TV
బాలీవుడ్‌ సెలబ్రిటీలందరూ ఒకే వేదికపై కనిపిస్తే.. అందరూ సంతోషంగా స్టెప్పులేస్తుంటే.. చూడటానికి భలే ఉంటుంది కదూ! అంతా ఒకే కుటుంబంగా అనిపిస్తుంది. ఈ మధ్య అంబానీ ఇంట జరిగిన సెలబ్రేషన్స్‌లో బాలీవుడ్‌ స్టార్స్‌ అందరూ హాజరయ్యారు. అయితే అప్పట్లోనే స్టార్‌ సెలబ్రిటీలు తన పెళ్లిలో సందడి చేశారంటోంది హీరో రణ్‌బీర్‌ కపూర్‌ సోదరి రిద్ధిమా కపూర్‌.
స్టార్స్‌ డ్యాన్స్‌
బాలీవుడ్‌ స్టార్‌ రిషి కపూర్‌- నీతూ కపూర్‌ల కూతురు రిద్ధిమా కపూర్‌ వివాహం 2006లో జరిగింది. ఈ పెళ్లిలో శ్రీదేవి నుంచి షారుక్‌ ఖాన్‌ వరకు అందరూ సందడి చేశారు. తాజాగా ఈ విషయాన్ని గుర్తు చేసుకుంది రిద్ధిమా. ఆమె మాట్లాడుతూ.. శ్రీదేవిగారు, సల్మాన్‌ ఖాన్‌, షారుక్‌ ఖాన్‌.. ఇలా అందరూ నా సంగీత్‌లో డ్యాన్స్‌ చేశారు. ఇదంతా నాన్న వల్లే సాధ్యమైంది.
ఆయన వల్లే సాధ్యం
ఆయన ప్రేమ, సంకల్పం వల్లే ఆ వేడుక అంత ఘనంగా జరిగింది. వాళ్లంతట వాళ్లే ఇష్టంగా, మనస్ఫూర్తిగా డ్యాన్స్‌ చేశారు. అదంతా ఎంతో సరదాగా జరిగిపోయింది. ప్రతిఒక్కరూ ఆ ఫంక్షన్‌ను ఎంజాయ్‌ చేశారు. తమ ఇంటి పండుగ.. కాదు కాదు.. తమ కుటుంబంలోని షాదీలా ఫీలయ్యారు అంటూ ఆ జ్ఞాపకాలను నెమరువేసుకుంది. కాగా రిద్ధిమా- భరత్‌ పెళ్లి చేసుకుని 18 ఏళ్లవుతోంది. వీరికి సమర అనే కూతురు పుట్టింది. ఫాబ్యులస్‌ లైవ్స్‌ ఆఫ్‌ బాలీవుడ్‌ వైవ్స్‌ అనే నెట్‌ఫ్లిక్స్‌ సిరీస్‌తో త్వరలోనే నటనా రంగంలోకి ప్రవేశించనుంది.
Comments
Please login to add a commentAdd a comment