దిస్పూర్‌: అస్సాంలో ఓ చిరుత హడలెత్తించింది. గత 24 గంటలుగా ప్రజలకు కంటిమీద కునుకు లేకుండా చేస్తోంది. అస్సాంలోని జోర్హాట్‌లో ఈ ఘటన చోటుచేసుకుంది. సోమవారం ఇనుప కంచె దాడి జనావాసాల్లోకి వచ్చిన చిరుత.. రెయిన్‌ ఫారెస్ట్‌ రీసెర్చ్‌ ఇన్‌స్టిట్యూట్‌ నివాసితులపై దాడి చేసింది. చిరుత వరుస దాడిలో 15 మంది గాయపడ్డారని జొర్హాట్ ఎస్పీ మోహ‌న్ లాల్ మీనా తెలిపారు. వీరిలో ముగ్గురు అటవీ అధికారులతో సహా మహిళలు, చిన్నారులు కూడా ఉన్నారని పేర్కొన్నారు. క్షతగాత్రులను ఆసుపత్రికి తరలించామని, వారి పరిస్థితి నిలకడగా ఉందని తెలిపారు. చిరుత పరుగెత్తుతున్న దృశ్యాలను అటవీ శాఖ సిబ్బంది వీడియో తీశారు. ఇందులో చిరుత క్యాంపస్‌ చుట్టూ తిరుగుతూ, ముళ్ల కంచెపై దూకుతూ కనిపిస్తోంది. జనాలపై మాత్రమే కాకుండా రోడ్డుపై వెళ్తున్న కారుపై కూడా దాడి చేసేందుకు ప్రయత్నించింది. ప్రస్తుతం ఈ వీడియో సోషల్‌ మీడియాలో వైరల్‌గా మారింది. కాగా జోర్హాట్‌ శివారల్లో అడవులు విస్తరించి ఉన్నాయి. అక్కడి నుంచే చిరుతపులి క్యాంపస్‌లోకి చొరబడి ఉంటుందని అధికారులు భావిస్తున్నారు. అయితే ఇప్పటి వరకు అధికారులకు చిరుత చిక్కలేదు. చిరుతను పట్టుకుని బంధించే ప్రయత్నాలు జరుగుతున్నాయని, నివాసితులు ఇళ్లలోనే ఉండాలని అధికారులు సూచించారు. చదవండి: Japan Snow Storm: జపాన్‌లో మంచు తుఫాన్ విధ్వంసం..17 మంది మృతి

లక్నో: రోడ్డుపై తుపాకీ పట్టుకొని తిరుగుతున్న ఓ మహిళను పోలీసులు అరెస్టు చేశారు. ఈ ఘటన ఉత్తర ప్రదేశ్‌లో చోటుచేసుకుంది. కరిష్మా సింగ్‌ యాదవ్‌ అనే మహిళా ఫిరోజాబాద్‌లోని పాఠశాలలో ఉపాధ్యాయురాలిగా పనిచేస్తుంది. పని నిమిత్తం మంగళవారం ఆమె మెయిన్‌పురీకి వెళ్లింది. అయితే కొత్వాలీ ప్రాంతంలో మహిళ నాటు తుపాకీ జేబులో పెట్టుకొని తిరుగుతుండటం గుర్తించిన స్థానికులు పోలీసులు సమాచారం ఇచ్చారు.  వెంటనే సంఘటన స్థలానికి చేరుకున్న పోలీసులు మహిళను పరీక్షించి ఆమె వద్ద నుంచి తుపాకీని స్వాధీనం చేసుకున్నారు. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇందులో ఓ  మహిళా కానిస్టేబుల్.. కరిష్మా యాదవ్‌ను తనిఖీ చేసి  ఆమె జీన్స్ జేబులో నుంచి 315 బోర్ కంట్రీ మేడ్ పిస్టల్‌ను స్వాధీనం చేసుకున్నట్లు కనిపిస్తుంది. అనంతరం మహిళను అదుపులోకి తీసుకొని ఆమెపై కేసు నమోదు చేశారు. మహిళపై అక్రమాయుధాల కేసు నమోదు చేసినట్లు