కిలోమీటర్‌కు కేవలం 14 పైసల ఖర్చు..! తక్కువ ధరలో మరో ఎలక్ట్రిక్‌ బైక్‌..!

భారత్‌లో ఎలక్ట్రిక్‌ వాహనాలపై భారీ ఆదరణను నోచుకుంటున్నాయి. చిన్న చిన్న కంపెనీలు, స్టార్టప్స్‌ ఎలక్ట్రిక్‌ వాహనాల తయారీలో ముందంజలో నిలుస్తున్నాయి. తాజాగా మరో స్వదేశీ ఈవీ మేకర్ క్రేయాన్ మోటార్స్ సరికొత్త స్నో+ ఎలక్ట్రిక్‌ స్కూటర్‌ను లాంచ్‌ చేసింది. 

కేవలం 14 పైసల ఖర్చుతో...
క్రేయాన్‌ స్నో+ ఎలక్ట్రిక్‌ స్కూటర్‌ తక్కువ స్పీడ్‌తో నడుస్తోందని కంపెనీ ఒక ప్రకటనలో వెల్లడించింది. ఈ ఎలక్ట్రిక్ స్కూటర్‌ కేవలం 14 పైసల ఖర్చుతో ఒక కిలోమీటర్‌ మేర ప్రయాణం చేస్తుంది. ఈ స్కూటర్‌ ఒక్కసారి ఛార్జ్‌ చేస్తే దాదాపు 70 కిలోమీటర్ల వరకు ప్రయాణించనుంది. రాబోయే రోజుల్లో 70, 130 కిలోమీటర్ల రేంజ్‌ను ఇచ్చే ఎలక్ట్రిక్‌ స్కూటర్లను క్రేయాన్‌ లాంచ్‌ చేయనుంది. 

ఫీచర్స్‌లో సూపర్‌..!
క్రేయాన్ స్నో+ LED హెడ్‌ల్యాంప్‌తో క్లాసిక్ డిజైన్‌ను కలిగి ఉంది. ముందు భాగంలో టర్న్ ఇండికేటర్‌లను ఏకీకృతం చేస్తూ, దిగువన స్కూటర్ అంచున క్రోమ్ గార్నిష్‌తో రానుంది. ఎలక్ట్రిక్ స్కూటర్ స్నో+ డిజిటల్ స్పీడోమీటర్, సెంట్రల్ లాకింగ్, మొబైల్ కోసం USB ఛార్జింగ్, యాంటీ-థెఫ్ట్, నావిగేషన్ సౌకర్యం, అదనపు బూట్‌ స్పేస్‌ వంటి అనేక అదనపు ఫీచర్లను కల్గి ఉంది. ఇది 150 కిలోల లోడింగ్ కెపాసిటీ సామర్థ్యాన్ని మోయగలదు. ఈ స్కూటర్‌లో 250-వాట్ BLDC మోటార్  48/60V VRLA/Li-ion బ్యాటరీతో రానుంది. ఇది గరిష్టంగా 25kmph వేగాన్ని కలిగి ఉంది. ఈ స్కూటర్‌ కోసం  డ్రైవింగ్ లైసెన్స్, రిజిస్ట్రేషన్ మొదలైనవి అవసరం లేదు.

ధర ఎంతంటే..?
క్రేయాన్‌ మోటార్స్‌ లాంచ్‌ చేసిన స్నో+ఎలక్ట్రిక్‌ స్కూటర్‌ ధర రూ. 64,000(ఎక్స్‌షోరూమ్‌ ధర)గా ఉంది. స్నో+ఫైరీ రెడ్, సన్‌షైన్ ఎల్లో, క్లాసిక్ గ్రే, సూపర్ వైట్‌ కలర్‌ వేరియంట్స్‌లో రానుంది.  2-సంవత్సరాల వారంటీని కంపెనీ అందిస్తోంది.  క్రేయాన్ స్నో+ తక్కువ-స్పీడ్ ఎలక్ట్రిక్ స్కూటర్ ఢిల్లీ, ఉత్తరప్రదేశ్, ఉత్తరాఖండ్, రాజస్థాన్, గుజరాత్, బీహార్, ఇతర రాష్ట్రాల్లోని 100 రిటైల్ ప్రదేశాలలో అందుబాటులో ఉంది.

చదవండి: సూపర్ ఫీచర్స్, రేంజ్తో మరో ఎలక్ట్రిక్ బైక్ లాంచ్..! ధర ఎంతంటే...?