TV
ఖాన్‌ యూనిస్: గాజా స్ట్రిప్‌లో హమాస్‌ మిలిటెంట్‌ గ్రూప్‌పై యుద్ధం పేరిట ఇజ్రాయెల్‌ సైన్యం రక్తపుటేరులు పారిస్తోంది. గురువారం బీట్‌ లాహియా, ఖాన్‌ యూనిస్, అల్‌–మఘాజీ ప్రాంతాలపై వైమానిక దాడులతో విరుచుకుపడింది. ఈ దాడుల్లో ఒకేరోజు 50 మంది పాలస్తీనియన్లు మరణించారని గాజా ఆరోగ్య శాఖ ప్రకటించింది.
వైమానిక దాడుల నుంచి తప్పించుకోవడానికి వేలాది మంది సామాన్య ప్రజలు ఇతర ప్రాంతాలకు తరలివెళ్లారని ప్రపంచ ఆరోగ్య సంస్థ వెల్లడించింది. మరోవైపు ఆక్రమిత వెస్ట్‌బ్యాంక్‌లోని రమల్లాతోపాటు ఇతర నగరాలపై ఇజ్రాయెల్‌ సైన్యం దాడులు కొనసాగిస్తోంది. అక్టోబర్‌ 7 నుంచి మొదలైన ఇజ్రాయెల్‌ దాడుల్లో గాజాలో ఇప్పటిదాకా 21,320 మంది ప్రాణాలు కోల్పోయారు. మరో 55,603 మంది గాయపడ్డారు.
Comments
Please login to add a commentAdd a comment