రెండు రోజులు పాటు ఉచితంగా నెట్‌ఫ్లిక్స్‌

కొన్ని రోజులుగా సినిమా అభిమనులను నెట్‌ఫ్లిక్స్‌ ఊరిస్తూ బంపర్‌ ఆఫర్‌ అంటూ ప్రచారం చేస్తున​ సంగతి తెలిసిందే. సినిమా ప్రేమికుల ఎదురుచూపులకు తెరదించతూ రెండు రోజుల ఫ్రీ ఆఫర్‌ను ప్రకటించింది. స్ట్రీమ్ ఫెస్ట్‌లో భాగంగా భారత దేశమంతటా నేడు, రేపు ఫ్రీగా నెట్‌ఫ్లిక్స్‌ను వినియోగించుకోవచ్చని ఆ సంస్థ తెలిపింది. ఈ రెండు రోజుల పాటు నెట్‌ఫ్లిక్స్ లో ఉచితంగా వీడియోలను వీక్షించవచ్చు. ఈ ఆఫర్‌ డిసెంబర్‌ 5 అర్ధరాత్రి 12 గంటల నుంచి ప్రారంభమైంది. ఈ ఆఫర్‌ను మొదటగా మనదేశంలోనే అందుబాటులోకి తీసుకొచ్చారు. నెట్‌ఫ్లిక్స్ చరిత్రలో ఇటువంటి ఆఫర్‌ పెట్టడం ఇదే మొదటిసారి. దీంతో ఈ ఆఫర్‌ను వినియోగించుకుంటున‍్న ​నెట్‌ఫ్లిక్స్‌ యూజర్లు తమ ఆనందాలను ట్విట్టర్‌ వేదికగా రకరకాల మీమ్స్‌ పెడుతూ నలుగురితో పంచుకుంటున్నారు.