తమిళసినిమా: ఉదయనిధిస్టాలిన్‌తో నటి పార్వతీమీనన్‌ రొమాన్స్‌ చేయనుంది. అప్పుడప్పుడు కోలీవుడ్‌లో మెరిసిపోతున్న మాలీవుడ్‌ అమ్మడు పార్వతీమీనన్‌. అప్పుడెప్పుడో పూ చిత్రం ద్వారా తమిళ చిత్ర పరిశ్రమకు ఎంట్రీ ఇచ్చిన ఈ కేరళా కుట్టి ఆ తరువాత ధనుష్‌తో మరియాన్‌ చిత్రంలో చాలా సన్నిహితంగా నటించి వార్తల్లోకి కెక్కింది. ఆ తరువాత కొంత గ్యాప్‌ తీసుకుని బెంగళూర్‌ నాట్కళ్, కమలహాసన్‌తో ఉత్తమవిలన్‌ చిత్రాల్లో మెరిసింది.
 
 నిజం చెప్పాలంటే పార్వతీమీనన్‌ మంచి నటి. తొలి చిత్రం ‘పూ’ లోనే అది నిరూపించుకుంది. అయిదే దురదృష్టం ఏమిటంటే ఈ భామ నటించిన తమిళ చిత్రాలేవీ ఆశించిన విజయాలను సాధించలేదు. తనకి వచ్చిన అవకాశాలన్నీ అంగీకరించడం లేదట. మాతృభాషలో బాగానే అవకాశాలు వస్తున్నాయట. కాగా మరోసారి తమిళ సినీ అభిమానులను పలకరించడానికి పార్వతీమీనన్‌ రెడీ అవుతోంది. వరుసగా చిత్రాలు చేసుకుంటూ పోతున్న యువ నిర్మాత, నటుడు ఉదమనిధిస్టాలిన్‌ నటించిన తాజా చిత్రం పొదువాగ ఎన్‌ మనసు తంగం గత శుక్రవారం తెరపైకి వచ్చింది.
 
 అంతకు ముందే ఆయన తన తదుపరి చిత్రానికి  రెడీ అయిపోయారు. ప్రియదర్శన్‌ దర్శకత్వంలో కథానాయకుడిగా  నటిస్తున్నారు. ఆ చిత్ర షూటింగ్‌ ఇటీవలే కేరళాలో ప్రారంభమైంది. అయితే ఇప్పటికీ చిత్రంలో నటించే హీరోయిన్‌ ఎవరన్నది వెల్ల డించలేదు. అదే విధంగా చిత్రం పేరును నిర్ణయించలేదు. చిత్ర షూటింగ్‌ షూటింగ్‌ కుట్రాళంలో జరుపుకుంటోంది. ఇందులో నటి పార్వతిమీనన్‌ కథాయకిగా ఎంపికైంది. పూ చిత్రంలో పల్లెటూరి యువతిగా చక్కని అభినయాన్ని  ప్రదర్శించి మంచి పేరు సంసాదించుకున్న పార్వతీమీనన్‌ తాజాగా ఉదయనిధిస్టాలిన్‌తో నటిస్తున్న చిత్రంలో కూడా గ్రామీణ యువతిగా కనిపించనుందట. ఇందులో పార్వతీమీనన్‌ నటించడంతో ఆమె పాత్రకు మరింత ప్రాముఖ్యతను ఇచ్చారట.


 తమిళసినిమా: నటి పార్వతీనాయర్‌ కోలీవుడ్‌లో లక్కీచాన్స్‌ కొట్టింది. దుబాయ్‌లో పుట్టి పెరిగిన ఈ అమ్మడు మోడలింగ్‌ రంగం నుంచి నటిగా సినీరంగప్రవేశం చేసింది. మలయాళం, కన్నడ, తమిళ్‌ అంటూ పలు భాషల్లో నటించినా కథానాయకిగా చెప్పుకోదగ్గ అవకాశాలేమీ ఇప్పటి వరకూ అందుకోలేకపోయిందనే చెప్పాలి.
 
 అయితే కమలహాసన్‌ నటించిన ఉత్తమవిలన్, జయంరవితో నిమిర్న్‌దునిల్, అజిత్‌ చిత్రం ఎన్నై అరిందాల్‌ వంటి పలు తమిళ చిత్రాల్లో మెరిసింది. ఇటీవల కొడిట్ట ఇడంగళ్‌ నిరప్పుగా చిత్రంలో కథానాయకిగా నటించింది. ఆ చిత్రం అంతగా పేరు తెచ్చి పెట్టలేదు. ఇలాంటి పరిస్థితుల్లో తాజాగా ఉదయనిధిస్టాలిన్‌తో రొమాన్స్‌ చేసే అవకాశం దక్కించుకుంది. ప్రముఖ దర్శకుడు ప్రియదర్శన్‌ చిన్న గ్యాప్‌ తరువాత తమిళంలో దర్శకత్వం వహించనున్న చిత్రం ఇది.
 
 మలయాళంలో గత ఏడాది విడుదలై మంచి విజయాన్ని సాధించిన మహేషింటే ప్రతీకారం చిత్ర ఆధారంగా తెరకెక్కనున్న ఈ చిత్రం త్వరలోనే ప్రారంభం కానుందని సమాచారం.ఇందులో నమిత మరో నాయకిగా నటించనున్నారు. ప్రమోద్, సముద్రఖని, ఎంఎస్‌.భాస్కర్‌ ముఖ్య పాత్రలను పోషించనున్న ఈ చిత్రాన్ని మూన్‌షాట్‌ ఎంటర్‌టెయిన్‌మెంట్‌ పతాకంపై సంతోష్‌ నిర్మించనున్నారు. మలయాళ చిత్రానికి తమిళంలో చిన్నచిన్న మార్పులు, చేర్పులు చేసి వినోదాన్ని మరింత పెంచి రూపొందించనున్నట్లు చిత్ర వర్గాలు తెలిపాయి. పార్వతీనాయర్‌ ఈ చిత్రంతో పాటు తెలుగులోనూ ఒక చిత్రం చేస్తోందట. మొత్తం మీద దక్షిణాది చిత్ర పరిశ్రమను చుట్టేస్తోందన్న మాట ఈ మలయాళీ బ్యూటీ.