు స్పందించలేదు. ఆ త‌ర్వాత బాలీవుడ్ బ్యూటీ సారా అలీ ఖాన్‌తో గిల్ డేటింగ్‌లో ఉన్న‌ట్లు సోష‌ల్ మీడియాలో జోరుగా ప్ర‌చారం సాగింది. కానీ గిల్‌తో తాను డేటింగ్ చేయ‌డం లేద‌ని సారా అలీ ఖాన్ స్పష్టం చేసింది. వీరిద్ద‌రి త‌ర్వాత మ‌రో బాలీవుడ్ హీరోయిన్ అనన్య పాండేతో గిల్ పీకల్లోతు ప్రేమలో ఉన్న‌ట్లు వార్త‌లు వ‌చ్చాయి. అయితే ఈ వార్త‌ల‌ను అన‌న్య మాత్రం ఖండించింది. అవ‌న్నీ వ‌ట్టి రూమ‌ర్సే అని కొట్టిపారేసింది. తాజాగా త‌న రిలేష‌న్‌షిప్‌పై వ‌స్తున్న వార్త‌ల‌పై గిల్‌ స్పందించాడు. గ‌త మూడేళ్ల నుంచి తాను ఒంట‌రిగా ఉన్నాన‌ని గిల్ చెప్పుకొచ్చాడు."నేను ప్ర‌స్తుతం ఎవ‌రితోనూ ప్రేమ‌లో లేను. గ‌త మూడేళ్ల నుంచి నేను ఒంట‌రిగా ఉన్నాను. ఇటీవ‌ల కాలంలో చాలా మందితో న‌న్ను ముడిపెట్టారు. నా వ్య‌క్తిగ‌త జీవితంపై చాలా ఊహాగానాలు, పుకార్లు ప్ర‌చారం చేశారు. నేను ఎప్పుడూ చూడని, కలవని వ్యక్తితో కూడా లింకులు పెడుతున్నారు. నిజంగా ఇది చాలా హాస్యాస్పదం. ప్రస్తుతం నేను నా ప్రొఫెషనల్ కెరీర్‌పై దృష్టి పెట్టాను. ప్ర‌స్తుతం ఒక‌రితో ప్రేమాయ‌ణం న‌డిపే అంత స‌మ‌యం నా ద‌గ్గ‌ర లేదు. మేము ఎక్కడ‌క్క‌డికో ప్రయాణిస్తుంటాము. ప్రొఫెషనల్ కెరీర్‌తో బీజీగా ఉన్నాను" అని ఓ ఛాన‌ల్‌కు ఇచ్చిన ఇంట‌ర్వ్యూలో గిల్ పేర్కొన్నాడు. కాగా ఐపీఎల్‌-2025లో గుజ‌రాత్ టైటాన్స్ కెప్టెన్‌గా శుబ్‌మ‌న్ గిల్ వ్య‌వ‌హ‌రిస్తున్నాడు.చ‌ద‌వండి: బీసీసీఐ పొమ్మంది.. క‌ట్ చేస్తే! అభిషేక్ నాయ‌ర్‌కు మ‌రో ఆఫ‌ర్‌?

టీమిండియా అసిస్టెంట్‌ కోచ్ అభిషేక్ నాయ‌ర్‌పై బీసీసీఐ వేటు వేసిన సంగ‌తి తెలిసిందే. భార‌త క్రికెట్ జ‌ట్టుతో తెగ‌దింపులు చేసుకున్న నాయ‌ర్‌.. తిరిగి మ‌ళ్లీ కోల్‌క‌తా నైట్‌రైడ‌ర్స్‌ జ‌ట్టుతో జత‌క‌ట్టాడు. కేకేఆర్ కోచింగ్ స్టాప్‌లో అభిషేక్ భాగ‌మ‌య్యాడు. గ‌తేడాది సీజ‌న్‌లో కోల్‌క‌తాను ఛాంపియ‌న్‌గా నిల‌ప‌డంలో నాయ‌ర్‌ది కీల‌క పాత్ర‌. మ‌రోసారి త‌మ జ‌ట్టును విజ‌య‌ప‌థంలో న‌డిపిస్తాడ‌ని నాయ‌ర్‌పై కేకేఆర్ మెనెజ్‌మెంట్ గంపెడు ఆశ‌లు పెట్టుకుంది.అయితే ఐపీఎల్ మ‌ధ్య‌లోనే నాయ‌ర్‌కు మ‌రో ఆఫర్ వ‌చ్చిన‌ట్లు తెలుస్తోంది. ముంబై టీ20 లీగ్‌లో ముంబై సౌత్ సెంట్రల్ మరాఠా రాయల్స్ జ‌ట్టు మెంటార్‌గా నాయ‌ర్ ఎంపిక‌నైట్లు టైమ్స్ ఆఫ్ ఇండియా త‌మ క‌థ‌నంలో పేర్కొంది. అభిషేక్ నాయ‌ర్‌ను ముంబై సౌత్ సెంట్రల్ మరాఠా రాయల్స్ త‌మ మెంటార్‌గా నియ‌మించింది.త్వ‌రలోనే అభిషేక్ నాయ‌ర్ ఎంపిక‌పై అధికారిక ప్ర‌క‌ట‌న వెల‌వ‌డ‌నుంది అని క్రికెట్ వ‌ర్గాలు వెల్ల‌డించాయి. ఈ టోర్న‌మెంట్ మే 26 నుంచి ప్రారంభం కానుంది. అదేవిధంగా ఈ టోర్నీలో భారత మాజీ బౌలింగ్ కోచ్ పరాస్ మాంబ్రే అంధేరీ జ‌ట్టుకు ప్రధాన కోచ్‌గా వ్య‌వ‌హ‌రించ‌నున్నాడు. వీరితో పాటు ఓంకార్ సాల్వి సోబో ముంబై ఫాల్కన్స్‌కు, ఐపీఎల్ మాజీ స్టార్ ప్రవీణ్ తంబే నార్త్ ముంబై పాంథర్స్‌కు హెడ్ కోచ్‌గా ఎంపిక‌య్యారు.చ‌ద‌వండి: IPL 2025: 'శ్రేయ‌స్ చాలా బాధ‌ప‌డ్డాడు.. కేకేఆర్‌కు చుక్క‌లు చూపిస్తాడు'