"వినరో భాగ్యము విష్ణు కథ" నుంచి మరో లిరికల్‌ సాంగ్‌ విడుదల

యంగ్‌ హీరో కిరణ్‌ అబ్బవరం నటిస్తున్న తాజా చిత్రం వినరో భాగ్యము విష్ణు కథ. మెగా ప్రొడ్యూస‌ర్ అల్లు అరవింద్ స‌మ‌ర్ప‌ణ‌లో జీఏ2 పిక్చ‌ర్స్ బ్యాన‌ర్‌పై బన్నీవాసు నిర్మాతగా వ్యవహరిస్తున్నారు. ఈ సినిమాతో ముర‌ళి కిషోర్ అబ్బురు ద‌ర్శ‌కుడిగా తెలుగు ఇండస్ట్రీకి ప‌రిచయం అవుతున్నారు.కిరణ్ సరసన  క‌శ్మీర ప‌ర్ధేశీ నటిస్తోంది.

తిరుమల తిరుపతి నేపథ్యంలో తెరకెక్కుతోన్న ఈ చిత్రంలో ఇప్పటికే రిలీజైన  "వాసవసుహాస" "బంగారం" పాటకు మంచి రెస్పాన్స్‌ వచ్చింది. తాజాగా మరో లిరికల్‌ దర్శన సాంగ్‌ను విడుదల చేసింది చిత్రబృందం. భాస్కర భట్ల రవికుమార్ రచించిన ఈ పాటను అనురాగ్ కులకర్ణి ఆలపించారు. చైతన్ భరద్వాజ్ సంగీతం అందిస్తున్నారు. ఫిబ్రవరి 17న ఈ సినిమా విడుదల కానుంది.