మెయిన్‌పురీ ఎస్పీ అజయ్‌ కుమార్‌ తెలిపారు. ఆమె తుపాకీతో ఎందుకు వెళ్తున్నది, దాన్ని ఎక్కడికి తీసుకెళ్తుంది, తుపాకీ ఎక్కడి నుంచి లభించిందనే విషయాలపై దర్యాప్తు చేస్తున్నట్లు పేర్కొన్నారు. చదవండి: అదిరిన కోతి నడక.. అచ్చం మనిషిలాగే UP: Police caught a teacher walking around in #Mainpuri with a gun in jeans, video went viral #Bulldozer #BeastDisaster pic.twitter.com/7Op3C5Gydh — प्रिया यादव (@yadav4priya) April 13, 2022

తన భర్త మరో మహిళతో జిమ్‌లో ఉండగా భార్య రెడ్‌ హ్యండెడ్‌గా పట్టుకుంది. సదరు మహిళతో భర్త ఎఫైర్‌ కొనసాగిస్తున్నాడన్న అనుమానంతో భార్య ఆమెను చితకబాదింది. ఈ ఘటన మధ్యప్రదేశ్‌లో చోటుచేసుకుంది. అక్టోబర్‌ 15న జరిగిన ఈ వీడియో ప్రస్తుతం నెట్టింట్లో వైరల్‌గా మారింది. వివరాలు.. భోపాల్‌లోని కోహో ఇ ఫిజా ప్రాంతంలో నివసిస్తున్న మహిళ తన భర్త మరొకరితో సంబంధం పెట్టుకున్నాడని అనుమానం పెంచుకుంది. అప్పటి నుంచి భర్త కదలికలపై ఓ కన్నేసి పెట్టింది. ఇదే క్రమంలో తన సోదరితో కలిసి జిమ్‌కు వెళ్లింది. చదవండి: వైరల్‌: పెళ్లిలో వధువు సర్‌ప్రైజ్‌ డ్యాన్స్‌.. ఎమోషనల్‌ అయిన వరుడు అదే జిమ్‌లో భర్త తన గర్ల్‌ఫ్రెండ్‌గా అనుమానిస్తున్న మరో మహిళతో వర్కౌట్స్‌ చేస్తూ కనిపించింది. దీంతో తన భర్త ఆమెతో రిలేషన్‌లో ఉన్నాడని భావించి మహిళను చెప్పులతో కొట్టడం ప్రారంభించింది. అంతటితో ఆగకుండా ఆవేశంతో ఊగిపోయి జుట్టు పట్టుకొని లాగేసింది. మధ్యలో జోక్యం చేసుకోవడానికి వచ్చిన భర్తపై సైతం విరుచుకుపడింది. ఈ గొడవను అక్కడున్న వారు ఆపడానికి ప్రయత్నించినా వీలు పడలేదు. దాదాపు పది నిమిషాలపాటు జిమ్‌లో రచ్చ రచ్చ చేశారు. అనంతరం మహిళ, ఆమె భర్త ఒకరిపై ఒకరు ఫిర్యాదులు చేసుకోగా భోపాల్‌ పోలీసులు కేసు నమోదు చేశారు. అయితే భార్య ఆరోపణలను భర్త ఖండించాడు. గర్ల్‌ఫ్రెండ్‌ అని చెబుతున్న అమ్మాయి అసలు ఎవరో కూడా తనకు తెలియదని అన్నారు.  చదవండి: ‘వ్యాక్సిన్‌ వద్దంటే వద్దు.. వెళ్లకపోతే పాముతో కరిపిస్తా’

