పోటాపోటీ యాక్షన్‌

అర్జున్, జేడీ చక్రవర్తి లీడ్‌ రోల్స్‌లో నటించిన కన్నడ క్రైమ్‌ యాక్షన్‌ ఫిల్మ్‌ ‘ఒప్పంద: కాంట్రాక్ట్‌’. ఈ చిత్రంలో రాధికా కుమార స్వామి, సోనీ చరిష్ఠ హీరోయిన్లుగా నటించారు. ఎస్‌ఎస్‌ సమీర్‌ దర్శకత్వంలో డీఎస్‌ రెడ్డి సమర్పణలో మహమ్మద్‌ ఫర్హీన్‌ ఫాతిమా నిర్మించిన ఈ చిత్రం తెలుగులో ‘ఇద్దరు’ పేరుతో రేపు విడుదల కానుంది.

ఈ సందర్భంగా జరిగిన విలేకర్ల సమావేశంలో సమీర్‌ మాట్లాడుతూ– ‘‘ఈ చిత్రంలో అర్జున్, చక్రవర్తిగార్లు పోటాపోటీగా నటించారు. కళాతపస్వి కె. విశ్వనాథ్‌గారు, ఆమిర్‌ ఖాన్‌ తమ్ముడు ఫైజల్‌ ఖాన్‌ కూడా నటించారు. మా సినిమాని ప్రేక్షకులు సక్సెస్‌ చేయాలి’’ అని అన్నారు.