యువత గెలవాలి – సిద్ధార్థ్‌  

∙అభయ్‌ నవీన్, సిద్ధార్థ్‌

‘‘రామన్న యూత్‌’ టైటిల్‌ బాగుంది. అభయ్‌ నాకు ఇష్టమైన నటుడు. ఈ సినిమాలో ఒక కథను కాకుండా తన జీవితంలో చూసిన ఊరి అనుభవాలను తెరకెక్కించాడు. ట్రైలర్‌లో వినోదం, భావోద్వేగాలు కనిపిస్తున్నాయి. ఎక్కడైనా యువత గెలవాలి.. అలా ఈ ‘రామన్న యూత్‌’ కూడా గెలవాలి’’ అని హీరో సిద్ధార్థ్‌ అన్నారు. అభయ్‌ నవీన్‌ హీరోగా నటించి, దర్శకత్వం వహించిన చిత్రం ‘రామన్న యూత్‌’. ఫైర్‌ ఫ్లై ఆర్ట్స్‌ సంస్థ నిర్మించిన ఈ సినిమా ఈ నెల 15న విడుదలవుతోంది.

ఈ చిత్రం ట్రైలర్‌ను సిద్ధార్థ్‌ విడుదల చేశారు. అభయ్‌ నవీన్‌ మాట్లాడుతూ– ‘‘ఒక ఊరిలో రాజకీయ నాయకుడిగా ఎదగాలనుకుని రాజు అనే యువకుడు చేసిన ప్రయత్నాలు అతని జీవితాన్ని ఎలా మార్చాయి? అనేది సినిమాలో చూపిస్తున్నాం. గ్రామీణ నేపథ్యంలో సాగే పోలిటికల్‌ ఎంటర్‌టైనర్‌ చిత్రమిది’’ అన్నారు. ఈ చిత్రానికి సంగీతం: కమ్రాన్, కెమెరా: ఫహాద్‌ అబ్దుల్‌ మజీద్, ఎగ్జిక్యూటివ్‌ ప్రోడ్యూసర్‌: శివ ఎంఎస్‌కే.