హైదరాబాద్‌, 3 నవంబర్‌ 2024 : పుణెరి పల్టన్‌ పీకెఎల్‌ సీజన్‌ 11లో నాల్గో విజయం సాధించింది. ఆదివారం గచ్చిబౌలిలోని జిఎంసీ బాలయోగి ఇండోర్‌ స్టేడియంలో జరిగిన ప్రొ కబడ్డీ లీగ్‌ 11వ సీజన్‌ లీగ్‌ దశ మ్యాచ్‌లో మాజీ చాంపియన్‌ యు ముంబాపై 35-28తో ఏడు పాయింట్ల తేడాతో ఘన విజయం సాధించింది. కెప్టెన్‌ అస్లాం ఇనందార్‌ (10 పాయింట్లు) సూపర్‌ టెన్‌ షోతో మెరువగా.. మోహిత్‌ గోయత్‌ (9 పాయింట్లు), గౌరవ్‌ ఖత్రి (7 పాయింట్లు) ఆకట్టుకున్నారు. యు ముంబా తరఫున అజిత్‌ చవాన్‌ (9 పాయింట్లు), మంజిత్‌ (6 పాయింట్లు), ఆమిర్‌మొహమ్మద్‌ (4 పాయింట్లు) రాణించినా ఆ జట్టుకు సీజన్లో రెండో ఓటమి తప్పలేదు. ఆరు మ్యాచుల్లో నాలుగు విజయాలతో పుణెరి పల్టన్‌ పాయింట్ల పట్టికలో అగ్రస్థానంలో నిలిచింది.పుణెరి పల్టాన్‌ మెరుపుల్‌యు ముంబా, పుణెరి పల్టన్‌ మ్యాచ్‌ ఆద్యంతం ఆసక్తిగా సాగింది. పుణెరి పల్టాన్‌ తొలి మూడు నిమిషాల్లో 4-0తో దూకుడు చూపించగా.. యు ముంబా నాల్గో నిమిషంలో పాయింట్ల ఖాతా తెరిచింది. యు ముంబా రెయిడర్లు మంజిత్‌, అజిత్‌ చవాన్‌లు రాణించటంతో ఆ జట్టు పుంజుకుంది. 10 నిమిషాల ఆట అనంతరం 8-7తో ఆధిక్యంలో నిలిచింది. చివరి పది నిమిషాల్లో పుణెరి పల్టన్‌ పుంజుకుంది. యు ముంబాను ఆలౌట్‌ చేసింది. అస్లాం ఇనాందార్‌, మోహిత్‌ గోయత్‌లు రెచ్చిపోవటంతో ప్రథమార్థంలో పుణెరి పల్టాన్‌ ఆరు పాయింట్ల భారీ ఆధిక్యం సాధించింది. విరామ సమయానికి పుణెరి పల్టన్‌ 22-16తో యు ముంబాపై పైచేయి సాధించింది. రెయిడింగ్‌లో యు ముంబా 14 పాయంట్లతో మెరిసింది. పుణెరి పల్టన్‌ రెయిడింగ్‌లో 11 పాయింట్లే సాధించింది. డిఫెండర్లు రాణించటంతో పుణెరి పల్టన్‌ పైచేయి సాధించింది.విరామం తర్వాత ఇరు జట్లు హోరాహోరీగా పోటీపడ్డాయి. తొలి పది నిమిషాల్లో పాయింట్ల కోసం ఇరు జట్లు చెమటోడ్చాయి. చెరో ఆరు పాయింట్లు సాధించచటంతో 30 నిమిషాల అనంతరం 28-22తో పుణెరి పల్టన్‌దే పైచేయిగా నిలిచింది. పుణెరి పల్టన్‌ను ఆలౌట్‌ చేసే అవకాశాన్ని సద్వినియోగం చేసుకోని యు ముంబా వెనుకంజలోనే కొనసాగింది. ఆఖరు వరకు జోరు కొనసాగించిన పుణెరి పల్టన్‌ సీజన్లో నాల్గో విజయం సాధించింది

