Select Your Preferred Category to see your Personalized Content

సాక్షి, అమరావతి :  గ్రామ పంచాయతీలకు ప్రభుత్వం కొత్తగా ఆర్థిక స్వాతంత్య్రాన్ని కల్పించింది. గ్రామ పంచాయతీల్లో చేపట్టే అభివృద్ధి పనులకు సంబంధించిన బిల్లులను ఆ గ్రామ సర్పంచి, పంచాయతీ కార్యదర్శిల ఆధ్వర్యంలోనే ఎప్పటికప్పుడు బిల్లులు చెల్లింపులకు వీలుగా ప్రతి పంచాయతీ పేరిట బ్యాంకుల్లో ముందస్తుగానే నిధుల జమకు ప్రభుత్వం నిర్ణయించింది. ఇందుకోసం ప్రతి గ్రామ పంచాయతీ పేరిట ఇప్పటికే బ్యాంకుల్లో (వ్యక్తిగత ఖాతాలను) పీడీ ఖాతాలను తెరిచింది. ఈ నిధులపై రాష్ట్ర ప్రభుత్వ పర్యవేక్షణ ఉంటుంది. బిల్లులు చెల్లింపులకు ప్రభుత్వ ట్రెజరీ అనుమతి తీసుకోవడం వంటివి కూడా ఉండవు. 15వ ఆర్థిక సంఘం సిఫార్సుల మేరకు గ్రామ పంచాయతీలకు కేటాయించే దాదాపు రెండు వేల కోట్లకు పైగా నిధులను ఏటా ఆయా బ్యాంకు ఖాతాల్లో జమచేసే అవకాశముంది.   అకౌంట్‌ టూ అకౌంట్‌కి మాత్రమే బదిలీ  గ్రామాలకు కొత్తగా పూర్తిస్థాయి నిధులను అందుబాటులోకి తీసుకొస్తూ గ్రామ పంచాయతీల పేరిట బ్యాంకులో తెరిచిన పీడీ ఖాతాల నుంచి సర్పంచి సైతం ముందుగా డబ్బులు డ్రా చేసుకోకుండా ప్రభుత్వం ప్రత్యేక జాగ్రత్తలు తీసుకుంటోంది. ఆ ఖాతాల్లో జమయ్యే నిధులను చెక్కులతోనూ డ్రా చేసుకోవడానికి వీలుండదు.  గ్రామ పంచాయతీలో వివిధ ఖర్చులకు సంబంధించిన బిల్లులను ప్రభుత్వం ప్రత్యేకంగా ఏర్పాటుచేసిన ‘గ్రామ స్వరాజ్య’ ఈ–పోర్టల్‌లో నమోదు చేయాల్సి ఉంటుంది.   ఆ బిల్లు మొత్తాన్ని ఏ వ్యక్తికి అందజేయాలో అతనికి సంబంధించిన బ్యాంకు ఖాతా వివరాలను సర్పంచి అనుమతితో గ్రామ కార్యదర్శి ఆ పోర్టల్‌లో నమోదు చేయాల్సి ఉంటుంది.    ఈ పోర్టల్‌ పంచాయతీ అకౌంట్‌కు అనుసంధానమై ఉంటుంది. వివరాలు నమోదు ప్రక్రియ పూర్తవగానే గ్రామ పంచాయతీ అకౌంట్‌ నుంచి బిల్లు మొత్తం సంబంధిత వ్యక్తి బ్యాంకు ఖాతాకు బదిలీ అవుతాయి.   ఇందుకు ప్రభుత్వ ట్రెజరీ అనుమతులు, లేదా ఇతర ఉన్నతాధికారుల జోక్యం కూడా ఎక్కడా ఉండదని పంచాయతీరాజ్‌ శాఖ ఉన్నతాధికారులు వెల్లడించారు.   అయితే, ఈ లావాదేవీల వివరాల సమాచారం ఎప్పటికప్పుడు పంచాయతీరాజ్‌ శాఖ ఉన్నతాధికారులందరికీ తెలుస్తుంది.   