మౌలిక సదుపాయాలు, సెల్‌ఫోన్‌ సిగ్నల్స్‌ కూడా సరిగా లేని గ్రామంలో ఉన్న వాంగ్‌ దగ్గర టాటూలు వేయించుకోవడానికి అంతర్జాతీయ ఔత్సాహికులు అమితాసక్తి కనబరుస్తున్నారు. అత్యంత వృద్ధ టాటూ ఆర్టిస్ట్‌ దగ్గర టాటూ వేసుకోవాలన్న ఆసక్తికి తోడు, వాంగ్‌ వేసే జామెట్రిక్‌ డిజైన్స్‌ కోసం ఎగబడుతున్నారు. ఎన్నో ఏళ్లనాటి కళను సెంచరీ దాటాక కూడా కాపాడుతూ తరువాతి తరాలకు అందిస్తోన్న వాంగ్‌ను ‘వోగ్‌’ సత్కరించింది. ఈ ఏడాది ఏప్రిల్‌ మ్యాగజైన్‌ కవర్‌ పేజీపై ఆమె రూపాన్ని చిత్రించింది. ఇప్పటిదాక వోగ్‌ కవర్‌పేజీపై వచ్చిన అత్యంత వృద్ధ స్టార్‌గా వాంగ్‌ నిలవడం విశేషం.  ఎంతో ఇష్టమైన పేర్లు, నచ్చిన డిజైన్లను శరీరం మీద పచ్చబొట్టు (టాటూ) వేయించుకోవడం ఇప్పుడు ఫ్యాషన్‌. ఈ అభిరుచి కొత్తగా వచ్చిందేం కాదు. ప్రపంచ వ్యాప్తంగా ఉన్న గిరిజన తెగల సంస్కృతి, సంప్రదాయాల్లో వందల ఏళ్లుగా భాగంగా ఉన్నదే. ఇప్పుడు టాటూలు వేయడానికి వాడుతోన్న సూదులు, టాటూ గన్‌లకు బదులు.. అప్పట్లో పదునైన గులాబీ ముళ్లు, సొరచేప పళ్లతో టాటూలు వేసేవాళ్లు. అప్పటి టాటూ పద్ధతులు చాలా వరకు కనుమరుగయ్యాయి. కానీ వందల ఏళ్లనాటి టాటూ టెక్నిక్‌ను సజీవంగా ఉంచేందుకు కృషిచేస్తోంది అపోవాంగ్‌ ఓడ్‌. 106 ఏళ్ల వయసులో పురాతన టాటూలను వేస్తూ కళను సజీవంగా ఉంచుతోంది వాంగ్‌. అంతేగాక ప్రపంచంలో అత్యంత వృద్ధ టాటూ ఆర్టిస్ట్‌గా నిలిచి అందరినీ ఆశ్చర్యపరుస్తోంది.  ఫిలిప్పీన్స్‌కు చెందిన అపో వాంగ్‌ ఓడ్‌ను మరియా ఒగ్గే అని కూడా పిలుస్తారు. మనీలాకు దగ్గరల్లో ఉన్న కలింగా ప్రావిన్స్‌లోని మారుమూల బుస్కలాన్‌ గ్రామంలో పుట్టి, అక్కడే స్థిరపడింది. టీనేజ్‌లో ఉండగా ‘మాంబా బాటక్‌’ అనే టాటూ కళను నేర్చుకుంది. పదహారేళ్ల వయసులో తండ్రితో కలిసి మాంబా బాటక్‌ వేస్తూ టాటూ ఆర్టిస్ట్‌గా మారింది. అప్పట్లో మాంబా బాటక్‌ వేయగల ఒకే ఒక మహిళా ఆర్టిస్ట్‌ అపోవాంగ్‌. చుట్టుపక్కల గ్రామాలకు సైతం వెళ్లి అక్కడ టాటూలు వేసేది. పురుషుల్లో ధైర్యసాహసాలకు గుర్తుగానూ, యోధులుగా గుర్తింపు పొందిన వారికి, అందాన్ని రెట్టింపు చేసుకోవడానికి మహిళలు ఈ టాటూలు వేయించుకునేవారు. అలా అప్పటి నుంచి