కరోనా రాకతో భారత ఆర్థిక వ్యవస్ధ ముఖ చిత్రం ఒ‍క్కసారిగా మారిపోయింది. సామాన్యులను కోలుకోలేని దెబ్బ కొట్టింది. కరోనా ఫస్ట్‌వేవ్‌, సెకండ్‌వేవ్‌లతో అనేక కుటుంబాలు ఆర్థిక సంక్షోభంలో కూరుకుపోయాయి. ఇదిలా ఉండగా కరోనా మహమ్మారి ఉన్నప్పటికీ అగ్రశ్రేణి భారతీయ కంపెనీలకు కాసుల వర్షం కురిసినట్లు హురున్‌ ఇండియా రిపోర్ట్‌ పేర్కొంది.  2021లో అగ్రశ్రేణి భారతీయ కంపెనీల నికర విలువ 68 శాతం పెరిగిందని హురున్‌ పేర్కొంది.  మూడు ట్రిలియన్‌ డాలర్లకు...! బుర్గుండి ప్రైవేట్ హురున్ ఇండియా 500 కంపెనీల జాబితా ప్రకారం...2021లో ఆయా కంపెనీల మొత్తం నికర విలువ రూ. 228 లక్షల కోట్లకు  (3 ట్రిలియన్‌) డాలర్లకు చేరింది.  16.7 లక్షల కోట్ల వాల్యుయేషన్‌తో ముఖేష్ అంబానీ నేతృత్వంలోని రిలయన్స్ ఇండస్ట్రీస్ ఈ జాబితాలో అగ్రస్థానంలో ఉండగా, టాటా కన్సల్టెన్సీ సర్వీసెస్ (రూ. 13.1 లక్షల కోట్లు) ,హెచ్‌డీఎఫ్‌సీ బ్యాంక్ (రూ. 9.1లక్షల కోట్లు) తర్వాతి స్థానాల్లో ఉన్నాయి.   హురున్‌ ఇండియా అన్‌లిస్టెడ్ స్పేస్‌లో, వ్యాక్సిన్-మేకర్ సీరమ్ ఇన్‌స్టిట్యూట్ ఆఫ్ ఇండియా (SII) అత్యధికంగా రూ. 1.8 లక్షల కోట్లుగా ఉంది. కరోనా రాకతో పూణేకు చెందిన కంపెనీ వాల్యుయేషన్ 127 శాతం పెరిగింది. ఈ కంపెనీల మొత్తం విక్రయాలు రూ. 58 లక్షల కోట్లకు చేరగా, భారత జీడీపీలో 26 శాతం వాటాను పొందాయి. ప్రభుత్వరంగ సంస్థలను మినహాయించగా ఈ జాబితాలోని మొత్తం 69 లక్షల మంది ఉపాధి పొం​దుతున్నట్లు పేర్కొంది.  చదవండి: వాట్సాప్‌లో మరో ఫీచర్‌.. ఇకపై క్రిప్టో కరెన్సీ కూడా

సాక్షి, ముంబై:  అతిపెద్ద పారిశ్రామిక  దిగ్గజం రిలయన్స్‌ కు చెందిన రిలయన్స్ రిటైల్ 100 బిలియన్ డాలర్ల వాల్యుయేషన్ మార్క్ సాధించిన 4వ భారతీయ కంపెనీగా అవతరించింది. కిరాణా  నుంచి ఎలక్ట్రానిక్స్ వరకూ దేశవ్యాప్తంగా రిటైల్ చెయిన్ నిర్వహిస్తున్న కంపెనీ ఈ సరికొత్త మార్కును అందుకుంది.  అయితే రిలయన్స్ రిటైల్ లిస్టెడ్ కాకపోయినా కూడా షేర్లు ఒక్కొక్కటి రూ .1,500,  రూ .1,550 పరిధిలో ఉన్నాయి. ఒక్కో షేరుకు 1,500 రూపాయల చొప్పున సంస్థ విలువ 7.5 లక్షల కోట్ల రూపాయలు ఉంటుందని ది ఎకనామిక్ టైమ్స్  నివేదించింది. కంపెనీ గత ఏడాది వాటాలు విక్రయించడం ప్రారంభించిన నేపథ్యంలో కంపెనీ వాల్యూ ఏకంగా మూడు రెట్లు పెరిగింది.  డిసెంబర్ 2019 లో రిలయన్స్ రిటైల్ షేర్లు రూ.900 వద్ద ఉన్నాయి. దీనికితోడు రిలయన్స్ రిటైల్ వాటాదారులకు రిలయన్స్ రిటైల్ నాలుగు షేర్లకు బదులుగా ఆర్‌ఐఎల్‌లో ఒక వాటాను ఇచ్చేలా స్కీమ్ ప్రకటించింది. ఈ పథకం తరువాత రిలయన్స్ రిటైల్ షేర్లు ఒక్కో షేరుకు 380 రూపాయలకు పడిపోయాయి. జనవరిలో రిలయన్స్ ఈ పథకాన్ని ఆఫ్షనల్ గా చేసింది. అప్పటి నుండి మంచి పనితీరును కనబరిచిన రిలయన్స్ రిటైల్ 2020 డిసెంబర్ 31 తో ముగిసిన మూడవ త్రైమాసికంలో ఏకీకృత నికర లాభంలో 88.1 శాతం వృద్ధితో నమోదు చేసింది తద్వారా 1,830 కోట్ల రూపాయలను ఆర్జించింది. మరోవైపు త్వరలోనే  ఐపిఓతో  రానుందని భావిస్తున్న రిలయన్స్ రిటైల్ కొత్తగా 6500-7000 అవుట్‌లెట్లను తెరవాలని యోచిస్తోందట. 


