ఆరోగ్య ‘ఫలాలు’
 
 * ఎండాకాలం అనగానే అందరికీ గుర్తొచ్చేవి - తాటి ముంజెలు. వేసవి తాపం తీర్చే ముంజెల్లో చాలా పోషకాలున్నాయి.
 *ముంజెల్లో 87 శాతం నీరే ఉంటుంది. మూడు తాటిముంజెలు తింటే ఒక కొబ్బరి బోండాం తాగిన ఫలితం ఉంటుంది.
 * 100గ్రా. ముంజెల్లో ఉండేది 43 కేలరీస్.
 * విటమిన్ ఎ సమృద్ధిగా ఉంటుంది. థయామిన్, రిబోఫ్లేవిన్, నియాసిన్ వంటి బి కాంప్లెక్స్, సి విటమిన్‌లు ఉంటాయి. 
 * జింక్, పొటాషియం,క్యాల్షియం, ఐరన్, ఖనిజ లవణాలుంటాయి.  తాటిముంజెల్లో యాంటీ ఆక్సిడెంట్లుంటాయి. ఇందులోని యాంటీ ఇన్‌ఫ్లమేటరీ లక్షణాలు గాయాల వాపులను తగ్గిస్తాయి.
 * తట్టు, ఆటలమ్మ లాంటివి సోకినప్పుడు బుడిపెల మీద తాటిముంజెల నీటిని రాస్తే దురద తగ్గుతుంది, బొబ్బలు మాడిపోతాయి.
 * ముంజెలతో ఆకలి పెరుగుతుంది. వీటిని ఇంగ్లిష్‌లో ‘ఐస్ యాపిల్’ అంటారు.