‘గామి’కి సమయమే పెట్టుబడి.. ఐదేళ్లుగా ఈ సినిమా తీయడానికి కారణమిదే

‘గామి’సినిమా తీయడానికి ఐదేళ్లు పడుతుందని ముందే తెలుసు. దర్శకుడు విద్యాధర్‌ ఈ కథను  పెద్ద కాన్వాస్ లో రాసుకున్నాడు. సమయమే దీనికి పెద్ద పెట్టుబడి. ఇది ఎప్పుడొచ్చిన కొత్తగా ఉండే సినిమా. ఎందుకంటే ఈ తరహాలో ఇప్పటివరకూ ఎవరూ తీయలేదు. ఎప్పుడు వచ్చినా ఇంతే అద్భుతమైన క్యాలిటీతో రావాలని ముందే నిర్ణయించుకున్నాం. ఇప్పుడు సరైన టైమ్ లోనే వస్తున్నాం’ అన్నారు హీరో విశ్వక్‌ సేన్‌. మాస్ కా దాస్ విశ్వక్ సేన్ ప్రతిష్టాత్మక ప్రాజెక్ట్ 'గామి'. విద్యాధర్ కాగిత దర్శకత్వంలో కార్తీక్ కుల్ట్ క్రియేషన్స్‌పై కార్తీక్ శబరీష్ నిర్మించిన ఈ చిత్రంలో చాందినీ హీరోయిన్‌. ఈ సినిమాకు క్రౌడ్ ఫండ్ చేశారు. వి సెల్యులాయిడ్ ప్రజెంట్ చేస్తోంది. మార్చి 8న ప్రేక్షకుల ముందుకు రానుంది. ఈ నేపధ్యంలో హీరో విశ్వక్ సేన్ మీడియాతో ముచ్చటించారు. ఆ విశేషాలు.. 

► దర్శకుడు విద్యాధర్ నేను చేసిన 'వెళ్లిపోమాకే' చూసి సంప్రదించారు. అప్పటికి 'ఈ నగరానికి ఏమైయింది' రిలీజ్ కాలేదు. తను కథ చాలా పెద్ద కాన్వాస్ లో కథరాసుకున్నాడు. ఒకవేళ ఏడాదిలో ఈ మూవీ తీయాలనుకుంటే వందకోట్ల పైగా బడ్జెట్ అవుతుంది. వారణాసి, కుంభమేళలో గొరిల్లా షూట్ చేయగలిగాం. అలా బడ్జెట్ కలిసొచ్చింది. 

► విద్యాధర్ షూటింగ్ ముందు స్క్రిప్ట్ అంతా చదవాలని చెప్పాడు. చదవాను. చాలా పెద్ద స్క్రిప్ట్. చదువుతున్నప్పుడే అసలు దిన్ని ఎలా తీయగలమనే భయం వేసేది. ఈ సినిమా కోసం దర్శకుడు ఓ మూడేళ్ళు ముందుగానే ప్రీ ప్రొడక్షన్ వర్క్ చేసుకున్నాడు. తన ఆఫీస్ అంతా ప్రిపరేషన్ ఉంటుంది. దాదాపు తొమ్మిదేళ్ళు ఈ సినిమాతోనే ఉన్నాడు. తను అనుకున్న సినిమాని అనుకున్నట్లు తీయాలంటే ఎలాంటి రిసెర్చ్ చేయాలో ముందుగానే చేసుకున్నాడు. ఈ సినిమా టీం మొత్తం పది శాతం అయితే 90 శాతం కష్టం దర్శకుడిదే.

► గామి షూటింగ్‌కి  ఐదేళ్ళు పట్టింది. నా లుక్ విషయంలో చాలా కేర్ తీసుకున్నాం. పదిహేను రోజులకు ముందే షూటింగ్ గురించి తెలిసాక మెల్లగా ఆ లుక్ లోకి రావడానికి ప్రిపేర్ అయ్యేవాడిని. అఘోర పాత్ర కోసం దర్శకుడు కావాల్సిన రిసెర్చ్ ఇచ్చారు. కుంభమేళాలో అయితే కొన్ని లక్షల మంది అఘోరాలు ఉంటారు. వారిలో కలసిపోయి ఉండేవాడిని. నా స్టయిల్ లో ఎక్స్ ఫ్లోర్ చేసుకుంటూ వెళ్లాను. నిజంగా నేను అఘోరా అనుకోని చాలా మంది దానాలు చేశారు. ఈ సినిమా ప్రతి రోజు ఒక సవాలే. మైనస్ 30 డిగ్రీల్లో షూట్ చేశాం. కాళ్ళు చేతులు గడ్డలు కట్టేసేవి. నిజంగా అవి తచుకుంటే ఇంత రిస్క్ చేశామా అనిపిస్తుంది. ఇప్పుడు చేయమంటే మాత్రం చేయను. (నవ్వుతూ)

► ఈ సినిమా స్క్రీన్ ప్లే మాత్రం డన్‌కిర్క్ స్టయిల్ లో  ఉంటుంది. సినిమా చూస్తున్నపుడు ఈ స్క్రీన్ ప్లే ని చాలా ఎంజాయ్ చేస్తారు.  స్క్రీన్ ప్లే అందరికీ అర్ధమయ్యేలానే ఉంటుంది. సౌండ్ చాలా అద్భుతంగా ఉంటుంది. టెక్నికల్ ఎలిమెంట్స్ చాలా ఎంజాయ్ చేస్తారు. సెకండ్ హాఫ్ మైండ్ బ్లోయింగ్ గా ఉంటుంది. ఇందులో నా పాత్రకు డైలాగ్స్ తక్కువ ఉంటాయి. కంప్లీట్ పెర్ఫార్మెన్స్ ఓరియంటెడ్ గా ఉంటుంది. చాందిని, అభినయ ఇలా అందరి పాత్రల్లో డెప్త్ ఉంటుంది.

► ఈ సినిమాకి నేను చేసిన సపోర్ట్ రెమ్యునిరేషన్ తీసుకోకపోవడం. వాళ్ళకి బర్డెన్ కాలేదు. మొదట రోజు సెట్ లో ఎలాంటి లైఫ్ స్టయిల్ లో ఉన్నానో ఆరు నెలలు క్రితం షూట్ కి వెళ్ళినప్పుడు కూడా అలానే ఉన్నాను. డెబ్బై రోజులు ఈ సినిమా కోసం పని చేశాను. నిజంగా ఈ సినిమా షూటింగ్ ఒక సాహసమే. మంచు పడితే ప్రాణానికే ప్రమాదం అని తెలిసి కూడా షూటింగ్ కి  వెళ్ళేవాళ్ళం. చాందిని కూడా చాలా కష్టపడింది.  

► ప్రతి సినిమాకి ఒకలానే కష్టపడతా. ప్రాణం పెట్టి పని చేస్తాను. గామికి ఎంత కష్టపడ్డానో గ్యాంగ్స్ అఫ్ గోదావరి, మొకానిక్ రాకీ కి కూడా అంతే కష్టపడ్డాను. ఈ మూడూ  గేమ్ ఛేంజర్స్ గానే భావిస్తాను. లైలా  మూవీ మేలో మొదలౌతుంది. సుధాకర్ చెరుకూరి గారి నిర్మాణంలో ఓ సినిమా చేస్తున్నాను.