Weekly Horoscope Telugu: ఈ రాశివారికి ఈ వారంలో చిరకాల కోరిక నెరవేరుతుంది

మేషం: పనులు సమయానికి పూర్తి చేస్తారు. కొన్ని వివాదాలు తీరి ఊరట చెందుతారు. ఆత్మీయుల నుంచి ఆహ్వానాలు అందుకుంటారు. భూ, గృహయోగాలు కలుగుతాయి. గతంలో చేజారిన వస్తువులు తిరిగి పొందుతారు. గత సంఘటనలను నెమరువేసుకుంటారు. ప్రముఖులతో పరిచయాలు. పుణ్యక్షేత్రాలు సందర్శిస్తారు. వ్యాపారాలు ఉత్సాహవంతంగా కొనసాగుతాయి. ఉద్యోగులకు అనుకోని హోదాలు, ప్రశంశలు దక్కవచ్చు. పారిశ్రామికవర్గాలకు సన్మానాలు. వారం మధ్యలో లేనిపోని ఖర్చులు. కుటుంబబాధ్యతలు పెరుగుతాయి. లేత ఎరుపు, చాక్లెట్‌రంగులు,హనుమాన్‌ ఛాలీసా పఠించండి.

వృషభం: ఉత్సాహంగా కార్యక్రమాలు పూర్తి చేస్తారు. సంఘంలో ఆదరణ పెరుగుతుంది. భూవివాదాలు పరిష్కారం. చిన్ననాటి మిత్రుల నుంచి కీలక సమాచారం. ఇంటాబయటా అనుకూల పరిస్థితి. కాంట్రాక్టులు పొందుతారు. వివాహ, ఉద్యోగయత్నాలు కలసివస్తాయి. వ్యాపారాలు సజావుగా సాగుతాయి. ఉద్యోగులకు పదోన్నతులు. కళాకారులకు చికాకులు తొలగుతాయి. వారం ప్రారంభంలో వ్యయప్రయాసలు. మానసిక ఆందోళన. పసుపు, నేరేడు రంగులు, ఆదిత్య హృదయం పఠించండి.

మిథునం: యత్నకార్యసిద్ధి. చిన్ననాటి మిత్రుల నుంచి శుభవార్తలు. ఆదాయం పెరుగుతుంది. రుణదాతల ఒత్తిడులు తొలగుతాయి. భూములు, వాహనాలు కొనుగోలు చేస్తారు. తీర్థయాత్రలు చేస్తారు. స్వల్ప అనారోగ్యం. విద్యార్థుల యత్నాలు ఫలించే సమయం. కీలక నిర్ణయాలు తీసుకుంటారు. గృహం కొనుగోలు లేదా నిర్మాణ ప్రయత్నాలు ముమ్మరం చేస్తారు. సమాజసేవలో పాల్గొంటారు. వ్యాపారాలు లాభసాటిగా ఉంటాయి. ఉద్యోగులకు పదోన్నతులు దక్కుతాయి. కళాకారులకు గౌరవ పురస్కారాలు రావచ్చు.వారం ప్రారంభంలో దూరప్రయాణాలు. కుటుంబసమస్యలు.  తెలుపు, చాక్లెట్‌రంగులు, లక్ష్మీస్తుతి మంచిది.

కర్కాటకం: దూరప్రాంతాల నుంచి ముఖ్య సమాచారం అందుతుంది. కార్యక్రమాలు సాఫీగా సాగుతాయి. విద్యార్థులు పోటీపరీక్షలలో విజయం సాధిస్తారు. పూర్వపు మిత్రులను కలుసుకుంటారు. శ్రమ ఫలిస్తుంది. గృహ నిర్మాణయత్నాలు ముమ్మరం చేస్తారు. ధార్మిక కార్యక్రమాలలో పాల్గొంటారు. వ్యాపారాలు పుంజుకుంటాయి. ఉద్యోగులకు ఇంక్రిమెంట్లు రాగలవు. కళాకారులకు మంచి గుర్తింపు రాగలదు. వారం మధ్యలో ఆకస్మిక ప్రయాణాలు. ఒప్పందాలు వాయిదా లేత ఎరుపు, ఆకుపచ్చ రంగులు,  గణేశాష్టకం పఠించండి.