మొస‌లి.. దాని ప‌ట్టు, బ‌లం గురించి ప్ర‌త్యేకంగా చెప్పాల్సిన ప‌నిలేదు! నీటిలో ఉన్న‌ప్పుడు ఏనుగును సైతం త‌న నోటితో క‌ట్టిప‌డేయ‌గ‌ల బ‌ల‌శాలి. అలాంటి బ‌ల‌మైన మొస‌లికి-పులికి మ‌ధ్య ఎప్పుడూ ఆహారం కోసం వేటాడ‌డంలో పోటీ ఉంటుంది. అయితే ఈ వేటలో మొసలి పైచేయి సాధిస్తే.. పులి భంగ‌పాటు గుర‌య్యేది కానీ ఈ సారి మాత్రం అలా జరగలేదు. తాజాగా మొసలి వ‌ర్సెస్‌ చిరుత ఫైట్ వీడియోను ఐఎఫ్ఎస్ అధికారి సురేంద‌ర్ మేహ్ర తన సోష‌ల్ మీడియాలో ఖాతాలో షేర్‌ చేశారు. ప్ర‌స్తుతం ఆ వీడియో సోష‌ల్ మీడియాలో వైర‌ల్‌గా మారింది. ఓ చిరుతపులి నీరు తాగేందుకు సమీపంలోని కుంట ఒడ్డు వద్దకు వచ్చింది. పులి నీరు తాగుతుండగా అప్పటికే నీళ్లలో దాగి ఉన్న మొసలి ఒక్కసారిగా చిరుతపై మెరుపుదాడి చేసింది. దాని శక్తివంతమైన దవడలతో చిరుతను నోట కరచుకొని నీటిలోకి లాక్కెళ్లేందుకు ప్ర‌య‌త్నించింది. ఈ ప్ర‌య‌త్నంలో మొస‌లి ఓడిపోయింది. మొస‌లి దాడి చేసేందుకు ప్ర‌య‌త్నించ‌గా.. పులి ఒక్క ఉదుటున గాల్లోకి ఎగిరి త‌ప్పించుకుంది. ప్ర‌స్తుతం ఆ వీడియోను వీక్షించిన నెటిజ‌న్లు.. చిరుత చాలా వేగంగా చాకచాక్యంతో తప్పించుకున్న తీరుకు ఫిదా అవుతున్నారు. ‘ఎప్పుడూ నువ్వేనా.. ఈ సారి నీ ప‌ప్పులుడ‌క‌వులే’ అంటూ కామెంట్లు చేస్తున్నారు.    Wilderness is full of uncertainties and surprises.. ‘Survival of fittest..’ #Wilderness @susantananda3 pic.twitter.com/yFfDggi3a1 — Surender Mehra IFS (@surenmehra) May 29, 2021

సాక్షి, కోల్‌కతా: బస్సులో మహిళల ముందే వికృత చేష్టలకు దిగాడు ఓ కామాంధుడు. వారికి సైగలు చేస్తూ అసభ్యంగా ప్రవర్తించాడు. కండక్టర్‌కు ఫిర్యాదు చేసినా ఫలితం లేకపోవటంతో ఆ తతంగం అంతా వీడియో తీసిన ఓ యువతి ఫేస్‌బుక్‌లో అప్‌ లోడ్‌ చేసింది. ఆ వీడియో కాస్త వైరల్‌ అయి పోలీసులకు చేరింది. దీంతో నిందితుడిని పోలీసులు అరెస్ట్‌ చేశారు.  వివరాల్లోకి వెళ్తే... హూగ్లీ జిల్లా వైద్యపతి ప్రాంతానికి చెందిన సదరు వ్యక్తి ఓ చిరు వ్యాపారి. శనివారం శ్యామ్‌పుకర్‌ ప్రాంతంలో బస్సులో ప్రయాణిస్తూ.. మహిళా ప్రయాణికులను చూస్తూ యువతులను చూస్తూ అసభ్య చేష్టలకు దిగాడు. అది గమనించిన ఇద్దరు మహిళలు కండక్టర్‌తో చెప్పారు. కానీ, అతని నుంచి స్పందన లేకపోవటంతో మౌనంగా ఉండిపోయారు. ఇంతలో ఓ యువతి ఆ వ్యాపారి చేష్టలను వీడియో తీసి ఫేస్‌బుక్‌లో అప్‌ లోడ్‌ చేసింది. ఎవరూ పట్టించుకోలేదని, మహిళలకు భద్రత ఏదంటూ పోస్టు చేసింది. అది కాస్త గంటల్లో వైరల్‌ అయి కోల్‌కతా పోలీసులకు చేరింది. ఇలాంటి వ్యవహారాల్లో ఉపేక్షించే ప్రసక్తే లేదని, అతన్ని  శనివారం సాయంత్రమే అరెస్ట్‌ చేసినట్లు కోల్‌కతా పోలీసులు ఫేస్‌బుక్‌లో తెలియజేశారు. 