ఒకసారి లావాదేవీ పూర్తయ్యాక అందుకు సంబంధించిన వివరాల్లో మార్పులు, చేర్పులు చేయడానికి వీలుండదు.   ఆన్‌లైన్‌లో నమోదు చేసే బిల్లులపై ప్రభుత్వం ఏటా ఆడిట్‌ నిర్వహిస్తుంది. తప్పులు  దొర్లితే సంబంధిత సర్పంచి, గ్రామ కార్యదర్శిపై ప్రభుత్వం చర్యలు తీసుకునే అవకాశం ఉంటుంది.    ఈ విధానానికి చంద్రబాబు ‘నో’  గ్రామ పంచాయతీలకు కేటాయించే ఆర్థిక సంఘం నిధులపై రాష్ట్ర ప్రభుత్వ ట్రెజరీ నియంత్రణ లేకుండా 2018 నుంచి పూర్తిస్థాయిలో స్థానిక సంస్థల స్థాయిలోనే ఆ నిధులు అందుబాటులో ఉంచాలని 2017లోనే కేంద్ర పంచాయతీరాజ్‌ శాఖ అన్ని రాష్ట్రాలకు సూచన చేసింది. కానీ, ఈ ప్రతిపాదనకు అప్పట్లోని చంద్రబాబు ప్రభుత్వం నో చెప్పింది.   పూర్తిస్థాయి గ్రామ స్వరాజ్యం దిశగా..  మూడేళ్ల క్రితం రాష్ట్రంలో ఏ పంచాయతీలోనూ ఇద్దరు ముగ్గురు కంటే ఎక్కువమంది  ప్రభుత్వోద్యోగులు ఉండేవారు కాదు. జగన్‌మోహన్‌రెడ్డి సీఎంగా బాధ్యతలు చేపట్టగానే గ్రామ, వార్డు సచివాలయ వ్యవస్థను తీసుకొచ్చి, ప్రతి గ్రామంలోనూ పది మందికి పైగా ప్రభుత్వ సిబ్బందిని నియమించారు. ఇందుకోసం ఏకంగా 1.34 లక్షల మందిని నియమించారు. నగరాలతో సమానంగా మారుమూల కుగ్రామాల్లో సైతం 543 రకాల ప్రభుత్వ సేవలను సచివాలయాల్లో అందుబాటులోకి తెచ్చారు. ప్రభుత్వానికి సంబంధించిన ఏ పనినైనా సొంత గ్రామంలోనే పూర్తిచేసుకునే సౌలభ్యం కల్పించింది. దీనికి తోడు.. ప్రాధాన్యతా క్రమంలో గ్రామ అవసరాలకు పంచాయతీ స్థాయిలోనే బడ్జెట్‌ రూపకల్పనకు ప్రభుత్వం శ్రీకారం చుట్టింది. మొత్తంగా రాష్ట్రంలో గ్రామాలు ఇప్పుడు గాంధీజీ కలలుగన్న గ్రామ స్వరాజ్యం దిశగా సాగుతున్నాయి.    ఐదేళ్లకు రూ.10,231కోట్లు  15వ ఆర్థిక సంఘం నిధులు ఐదేళ్ల పాటు రూ.10,231 కోట్లు మేర రాష్ట్రంలోని గ్రామాలకు కేటాయిస్తారు. వీటిలో 70 శాతం పంచాయతీలకు, 15 శాతం చొప్పున మండల, జిల్లా పరిషత్‌లకు ఏటా నిర్ణీత మొత్తంలో విడుదల చేస్తారు. రాష్ట్రంలో 13,371 గ్రామ పంచాయతీలు, 660 మండల పరిషత్, 13 జిల్లా పరిషత్‌లు ఉండగా.. ఇప్పటికే 12,686 గ్రామ పంచాయతీలు, 593 మండల పరిషత్‌లు, 12 జిల్లా పరిషత్‌లలో పీడీ ఖాతాలు తెరిచే ప్రక్రియను పంచాయతీరాజ్‌ శాఖ పూర్తిచేసింది. 