ఇప్పటిదాకా ఏళ్ల తరబడి టాటూలు వేస్తూనే ఉంది వాంగ్‌. బొగ్గులో నీళ్లు కలిపి సిరా తయారు చేసి వెదురు పుల్లలు (బ్యాంబూ స్టిక్స్‌), పంపర పనస ముళ్లతో ఈ టాటూలను వేయడం వాంగ్‌ ప్రత్యేకత. చుక్కలతో రకరకాల ఆకర్షణీయమైన డిజైన్లు వేస్తుంది. ప్రస్తుతం ఈ టాటూలు వేయడం వచ్చిన వారు ఎవరూ లేరు. వాంగ్‌ తన తండ్రి దగ్గర నేర్చుకున్న ఈ ఆర్ట్‌ను రక్తసంబంధీకులకు మాత్రమే నేర్పిస్తోంది. వాంగ్‌కు పిల్లలు ఎవరూ లేకపోవడంతో తన మేనకోడలికి మాంబా బాటక్‌లో శిక్షణ ఇస్తోంది.  ‘‘ఈ టాటూలు వేసేవాళ్లంతా చనిపోయారు. నేను ఒక్కదాన్నే ఉన్నాను. అయినా నాకు దిగులు లేదు. తరువాతి తరానికి శిక్షణ ఇస్తున్నాను. వాళ్లు టాటూ మాస్టర్స్‌ అవుతారు’’ అని వాంగ్‌ చెబుతోంది.  

సాక్షి, ముంబై: ఖరీదైన యాపిల్‌ వాచ్‌ కొనుగోలు చేయలేని వారికి  గిజ్‌మోర్‌ తీపి కబురు అందించింది. అచ్చం యాపిల్ ఫ్లాగ్‌షిప్ స్మార్ట్‌వాచ్ ‘అల్ట్రా’ లా కనిపించే స్మార్ట్‌వాచ్‌ను భారతీయ బ్రాండ్ గిజ్‌మోర్‌ తీసుకొచ్చింది. అదీ కూడా కేవలం 1,999 రూపాయలకే. సంస్థ అధికారిక వెబ్‌సైట్‌తోపాటు, ఫ్లిప్‌కార్ట్‌లో మార్చి 2023 నుండి అందుబాటులో ఉంటుంది. బ్లాక్, ఆరెంజ్, వైట్ అనే మూడు కలర్ ఆప్షన్లలో లభిస్తుంది.  (ఇదీ చదవండి: ఎంజీ బుజ్జి ఈవీ: స్మార్ట్ కాంపాక్ట్ కామెట్‌ వచ్చేస్తోంది!150 కి.మీ. రేంజ్‌లో) బడ్జెట్‌ ధరలో గిజ్‌మోర్‌ తీసుకొచ్చిన  కొత్త వాగ్‌ స్మార్ట్‌వాచ్  ఫీచర్లు  ఎలా ఉన్నాయంటే స్మార్ట్‌వాచ్‌కు 10రోజుల బ్యాటరీ లైఫ్‌,  1.95-అంగుళాల HD డిస్‌ప్లే 320X385 పిక్సెల్స్‌, 91% బాడీ-టు-స్క్రీన్ రేషియో, మెరుగైన ఫారమ్ ఫ్యాక్టర్‌తో పెద్ద ఎడ్జ్-టు-ఎడ్జ్ డిస్‌ప్లేను అందిస్తుంది. స్మార్ట్‌వాచ్ షార్ట్‌కట్ మెనూ కోసం స్ప్లిట్-స్క్రీన్  వ్యూ కూడా ఉంది.  పవర్ ఆన్ అండ్‌  ఆఫ్ కోసం 2 ప్రత్యేక బటన్స్‌, ఎపుడూ ఆన్‌లో ఉండే డిస్‌ప్లే స్క్రీన్ 600 నిట్స్ బ్రైట్‌నెస్‌ను కూడా అందిస్తుంది. స్మార్ట్‌వాచ్ GPS ట్రాజెక్టరీ ఫీచర్‌ను  హార్ట్‌ రేట్‌, ఆక్సిజన్‌ లెవల్స్‌,  పీరియడ్‌ ఎలర్ట్‌, స్లీప్‌ సైకిల్‌, meditation, sedentary and dehydration లాంటి రిమైండర్స్‌ కూడా ఇస్తుందట.    యాపిల్‌ స్మార్ట్‌వాచ్ ‘అల్ట్రా’ ప్రారంభ ధర రూ. 89,900. (మళ్లీ ఉద్యోగాల కోత..12 నెలల్లో 1400మందిని తొలగించిన స్టార్టప్‌)