జైపూర్‌: అభిషేక్ సింగ్‌ 11 పాయింట్లతో రాణించడంతో... ప్రొ కబడ్డీ లీగ్‌లో యు ముంబా జట్టు తొమ్మిదో విజయం సాధించింది. ఆదివారం జరిగిన మ్యాచ్‌లో యు ముంబా 31–25తో గుజరాత్‌ ఫార్చూన్‌ జెయింట్స్‌ను  ఓడించింది. రైడింగ్‌లో ఇరు జట్లు చెరో 15 పాయింట్లతో చెలరేగినా... ట్యాక్లింగ్‌లో అదరగొట్టిన యు ముంబా గెలుపును ఖాయం చేసుకుంది. మరో మ్యాచ్‌లో బెంగాల్‌ వారియర్స్‌ 41–40తో జైపూర్‌ పింక్‌ పాంథర్స్‌పై గెలిచింది. నేటి మ్యాచ్‌ల్లో పట్నా పైరేట్స్‌తో హరియాణా స్టీలర్స్‌; దబంగ్‌ ఢిల్లీతో బెంగళూరు బుల్స్‌ తలపడతాయి.  

చెన్నై: ప్రొ వాలీబాల్‌ లీగ్‌లో యు ముంబా వాలీ జట్టు సెమీఫైనల్‌ ప్లే ఆఫ్‌ దశకు అర్హత సాధించింది. చెన్నైలో సోమవారం జరిగిన చివరి లీగ్‌ మ్యాచ్‌లో యు ముంబా 10–15, 15–12, 15–13, 15–12, 15–8తో అహ్మదాబాద్‌ డిఫెండర్స్‌ జట్టుపై గెలిచింది. కాలికట్, కొచ్చి జట్లు గతంలోనే సెమీఫైనల్‌ బెర్త్‌లు ఖాయం చేసుకోగా... చెన్నై, యు ముంబా, బ్లాక్‌ హాక్స్‌ హైదరాబాద్‌ జట్లు నాలుగు పాయింట్లతో సంయుక్తంగా మూడో స్థానంలో నిలిచాయి. అయితే మెరుగైన సెట్‌ల స్కోరు ఆధారంగా చెన్నై (+1), యు ముంబా (–1) ముందంజ వేయగా... బ్లాక్‌ హాక్స్‌ హైదరాబాద్‌ (–3) నిష్క్రమించింది. లీగ్‌లో ఆడిన ఐదు మ్యాచ్‌ల్లోనూ ఓడిపోయిన అహ్మదాబాద్‌ డిఫెండర్స్‌ జట్టు పాయింట్ల ఖాతానే తెరువలేదు. నేడు జరిగే తొలి సెమీఫైనల్లో కాలికట్‌ హీరోస్‌తో యు ముంబా తలపడుతుంది. బుధవారం జరిగే రెండో సెమీఫైనల్లో కొచ్చి బ్లూ స్పైకర్స్‌తో చెన్నై స్పార్టన్స్‌ ఆడుతుంది. గురువారం విశ్రాంతి దినం తర్వాత... శుక్రవారం ఫైనల్‌ పోరు జరుగుతుంది. 

కొచ్చి: తొలిసారి నిర్వహిస్తున్న ప్రొ వాలీబాల్‌ లీగ్‌ (పీవీఎల్‌)లో కొచ్చి బ్లూ స్పైకర్స్‌ ఘనవిజయంతో శుభారంభం చేసింది. శనివారం ఇక్కడి రాజీవ్‌గాంధీ ఇండోర్‌ స్టేడియంలో జరిగిన ఆరంభ మ్యాచ్‌లో కొచ్చి జట్టు 15–11, 15–13, 15–8, 15–10, 5–15తో యూ ముంబా వాలీ జట్టుపై జయభేరి మోగించింది. మ్యాచ్‌ మొదలైన కాసేపటికే సొంతగడ్డపై కొచ్చి జోరు కూడా మొదలైంది. చూస్తుండగానే వరుస సెట్లతో మ్యాచ్‌ను గెలిచింది. 5–0తో వైట్‌వాష్‌ చేస్తుందనిపించింది. కానీ చివరి సెట్‌ చేజారడంతో 4–1 సెట్లతో గెలిచింది. దీంతో ‘వైట్‌వాష్‌’తో లభించే బోనస్‌ పాయింట్లను కోల్పోయింది. కొచ్చి జట్టులో మను జోసెఫ్‌ (15 పాయింట్లు) చెలరేగాడు. 14 స్పైక్‌ పాయింట్లతో పాటు ఒక బ్లాక్‌ పాయింట్‌ తెచ్చిపెట్టాడు. మిగతావారిలో డేవిడ్‌ లీ (10), రోహిత్‌ (8), ప్రభాకరన్‌ (8), అండ్రెజ్‌ పాటుక్‌ (7) రాణించారు. యూ ముంబా వాలీ జట్టులో నికోలస్‌ డెల్‌ బియాంతో 9 స్పైక్, ఒక బ్లాక్‌ పాయింట్‌తో మొత్తం 10 పాయింట్లు సాధించగా, సహచరుల్లో శుభమ్‌ చౌదరి, ప్రిన్స్‌ చెరో 7 పాయింట్లు చేశారు. అంతకుముందు హడావుడిగా జరిగిన ప్రారంభోత్సవ కార్యక్రమంలో ఆరు జట్ల కెప్టెన్లతో పాటు భారత బ్యాడ్మింటన్‌ స్టార్‌ పీవీ సింధు మైదానంలో మెరిసింది. నేడు (ఆదివారం) ఇక్కడే జరిగే లీగ్‌ మ్యాచ్‌లో కాలికట్‌ హీరోస్‌తో చెన్నై స్పార్టన్స్‌ తలపడుతుంది.    