సింహం: ఆర్థిక పరిస్థితి నిరుత్సాహపరుస్తుంది. వ్యయప్రయాసలు. మిత్రులు, కుటుంబసభ్యులతో వివాదాలు నెలకొనే అవకాశం. కొన్ని పనులు మందకొడిగా సాగుతాయి. ఆరోగ్య సమస్యలు చికాకు పరుస్తాయి. ఆధ్యాత్మిక కార్యక్రమాలలో పాల్గొంటారు. ఎంత కష్టించినా ఫలితం నామమాత్రంగా ఉంటుంది.  వ్యాపారాలు నత్తనడకన సాగుతాయి. ఉద్యోగులకు పనిభారం. రాజకీయవర్గాలకు పర్యటనలు వాయిదా. వారం మధ్యలో శుభవార్తా శ్రవణం. ధన, వస్తులాభాలు. ఆకుపచ్చ, లేత నీలం రంగులు, దుర్గాదేవి స్తోత్రాలు పఠించండి.

కన్య: ఆర్థిక వ్యవహారాలు ఆశాజనకంగా ఉంటాయి. దీర్ఘకాలిక సమస్యలు కొన్ని పరిష్కారమవుతాయి. చేపట్టిన కార్యక్రమాలు సాఫీగా సాగుతాయి. చిన్ననాటి మిత్రులతో ఉత్సాహంగా గడుపుతారు. వాహనయోగం. విద్యార్థులు, నిరుద్యోగులకు శుభవార్తలు. తీర్థయాత్రలు చేస్తారు. కొన్ని నిర్ణయాలు మార్చుకుంటారు.  వ్యాపారాలు సజావుగా సాగుతాయి. ఉద్యోగులకు ఒత్తిడులు తొలగుతాయి. రాజకీయవర్గాలకు కొత్త పదవులు దక్కుతాయి. వారం చివరిలో బంధువుల నుండి ఒత్తిడులు. మానసిక అశాంతి. ఆకుపచ్చ, నేరేడు రంగులు, శివపంచాక్షరి పఠించండి.

తుల: ముఖ్యమైన కొన్ని పనులు అనుకున్నరీతిలో పూర్తి కాగలవు. ఆలోచనలు కలసివస్తాయి. నూతన ఉద్యోగప్రాప్తి. కొత్త విషయాలు తెలుసుకుంటారు. విద్యార్థుల ప్రతిభాపాటవాలు వెలుగులోకి వస్తాయి. వాహనయోగం. తీర్థయాత్రలు చేస్తారు. భాగస్వామ్య వ్యాపారాలు సాఫీగా సాగుతాయి. ఉద్యోగులకు అనుకూల మార్పులు. కళాకారులకు ప్రోత్సాహకరంగా ఉంటుంది. వారం ప్రారంభంలో స్నేహితులతో మాటపట్టింపులు. అనారోగ్యం.  ఎరుపు, లేత పసుపు రంగులు, దేవీస్తుతి మంచిది.

వృశ్చికం: ఆర్థిక పరిస్థితి ఉత్సాహాన్నిస్తుంది. కొత్త విషయాలు తెలుసుకుంటారు. పలుకుబడి పెరుగుతుంది. వస్తు, వస్త్రలాభాలు. చిన్ననాటి మిత్రులను కలుసుకుంటారు. నిరుద్యోగులకు ఉద్యోగయోగం. ఇంటాబయటా అనుకూల పరిస్థితి. సన్నిహితుల సలహాలతో కొన్ని నిర్ణయాలు  తీసుకుంటారు. వ్యాపారాలు విస్తరిస్తారు. లాభాలు అందుతాయి. ఉద్యోగులకు ఉన్నత హోదాలకు అవకాశాలు. రాజకీయవర్గాలకు మంచి గుర్తింపు రాగలదు. వారం చివరిలో వ్యయప్రయాసలు. ఆరోగ్యం మందగిస్తుంది.  నీలం, చాక్లెట్‌ రంగులు, హయగ్రీవస్తోత్రాలు పఠించండి.

