సస్పెన్స్‌ థ్రిల్లర్‌గా ‘జ్యువెల్‌ థీఫ్‌’

కృష్ణసాయి, మీనాక్షీ జైస్వాల్‌ జంటగా నటించిన చిత్రం ‘జ్యువెల్‌ థీఫ్‌’. పీఎస్‌ నారాయణ దర్శకత్వం వహించిన ఈ మూవీలో ప్రేమ, అజయ్, శివారెడ్డి, శ్రావణి, శ్వేతారెడ్డి నటించారు. మల్లెల ప్రభాకర్‌ నిర్మించారు. ఈ చిత్రం టీజర్, ఆడియో లాంచ్‌ వేడుకకి ముఖ్య అతిథులుగా సెంట్రల్‌ రిజర్వ్‌ పోలీస్‌ ఫోర్స్‌ డీఐజీ అనిల్‌ మింజ్, ఇన్‌కమ్‌ ట్యాక్స్‌ కమిషనర్‌ జీవన్‌ లాల్‌ లవిదియ, అతిథిగా నటి ఎస్తేర్‌ హాజరై, సినిమా విజయం సాధించాలని ఆకాంక్షించారు. 

కృష్ణ సాయి మాట్లాడుతూ– ‘సస్పెన్స్‌  థ్రిల్లర్‌గా రూపొందిన చిత్రం ‘జ్యువెల్‌ థీఫ్‌’’ అన్నారు. ‘‘కృష్ణసాయికి తగ్గ కథను పది రోజుల్లోనే పూర్తి చేశాను. అందర్నీ ఆకట్టుకునే సినిమా ఇది’’ అన్నారు పీఎస్‌ నారాయణ. ‘‘ఈ మూవీలో మంచి పాత్ర చేశాను’’ అన్నారు నటి ప్రేమ.