TV
యాక్షన్‌ సీన్‌ చిత్రీకరణలో హీరోయిన్ సమంతకు గాయమైంది. ఈ విషయాన్ని తనే స్వయంగా వెల్లడించింది. మోకాలికి అయిన గాయానికి సూదులతో చికిత్స తీసుకుంటున్న ఫోటోను తన ఇన్‌స్టాగ్రామ్‌ స్టోరీలో పోస్ట్‌ చేసింది. గాయాలపాలవకుండా నేను యాక్షన్‌ స్టార్‌ అవగలనా? అని అని రాసుకొచ్చింది.
సామ్‌కు గాయం
అయితే ఏ సినిమా షూటింగ్‌లో గాయపడిందన్న విషయాన్ని మాత్రం వెల్లడించలేదు. అయితే సామ్‌ చేతిలో ప్రస్తుతం బంగారం అనే మూవీ ఉంది. బహుశా ఈ సినిమా చిత్రీకరణలోనే తను గాయపడి ఉండొచ్చని తెలుస్తోంది. కాగా ఈ బ్యూటీ చివరిసారిగా ఖుషి సినిమాలో కనిపించింది. అనంతరం సిటాడెల్‌: హనీ బన్నీ అనే వెబ్‌ సిరీస్‌లో యాక్ట్‌ చేసింది.
వెబ్‌ సిరీస్‌లో..
చిత్రీకరణ పూర్తి చేసుకున్న ఈ సిరీస్‌ నిర్మాణానంతర కార్యక్రమాలు జరుపుకుంటోంది. వరుణ్‌ ధావన్‌ హీరోగా, సమంత హీరోయిన్‌గా నటించిన ఈ యాక్షన్‌ థ్రిల్లర్‌కు రాజ్‌ అండ్‌ డీకే దర్శకత్వం వహించారు. ఈ సిరీస్‌ నవంబర్‌ 7 నుంచి అమెజాన్‌ ప్రైమ్‌ వీడియోలో స్ట్రీమింగ్‌ కానుంది.
Comments
Please login to add a commentAdd a comment