 దేశ గ్రామీణ ఆర్థిక వ్యవస్థలో చేతి వృత్తులు అత్యం త కీలకమైనవి. ఎన్నో ఆటుపోట్లు ఎదురవుతున్నా ఇప్పటికీ చాలా గ్రామాల్లోని ప్రజలు చేనేత వృత్తిపై ఆధారపడి బ్రతుకీడుస్తూనే ఉన్నారు. దేశంలో వ్యవ సాయం తర్వాత అతి ఎక్కువ మందికి ఉపాధి కల్పిస్తున్నది ఇప్పటికీ చేనేత రంగమే. దేశ ఆర్థికాభి వృద్ధిలో కీలక బాధ్యత వహిస్త్తున్న చేనేత రంగం ప్రాధాన్యతను దృష్ట్టిలో పెట్ట్టుకుని ఆగస్టు 7వ తేదీని జాతీయ చేనేత దినోత్సవంగా నిర్వహించాలని కేంద్రంలోని నరేంద్రమోదీ ప్రభుత్వం నిర్ణయించింది. జాతీయ స్థాయిలో నేతన్నల గొప్పదనాన్ని గుర్తించి జాతీయ చేనేత దినోత్సవం జరపడం ఇదే మొదటి సారి. ఇంతటి ప్రాధాన్యతను చేనేతకు ఇవ్వాలని కేంద్ర ప్రభుత్వం నిర్ణయించడం శుభసూచకం. అయితే అంతటితో ఊరుకోక చేనేత కార్మికులకు సమగ్ర విధానాన్ని అమలు చేయాల్సిన బాధ్యతా కేంద్ర ప్రభుత్వంపై ఉంది. అప్పుడే నేతన్నలకు అస లైన నేత దినోత్సవమవుతుంది.
  
  ఇక తెలుగు రాష్ట్రాల్లోని చేనేత కార్మికులు గడ్డు పరిస్థితిని ఎదుర్కొంటున్నారు. ఇప్పటికీ చాలా కుటుంబాలు దారిద్య్రరేఖకు దిగువగానే ఉన్నాయి. ఇరు రాష్ట్రాల్లోనూ చేనేత వృత్తి ఆనవాళ్లు అదృశ్యమ వుతున్నాయి. వారి జీవనం రోజు రోజుకు దయనీ యంగా మారుతోంది. వారసత్వంగా నమ్ముకున్న వృత్తి కూడు పెట్టక కష్టనష్టాలను ఎదుర్కొంటు న్నారు. నైరాశ్యంలో ఉన్న వారికి రెండు తెలుగు ప్రభుత్వాల నుంచి కనీస ఆసరా కరువైంది. ఆద రణ, ప్రోత్సాహం అసలే లేదు. వారి సంక్షేమం ఎండమావిగా మారింది. రెండు రాష్ట్రాల్లోని నేతన్న లను ఆదుకునేందుకు ప్రభుత్వాలు చేపట్టిన పథ కాలు కాగితాలకే పరమితమయ్యాయి. చేనేత సహ కార సంస్థ, సమాఖ్యలు నామమాత్రంగానే మిగి లాయి. ఎన్నికలకు ముందు చంద్రబాబు, చంద్రశే ఖర్‌రావులు ఇద్దరూ చేనేత కార్మకులపై హామీల వర్షం కురిపించారు. తీరా గద్దెనెక్కాక వారిని పట్టిం చుకున్న దాఖలా లేదు. చేనేత వృత్తి కళ్లముందే కుప్పకూలుతున్నా దానిని కాపాడే గట్టి ప్రయత్నాలు చేయడం లేదు. రెండు ప్రభుత్వాల నుంచి చేనేత లకు అందుతున్న సాయం ఏమీ లేదు. దీంతో రాజ కీయ పార్టీలు చేనేతలను ఓటు బ్యాంకులుగా చూస్తున్నారు తప్ప వారి అభ్యున్నతికి పాటుపడటం లేదని మరోసారి రుజువైంది.