వార్ధక్యంలోని మతిమరుపుపై పీహెచ్‌డీ చేసి, ఔషధ పరిశోధన జరిపిన ప్రియాంక ఇప్పుడు పెద్దవాళ్లందరి ముద్దుల మనవరాలు అయ్యారు. ప్రియాంకా జోషి (29) పుణె అమ్మాయి. బయోకెమిస్ట్‌. సావిత్రిబాయి ఫూలే  యూనివర్సిటీ నుంచి బయో ఇన్‌ఫర్మాటిక్స్‌ అండ్‌ బయో టెక్నాలజీలో మాస్టర్స్‌ చేసింది. ఇంగ్లండ్‌కు వెళ్లి కేంబ్రిడ్జ్‌ యూనివర్సిటీలో పీహెచ్‌డీ చేసింది. వార్ధక్యంతో వచ్చే మతిమరుపునకు విరుగుడు కనిపెట్టడం ఆమె పరిశోధనాంశం.  ఇంగ్లండ్, వేల్స్‌లలో మహిళలు ఎక్కువ మంది డిమెన్షియా కారణంగానే మరణిస్తున్నారు. ఆ పరిస్థితిని గమనించి, చలించిన ప్రియాంక.. మతిమరుపును దూరం చేసే మందుల కోసం సూక్ష్మ అధ్యయనం. అంతటి విస్తృతమైన అంశంలో పరిశోధన చేయడం, అది కూడా అంత చిన్న వయసులోనే పూర్తి చేయడంతో ఆమెకు గుర్తింపు లభించింది. ‘వోగ్‌’ మ్యాగజీన్‌ ఈ ఏడాది పాతికమంది ప్రభావవంతమైన మహిళల జాబితాలో ప్రియాంకను చేర్చింది.  ప్రియాంకే చిన్న వోగ్‌ పత్రిక అమెరికా కేంద్రంగా నూట పాతికేళ్ల కిందట మొదలైంది. వార పత్రికగా ఆవిర్భవించి మాస పత్రికగా కొనసాగుతోంది. 23 అంతర్జాతీయ ఎడిషన్‌లతో నిరంతరాయంగా వస్తోంది. అటువంటి ప్రతిష్టాత్మకమైన ప్రచురణ సంస్థ ‘25 ఇన్‌ఫ్లుయెన్షియల్‌ ఉమెన్‌ ఇన్‌ బ్రిటన్‌ షేపింగ్‌ 2018’ విభాగంలో గుర్తించిన పాతిక మంది మహిళల వరుసలో ప్రియాంకకు స్థానం లభించింది. ఇంతటి గుర్తింపును, గౌరవాన్ని మానవహక్కుల ఉద్యమకారులు, శాస్త్రవేత్తలు, కళాకారులు, రచయితల వంటి వివిధ రంగాల్లో విశిష్టమైన సేవలందించిన మహిళలను ఎంపిక చేస్తుంటుంది వోగ్‌. ఈ ఏడాది జాబితాలో ఇరవై ఏళ్లుగా రచనారంగంలో ఉండి హ్యారీ పోటర్‌ రచనతో ప్రపంచంలో నేటికీ అత్యధిక పారితోషికం అందుకుంటున్న 52 ఏళ్ల జెకె రోలింగ్,  మానవహక్కుల న్యాయవాది 40 ఏళ్ల అమల్‌ క్లూనీ కూడా ఉన్నారు. వీరితోపాటు వేదికను పంచుకుంటున్న మరో మహిళ మేఘన్‌ మార్కల్‌. అవును, బ్రిటిష్‌ యువరాజు హ్యారీని పెళ్లి చేసుకున్న మార్కల్‌ స్త్రీవాద పరిరక్షణ, సమానత్వ సాధన కోసం పని చేస్తున్న యువతి. ఈ పాతికమందిలోనూ ప్రియాంకే అందరికన్నా చిన్నమ్మాయి. ఇదే ప్రథమం కాదు ప్రియాంక వోగ్‌ గౌరవానికి ఎంపిక కావడానికి ముందే అనేక అవార్డులు, రివార్డులు అందుకున్నారు. 