Vishal 33: విశాల్‌ పాన్‌ ఇండియా చిత్రం ఖరారు

యాక్షన్ హీరో విశాల్, మ్యాన్లీ స్టార్ ఆర్య కాంబినేషన్‌లో వచ్చిన ఎనిమి సూపర్ హిట్ టాక్‌తో మంచి కలెక్షన్లు సాధించింది.  ఎనిమీ సినిమాను మిని స్టుడియోస్ బ్యానర్ మీద ఎస్ వినోద్ కుమార్ నిర్మించారు. తాజాగా మరోసారి ఈ కాంబినేషన్ సెట్ అయింది. విశాల్ హీరోగా ఎస్ వినోద్ కుమార్ మరో సినిమాను నిర్మించబోతున్నారు.

పాన్ ఇండియా స్థాయిలో రాబోతోన్న ఈ ప్రాజెక్టుకు సంబంధించిన అప్‌డేట్‌ను మేకర్లు గురువారం ప్రకటించారు. విశాల్ కెరీర్‌లో 33వ సినిమాగా రాబోతోన్న ఈ ప్రాజెక్టుకు అధిక్ రవిచంద్రన్ దర్శకుడిగా వ్యవహరించనున్నారు. భారీ ఎత్తున నిర్మించనున్న ఈ చిత్రానికి సంబంధించిన పూర్తి వివరాలను త్వరలోనే చిత్రయూనిట్ వెల్లడించనుంది.