రోడ్డు ప్రమాదాలను నియంత్రించండి

రోడ్డు ప్రమాదాలను నియంత్రించండి

లక్ష్మీపురం(గుంటూరు వెస్ట్‌): రోడ్డు ప్రమాదాల నియంత్రణకు కృషి చేయాలని కలెక్టర్‌ ఎస్‌.నాగలక్ష్మి అధికారులను ఆదేశించారు. గురువారం కలెక్టరేట్‌లోని వీడియో కాన్ఫరెన్స్‌ సమావేశ మందిరంలో కలెక్టర్‌ నాగలక్ష్మి, ఎస్పీ సతీష్‌ కుమార్‌ జిల్లా స్థాయి రహదారి భద్రత కమిటీ సమావేశం నిర్వహించారు. కలెక్టర్‌ మాట్లాడుతూ రహదారులపై తరచూ ప్రమాదాలు జరిగే బ్లాక్‌ స్పాట్లను గుర్తించి 15 రోజుల్లో నివేదిక అందించాలని ఆదేశించారు. రోడ్ల మరమ్మతులు, ప్రమాదాల నియంత్రణకు చర్యలు తక్షణం ప్రారంభం కావాలని చెప్పారు. వాహనదారులకు అవగాహన కల్పించాలని సూచించారు. గుంతల రహిత జిల్లా కోసం కృషి చేయాలని వివరించారు. గుంటూరు నగరపాలక సంస్థ పరిధిలో ట్రాఫిక్‌ క్రమబద్ధీకరణకు చర్యలు చేపట్టాలన్నారు. ఎస్పీ సతీష్‌ కుమార్‌ మాట్లాడుతూ రోడ్డు ప్రమాదాల నివారణకు చర్యలు చేపడుతున్నట్టు వివరించారు. ద్విచక్ర వాహనదారులు హెల్మెట్‌ లేకుండా వాహనాలు నడిపితే మార్చి 1 నుంచి రూ.1,000 జరిమానా విధిస్తామని చెప్పారు. సమావేశంలో ఆర్‌ అండ్‌ బీ ఎస్‌ఈ శ్రీనివాసమూర్తి, జిల్లా ఉప రవాణా కమిషనర్‌ సీతారామిరెడ్డి, జాతీయ రహదారుల పీడీ పార్వతీశం, పంచాయతీరాజ్‌ ఎస్‌ఈ బ్రహ్మయ్య, డీఎంహెచ్‌ఓ విజయ లక్ష్మి, నగర కమిషనర్‌ పులి శ్రీనివాసులు ప్రొహిబిషన్‌ అండ్‌ ఎకై ్సజ్‌ సూపరిండెంట్‌ అరుణ కుమారి పాల్గొన్నారు.

బ్లాక్‌ స్పాట్లను గుర్తించండి జిల్లా అధికారులకు కలెక్టర్‌ నాగలక్ష్మి ఆదేశం