Laal Singh Chaddha: కార్గిల్‌ టు శ్రీనగర్‌

లడఖ్‌ నుంచి శ్రీనగర్‌కు షిఫ్ట్‌ అవుతున్నారు లాల్‌సింగ్‌ అండ్‌ కో. ఆమిర్‌ ఖాన్‌ హీరోగా నటిస్తున్న తాజా చిత్రం ‘లాల్‌సింగ్‌ చద్దా’. కరీనా కపూర్‌ హీరోయిన్‌గా నటిస్తున్న ఈ చిత్రంలో నాగచైతన్య కీలక పాత్ర చేస్తున్నారు. ఈ చిత్రానికి అద్వైత్‌ చందన్‌ డైరెక్టర్‌. ఇటీవల లడఖ్‌లో యుద్ధ సన్నివేశాలను పూర్తి చేసిన ఈ చిత్రబృందం ప్రస్తుతం శ్రీనగర్‌లో కొత్త షూటింగ్‌ షెడ్యూల్‌ను ఆరంభించడానికి సన్నాహాలు చేస్తోంది.

ఇందుకు సంబంధించిన సెట్‌ వర్క్స్‌ జరుగుతున్నాయి. ఈ వారంలో షూటింగ్‌ను ఆరంభిస్తారు. శ్రీనగర్, కశ్మీర్‌ లొకేషన్స్‌లో ముఖ్యంగా ఆమిర్, నాగచైతన్య కాంబినేషన్‌ సీన్స్‌ను చిత్రీకరిస్తారు. ఈ షెడ్యూల్‌తో సినిమా చిత్రీకరణ దాదాపు పూర్తవుతుంది. ‘లాల్‌సింగ్‌ చద్దా’ చిత్రం ఈ ఏడాది డిసెంబరులో విడుదల కానుంది. ఆస్కార్‌ విన్నింగ్‌ హాలీవుడ్‌ ఫిల్మ్‌ ‘ఫారెస్ట్‌ గంప్‌’కు హిందీ రీమేక్‌గా ‘లాల్‌సింగ్‌ చద్దా’ తెరకెక్కుతోంది.