ట్రాప్‌ చేసి నగ్నవీడియోలు తీసి.. వాస్తవ ఘటనలతో 'అంతం కాదిది ఆరంభం’ మూవీ

ఇషాన్‌ హీరోగా నటించి, దర్శకత్వం వహించిన చిత్రం ‘అంతం కాదిది ఆరంభం’. శక్తి మహీంద్రా, నిష్మా, ప్రణాళి హీరోయిన్స్‌. ప్రభు పౌల్‌రాజ్, సిరాజ్‌ నిర్మించారు. ఈ చిత్రం మోషన్‌ పోస్టర్‌ని డైరెక్టర్‌ దశరథ్‌ విడుదల చేసి, మాట్లాడుతూ– ‘‘తమిళనాడులోని పొల్లాచ్చిలో జరిగిన ఓ వాస్తవ ఘటన ఆధారంగా ఈ సినిమా తీశారు. తమని ట్రాప్‌ చేసి, నగ్న వీడియోలు తీసి వాట్సప్‌ గ్రూపుల్లో షేర్‌ చేసిన వ్యక్తిని బాధిత అమ్మాయిలు ఎలా పట్టుకున్నారు? అనేదే ఈ చిత్రకథ’’ అన్నారు.

సిరాజ్‌ మాట్లాడుతూ– ‘‘ప్రస్తుత సమాజంలో జరుగుతున్న వాస్తవ ఘటనలతో ఇషాన్‌ ఈ చిత్రాన్ని చక్కగా తెరకెక్కించాడు’’ అన్నారు. సంగీత దర్శకుడు వినోద్‌ యాజమాన్య, రచయిత రాంబాబు గోసాల, షేర్‌ స్టూడియోస్‌ అధినేత దేవీ ప్రసాద్‌ పాల్గొన్నారు. ఈ చిత్రానికి కెమెరా: టి. శ్రీనివాసరావు, ఎగ్జిక్యూటివ్‌ ప్రొడ్యూసర్‌: కర్రి మోహన్‌.