TV
‘డీజే టిల్లు పేరు.. వీని స్టయిలే వేరు..’ అంటే యూత్‌తో పాటు ఫ్యామిలీస్‌ని కూడా ఆకట్టుకున్నాడు టిల్లు. సిద్ధు జొన్నలగొడ్డ టైటిల్‌ రోల్‌లో మీడియమ్‌ బడ్జెట్‌తో రూపొందిన ‘డీజే టిల్లు’ మంచి వసూళ్లు రాబట్టింది. ఇప్పుడు ఈ చిత్రానికి సీక్వెల్‌గా సిద్ధు జొన్నలగడ్డతోనే నాగవంశీ, సాయి సౌజన్య ‘టిల్లు స్క్వేర్‌’ చిత్రం నిర్మిస్తున్నారు.
మల్లిక్‌ రామ్‌ దర్శకత్వం వహిస్తున్న ఈ చిత్రంలో అనుపమా పరమేశ్వరన్‌ కథానాయిక. ఈసారి రెట్టింపు వినోదం గ్యారంటీ అంటూ.. సెప్టెంబర్‌ 15న ఈ చిత్రాన్ని విడుదల చేయనున్నట్లు సోమవారం చిత్ర యూనిట్‌ ప్రకటించింది. అలాగే సిద్ధు, అనుపమల రొమాంటిక్‌ పోస్టర్‌ని రిలీజ్‌ చేసింది. ఈ చిత్రానికి సంగీతం: రామ్‌ మిరియాల, శ్రీ చరణ్‌ పాకాల, కెమెరా: సాయి ప్రకాశ్‌ ఉమ్మడిసింగు, సమర్పణ: శ్రీకర స్టూడియోస్‌.
Comments
Please login to add a commentAdd a comment