అనంతపురం సెంట్రల్‌ : అనంతపురం టూటౌన్‌ ఎస్‌ఐలు జనార్ధన్, క్రాంతికుమార్‌లను వీఆర్‌కు పంపుతూ పోలీస్‌ ఉన్నతాధికారులు నిర్ణయం తీసుకున్నట్లు విశ్వసనీయంగా తెలిసింది. ఈ నెల 13న సాయినగర్‌ స్టేట్‌బ్యాంకు ఎదుట కేంద్ర ప్రభుత్వ ఉద్యోగి మాధవరెడ్డి ఘటనలో ఇప్పటికే త్రీటౌన్‌ సీఐ గోరంట్ల మాధవ్‌ను వీఆర్‌కు పంపిన విషయం తెలిసిందే. ఈ ఘటనలో టూటౌన్‌ ఎస్‌ఐలు కూడా ఉండడంతో వారిపైనా చర్యలు తీసుకున్నట్లు సమాచారం. ఈ నెల 24న మానవహక్కుల కమిషన్‌ ఎదుట హాజరుకావాలని ఆదేశాలు జారీ అయినట్లు తెలిసింది.