2011 నుంచి 14 వరకు మేరీ స్లో్కడోస్కా– క్యూరీ ఫెలోషిప్, 2015లో బెస్ట్‌ పీహెచ్‌డీకి సాల్జే మెడల్,  అల్జీమర్స్‌ డ్రగ్‌ డిస్కవరీ ఫౌండేషన్‌ నుంచి ‘యంగ్‌ ఇన్వెస్టిగేటర్‌ 2013’ అవార్డు గెలుచుకున్నారు. ‘ఇండియన్‌ అకాడమీ ఆఫ్‌ సైన్సెస్‌’ సమ్మర్‌ రీసెర్చ్‌ ఫెలో, ‘బయోకెమికల్‌ సొసైటీ సెంటిఫిక్‌ అవుట్‌రీచ్‌’లు ప్రియాంకకు ఉపకారవేతనంతో సహకారం అందించాయి. ఫోర్బ్స్‌ మ్యాగజీన్‌ కూడా గతంలో శాస్త్రరంగంలో విశిష్టమైన సేవలందిస్తున్న వారి జాబితాలో ప్రియాంకను చేర్చింది. మెదడు పనితీరు, మెదడు కణాలను చైతన్యవంతంగా ఉంచడం కోసం ఆమె శ్రమిస్తున్న వైనం, ఆమె అంకితభావమే ఆమెను ఇన్ని గౌరవాలకు దగ్గర చేశాయి. అభినందనలు వెల్లువలా ప్రవహించడానికి ప్రధాన కారణం... ఆమె ఎంచుకున్న అంశం సమస్త మానవాళికి శ్రేయస్సునిచ్చేది కావడమే. – మంజీర

సూపర్‌ స్టార్‌ మహేశ్‌ బాబు సతీమణి నమ్రత శిరోద్కర్‌పై బాలీవుడ్ హీరోయిన్ మలైకా అరోరా సంచలన వ్యాఖ్యలు చేశారు. తాజాగా నేహ ధూపియా నిర్వహిస్తున్న 'వోగ్ బీఎఫ్ఎఫ్' కార్యక్ర‌మానికి మలైకా హాజ‌రైంది. ఆ సంద‌ర్భంగా నేహా అడిగిన పలు ప్రశ్నలకు మలైకా షాకింగ్‌ సమాధానాలు చెప్పింది. మోడ‌లింగ్‌లో ఎదురైన అనుభ‌వాల గురించి మ‌లైకా ప్రస్తావిస్తూ 'న‌మ్ర‌తా శిరోద్క‌ర్‌, మోహ‌ర్ జెస్సియా మోడ‌లింగ్‌లో నాకు సీనియ‌ర్లు. అప్ప‌టికే వారు టాప్ మోడ‌ల్స్‌గా కొనసాగుతున్నారు. దాంతో కొత్త‌గా వ‌చ్చిన వారితో వారు పొగ‌రుగా ప్ర‌వ‌ర్తిస్తూ సీనియారిటీ చూపించేవారు. అయితే ఇప్పుడు వారిద్ద‌రితో స్నేహం కొన‌సాగిస్తున్నాను' అని తెలిపింది. కాగా, బాలీవుడ్‌లోకి రాక‌ముందు మ‌లైకా మోడలింగ్ రంగంలో రాణించింది. సల్మాన్‌ సోదరుడు అర్బాజ్‌ ఖాన్‌ను మలైకా వివాహం చేసుకున్నారు. కానీ కొన్ని కారణాల వల్ల వీరిద్దరూ విడాకులు తీసుకున్నారు. ప్రస్తుతం మలైకా టీవీ షోలకు వ్యాఖ్యాతగా వ్యవహరిస్తూ, అప్పుడప్పుడూ ప్రత్యేక గీతాల్లో మెరుస్తున్నారు.