అత్తమామలపై కోడలు పైశాచికం

యశవంతపుర:  బెంగళూరులోని ఓ వైద్యురా­లు తన ఇద్దరు పిల్లలతో కలిసి వృద్ధులైన అత్తమామలపై విచక్షణారహితంగా దాడిచేసింది. ఇందుకు సంబంధించిన వీడియో ఇప్పుడు సా­మాజిక మాధ్యమాల్లో వైరల్‌గా మారింది.  బెంగ­ళూరు విక్టోరియా ఆస్పత్రిలో వైద్యురాలిగా పనిచేస్తున్న డాక్టర్‌ ప్రియదర్శిని, తన ఇద్దరు పిల్లలతో కలిసి ఈనెల 10వ తేదీ రాత్రి తన అత్తమామలపై పైశాచికంగా దాడిచేశారు. 

ఈ వీ­డియో చూసి నెటిజన్లు భగ్గుమన్నారు.. దాడిచేసిన వారిని కఠినంగా శిక్షించాలంటూ ‘ఎక్స్‌’­లో డిమాండ్‌ చేస్తూ ఈ పోస్టును బెంగళూరు నగర పోలీసు కమిషనర్‌కు ట్యాగ్‌ చేశారు. బా­ధి­త వృద్ధుడు జె.నరసింహయ్య ఇచ్చిన ఫిర్యా­దు మేరకు పోలీసులు ప్రియదర్శినిపై కేసు నమోదు చేశారు. తన కొడుకు నవీన్‌కుమార్, కోడలు ప్రియదర్శిని విడాకులు తీసుకోడానికి 2007లో ఫ్యామిలీ కోర్టులో కేసు వేశారని.. కే­సు చివరి దశకు చేరుకున్న సమయంలో ఆమె ఈ దాడికి పాల్పడినట్లు  ఫిర్యాదులో వివరించారు.