టిల్లులో రాధికలా...

‘బిగ్‌ బాస్‌’ ఫేమ్‌ అశ్విని శ్రీ ప్రధాన పాత్రలో నటిస్తున్న ఉమెన్‌ సెంట్రిక్‌ ఫిల్మ్‌ ‘మిస్‌ జానకి’ప్రారంభోత్స వం శనివారం హైదరాబాద్‌లో జరిగింది. తొలి సన్నివేశానికి నిర్మాత సి. కల్యాణ్‌ క్లాప్‌ ఇచ్చారు. సతీష్‌కుమార్‌ దర్శకత్వంలో నాగరాజు నెక్కంటి నిర్మిస్తున్న ఈ సినిమా రెగ్యులర్‌ షూటింగ్‌ ఈ నెల 20నప్రారంభం కానుంది.

ఈ సందర్భంగా అశ్వినీ మాట్లాడుతూ– ‘‘మిస్‌ జానకి’ కథ చాలా డిఫరెంట్‌గా ఉంటుంది. ‘డీజే టిల్లు’ సినిమాలోని రాధిక పాత్రలా, ఈ సినిమాలో నేను చేసే జానకి పాత్ర కూడా గుర్తుండిపోతుందనుకుంటున్నాను’’ అన్నారు. ‘‘ప్రేక్షకులకు నచ్చే అన్ని అంశాలు ఈ సినిమాలో ఉన్నాయి’’ అన్నారు దర్శక–నిర్మాతలు.