పానీయాల తయారీ కంపెనీ పెప్సీకోకు బాటిళ్లు సమకూర్చడంలో భాగస్వామిగా వ్యవహరిస్తున్న వరుణ్‌ బెవరేజెస్, ఫోర్టీస్‌ హెల్త్‌కేర్‌ తాజాగా నిధుల సమీకరణ బాట పట్టాయి. వ్యాపార వృద్ధి, కొత్త ప్రొడక్టులు, కొత్త ప్రాంతాలకు విస్తరణ, ఇతర సంస్థల కొనుగోళ్లు, రుణాల చెల్లింపునకు ఈ నిధులు ఎంతో ఉపయోగపడుతాయని సంస్థలు తెలిపాయి.వరుణ్‌ బెవరేజెస్ రూ.7,500 కోట్లుఅర్హతగల సంస్థాగత ఇన్వెస్టర్లకు షేర్ల జారీ(క్విప్‌) ద్వారా నిధులు సమీకరించే ప్రతిపాదనకు వరుణ్‌ బెవరేజెస్‌ బోర్డు గ్రీన్‌సిగ్నల్‌ ఇచ్చింది. వృద్ధి ప్రణాళికల అమలుకు వీలుగా క్విప్‌ ద్వారా రూ.7,500 కోట్లు మించకుండా సమకూర్చుకునేందుకు బోర్డు అనుమతించినట్లు కంపెనీ వెల్లడించింది. ఈక్విటీ షేర్ల జారీ ద్వారా ఒకేసారి లేదా దశలవారీగా నిధులు సమీకరించే అవకాశం ఉందని తెలియజేసింది. అయితే ఇందుకు పోస్టల్‌ బ్యాలట్‌ ద్వారా వాటాదారుల అనుమతులు సైతం కోరనున్నట్లు పేర్కొంది. క్విప్‌లో కనీసం 10 శాతాన్ని మ్యూచువల్‌ ఫండ్స్‌కు కేటాయించనుంది. నిధులను అనుబంధ, భాగస్వామ్య లేదా సహచర సంస్థలలో పెట్టుబడులకు వెచ్చించనున్నట్లు వెల్లడించింది.ఇదీ చదవండి: ‘స్మార్ట్‌’ ఉన్నా ఫీచర్‌ ఫోన్లను ఎందుకు కొంటున్నారు?ఫోర్టిస్‌ హెల్త్‌కేర్‌ రూ.1,500 కోట్లుఎన్‌సీడీలు(నాన్‌ కన్వర్టబుల్‌ డిబెంచర్స్‌-కంపెనీ అప్పు చెల్లించడంలో డిఫాల్ట్‌ అయితే దాని ఆస్తులు అమ్ముకోవచ్చు) జారీ ద్వారా నిధులు సమీకరించే ప్రతిపాదనకు బోర్డు గ్రీన్‌సిగ్నల్‌ ఇచ్చినట్లు ఫోర్టిస్‌ హెల్త్‌కేర్‌ వెల్లడించింది. ప్రయివేట్‌ ప్లేస్‌మెంట్‌ పద్ధతిలో అర్హతగల ఇన్వెస్టర్లకు ఎన్‌సీడీల జారీ ద్వారా రూ.1,500 కోట్లవరకూ సమకూర్చుకోనున్నట్లు తెలియజేసింది. ఇన్వెస్టర్ల జాబితాలో డీబీఎస్‌ బ్యాంక్‌(డీబీఎస్‌), హెచ్‌ఎస్‌బీసీ, సిటీకార్ప్‌ ఇన్వెస్ట్‌మెంట్‌ బ్యాంక్‌(సింగపూర్‌), మిజుహో బ్యాంక్‌ సింగపూర్‌సహా ఇతర విదేశీ పోర్ట్‌ఫోలియో ఇన్వెస్టర్లున్నట్లు వివరించింది. ఐదేళ్ల కాలపరిమితితో ఎన్‌సీడీలను జారీ చేయనున్నట్లు వెల్లడించింది.

