12 నుంచి 18 వరకు సంక్రాంతి సెలవులు

సాక్షి, అమరావతి: రాష్ట్రంలోని పాఠశాలలకు ఈనెల 12వ తేదీ నుంచి సంక్రాంతి సెలవులు ప్రారంభం కానున్నాయి. ఈనెల 18 వరకు మొత్తం 7 రో­జుల పాటు సెలవులుంటాయి. ముందు సంక్రాంతి సెల­వు­లను 11 నుంచి 16 వరకు ఇచ్చేలా అ­కడ­మిక్‌ క్యాలెండర్‌ను ప్రకటించారు. 17న స్కూళ్లు తిరిగి ప్రారంభించేలా సెలవులు నిర్ణయించారు.  

అయితే 16న కనుమ ఉండడం, అదే రోజు ఊర్ల నుంచి బయలుదేరి మరునాడే స్కూ­ళ్లకు రావడం అంటే ఇబ్బంది అవు­తుందని పలు సంఘాలు, ఉపాధ్యా­యులు అభి­ప్రా­యం వ్యక్తం చేశారు.  సెలవులను 18వ తేదీవరకు పొడిగిం­చాలని కోరారు. ఆ మేరకు పాఠశాలల పనిది­నాలకు ఇబ్బంది కలుగ­కుండా కొత్త­గా సెలవుల షెడ్యూల్‌ను విద్యా శాఖ ప్రకటించింది. ఈ 7 రోజుల సెలవు దినాల్లో ఒక రోజు కాంపన్సేటరీ సెలవు అని విద్యాశాఖ పేర్కొంది.