ధనుస్సు: అనుకున్న కార్యక్రమాలు కొంత నెమ్మదిగా పూర్తి కాగలవు. ఆర్థిక పరిస్థితి గతం కంటే కాస్త మెరుగ్గా ఉండవచ్చు. మీపై వ్యతిరేకత చూపిన వారే తిరిగి ఆదరిస్తారు. నిరుద్యోగులకు శుభవార్తలు రావచ్చు. దూరపు బం«ధువులతో ఉత్తరప్రత్యుత్తరాలు సాగిస్తారు. స్థిరాస్తి వివాదాల నుంచి బయటపడతారు. పుణ్యక్షేత్రాలు సందర్శిస్తారు. వ్యాపారాలలో కొద్దిపాటి లాభాలు. ఉద్యోగస్తులకు అదనపు బాధ్యతలు. పారిశ్రామికవర్గాలకు ఒత్తిడులు తొలగుతాయి. వారం చివరిలో ఆరోగ్య సమస్యలు. ఆప్తులతో మాటపట్టింపులు. గులాబీ, తెలుపు రంగులు, విష్ణుసహస్రనామ పారాయణ చేయండి.

మకరం: పనుల్లో కొంత జాప్యం జరిగినా చివరికి పూర్తి కాగలవు. ఆర్థిక పరిస్థితి మెరుగ్గా ఉంటుంది. సన్నిహితులు, మిత్రులతో వివాదాలు సర్దుబాటు కాగలవు. పుణ్యక్షేత్రాలు సందర్శిస్తారు. పలుకుబడి కలిగిన వారితో పరిచయాలు. ఇంటిలో శుభకార్యాలపై చర్చిస్తారు. ఇంటి నిర్మాణంపై ప్రణాళిక రూపొందిస్తారు. వాహనయోగం.  వ్యాపారాలు ఉత్సాహంగా సాగుతాయి. ఉద్యోగులకు విధి నిర్వహణలో పురోగతి. రాజకీయవర్గాలకు ఊహించని పిలుపు రావచ్చు. వారం ప్రారంభంలో ధనవ్యయం. మానసిక ఆందోళన. గులాబీ, చాక్లెట్‌ రంగులు, ఆదిత్య హృదయం పఠించండి.

కుంభం: పనులు నిదానంగా పూర్తి చేస్తారు. పరిచయాలు పెరుగుతాయి. ఇంటాబయటా అనుకూల పరిస్థితి. భూవివాదాలు పరిష్కారమవుతాయి. ఆలయాలు సందర్శిస్తారు. కొన్ని ముఖ్య నిర్ణయాలు తీసుకుంటారు.  విద్యార్థుల ప్రతిభ వెలుగులోకి వస్తుంది. వ్యాపారాలలో ఒడిదుడుకులను అధిగమిస్తారు. పెట్టుబడులు సమకూర్చుకుంటారు. ఉద్యోగులకు కొత్త ఆశలు చిగురిస్తాయి. కళాకారుల యత్నాలలో అనుకూలస్థితి. వారం ప్రారంభంలో వృథా ఖర్చులు. దూరప్రయాణాలు. ఎరుపు, పసుపు రంగులు, ఆంజనేయదండకం పఠించండి.

మీనం: కొత్త పనులకు శ్రీకారం చుడతారు. ఆర్థిక పరిస్థితి గతం కంటే మెరుగ్గా ఉంటుంది. సన్నిహితులతో వివాదాలు తీరతాయి. ఆస్తి వ్యవహారాలలో చిక్కులు తొలగుతాయి. శుభకార్యాలలో పాల్గొంటారు. నిరుద్యోగులకు కొత్త ఆశలు చిగురిస్తాయి. పుణ్యక్షేత్రాలు సందర్శిస్తారు. వ్యాపార విస్తరణ యత్నాలు కలసివస్తాయి. ఉద్యోగులకు కొంత పనిభారం తప్పదు. కళాకారులకు నిరుత్సాహం. వారం మధ్యలో ఆకస్మిక ప్రయాణాలు. ఆరోగ్యం కొంత సహకరించదు.  ఆకుపచ్చ, తెలుపురంగులు. దుర్గాదేవి స్తోత్రాలు పఠించండి.