మళ్లీ భారీగా తగ్గిన ధరలు.. రూ.70 వేల దిగువకు బంగారం

Gold Price Today: వరుస తగ్గింపులతో బంగారం.. కొనుగోలుదారులకు పండగలా మారింది. నాలుగు రోజులుగా క్రమంగా తగ్గుతున్న పసిడి ధరలు నేడు (నవంబర్‌ 14) మరింత భారీగా తగ్గి తులం (10 గ్రాములు) రూ.70 వేల దిగువకు వచ్చేసింది. గడిచిన ఆరు రోజుల్లో బంగారం తులానికి రూ.3800 పైగా తగ్గడంతో పసిడిప్రియుల ఆనందానికి అవధులు లేకుండా పోతున్నాయి.

దేశంలోని వివిధ ప్రాంతాలలో పసిడి ధరలు ఏ స్థాయిలో తగ్గాయో పరిశీలిస్తే.. తెలుగు రాష్ట్రాలోని హైదరాబాద్‌, విశాఖపట్నం, విజయవాడ సహా  వివిధ ప్రాంతాల్లో ఈరోజు 22 క్యారెట్ల బంగారం తులం ధర అమాంతం రూ.1100 తగ్గి రూ.69,350 లకు వచ్చేసింది. అలాగే 24 క్యారెట్ల బంగారం  కూడా ఏకంగా రూ.1200 క్షీణించి రూ. 75,650 వద్దకు దిగివచ్చింది.

ఇదీ చదవండి: పాన్‌ కార్డ్‌ కొత్త రూల్‌.. డిసెంబర్‌ 31లోపు తప్పనిసరి!

బెంగళూరు, చెన్నై, ముంబై  ప్రాంతాలలోనూ తెలుగు రాష్ట్రాల స్థాయిలోనే బంగారం ధరలు క్షీణించాయి. ఇక దేశ రాజధాని ఢిల్లీలో 22 క్యారెట్ల బంగారం రూ.1100 తగ్గి రూ.69,500 వద్దకు, 24 క్యారెట్ల పసిడి రూ.1200 తగ్గి రూ.75,800 వద్దకు క్షణించింది.

రూ.లక్ష దిగువకు వెండి
Silver Price Today: దేశవ్యాప్తంగా నేడు వెండి ధరలు కూడా భారీ స్థాయిలో క్షీణించాయి. హైదరాబాద్‌లో కేజీ వెండిపై ఏకంగా రూ.2000 తగ్గి రూ.లక్ష దిగువకు వచ్చేసింది. దీంతో ప్రస్తుతం ఇక్కడ కేజీ వెండి ధర రూ.99,000 వద్దకు వచ్చి చేరింది.

(Disclaimer: పైన పేర్కొన్న బంగారం, వెండి ధరలు సూచనపూర్వకమైనవి మాత్రమే. వీటిపై జీఎస్టీ, టీసీఎస్‌, ఇతర పన్నులు, సుంకాలు అదనంగా ఉండవచ్చు. ఖచ్చితమైన ధరల కోసం మీ స్థానిక నగల దుకాణంలో సంప్రదించండి)