  
  ఆంధ్రప్రదేశ్, తెలంగాణ రాష్ట్రాలలో ఆదినుం చి నేత పని సంప్రదాయ వృత్తిగా ఉండి చేనేతలకు ఉపాధిమార్గం చూపింది. వారి ఆర్థిక అవసరాలకు ప్రాణాధారంగా నిలిచింది. కానీ ప్రస్తుతం పట్టెడ న్నం కూడా పెట్టలేని విధంగా చేనేతరంగం నిరాద రణకు గురైంది. అగ్గిపెట్టెలో పట్టే చీరను నేసిన ఘనత తెలుగు నేతన్నలది. ఇప్పటికీ విదేశాలకు వెళితే తెలుగు రాష్ట్రాల్లో తయారయ్యే చేనేత వస్త్రాల గురించే చెప్పుకుంటారు. ఇంత ఘనకీర్తిని మన దేశానికి అందిస్తున్న నేతన్నలను కాపాడుకోవడం మన ధర్మం. అయితే ప్రస్తుతం ప్రపంచీకరణ ప్రభా వాలు, పాలకుల విధానాల కారణంగా చేనేతలకు గడ్డుకాలం వచ్చి పడింది. రోజూ నేత పని ఉండకపో వడం, కుటుంబమంతా పగలనకా రేయనకా కష్ట పడి పని చేసిన దానికి తగిన ఆదాయం రాకపో వడం, ఏ విధంగానూ వెసులుబాటు లేనందువల్ల నైరాశ్యం అలముకుంది. కుటుంబ అవసరాల కోసం అప్పులు చేయడం వాటిని సకాలంలో తీర్చలేక బలవన్మరణాలకు పాల్పడటం ఎక్కువైంది. మరో ైవైపు చేనేత వృత్తి వల్ల ఫలితం లేదని చాలా మంది ప్రత్యామ్నాయం కోసం వలస వెళుతున్నారు. అన్ని టికన్నా దురదృష్టకర విషయమేమంటే, చేనేత కుటుంబాలలోని అబ్బాయిలకు వివాహాలు కూడా గగనమవుతున్నాయి.
  
  అందువల్ల రెండు తెలుగు ప్రభుత్వాలు నేతన్న లపై ప్రత్యేక దృష్టి సారించాలి. చేనేత ఉత్పత్తులకు మార్కెటింగ్ సౌకర్యం కల్పించాలి. నేతన్నలకు ప్రతి ఏటా నిధులు కేటాయించి రుణాలు ఇవ్వాలి. వారి కోసం సంక్షేమ పథకాలను అమలు చేయాలి. బ్యాం కు రుణాలు అందించే విధానం రూపొందించాలి. వారికి తగిన ప్రోత్సాహం అందించి, ఇతర రాష్ట్రాల తరహాలో నేతన్నల దశ తిరిగేలా చొరవ తీసుకో వాలి. ఆవిధంగా చేనేతకు అన్ని విధాలా చేయూత నందించి చేనేత కుటుంబాల్లో వెలుగు దివ్వెలు ప్రకా శించేలా చేయాలి. అప్పుడే జాతిపిత మహాత్మా గాంధీ ఎంతగానో అభిమానించిన చేనేతకు తగిన గుర్తింపు లభిస్తుంది. అప్పుడే జాతీయ చేనేత దినో త్సవం సార్థకమవుతుంది.
  (ఆగస్టు 7 జాతీయ చేనేత దినోత్సవం)
  - బి. రామకృష్ణ  మొబైల్: 9542206130