న్యూఢిల్లీ: పానీయాల దిగ్గజం పెప్సీకో ఫ్రాంచైజీ సంస్థ వరుణ్‌ బెవరేజెస్‌.. దక్షిణాఫ్రికా కంపెనీ బెవరేజ్‌ కంపెనీ(బెవ్కో)తోపాటు అనుబంధ సంస్థలను కొనుగోలు చేయనుంది. దక్షిణాఫ్రికా, లెసోఠో, ఎస్వటీని ప్రాంతాలలో పెప్సీకో ఫ్రాంచైజీ హక్కులను బెవ్కో కలిగి ఉంది. 3 బిలియన్‌ రాండ్ల(జెడ్‌ఏఆర్‌) (రూ. 1,320 కోట్లు) ఎంటర్‌ప్రైజ్‌ విలువలో సొంతం చేసుకోనున్నట్లు వరుణ్‌ బెవరేజెస్‌ వెల్లడించింది. తద్వారా దక్షిణాఫ్రికా మార్కెట్లో కార్యకలాపాలు విస్తరించనుంది. నమీబియా, బోట్స్‌వానా పంపిణీ హక్కులతోపాటు.. అత్యంత కెఫైన్‌ కంటెంట్‌ డ్రింక్‌ రీఫ్రెష్, ఎనర్జీ డ్రింక్‌ రీబూస్ట్, కార్బొనేటెడ్‌ డ్రింక్‌ కూఈ, జైవ్, ఫిజ్జీ లెమనేడ్‌ బ్రాండ్లను బెవ్కో కలిగి ఉంది. 2024 జులై31లోగా నగదు ద్వారా లావాదేవీని పూర్తి చేసే వీలున్నట్లు వరుణ్‌ అంచనా వేస్తోంది.   5 తయారీ కేంద్రాలు  2023లో బెవ్కో రూ. 1,590 కోట్ల టర్నోవర్‌ సాధించినట్లు వరుణ్‌ తెలియజేసింది. జోహన్నెస్‌బర్గ్‌లో రెండు, దర్బన్, ఈస్ట్‌ లండన్, కేప్‌టౌన్‌లో ఒకటి చొప్పున మొత్తం ఐదు తయారీ యూనిట్లను కలిగి ఉంది. నిమిషానికి 3,600 బాటిళ్ల(బీపీఎం) సామర్థ్యం సంస్థ సొంతం. బెవ్కో కొనుగోలు ద్వారా దక్షిణాఫ్రికా మార్కెట్లో విస్తరించనున్నట్లు వరుణ్‌ వెల్లడించింది. ఆఫ్రికా ఖండంలో దక్షిణాఫ్రికా అతిపెద్ద పానీయాల మార్కెట్‌కాగా.. రానున్న నాలుగేళ్లలో అంటే 2027కల్లా వార్షిక సగటున 5.3 శాతం చొప్పున వృద్ధి చూపగలదని అంచనా. దేశీయంగా పెప్సీకో అమ్మకాల పరిమాణంలో వరుణ్‌ బెవరేజెస్‌ 90 శాతాన్ని ఆక్రమిస్తున్న సంగతి తెలిసిందే. గతేడాది(2022–23) రూ. 10,596 కోట్ల ఆదాయం సాధించింది.  బెవ్కో కొనుగోలు వార్తలతో వరుణ్‌ బెవరేజెస్‌ షేరు ఎన్‌ఎస్‌ఈలో 3.7 శాతం జంప్‌చేసి రూ. 1,174 వద్ద ముగిసింది.  


  రేపు వరుణ్ బేవరేజేస్
  న్యూఢిల్లీ: పీఎన్‌బీ హౌసింగ్ ఫైనాన్‌‌స, వరుణ్ బేవరేజేస్ కంపెనీలు ఈ వారంలోనే స్టాక్ మార్కెట్లో లిస్ట్ కానున్నాయి. పంజాబ్ నేషనల్ బ్యాంక్(పీఎన్‌బీ)  ప్రమోట్ చేస్తున్న పీఎన్‌బీ హౌసింగ్ ఫైనాన్‌‌స నేడు(సోమవారం), పెప్సికో అతి పెద్ద ప్రాంఛైజీ వరుణ్ బేవరేజేస్ కంపెనీ రేపు(మంగళవారం) స్టాక్ ఎక్సేంజ్‌ల్లో లిస్ట్ కానున్నాయి. రూ.750-775 ఇష్యూ ధరతో గత నెల 25-27 మధ్యన ఐపీఓ(ఇనీషియల్ పబ్లిక్ ఆఫర్)కు వచ్చిన పీఎన్‌బీ హౌసింగ్ ఫైనాన్‌‌స కంపెనీ రూ.3,000 కోట్లు సమీకరించింది. ఈ ఐపీఓ 30 రెట్లు ఓవర్ సబ్‌స్క్రైబ్‌అయింది. క్వాలిఫైడ్ ఇన్‌స్టిట్యూషనల్ బయ్యర్స్ (క్విబ్స్)కు కేటాయించిన వాటా 37 రెట్లు, సంస్థాగేతర ఇన్వెస్టర్లకు కేటాయించిన వాటా 86 రెట్లు, రిటైల్ ఇన్వెస్టర్లకు కేటాయించిన వాటా 1.35 రెట్లు చొప్పున సబ్‌స్క్రైబ్ అయ్యాయి.
 
  రూ.440-445 ఇష్యూ ధరతో గత నెల 26-28 మధ్యన ఐపీఓ(ఇనీషియల్ పబ్లిక్ ఆఫర్)కు వచ్చిన వరుణ్ బేవరేజేస్ కంపెనీ రూ.1,112.5 కోట్లు సమీకరించింది. ఈ ఐపీఓ 1.86 రెట్లు ఓవర్ సబ్‌స్క్రై బ్‌అయింది. క్వాలిఫైడ్ ఇన్‌స్టిట్యూషనల్ బయ్యర్స్(క్విబ్స్)కు కేటాయించిన వాటా 5 రెట్లు, సంస్థాగేతర ఇన్వెస్టర్లకు కేటయించిన వాటా 42%, రిటైల్ ఇన్వెస్టర్లకు కేటాయించిన వాటా 79% చొప్పున సబ్‌స్క్రైబ్ అయ్యాయి. కాగా ఈ  ఏడాది ఇప్పటివరకూ దాదాపు 22 కంపెనీలు స్టాక్ ఎక్సేంజ్‌ల్లో లిస్టయ్యాయి.