కొత్తవాళ్లు సక్సెస్‌ అవ్వాలి

విజయ్‌ రాజ్‌కుమార్, నేహా పఠాని జంటగా భరత్‌ మిత్ర దర్శకత్వంలో రూపొందిన చిత్రం ‘ఏం చేస్తున్నావ్‌?’. నవీన్‌ కురవ, కిరణ్‌ కురవ నిర్మించిన ఈ చిత్రం ఈ నెల 25న విడుదల కానుంది.

ఈ సందర్భంగా జరిగిన ఈ సినిమా టీజర్‌ లాంచ్‌ ఈవెంట్‌లో ముఖ్య అతిథిగా పాల్గొన్న శ్రీ విష్ణు మాట్లాడుతూ – ‘‘ఇండస్ట్రీలో కొత్తవాళ్లు విజయం సాధిస్తే నాకు సంతోషంగా ఉంటుంది. దర్శకుడు భరత్‌కు మంచి విజన్‌ ఉంది. ఈ సినిమా విజయం సాధించాలి’’ అన్నారు. ‘‘18–30 వయసు మధ్య ఉన్న ప్రేక్షకులకు ఈ సినిమా బాగా కనెక్ట్‌ అవుతుంది’’ అన్నారు భరత్‌ మిత్ర. ‘‘ఈ సినిమా ఫస్ట్‌ హాఫ్‌ డీసెంట్‌గా, సెకండాఫ్‌లో ఆడియన్స్‌ తల తిప్పుకోలేని సీన్స్‌ ఉంటాయి’’ అన్నారు విజయ్‌ రాజ్‌కుమార్‌.