29లోగా రఘురామను అరెస్టు చేయాల్సిందే

సాక్షి, అమరావతి: అంబేడ్కర్‌ ఫ్లెక్సీని చించి దళితులను అవమానించడంతోపాటు ఎస్సీలను దూషించిన ఉండి ఎమ్మెల్యే రఘురామ కృష్ణరాజుపై కేసు నమోదు చేసి ఈ నెల 29లోగా అరెస్ట్‌ చేయాలని మాల సంఘాల జేఏసీ, ద­ళిత సంఘా­ల నేతలు డిమాండ్‌ చేశా­రు. ఆయనను అరెస్ట్‌ చేయకపోతే ఈ నెల 30న రాష్ట్ర సచివాలయాన్ని ముట్టడిస్తామని హెచ్చరిం­చారు.

రఘురామకృష్ణరాజుపై చట్టపరమైన చర్యలు తీసుకోవాలని డిమాండ్‌ చేస్తూ విజయవాడలోని అంబేడ్కర్‌ సామాజిక న్యా­య మహాశిల్పం వద్ద మాల సంఘాల జేఏసీ, దళిత సంఘాల నేతలు గురువారం నిరసన వ్యక్తం చేశారు. మాల మహానాడు రాష్ట్ర జాతీయ అధ్యక్షుడు చీకటిమిల్లి మంగరాజు, రాష్ట్ర మాల మహానాడు వ్యవస్థాపక అధ్యక్షుడు నల్లి రాజే‹Ù తదితరులు పాల్గొన్నారు.

ఇదీ చదవండి: పత్రికా స్వేచ్ఛపై ‘రెడ్‌బుక్‌’ పడగ