గ్రేటర్‌ నోయిడా: ప్రొ కబడ్డీ లీగ్‌లో యు ముంబా జట్టు ఆరో విజయం సొంతం చేసుకుంది. శనివారం జరిగిన మ్యాచ్‌లో యు ముంబా 31–22తో పుణేరీ పల్టన్‌పై గెలుపొందింది. యు మంబా తరఫున అభిషేక్‌ సింగ్‌ 7 రైడ్‌ పాయింట్లు, ట్యాక్లింగ్‌లో సురేందర్‌ సింగ్‌ (4 పాయింట్లు) ఆకట్టుకున్నారు. పుణేరీ తరఫున అక్షయ్‌ జాధవ్‌ 5 పాయింట్లు సాధించాడు. మరో మ్యాచ్‌లో బెంగళూరు బుల్స్‌ 35–29తో యూపీ యోధాపై గెలిచింది. 


 - వరుసగా నాలుగో విజయం     
 - ప్రొ కబడ్డీ లీగ్-2
 ముంబై: సొంతగడ్డపై యు ముంబా తమ ఆధిపత్యాన్ని కొనసాగిస్తూ అజేయంగా నిలిచింది. ప్రొ కబడ్డీ లీగ్-2లో భాగంగా మంగళవారం జరిగిన మ్యాచ్‌లో 2 సాధించింది. ఈ లీగ్‌లో యు ముంబా జట్టుకిది వరుసగా నాలుగో విజయం కావడం విశేషం. ఈ గెలుపుతో ముంబా 20 పాయింట్లతో అగ్రస్థానంలో కొనసాగుతోంది. మ్యాచ్ ఆరంభం నుంచి ముంబా ఆటగాళ్ల జోరు కొనసాగింది. మొదట్లోనే 9-6తో ఆధిక్యంలోకి వెళ్లిన ముంబా జట్టుకి ఒకదశలో ప్రత్యర్థి నుంచి గట్టిపోటీ ఎదురైంది. విరామ సమయం ముగిశాక రెండు జట్ల స్కోరు 10-10తో సమమైంది.
 
 ఆ తర్వాత ప్రతి పాయింట్ కోసం రెండు జట్ల ఆటగాళ్లు పోరాడటంతో మరోసారి స్కోరు 18-18 వద్ద సమమైంది. ఈ దశలో ముంబా స్టార్ ప్లేయర్ అనూప్ కుమార్‌తోపాటు షబీర్ బాపు, రిషాంక్ రాణించడంతో ఆ జట్టు నాలుగు పాయింట్లు స్కోరు చేసి 22-18తో ఆధిక్యంలోకి వెళ్లింది. ఆ తర్వాత ముంబా ఈ ఆధిక్యాన్ని పెంచుకుంటూ పోయి విజయాన్ని ఖాయం చేసుకుంది. బుధవారం నుంచి కోల్‌కతా దశ పోటీలు మొదలవుతాయి. భారత క్రికెట్ జట్టు మాజీ కెప్టెన్ సౌరవ్ గంగూలీ ప్రారంభోత్సవంలో జాతీయ గీతం ఆలపిస్తాడు.
  
  ప్రొ కబడ్డీ లీగ్‌లో నేడు
  బెంగాల్ వారియర్స్ x జైపూర్ పింక్ పాంథర్స్
  రాత్రి గం. 8.00 నుంచి
  బెంగళూరు బుల్స్ x పాట్నా పైరేట్స్
  రాత్రి గం. 9.00 నుంచి
  స్టార్ స్పోర్ట్స్-2లో ప్రత్యక్ష ప్రసారం