TV
‘‘ముప్పై నాలుగు నిమిషాల షాట్‌ని ‘105 మినిట్స్‌’ సినిమా కోసం సింగిల్‌ టేక్‌లో చేయడం అనేది నాకు ఒక కొత్త ఎక్స్‌పీరియన్స్‌. దాదాపు ఎనిమిది రోజుల రిహార్సల్స్‌ తర్వాత ఈ షాట్‌ చేశాం. ఇలాంటి ప్రయోగాలు ఈ సినిమాలో చాలా ఉన్నాయి’’ అని హన్సిక అన్నారు. హన్సిక లీడ్‌ రోల్‌లో నటించిన చిత్రం ‘105 మినిట్స్‌’. రాజు దుస్సా దర్శకత్వంలో బొమ్మక్‌ శివ నిర్మించిన ఈ చిత్రం ఈ నెల 26న విడుదల కానుంది.
ఈ సందర్భంగా హైదరాబాద్‌లో జరిగిన ఈ సినిమా ట్రైలర్‌ లాంచ్‌ ఈవెంట్‌లో హన్సిక మాట్లాడుతూ – ‘‘పూర్తి స్థాయి ప్రయోగాత్మక చిత్రం ఇది. ప్రేక్షకులు థియేటర్స్‌లో మా సినిమాను చూసి, సక్సెస్‌ చేయాలని కోరుకుంటున్నా’’ అన్నారు. ‘‘సింగిల్‌ సిట్టింగ్‌లోనే హన్సికగారు ఈ సినిమా కథ ఒప్పుకున్నారు’’ అన్నారు రాజు దుస్సా. ‘‘ఈ సినిమాను ముందు ప్రపంచవ్యాప్తంగా తెలుగులో విడుదల చేస్తాం. ఆ తర్వాత ఇతర భాషల్లో విడుదల చేస్తాం’’ అన్నారు సహనిర్మాత సుమన్‌.
Comments
Please login to add a commentAdd a comment