ఇస్లామాబాద్‌ : లైవ్‌లోనే ఇద్దరు న్యూస్‌ రీడర్లు వాగ్వాదానికి దిగిన వీడియో ఒకటి నెట్‌లో జోరుగా చక్కర్లు కొడుతోంది. ‘ఈమెతో నేనేలా బులిటెన్‌ చదవాలి?’ అంటూ యాష్‌ ట్యాగ్‌తో ఆ వీడియోను తెగ వైరల్‌ చేస్తున్నారు. పాకిస్థాన్‌కు చెందిన ఓ న్యూస్‌ ఛానెల్‌ వీడియో అది.  లాహోర్‌కు చెందిన సిటీ 42 ఛానెల్‌ న్యూస్‌ రీడర్లు ఈ వాగ్వాదానికి దిగారు. ‘ఈమెతో నేనెలా బులిటెన్‌ చదవాలి అంటూ మేల్‌ న్యూస్‌ రీడర్‌ మొదలుపెట్టగా.. తనతో మాట్లొద్దంటూ ఆమె చెప్పటం.. ఆపై నేను నీ గొంతు గురించి మాట్లాడుతున్నా అంటూ అతను బదులివ్వటం.. గౌరవమిచ్చి మాట్లాడమంటూ ఆమె అనటం... అలా ఆ మాటల యుద్ధం అలాగే కొనసాగటం చూడొచ్చు.  ఆ వీడియో సోషల్‌ మీడియాలో షేర్‌ కాగా.. ఎవరికి తోచిన రీతిలో వాళ్లు కామెంట్‌ చేస్తున్నారు. ‘ఈ గొడవ అయ్యాక వారిద్దరు డిన్నర్‌కు వెళ్తారని ఒకరంటే.. ఆమె గొంతు అంత దారుణంగా ఏం లేదని మరికొందరు.. ఇక ఆమెకు పెళ్లయ్యి ఉంటే ఆమెను భరిస్తున్న భర్తకు జోహార్లు అంటూ ఇంకొందరు... ఛానెల్‌ వాళ్లు వీళ్లతో ఎలా వేగుతున్నారో అంటూ మరికొందరు... జోకులు పేలుస్తున్నారు. వీడియో ఎలా బయటకు వచ్చిందో స్పష్టత లేకపోయినా ఫేస్‌బుక్‌ లో అది ఇప్పుడు షేర్‌ల మీద షేర్‌లతో తెగ వైరల్‌ అవుతోంది.

సాక్షి వెబ్‌ : కొండకోనల నడుమ అదొక చిన్న గిరిజన గుంపు. అక్కడి ఓ పేద రైతు ఇల్లు ఇప్పుడొక చిన్నపాటి టూరిస్ట్‌ స్పాట్‌గా మారింది. వారు ‘అద్భుతం’గా భావిస్తోన్న వింతను చూసేందుకు చుట్టుపక్కల గ్రామాస్తుల రాక అంతకంతకూ పెరుగుతూ వస్తోంది. అవును. ఆ రెండు కాళ్ల ఆవు దూడను చూస్తే మీరు కూడా వావ్‌ అంటారేమో! థాయిలాండ్‌లోని ఓ కుగ్రామంలో పెరుగుతోన్న రెండు కాళ్ల ఆవు దూడ వార్తను ‘థాయి స్మైల్‌’ అనే ఆన్‌లైన్‌ మీడియా కంపెనీ వెలుగులోకి తెచ్చింది. సాక్షి వెబ్‌. ‘వికలాంగ ఆవు పోరాటస్ఫూర్తి’ పేరుతో సోషల్‌ మీడియాలో పోస్టైన వీడియో ప్రస్తుతం వైరల్‌ అయింది. సర్కస్‌ ఫీట్‌లా కనిపించే వాస్తవ దృశ్యాల్లో.. ఆ రెండు కాళ్ల దూడ నడుస్తున్న తీరు వింతగానూ, స్ఫూర్తిదాయకంగానూ ఉంటే,  దానిని ప్రేమగా పెంచుకుంటోన్న రైతు ఆదర్శవంతుడిలా కనిపిస్తాడు. ఆధునిక దేశాల్లో వికలాంగ జంతువులకు కృత్రిమ అవయవాలు అమర్చడం సహజమే. టెక్సాస్‌(అమెరికా)కు చెందిన ఓ మహిళ.. కాళ్లు కోల్పోయిన తమ బర్రె దూడకు వేల డాలర్లు పోసి, ఆపరేషన్‌ ద్వారా  కృత్రిమ పాదాలు పెట్టించింది.(స్లైడ్‌లో సంబంధిత ఫొటోను చూడొచ్చు) ఇంకా కొన్ని దేశాల్లో వికలాంగ గొర్రెలు, కుక్కలు, పిల్లలులకు యంత్రాలను అమర్చి వాటి జీవితాలు సాఫీగా సాగేందుకు సహాయపడుతున్నారు. థాయ్‌లాండ్‌ రెండు కాళ్ల ఆవు దూడ కూడా నాలుగు కాళ్లపై నడిచేరోజు వస్తుందని, రావాలని ఆశిద్దామా...