 ముంబై:  దేశీయ ఈ-కామర్స్ రంగంలో దూసుకుపోతున్న పేటీఎంలోకి జపాన్ కేంద్రంగా కార్యకలాపాలునిర్వహిస్తున్న సాఫ్ట్‌ బ్యాంక్  భారీ పెట్టుబడులు పెట్టనుంది.  పేటీఎంకు పేరెంట్‌ కంపెనీగా ఉన్న సాఫ్ట్‌బ్యాంక్‌ నుంచి జాక్‌ పాట్‌ కొట్టేసింది. 1.4 బిలియన్ల (10వేల కోట్లు) డాలర్ల పెట్టుబడులను తాజాగా ప్రకటించింది.  రాబోయే రెండు, మూడు సం.రాల్లో వీటిని పేమెంట్‌ బ్యాంక్‌ లో వీటిని వినియోగించనుంది. దీంతో  పేటీఎం  నికర విలువ ఎనిమిది  బిలియన్‌ డాలర్లను మించిపోనుంది.   ఈ పెట్టుబడుల విషయాన్ని పేటీఎం సీఈవో విజయ్‌ శేఖర్‌ ట్విట్టర్‌ ద్వారా ధృవీకరించారు. 
  
 భారత ప్రభుత‍్వ  డిజిటల్‌ సేవల ప్రోత్సాహం నేపథ్యంలో  దేశవ్యాప్తంగా మొబైల్ చెల్లింపులు సహా విస్తృత శ్రేణి ఆర్థిక సేవలకు డిజిటల్ సదుపాయం కల్పించడం ద్వారా వందల మిలియన్ల మంది భారతీయ వినియోగదారులు మరియు వ్యాపారుల జీవితాలను మార్చడం కోసం తాము కట్టుబడి ఉన్నామని  సాఫ్ట్ సాఫ్ట్ గ్రూప్ ఛైర్మన్ , సీఈవో మసాయోసి సన్  చెప్పారు.తమ  జట్టు  విజన్‌ కు  సాఫ్ట్‌బ్యాంక్‌ తాజా పెట్టుబడి,  అద్భుతమైన  పారిశ్రామికవేత్త మసాయోసి సన్ మద్దతు  అపూర్వమని  పేటీఎం వ్యవస్థాపకుడు, సీఈవో విజయ్ శేఖర్ శర్మ  పేర్కొన్నారు.  
  
 ఇప్పటికే మొబైల్ వ్యాలెట్, ఈ-కామర్స్ రంగాల్లో దూసుకుపోతున్న పేటీఎం తాజా పెట్టుబడులను త్వరలో ప్రారంభించనున్న పేటీఎం బ్యాంకు విస్తరణకు వినియోగించనునుంది.  ఎనలిస్టులు ఊహించినదానికంటే ఎక్కువగా భారీ మొత్తంలో సింగిల్‌ ఇన్వెస్టర్‌నుంచి  పెట్టుబడులను అందుకుని  పేటీఎం భారీ ఆఫర్‌ కొట్టేసిందని మార్కెట్‌ వర్గాలు భావిస్తున్నాయి. 
  
 కాగా   మే నెల 23 నుంచి పేమెంట్ బ్యాంకింగ్ కార్యకలాపాలను ప్రారంభించనున్నట్టు   పేటీఎం ప్రకటించింది.  దీనికి సంబంధించి రిజర్వు బ్యాంక్ నుంచి అనుమతిపొందినట్టు తెలిపింది. పేటీఎం పేమెంట్ బ్యాంక్ లిమిటెడ్(పీపీబీఎల్) పేరుతో సేవలను ఆరంభించబోతున్నది. బ్యాంకింగ్ కార్యకలాపాల్లో భాగంగా ఈ-వ్యాలెట్ కింద ఉన్న 21.8 కోట్ల మంది వినియోగదారులు బ్యాంకింగ్ సేవల పరిధిలోకి రానున్నట్లు కంపెనీ పబ్లిక్ నోటీస్‌లో పేర్కొంది. వన్97 కమ్యూనికేషన్స్ వ్యవస్థాపకుడు విజయ్ శేఖర్ శర్మకు పేమెంట్ బ్యాంక్ సేవలు అందించడానికి ఆర్‌బీఐ లైసెన్స్‌ను మంజూరు చేసిన సంగతి తెలిసిందే. 
  
 
 From an inspiring meeting in Delhi to announcing large investment by @softbank today. Proud to partner @MasaSon in @Paytm journey ! #GoBig pic.twitter.com/ETc9jiQpy3
 — Vijay Shekhar (@vijayshekhar) May 18, 2017