సోమవారం మళ్లీ ప్రపంచ నంబర్‌వన్‌ ర్యాంక్‌ను అందుకోనున్న స్పెయిన్‌ టెన్నిస్‌ స్టార్‌ రాఫెల్‌ నాదల్‌కు సిన్సినాటి మాస్టర్స్‌ టోర్నమెంట్‌లో చుక్కెదురైంది. ఆస్ట్రేలియాకు చెందిన నిక్‌ కిరియోస్‌తో శనివారం జరిగిన పురుషుల సింగిల్స్‌ క్వార్టర్‌ ఫైనల్లో నాదల్‌ 2–6, 5–7తో ఓడిపోయాడు. రెండు వారాల వ్యవధిలో రెండు మాస్టర్స్‌ టోర్నీల్లో పాల్గొన్న నాదల్‌ క్వార్టర్‌ ఫైనల్‌ను దాటలేకపోయాడు. గతవారం రోజర్స్‌ కప్‌లో నాదల్‌ కెనడాకు చెందిన 143వ ర్యాంకర్‌ షపోవలోవ్‌ చేతిలో ప్రిక్వార్టర్‌ ఫైనల్లోనే ఓడిపోయాడు.