న్యూఢిల్లీ: ఉత్తరాఖండ్‌లో అసెంబ్లీ ఎన్నికల ముందు అధికార బీజేపీకి గట్టి ఎదురుదెబ్బ తగిలింది. రాష్ట్ర రవాణా శాఖ మంత్రి యశ్‌పాల్‌ ఆర్య, తన కుమారుడు, ఎమ్మెల్యే సంజీవ్‌ ఆర్యతో కలిసి సోమవారం బీజేపీకి రాజీనామా చేసి, ప్రతిపక్ష కాంగ్రెస్‌ పార్టీలో చేరారు. యశ్‌పాల్‌ ఆర్య 2007 నుంచి 2014 దాకా ఉత్తరాఖండ్‌ కాంగ్రెస్‌ అధ్యక్షుడిగా పనిచేశారు. 2017లో అసెంబ్లీ ఎన్నికల సమయంలో కాషాయ కండువా కప్పుకున్నారు. యశ్‌పాల్, సంజీవ్, వారి మద్దతుదారులు ఢిల్లీలో కాంగ్రెస్‌ సీనియర్‌ నేతలు హరీష్‌ రావత్, కె.సి.వేణుగోపాల్, రణదీప్‌ సూర్జేవాలా సమక్షంలో కాంగ్రెస్‌లో చేరారు. అంతకు ముందు వారు రాహుల్‌ గాంధీని ఆయన నివాసంలో కలిశారు. తనకు చాలా సంతోషంగా ఉందని, సొంతింటికి తిరిగి వచ్చానని యశ్‌పాల్‌ వ్యాఖ్యానించారు. ఇది తన ‘ఘర్‌ వాపసీ’ అని చెప్పారు. ఆయన ఇప్పటిదాకా ఆరు సార్లు ఎమ్మెల్యేగా గెలిచారు. గతంలో కాంగ్రెస్‌ ప్రభుత్వ హయాంలో శాసనసభ స్పీకర్‌గా, మంత్రిగా పనిచేశారు. కాంగ్రెస్‌ బలోపేతం అయితే ప్రజాస్వామ్యం బలోపేతం అవుతుందని యశ్‌పాల్‌  ఈ సందర్భంగా చెప్పారు. ఆయన కుమారుడు సంజీవ్‌ ఎమ్మెల్యే పదవికి రాజీనామా చేశారు. మరో బీజేపీ నేత హరీందర్‌ సింగ్‌ లడ్డీ కూడా కాంగ్రెస్‌లో చేరారు. బీజేపీలో చేరిన దేవేందర్‌ రాణా, సూర్జిత్‌సింగ్‌ మరోవైపు, జమ్మూకశ్మీర్‌లోని నేషనల్‌ కాన్ఫరెన్స్‌ పార్టీ కీలక నేతలు దేవేందర్‌ రాణా, సూర్జిత్‌ సింగ్‌ స్లాథియా సోమవారం బీజేపీలో చేరారు. వారు ఆదివారమే నేషనల్‌ కాన్ఫరెన్స్‌కు రాజీనామా సమర్పించారు. వారిద్దరూ ఢిల్లీలో బీజేపీ కేంద్ర కార్యాలయంలో కేంద్ర మంత్రులు ధర్మేంద్ర ప్రధాన్, హర్దీప్‌సింగ్‌ పురి, జితేంద్ర సింగ్‌ల సమక్షంలో కాషాయ కండువా కప్పుకున్నారు. దేవేందర్‌ రాణా గతంలో ఎమ్మెల్యేగా పనిచేశారు. నేషనల్‌ కాన్ఫరెన్స్‌ నేత అగ్రనేత ఒమర్‌ అబ్దుల్లాకు రాజకీయ సలహాదారుగా సేవలందించారు.


 న్యూఢిల్లీ: త్వరలో జరగనున్న ఉత్తరాఖండ్‌ అసెంబ్లీ ఎన్నికలకు ముందు అధికార కాంగ్రెస్ పార్టీకి షాక్‌ తగిలింది. కాంగ్రెస్ పార్టీ సీనియర్ నేత, ఆ రాష్ట్ర మంత్రి యశ్‌పాల్‌ ఆర్య బీజేపీలో చేరారు. సోమవారం ఢిల్లీలో బీజేపీ జాతీయ అధ్యక్షుడు అమిత్‌ షా సమక్షంలో ఆయన పార్టీలో చేరారు.
 
 ఉత్తరాఖండ్ సహా ఐదు రాష్ట్రాల అసెంబ్లీ ఎన్నికలకు కేంద్ర ఎన్నికల సంఘం షెడ్యూల్‌ విడుదల చేసిన సంగతి తెలిసిందే. 70 స్థానాలున్న ఉత్తరాఖండ్‌ అసెంబ్లీ ఒకే విడతలో ఫిబ్రవరి 4న ఎన్నికలు జరగనున్నాయి. ఎన్నికల్లో బీజేపీ విజయం సాధిస్తుందని సర్వేలు చెబుతున్నాయి. ఈ నేపథ్యంలో ఆర్య కాంగ్రెస్ను వీడటం ఆ పార్టీకి ఇబ్బందికరంగా మారింది.