 చంటిపిల్లలు ఆడుకున్నంత సేపు బాగానే అనిపిస్తుంది. కానీ వాళ్లు ఏడుస్తుంటే ఎందుకు ఏడుస్తున్నారో.. ఎలా సముదాయించాలో అర్థం కాక తల పట్టుకోవాల్సి వస్తుంది. కానీ అమెరికాలో మాత్రం ఓ తండ్రికి ఇలాంటి ఇబ్బంది ఏమీ లేదు. తన చిన్నారి కూతురు గుక్కపట్టి ఏడుస్తుంటే ఆమెను నిద్రపుచ్చడానికి ఆయన దగ్గర ఓ మంత్రం ఉంది. అదే.. ఓంకారం. ఇలా ఓంకారం జపిస్తూ తన కూతురిని నిద్రపుచ్చిన చిన్న వీడియోను ఆయన ఫేస్‌బుక్‌లో పోస్ట్ చేయగానే ఒక్కసారిగా ఆ వీడియో వైరల్ అయ్యింది. శాండియాగో ప్రాంతానికి చెందిన డేనియల్ ఐసెన్‌మన్ అనే ఆ తండ్రి తన కూతురు ఏడుస్తున్నప్పుడు పక్కనే పడుకుని... ఆమెకు వినపడేలా మంద్రస్వరంతో 'ఓం' అని సుదీర్ఘంగా అన్నారు. ఆయన పూర్తిగా అనడం కూడా అవ్వకముందే ఆ పాప ఎంచక్కా నవ్వుతూ నిద్రపోయింది. ఈ మొత్తం విషయం గురించిన వీడియోను ఆయన ఏప్రిల్ 22న పోస్ట్ చేయగా.. ఇప్పటికి ఏకంగా 3.5 లక్షల వ్యూస్ వచ్చాయి. ఈ ట్రిక్ చూపించడానికి ఐసెన్‌మన్ ఫేస్‌బుక్ లైవ్ వీడియోను ఉపయోగించుకున్నారు. తర్వాత ఆ వీడియోను పోస్ట్ చేశారు.
 
 తన కూతురు డివినా ఏడుస్తుండగా తొలుత మాట్లాడుతూ, తర్వాత మాటలు ఆపేసి తన కూతురివైపు కొన్ని సెకన్లు చూసి.. 'ఓఓఓఓఓఓఓఓఓఓఓఓం' అని అంటారు. వెంటనే ఆ పాప ఏడుపు ఆపేసి అలా నిద్రలోకి జారుకుంటుంది. ఫేస్‌బుక్‌లో ఈ వీడియో చూసినవాళ్లంతా ఒక్కసారిగా దానికి ఫిదా అయిపోయారు. ఈ వీడియోకు 3.6 లక్షల షేర్లతో పాటు 2.4 లక్షల రియాక్షన్లు కూడా వచ్చాయి. ఓంకారంలో ఉన్న వైబ్రేషన్ల శక్తి వల్లే పాప అంత చక్కగా నిద్రపోయిందని చాలామంది కామెంట్ చేశారు. ఇది చూసిన తర్వాత తాము కూడా అలాగే తమ పిల్లలను పడుకోబెడుతున్నామని మరికొందరు అన్నారు. తన మనవడు నిద్రమధ్యలో లేచి ఏడుస్తుంటాడని, వాడిని వెంటనే నిద్రపుచ్చడానికి తాను ఇదే మంత్రం వాడుతున్నానని ఓ యూజర్ కామెంట్ చేశారు.