TV
వరుస ఫ్లాపులతో సతమతవుతున్న రవితేజకి పూర్వ వైభవాన్ని తీసుకొచ్చిన సినిమా ‘క్రాక్’.గోపీచంద్ మ‌లినేని దర్శకత్వం వహించిన ఈ సినిమాలో హీరోయిన్‌గా శ్రృతీ హాసన్‌, కీలకపాత్రలో స‌ముద్ర ఖ‌ని, వ‌ర‌ల‌క్ష్మి శ‌ర‌త్ కుమార్ నటించారు. సంక్రాంతి కానుకగా ఈ ఏడాది జనవరి 9న విడుదలై ఈ సినిమా బాక్సాఫీస్‌ వద్ద భారీ వసూళ్లను రాబట్టింది. కొత్త ఏడాది తొలి భారీ విజయం అందుకున్న సినిమాగా రికార్డుకెక్కింది.ఈ సినిమాలో మరోసారి తనకు అచ్చొచ్చిన పోలీసు పాత్రలో కనిపించి అభిమానుల ఫిదా చేశాడు రవితేజ.
ఇక ఈ సినిమా ఇప్పుడు ప్రముఖ ఓటీటీ ‘ఆహా’లో స్ట్రీమింగ్‌ అవుతున్న విషయం తెలిసిందే. ఓటీటీలో కూడా ‘క్రాక్’కిర్రాక్‌ హిట్‌ టాక్‌తో దూసుకెళ్తోంది. ఈ నేపథ్యంలో ‘బెస్ట్ ఆఫ్ క్రాక్’పేరిట ఆహా ఓ వీడియోను విడుద‌ల చేసింది. అందులో సినిమాలో వచ్చే కొన్ని కీలక సన్నివేశాలు, రవితేజ మాస్‌ డైలాగులతో పాటు హీరో, హీరోయిన్ల మధ్య వచ్చే రొమాంటిక్‌ సీన్స్‌ కూడా ఉన్నాయి. ప్రస్తుతం ఈ వీడియో సోషల్‌ మీడియాలో వైరల్‌ అయింది.
చదవండి:
అరుదైన ఫోటోను షేర్‌ చేసిన మేఘనా రాజ్‌
స్పీడు పెంచిన 'ఏక్ మినీ కథ' హీరో.. ఆ డైరెక్టర్‌తో నెక్స్ట్‌ సినిమా!
Comments
Please login to add a commentAdd a comment