పునరావాసం కల్పించి ఇళ్లను కూల్చండి

పునరావాసం కల్పించి ఇళ్లను కూల్చండి

గుంటూరు రూరల్‌: ఇన్నర్‌ రింగ్‌రోడ్డు ఫేజ్‌ 3 నిర్మాణానికి ప్రభుత్వం శ్రీకారం చుట్టింది. ఈ క్రమంలో 41వ డివిజన్‌ స్వర్ణభారతినగర్‌లో సుమారు 200 ఇళ్లను అధికారులు ఎటువంటి సమాచారం లేకుండా తొలగిస్తున్నారు. దీంతో ఇళ్లు కోల్పోతున్న బాధితులు ఆవేదన వ్యక్తం చేస్తున్నారు. 40 ఏళ్ళ నుంచి ఇక్కడ ఇళ్లు కట్టుకుని ఉంటున్నామని, కూలీనాలీ చేసుకుని బతుకుతున్నామని పేర్కొంటున్నారు. అధికారులు ఉన్నపళంగా ఇళ్లను కూలిస్తే ఏం చేయాలని కన్నీరుమున్నీరవుతున్నారు. తమకు పూర్తి పునరావసం కల్పించి ఇళ్లను కూల్చాలని డిమాండ్‌ చేశారు. మంగళవారం ఇళ్ళను పొక్లెయిన్లతో కూల్చి వేస్తున్న క్రమంలో అడ్డుకున్న ముగ్గురికి స్వల్ప గాయాలయ్యాయి. దీంతో స్థానికులు పునరావాసం కల్పించి న్యాయం చేయాలని కలెక్టర్‌, కమిషనర్‌, నగర మేయర్‌కు వినతిపత్రాలు అందించారు. పిల్లాపాపలతో రోడ్డున పడతామని, కాస్త కనికరం చూపి న్యాయం చేయాలని వేడుకున్నారు.

40 ఏళ్ల నుంచి నివసిస్తున్నాం ఇళ్లను తొలగించడం అన్యాయం ఇన్నర్‌రింగ్‌రోడ్డు ఫేజ్‌–3లో ఇళ్ళు కోల్పోతున్న 200 కుటుంబాల ఆవేదన